Ақпарат, Жастар саясаты, Қоғам, Саясат

ДІНИ ТҰРАҚТЫЛЫҚТЫ ҚАМТАМАСЫЗ ЕТУ МАҚСАТЫНДА АҚПАРАТТЫҚ-ТҮСІНДІРУ ЖҰМЫСТАРЫ ЖҮРГІЗІЛУДЕ

Оставить комментарий

Төлеби ауданында теолог мамандары жасөспірімдер мен жастар арасында теріс ағымдар ықпалының алдын- алу бағытында ақпараттық-түсіндіру жұмыстары жүргізіліп келеді. Мамандар тура жолдан түңілмей, түрлі теріс ағымдардан алшақ болу — елдің бірлігі мен ынтымағын қамтамасыз етуге, келешек ұрпақтың өркендеуіне, саналы ұрпақтың қалыптасуына мол мүмкіндіктер беретінін айтып, жастардың санасына сіңіруде.

Айта кетейік аталған іс-шаралар ағымдағы жылы Түркістан облысы әкімінің орынбасары Бейсенбай Тәжібаевпен бекітілген дін саласындағы ақпараттық-түсіндіру тобының 2023 жылға арналған жұмыс жоспарына сәйкес жүзеге асуда. Яғни, «Дін мәселелерін зерттеу орталығы» КММ-нің теолог маманы А.Тағай және Төлеби ауданы ішкі саясат бөлімі «Жастар ресурстық орталығы» КММ-нің теолог маманы Д.Турта білім ордалары мен оқу орындарында арнайы кездесулер өткізіп, түсіндірме жұмыстарын жүргізіп жатыр. Кезекті жиын Төлеби ауданына қарасты, Көксәйек ауылдық округі Туркістан көпсалалы техникалық колледжінің студентерімен өтті. Жалпы жиынға 200 ге жуық оқу ордасының шәкірттері қатысып, қазіргі дүниежүзінде орын алып жатқан келеңсіз оқиғалар мен теріс ағымдардың қоғамға жасап жатқан зардаптары, ел ішіне бүлік салып, тұрақтылықты және тыныштықты бұзу жағдайлары, сондай-ақ олардың түрлі әдіс-тәсілдермен тура жолдан адастыратыны бойынша баяндамаларды тыңдады.

 

Қазіргі таңда, тәуелсіз мемлекетіміздің дамуына  және дамыған елдердің қатырында болуына елдегі діни ахуалдың тұрақты болуы тікелей әсер етеді. Сондықтан,  дәстүрлі дінімізбен мүлдем үйлеспейтін кейбір сан алуан пікірлер мен ұстанымдардан аулақ болу қажет. Сондықтан, Төлеби ауданында  өткен кездеуде мамандар еліміздің жарқын болашағын қалаушы – жас ұрпақтың санасын улап жатқан жат ағымдардың мән-мағынасын, әсер ету жолдары мен тигізер зияндарын ашып көрсетіп, олардың негізгі мақсаттарын атап өтті.

«Дәстүрлі дінге қайшы ағымдарды қоғамда деструктивті немесе теріс пиғылды діни ағымдар деп атайды. Яғни, «деструктивті» деген сөз латын тілінен «құлату», «қалыптасқан жүйені бұзу» деген мағынаны білдіреді. Жалпы айтсақ, діннің атын жамылған жат ағымдардың, топтардың мүшелері діни сауаты төмен, әлеуметтік тұрмысы нашар жастарымызды өз қармақтарына түсіру үшін өздерін ақиқат жолындағы шынайы діндарлар етіп көрсетіп, Отанына, отбасына және ата-бабамыз ғасырлар бойы дәріптеген дәстүрлі дінімізге, қалыптасқан салт-дәстүрімізге күдік келтіріп, қарсы қояды. Тіпті, өздерінің істеген істерін және сөйлеген насихат сөздерін дәлелдеу мақсатында Қасиетті Құран мен хадистерден мысал келтіріп, жастардың санасын улап, жат идеологиясын таратады. Бүгінде, асыл дінімізбен мүлдем жанаспайтын жат ағымдар жетегінде кеткен қаншама қандастарымыз өз жақындарынан, достарынан теріс айналып жатқаны баршаға мәлім. Мұндай түрлі жат ағымдардың жетегіне ерген жас азаматтарымыз балаларына тиісті медициналық екпе ектіруден бас тартып, мектептегі сабақтарын тастап, мектеп жасындағы ұл-қыздардың музыка тыңдауына – қарсылық білдіріп, мемлекеттік әнұранды тыңдауды және туға құрмет көрсетуді харам дейтіндер де бар. Осындай бір ағымдардың теріс пиғылды уағыздарының салдарынан еліміздегі кейбір ұл-қыздарымыз отбасы мүшелерінен, үй-меншіктерінен айырылып, түрлі психикалық ауруларға шалдығып, өз-өзіне қол салып, әр түрлі жағымсыз жағдайларға тап болып жатқандарын да жоққа шығаруға болмайды», — дейді теолог мамандар.

 

 

Айта кетейік, Мемлекет басшысы Түркістанда өткен Ұлттық құрылтайда нақты мақсатқа жету үшін саяси-экономикалық реформа жасау жеткіліксіз екенін айтқан болатын. Яғни,  ең бастысы әр азаматтың сана-сезімін жаңғырту маңызды. Бұл тұрғыда  халықтың дүниетанымы және өмірлік ұстанымдары өзгеруге тиіс. Президент айтқандай пиғыл өзгермесе, ештеңе де өзгермейді.

«Біз қазір халықаралық ахуалдың бұрын-соңды болмаған деңгейде шиеленіскеніне куә болып отырмыз. Кейбір ірі елдер өзіне қажетті күн тәртібін басқаларға таңуға, оларды өз талабына икемдеуге тырысуда. Бір-біріне мүлдем қайшы келетін түрлі идеялар мен ұстанымдар қақтығысы белең алды. Бұл қақтығыс геосаясатта немесе экономикада ғана болып жатқан жоқ. Тіпті, мәдениет пен руханиятты, құндылықтар жүйесін, басқаша айтқанда, идеология саласын да шарпуда. Мұның бәрі тұтас мемлекеттердің және халықтардың қауіпсіздігіне кесірін тигізуі мүмкін. Халықаралық ахуалдың беталысы көңіл көншітпейді. Сондықтан Қазақстан Республикасы бұрын-соңды болмаған деңгейде біртұтас болуы керек. Бүгінгі таңда елді дамытуға кедергі келтіретін нәрсенің бәрінен арылып, құндылықтарымызды нығайта түсуіміз қажет. Сонда ғана ұлттың жаңа сапасын қалыптастырамыз, сан ғасырлық мемлекеттілігіміздің тұғырын бекемдейміз. Олай болмаса, даму көшінің соңында қалып, ақырында құрдымға кетеміз. Өміршең, келешегі зор идеологиялар мемлекет пен қоғамның ортақ ізденісінің арқасында ғана пайда болады. Біз дәстүрлі құндылықтарымызды қазіргі мәдени үрдістермен үйлестіруіміз керек.», — деді Президент.

 

 

Сондай-ақ, Мемлекет басшысы Әділетті Қазақстанды адал азаматтар құратынын айтқан болатын. Яғни, елімізде жаңа қоғамдық этика қалыптасуы керек. Онда елдің бірлігі және тұрақтылығы, азаматтардың өзара тілектестігі, әділдік, заң мен тәртіп, сенім және жауапкершілік сияқты құндылықтар үстемдік құруы қажет екенін мәлімдеген. Төлеби ауданында өткен кездесуде де мамандар жастарға осы бағытқа бейімделіп, өмірдің жарқын жолынан адастыратын деструктивті ағымдардан аулақ болуға шақырды.

Қазіргі таңда, елімізде уәкілетті мемлекеттік органдардың деструктивті ағымдарға қарсы белсенді күрестері мен алдын алу шаралары нәтижесінде көптеген радикалды сайттарға тосқауыл қойылып жатыр, сондай-ақ еліміздің түрлі оқу орындарында жасөспірімдердің діни сауатын арттыратын арнайы ақпараттық-насихаттау жұмыстары мен оқу-ағартушылық сабақтары да өткізілуде. Әр қилы деструктивтік ағымдардың салт-дәстүрімізге, дінімізге және бейбітшілігімізге тигізетін зардаптары жайлы тиісті органдар мен дін өкілдерінің қатысуымен республикалық және аймақтық деңгейдегі іс-шараларда қолға алынған.

 

 

Ақпараттық-түсіндіру тобының мақсаты да жастардың бойына ізгілік, имандылық, отансүйгіштік, қайырымдылық, кішіпейілділік, адалдық секілді қасиеттерді сіңіру. Сондай-ақ саналы ұрпақ тәрбиелеуде отбасы маңызды рөл атқарады дейді мамандар. Демек,  «Ұяда не көрсең, ұшқанда соны ілерсің» дегендей, баланы балабақшадан бастап тұлға ретінде қалыптастыруға, мектеп қабырғасында тілімізді, мәдениетімізді қастерлеуге, жоғарғы оқу орындарында ұлттық құндылықтарымызды дәріптеуге үйрету маңызды. Елдің ынтымағы мен бірлігін сақтап, бейбіт өмір сүру — ең үлкен бақыт деген теолог мамандары  кездесу соңында жастар тарапынан қойылған сұрақтарға да  жауап берді.

Ақпарат, Қоғам

Түрлі этнос өкілдерінің жастары арасында «Ұлттық тағам-қазақ дастарханы» атты байқауы өтті

Оставить комментарий
Төлеби ауданында түрлі этнос өкілдерінің жастары арасында «Ұлттық тағам — қазақ дастарханы» атты байқауы өтіп, салт-дәстүр мен әдеп-ғұрыптар насихатталды.  Аталған іс-шара аудандық ішкі саясат бөлімінің әлеуметтік тапсырысы аясында «BAGLAN GROUP» қоғамдық қорының  ұйымдастыруымен өткізілді. Өткізілген іс-шараның басты мақсаты Төлеби ауданы аумағындағы түрлі этнос өкілдері арасында мемлекеттік тілді насихаттау, құрметтеу, сондай-ақ, қазақ халқының ұлттық тағамдарын дәріптеу, өскелең ұрпақ бойына дұрыс тәлім-тәрбие беріп, жастарды патриоттыққа, отансүйгіштікке баулу, болашақ ұлтжанды ұрпақ тәрбиелеу болып табылады.
Қазақ дастарханы — бірліктің дәнекері деген нақыл сөз бар. Бұл тұрғыда байқауға қатысқан жастарда қазақ халқының тұрмыс-тіршілігінің айнымас бөлігі болып қана қоймай, көшпелі мәдениет пен қазақи қонақжайлылықтың керемет көрінісі болып табылатын ұлтық дастарханын дәріптей білді.
Жалпы, терең тарихқа үңілсек көшпелі тіршіліктің бар бейнеті мен зейнеті осы тамақтану үрдісіне тікелей ықпал еткен. Көшпенділер аз ғана өнім түрінен сан-алуан тағамдар дайындап, олардың сапасын, пайдалы қасиеттерін, дәмін сақтай отырып өңдеуді шебер меңгерген. Мұның барлығы жинақталып халқымыздың айтарлықтай бай, үйлесімді, берекелі ұлттық асханасын құрайды. Сондай-ақ, қазақ дастарханындағы әрбір ұлттық тағамдардың өз тарихы бар. Кез келген ас мәнді де, мағыналы әдет -ғұрыпты қалыптастырған.
Қазақ халқының қонақжайлылығы ұлттық қасиеті екенін ескерсек, ұлт тұрмысында қонақ түскен үйдің дастарханы әрдайым мол, берекелі болуы керек деген үрдіс пайда болған. Ата-бабамыз,  “Қонақ алдымен қабағыңа қарайды, содан кейін табағыңа қарайды”- деп бекер айтпаса керек.  Үй иесі ауқатты болмаса да, қонақ келгенде, оған деген құрмет пен ілтипаттың белгісі ретінде қорадағы ең ірі қойды сойып, тәтті-дәмдінің барлығы мейманның алдына қойған. Ұлттық дәстүрімізде тағамның қонаққа ұсынылуы тәртібі де өзіндік мол мәнге ие.  Ең алдымен сыйлы қонақтың алдына, асқа бата беретін көпті көрген ақсақалдар мен қадірлі қарияларға, қазақ қойдың басын ұсынған. Бас тартылған адам әуелі бастың оң жақ езуіндегі жұмсақ еттен өзі дәм татып, қалғанын белгілі бір реттілікті сақтай отырып, жиылған қонақтарға бөліп беріп шыққан. Яғни, қазақ елінің мұндай қасиеті қонағымен тату болуға, ауызбіршілік пен бірлікті бекем сақтауға, өзі мен өзгені құрметтеуге үндейді.
Төлеби ауданында өткен игі іс-шараның маңызы да дәл осы мақсатқа бағытталып, түрлі этнос өкілдері ет, сүт, нан өнімдерінің адам денсаулығына пайдасы мен оның жасалу тәртібін түсіндірді. Айта кетейік, қазақ халқы өмір салтына байланысты көпке дейін сақталатын тағамдарды жасай білген. Яғни, ұзақ сапарға шыққанда ыстық пен суықтан бүлінбейтін тағамдарды алып жүру қажеттілігі туындаған шақта сүрлеу, кептіру, тұздау әдістерін қолдану арқылы жартылай дайын өнімдерді жасауды жақсы дамытқан.
Мысалы, ұзақ уақытқа жақындарымен айырылысатын кезде үйде жілік дайындалған. Оны кептіріп, ұн толтырылған терең ыдысқа салған. Осы күйде жілік бір-екі жылға дейін сақталған. Айырылысқан адам қайтып оралған күні сол жіліктен мерекелік ас дайындалған. Бұл қазақ халқындағы бауырмалдылықты дәріптейтін дәстүрдің бір көрінісі. Міне, осындай берекелі дастахнанның өзіннен бірлік пен татулықтың, бейбітшіліктің белгісін көруге болады.
 

 

Қазақ ұлттық асханасының бүгінгі күнге жеткен мызғымас бір тұғыры – сүт тағамдары деп те айтуға болады.  Сүт тағамдарының пайдасы айтпаса да түсінікті. Ол, адамның ас қорыту жүйесіне өз пайдасын тигізіп, орасан зор күш берген. Ұлттық дастарханда сүттен жасалатын өнімдердің түрлері,   сиырдың сүтінен – айран,  түйенің сүтінен – шұбат,  биенің сүтінен – қымыз, одан басқа құрт, ірімшік, ақлақ, қатық, сүзбе тағы басқасы бар. Сүтті сусындар шөлді басып, сергітіп, аштық сезімін жойып, тіпті кейбір айықпас  дерттерге таптырмас шипа болған. Қымыздың емдік қасиетін бүгінде дүниежүзі  мойындап отыр.

 

Ал құрт  ұлы даланың мұңы мен зарын көрген, қуанышы мен жұбанышы болған ерекше тағам. Халқымызды кесапат жұттан құтқарған, көшіп-қонғанда азық болған, той-томалақта дастарханнан үзілмейтін әр қазақтың сүйікті дәмі деуге болады. Майдың түр-түрі, қаймақ, ірімшік те ерекше құндылыққа ие. Бұрындары сүт, қаймақ, май, жұмыртқа, ашытқы қосылып пісірілген нан тағамдары тез тойдырып, қазақ халқы үшін даланың қатал жағдайында уақыт пен күш үнемдеуге мүмкіндік берген. Таба-нан, бауырсақ, шелпек, құймақ, қазанжаппай сияқты тағамдар қашан да қазақ дастарханына ажар сыйлап, ырыс-несібесін еселеп тұрған. Жүздеген жылдар бұрын дана да дара халқымыз біліп қолданған тамақтанудағы әдіс-тәсілдердің дұрыстығы қазіргі таңда ғылыммен дәлелденіп жатыр. Көшпелі мәдениет үш негізгі өнімді өңдеуден пайда болған. Яғни,  көптеген тағамдардан құралған ұлттық мәзіріміздің құндылығы қашанда өз маңызын жоғалтпайды.

 

 

Қазанның орнына қойдың асқазанын қолданып, ет қуырғанда майды қаймақпен алмастырып, сүтті сұйық күйде де, қатты күйде де қолдана алған қазақ халқының ұлттық аспаздық дәстүрлері , еркіндіктің, табиғатпен үндестіктің, рух пен қуаттың бірлескен көрінісі іспеттес. Осы орайда даланың ыстық суығына бірдей төзіп, оның тылсымын, құпия-сырын, құбылысын терең түсініп меңгерген қазақ баласының тамақты қазансыз-ақ істеп ішудің де түрлі жолдарын асқан шеберлікпен ойлап тапқанын айта кету керек. Жайлауда ат үстінде жүрген қойшылар дәмді етті аңсаған кезде бір марқаны сойып қазан ошақсыз-ақ пісіріп жеген екен. Мұндай тәсілді қазақта «көмбе» деп атаған.  Жерді қазып, оған от жағып, астын екі бүйірінен әбден қыздырып, осын оның күлін алып тастайды да сойылған малдың етін өз қарнына салып қарынның аузына қамыстан ұзын түтік жасап, ет толтырылған қарынды әлгі қазылған ыстық жерге салады. Одан соң оны ыстық топырақпен қайта көміп, топырақ үстінен ағаш, тал, көкпек сияқты қызуы мол от жағады. Бірер сағат өткен соң жер астындағы қарыннан түтік арқылы бу шығып қайнай бастайды. Бұдан кейін үстінен от жағу тоқтатылады да ет топырақ қызуымен одан әрі өздігінен қайнап піседі. Екі үш сағат өткеннен кейін ет дайын болып, қарын үстіндегі топырақты еппен ала бастайды. Одан әрі қарынға жеткен соң оның үстіңгі жағын ойып жібереді де ішіндегі етті алады. Мұндай буға піскен ет ерекше дәмді болған. Мұның бәрі дала табиғатына әбден бейімделген, онымен біте қайнап өскен халқымыздың тапқырлығы деуге болады. Мұндай тәсілді түркі тілдес, көшпелі халықтар да қолданған деседі. Жалпы қазақ халқының  тағам дайындаудағы осындай тапқырлықтары кейінгі ұрпаққа өнеге, үлгі болып қалыптасуы керек.

 

 

«Ыдысын көріп – асын іш, шешесін көріп – қызын ал» деген қазақ қағидасында өте зор пәлсапалық, тәрбиелік және әлеуметтік терең ой жатыр. Демек ұлтымыз күнделікті өмір салтында ас сақталатын ыдыс-аяқтарға да ерекше көңіл бөлген. Тіпті әр тамақтың қасиетіне, ерекшелігіне орай арнайы ұлттық ыдыс-аяқ та жасаған. Олардың барынша қауіпсіз болуына назар аударған. Сондықтан халқымыз асқа пайдаланатын ыдысты тек таза заттардан, яғни емен, қайың, арша, тағы басқа берік ағаштардан, жылқы, ешкі терілерінен, шойын, болат, алтын, күміс сияқты таза металдардан ғана жасаған. Соның арқасында ұлттық тағамдарымыз бұзылмай, тағамдық қасиетін өз бабында ұзақ уақыт сақтап  отырған. Бұған қарап ата-бабаларымыздың ұлттық тағамдарға ғана емес, оны құятын ыдыс-аяқтарға да ерекше мән бергенін айтуға болады.

 

 

Төлеби ауданында өткізілген «Ұлттық тағам-қазақ дастарханы» шарасы да  ұлттар арасында салт-дәстүрді дәріптеп, ауызбіршілікті насихаттауға бағытталды. Жалпы аталған байқауда аудан аумағынан 5 білім ордасының ұжымы сынға түсіп, бар өнерлерін ортаға сала білді. Жарыс нәтижесі бойынша бірінші орынды Жеңіс жалпы орта мектебінің оқушылары иемденсе, екінші орынға М.Х.Дулати жалпы орта мектебінің оқушылары лайық деп танылды. Ал, байқаудың қорытындысы бойынша үшінші орынды аудандағы №16 Ш.Уалиханов жалпы орта мектебінің оқушылары жеңіп алды. Сондай-ақ, Әл-Фараби жалпы орта мектебінің оқушылары төртінші орынды, Сұлтан-Рабат жалпы орта білім беретін мектептің оқушылары бесінші орынды иемденіп, сайысқа қатысушы жеңімпаздар арнайы сыйлықтармен дипломдармен марапатталды.

 

Сонымен қатар, іс-шараға оқушыларды дайындаған мектептің жетекші мұғалімдері аудандық мәслихаттың төрағасы Н.Қойбағаров пен аудан әкімінің орынбасары С.Дүйсебаевтың арнайы алғыс хаттары табысталды.

Ақпарат, Ауыл шаруашылығы, Қоғам

«Берекелі Қырман» атты семинар кеңес өтті

Оставить комментарий
Бүгін Жетісайда А.Қалыбеков ауыл округінде орналасқан «Али» шаруа қожалығының егістік алқабында Түркия мемлекетінен келген тұқымдық шиттердің өнімділігін таныстыру мақсатында, «Берекелі Қырман» атты семинар кеңес болып өтті.
Семинар кеңеске, Түркістан облысы мәслихатының төрағасы Н.Әбішов, Жетісай ауданының әкімі С.Мамытов, Жетісай ауданының мәслихат төрағасы М.Касымов, Мақтаарал, Жетісай ауданының мақта өңдеу зауыттарының басшылары мен мақта дақылын өсурші агро құрылым басшылары қатысты.
Семинарда «Мақталы Агро» ЖШС жыл басында Түркия мемлекетінің мақта тұқымын дайындаушы «ProGen Tohum» компаниясының жоғары өнім беретін және тұздылығы жоғары егістік жерлерге төзімді (мақта сорттары ВА1010, Лазер, Эдесса, Каризма, Лима) тұқымдық шиттерін алып келіп, мақта дақылын өсіруші шаруаларға ұсынылған болатын.
Аталған тұқымдық шитті «Али» шаруа қожалығы басшысы Әшимов Талғат өзінің 40 гектар егістік алқабына Түріктің ВА1010 сортын егіп, бүгінгі таңда 1 гектар егістік алқабынан 38-40 ц/га өнім алып жатқандығын айтып, шаруаларға келер жылы осы сортты егуге кеңес берді.
Облысы мәслихат төрағасы Н.Әбішов қазіргі таңда облысымызда мақта дақылының бірнеше сорттары егілуде. Бұл дегеніміз мақта өнімділігінің өсуіне кері әсерін тигізуде. Осыған орай сіздер мақта дақылының сапалы өнім беретін тұқымдық шиттерін таңдап, бізге ұсыныңздар, біздер сол тұқымдық шиттерді мемлекет тарапынан қаржыландыруға ықпал жасайтындығын айтып өтті.
«Мақталы Агро» ЖШС мақта өңдеу зауытының басшысы Тастанбеков Сержан, бүгінгі таңда Түркия мемлекетінен келген осы тұқымдық шиттерді сатып алған шарулардың өнімін, біздің зауытқа өткізген жағдайда, нарықтық бағадан 20-25 теңге көлемінде жоғары қабылдап жатқандығын айтты.
Сонымен қатар, отандық және шеттелдік тұқымдарға мемлекет тарапынан қолдаулар қарастырылғандығы жөнінде сала мамандары тарапынан түсіндірілді.
Жиын соңында шаруалар тарапынан түрлі сұрақтар қойылып, сала басшылары тарапынан сұрақтарға жауап берілді.
"AMANAT", Ақпарат, Қоғам

МӘСЛИХАТ ТӨРАҒАЛАРЫ АТҚАРҒАН ЖҰМЫСТАРЫН БАЯНДАДЫ

Оставить комментарий

«AMANAT» партиясының Түркістан облыстық филиалының алаңында Созақ аудандық мәслихатының төрағасы Ордабек Жамиевтің, Бәйдібек аудандық мәслихатының төрағасы Асқар Кенеханның және Арыс қалалық мәслихатының төрағасы Қайрат Ахметовтың қатысуымен кезекті брифинг өтті. Брифинг мінберінен спикерлер өздері мандат иеленген аймақтарда партияның сайлауалды бағдарламасы бойынша жүзеге асқан жұмыстарды баяндап, аймақтардағы депутаттық корпустың ықпалымен шешімін тапқан мәселелерді тізбектеді.

 

 

Бұқаралық ақпарат құралдары өкілдерінің алдында сөз алған Созақ аудандық мәслихатының төрағасы Ордабек Мырзабекұлы биылғы жылы аудандық мәслихаттың жеті сессиясы өтіп, олардың қорытындысымен 51 шешім қабылданғанын жеткізді. Аудандық мәслихат депутаттары аудан бюджетін нақтылау мәселесін екі сессияда қарап, нәтижесінде жергілікті бюджеттің кіріс бөлігі 10,9 млрд. Теңгеге жуықтап жоспар 108,2 пайызға орындалған. Бюджет өзіндік кірістер есебінен артығымен орындалған.

 

Есепті мерзімде аудандық мәслихат депутаттары жергілікті атқарушы органдарға тұрғын-үй, коммуналдық шаруашылық, білім, денсаулық және әлеуметтік салалар бойынша 15 депутаттық сауал жолдаған. Халық қалаулылары көтерген 13 мәселе шешімін тапса, 2 мәселе бойынша тиісті жұмыстар қолға алынған.

Бәйдібек аудандық мәслихатының төрағасы Асқар Оразханұлы өз хабарламасында аудандық мәслихат құрамындағы 13 депутаттың 10-ы «AMANAT» партиясының өкілдері екенін айта отырып, олар мәслихат құрамындағы бюджет және экономикалық даму, әлеуметтік-мәдени даму және депутаттық этика, кәсіпкерлікті қолдау, ауыл шаруашылығы мен жер қатынастары және табиғатты пайдалану мәселелері жөніндегі тұрақты комиссиялардың мүшелері болып табылатынын атап өтті.
Бәйдібектік депутаттар есепті мерзімде аудандық мәслихаттың алты сессиясының жұмысын жүргізіп, сессия мен тұрақты комиссия отырыстарында облыстық тексеру комиссияның, Мыңбұлақ ауылдық округ әкімінің, аудандық мәдениет, тілдерді дамыту, дене шынықтыру және спорт бөлімі мен мекеме басшыларының есептерін тыңдаған. Есеп беруден бұрын депутаттар арасынан уақытша комиссия құрылып, күн тәртібіндегі мәселелер бойынша елді мекендерде жан-жақты зерттеу-талдау жұмыстары жүргізілген. Комиссия жұмысының қорытындысы бойынша сессияда мәселелер көтерілген.

 

 

Мәслихат сессияларының қорытындысымен аудандық өкілді органның отыз шешімі қабылданған. Оның ішінде 6 нормативтік құқықтық акт мемлекеттік тіркеуден өткізілген. Жыл ағымында қажеттіліктерге байланысты «2022-2023 жылдарға арналған аудан бюджеті туралы» шешіміне 2 мәрте өзгерістер енгізілсе, «2022-2023 жылдарға арналған ауылдық округтердің бюджеттері туралы» шешіміне тиісті өзгерістер бір мәрте енгізілген.

 

Депутаттар тарапынан аудан әкімдігінің тиісті бөлімдері мен мекемелерге 26 депутаттық сауал жолданған. Аудандық мәслихат пен Қоғамдық кеңестің бірлескен көпшілік тыңдауында коммуналдық қызметтер мәселелері талқыланған. Бекітілген кестеге сәйкес, депутаттар партияның аудандық филиалының қоғамдық қабылдау бөлмесінде айына 2 мәрте азаматтарды жеке мәселелері бойынша қабылдау жүргізіп, тұрғындар көтерген мәселелердің оң шешім табуына ықпал еткен.

 

Арыс қалалық мәслихатының төрағасы Қайрат Төрегелдіұлы қалалық мәслихат депутаттарының қалалық мәні бар бағдарламалар мен жоспарлардың, шешімдердің қабылдануы мен орындалуына қосып отырған үлестерін нақты атап көрсетіп, тұрғындардың денсаулығын сақтау, олардың әлеуметтік тұрғыда қорғалуын қамтамасыз ету, жергілікті жердегі әлеуметтік маңызы бар мәселелердің шешім табуы сынды өзекті мәселелер бойынша атқарылып жатқан жұмыстарды баяндады.

Спикер Арыс қалалық мәслихатының құрамына кіретін 13 депутаттың 76,9 пайызы, яғни 10 депутаты «АMANAT» партиясының өкілдері болып табылатынын атап өтті. Партия өкілдері қалалық мәслихат құрамындағы бюджет және экономикалық даму, әлеуметтік мәселелер жөніндегі тұрақты комиссияларға мүше болып табылатынын айтып, халық қалаулылары есепті мерзімде қала бюджетіне байланысты – 3, ауыл бюджетіне байланысты – 2 өзгерістер енгізгенін жеткізді. Қалалық мәслихаттың әлеуметтік мәселелер жөніндегі тұрақты комиссиясының 47 отырысы өтіп, әлеуметтік маңызы бар мәселелер бойынша тиісті шешімдер қабылданғанын атап өтті.

 

Мәслихаттың осы шақырылымдағы депутаттары барлығы сегіз сессия жұмысында өзекті деген 54 мәселені қарастырып, олардың оңтайлы шешім табуына үлестерін қосқан. Биылғы жылы қалалық мәслихаттың біріккен тұрақты комиссияларының отырыстарында сала басшыларының атқарған жұмыстары таразыланған.
Жергілікті өкілді органда қала әкiмiнiң өзiнiң функциялары мен мiндеттерiн орындау жөнiндегi есебi, 2023-2024 жылғы қысқы мауысымға дайындық жұмыстары бойынша қала әкiмдiгiнiң есебi, Арыс қаласында мемлекеттік жастар саясатының іске асырылу барысы сынды мәселелер тыңдалған.

Баспасөз өкілдерімен өткен мәжілісте мәслихат төрағалары аумақтардағы өзекті мәселелер жөнінде журналистер қойған сауалдарға жауап беріп, партия ұстанымы болып айқындалған құндылықтарға кеңінен тоқталды

 

Ақпарат, Кәсіпкерлік, Қоғам

Түлкібас ауданында 4020 азаматқа әлеуметтік қолдау көрсету жоспарланған

Оставить комментарий

«Халықтың кірісін арттырудың 2025 жылға дейінгі бағдарламасы» ел азаматтарын әлеуметтік қамтамасыз етуге, еңбексүйгіштікке баулуға, «еңбек адамын» қалыптастыруға мол мүмкіндіктер беріп отыр. Мемлекет басшысы Қасым Жомарт Кемелұлы Тоқаев өзінің Қазақстан халқына арнаған Жолдауларының бірінде еліміздегі еңбек ресурстарының балансын есепке алудың тиімді әдістемесін әзірлеуді, сондай-ақ еңбек ресурстарының тапшылығы бар өңірлерде Үкіметке көші-қон үдерісін басқару үшін пәрменді шаралар қабылдауды тапсырған болатын. Атап айтқанда, еңбек нарығын цифрландыру, жұмыспен қамту орталығының жұмысын реформалау, нәтижелі жұмыспен қамту және жаппай кәсіпкерлікті дамыту және тұрғындарды жұмыспен қамтуды арттыру үшін басқа да ауқымды іс шаралар қарастырылған. Бұл бағытта әр өңірлердегі «Мансап» орталықтары маңызды роль атқарады. Яғни,  «2021-2025 жылдарға арналған кәсіпкерлікті дамыту жөніндегі ұлттық жобасы» аясында ауқымды шараларды атқаратын орталық халыққа әлеуметтік қолдау көрсетіп, мемлекеттік бағдарламаларды жүзеге асырып,  жұмыссыздыққа тіркелген азаматтарды еңбекпен қамтиды.

Осыған орай, Түлкібас ауданында қандай жұмыстар атқарылып жатыр? Еңбек нарығында елеулі жаңалықтар бар ма? Аудандағы тұрғындарды жұмыспен қамту көрсеткіші және жалпы тыныс-тіршілігін білу мақсатында, сондай-ақ  басқа да өзекті сауалдармен Түлкібас аудандық Мансап оралығының басшысы Байбатчаев Ерсұлтан Жаңабайұлымен хабарласып, арнайы сұхбат жүргіздік. Маңызды ақпарат, мол деректер айтылған сұхбатты назарларыңызға ұсынып отырмыз.

 

 

— Ерсұлтан Жаңабайұлы, ең бірінші кезекте «2021-2025 жылдарға арналған кәсіпкерлікті дамыту жөніндегі ұлттық жобасы» аясында жыл басынан бері атқарылған жұмыспен қамту шаралары жөнінде мәліметпен бөліссеңіз. Ауданда бұл бағытта қандай жұмыстар атқарылып жатыр?
— 2023 жылы «Ұлттық жоба» негізінде жұмыспен қамту шараларына қолдау көрсету жоспары бойынша биыл 4020 азаматқа әлеуметтік қолдау көрсету жоспарланған болатын. Оның ішінде тұрақты жұмысқа 2107 азамат, субсидиялынатын жұмысқа 1825 азаматты жолдау көзделген және бұл бағытта тиісті жұмыстар атқарылып жатыр.
Бірінші жоба — Кәсіпкерлердің қажеттіліктеріне қарай дағдыларды дамыту:
Бұл бағыттағы шараларға тоқталатын болсақ, жұмыс берушілердің өтініміне сәйкес оқу орнында жұмыссыздарды оқытуға жолданған 60 азаматқа 12,411 млн теңге жергілікті бюджеттен бөлініп, 60 азамат оқуға жолдау жоспарланып, жүзеге асуда.
Сондай-ақ, екінші жоба — Жұмыс орындарын субсидиялауды ұйымдастыру арқылы кәсіпкерлерді қолдау:
Аталған жоба бойынша әлеуметтік жұмыс орындарына 200 азаматқа республикалық бюджеттен 69,300 млн теңгеге қаржы бөлінген. 2023 жылдың 01 қазанында аудан көлеміндегі 34 жұмыс беруші мекемелермен келісім-шарт түзіліп, аталған мекемелерге 203 азамат жұмысқа жолданып отыр.
Оқу ордасын жаңадан бітірген түлектерді жұмысқа орналастыру және оларды еңбекке тарту арқылы, өз мамандығының жемісін көруге мүмкіндік беретін бағдарлама, ол — Жастар практикасы екенін бәріңіз білесіздер. Міне, бұл бағытта Жастар практикасына 625 азаматқа республикалық бюджеттен 776,250 млн теңгеге қаржы бөлінген. 2023 жылдың 01 қазанында аудан көлеміндегі 150 жұмыс беруші мекемелермен келісім-шарт түзіліп, 241 азамат жолданды.
Ал, ​ «Алғашқы жұмыс орны» жобасына 60 азаматқа республикалық бюджеттен 74,520 млн теңге қаржы бөлінген. 2023 жылдың 01 қазанда аудан көлеміндегі 21 жұмыс беруші мекемелермен келісім-шарт түзіліп 46 азамат жолданып отыр.
Келесі кезекте,  «Күміс жас» жобасы бойынша айтатын болсақ биылға 90 азамат жоспарланған, Ұлттық қордан 57753 млн теңге қаржы қарастырылған, 2023 жылдың 01 қазанда аудан көлеміндегі 46 жұмыс беруші мекемелермен келісім-шарт түзіліп, бүгінгі таңда 75 азамат еңбек орындарына жолданды. Зейнет жасына дейінгі азаматтар аталған мекмелерде абыроймен қызмет жасап жүр. Бұл аудан халықының «қос қолға күрек ұстап» , үйінде құр жатпайтынын аңғартады, бұлда бола қуанышты жаңалықтардың бірі.
Енді үшінші жобаға тоқталайын.  Ол- жұмыс орындарын субсидиялауды ұйымдастыру арқылы кәсіпкерлерді қолдау бағыты.
Түлкібас ауданында мемлекеттік грант беру бойынша 90 азаматқа Ұлттық қордан 124200 млн теңгеге қаржы бөлінген, ағымдағы жылдың қазан айында аталған 90 азаматқа қайтарымсыз грант берілді. Бүгінде мемлекеттік грант иелері өздерінің жаңа бизнес идеяларын жүзеге асырып, табыстарын еселеп отыр.
Сондай-ақ, ақылы қоғамдық жұмысқа республикалық бюджеттен 700 азаматқа 579600 млн теңге бөлінген, ағымдағы жылдың  қазан айында аудан көлеміндегі 78 жұмыс беруші мекемелермен келісім-шарт түзіліп 881 азамат жұмысқа жолданды.
Жалпы, тұрақты жұмыспен 2107 азаматты орналастыру жоспарланған болатын, казіргі таңда 1466 азамат жұмысқа жолданды.
​​​​Ұлттық жобалар негізінде ашылатын жаңа жұмыс орнының жоспары 237 құраса, Мансап орталығы арқылы 26 мекемеге жолдау жоспарланған. Казіргі таңда 16 мекемеге 144 адам жолданып отыр. Тағы бір айта кететін бағыттың бірі ​​Мемлекет басшысының «10 мың тұрғынға 100 тұрақты жұмыс орындарын ашу» бойынша, аудан көлемінде 1322 жаңа жұмыс орнын ашу жоспарланған. Қазіргі таңда 1023 жаңа жұмыспен қамтылды. Жалпы, Түлкібас ауданында  «Ұлттық жоба» аясындағы атқарылып жатқан жұмыстар ауқымды деп айта аламын.
— Мемлекет басшысының тапсырмасына сәйкес, жұмыспен қамту орталықтарының атауы өзгеріп, жаңашылдықтар орын алды.  Осы тұрғысында не айтасыз? Орталықтың негізгі міндеттері мен қызметтері қандай? 

-Жалпы алғанда, орталықтың негізгі мақсаты «Ұлттық жоба» арқылы халықты нәтижелі жұмыспен қамтуға жәрдемдесу және азаматтарды кәсіпкерлікке тарту болып табылады. Бұл орталық жұмыссыз азаматтарды есепке тіркейді, жұмысынан айырылған жағдайда әлеуметтік төлем тағайындау үшін қажетті құжаттарды қабылдайды. Жұмыссыздарды тұрақты жұмыс орындарына жұмысқа орналасуға жәрдем береді, кейбіріне уақытша жұмыс орындарын ұсынады. Еңбек нарығында сұранысқа ие мамандықтар бойынша қысқа кәсіптік оқытуды ұйымдастырады. Сонымен қатар, әлеуметтік кәсіптік бағдар беру жұмыстарын да қоса атқарады. Азаматтардың барлық санаттарына арналған бос орындар жәрмеңкесін және халық арасында ақпараттық түсіндіру жұмыстарын жүргізеді. Ағымдағы жылдың 1 шілдесінен бастап облыс орталықтары мен ірі қалаларда еңбек мобильділігін қамтамасыз ететін 20 орталық құрылды. Ал, бұған дейін жұмыс істеп тұрған халықты жұмыспен қамту орталықтары енді «Мансап» орталықтары болып қайта құрылды. Демек, бізде де «Халықты жұмыспен қамту орталығы» мекемесі таратылып, орнына «Түлкібас аудандық Мансап орталығы» құрылды. Қазіргі таңда мекеме «Ұлттық жоба» аясында ұйымдастырылатын жұмыстарды жүзеге асырып келеді. Жалпы, жаңадан құрылған еңбек мобильділігі орталықтарының негізгі қызметі Еңбек және халықты әлеуметтік қорғау министрлігінің мәліметінде төмендегідей болып бекітілді.

Жұмыс күшіне сұраныс пен ұсынысты талдау, болжау негізінде өңірдің еңбек ресурстарының теңгерімдерін қамтамасыз ету; өңірлік жұмыспен қамту карталарын әзірлеу және оларды жергілікті жерлерде іске асыруды үйлестіру; жұмыспен қамтудың барлық мемлекеттік бағдарламалар мен жеке бастамалар шеңберінде ашылатын жұмыс орындарының құрылуына мониторинг жасау; жұмыспен қамтамасыз ету мақсатында азаматтардың ерікті көші-қонына жәрдемдесу және азаматтарды көшіру бағдарламаларын өңірлік деңгейде үйлестіру; жұмыс іздеуші ретінде жүгінген және жұмыссыз азаматтарды тіркеу; халықты, жергілікті атқарушы органдарды және уәкілеттік мемлекеттік органдарды өңірлік еңбек нарығының жай-күйі туралы хабардар ету.
-Қазіргі таңда, еліміздің азаматтары үшін, оның ішінде жұмыссыз адамдарға көбірек пайдасы бар деп есептелінетін электронды еңбек биржасының арнайы ақпараттық порталы, яғни сайты бар. Жалпы, сол сайттың халыққа көмегі қандай?
— Порталдың басты жұмысы- жұмыс іздеу және персоналды іріктеуге жәрдемдесу үшін мүмкіндіктерді қамтамасыз ететін жұмысқа орналастыру бойынша бірыңғай цифрлық алаң болып табылады. Енді, жұмыс беруші өзінің бос жұмыс орны туралы ақпаратты электронды еңбек биржасында жеке кабинеті арқылы беріп, бұл бар бос жұмыс орындар бойынша мәліметтерді ұсыну туралы міндетті заңнама қағидаттарының іске асырылуын жеңілдетеді. Жалпы, Enbek.kz электрондық еңбек биржасы арқылы Ұлттық жобалардың бірыңғай платформасында жұмыс орнын табуға көмектеседі. Сондай-ақ, жұмыс іздеушілер жұмыспен қамтудың белсенді шараларына қатысуға өтінім бере алады.
— Мемлекет басшысы халықтың арасында «масылдық» түсінігін жоюды, қолынан іс келетін азаматтардың еңбек етіп, мемлекеттің тиімді жобалары арқылы кәсібін бастауды атап өткен болатын. Жалпы жұмыссыз азаматтардың қалауы көбіне қандай болып жатады? Орталыққа келгендердің сұранысы қандай?
-Жасырын емес, біздің орталыққа немесе жұмыс берушіге жүгінген азаматтардың басым бөлігі мамандығы бойынша еңбек жалақысы жоғары, тұрақты жұмыспен қамтылуды қалайды. Ал, ауылдық жерде қыруар қаржы алып, жалақының жоғары болуы екіталай. Ондай мамандықтар бірен-саран. Сол себепті «маған жалақысы жоғары жұмыс қажет» деу орынсыз. Барға қанағат етіп, жұмысыңды жасап, қосымша кәсіп ашып, оны да талапқа сай жүргізіп отырсаң, соның өзі бақыт деп білемін. Түлкібас ауданы қай тараптан болмасын дамып, жыл сайын өркендеп жатыр . Табиғатының өзі бір бөлек. Осы кереметті көру үшін ауданға туристерде көптеп келіп жатады. Сондықтан,  мемлекет қолдау білдіріп жатқан кезеңде,  жастардың өсуіне көмек көрсетіп тұрғанда, қолдан келгеннің бәрін жасауға міндеттіміз. Ал, Мансап орталығының ұжымы,  бұл бағытта өте белсенді жұмыс жасап жатыр деп айта аламын.
— Ерсұлтан Жаңабайұлы, ауданның жұмыспен қамту көрсеткіштері мен атқарылып жатқан жұмыстарды баяндап бергеніңіз үшін алғысымызды білдіреміз. Түлкібастың әрбір тұрғыны алдағы уақытта да ауданның дамуына өз үлестерін қосады деген сенеміз.

 

 

 

"AMANAT", Ақпарат

Сайдирасулхан Ералиев: Тұрғындардың мәселесі басты назарда

Оставить комментарий

«AMANAT» партиясының облыстық мәслихат депутаттарының атқарған жұмыстары бойынша кезекті брифинг өтті. Брифингте Түркістан қаласы бойынша сайланған облыстық мәслихат депутаттары Инара Намазбаева мен Сүлеймен Арыстанов және Сайрам ауданы бойынша сайланған мандат иелері Нұржан Жамалбеков пен Сайдирасулхан Ералиев БАҚ өкілдеріне сайлауалды бағарламалардың орындалу барысы төңірегінде баяндап, өзекті мәселелерді атап өтті. Сондай-ақ, бірқатар мәселелердің шешілуіне ықпал жасап жүргенін жеткізді.

"AMANAT", Ақпарат

Депутаттар өзекті мәселелердің шешілуіне ықпал жасап келеді (видео)

Оставить комментарий

 

 

«AMANAT» партиясының облыстық мәслихат депутаттарының атқарған жұмыстары бойынша кезекті брифинг өтті. Брифингте Түркістан қаласы бойынша сайланған облыстық мәслихат депутаттары Инара Намазбаева мен Сүлеймен Арыстанов және Сайрам ауданы бойынша сайланған мандат иелері Нұржан Жамалбеков пен Сайдирасулхан Ералиев БАҚ өкілдеріне сайлауалды бағарламалардың орындалу барысы төңірегінде де айтап өтті. Халық қалаулысы Арыстан Сүлейменов сайлауалды бағдарламаның орындалуы мен Жол картасы төңірегінде жүргізіліп жатқан жұмыстарға тоқталды. Қазіргі таңда тұрғындармен кездесулердің тұрақты түрде кестеге сай өткізіліп жатқандығын атап өткен Арыстан Тұрсымбайұлы халықтың өтініштерінің басым бөлігі ауыз су, облыс орталығындағы қоғамдық көліктер, жаяу жүргінші жолдарының дұрысталуы екенін жеткізді. Мандат иесі 5 айдың көлемінде 4 депутаттық сауал жолдап, оның 2-уіне жауап алған. Сонымен қатар «AMANAT» партиясы Түркістан қалалық филиалымен бірлесе отырып 2 қоғамдық қабылдау ұйымдастырған.

 

 

Облыстық мәслихат депутаты Инара Намазбаева депутаттарға жүктелген жауапкершілікті сезініп, халықпен тығыз жұмыс жасап жатқанын айтып өтті. Сонымен қатар, өзінің Түркістан облысы іскер әйелдер қауымдастығының төрайымы екенін, бірнеше қоғамдық қабылдау өткізгенін, онда негізінен көпбалалы аналардың мәселелері тыңдалғанын жеткізді. Бірі жұмысқа тұруына көмек беруін өтінсе, енді бірі қаржылай қолдау сұраған. 2,5 пайыздық қайтарымсыз несие қызықтырғандар да бар. Мандат иесі қабылдауға келген азаматтардың барлығы да өз деңгейінде жауап алып кеткенін атап өтті.

 

 

Сегізінші шақырылымдағы Түркістан облыстық мәслихатының депутаттығына бір мандаттық сайлау жүйесі бойынша Сайрам ауданынан түсіп, халық қалаулысы атанған Нұржан Жамалбеков мандат иесінің ең алдымен халықтың қызметшісі екенін, ел арасында болып, олардың өзекті мәселелерін зерделеп, нақты шешілу жолдарын қарастыруға ықпал ететінін айтып өтті. Осы орайда Нұржан Шәріпбекұлы депутат ретінде Сайрам ауданында 7 рет қоғамдық қабылдау өткізіп, жалпы 47 азаматтың талап-тілегін тыңдаған. Қабылдау нәтижелерімен 14 депутаттық сауал жолдаған. Соның бірі —Сайрам ауданы, Жібек жолы ауылдық округінде өткен көшпелі қоғамдық қабылдауда айтылған өзекті мәселе. Ауыл тұрғындары Сайрам ауданы аумағы арқылы өттетін республикалық маңызы бар А-2 «Қорғас-Алматы-Тараз-Шымкент-Өзбекстан респ.шекарасы» автомобиль жолының бойындағы Жібек жолы елді мекенінің тұсына жер асты мал өткелін салып беру мәселесін көтеріп, көмек сұраған. Депутат осынау мәселенің маңыздылығын ескеріп, аталған жәйтті оңтайлы шешіп беру үшін ҚР индустрия және даму министірлігінің автомобиль жолдары комитетінің төрағасынана хат жолдаған. Бүгінде жауап күтіліп отыр. Брифингте сол сияқты өзге де депутаттық сауалдар, оның орындалу барысы төңірегінде сөз болды. Одан бөлек, «AMANAT» партиясының «Құқықтық көмек, «Ауыл аманаты», «Халықпен бірге» бағдарламаларының ел ішінде белсенді жүргізілуіне атсалысып жатқанын жеткізді.

 

 

 

Сайдирасулхан Ералиев елді мекендерде негізінен инфрақұрылым мәселесінің өзекті екенін, ең алдымен осы жәйттерді шешіп алуға атсалысып отырғанын атап өтті. Брифинг барысында БАҚ өкілдері халық қалаулыларына өздері сайланған аймақтары бойынша сұрақтар қойып, тиісті жауап алды.

"AMANAT", Ақпарат

ДЕПУТАТТАР ӨЗЕКТІ МӘСЕЛЕЛЕРДІҢ ШЕШІЛУІНЕ ЫҚПАЛ ЖАСАП КЕЛЕДІ

Видео Оставить комментарий
Түркістан облыстық мәслихат депутаттарының атқарған жұмыстары бойынша баспасөз мәжілісі жалғасуда.
Кезекті брифингте «AMANAT» партиясынан Түркістан қаласы бойынша сайланған облыстық мәслихат депутаттары Инара Намазбаева мен Сүлеймен Арыстанов және Сайрам ауданы бойынша сайланған  Нұржан Жамалбеков пен Сайдирасулхан Ералиев БАҚ өкілдеріне сайлауалды бағарламалардың орындалу барысы туралы баяндады.
Халық қалаулысы Арыстан Сүлейменов сайлауалды бағдарламаның орындалуы мен Жол картасы төңірегінде жүргізіліп жатқан жұмыстарға тоқталды. Қазіргі таңда тұрғындармен кездесулердің тұрақты түрде кестеге сай өткізіліп жатқандығын атап өткен Арыстан Тұрсымбайұлы халықтың өтініштерінің басым бөлігі ауыз су, облыс орталығындағы қоғамдық көліктер, жаяу жүргінші жолдарының дұрысталуы екенін жеткізді. Мандат иесі 5 айдың көлемінде 4 депутаттық сауал жолдап, оның 2-уіне жауап алған. Сонымен қатар «AMANAT» партиясы Түркістан қалалық филиалымен бірлесе отырып 2 қоғамдық қабылдау ұйымдастырған.
Облыстық мәслихат депутаты Инара Намазбаева депутаттарға жүктелген жауапкершілікті сезініп, халықпен тығыз жұмыс жасап жатқанын айтып өтті. Сонымен қатар, өзінің Түркістан облысы іскер әйелдер қауымдастығының төрайымы екенін, бірнеше қоғамдық қабылдау өткізгенін, онда негізінен көпбалалы аналардың мәселелері тыңдалғанын жеткізді. Бірі жұмысқа тұруына көмек беруін өтінсе, енді бірі қаржылай қолдау сұраған. 2,5 пайыздық қайтарымсыз несие қызықтырғандар да бар. Мандат иесі қабылдауға келген азаматтардың барлығы да өз деңгейінде жауап алып кеткенін атап өтті.
Сегізінші шақырылымдағы Түркістан облыстық мәслихатының депутаттығына бір мандаттық сайлау жүйесі бойынша Сайрам ауданынан түсіп, халық қалаулысы атанған Нұржан Жамалбеков мандат иесінің ең алдымен халықтың қызметшісі екенін, ел арасында болып, олардың өзекті мәселелерін зерделеп, нақты шешілу жолдарын қарастыруға ықпал ететінін айтып өтті. Осы орайда Нұржан Шәріпбекұлы депутат ретінде Сайрам ауданында 7 рет қоғамдық қабылдау өткізіп, жалпы 47 азаматтың талап-тілегін тыңдаған. Қабылдау нәтижелерімен 14 депутаттық сауал жолдаған. Соның бірі —Сайрам ауданы, Жібек жолы ауылдық округінде өткен көшпелі қоғамдық қабылдауда айтылған өзекті мәселе. Ауыл тұрғындары Сайрам ауданы аумағы арқылы өттетін республикалық маңызы бар А-2 «Қорғас-Алматы-Тараз-Шымкент-Өзбекстан респ.шекарасы» автомобиль жолының бойындағы Жібек жолы елді мекенінің тұсына жер асты мал өткелін салып беру мәселесін көтеріп, көмек сұраған. Депутат осынау мәселенің маңыздылығын ескеріп, аталған жәйтті оңтайлы шешіп беру үшін ҚР индустрия және даму министірлігінің автомобиль жолдары комитетінің төрағасынана хат жолдаған. Бүгінде жауап күтіліп отыр. Брифингте сол сияқты өзге де депутаттық сауалдар, оның орындалу барысы төңірегінде сөз болды. Одан бөлек, «AMANAT» партиясының «Құқықтық көмек, «Ауыл аманаты», «Халықпен бірге» бағдарламаларының ел ішінде белсенді жүргізілуіне атсалысып жатқанын жеткізді.
Сайдирасулхан Ералиев елді мекендерде негізінен инфрақұрылым мәселесінің өзекті екенін, ең алдымен осы жәйттерді шешіп алуға атсалысып отырғанын атап өтті. Брифинг барысында БАҚ өкілдері халық қалаулыларына өздері сайланған аймақтары бойынша сұрақтар қойып, тиісті жауап алды.
Ақпарат, Жаңа жоба, Қоғам

Түлкібаста жаңа бизнес идеялары бар үміткерлердің өтініштері қаралды

Оставить комментарий
Түлкібас ауданында мемлекеттік қайтарымсыз грантты алуға үміткерлердің өтініштері қаралды. Кезекті комиссия отырысы Азаттық ауылы, Навои көшесі нөмері 103 үйде орналасқан «Мәдениет үйі» ғимаратында өтті. Ағымдағы жылдың қыркүйек айының 26 — 27 — 28 күндері сағат 10:00 ден 19:00 аралығында өткен іс-шараның ашықтығын қамтамасыз ету мақсатында тікелей көрсетілім ұйымдастырылып, аудандық «Мансап» орталығының әлеуметтік желісінде жарияланды.
Жалпы мемлекеттік грантқа Түлкібас ауданы бойынша  260 үміткер өтініш білдірген, әр үміткердің https://business.enbek.kz/ ақпараттық порталының жеке кабинетінде нақты уақыты туралы хабарлама жолданған.
«2021-2025 жылдарға арналған кәсіпкерлікті дамыту жөніндегі ұлттық жобасы» аясында жаңа бизнес идеяларды іске асырғысы келетін азаматтар комиссияға алдын-ала хабарландыру бойынша  тиісті құжаттарын, яғни жеке куәлік және бизнес жоспарын, мүгедектігі бар азаматтар жұмысқа жарамдылығы туралы анықтамасын да тапсырды. Сондай-ақ әр үміткер бағдарлама бойынша өз мақсаттары мен жүзеге асырғысы келетін жобаларын баяндап берді.
Айта кетейік өткен жылы Түлкібас ауданында жалпы жұмысқа қамту шараларына 4638 жұмыссыз азамат қатысып, соның ішінде «Еңбек» бағыты бойынша 3569 азамат жұмыспен (тұрақты жұмыспен 1700; уақытша жұмыспен 1869) қамтылған. Бұдан бөлек ұлттық жобалар аясында ашылған жұмыс орындарына 434 азамат, Мемлекет басшысы Қ.К.Тоқаевтың әр бір «10 мың тұрғынға 100 жаңа жұмыс орны» тапсырмасы аясында 635 тұрғын жаңа жұмыс орнына жолданған.
Ал, биылғы жылы  «2021-2025 жылдарға арналған кәсіпкерлікті дамыту жөніндегі ұлттық жобасы» аясындағы барлық бағыттары бойынша 5588 адамды кешенді жоспарға сәйкес жұмыспен қамту жоспарланған. Бұл бағыттағы міндеттемелерді жүзеге асыру үшін ауданда жүйелі жұмыстар атқарылуда. Жыл басынан бері кешенді жоспардың аясында жұмыссыздыққа тіркелгендерді еңбекпен қамту шаралары ұйымдастырылып, Мансап орталығына жүгінген азаматтарды сұранымы бойынша «Әлеуметтік жұмыс» орындарына,  «Жастар практикасына», «Алғашқы жұмыс орны» жобасына қатыстыру, одан бөлек зейнет жасына дейінгі тұрғындарды «Күміс жас» жобасына  жолдау іске асырылған. 800 ден аса адам «Ақылы қоғамдық» жұмысқа жолданса , 750 ге тарта адам тұрақты жұмыспен қамтылған. Ал 60 қа жуық тұрғын  «Жаңа жұмыс» орнына орналасыпты.
Мемлекет басшысының «10 мың тұрғынға 100 тұрақты жұмыс орындарын ашу» бойынша 7 айдың көрсеткішімен ауданда  608 азамат жұмысқа орналасса, бұған дейін  жаңа бизнес-идеяларын іске асыруға ниетті 44 азаматқа мемлекеттік қайтарымсыз грант берілген болатын.  Бұдан бөлек,  мүгедектігі бар еңбекке қабілетті адамдарға әлеуметтік қолдау көрсетіліп,  оның ішінде әлеуметтік жұмыс орнындарына,  жастар практикасына, күміс жас жобасына,  алғашқы жұмыс пен қоғамдық жұмысқа орналастырылған.
Ақпарат, Қоғам

ТӨЛЕБИЛІК ҚАРИЯЛАРҒА ҚҰРМЕТ КӨРСЕТІЛДІ

Оставить комментарий
Төлеби ауданында Қарттар күні мерекесі қарсаңында қазыналы қарияларға құрмет көрсетілді. Шараға қатысқан аудан әкімі Төлеген Телғараев сөз алып, жылы лебізін білдірді.
— Мемлекетіміздің қалыптасу жолында еселі еңбегімен танылған аға буын өкілеріне алғыс айтамыз. Сіздердің ауданымыздың әлеуметтік-экономикалық дамуына, бейбітшілікті, қоғамдағы ұлтаралық және конфессияаралық келісімді нығайтуға қосқан үлестеріңіз ерек. Өскелең ұрпақ үшін сіздер борышқа адалдықтың, Отанға деген сүйіспеншіліктің, жеңіске деген өшпес ерік-жігердің үлгісі болып келесіздер. Бүгінгі мерекелеріңіз құтты болсын,- деді аудан әкімі.    
Жиында демеушілер тарапынан ақ дастарқан жайылып, бабалар рухына құран бағышталды. Одан соң аудан ақсақалдары өскелең ұрпаққа ақыл-кеңестерін айтты. Елдегі ұлтаралық татулық пен саяси тұрақтылықтың маңыздылығына тоқталды. Кездесу соңында ауданның дамуы жолында еңбек етіп жүрген ардагерлерге аудан әкімінің Алғыс хаты табысталды. Шара аудандық Мәдениет үйінің қызметкерлері дайындаған концерттік бағдарламамен жалғасты.

№KZ89VPY00063999 Куәлік нөмірі

Lost your password? Please enter your email address. You will receive mail with link to set new password.

Exit mobile version