Архив за день: 28 января, 2023

Ақпарат, Денсаулық, Қоғам

Арықтауға көмектесетін биологиялық белсенді қоспалардың құжаттары болуы тиіс

Оставить комментарий
Қазіргі кезде интернет ресурстарындағы әр түрлі сайттарда арықтауға көмектесетін биологиялық белсенді қоспалардың (ББҚ) жарнамасы көбейді. Алайда, ол қоспалардың қауіпсіздігін растайтын құжаттар бірінде болса, бірінде жоқ. Бұл туралы , Түркістан облысының санитариялық-эпидемиологиялық бақылау департаменті хабарлады.
«Биологиялық белсенді қоспалар КО ТР 021/2011 «Тағам өнімдерінің қауіпсіздігі туралы» Кеден одағының техникалық регламентіне сәйкес, мемлекеттік тіркеу рәсімінен міндетті түрде өтуі тиіс тауарлар қатарына жатады. Мемлекеттік тіркеу туралы куәлік болмайынша өнімді Еуразиялық экономикалық одақтың аумағында заңды түрде таратуға болмайды. Мемлекеттік тіркеу туралы куәлік –ол мемлекеттік тіркеу рәсімінен өткен тауардың барлық санитариялық және гигиеналық нормаларға толығымен сай келетінін куәландыратын ресми құжат. Сондықтан, Түркістан облысының санитариялық-эпидемиологиялық бақылау департаменті «Халық денсаулығы және денсаулық сақтау жүйесі туралы» Қазақстан Республикасы Кодексінің 56-бабының 1-тармағына сәйкес, мемлекеттік тіркеу туралы куәлігі жоқ ББҚ-ды сатпауды және жарнамаламауды ұсынады.»
«Құрметті, облыс тұрғындары! Қандай да бір биологиялық белсенді қоспалары бар тағамды тұтынбас бұрын сатушыдан оның мемлекеттік тіркеу куәлігін талап етіңіз, оған Сіздің толық құқығыңыз бар. Егер сатушы ол куәлікті ұсына алмаса, өнімді тұтынбаған жөн. Сондай ақ, жоғарыда аталған заңсыз жайттар орын алған жағдайда, біздің сенім телефонына хабарласуыңызға болады.
Сенім тел: 8 72533 71084″ — Түркістан облысының санитариялық-эпидемиологиялық бақылау департаменті.
Ақпарат, Қоғам, Спорт

Қазақстандық команда неге Түркияда жаттығады?

Оставить комментарий
Түркияға аттанған Мақтаарал клубына жанкүйерлер тарапынан көптеген сыни сұрақтар қойылуда, -деп хабарлайды Taq.kz тілшісі
Қазіргі таңда бас бапкер — Константин Горовенко ақ-жасылдардың бой үйретер жаттығуларын бастап кетіпті. Бұл туралы, клубтың баспасөз қызметі хабарлады.
 
Сондай-ақ, команданың неліктен шет елде жатығып жатқаны туралы мәлімдеді.
«Сыни пікірлерге жауап қайырмас бұрын алдымен келіп түскен сұрақтарға біршама тоқталайық. Олар:
Неге жаттығу шетелде болады?
Түркияға бару міндетті ма?
Неге сол қаржыны алаңды реттеуге жұмсамайды?
Түркияға барған командаға қандай пайда алып келеді? т.б осы іспеттес сұрақтар.
Біздің Мақтаарал клубы ғана емес, еліміздің дерлік барлық командасы чемпионат алдындағы оқу-жаттығу жиындарын Түркияда өткізеді. Бұл жер үлкен тәжірибе алаңы. Белек қаласына Қазақстаннан ғана емес Еуропаның, Азияның түпкір-түпкірінен қаншама азулы командалар ағылып келеді. Осы сөздің өзі-ақ түсінгенге толық жауап деп ойлаймын.
 
Командамыз Белекте тек оқу-жаттығу жиындарын өткізіп ғана қоймай, сонымен қатар әр елден келген командалармен жолдастық кездесулер өткізеді. Тәжірибе жинақталады. Сол жерден ерекше көзге түскен ойыншыларды Мақтаарал өз сапына қосуға тырысады. Ал біздің үкілеген ойыншыларға басқаларда қолқа салады. Қазақтың бір ойыншысы көзге түсіп, Еуропаның азулы деген командасында доп теуіп жатса, оның несі жаман? Керісінше ұлттық құрамамыздың дамуына одан әрі септігін тигізе түседі.
Былтыр ғана  Премьер Лигаға жол алған жас команда үшін Белектегі белес ауадай қажет. Өткен жылы да Түркияда оқу-жаттығу жиындарымызды пысықтадық. Көптеген тәжірибе жинадық. Сол еңбегіміз Премьер Лигада қалуымызға өз септігін тигізді! Бұл жолы да мықты дегеннің барлығын сүзгіден өткізіп, командамыздың құрамын одан да күшейте түсетін боламыз. Демек, маусымдағы қарсыластарымызға толық қанды төтеп береміз.
Түркиядағы оқу-жаттығу жиындары ойдағыдай өтіп жатыр. Басқада жаңалықтарды алдағы уақытта жанкүйерлерімізбен бөлісіп отырамыз. Әрбір жайды әріден түсініп, командамызға жанкүйерлер болайық.» — деп, жазба қалдырған Мақтаарал футбол клубының баспасөз қызметі.
Ақпарат, Қоғам

Полицейлер ауыл малдарын айыптұраққа қамап жатыр

Оставить комментарий
Мақтаарал ауданында тәртіп сақшылары қарауыз қалып, көліктерге кедергі келтіріп жүрген ірі қараларды қуып, арнайы айып тұраққа апаруда, -деп хабарлайды Taq.kz сайты
    
Жолда қараусыз жүрген төрт түлік  жол көлік оқиғасына алып келетін қауіптің бірі. Сондықтан, полиция қызметкерлері көліктерге кедергі келтіріп жүрген ірі қараларды қуып, арнайы айып тұраққа апаруда. Ал қараусыз жүрген төрт түлік мал иелеріне ҚР ӘҚБтК-нің 408 бабымен яғни Ауыл шаруашылығы жануарларын жаю қағидаларын бұзғаны үшін әкімшілік хаттамалар толтырып жатыр.
Сондықтан, тәртіп сақшылары сыртта қараусыз жүрген малдың адам өмірі үшін өте қауіпті екенін және қараусыз жүрген мал ұрыларға оңай олжа екенін ескертеді.
Ақпарат, Қылмыс

ШЕКАРАДАН ЕСІРТКІНІ АЛЫП ӨТПЕК БОЛҒАН

Оставить комментарий
Полицейлер шетелдіктен героин мен психотроптық заттар тәркіледі, -деп хабарлайды Таq.kz сайты Түркістан облысы ПД баспасөз қызметіне сілтеме жасап.
Сарыағаш аудандық полиция бөлімінің 102 арнасына ҚР ҰҚК Шекара қызметінен есірткі тасымалдау дерегі бойынша хабарлама келіп түскен. Оқиға орнына Сарыағаш АПБ жедел-тергеу тобының қызметкерлері барған.
Анықталғандай, «Жібек жолы» өткізу пунктінде қызметтік итті пайдаланған шекаралық наряд Өзбекстан азаматын ұстаған. Яғни шекарадан өтіп бара жатқан шетелдікке, «Минти» атты қызметтік ит белгі берген. Тексеру кезінде азамат киімінің қалтасында шамамен 2 грамм болатын «жылдамдық» есірткі заты бар екенін мойындайды.
Ал тінту жүргізген полиция қызметкерлері күдіктінің сырт киімінің қалтасынан ішінде есірткіге ұқсас заты бар екі пакетті тапты. Алынған заттай дәлелдемелер сараптамаға жіберілді. Зерттеу қорытындысына сәйкес пакеттің бірінде салмағы 0,2 грамнан асатын «пиролидиновалерофенон» психотроптық заты бар екендігі анықталды. Ал келесісінде салмағы шамамен 0,04 грамм болатын героин екені расталды.
Қазіргі уақытта осы жайт бойынша ҚР ҚК-нің 286-бабының 2-бөлігі «Айналыстан алып қойылған заттардың немесе айналысы шектелген заттардың контрабандасы» бойынша сотқа дейінгі тергеу амалдары жүргізілуде. Күдікті қамауға алынды. Оқиғаның толық мән-жайы анықталуда.
Ақпарат, Қоғам, Қызықты

“Бозторғай” телехикаясының шындығын айтты

Оставить комментарий
“Бозторғай” телехикаясы — бұл өмірде болған оқиға. Бұл туралы “Хабар” Агенттігі” АҚ Басқарма төрағасы Берік Уәли айтты, деп хабарлайды ТAQ.KZ тілшісі.
Берік Уәли фейсбук әлеуметтік желісінде «Бозторғай» сериалы «шынайы оқиға болғасын және шығармашылық топ жан-тәнімен жұмыс істегесін кей көрермен кейбір жағымсыз кейіпкерге қаһарын төгіп, жазба қалдырып жатқанын» мәлімдеген. Сондай-ақ, ол ұжымның шын мәнінде тақырып таңдауда да, шығармашылық ізденіс бойынша да қателеспегенін жеткізген.
(суреттер Берік Уәли парақшасынан алынды)
«Қазір Қостанай облысында тұратын аты аңызға айналған Қарлыға апай мен Нұрлан аға сонау 1991 жылы Арқалық қаласындағы сәбилер үйінен 1 жасқа толар-толмас 6 қыз 4 ұл баланы асырап алған. Қазақстанда 7 балаға дейін ғана асырау мүмкін болса да, олар 10 баланы бауырына басқан екен. Сол қиын-қыстау заманда олар адал еңбектерінің арқасында өздерінің 2 ұлымен бірге барлығы 12 баланы тәрбиелеп жеткізді. Қазір олар да өсіп-өніп, бір-бір отбасы болып отыр. Шынайы оқиғаға негізделген сериалдың интернеттегі қаралымы миллионнан асып кетті. Күн сайын көрермені артып, қаралымы одан да көбейіп келеді.
(суреттер Берік Уәли парақшасынан алынды)
Осы қаңтар айының 30 күні Қарлыға Естекқызы 60 жасқа толады екен. Апайдың көрер қызығы көп болсын! Бұл отбасының ерлікке пара пар әрекеті барша елімізге үлгі»- деп жазба қалдырған “Хабар” Агенттігі” АҚ Басқарма төрағасы.     
Ақпарат, Құрылыс

ШЫМКЕНТТЕ АЛТЫ ЕЛДІМЕКЕН ТАБИҒИ ГАЗҒА ҚОСЫЛАДЫ

Оставить комментарий
Шымкентте осы жылдың соңына дейін Тассай, Тұран, Асар-2, Сәуле, Қайнарбұлақ, Солтүстік саяжай, Бозарықта газ құбырларын тарту жұмыстары аяқталып,  алты елді мекеннің тұрғындары табиғи газбен қамтылады. Бұл туралы Шымкент қаласының энергетика және инфрақұрылымды дамыту басқармасының басшысы Мақсат Ердембеков әкімге есеп беруі жиынында баяндады.
Сонымен қатар,  тағы 8 елді мекенді толық табиғи газбен қамту үшін тиісті жұмыстар атқарылып жатыр.
Сондай-ақ, жыл соңына дейін Батыс, Қайнарбұлақ, Тұран, Нұрсәт, Түркістан шағынаударындағы 5 нысанның құрылыс жұмыстары аяқталып, жергілікті халық сапалы электр жарығына қол жеткізбек.
Ақпарат, Қоғам, Қылмыс

Шымкентте «ҚТЖ-Жүк тасымалы» ЖШС филиал басшысы ұсталды

Оставить комментарий

Шымкентте «ҚТЖ-Жүк тасымалы» ЖШС қалалық филиалы басшысының пара алғаны әшкереленді, деп хабарлайды ТАQ.KZ  Halyq Uni сайтына сілтеме жасап.

Шымкент қаласы бойынша Сыбайлас жемқорлыққа қарсы қызмет «ҚТЖ-Жүк тасымалы» ЖШС Шымкент филиалының басшысына және оның қарамағындағы бірқатар қызметкерлерге қатысты сотқа дейінгі тергеп-тексеруді жүргізіп жатыр. Олар пойыздарды қабылдаушы, кассир, вагондарды тексеруші-жөндеуші және т. б. лауазымдарға жұмысқа орналасу үшін жүйелі түрде пара бергені және алғаны үшін әшкереленген. Сотқа дейінгі тергеу жалғасып жатыр. Өзге ақпарат жария етуге жатпайды.