АЭС салу бойынша халықтың қорқынышы басым. Ол қорқыныш – апатты жағдай орын алса не болмақ, қауіпсіздікке кепіл бар ма деген сынды сауалдардан туындап отыр. АЭС салудың өзіндік тәртібі, үлкен тексерісі мен критерийлері бар. Тек Қазақстан ғана емес, халықаралық ұйымдар, яғни, Атом энергиясы жөніндегі халықаралық агенттіктің (МАГАТЭ) бақылауында болады . АЭС бір жылда салынатын мекеме емес. Оның құрылысы да біршама уақытқа созылады. Яғни, қауіпсіздік шаралары барлық тұстан қарастырылады. Сол арқылы ғана АЭС өз жұмысын бастайды.
Атом инфрақұрылымын дамытуға деген қызығушылықтың күрт өсуіне не себеп болды? Қытай елі қарқынды дамып келе жатқан экономиканы энергиямен қамтамасыз ету үшін көмір электр станцияларын жаппай пайдаланудан туындаған экологиялық жағдайды түзетуге тырысады. Қытайдағы Атом энергиясы арқылы олар басқа елдерге отынға тәуелділікті азайтуға тырысады.
