Астанадағы «Балам-ай» дамыту орталығында балаларға жәбір көрсеткен тәрбиешілердің әрекеті көпшілікті ашындырды. Сұмдық жағдайға қатысты әлеуметтік желіде видео тарап, желі қолданушылары қорлық көрсеткендерді қатаң жазаға тарту керектігін айтқан болатын. Аталған жағдайға байланысты ҚР Бас прокуроры Берік Асылов өзінің Twitter-дегі парақшасында мүмкіндігі шектеулі балаларды қорлағандар қатысты пікірін білдірді.

«Елордадағы инклюзивті балабақшада болған жантүршігерлік оқиға қайталанбауы тиіс. Балаларды қорлауға, жәбір көрсетуге жол бермеуіміз қажет. Бұл дерек бойынша қозғалған қылмыстық істің тергеу барысы бақылауда. Қорлағандар заң алдында жауап береді,» — деді ҚР Бас прокуроры.

Бөлісу