Кентау қаласындағы Т.Рысқұлов атындағы №24 жалпы білім беретін мектебінде «Біртұтас тәрбие» бағдарламасын жүзеге асыру бойынша, сынып сағаттарында қауіпсіздік сабақтарын өткізудің әдіс-тәсілдері түсіндіру мақсатында әдістемелік кеңес өткізілді. Жиналыс барысында мектеп директорының тәрбие орынбасары А.Утеева сөз алып, Қазақстан Республикасы Үкіметінің 2023 жылы 31 тамыздағы №748 қаулы Балаларды зорлық-зомбылықтан, суицидтің алдын алудан қорғау және олардың құқығы мен әл-ауқатын қамтамасыз ету жөніндегі 2023–2025 жылдарға арналған кешенді жоспар бекітілді, ол балалардың әл-ауқаты мен қауіпсіздігін қамтамасыз ету жөніндегі алгоритм мен нұсқаулықтарды әзірлеуді қарастырады. Осы жоспар аясында 130 жеке қауіпсіздік сабағы әзірленгенін атап өтті.
Сабақтардың мақсаты – балаларға күнделікті өмірде қауіпсіздікке ықпал ететін дағдыларды үйрету; жеке басын қорғау мен айналасындағыларға саналы, жауапты көзқарас қалыптастыру. Сабақ міндеттері: жеке қауіпсіздігін қорғау шаралары туралы хабардарлықты арттыру; өзін-өзі қорғау дағдыларын дамыту; жауапты мінез-құлықты қалыптастыру; психологиялық дайындық; әлеуметтік құзыреттілік; ақпараттық қауіпсіздік.
Сабақтарды апта сайын сынып сағаттарында 10 минуттан өткізілуі керек. Сабақ мазмұнына мынадай элементтер енгізілген.
- Жеке адам құқығы мен бостандығының қорғалуы, зорлық- зомбылықтың физикалық, психологиялық және моральдық нысандарын қоса алғанда, балалардың құқығы мен бостандығын қорғауды білдіреді.
- Тұлғаға қажетті сапа мен тұрмыс деңгейін қамтамасыз ету, бұл балалардың әл-ауқатын қамтамасыз етудегі білім алуына, медициналық көмек, тұрғын үй және басқа да қажеттi ресурстарға қол жеткiзуiн қамтамасыз ету.
- Қоғам мен мемлекетте адамның тұлға ретінде дамуына жағдай жасау, бұл балалардың білім алуға, мәдениетке, спортқа және өзіндік дамудың басқа да нысандарына қол жеткізуін қоса алғанда, жеке тұлға ретінде дамуына жағдай жасауды білдіреді.
Сонымен қатар, негізгі бағыттары:
1–4-сыныптар үшін (40 сабақ):
- ТЖ кезіндегі әрекеттер: ТЖҚ нөмірлері, қоңырау шалу скриптері
- Үй-жайдағы қауіпсіздік
- Көшедегі қауіпсіздік
- Бейтаныс адамдармен қарым-қатынас кезінде қауіпсіздік
- Қауіпті заттар
- Судағы, мұз үстіндегі қауіпсіздік
- Интернеттегі қауіпсіздік.
5–11-сыныптар мен ТжКБ үшін (70 сабақ):
- ТЖ кезіндегі әрекеттер: ТЖҚ нөмірлері, қоңырау шалу скриптері;
- Көшедегі, көліктегі үй-жайлардағы қауіпсіздік;
- Құқықтары мен міндеттері;
- Судағы, мұз үстіндегі қауіпсіздік
- Интернеттегі қауіпсіздік
- Жасанды интеллект: қауіптер мен тәуекелдер;
- Қаржылық сауаттылық, жұмысқа орналасу кезіндегі қауіпсіздік;
- Салауатты әдеттер туралы негізгі бағыттарын түсіндіріп, қауіпсіздік сабағы мен бағдарлама бойынша пайдалы немесе қызықты деп санайтын нақты тұстарын көрсетті.
