Архив рубрики: Ақпарат

Ақпарат, Саясат

Шавкат Мирзияев 66 жаста, енді ол 83 жасқа дейін билікте қалуы мүмкін

Оставить комментарий

Өзбекстанның орталық сайлау комиссиясы 1 мамырда Өзбекстан Конституциясы бойынша жексенбілік референдумның соңғы нәтижелерін жариялады деп хабарлайды Stan.kz ақпарат агенттігіне сілтеме жасап Taq.kz тілшісі

Дауыс беруге қатысқан азаматтардың 90,2%-ы Конституцияны өзгертуге келісті, соның арқасында президент Мирзиеевтің 2040 жылға дейін билікте қалуға мүмкіндігі бар. Түзетулердің арқасында президенттік мерзім бес жылдан жеті жылға дейін ұзарады.

Президентке үшінші рет сайлауға түсуге мүмкіндік берілген. Қазір Шавкат Мирзияев 66 жаста, енді ол 83 жасқа дейін билікте қалуына болады.

Мирзиеев билікке Өзбекстанның тұңғыш президенті Ислам Каримов қайтыс болғаннан кейін келді.

Орталық сайлау комиссиясының басшысы Зайниддин Низамходжаев брифингте анықталған елеулі бұзушылықтарға байланысты Ташкент және Сырдария облыстарында үш учаскеде дауыс беру нәтижелері жойылғанын хабарлады. Осыған байланысты дауыс беру қорытындысына өзгерістер енгізілді.

Референдумға қатысым – 84,5%.

9,35% немесе 1 558 817 адам Мирзиеевтың 2040 жылға дейін билікте болуына қарсы болды.

Заңнамаға сәйкес ОСК референдум өткізілгеннен кейін 10 күннен кешіктірмей, қорытынды бойынша қабылданған шешімді ресми сайтта және ресми дереккөздерде жариялайды. Референдумның орындалуын ұйымдастыру үшін оның қорытындылары ресми жарияланған күні шешім Олий Мәжілісінің палаталарына және президентке жіберіледі.

Ақпарат, Қайырымдылық, Қоғам

ҚАЙСАРДЫҢ АРМАНЫ ОРЫНДАЛДЫ

Оставить комментарий

Ерекше балалар күн сайын қиындықтарды жеңуге мәжбүр. Оларға көмек, жанашырлық пен көңіл қажет. Дені сау балалар жүгіре алады, секіре алады, ашық ойындар ойнайды, спортпен шұғылдана алады. Ал ерекше балалар арбасындағы бала өмірдің көптеген қуаныштарынан айырылған.
Осындай ерекше баланың бірі Қайсар Қайратұлының арманы орындалды. «AMANAT» партиясы Түркістан облыстық филиалының төрағасы Алтынсары Үмбетәлиев «Армандар орындалады» жобасына арнайы қатысып, қолдау білдірді. 9 жастағы Қайсар есімді ерекше балаға Алтынсары Дүйсенбекұлы өзі армандаған велосипедін тарту етті.

— Меніңше, мұндай балалар өз құрдастарына ұқсағысы келеді. Кейде өздерін жеңе отырып, олар да өз мақсаттарына жетеді. Ерекше балаларға көмектесу керек, оларға мұқият және сезімтал болуымыз керек. Мұндай баланың әр күлкісі — бұл сыйлық. Мен мұндай балаларға өздеріне сену және қоғамның толыққанды мүшесі болу үшін басқаларға қарағанда қарым-қатынас қажет деп санаймын. Сондықтан да, алдағы уақытта партия атынан жобаға қолдау жасауды жалғастыратын боламыз,- деді А.Үмбетәлиев.

«Армандар орындалады» жобасының авторы Әсел Бимырзаеваның айтуынша мұндай жобаның мақсаты, үйден оқытылатын ерекше балалардың қоғамнан тысқары,
елеусіз қалмайтындарын ұғындыру және өмірлеріне өзгеріс енуі үшін қарапайым армандарын орындау арқылы қызығушылықтарын арттыру.


Айта кетейік, бұл күні арнайы ойын жеребесі арқылы 10 ерекше баланың арманы орындалып, қолдау жасалды.

Ақпарат, Ауыл шаруашылығы, Қоғам

ТҮРКІСТАН ОБЛЫСЫНДА ШІРКЕЙЛЕРГЕ ҚАРСЫ КҮРЕС ЖҰМЫСТАРЫ ЖАЛҒАСУДА (Видео)

Оставить комментарий

Түркістан қаласынан бастап 386,4 га жер теліміне химиялық әдіспен 3 рет дәрілеу шаралары жүргізілді;

Кентау қаласына 37,9 га жер теліміне химиялық әдіспен 2 рет дәрілеу шаралары атқарылды;

Арыс қаласы аумағында 279,23 га жер теліміне химиялық әдіспен 2 рет дәрі шашу шаралары ұйымдастырылды. Арыс қаласынан өтетін Сырдария өзеніне 22 680 литр бактицид препараты қолданылып, биологиялық әдіспен өңделді

Отырар ауданы аумағында 166,3 га жер теліміне химиялық әдіспен 2 рет дезинсекция шаралары жүргізілді. Отырар аумағынан өтетін Сырдария өзеніне 12 960 литр бактицид препараты қолданылып, биологиялық әдіспен өңделді;

Сауранда 107,5 га жер теліміне химиялық әдіспен 2 рет дезинсекция шаралары қолға алынып;

Шардара ауданы аумағында 243,8 га жер теліміне кардинал, фипрон препараттары қолданылу арқылы 2 рет дезинсекция шаралары өткізілді. Шардара аумағынан өтетін Сырдария өзенін өңдеуге 9720 литр бактицид препараты қолданылды.

Ақпарат, Ауыл шаруашылығы, Қоғам

ШІРКЕЙЛЕРГЕ ҚАРСЫ КҮРЕС ШАРАЛАРЫНА 62 ТЕХНИКА ЖӘНЕ 77 МАМАН КІРІСТІ

Оставить комментарий
Түркістан облысының аумағында шыбын-шіркей және сол сияқты қос қанатты қансорғыш жәндіктердің санын азайтуға және ғылыми сүйемелдеу жұмыстарын жүргізуге мердігер ЖШС «Satti Tulik» анықталып, дезинсекциялық жұмыстары жүргізілуде.
Дезинсекция шаралары облыс аумағында наурыз айынан бастап жүзеге асырылуда. Жәндіктермен күресу жұмыстары химиялық (кардинал, фипрон) және биологиялық (бактицид) әдістерімен өңделуде. Жалпы 3663 га аумақ химиялық әдіспен және Сырдария өзеніне биологиялық әдіспен 2 кезеңмен суға төгу жұмыстары жүргізілді.
 
Атап айтсақ, Түркістан қаласы аумағында 386,4 га жер теліміне химиялық әдіспен 3 рет дезинсекция шаралары жүргізілді. Кентау қаласы аумағында 37,9 га жер теліміне химиялық әдіспен 2 рет дезинсекция шаралары атқарылды. Арыс қаласы аумағында 279,23 га жер теліміне химиялық әдіспен 2 рет дезинсекция шаралары ұйымдастырылды. Сонымен қатар Арыс қаласынан өтетін Сырдария өзеніне 22680 литр бактицид препараты қолданылып, биологиялық әдіспен өңделді. Отырар ауданы аумағында 166,3 га жер теліміне химиялық әдіспен 2 рет дезинсекция шаралары жүргізілді.
Отырар аумағынан өтетін Сырдария өзеніне 12960 литр бактицид препараты қолданылып, биологиялық әдіспен өңделді. Сауран ауданы аумағында 107,5 га жер теліміне химиялық әдіспен 2 рет дезинсекция шаралары қолға алынды. Шардара ауданы аумағында 243,8 га жер теліміне кардинал, фипрон препараттары қолданылу арқылы 2 рет дезинсекция шаралары өткізілді. Сонымен қатар Шардара аумағынан өтетін Сырдария өзенін өңдеуге 9720 литр бактицид препараты қолданылды.
 
Дезинсекция шаралары қоршаған ортаға, Сырдария өзенінің флорасы мен фаунасына зиян тигізбейді. Жұмыстар жалғасады. Жұмыс барысы Энергетика және тұрғын үй-коммуналдық шаруашылық басқармасының қатаң бақылауында.
Айта кетейік, ғылыми зерделеу жұмыстарына 10 адам жұмылдырылған. Дезинсекция жұмыстарына 62 техника және 77 адам тартылған.
Ақпарат, Қоғам, Мәдениет, Өнер

ТҮРКІСТАН ТЕАТРЫНДА АЛҒАШ РЕТ МУЗЫКАЛЫҚ КОМЕДИЯ САХНАЛАНАДЫ

Оставить комментарий

Бұл туралы бүгін Түркістан музыкалық драма театрында өткен баспасөз жиынында жаңа қойылым режиссері Олжас Жақыпбек мәлімдеді. Оның айтуынша жарты ғасыр бұрын жазылған шығарманы театрдың жас актерлары мен балет әртістері қайта жандандырады. Сонымен қатар басты рөлді сомдайтын өнер иелері мен шығармашылық топ журналистер сұрақтарына жауап берді.

Қанабек Байсейітов пен Қуандық Шаңғытбаевтың «Беу, қыздар-ай!» комедиясы – Кеңес заманында Социалистік Еңбек ері Зылиха Тамшыбаеваға арнап жазылған шығарма. Заманауи өзгертілген «Беу, қыздар-ай! » спектаклінің көтерген тақырыбы әлеуметтік желінің белең алуы, ауылдағы білікті мамандар тапшылығы, қыздарға өзіне лайық теңін табудың қиындығы сияқты келелі мәселелер болып табылады.

Спектакльді замануи сахналаған талантты, жас режиссер және композитор – Олжас Жақыпбек, театрдың көркемдік жетекшісі – Айнұр Көпбасарова, балетмейстер – Мадина Мұратбекова, гримм бойынша суретші – Адэль Нұрқасымова, қоюшы суретші – Нұрлан Төлешов. Әубәкір рөлін Данияс Нұрқабден мен Рамазан Өмірзақ сомдаса, композитор Сұлтан – Мұзафар Ғалымжанұлы мен Айбек Боранбаев және режиссер Хасен – Шерхан Саматұлы және Болатбек Оспан, Айсұлу рөлін Шұғыла Жәнібекова мен Ақбөпе Жеңсікбай ойнайды.

Айта кетейік, 1-2 және 7-8 мамыр күндері Түркістан музыкалық драма театры алғаш рет музыкалық комедия – «Беу, қыздар-ай!» спектаклінің премьерасын көрерменге ұсынбақ. Сахнаға шыққанына қанша уақыт өтсе де, «Беу, қыздар-ай!» көрермені көп, құндылығын жоғалтпаған туынды.

Ақпарат, Қоғам, Саясат

Сарыағаштың әкімі сырғытпа есеп пен көзбояушылық жасап жүр ме?

Оставить комментарий

» Жұмыс істеп жатырмыз» деген сырғытпа есеп пен көзбояушылық емес, нақты іс керек». Түркістан облысының әкімі Сарыағаш ауданының әкімі Арман Абдуллаевтың жұмысын сынға алды, деп хабарлайды TAQ.KZ тілшісі.

Мұндай ескертулерді Дархан Сатыбалды кезекті көшпелі мәжілісте  айтып, өз саласы бойынша индикаторларды орындай алмай жүрген басшылар мен жауаптыларға жұмысты сапалы атқару керектігін тапсырған.

– «Сарыағаш – туризмді дамытуға өте қолайлы аймақ. Мұндағы шипажайлар, минералды су бүкіл Қазақстанға әйгілі. Сондықтан жауапты басқармалармен бірлесіп, туризмді дамыту үшін қолайлы жағдай жасау қажет. Жаңа жұмыс орындарын ашу – аудан әкімі жұмысының басты көрсеткіштерінің бірі. Жастарды жұмыспен қамтуға бағытталған бағдарламалар бар. Аудан әкімдігі бұл мүмкіндіктерді толық пайдалана алмаған. Осы бағытта жұмысты күшейту керек. «Жұмыс істеп жатырмыз» деген сырғытпа есеп пен көзбояушылық емес, нақты іс керек.» — деді, Түркістан облысының әкімі Дархан Сатыбалды.

Сондай-ақ, көрші мемлекетпен шекаралас ауданның сауда-саттықты, өнеркәсіпті дамытуға мүмкіндіктер мол екенін айтқан облыс әкімі, тамақ өнімдерін өндіру, туризм саласына тартылған инвестициялардың көлемі бойынша жоспарлар былтыр орындалмағанын мәлім етті.
«Елді-мекендердің айналасы күл-қоқысқа тола. Тазалық бойынша жұмыс күшейтілсін. Тазалық болған жерде – талап болады. Арман Айдарұлы, сіз бұл қызметке жақында кірістіңіз. Ауданды дамыту жоспарын назарда ұстап, инвестиция тарту, өнеркәсіп көлемі бойынша осы жылға бекітілген жоспарларға қол жеткізу үшін тиісті басқармалармен бірлесе қажетті шараларды қабылдаңыз» – деді облыс әкімі.
Ал, Түркістан облысы әкімі аппаратының басшысы Еркеғали Әлімқұлов ауданды дамыту барысындағы кемшіліктер мен мәселелерге тоқталды. Зерделеу жұмыстары көрсеткендей, тамақ өнімдерін өндіруге тартылған инвестиция 72,5 пайызға, туризм саласына тартылған инвестиция 71,1 пайызға ғана орындалды. Егін шаруашылығының нақты көлемі индексі 14,6 пайызға кеміген. Ірі қара мал, қой басында өсім байқалмаған. Осыған байланысты өңір басшысы тарапынан Сарыағаш ауданы әкімдігіне «Ауыл аманаты» бағдарламасын талапқа сай жүзеге асыру, жылыжайлар шаруашылығын дамыту, агроөнеркәсіп кешенінде жұмысты ширату тапсырылды.
Сонымен қатар, Сарыағаш ауданының жауапты басшыларына бюджеттің жергілікті кірістерін, түсімдерін арттыру жөнінде де нақты тапсырмалар берілді. Сарыағаш ауданында 1125 салық салу нысаны мүліктерін 5 млрд. 824 млн. теңгеге бағалаған. Бірақ аталған нысандардың нарықтық бағалау құны 85 млрд. теңгені құрап отыр, яғни 17 есе жоғары. Бұл – салықтың төмендеуіне әкеліп соғуда.
Ақпарат, Қоғам, Саясат

Түркістан облыстық мәслихаты тұрақты комиссия отырысын өткізді

Оставить комментарий

VIII шақырылымдағы Түркістан облыстық мәслихатының кезекті екінші сессиясы қарсаңында, облыстық мәслихаттың әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссиясының отырысы өтті. Тұрақты комиссия отырысына Әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссиясының төрағасы Алмас Салимов төрағалық етті.

Комиссия отырысына Түркістан облыстық мәслихатының төрағасы Н.Ә.Әбішов, Түркістан облысы әкімінің орынбасарлары, Түркістан облысы бойынша тексеру комиссиясының мүшелері, Түркістан облыстық аумақтық сайлау комиссиясының өкілі және облыстық басқарма басшылары, сонымен қатар табиғи газ тасымалдаушы ұйымдарының өкілдері қатысты.

Күн тәртібінде 23 мәселе қаралды:Комиссия отырысында Түркістан облыстық мәслихатының 2022 жылғы 13 желтоқсандағы №19/232-VІI «2023-2025 жылдарға арналған облыстық бюджет туралы» шешіміне өзгерістер енгізу туралы және Облыс әкімдігінің мемлекеттік-жекешелік әріптестік жобаларының іске асырылу барысы жөніндегі есебі мәселелер бойынша облыстық экономика және бюджеттік жоспарлау басқармасының басшысы Қ.Қайыпбек баяндама жасады.

Сонымен қатар, осы отырыста Түркістан облыстық мәслихаты төрағасының облыстық мәслихат қызметін ұйымдастыру, депутаттардың сауалдары мен сайлаушылардың өтініштері бойынша атқарылған жұмыстар және облыстық мәслихат аппаратының қызметі жөніндегі есебі тыңдалды. Тұрақты комиссия мүшелері аталған есепті назарға алып, атқарылған жұмыстарды атап өтті. Күн тәртібіндегі мәселелер бойынша өз пікірлерін айтып, аталған мәселелерді сессияның қарауына енгізуді ұсынды.

Ақпарат, Ауыл шаруашылығы, Қоғам, Төтенше жағдай

Тұрғындар биыл шыбын-шіркейдің көбейгенін айтып, дабыл қағуда (видео)

Оставить комментарий
Шіркейлер қауіпті аурулардың қоздырғыштарын тасымайлдайды. Тіпті, бір жылдары мал бағуға шыққан баланы қос қанатты қансорғыштар талап, жасөспірім көз жұмыпты. Бұл туралы биология ғылымдарының кандидаты Қаршыға Көшкімбаев айтты.
Сырдария өзенінің бойында орналасқан ауыл тұрғындары биыл шыбын-шіркейдің көбейгенін айтып, дабыл қағуда. Айта кетейік, биыл дәл осы бағытағы жұмыстарды атқару үшін бюджеттен 644 млн теңге бөлінген. Сондықтан, жауаптылар бақылауды күшейту керек.

Ақпарат, Қоғам, Саясат

Бюджет, экономика және ауыл шаруашылығы мәселелері жөніндегі тұрақты комиссиясының отырысы өтті

Оставить комментарий

Түркістан облыстық мәслихатының бюджет, экономика және ауыл шаруашылығы мәселелері жөніндегі тұрақты комиссиясының отырысы өтті. Комиссия отырысын бюджет, экономика және ауыл шаруашылығы мәселелері жөніндегі тұрақты комиссияның төрағасы М.Тұрысбеков жүргізіп отырды. Отырысқа облыстық мәслихат төрағасы Н.Әбішов, “AMANAT” партиясы Түркістан облыстық филиалының төрағасы А.Үмбетәлиев, облыстық мәслихат депутаттары және облыстық басқарма басшылары қатысты.
Күн тәртібіне төмендегі мәселелер енгізіліп, қаралды.


1. Түркістан облыстық мәслихатының 2022 жылғы 13 желтоқсандағы №19/232-VІI «2023-2025 жылдарға арналған облыстық бюджет туралы» шешіміне өзгерістер енгізу туралы;
2. Облыс әкімдігінің мемлекеттік-жекешелік әріптестік жобаларының іске асырылу барысы жөніндегі есебі;
3. Түркістан облыстық мәслихаты төрағасының облыстық мәслихат қызметін ұйымдастыру, депутаттардың сауалдары мен сайлаушылардың өтініштері бойынша атқарылған жұмыстар және облыстық мәслихат аппаратының қызметі жөніндегі есебі;
4. Түркістан облысы әкімдігінің дербес құрамындағы өзгерістерді келісу туралы;
5. «Түркістан облыстық мәслихатының 2023 жылға арналған жұмыс жоспары туралы» Түркістан облыстық мәслихатының 2022 жылғы 13 желтоқсандағы №19/250-VIІ шешіміне өзгерістер енгізу туралы.

Күн тәрібіндегі мәселелер бойынша жауапты басқарма басшылары баяндама жасады. Өз кезегінде, тұрақты комиссия мүшелері пікірлері мен ұсыныстарын айтып, аталған мәселелерді сессия қарауына енгізуге ұсынды.

«AMANAT» партиясы Түркістан облыстық филиалының баспасөз қызметі