Түркістан облысында ерекше күтімді қажет ететін балалардың арманын орындауға бағытталған «Армандар орындалады» әлеуметтік жобасы төрт жылдан бері жүзеге асырылып келеді. Осы уақыт аралығында облыстың әр өңірінен өтініш-хат жолдаған 1000-ға жуық баланың тілегі орындалған.

Бүгін «Медина Палас» сарайында жобаның 42-шарасы ұйымдастырылып, Арыс, Бәйдібек және Сауран аудандарынан келген балалардың армандары орындалуда.

Ізгі бастамаға Түркістан қаласы әкімінің орынбасары Мадияр Әліпов, Түркістан облысының жұмыспен қамтуды үйлестіру және әлеуметтік бағдарламалар басқармасының басшысы Мекенхан Қозыханұлы, «Respublica» партиясының Түркістан облыстық филиалы Өңірлік кеңесінің төрағасы, «Амина» клиникасының құрылтайшысы Гүлбахрам Сартбаева, облыстық білім басқармасының басшысы Ғалымжан Орынов, «Фараб» кітапханасының директоры Жанат Сәдібекқызы және кәсіпкерлер қолдау білдіріп отыр.

Жобаның негізгі мақсаты – ерекше күтімді қажет ететін балаларға қуаныш сыйлау, олардың арман-тілектерін орындауға қолдау көрсету және қоғамда мейірімділік пен қайырымдылық құндылықтарын дәріптеу.

Гүлбахрам Пернебайқызы Мағжан және Бағжан есімді бүлдіршіндердің арманын орындап, оларға велосипед сыйлап, қуанышқа бөледі. Сондай-ақ, жоба жетекшісі Әсел Бимурзаеваға балалардың арманын орындауға бағытталған еңбегі үшін алғыс білдірді.

«Армандар орындалады» жобасы балаларға үміт сыйлап, олардың өміріне қуаныш ұялатуға бағытталған игі бастамалардың бірі болып табылады. Балалардың тілегін орындап, жүздеріне қуаныш сыйлау – үлкен бақыт.

18 қазан – Рухани келісім күніне орай Түркістан қаласында қоғамдық бірлікті нығайтуға, конфессияаралық татулықты дәріптеуге және салауатты өмір салтын насихаттауға бағытталған іс-шаралар ұйымдастырылды.

Осыған орай, «Таза Қазақстан» жалпыұлттық экологиялық акциясы аясында «Руханият» саябағында ағаш отырғызу іс-шарасы өтті. Оған Түркістан облысы әкімінің орынбасары Ертай Алтаев, діни конфессия өкілдері мен мемлекеттік органдардың қызметкерлері қатысты.

Қатысушылар саябақ аумағына ағаш көшеттерін отырғызып, өңірді көгалдандыруға өз үлестерін қосты. Экологиялық бастама қоршаған ортаны қорғаумен қатар, қоғамдағы бірлік пен ортақ жауапкершілікті дәріптеуге бағытталған.

Сонымен қатар осы күні Түркістан қаласындағы «Аманбай» спорттық-сауықтыру кешенінде діни конфессия өкілдері мен облыста діни саладағы тұрақтылықты қамтамасыз ету бағытында қызмет атқаратын мемлекеттік мекемелердің қызметкерлері арасында спорттық іс-шаралар ұйымдастырылды.

Іс-шараға облыс әкімінің орынбасары Ертай Кенжебекұлы қатысып, жарысқа қатысушыларға сәттілік тіледі.

Спорттық іс-шаралардың басты мақсаты – түрлі конфессия өкілдері мен мемлекеттік органдар қызметкерлері арасында достық қарым-қатынасты нығайту, өзара түсіністік пен командалық рухты қалыптастыру, салауатты өмір салтын насихаттау.

Рухани келісім күніне орай ұйымдастырылған бұл бастамалар – мемлекет пен діни бірлестіктер арасындағы өзара іс-қимылды одан әрі нығайтуға, конфессияаралық татулықты бекемдеуге және қоғамдағы бейбітшілік пен тұрақтылықты сақтауға бағытталған.

Түркістан облысының әкімі Нұралхан Көшеров ерекше қажеттіліктері бар азаматтардың мәселелерін жүйелі қарастыратын арнайы кеңес құру туралы ұсыныс айтты. Бастама «Шексіз әлем – тең қоғам» атты мерекелік іс-шарада көтеріліп, қатысушылар тарапынан жылы қабылданды.

Түркістан қаласында өткен жиын ерекше қажеттіліктері бар азаматтардың жетістіктерін дәріптеуге, қоғамдағы тең мүмкіндіктерді насихаттауға және әлеуметтік қолдаудың маңызын айқындауға арналды.

Іс-шарада облыс әкімі әр адамның қадір-қасиеті оның мүмкіндігімен емес, өмірге деген құштарлығымен, жігерімен және қоғамға қосқан үлесімен өлшенетінін атап өтті. Сондай-ақ азаматтардың құқықтары мен мүдделерін қорғау, олардың қоғамдық өмірге белсенді араласуына жағдай жасау өңірдегі әлеуметтік саясаттың маңызды бағыттарының бірі екенін жеткізді.

Осы орайда ерекше қажеттіліктері бар азаматтардың өтініштері мен ұсыныстарын тұрақты қарастырып, өзекті мәселелерінің шешілуіне ықпал ететін арнайы кеңес құру бастамасын ұсынды. Қатысушылар бұл ұсынысты қолдап, жылы қабылдады.

Мемлекет басшысы Қасым-Жомарт Тоқаев айқындаған әлеуметтік әділдік пен тең мүмкіндік қағидаттарына сәйкес, өңірде азаматтарды оңалту және қажетті техникалық құралдармен қамтамасыз ету бағытында жүйелі жұмыстар жүргізілуде.

Биыл облыста 1 553 адам оңалту шараларымен қамтылып, 18 916 азамат санаторийлік-курорттық емделуге жолданған. Сонымен қатар 6 200 адам протездік құралдармен, 1 524 адам кресло-арбалармен, 1 377 адам сурдотехникалық және 1 762 адам тифлотехникалық құралдармен қамтамасыз етілген. Міндетті гигиеналық құралдар 24 206 адамға берілген.

Мерекелік бағдарлама аясында өнерпаздар мен паралимпиада чемпиондары өнер көрсетіп, көрермендерге ерекше көңіл күй сыйлады. «Бисұлтан би» ансамблі ұлттық биді ұсынса, «Ер Тұран» этно-фольклорлық тобы халық әндерін орындады. Қазақстан Республикасының мәдениет қайраткері Оразкүл Дәулетова «Ақмаржан» және «Жұлдызым» әндерін шырқап, Қайрат Тұрсынбеков саксофонмен музыкалық композиция орындады. Әнші Біржан Сапарбековтің халық әндері мен паралимпиада чемпиондарының «Өмір өзен» биі де көпшілік ықыласына бөленді.

«Шексіз әлем – тең қоғам» атты басқосу әр азаматтың қоғамдағы орны мен әлеуетін бағалаудың, тең мүмкіндіктер қалыптастырудың және өзекті мәселелерді бірлесе шешудің маңызын көрсетті.

Түркістан қаласындағы “Фараб” әмбебап ғылым кітапханасында “Қазақ газеттері” ЖШС-ң бас директоры Ержан Байтілеспен кездесу өтті. Басқосуға Түркістан облысы әкімінің орынбасары Ертай Алтаев, облыстық қоғамдық даму басқармасы басшысының орынбасары Болат Жанәбіл, ардагер журналист Сейдулла Садыков, «Егемен Қазақстан» газетінің Түркістан облысындағы меншікті тілшісі, журналист Ғалымжан Елшібай, “Түркістан медиа холдинг” ЖШС-ң бас директоры Уәли Қыдыр, Қазақстан Жазушылар одағының Түркістан облыстық филиалының төрағасы Айдар Сейдазым, Қазақстан Журналистер одағының Түркістан облыстық филиалының төрағасы Малик Алмахан және өзге де зиялы қауым өкілдері қатысты.

Жиында мерзімді басылымның бүгінгі жай-күйі, бағыт-бағдары, ертеңі мен бүгіні сөз болды. Алғашқы болып сөз алған Ержан Айтөреұлы серіктестік құрамындағы басылым беттеріндегі жаңалықтарға тоқталды. Сондай-ақ, алдағы жоспарлармен бөлісті.

Басқосуға қатысушылар қазіргі дәстүрлі медианың бәсекеге қабілеттілігі, оқырман алдындағы жауапкершілігі, цифрлық дәуір кезінде оқырман тарту жолдары жайын сөз етті.

Іс-шара аясында “Фараб” кітапханасының ұйымдастыруымен “Егемен Қазақстан” газетінің 1930-1960 жылдардағы тарихи сандарынан көрме ұйымдастырылды.

Ардагерлер күніне орай Шымкент қаласында аға буын өкілдерінің басын қосқан тағылымды спорттық шара ұйымдастырылды. «Ауыл» партиясының Шымкент қаласы бойынша өңірлік филиалының ұйымдастыруымен, партияның Еңбекші ауданы аумақтық партия ұйымының төрағасы Абай Қайратұлының демеушілігімен Қаратау ауданындағы ардагерлер арасында бильярдтан жарыс өтті.

Жарыстың негізгі мақсаты – ардагерлердің қоғамдық және спорттық белсенділігін арттыру, салауатты өмір салтын насихаттау, сондай-ақ аға буын өкілдерінің өзара араласуына, достық қарым-қатынасын нығайтуға мүмкіндік жасау.

Бильярд бәсекесіне қатысқан ардагерлер өзара шеберліктерін сынап, спортқа деген қызығушылықтарын көрсетті. Жарыс барысында қатысушылардың тәжірибесі мен ептілігі сыналып, тартысты ойындар өтті. Бұл ретте шара тек спорттық сайыс қана емес, үлкен буын өкілдерінің бір-бірімен жүздесіп, пікір алмасуына мүмкіндік берген мазмұнды кездесу болды.

Жарыс қорытындысында үздік нәтиже көрсетіп, алғашқы үш орынға ие болған ардагерлер қалалық деңгейде өтетін жарысқа жолдама алды. Осылайша аудандық кезең жеңімпаздары алдағы бәсекеде Қаратау ауданының намысын қорғайтын болады.

Аға буын – қоғамның рухани сабақтастығын сақтап, кейінгі ұрпаққа өмірлік тәжірибесімен жол көрсетіп келе жатқан қадірлі орта. Сондықтан ардагерлердің белсенді өмір салтын ұстануына жағдай жасау, олардың бос уақытын тиімді ұйымдастыру және қоғам өміріне араласуына қолдау көрсету маңызды.

Осындай спорттық әрі қоғамдық шаралар ардагерлердің сергек жүруіне ғана емес, олардың арасында өзара сыйластық пен ынтымақтастықты арттыруға да ықпал етеді. Әсіресе, жастар мен кейінгі буын үшін аға ұрпақтың спортпен шұғылданып, белсенді өмір салтын ұстануы – жақсы үлгі.

Шараны ұйымдастыруға қолдау көрсеткен «Ауыл» партиясының Шымкент қаласы бойынша Еңбекші ауданы аумақтық партия ұйымының төрағасы Абай Қайратұлына алғыс білдірілді.

Алдағы уақытта да ардагерлердің басын қосатын, олардың белсенді өмір сүруіне ықпал ететін спорттық және мәдени-танымдық іс-шараларды жүйелі түрде өткізу көзделіп отыр.

Облыс орталығы Түркістанда 1 қазан – Халықаралық қарттар күніне орай «Respublica» партиясының Түркістан облыстық филиалының ұйымдастыруымен қайырымдылық шарасы өтті. Игі бастама аясында Түркістан қаласы мен Сауран ауданында тұратын 10-ға жуық ақсақал мен ақ жаулықты әжеге сый-сияпат табысталды.

«Қарты бар үйдің қазынасы бар» деген халқымыз қашанда үлкенге құрмет көрсетіп, батасын алуды дәстүрге айналдырған. Осы орайда партия өкілдері зейнеткерлердің шаңырағына барып, мерекемен құттықтап, ізгі тілектерін жеткізді.

Шара барысында «Respublica» партиясы Түркістан облыстық филиалы Өңірлік кеңесінің төрағасы, «Амина» клиникасының құрылтайшысы Гүлбахрам Сартбаева, облыстық филиал төрағасының орынбасары Жантөре Ералы, партия өкілі Бейбіт Биназаров қарияларға ақжарма тілегін арнап, олардың қоғамдағы орны ерекше екенін атап өтті.

«Қазыналы қарттарымыз – өмірлік тәжірибесі мол, ұрпаққа өнеге, елдің берекесі мен бірлігінің ұйытқысы. Бүгінде бейнеттің зейнетін көріп отырған өнегелі ғұмыр иелеріне құрмет көрсету – баршамыздың парызымыз.

Клиника дәрігерлері қариялардың денсаулығын тексеріп, профилактикалық шаралар жүргізуі – олардың денсаулығын нығайтып, өмір сапасын жақсартуға бағытталған маңызды қадам. Аға буын өкілдеріне зор денсаулық, ұзақ ғұмыр, отбасыларына амандық тілеймін. Ұрпақтарының ортасында сый-құрметке бөленіп, әрдайым жақсылықтың жаршысы болып жүре берсін, – деді Гүлбахрам Пернебайқызы.

«Respublica» партиясы Түркістан облыстық филиалы төрағасының міндетін атқарушы Санат Сапарбайдың айтуынша, партия мүшелерінің демеушілігімен, қайырымдылық бастамалары алдағы уақытта да жалғасын табады.

Айта кетейік, бұл шараның басты мақсаты – аға буын өкілдеріне құрмет көрсетіп қана қоймай, қоғамда ізгілік пен қамқорлық құндылықтарын дәріптеу. Қоғамның дамуына үлес қосқан еңбек майталмандарына көрсетілген әрбір ықылас – ұрпақтар сабақтастығы мен адамгершіліктің жарқын көрінісі.

«Respublica» партиясының Түркістан облыстық филиалының баспасөз қызметі

Әрбір азамат өмір сүру барысында түрлі мемлекеттік көрсетілетін қызметтермен тығыз байланыста болады. Сол себепті мемлекеттік қызметтерді сапалы әрі дер кезінде көрсету – мемлекет пен қоғамның өзара тиімді іс-қимылының маңызды құрамдас бөліктерінің бірі. Мемлекеттік қызметтерді ұсыну сапасын арттыру арқылы халықтың мемлекеттік органдардың қызметіне деген сенімін нығайту мәселесі Мемлекет басшысының жыл сайынғы Жолдауларында әрдайым айрықша маңызға ие. Бүгінгі таңда елімізде 1323 мемлекеттік қызмет түрі көрсетілсе, оның ішінде 400-ге жуығы жергілікті (облыстық) деңгейде жүзеге асырылып отыр. Осы орайда, мемлекеттік көрсетілетін қызметтердің сапасын қадағалау, көрсетілетін қызметті алушылардың бұзылған құқықтарын, бостандықтары мен заңды мүдделерін қорғау және қалпына келтіру функцияларын Қазақстан Республикасының Мемлекеттік қызмет істері агенттігі мен оның аумақтық департаменттері жүйелі түрде атқарады.
Департаменттің бақылау және тексеру іс-шаралары
Қойылған міндеттерді іске асыру мақсатында Қазақстан Республикасы Мемлекеттік қызмет істері агенттігінің Түркістан облысы бойынша департаменті (бұдан әрі – Департамент) өз құзыретіне сәйкес мемлекеттік қызметтер көрсету сапасына тұрақты түрде бақылау мен жоспарлы тексерулер жүргізіп келеді. Тексеру жұмыстары барысында заңнама талаптарының сақталуы қатаң назарға алынып, әкімшілік кедергілерді жою шаралары қабылданады. Атап өту қажет, «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызметін көрсету тәртібі Қазақстан Республикасы Әділет министрінің 2020 жылғы 4 мамырдағы № 27 бұйрығымен бекітілген Қағидалармен реттеледі. Аталған Қағиданың 3-қосымшасының 5-тармағына сәйкес, мемлекеттік қызметті көрсетудің нәтижесі болып жүргізілген мемлекеттік тіркеу туралы хабарлама немесе мемлекеттік қызмет көрсетуден бас тарту туралы дәлелді жауап берілуі тиіс. Сонымен қатар, Қағиданың 6-1-тармағына сәйкес, сәулет және қала құрылысы саласындағы функцияларды жүзеге асыратын жергілікті атқарушы органдар көрсетілетін қызметті берушіден құжаттарды алған сәттен бастап бір жұмыс күні өткенге дейін тапсырыс берушінің құрылыс салуды ұйымдастыру және рұқсат беру рәсімдерінен өту қағидаларында айқындалған талаптарды сақтауына салыстырып тексеру жүргізеді және мемлекеттік қала құрылысы кадастрының ақпараттық жүйесі арқылы пайдалануға қабылдау актісінің есебін қамтамасыз етеді.
Анықталған заң бұзушылықтар мен қабылданған шаралар
Жүргізілген талдау жұмыстары көрсеткендей, жекелеген мемлекеттік органдар тарапынан қызмет көрсету кезінде негізсіз бас тарту деректері орын алған. Мәселен, қызмет алушылар тарапынан «Жылжымайтын мүлікке құқықтарды (ауыртпалықтарды) мемлекеттік тіркеу» үшін тиісті өтініштер жолданған. Алайда, жауапты Бөлім тарапынан 2025 жылғы 6 наурызда аталған өтініштерге «ақпараттық жүйе қалыпты жұмыс істемеуіне байланысты бас тартылады» деген негізсіз уәжбен бас тарту жауаптары берілген. Тексеру барысында қызмет алушылар Қағидада көзделген қажетті құжаттар топтамасын толық көлемде ұсынғаны анықталды. Осы сияқты жүйелі сипат алған мәндес бұзушылықтар «Жылжымайтын мүлікке құқықтарды (ауыртпалықтарды) мемлекеттік тіркеу» қызметі бойынша 44 өтінішті қарау барысында жіберілгені белгілі болды.
Нәтижесінде, Департаменттің ықпалының арқасында осы 44 қызмет алушының бұзылған конституциялық және заңды құқықтары толық көлемде қалпына келтірілді.
Қорытынды
Азаматтардың құқықтары мен заңды мүдделерін сенімді қорғау, мемлекеттік қызмет көрсету саласындағы әкімшілік кедергілерді жою және заңдылық қағидаттарының қатаң сақталуын қамтамасыз ету – бұдан былай да Департамент қызметінің басым бағыттарының бірі болып қала береді. Мемлекеттік органдардың қызметінде заң бұзушылықтарға жол бермеу бағытындағы бақылау шаралары тұрақты түрде жалғасатын болады.

Ержан Нағызханұлы ҚАРЫМСАҚОВ
Қазақстан Республикасы
Мемлекеттік қызмет істері агенттігінің
Түркістан облысы бойынша департаментінің басшысы,
Әдеп жөніндегі кеңес төрағасы

В Туркестанской области в рамках общенациональной экологической акции «Таза Қазақстан», реализуемой по инициативе Главы государства Касым-Жомарта Токаева, прошло масштабное экологическое мероприятие, приуроченное ко Всемирному дню чистоты WORLD CLEANUP DAY. Основное мероприятие было организовано в населенном пункте Ащысай, расположенном у подножия хребта Каратау. В нем приняло участие более четырех тысяч человек и задействовано 70 единиц спецтехники. Участниками акции было высажено 100 саженцев деревьев.

Основная цель мероприятия – поддержание чистоты окружающей среды, очистка природных территорий от бытовых отходов, формирование экологической культуры и призыв жителей к активному участию в охране природы.

В экоакции активное участие приняли аким Туркестанской области Нуралхан Кушеров, государственные служащие, представители госорганов, общественных, молодежь, волонтеры, а также сотрудники коммунальных учреждений, ответственных за чистоту.
В своем выступлении аким области отметил, что формирование культуры чистоты – это не однодневная кампания: это должно стать повседневным образом жизни каждого гражданина.

– «Таза Қазақстан» – это не просто субботник, а проявление любви к родной земле, общей ответственности и гражданской культуры. Если каждый житель будет с заботой относиться к своему двору, своей улице, селу, облик региона станет еще краше. В этом и заключается глубинный смысл и цель программы «Таза Қазақстан», инициированной Главой государства Касым-Жомартом Кемеловичем Токаевым. Это не просто акция, а дальновидная политика, основанная на воспитании национального сознания, заботе о будущем страны. Туркестан – регион с глубокой историей, активными жителями. Чистота, процветание и благоустройство этого края – долг каждого из нас. Давайте улучшать нашу священную землю такими благородными делами, – сказал Н. Кушеров.

В ходе акции были очищены склоны гор и общественные территории, вывезен мусор, проведены работы по озеленению. В результате было вывезено 93 тонны мусора и очищено 72 гектара территории.

К слову, по Туркестанской области в общенациональной экологической акции приняло участие около 74 тысяч человек.

В целом, в регионе работы в рамках программы «Таза Қазақстан» продолжаются на системной основе. Ранее в осенних акциях приняло участие более 15 тысяч человек, было вывезено 779,8 тонны мусора и очищено свыше 508 гектаров территории.