Все записи автора TAQ.KZ

Ақпарат, Ауыл шаруашылығы, Қоғам

ШІРКЕЙЛЕРГЕ ҚАРСЫ КҮРЕС ШАРАЛАРЫНА 62 ТЕХНИКА ЖӘНЕ 77 МАМАН КІРІСТІ

Оставить комментарий
Түркістан облысының аумағында шыбын-шіркей және сол сияқты қос қанатты қансорғыш жәндіктердің санын азайтуға және ғылыми сүйемелдеу жұмыстарын жүргізуге мердігер ЖШС «Satti Tulik» анықталып, дезинсекциялық жұмыстары жүргізілуде.
Дезинсекция шаралары облыс аумағында наурыз айынан бастап жүзеге асырылуда. Жәндіктермен күресу жұмыстары химиялық (кардинал, фипрон) және биологиялық (бактицид) әдістерімен өңделуде. Жалпы 3663 га аумақ химиялық әдіспен және Сырдария өзеніне биологиялық әдіспен 2 кезеңмен суға төгу жұмыстары жүргізілді.
 
Атап айтсақ, Түркістан қаласы аумағында 386,4 га жер теліміне химиялық әдіспен 3 рет дезинсекция шаралары жүргізілді. Кентау қаласы аумағында 37,9 га жер теліміне химиялық әдіспен 2 рет дезинсекция шаралары атқарылды. Арыс қаласы аумағында 279,23 га жер теліміне химиялық әдіспен 2 рет дезинсекция шаралары ұйымдастырылды. Сонымен қатар Арыс қаласынан өтетін Сырдария өзеніне 22680 литр бактицид препараты қолданылып, биологиялық әдіспен өңделді. Отырар ауданы аумағында 166,3 га жер теліміне химиялық әдіспен 2 рет дезинсекция шаралары жүргізілді.
Отырар аумағынан өтетін Сырдария өзеніне 12960 литр бактицид препараты қолданылып, биологиялық әдіспен өңделді. Сауран ауданы аумағында 107,5 га жер теліміне химиялық әдіспен 2 рет дезинсекция шаралары қолға алынды. Шардара ауданы аумағында 243,8 га жер теліміне кардинал, фипрон препараттары қолданылу арқылы 2 рет дезинсекция шаралары өткізілді. Сонымен қатар Шардара аумағынан өтетін Сырдария өзенін өңдеуге 9720 литр бактицид препараты қолданылды.
 
Дезинсекция шаралары қоршаған ортаға, Сырдария өзенінің флорасы мен фаунасына зиян тигізбейді. Жұмыстар жалғасады. Жұмыс барысы Энергетика және тұрғын үй-коммуналдық шаруашылық басқармасының қатаң бақылауында.
Айта кетейік, ғылыми зерделеу жұмыстарына 10 адам жұмылдырылған. Дезинсекция жұмыстарына 62 техника және 77 адам тартылған.
Ақпарат, Қоғам, Мәдениет, Өнер

ТҮРКІСТАН ТЕАТРЫНДА АЛҒАШ РЕТ МУЗЫКАЛЫҚ КОМЕДИЯ САХНАЛАНАДЫ

Оставить комментарий

Бұл туралы бүгін Түркістан музыкалық драма театрында өткен баспасөз жиынында жаңа қойылым режиссері Олжас Жақыпбек мәлімдеді. Оның айтуынша жарты ғасыр бұрын жазылған шығарманы театрдың жас актерлары мен балет әртістері қайта жандандырады. Сонымен қатар басты рөлді сомдайтын өнер иелері мен шығармашылық топ журналистер сұрақтарына жауап берді.

Қанабек Байсейітов пен Қуандық Шаңғытбаевтың «Беу, қыздар-ай!» комедиясы – Кеңес заманында Социалистік Еңбек ері Зылиха Тамшыбаеваға арнап жазылған шығарма. Заманауи өзгертілген «Беу, қыздар-ай! » спектаклінің көтерген тақырыбы әлеуметтік желінің белең алуы, ауылдағы білікті мамандар тапшылығы, қыздарға өзіне лайық теңін табудың қиындығы сияқты келелі мәселелер болып табылады.

Спектакльді замануи сахналаған талантты, жас режиссер және композитор – Олжас Жақыпбек, театрдың көркемдік жетекшісі – Айнұр Көпбасарова, балетмейстер – Мадина Мұратбекова, гримм бойынша суретші – Адэль Нұрқасымова, қоюшы суретші – Нұрлан Төлешов. Әубәкір рөлін Данияс Нұрқабден мен Рамазан Өмірзақ сомдаса, композитор Сұлтан – Мұзафар Ғалымжанұлы мен Айбек Боранбаев және режиссер Хасен – Шерхан Саматұлы және Болатбек Оспан, Айсұлу рөлін Шұғыла Жәнібекова мен Ақбөпе Жеңсікбай ойнайды.

Айта кетейік, 1-2 және 7-8 мамыр күндері Түркістан музыкалық драма театры алғаш рет музыкалық комедия – «Беу, қыздар-ай!» спектаклінің премьерасын көрерменге ұсынбақ. Сахнаға шыққанына қанша уақыт өтсе де, «Беу, қыздар-ай!» көрермені көп, құндылығын жоғалтпаған туынды.

Ақпарат, Қоғам, Саясат

Сарыағаштың әкімі сырғытпа есеп пен көзбояушылық жасап жүр ме?

Оставить комментарий

” Жұмыс істеп жатырмыз” деген сырғытпа есеп пен көзбояушылық емес, нақты іс керек”. Түркістан облысының әкімі Сарыағаш ауданының әкімі Арман Абдуллаевтың жұмысын сынға алды, деп хабарлайды TAQ.KZ тілшісі.

Мұндай ескертулерді Дархан Сатыбалды кезекті көшпелі мәжілісте  айтып, өз саласы бойынша индикаторларды орындай алмай жүрген басшылар мен жауаптыларға жұмысты сапалы атқару керектігін тапсырған.

– “Сарыағаш – туризмді дамытуға өте қолайлы аймақ. Мұндағы шипажайлар, минералды су бүкіл Қазақстанға әйгілі. Сондықтан жауапты басқармалармен бірлесіп, туризмді дамыту үшін қолайлы жағдай жасау қажет. Жаңа жұмыс орындарын ашу – аудан әкімі жұмысының басты көрсеткіштерінің бірі. Жастарды жұмыспен қамтуға бағытталған бағдарламалар бар. Аудан әкімдігі бұл мүмкіндіктерді толық пайдалана алмаған. Осы бағытта жұмысты күшейту керек. «Жұмыс істеп жатырмыз» деген сырғытпа есеп пен көзбояушылық емес, нақты іс керек.” – деді, Түркістан облысының әкімі Дархан Сатыбалды.

Сондай-ақ, көрші мемлекетпен шекаралас ауданның сауда-саттықты, өнеркәсіпті дамытуға мүмкіндіктер мол екенін айтқан облыс әкімі, тамақ өнімдерін өндіру, туризм саласына тартылған инвестициялардың көлемі бойынша жоспарлар былтыр орындалмағанын мәлім етті.
“Елді-мекендердің айналасы күл-қоқысқа тола. Тазалық бойынша жұмыс күшейтілсін. Тазалық болған жерде – талап болады. Арман Айдарұлы, сіз бұл қызметке жақында кірістіңіз. Ауданды дамыту жоспарын назарда ұстап, инвестиция тарту, өнеркәсіп көлемі бойынша осы жылға бекітілген жоспарларға қол жеткізу үшін тиісті басқармалармен бірлесе қажетті шараларды қабылдаңыз” – деді облыс әкімі.
Ал, Түркістан облысы әкімі аппаратының басшысы Еркеғали Әлімқұлов ауданды дамыту барысындағы кемшіліктер мен мәселелерге тоқталды. Зерделеу жұмыстары көрсеткендей, тамақ өнімдерін өндіруге тартылған инвестиция 72,5 пайызға, туризм саласына тартылған инвестиция 71,1 пайызға ғана орындалды. Егін шаруашылығының нақты көлемі индексі 14,6 пайызға кеміген. Ірі қара мал, қой басында өсім байқалмаған. Осыған байланысты өңір басшысы тарапынан Сарыағаш ауданы әкімдігіне «Ауыл аманаты» бағдарламасын талапқа сай жүзеге асыру, жылыжайлар шаруашылығын дамыту, агроөнеркәсіп кешенінде жұмысты ширату тапсырылды.
Сонымен қатар, Сарыағаш ауданының жауапты басшыларына бюджеттің жергілікті кірістерін, түсімдерін арттыру жөнінде де нақты тапсырмалар берілді. Сарыағаш ауданында 1125 салық салу нысаны мүліктерін 5 млрд. 824 млн. теңгеге бағалаған. Бірақ аталған нысандардың нарықтық бағалау құны 85 млрд. теңгені құрап отыр, яғни 17 есе жоғары. Бұл – салықтың төмендеуіне әкеліп соғуда.
Ақпарат, Қоғам, Саясат

Түркістан облыстық мәслихаты тұрақты комиссия отырысын өткізді

Оставить комментарий

VIII шақырылымдағы Түркістан облыстық мәслихатының кезекті екінші сессиясы қарсаңында, облыстық мәслихаттың әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссиясының отырысы өтті. Тұрақты комиссия отырысына Әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссиясының төрағасы Алмас Салимов төрағалық етті.

Комиссия отырысына Түркістан облыстық мәслихатының төрағасы Н.Ә.Әбішов, Түркістан облысы әкімінің орынбасарлары, Түркістан облысы бойынша тексеру комиссиясының мүшелері, Түркістан облыстық аумақтық сайлау комиссиясының өкілі және облыстық басқарма басшылары, сонымен қатар табиғи газ тасымалдаушы ұйымдарының өкілдері қатысты.

Күн тәртібінде 23 мәселе қаралды:Комиссия отырысында Түркістан облыстық мәслихатының 2022 жылғы 13 желтоқсандағы №19/232-VІI «2023-2025 жылдарға арналған облыстық бюджет туралы» шешіміне өзгерістер енгізу туралы және Облыс әкімдігінің мемлекеттік-жекешелік әріптестік жобаларының іске асырылу барысы жөніндегі есебі мәселелер бойынша облыстық экономика және бюджеттік жоспарлау басқармасының басшысы Қ.Қайыпбек баяндама жасады.

Сонымен қатар, осы отырыста Түркістан облыстық мәслихаты төрағасының облыстық мәслихат қызметін ұйымдастыру, депутаттардың сауалдары мен сайлаушылардың өтініштері бойынша атқарылған жұмыстар және облыстық мәслихат аппаратының қызметі жөніндегі есебі тыңдалды. Тұрақты комиссия мүшелері аталған есепті назарға алып, атқарылған жұмыстарды атап өтті. Күн тәртібіндегі мәселелер бойынша өз пікірлерін айтып, аталған мәселелерді сессияның қарауына енгізуді ұсынды.

Ақпарат, Білім, Қоғам, Туризм

«Айғақ» телеарнасының «Turkistan TOURISM» атты тарихи-танымдық бағдарламасы насихатталды.

Оставить комментарий

2 млн 116 мың халқы бар Түркістан облысы тарихи және мәдени мұраға бай. Облыс аумағында 1780 тарихи және мәдени ескерткіші орналасқан. Оның ішінде 1 халықаралық маңызы бар нысан – Қожа Ахмет Ясауи кесенесі, 40 республикалық маңызы бар ескерткіш, 403 жергілікті маңызы бар ескерткіш және 1336 алдын ала тізімдегі нысан бар. Түркістан облысы орталығында орналасқан Қожа Ахмет Ясауи кесенесі – тарихи маңыздылығына орай ЮНЕСКО-ның әлемдік мәдени мұралар тізіміне енгізілген халықаралық маңызы бар бірегей сәулет туындысы.

«Айғақ» телеарнасының «Turkistan TOURISM» атты тарихи-танымдық бағдарламасы 2 сағат бойы Түркістан облысының  білім ордаларында көрсетілді. Бағдарлама авторы, мемлекеттік «Дарын» жастар республикалық сыйлығының лауреаты, журналист, Қазақстан Журналистер Одағының мүшесі, Мұхтар Әуезов атындағы Оңтүстік Қазақстан Университетінің гуманитарлық ғылымдар бойынша Академиялық комиссияның мүшесі, «Айғақ» Телерадиокомпаниясының редактор-журналисі Салтанат Тойболова.

Шара барысында мектеп оқушыларына  туған жеріміздің туризм саласындағы жетістіктері кеңінен таныстырылып, ақпараттар берілді.

Түркістан облысының барлық аймақтары тарихи және мәдени нысандарға, табиғи демалыс орындарына бай. Айталық Түркістан мен Кентау қалалары және Отырар, Ордабасы, Бәйдібек аудандары бағытында тарихи-танымдық туризмді дамытуға мүмкіндік мол болса, ал, Сарыағаш курорты аумағында емдік-сауықтыру туризмі өркендеген. Оған қоса Түлкібас, Төлеби, Қазығұрт аудандарында экологиялық туризм түрлері қарқынды дамып келеді. Бағдарламаның түсірілімінде аталмыш нысандардың барлығы кеңінен қамтылып, маңыздылығы түсіндірілген.

Соның бірі ретінде туризмді дамытудағы алар орны ерекше «Қасқасу» туристік-рекреациялық кешені» жобасын айтуға болады. «Қасқасу» тау-шаңғы базасы Түркістан облысының Төлеби ауданындағы Қасқасу шатқалында салынып жатыр. Жоба туристік саланы дамытудың 2019-2025 жылдарға арналған мемлекеттік бағдарламасының өңірлік маңызы бар туристификациялау картасының ТОП – 50 нысанның тізіміне енгізілген. Бұл жоба Түркістан облысының 2024 жылға дейінгі әлеуметтік-экономикалық дамуының кешенді жоспарына енгізілді. Жобаның сыртқы инженерлік-инфрақұрылым соммасы – 3 миллиард 600 миллион теңгені құрайды. Қазіргі уақытта «Қасқасу туристік-рекреациялық орталығын» салу жобасын іске асыру бойынша жұмыс жүргізілуде. Жобаны іске асыру кезеңі 2021-2023 жылдарға арналған. Жоба толығымен жүзеге асырылып, тау-шаңғы базасы мен курорт іске қосылған кезде мұнда 5000-ға жуық тұрақты жұмыс орны ашылады деп күтілуде.

Түркістан облысының туристік инфрақұрылымының қарқынды дамуы – мемлекеттік саясат пен жергілікті басқарудың үйлесімді жұмысының нәтижесі. Жаңа жобалар, артқан туристік ағым және рекордтық инвестициялар өңірдің Қазақстандағы туризм орталықтарының біріне айналғанын көрсетеді.

Айта кетейік, облыс әкімдігі тарапынан Түркістан облысындағы туризм саласын дамыту бағытында Жол картасы әзірленіп жатыр.  Жол картасында туристік нысандардағы инфрақұрылымды жетілдіру, қызмет көрсету сапасын арттыру, маркетинг жұмыстарын күшейту, аудан, қала әкімдіктерінің жұмысын жандандыру қарастырылған.

Ақпарат, Ауыл шаруашылығы, Қоғам, Төтенше жағдай

Тұрғындар биыл шыбын-шіркейдің көбейгенін айтып, дабыл қағуда (видео)

Оставить комментарий
Шіркейлер қауіпті аурулардың қоздырғыштарын тасымайлдайды. Тіпті, бір жылдары мал бағуға шыққан баланы қос қанатты қансорғыштар талап, жасөспірім көз жұмыпты. Бұл туралы биология ғылымдарының кандидаты Қаршыға Көшкімбаев айтты.
Сырдария өзенінің бойында орналасқан ауыл тұрғындары биыл шыбын-шіркейдің көбейгенін айтып, дабыл қағуда. Айта кетейік, биыл дәл осы бағытағы жұмыстарды атқару үшін бюджеттен 644 млн теңге бөлінген. Сондықтан, жауаптылар бақылауды күшейту керек.

Ақпарат, Қоғам, Саясат

Бюджет, экономика және ауыл шаруашылығы мәселелері жөніндегі тұрақты комиссиясының отырысы өтті

Оставить комментарий

Түркістан облыстық мәслихатының бюджет, экономика және ауыл шаруашылығы мәселелері жөніндегі тұрақты комиссиясының отырысы өтті. Комиссия отырысын бюджет, экономика және ауыл шаруашылығы мәселелері жөніндегі тұрақты комиссияның төрағасы М.Тұрысбеков жүргізіп отырды. Отырысқа облыстық мәслихат төрағасы Н.Әбішов, “AMANAT” партиясы Түркістан облыстық филиалының төрағасы А.Үмбетәлиев, облыстық мәслихат депутаттары және облыстық басқарма басшылары қатысты.
Күн тәртібіне төмендегі мәселелер енгізіліп, қаралды.


1. Түркістан облыстық мәслихатының 2022 жылғы 13 желтоқсандағы №19/232-VІI «2023-2025 жылдарға арналған облыстық бюджет туралы» шешіміне өзгерістер енгізу туралы;
2. Облыс әкімдігінің мемлекеттік-жекешелік әріптестік жобаларының іске асырылу барысы жөніндегі есебі;
3. Түркістан облыстық мәслихаты төрағасының облыстық мәслихат қызметін ұйымдастыру, депутаттардың сауалдары мен сайлаушылардың өтініштері бойынша атқарылған жұмыстар және облыстық мәслихат аппаратының қызметі жөніндегі есебі;
4. Түркістан облысы әкімдігінің дербес құрамындағы өзгерістерді келісу туралы;
5. «Түркістан облыстық мәслихатының 2023 жылға арналған жұмыс жоспары туралы» Түркістан облыстық мәслихатының 2022 жылғы 13 желтоқсандағы №19/250-VIІ шешіміне өзгерістер енгізу туралы.

Күн тәрібіндегі мәселелер бойынша жауапты басқарма басшылары баяндама жасады. Өз кезегінде, тұрақты комиссия мүшелері пікірлері мен ұсыныстарын айтып, аталған мәселелерді сессия қарауына енгізуге ұсынды.

«AMANAT» партиясы Түркістан облыстық филиалының баспасөз қызметі

Ақпарат, Қайырымдылық, Қоғам

ҚР Парламенті Мәжілісінің депутаты ерекше балаларға қуаныш сыйлады.

Оставить комментарий

Қиындықты тек қиындық көрген түсінеді. Иә, бүгінде тағдыр тауқыметін тартып, әйтсе де, әрбір атқан таңына шүкіршілік етіп өмір сүріп жатқан отбасылар көп. Әр ата-ана баласы ауру болып туады деп күтпейді, әр мүмкіндігі шектеулігі бар бала өзінің жарық дүние есігін кемтар болып ашуын қалаған емес, мүмкіндігі шектеулі болып дүниеге келгені үшін кінәлі емес. Олар да ел қатарлы өмір сүріп, білімнен нәр алып, дені сау азамат болуды қалады. Бірақ әр сәбидің маңдайына жазылған өз тағдыры бар. Олар біздің аяушылығымызға тіптен зәру емес. Баланың аты – бала. Тағдыры қиын болғанымен, балалық бақыттың дәмін сезініп өсуге, ел қатарлы, тең дәрежеде білім алып, ешкімнен кем болмай өмір сүруіне әр бала лайықты.

Осы ретте, ерекше қажеттілігі бар балалардың жағдайын тереңінен түсінген партиямыздың белсендісі, Қазығұрт аудандық қоғамдық кеңес мүшесі Биржан Махсутов қоғамдық қабылдау бөлмесіне, халық қалаулысы Қырықбаев Темір Базарбайұлына балаларға көңілдерін көтеруге Шымкент қаласына ойын-сауық орталығына алып баруға демеушілік көрсетуді сұранды.

Нәтижесінде: ҚР Парламенті Мәжілісінің депутаты Темір Базарбайұлының демеушілгімен, мүмкіндігі шектеулі ерекше жандардың көңілін көтеру мақсатында Шымкент қаласына 35 отбасының балаларын сергіту мақсатында демалыс ұйымдастырылды.

Айта кетейк, мүмкіндігі  шектеулі баланың  ата-анасы  мен  мектеп  мұғалімдері  өзара  келісіп, баланы  түрлі жарыстарға, хайуанаттар  саябағына, саябақтарға т.б. апарып, адамдармен қарым-қатынасын  арттыру  баланың  өзіне  деген  сенімін, елдің  ерекше балаларға деген  көзқарасын  тұрақтандыру  психологиясын  қалыптастырады.

Ақпарат, Қоғам

«Парктер шеруі» экологиялық акциясы басталды

Оставить комментарий

Туған жер табиғатына ұқыпты қарауды насихаттау, экологиялық мәдениетті дамыту және құқықбұзушылықтың алдын-алу мақсатын көздеген жыл сайын дәстүрлі түрде «Парктер шеруі» экологиялық акциясы өткізіліп тұрады. Аталған акция барысында Сырдария-Түркістан мемлекеттік өңірлік табиғи паркі аумағында су айдындарын тазалау, тораңғы ағашын, қызғалдақ гүлін, жабайы аңдарды қорғау секілді шаралар өткізіледі. Екі айға созылатын экологиялық акцияның ашылуы Сауран ауданы, Құсшы ата елді мекені «Балауса» балалар сауықтыру лагерінде өтті. Өскелен ұрпаққа экологиялық тәрбие беру мақсатында мектеп оқушыларының сайысы форматында өткізілген додаға саурандық және кентаулық жас экологтар қатысты.

Балалар өз топтарын таныстырып, қоршаған ортаны қорғауға насихаттайтын сахналық көріністермен қазылар алқасының көңілінен шықса, табиғат туралы нақыл сөздер, мақал-мәтелдер айтумен жарысып, күмбірлеген күйлер ойнады. Жарыс барысында жеткіншектер өздері жасаған қолөнер бұйымдарымен көпшілікті таныстырды. Салтанатты іс-шара қатысушыларына табиғи парк әкімшілігі сияпаттар мен алғыс хаттар табыстады. Экоакцияның ашылуына орай Құсшы ата елді мекеніндегі екі мектептің аумағына орманшылар ағаш отырғызып берді.

Құрылғанына 10 жыл толып отырған табиғат қорғау мекемесі елімізне бұқар бұғыларының питомнигімен әйгілі. Парк аумағын басып жатқан торанғы орманы елімізде Сырдария мен Іле өзендері жағалауында ғана кездеседі. Ал Бәйдібек ауданында орналасқан Тұттыбұлақ сарқырамасы соңғы үш жылда парктің ең танымал демалыс орнына айналған. Бұл акция аясында табиғи парк қызметкерлері экологиялық полиция өкілдерімен қызғалдақты жұлудың алын-алу рейдтеріне шықпақ. Қазіргі таңда лалагүлдерді сақтап қалу басты міндеттердің бірі дейді Сырдария-Түркістан МӨТП бас директорының орынбасары Мұрат Айтимбетов.

«Ғалымдардың айтуынша Қазақстан қызғалдақтардың отаны болып табылады. Бұл керемет гүлдер Ұлы Жібек жолы арқылы Түркияға, сосын Голландияға жеткен. Ғылымдар гүл атауын парсы toliban (шығыс халқының бас киімі) сөзінен шыққан деп пайымдайды. Қазіргі таңда Қазақстан аумағында қызғалдақтың 34-тен астам түрі өссе, оның 18 түрі Қазақстанның Қызыл Кітабына енген. Бұлардың ішінен Грейг, Борщов, Берікқара (Кауфман), Түркістан, Леман, Бузе, т.с.с. танымал. Эндемиктер қатарына Колпаковский, Зинаида, Борщов, Островский, Регель, жалған қосгүлді, Альберт, Кеш қызғалдақ болып есептеледі» – деп түсіндірді М.Айтимбетов.

Естеріңізге сала кетейік, Қазақстан Республикасының Қылмыстық кодексінің 339 бабында Қызыл кітапқа, сирек, құрып бара жатқан өсімдік жануарларды жою үш мың АЕК (10 350 000 теңге) айыппұл немесе қоғамдық, түзету жұмыстарына тарту, тіпті бостандықтан айыруға әкеледі.