Сарыағаш ауданында «Заң мен тәртіп: қауіпсіз болашақ үшін» тақырыбында жастармен кездесу өтті. Іс-шараның негізгі мақсаты – жастар арасында құқықтық мәдениетті қалыптастыру, заңға деген құрметті арттыру, қоғамдық тәртіпті сақтау және салауатты өмір салтын насихаттау.
Кездесуге «Қазақстан КВН Одағы» республикалық жастар қоғамдық бірлестігінің президенті, «Құрмет» орденінің иегері Есентүгел Елеукен арнайы қатысып, жастармен еркін форматта пікір алмасты. Ол өмірлік тәжірибесімен бөлісіп, жастарды жауапкершілікке, отансүйгіштікке және заң талаптарын қатаң сақтауға шақырды.
Мұндай мазмұнды кездесулер жастардың құқықтық сауаттылығын арттырып қана қоймай, олардың қауіпсіз болашаққа деген сенімін нығайтуға ықпал етеді.
Сонымен қатар, Есентүгел Елеукен жастармен бірге ағаш егу акциясына қатысып, қоршаған ортаны қорғау және жасыл аймақтарды көбейтуге бағытталған игі бастаманы қолдады.
