Архив рубрики: Ақпарат

Ақпарат

ПОЛИЦЕЙ ПАРА РЕТІНДЕ «ТОРТ» АЛҒАН

Оставить комментарий
ZTB Qazaqstan сайты әлеуметтік желіде Атыраулық полиция қызметкерінің жол ережесін бұзған жүргізушіден пара ретінде «торт» алған видеосын жариялады.
Жол ережесін бұзған жүргізуші полиция қызметкеріне жағдайын айтып, әкімшілік хаттама толтырмауын өтінген. Ал полицей хаттама толтырмауға келісіп, бірақ «Алмагүл» шағын ауданындағы тәттілер дүкенінен торт алып келуін ұсынған. Тәртіп бұзған азамат полицей сұрағандай, тортты оның тапсырысы бойынша сатып алып, телефон арқылы тауар мен түбіртекті көрсетіп, қайда жеткізуін сұраған.
Видеода полицей қызметтік көлігімен «Бақдәулет» сауда орталығының артында тұрғанын айтып, сонда шақырған. Торт алған азамат олардың көлігіне отырып, қолындағы тортсыз түсіп бара жатқан сәті бейнебақылау камерасына түсіп қалған.
Атырау қалалық полиция басқармасы бұл оқиға 2022 жылдың 30-желтоқсанында болғанын хабарлады. Сондай-ақ, аталған фактіге қатысты қызметтік тексеру жүргізіліп, Атырау қалалық полиция басқармасы Патрульдік полиция батальонының 2 қызметкері жұмыстан шығарылғанын мәлімдеген.
Ақпарат, Саясат

2022 ЖЫЛЫ ТҮЛКІБАС АУДАНЫНА 11 МЫҢНАН АСТАМ ТУРИСТ КЕЛГЕН

Оставить комментарий
Өткен жылдың қорытындысымен Түркістан облысы, Түлкібас ауданына 11339 турист келген. Оның ішінде 450 шет ел азаматы бар. Бұл туралы аудан әкімі Нұрлан Байғұттың төрағалығымен өткен кезекті лездемелік жиында аудандық кәсіпкерлік бөлімінің басшысы Ұ.Әлімбаев мәлімдеді.
Бөлім басшысы өткен жылдың қорытындысымен кәсіпкерлік саласында оның ішінде индустрияландыру мен инвестиция тарту бағытындағы атқарылған жұмыстарды баяндап, алдағы іске асатын жобалармен таныстырды.
 
Бұдан бөлек жиынның күн тәртібінде ауданның әлеуметтік-экономикалық даму көрсеткіштері және дипломмен ауылға мемлекеттік бағдарламасының іске асу барысы мен сыбайлас жемқорлыққа қарсы күрес жұмыстарының барысы қаралды.
Жалпы өткен жылы дипломмен ауылға бағдарламасы бойынша жәрдемақы алуға 80 жас маманнан өтініш түскен. Соның ішінде 62 маманға 100 АЕК көлемінде әлеуметтік қолдау шаралары көрсетілген. 2022 жылы 10 жас маманға үй салуға немесе сатып алуға 1500 АЕК көлемінде пайызсыз несие берілген.
Жиынды қорытындылаған Нұрлан Мархабатұлы сыбайлас жомқорлықпен күресу, оның алдын алу жұмыстарын барынша күшейту бойынша бөлім басшылары мен ауыл әкімдеріне бірнеше тапсырма жүктеді. Жауапты орынбасары мен тиісті бөлім басшысына коммуналдық қызметтердің үздіксіз жұмыс істеп тұруын бақылауда ұстауды тапсырды.
Ақпарат

ЖАРЫЛҒЫШ ЗАТТАР ТӘРКІЛЕНДІ

Оставить комментарий

Бұл туралы Түркістан облысы ПД бастығының орынбасары полиция полковнигі Құрманбек Сахов мәлімдеді. Полиция полковнигінің айтуынша: «Түркістан облысы ПД Ұйымдасқан қылмысқа қарсы күрес басқармасының жедел уәкілдері жұмыс орнында атыс қарулары, оқ-дәрілер, жарылғыш заттар сақтаған тұрғынды анықтады.»


Күдікті ретінде Кентау қаласындағы көлік жөндеу орнында жұмыс істейтін жергілікті тұрғын ұсталған. Ер адамнан «Лидер ТТ» маркалы травматикалық тапанша мен 5 дана патрон табылды.
Әрі қарай тінту шаралары оның жұмыс орнында, яғни көлік жөндеу орталығында жүргізілді. Жедел уәкілдер 12 калибрлі тегіс ұңғылы 2 дана аңшы мылтығын, әрқайсысының салмағы 0,5 кг болатын 3 пакет түтінді ұнтақ, «Байкал-Күзетші» травматикалық тапаншасы, 1 граната, 35 дана оқ-дәрілер мен 1 дана жарылыс қорапша тәркіленді.


Сот-криминалистикалық және баллистикалық сараптама тағайындалды. Күдікті қамауға алынды. Тәртіп сақшыларымен кентаулық тұрғын осыншама қару-жарақты не мақсатпен сақтап жүргені анықталуда.

Ақпарат, Саясат

ТӨЛЕБИ АУДАНЫНДА КӨПҚАБАТТЫ ТҰРҒЫН ҮЙЛЕР КӨБЕЙЕДІ

Оставить комментарий
Төлеби ауданында жыл сайын жаңа әлеуметтік маңызы бар нысандар мен тұрғын үйлер көптеп бой көтеріп жатыр.
Аудан халқын қолжетімді баспанамен қамту мақсатында Ленгірдегі І мөлтек аудан аумағынан 60 пәтерлі 9 тұрғын үй құрылыстарының сметалық құжаттары дайындалып, сараптаманың оң қорытындысы алынып, қаржыландыруға ұсынылған. Сондай-ақ, аудан орталығындағы Базарная және Қ.Дүйсемұратұлы көшелеріне 5 қабатты 40 пәтерлі 4 тұрғын үйдің құжаттарын қаржыландыру үшін салалық басқармаларға ұсынылған.
Сонымен қатар, қазіргі таңда «Алатау» мөлтек ауданындағы 3 класстағы тұрғын үйлердің құрылысын жүргізуге жобалау-сметалық құжаттамасы әзірленіп, сараптамадан өткізу жұмыстары демеушілер есебінен жүргізілуде. Сондай-ақ, Аққұм және Киелітас ауылдық округтерінде ауылдық мәдениет үйлерін салу бойынша құрылыс жұмыстары басталып, оның ішінде «Ауыл — ел бесігі» бағдарламасы аясында Момынай елдімекенінде 146 орындық мәдениет үйінің құрылыс жұмыстары қызу жүргізілуде.
Бұдан бөлек, Киелітас елдімекенінде 146 орындық ауылдық мәдениет үйі құрылысын қаржыландыру үшін салалық басқармаларға жолданған. «Ауыл — ел бесігі» жобасы аясында Бірінші Мамыр елдімекенінде заманауи үлгідегі спорттық-сауықтыру кешенінің және футбол алаңшасының құрылысына Ұлттық қор есебінен 467 млн теңге қаржы қарастырылып, құрылыс жұмыстары кестеге сай жүргізіліп жатыр. Сонымен қатар, Көксәйек елдімекенінде жоба құны 926 млн теңге болатын спорттық сауықтыру кешенін салу үшін, жобасы тиісті салалық басқармаларға қаржыландыруға ұсынылды.
Еске сала кетсек, былтыр Тәуелсіздік күні мерекесі қарсаңында Төлеби ауданының құрылғанына 90 жыл толуына орай Ленгір қаласында 3 көпқабатты тұрғын үй пайдалануға берілген болатын. «Нұрлы жер» бағдарламасы аясында салынған үйден пәтер кезегінде тұрған 60 отбасыға баспана кілттері табысталды. Баспаналар әлеуметтік осал топтар санатындағы отбасылар мен ата-анасының қамқорлығынсыз қалған балаларға берілді.
Айта кетсек, «Жайлы мектеп» жобасы аясында Төлебиде бірнеше мектеп салынбақ. Ленгірде – 1500 орындық, Бірінші Мамырда – 1500 орындық, Достықта – 900 орындық, Көксәйекте – 600 орындық, сондай-ақ Қосағашта 600 орындық жаңа мектептердің кұрылысы жоспарланып отыр.
Ақпарат, Саясат

КЕНТАУ ҚАЛАСЫНЫҢ ӘКІМІНЕ ҚЫЗМЕТТІК ТЕКСЕРУ ЖҮРГІЗІЛМЕК

Оставить комментарий
Түркістан облысының әкімі Дархан Сатыбалды сын сағатында сүрінген барлық басшыларды қатаң сынға алды. Бұған дейін әкімге жауаптылар жылыту маусымына 100% дайынбыз деп ақпарат берген. Өкінішке орай бұл ақпарат — жалған. Ал, жұмыс өз деңгейінде жүргізілмегіндігі анықталып отыр.
«Аудан, қалаларға көмір жеткізу толық шешілмеген. Тұрғындар, жылыжай иелері көмір тапшылығына және бағасына наразылық білдіруде. Қажетті көмір көлеміне орай басқармалар мен аудандардан жинақталған мәліметтер де дұрыс болмай шықты. Табиғи газ құбырғылары бойынша проблемалар туындауда. Сарыағаш, Қазығұрт аудандарында газ құбырлар қатып қалып жатыр. Ауыз су құбырлары істен шығып, осы аптада 5 мыңға жуық абонент сусыз қалды. Арыс қаласының бірқатар тұрғындары жылу беру сапасына наразы. Кентау қаласындағы жылу орталығының екі қазандығы істен шықты. Жылу беру маусымында орын алып жатқан осы жайттарға байланысты барлық қала, аудан әкімдеріне аталған кемшіліктерді шұғыл жоюды тапсырамын. Оған жауапты энергетика басқармасының басшысына, Кентау қаласының әкіміне, осы салаға жауапты менің орынбасарама қатысты қызметтік тексеру жүргізілсін, – деді Түркістан облысының әкімі Дархан Сатыбалды.
ТАQ.KZ
Ақпарат, Саясат

ЖОСПАРДЫ ОРЫНДАМАҒАН БАСШЫЛАР ТӘРТІПТІК ЖАЗАҒА ТАРТЫЛАДЫ

Оставить комментарий
Түркістан облысында инвестиция тарту, экономикалық көрсеткіштерді жоғарылату бағытындағы жоспарды орындай алмаған аудан, қала әкімдерінің орынбасарлары тәртіптік жазаға тартылады. Облыстың әлеуметтік-экономикалық дамуының 2022 жыл бойынша қорытындылары және 2023 жылға арналған жоспары талқыланған аппарат мәжілісінде Түркістан облысының әкімі Дархан Сатыбалды осылай деді.
– Инвестиция тарту, өнеркәсіпті дамыту бойынша бірнеше рет жиналыс өткізіп, нақты тапсырмалар бердік. Бірақ жұмыс ойдағыдай емес. Инвестиция тарту жөніндегі индикаторлар толық орындалуы тиіс. Сондықтан 2024 жылдың жоспарын орындау үшін қазірден дайындалуымыз керек. Бюджет қаражаты емес, жеке инвестицияға басымдық берілсін. Өңдеу өнеркәсібі төмендеп кеткен. Бәйдібек, Жетісай, Сайрам Келес, Созақ ауданында осы бағыт бойынша инвестициялық жобалар жүзеге асырылмаған. Жауапты басқарма тарапынан да тиісті бақылау жүргізілмеген әрі инвестиция тарту сапасыз болды. Әкімдер бұл жұмысты төмен деңгейде атқарған. Бұл бойынша бірнеше рет жиын өткіздік. Сондықтан аудан, қала әкімдерінің инвестиция саласына жауапты орынбасарларына тәртіптік шара көруді тапсырамын. Нақты жобалар аз. Орындалмайтын жобаларды да тізімге қосып қойғансыздар. Инвесторларға қажетті инфрақұрылымның дайындығы төмен. Осыған байланысты инвестиция тарту, өндірісті дамыту бойынша сапалы жоспар әзірленсін. Оған орындалатын әрі нақты жобалар енгізілсін. Аудан, қалалардың даму әлеуеті және мүмкіндігіне сәйкес бір салаларға мамандандырылуын қадағалаңыздар. Мәселен Жетісай, Мақтаарал, Шардара және Сауран аудандарында тігін фабрикалары, Келес, Сарыағаш, Қазығұртта жылыжай шаруашылығы кең қанат жаюы тиіс.
Осылай әр ауданның мүмкіндігіне сай жұмысты жоспарлау қажет. Инвестициялық штабтың жұмысын бастаңыздар, – деді Дархан Сатыбалды.
Ақпарат, Білім

МЕКТЕП ОҚУШЫЛАРЫ ҮШІН СОҢҒЫ ҚОҢЫРАУ ҚАЙ КҮНІ СОҒЫЛАДЫ?

Оставить комментарий
Оқу-ағарту министрлігі мәжіліс депутаттарының мектептердегі соңғы қоңырау күнін кейінге шегеру мәселесіне байланысты үндеуіне жауап берді.
«Қазақстан мектептерінде оқу жылының ұзақтығы 36 аптаны құрайды. Баршамызға белгілі, оқу жылы 1 қыркүйекте басталады. Биылғы оқу жылы 31 мамырда аяқталады. 31 мамыр – мектеп күні, сабақтан басқа балалардың жас ерекшеліктерін ескере отырып, сыныптан тыс шаралар өткізіледі. 1 маусымда балалар ресми түрде соңғы қоңырауға шығады. Бұл күн Халықаралық балаларды қорғау күні. Осы мерекемен қатар соңғы қоңырау соғылады», деп түсіндірді Оқу-ағарту министрлігіне қарасты Орта білім комитетінің төрайымы Гүлмира Кәрімова.
Еске салайық, 18 қаңтарда Мәжіліс депутаты Аманжол Алтай соңғы қоңырауды басқа күнге ауыстыруды ұсынып, депутаттық сауал жолдаған еді.
Ақпарат, Қызықты

ТІК ТОК ҚОСЫМШАСЫНА ҚАЗАҚ ТІЛІ ҚОСЫЛДЫ

Оставить комментарий
Тік Ток қосымшасындағы интерфейс тілін кез келген уақытта ауыстыруға болады. Ол үшін қосымшаның төменгі оң жақ бөлігіндегі «кескінді» басыңыз. Сол кезде сіздің жеке мәліметтеріңіз сақталатын парақша ашылады.
Баптауға өту үшін дәл осы парақшаның оң жақ жоғары тұсындағы үш сызықпен бейнеленген белгіні басуыңыз қажет. Содан кейін «параметрлер мен құпиялылық» бөліміне өтіп, одан «тіл» деген сілтемеге кіресіз. Дәл осы жерден қазақ тілін таңдауыңызға болады.
Естеріңізге сала кетсек, өткен жылдың қазанында елордада Astana Media Week медиафорумы ұйымдастырылды. Осы іс-шараға қатысқан Шығыс Еуропадағы TikTok Global Business Solutions директоры және TikTok Kazakhstan компаниясының басшысы Анастасия Панина қосымшаның қазақ тіліне аударылатынын растаған еді.
Ақпарат

ТҮРКІСТАН: «I-QALA» ЖОБАСЫ ІСКЕ ҚОСЫЛУДА

Оставить комментарий

Түркістан облысының 30-дан астам табиғи монополия субьектілерінің 250-ден астам қызметін біріктіретін «I-Qala» цифрлық коммуникация сервисі құрылды. Сервис арқылы жеке және заңды тұлғалар, сондай-ақ Түркістан облысының жеке кәсіпкерлері дербес шот ашуға, анықтама, техникалық шарт, су, электр, жылумен жабдықтау және су бұру секілді қызметтерге шарт жасауға өтінім бере алады.
Тұрғындар электрондық цифрлық қолтаңба немесе СМС арқылы өтінім беріп, қажетті қызмет түрін таңдап, мәліметтерді толтыру және өтінімді жіберу жеткілікті. Аталған жүйе қолданушыларға үйден шықпай қызмет алумен қатар, өз өтінішінің орындалуын онлайн режимде бақылай алады.
Осылайша аталған жоба кәсіпкерлік субъектілерін қоса алғанда, жеке және заңды тұлғалар үшін қызмет алудың ыңғайлы және жылдам тәсілін ұсына отырып, «тұрмыстық сыбайлас жемқорлық» тәуекелдерін және әкімшілік кедергілерді жою арқылы бизнесті жүргізу мен дамыту үшін қолайлы жағдай жасауға мүмкіндік береді.
Барлық қызмет түрлерін https://iturkistan.kz/ сайты арқылы біле аласыздар!

Ақпарат, Қызықты, Саясат

Асқар Мамырбаев: Боқтауға тыйым салу — қазақты тағы бір дәстүрінен айыру

Оставить комментарий

Қазақстанның құрметті сәулетшісі, Келес ауданының «Құрметті азаматы» Асқар Мамырбаев елімізде боқтағандарға емес, керісінше  тілі мен дәстүрін ұмытқандарға айыппұл салу керек деп есептейді. Бұл туралы ол өзінің фейсбук парашасында мәлімдеген.    

«Боқтауға тиым салу- қазақты тағы бір дәстүрінен айыру! Оңтүстікте, жалпы қазақта інілерін жөнге салу үшін, жеңгелерге қарата зілсіз боқтау салты бар еді. Оған да айыппұл салынады ма?Салт, дәстүрлерімізді біртіндеп жою жүріп жатқан жоқ па? Одан да тілі мен дәстүрін ұмытқандарға салыңдар айыппұлды! Анық қазынаның жыртығын жамауға қаражат қажет болып жатса!» -деп жазба қалдырған Асқар Мамырбаев.

Бұл пікірді әлеуметтік желіде талқылап, қолдау білдіріп жатқандар да аз емес. Алайда белгілі сәулетшінің сөзін құп көрмегендер де кездеседі. Олардың қатарында бұған дейін облыстың құрылыс, сәулет басқармасында басшы қызметтерін атқарған Құттыбек Жамашевта бар.

Құттыбек Жамашев керісінше «Салттың тозғанын» ұмытсақ, ештеңе жоғалмайтынын жазған. Осылайша, «боқтауға» келгенде  белгілі сәулетшілердің пікірі екіге бөлініп отыр.  Айта кетейік, елімізде былапыт сөзге — 69 мың теңге айыппұл салу мәселесі қаралуда.

Суреттер Асқар Мамырбайдың фейсбук парақшасынан алынды…