Архив за месяц: Сентябрь 2024

Ақпарат, Қоғам, Мәдениет, Өнер

ЕРЕКШЕ ҮЛГІДЕГІ АЛТЫН СЫРҒАЛАР

Оставить комментарий

“Әзірет Сұлтан” Ұлттық тарихи-мәдени музей-қорығының Мұражай қорында археологиялық қазбадан табылған алтын сырғалардың бірнеше түрлері бар. Солардың ішінде ерекше үлгідегі сырғалардың бірі — сұрақ белгісі түріндегі сырға. Мерзімделулері ХІІІ-ХІVғғ. тән, Сауран, Күлтөбе қалаларынан табылған сырғалар. Жалпы сұрақ белгісі тәрізденген сырғалар негізгі бөліктен және сырғалықтан тұрады. Бірінің сырғалығы сым, пішіні ілмек тәрізді жұқа болса, келесісінің қимасы дөңгелек, жоғарғы ұшы бар сақина түрінде жасалып, жіңішке сымға 5 дана әр түрлі мөлшердегі ұсақ інжу тас ілінген. Ғылымда мұндай сырғаларды «қыпшақ» үлгісіндегі алтын сырғалар деп атаған.

Сұрақ белгісі тәрізді, бірақ мыстан жасалған сырғалар Отырар қазбаларынан да табылғандығын атағанымыз жөн. Осы тәрізді мыстан жасалынған сырғаларды Отырар халқының қарапайым тұрғындары таққан болуы керек деп болжауға болады. Жалпы, мұндай сырғалар кейінгі ортағасырлық қабаттардан жиі табылған. Мәселен, Тараз №3 рабадының ХІІІ — ХІVғғ. қабаттарынан да сұрақ белгісі тәрізді сырға табылған.

Зерттеуші ғалым Т.Н.Сенигова мұндай сырғалардың Орталық Қазақстан аймағындағы обалардан табылуын қалалықтарға қыпшақтардың ықпал етуімен түсіндіреді. Ендеше сұрақ белгісі үлгісіндегі алтын сырғалардың кездесулері қыпшақ және басқа да далалық тайпа өкілдерінің қала халқының құрамында болғанының айғағы деп түсінуіміз керек.

Тағы да айта кету керек, осындай сұрақ белгісіне ұқсас сырғалар Түркіменстанның Ташау облысындағы ортағасырлық Шехрлик қаласынан да табылғанын ғалымдардың еңбектерінен кездестіреміз.

Келесі ерекше үлгідегі сырғалар — Күлтөбе қаласынан табылған, III-IV ғасырлардағы алтыннан жасалған «калаш» түріндегі сырғаларға. Олардың пішіндері бір-бірін қайталайды, айырмашылығы тек өлшемдерінде және қондырылған көздер санында. Жалпы пішіні сопақша болып келген, сырты жұқа алтын фольгамен қапталған. Сырға беттерінде көздер қондыруға арналған сопақша немесе дөңгелек ұяшықтар орналастырылған. Сырғаның жоғарғы екі ұштарына қола ілмектері бекітілген.

Өкінішке қарай, ілмектері толығымен сақталмаған, тек бір сырғада ғана кішкене бөлшегі сақталған екен. Мұндай сырғаларды жасау технологиясының өзгешеліктері бар: бөлшектер бөлек немесе бірге құйылуы мүмкін, дәнекерленуі де мүмкін. Калачи сырғалары бүгінгі күнге дейін Азиядан Еуропаға дейінгі әртүрлі халықтардың мәдениеттерінде кездесетін сырғалардың ең көне түрлерінің бірі болып саналады.

Белгілі археолог, ғалым Е.Смағұлов, өз еңбегінде ресей ғалымы А.Торгоевтың Күлтөбеден табылған сырғалар жайында айтқан пікірін сүйеніп, «Сырғалар Күлтөбеде өмір сүрген зергерлердің қолынан шыққан” деп есептеуге болатынын айтқан. Музей қорындағы осындай «калаш» ,«сұрақ белгісі» тәрізді сырғалар сирек кездесетін ерекше сырғалар қатарына жататын құнды жәдігерлердің бірі болып саналады.

Ә.Егеубаева — “Әзірет Сұлтан” Ұлттық тарихи-мәдени музей-қорығының қор сақтаушы.

Ақпарат

«Тоқта, түн» («Стоп,ночь») фильмі премьерасының күні белгіленді

Оставить комментарий

«Тоқта, түн!» — бұл A’Studio тобының əндері желісімен түсірілген толықметрлі киномюзикл. Премьерасы 2024 жылдың 5 қыркүйегіне жоспарланған.

Синопсис

Фильм өз арманына нық сеніммен келе жатқан жас музыкант Бейбіт туралы. Əке рөліне енді үйреніп келе жатқан Бейбіт, шығармашылық пен отбасылық өмірді тең ұстауға тырысады. Өзіне ғашық биші қыз Джулияны кездестіргенше бəрі ойдағыдай еді.

Бұл оқиға ақын жəне музыкант жас жігіттің өмірі, махаббат, достық жəне де сүйікті қала Алматы туралы.
Фильм туралы
Кинокартинада негізгі оқиғаларды бейнелеуге алматылық «A’Studio» тобының 17 əні ұсынылған. Мюзиклде тыңдармандардың сүйікті хиттеріне айналған «Стоп, ночь!», «Солдат любви», «Грешная страсть», «Тик-так», «Еще люблю» жəне «Джулия» сияқты басқа да əндер орындалады. Көрерменге тосынсый ретінде топтың аты «Алмата» кезіндегі алғашқы альбомдағы əндер қазақша шырқалады.
Фильмде «A’Studio» тобының негізін қалаушы, продюсер Байғали Серкебаевтың жаңа өңдеуден өткізген əндері орындалады.
Фильмнің продюсерлерінің бірі, Америкалық мюзикл жəне драма академиясының түлегі, «Инопланетяне ни при чем», «18 килогерц», «Схема» фильмдерінің продюсері — Дина Жұмабек.
Фильмге динамика мен энергия беретін ең жарқын музыкалық сахналарды қоюға 500 ден аса əртүрлі стильдегі бишілер қатысты. Би қойылымдарын хореографтар Арсен Именов — (Қазақстан), «Танцы» жобасының қатысушысы жəне Мадонна, Пафф Дэдди сынды əлемдік жұлдыздармен жұмыс істеген Сапл Нам (Ұлыбритания) қойды.
Фильмді Қазақстан Республикасының Мəдениет жəне ақпарат министрлігінің тапсырысымен, Ұлттық киноны қолдау мемлекеттік орталығының қолдауымен «Medeor» ЖШС түсірді.
«Қазақстандық киноматографиясының тарихында музыкалық картина көп емес. Алғашқы мюзикл режиссер Шəкен Аймановтың 1958 жылы жарық көрген «Біздің

 

сүйікті дəрігер» картинасы. Онда басты рөлді менің əкем Ермек Серкебаев сомдаған. Мюзиклдің композиторы кемеңгер Александр Зацепин. Оның, менің əкемнің орындауындағы, «Надо мной небо синее» əні мега-хитқа айналып, миллиондаған көрерменннің жүрегінен орын алған. Жарты ғасыр өткен соң, 2024 жылдың 5 қыркүйегінде «Стоп, ночь» фильмінің премьерасы болады. Мен осы картинамыз Қазақстандағы киномюзикльдер эстафетасын жалғасытрғанын қалаймын», – деді Байғали Серкебаев.
Жобаның басты қатысушылары
● Оператор: Александр Плотников («Тұлғалық өсі тренингі», «18 килогерц», «Схема», «Аманат», «Разрывая замкнутый круг», «Сказ о розовом зайце»)
● Қоюшы суретші: Алексей Шиндин («Тұлғалық өсі тренингі», «18 килогерц», «Схема», «Стриж», «Бауыр»)
● Хореография: Арсен Именов, Сапл Нам
● Продюсерлер: Байғали Серкебаев, Дина Жұмабек
● Актерлер:
Кемеңгер Оралов — Т.Жүргенов атындағы өнер академиясының түлегі, мамандығы — «драма жəне кино актері» («5:32» сериал / 2021, «Ключи счастья» сериал / 2022, «Рокировка» / 2022)
Қарлығаш Ермекова – Құрманғазы атындағы Қазақ ұлттық консерваториясының түлегі. Мемлекеттік жəне халықаралық музыкалық байқаулардың лауреаты, MOLDANAZAR тобының клавишта орындаушысы.
Жасмина Нурахметова – кəсіби биші, хореограф, “JD DANCE” би ұйымдастырушысы. NAZIMA, Say Mo сияқты əншілерге би қойған. Raim&Artur&Adil “Симпа”, Ирина Кайратовна “Wu Kang”, Ninety One “Senorita” бинебаяндарына түскен.
«A’Studio» тобы туралы
«A’Studio» – бүкіл əлем бойынша тыңдармандарын əдемі əуен мен жүрекке жеткізер сөздерімен тəнті еткен қазақ музыкасының пионерлері. Қазіргі таңда да олардың мұралары жаңа толқынды əртістер мен сүйікті тыңдармандарына шабыт беруде.
Қолдағандар мен серіктестер
Фильмнің жарық көруіне қолдау білдіргендер: KMF, Кинопоиск, Яндекс Плюс, Air Astana, Алматы қаласының халықаралық əуежайы жəне медиамаркетингтік агенттік Nonna Marketing Agency, фильмнің бас ақпараттық серіктестігі WeProject.media, сыртқы жарнама бойынша медиа серіктес Citix.

«Тоқта, түн!» фильмі 2024 жылы 5 қыркүйегінен бастап еліміздің барлық кинотеатрында көрсетіледі. ҚР территориясындағы дистрибьютор компания «Sulpak Cinema».
Фильмнің Instagram аккаунтына сілтеме:
https://www.instagram.com/stopnight_film?igsh=ajlveXpnaTBuZmdx

Ақпарат

«Мәслихатқа 30 жыл» атты облыстық суретшілер байқауы басталды.

Оставить комментарий

Биыл Қазақстан Мәслихаттарына — 30 жыл! Осыған орай Түркістан облысы мәслихатының «Мәслихатқа 30 жыл» атты облыстық кәсіби және кәсіби емес суретші — кескіндемешілердің арасында ұйымдастырған байқауы басталды.

Байқаудың мақсаты: Түркістан облысы суретші кескіндемешілердің шығармашылық туындыларын Мәслихаттың 30 жылдығына орай кеңінен насихаттау. Туған жер мен туған елге деген құрмет, ел тарихы, Тәуелсіз Еліміздің қол жеткізген жетістіктері, Қазақ халқының салт- дәстүрлері, өңірдің сұлу табиғатын дәріптеу арқылы халыққа рухани нәр беру, жас талантты суретшілерді жігерлендіру.

Байқауға қатысушылардың жас ерекшеліктеріне шектеу қойылмаған. Облыстық мәслихаттың ұйытқы болуымен ұйымдастырылған байқауға өңірге қарасты барлық қала, аудандардан 40-қа жуық қатысушыдан өтінім келіп түскен. Байқау қорытындысы бойынша ұйымдастыру алқасы әр қатысушының жұмыстарын бағалайтын болады. Байқау жеңімпаздарын облыстық мәслихат төрағасы Н.Әбішов және облыстық мәслихат депутаттары арнайы марапаттайтын болады.

Байқауға қатысқандарға қаржылай сертификаттар, алғыс хаттар беріліп, түрлі номинация бойынша ынталандыру сыйлықтары тапсырылады.

Байқау жеңімпаздарына: 1 – орын 300 000 теңге, 2 — орын 200 000 теңге және 3 – орын 150 000 теңге қаржылай сыйлық бар. Байқау қорытындысы бүгін аздаған уақыттан кейін белгілі болмақ. Барша қатысушыларға сәттілік!

Ақпарат, Білім, Мәдениет, Өнер

Мектеп мақтанышы, білікті ұстаз — Исабеков Болат Керімшеұлы

Оставить комментарий

Бердібек Соқпақбаевтың 100 жылдығына орай «Бабалар аманаты» жинағы жарыққа шықты. Бұл кітапқа, Түркістан облысы Кентау қалалық білім бөліміне қарасты Ататүрік атындағы №4 мектеп-лицейінің технология пәні мұғалімі Исабеков Болат Керімшеұлының шығармашылық қолөнер туындылары еніп отыр. Алтыншы кітап көрнекті жазушы, балалар әдебиетінің классигі Бердібек Соқпақбаевтың 100 жылдық мерейтойына арналды. Алматы қаласындағы Ұлттық кітапханада «Бабалар аманаты» жинағының тұсаукесеріне қатысқан Кентаулық ұстаз әдебиетшілер мен жазушылардың құрметіне бөленіп, өнер майталмандарының алғысын алды.

Жалпы, жинаққа белгілі суретшілер мен көркем еңбек пәні ұстаздарының, жас қылқалам шеберлернің туындылары топтастырылған. Шығармаларда жазушы бейнесі, ұлы тұлғаларымыздың арман аңсары, салт-дәстүрімізді мұрат тұтқан бұқара халық болмысы, махаббат пен сүйіспеншілік тақырыбы арқау болған. Кітап төрт тілде басылған.

Құрастырушысы Қазақстан суретшілер Одағының мүшесі Қанағат Қалиұлы. Жазушының мерейтойына орай жыл соңына дейін ЮНЕСКО көлемінде бірқатар халықаралық мәдени іс-шаралар өтеді. Қанағат Көдеков, «Бабалар аманаты» этнографиялық дизайн одағының төрағасы: «Бердібек Соқпақбаев атамыздың 100 жылдығана шыққан жинағымыздың төрт тілде жарық көрген жинағының тұсаукесері Парижде, Еуропа төрінде жалғастырмақшы. Бұл жерде қазақ, ағылшын, орыс және француз тілдерінде еніп отырғанын» атап өтті.

Расында, ұлттық қолөнерді дамыту, қолөнер шеберлеріне қолдау көрсету, олардың жасаған бұйымдарын халық арасында кеңінен насихаттау, жас әрі дарынды қолөнершілерді анықтау, сондай-ақ бабадан қалған қолөнерді ұрпақ санасына сіңіріп, кәсіп ретінде дамыту баршамызға міндет.

Осы орайда, Кентау қалалық білім бөліміне қарасты Ататүрік атындағы №4 мектеп-лицейінің ұжымы, технология пәні мұғалімі Исабеков Болат Керімшеұлына шығармашылық шабыт, толағай табыс тілеп, ұлағатты ұстазды мектеп мақтанышы деп біледі.

Ақпарат, Білім, Қоғам

Оқушыларға «Мектепке алғашқы қадам» тақырыбында тәрбие сағаттары өткізілді

Оставить комментарий

Кентау қалалық білім бөліміне қарасты Ә.Науаи атындағы № 17 жалпы білім беретін мектепте, білім күні мерекесіне орай «Мектебім – мейірім мекені» атты салтанатты жиын өткізілді. Алғашқы қоңырау мерекесіне Кентау қалалық полиция бөлімінің учаскелік полиция инспекторы, полиция лейтенаты Әдехан Абылайхан Үсенұлы және Кентау қалалық полиция бөлімінің жедел-криминалистикалық тобының криминалисті полиция аға лейтенаты Ташманова Мадина Берікқызы қатысып, оқушыларды жаңа оқу жылымен құттықтады. Салтаннаты лездеме барысында мектеп директоры С.Ташполатов құттықтау сөз сөйлеп, ҰБТ нәтижесінде жоғары жетістікке жеткен оқушылардың нәтижелерін айтып, пән мұғалімдеріне алғыс білдірді.

Қамқоршылық кеңесі төрағасы Қурбанов Алимжан Камолханұлы, мектеп табалдырығын алғаш аттаған бүлдіршіндерді құттықтады. Жаңа оқу жылында оқушылардан көптеген жетістіктер күтетініне сенім білдірді. Оқушыларға Білім күні үлкен мереке екенін түсіндіру, сезіну, білімге деген құштарлығын арттыру мақсатында 1- сынып оқушыларына «Мектепке алғашқы қадам» тақырыбында тәрбие сағаттары өткізілді.

Кентау қалалық полиция бөлімінің учаскелік полиция инспекторы, полиция лейтенаты Әдехан Абылайхан Үсенұлы және Кентау қалалық полиция бөлімінің жедел-криминалистикалық тобының криминалисті полиция аға лейтенаты Ташманова Мадина Берікқызы қатысып, оқушыларға «Полиция және балалар» атты кітапшалар таратып, оқушылармен бірлесіп кітапшалармен жұмыс жасай отырып , жаяу жүргіншінің жолда жүру ережесі және өмір қауіпсіздігінің алдын алу мақсатында жол қауіпсіздік ережелерімен таныстырып түсіндіру жұмыстарын жүргізді.

Ақпарат, Білім, Қоғам

Жасанды интеллектті мектептердегі оқу процесіне ендіру жолдары пысықталды

Оставить комментарий

Кентау қалалық білім беру бөлімінің ұйымдастыруымен Б.Момышұлы атындағы №12 жалпы білім беретін мектебінде математика, физика бірлестік жетекшілерінің тамыз отырысы өтті. «Жасанды интеллект және білім беру: жасанды интеллектті мектептердегі оқу процесіне ендіру жолдары» тақырыбымен ұйымдастырылған басқосуда алдағы жоспарлар пысықталды.

Бірлестік отырысында сөз алған Кентау қалалық білім бөлімінің әдіскері Х. Жайықбаева өткен оқу жылындағы жеткен жетістіктерді талдай отырып, жаңа оқу жылына пән мұғалімдеріне жаңа міндеттемелер қойды. 2024-2025 оқу жылында ҚР-ның жалпы білім беретін мектептерінде білім беру процесін ұйымдастырудың ерекшеліктеріне тоқталды. Жаңашыл мұғалім қоғамның негізгі қозғаушы күші екендігін, ұлттық мүддені жаңғырту арқылы сананы ояту қажеттігін айтып өтті. Жасанды интеллект және білім берудегі инновациялық технологиялардың білім беру процесіндегі өзектілігіне тоқталды.

Математика, физика сабақтарында жасанды интелектіні тиімді пайдалану жайында мұғалімдер практикада қолданып жүрген тиімді тәсілдерімен бөлісті. Жасанды интеллект-информатика, биология, психология, лингвистика, математика, Машина жасау сияқты пәндерге негізделген ғылым мен технология. Жасанды интеллекттің негізгі бағыттарының бірі-адамның ақыл-ойымен байланысты компьютерлік функцияларды дамуы. Қалалық білім бөлімінің әдіскері Х. Жайықбаева «Тамыз педагогикалық оқуының тақырыбы мен мақсатын, бағдарламасымен» таныстырып өтті.

«Қазіргінің болашағы: жасанды интеллект-ChatGPT» М. Горький атындағы N8 ШЖЖББМ-нің физика пәні мұғалімі А. Батырбеков, Ә.Молдағұлова атындағы №19 м –л-нің математика пәні мұғалімі Ж. Кенжебекова «LS зерттеулері-білім сапасын арттырудың тиімді тәсілі»,

Ю.Гагарин атындағы №16 мектеп-лицейінің математика пәні мұғалімі А. Анламасова «Жасанды интелект және креативті ойлау» , Ю.Гагарин атындағы №16 мектеп-лицейінің математика пәні мұғалімі Н. Атабекова «Современные тенденции в преподавании математики», Ататүрік атындағы №4 мектеп-лицейінің матеатика пәні мұғалімі Ж. Кенәлі «Математика сабағына оқушылардың қызығушылығын арттыру мақсатында жаңашыл әдіс-тәсілдерді қолдану», Ы.Алтынсарин атындағы №1 мектеп-гмназиясының математика пәні мұғалімі А. Атажанова «Цифрлық білім беру ресурстарын математика сабағында тиімді қолдану», Ы.Алтынсарин атындағы №1 мектеп-гмназиясының математика пәні мұғалімі Ә. Серікбаева «Математика сабақтарында кері байланыс жасаудың заманауи тәсілдері» тақырыптарында баяндамалар оқылды. Тамыз оқуына қаысқан мұғалімдер кері байланыс беріп, түрлі сұрақтарға жауаптар алды.

Жиын соңында қалалық білім бөлімінің әдіскері Х. Жайықбаева жаңа оқу жылында шығармашылық топтардың жұмысын жандандыра отырып, тәлімгерлікті ұйымдастыру, үлгілік оқу жоспары мен білім беру бағдарламаларын; жоба қызметін дамыту, пәндік олимпиадаға дайындықты жүргізуді қолға алу ұсынылды. 2024-2025 оқу жылында оқушы мен мұғалім жетістігін арттыра отырып, білім сапасын көтеру әрбір пән мұғаліміне міндет екендігін айтып өтті.

Ақпарат, Білім, Қоғам

Кентау: Үздік ұстаздар марапатталды

Оставить комментарий

XXI ғасыр-білім мен ғылымның ғасыры. Кентау қаласында білім беру саласының майталмандарының басын қосқан тамыз кеңесі өтті. Биылғы жылы — «Digital Kazakhstan: заманауи білім беру» тақырыбында оқу үдерісін цифрландыруға және әлемдік тәжірибені ескере отырып, сабақ беру процесіне жасанды интеллектті енгізу ерекшеліктеріне арналмақ.

Дәстүрлі тамыз конференциясына – қала әкімінің орынбасары Ақнұр Байболова, Түркістан облысы білім басқармасының «Білім беруді дамыту орталығының» кафедра меңгерушісі Бекет Өтеген, қалалық маслихат төрағасы Қабылан Елеусизов, қалалық маслихат депутаттары, орта арнаулы білім ұйымдарының басшылары, білім саласы қызметкерлері, үкіметтік емес ұйымдар, құқық қорғау қызметкерлері, бұқаралық ақпарат құралдарының өкілдері, ата-аналар комитетінің мүшелері, қатысты. Кеңестің модераторы білім бөлімінің басшысы Әділ Ауелбеков болды.

Тамыз кеңесінде өңірімізде білім саласында инновациялық цифрлы жобаларды енгізуде біршама жұмыс атқарып жүрген Ә.Молдағұлова атындағы №19 мектеп-лицейінің химия пәнінің мұғалімі, экология магистрі, органикалық химия пәні бойынша докторант Алтынбек Әбсейт, М.Горький атындағы №8 жалпы білім беретін мектеп директорының тәрбие ісі жөніндегі орынбасары К.Жадигерова маңызды баяндама жасады.

Iс-шара соңында білім беруді дамытуға қосқан үлесі үшін үздік педагогтер Ы.Алтынсарин төсбелгісімен, «Білім беру ісінің құрметті қызметкері» төсбелгісімен, республикалық, облыстық, қалалық мадақтамалар және қала әкімінің алғыс хаттарымен марапатталды.

Ақпарат, Білім, Қоғам

Кентау қаласында 1910 оқушы бірінші сыныпқа қабылданды

Оставить комментарий

Кентау қаласында 1 қыркүйек-Білім күніне орай барлық білім нысандарында салтанатты жиын өтіп, алғашқы қоңыру соғылды. Қала әкімі Жандос Тасов қаладағы Т.Рысқұлов атындағы №24 жалпы орта мектебіне барып, ұстаздар мен оқушыларды мерекемен құттықтады.

«Жалпы Кентау қаласының ұстаздары білім мен тәрбие беруде көптеген табыстарға жетуде. Өткен оқу жылында бітіруші түлектеріміз үлкен жетістіктерге жетті. 864 оқушының 528-і білім грантына ие болды. Бұл біз үшін үлкен мақтаныш, үлкен қуаныш» — деген қала әкімі, Жаңа оқу жылына қадам басқан оқушыларды «Білім күнімен» құттықтап, оқуда озат болуларын тіледі.

Мектепте бірінші сынып оқушылары өлең шумақтарын оқып, ізгі тілектерін өлең жолдары арқылы білдірді. Әсем әуендер шырқалып, мың бұралған бишілер мерекелік көңіл күй сыйлады. 11 сынып үздігімен бірге бірінші сынып оқушылары оның ішінде ағайынды егіз Аяна және Раяна Бекарысқыздары бірге алғашқы қоңырауды соқты.

Іс-шарадан кейін қала әкімі мектеп сыныптарын аралап, ашық сабаққа қатысып, ағымдағы жөндеуден өткен білім ордасының материалдық техникалық базасымен танысты. Жалпы, биыл қала бойынша 11 сыныпқа 1024 оқушы «Алғашқы қоңырау» мерекесіне қатысса, оның ішінде 1910 бүлдіршін мектеп табалдырығын алғаш аттап, бірінші сыныпқа қабылданды.

Ақпарат, Білім, Қоғам

КЕНТАУДА ЖАҢА МЕКТЕПТІҢ ЛЕНТАСЫ ҚИЫЛДЫ

Оставить комментарий

1-қыркүйек Білім күнінде Кентау қаласында соңғы үлгіде салынған жекеменшік «Bastau» мектебінің лентасы қиылды. Жаңа мектептің ашылу салтанатына қала әкімі Жандос Тасов, қалалық маслихат төрағасы Қабылан Елеусізов бастаған зиялы қауым өкілдері мен мектеп педагогтары және ата-аналар қатысты. Қала басшысы мектеп ұжымы мен оқушыларды жаңа білім жылының басталуымен, жаңа білім ордасының ашылу салтанатымен құттықтап, жаңа мектептің лентасын қиды.

3 қабатты ғимаратта орналасқан мектеп сыйымдылығы 450 орынға арналған. Бүгінде, мектепке 10-11 сынып оқитын 110 оқушы қабылданған. Алдағы уақытта 7 сыныптан оқушыларды қабылдау жүргізіледі.

Мұнда оқушылардың білім алуына толық жағдай жасалған. Жаңа мектепте оқу бөлмелері, компьютер сыныбы, мәжіліс залы, асхана , кітапхана сияқты бөлмелермен қамтамасыз етілген.Сондай-ақ үлкен спорт залы мен мектеп ауласында ашық ойын алаңша орналастырылған. Жаңа білім ордасында әр оқушының таңдаған бағытына қарай пәндері тереңдетіліп оқыту қарастырылған. Оқушылар тасымалдау қызметі мен ыстық тамақпен қамту жағы бар.

Сондай-ақ мемлекеттік стандарты толықтай қамтыған оқу ордасында балаға түске дейін белгіленген кесте бойынша сабақ оқытылса, түстен кейін мамандыққа бейімделген білім беру жүйесі бойынша сабақ жүргізіледі.

Ақпарат, Қоғам, Мәдениет, Өнер

Түркістан: Этноауылда ұлттық салт-дәстүр мен әдет-ғұрып көріністері сахналанды.

Оставить комментарий

«Өнерлі өлке» облыстық өнер фестивалі аясында Бәйдібек ауданының өнерпаздары рухани астана аспанында әуелеткен әнімен, күмбірлеген күйі, мың бұралған биімен, ұлттық дәстүрдің сан түрінен өнер көрігін қыздырды. Этноауыл аумағында «Ұлттық қолөнер – ұлы мұра» атты аудан қолөнершілерінің көрмесі мен суретшілердің, «Тарихым бар жазылған ғасырлардан» атты кітап көрмесі жасақталды.

Мерекелік жәрмеңкелер мен көше театры көріністері көпшілік назарына ұсынылды. Киіз үйлерде ұлттық салт-дәстүр мен әдет-ғұрып көріністері сахналанды. «Саз отау» ұлттық аспаптар оркестрі және аудан өнерпаздары концерттік бағдарламасын ұсынды.

Сонымен қатар, «Өнерлі өлке» облыстық өнер фестивалі аясында ұлттық салт-дәстүрлер мен әдет-ғұрыпты, ұлттық ойындарды да насихаттау кеңінен қолға алынды. Бәйдібек аудандық мәдениет, тілдерді дамыту, дене шынықтыру және спорт бөлімінің ұйымдастыруымен қазақ күресі мен қол күресі, асық ату мен арқан тарту, садақ ату мен білекті де жүректі жігіттердің арасында қошқар көтеру, гір тасын көтеру сынды ұлттық спорт түрлерінен сайыстар ұйымдастырылып, жеңімпаздарға қаржылай және бағалы сыйлықтар, арнайы медальдар мен дипломдар тапсырылды.

Этноауыл аумағында өткен спорттық сайыстарды жергілікті тұрғындармен қатар шет елдерден келген туристер де тамашалап, еліміздің атадан балаға мұра болып аманатталып келе жатқан ұлттық спорттық ойындарының нағыз жауынгерлік жаттығу, әскери дайындық екенін айтып, жоғары бағаларын берді.

Екі күнге созылған шараны «Керуен сарай» кешенінде аудан өнерпаздарының қатысуымен өткен гала-концерт қорытындылады. Салтанатты шараны Бәйдібек ауданы әкімінің орынбасары Бағдатбек Жанғазиев ашып беріп, Түркістан жұртшылығына ізгі тілектерін білдірді.

Мәдени шарада ауданнан шыққан танымал тұлғалардың туындылары мен әсем ән де, күмбірлеген күй де, мың бұралған би де көрініс тапты. Гала концертке аудан өнерпаздары Бағдат Юсупов, Қуат Қасенов, Мұрат Бөбеев, Айжан Жүсіпбекова, Сатман Мәди, Дәулет Таевтар ән шырқаса, «Балауса» цирк ұжымы қалың көпшілікке көтеріңкі көңіл-күй сыйлады. Сонымен қатар, аудан өнерпаздары би билеп, жанды дауыста «Шаттық» вокалды аспапты ансамблі мерекелік кештің сәнін кіргізді.

Айта кетейік, шараның алғашқы күнінде Этноауылда қылқалам және қолөнер шеберлерінің көрмесі мен ұлттық салт-дәстүр мен әдеп-ғұрыптар көрінісі сахналанды. Ал, екінші күні арқан тарту, қазақша күрес, қошқар көтеру, асық ату, қол күресі мен садақ ату, гіртасын көтеру сынды ұлттық спорттық ойындардан жарыс ұйымдастырылды. Осылайша, Түркістан төрінде Бәйдібек ауданының мәдени күндері жоғарғы деңгейде атап өтілді.