Арыс қаласында санитарлық тазалық пен абаттандыру талаптарының сақталуын қамтамасыз ету бағытындағы жұмыстар жалғасуда.
«Таза Қазақстан» бағдарламасы және «Заң және тәртіп» қағидаты аясында қала аумағымен қатар, ауылдық округтерде де рейдтік бақылау шаралары жүргізілуде.
Жұмысшы топ өкілдері елді мекендерді аралап, тазалық талаптарының сақталуын тексеріп, тұрғындарға түсіндіру жұмыстарын жүргізуде.
Рейд барысында белгіленген тәртіпті бұзған азаматтарға қатысты тиісті шаралар қабылдануда. Атап айтқанда, осы апта басынан бері тазалық талаптарын сақтамаған 13 азаматқа әкімшілік құқықбұзушылық туралы хаттама толтырылды.
Жалпы жыл басынан бері қала аумағында тазалық пен абаттандыру талаптарын бұзған 346 азаматқа қатысты тиісті шаралар көрілді.
Тазалық пен қоғамдық тәртіпті сақтау – баршаға ортақ міндет. Осыған байланысты мамандар тұрғындардан белгіленген талаптарды қатаң сақтап, қоқыс пен тұрмыстық қалдықтарды рұқсат етілмеген орындарға тастамауды және өз аумақтарының тазалығына жауапкершілікпен қарауды сұрайды.
Арыс қаласында тазалық тәртібінің сақталуына бағытталған рейдтік және профилактикалық жұмыстар алдағы уақытта да тұрақты түрде жалғасын табады.
Бөлісу
