Все записи автора Admin

Ақпарат, Қоғам, Құрылыс

АРЫСТА ТАБИҒИ АПАТТАРДЫҢ АЛДЫН АЛУ ЖҰМЫСТАРЫ ЖҮРГІЗІЛУДЕ

Оставить комментарий
Арыс қаласына қарасты Қызылкөпір (Екпінді) елді мекенінде орналасқан Бөген өзені арнасын арнайы техника көмегімен кеңейту және тереңдету, өзен арнасын тазалау, жағаны бекіту секілді шаралар атқарылуда.Тиісті жұмыстарды Дермене ауылдық округі әкімдігі мен «Тұран су» МКК-ны бірлесіп жасап жатыр.
   
Өзен бойына жақын тұратын ауылдықтар атқарылып жатқан жұмыстарға өз алғыстарын білдіруде.
Бүгінгі таңда, мамандар Сырдария, Арыс өзендері бойына белгілер қойып, судың деңгейі мен мұздың қалыптасу жағдайына күнделікті бақылау жүргізіп жатыр. Сондай-ақ, құлақтандыру жүйесі дайындыққа келтірілген.
Ақпарат, Бизнес, Қоғам, Қылмыс

Шымкентте 20 лауазымды тұлға сотталған

Оставить комментарий

Шымкентте үш жыл ішінде шағын және орта бизнес субъектілерінің қызметіне лауазымды тұлғалардың заңсыз араласуының 21 фактісі анықталып, 20 лауазымды тұлға сотталған, деп хабарлайды Taq.kz сайты ҚазАқпарат порталына ссілтеме жасап.

Бұл туралы Қазақстан Республикасының Сыбайлас жемқорлыққа қарсы іс-қимыл агенттігінің Шымкент қаласы бойынша департаменті басшысының бірінші орынбасары Жандос Жұмабаев кәсіпкерлермен кездесуде мәлімдеген.

Сондай-ақ, Шымкент қаласының Сыбайлас жемқорлыққа қарсы қызметі Кәсіпкерлер палатасымен бірлесіп бизнесті қорғау және заңсыз араласуға жедел ден қою мақсатында арнайы мобильді топ құрды. Топтың құрамына қала әкімінің орынбасары, аудан әкімдері, антикор қызметкерлері, кәсіпкерлер палатасы, табиғи монополияларды реттеу және бәсекелестікті қорғау департаменттерінің өкілдері, кәсіпкерлер қауымдастығы, заң кеңесшілері мен қоғам белсенділері еніп отыр.

Мобильді топ тегін ақпараттық-консультациялық қолдау көрсетеді, өтініштер мен шағымдарды, ұсыныстар қабылдайды, кәсіпкерлік қызметке кедергі келтірген жағдайлар туралы телефон хабарламаларына шұғыл жауап береді.

Ақпарат, Білім, Қоғам

ӘСКЕРДЕН КЕЛГЕН ЖАСТАРҒА УНИВЕРСИТЕТКЕ ТҮСУГЕ ҚАНДАЙ МҮМКІНДІКТЕР БАР

Оставить комментарий
ҚР Қорғаныс министрінің кеңесшісі Айгүл Төлембаева мерзімді әскери қызметін өткерген жастарға оқуға түсу үшін қандай жеңілдіктер қарастырылғанын түсіндірді.
«2022 жылдан бастап Қорғаныс министрлігі әскери қызметтің беделін арттыру, оның ішінде ҚР Қарулы күштерінің, басқа да әскери құралымдар қатарында мерзімді әскери қызметтің белгіленген мерзімін өткерген азаматтар үшін білім беру жеңілдіктерін алу жұмысына бастамашы болды. Бұл жобаға жастар оң пікірлерін айтып жатыр», — деді А. Төлембаева орталық коммуникациялар қызметіндегі баспасөз мәслихатында.
Осы орайда ол мерзімді әскери қызметтің белгіленген мерзімін өткерген азаматтарға берілетін жеңілдіктерге тоқталды.
Біріншіден, қызмет аяқталғаннан кейін ҰБТ-ны ескерместен екі жыл ішінде ақылы негізде ЖОО-ға оқуға түсу мүмкіндігі бар.
«Екіншіден, жауынгерлік даярлықта, жүктелген міндеттерді орындауда жоғары нәтижелерге қол жеткізген және үлгілі әскери тәртібімен ерекшеленген әскери қызметшілерге ҰБТ тапсырмай-ақ, ЖОО есебінен оқу құқығы беріледі. Бұдан өзге, оқу орнының әскери кафедрасында емтихансыз тегін оқуға болады. Атап айтқанда, мерзімді әскери қызметін өтеген шыққандар қатардағы жауынгер болады. Ал егер офицер шенін алғысы келсе, олар әскери кафедрада білім алып, лейтенант атанады», — деді министрдің кеңесшісі.
Бұл келісім әскери қызмет өткерген және орта мектепті бітіргені туралы аттестаты, техникалық, кәсіптік, орта білімнен кейінгі немесе жоғары білімі бар адамдарға қатысты.
Сонымен қатар, мерзімді әскери қызметтен өткендер ҚР Қорғаныс министрлігі оқу орындарына емтихансыз түсе алады.
Ақпарат, Жемқорлық, Қылмыс

ҰСТАЗ ПАРАМЕН ҰСТАЛДЫ

Оставить комментарий

Таразда студенттерден пара алған жоғары оқу орнының оқытушысы ұсталды, — деп хабарлайды ТAQ.KZ сайты Tengrinews.kz ақпараттық порталына сілтеме жасап.

Жамбыл облысы Полиция департаментінің ұйымдасқан қылмысқа қарсы күрес басқармасының қызметкерлері 46 жастағы оқытушыны кабинетінде студенттен 200 мың теңге көлемінде пара алып жатқан жерінен ұстаған. Аталған оқиға, Тараз қаласындағы жоғары оқу орнының бірінде орын алған.

Полиция қызметкерлері аға оқытушының бұған дейін 4-курс студенттерінен үш айлық тәжірибелік сабақтардан және емтиханнан өткізіп беру үшін, әрқайсысынан 50 мың теңге көлемінде ақша талап еткені анықталды.Ұсталған ер адам кінәсін толық мойындаған. Оған қатысты қолхатпен босату туралы бұлтартпау шарасы қолданылды.

Бұл дерекке қатысты ҚР Қылмыстық кодекстің 190-бабы 3-бөлігі 3-тармағы (Екі немесе одан да көп адамға қатысты жасалған алаяқтық) бойынша соталды тергеу амалдары басталды.

Ақпарат, Қоғам, Құрылыс, Саясат

Шымкент әуежайының жағдайы халықаралық мәртебеге сәйкес келмейді

Оставить комментарий

ҚР Премьер-Министрі Әлихан Смайылов Шымкент қаласының әкіміне жаңа терминал құрылысын жеделдетуді тапсырды, — деп хабарлайды Тaq.kz ақпараттық порталы primeminister.kz сайтына сілтеме жасап.

 

Сонымен қатар, Премьер-министр Шымкент әуежайының жағдайы халықаралық мәртебеге сәйкес келмейтінін атап өтті.           «Жаңа терминал салу 2018 жылы тапсырылған болатын. Не себептен әлі күнге дейін пайдалануға берілмей отыр? Қалаға немесе елге келген туристер мен қонақтар ең алдымен әуежайдың жағдайына назар салады. Сол себепті тез арада жаңа терминалды пайдалануға беру керек», — деді Әлихан Смайылов.

Шымкент қаласының әкімі Марат Әйтенов бүгінгі таңда жоба 80 пайыздан аса аяқталғанын, құрылыс 40 мың шаршы метр алып жатқанын айтты. Ал, терминал 2023 жылдың соңында толығымен пайдалануға берілетінін мәлімдеді.

Үкімет басшысы әкімдікке жұмыстардың барлығын мүмкіндігінше тезірек аяқтап, құрылыстың одан әрі созылуына жол бермеу қажеттігін атап өтті.

Ақпарат, Денсаулық, Қоғам

КЕНТАУДА «ТЕҢ ҚОҒАМ» БӨЛІМІ АШЫЛДЫ

Оставить комментарий
«Тең қоғам» бөлімде — мүгедектерге санаторлы курортты емделумен, инватакси және әлеуметтік такси қызметімен, құлағы кеміс еститін мүгедектерге ымдау тілі маманымен, мүгедек балаларға күндізгі қатынау бөлімшесі мен оңалту орталықтарымен қызмет көрсетеді. Жалпы онда І және ІІ топтағы мүгедектерге 4 инватакси қызмет көрсетеді, ІІ топтағы мүгедектер мен 18 жасқа дейінгі мүгедек балаларға 3 әлеуметтік такси бар.
 
Сондай-ақ, алдағы уақытта мүгедектерге арналған кітапхана, дойбы, шахмат инвентарлары және йога бөлмесі қарастырылуда. Мүгедектігі бар адамдармен кәсіпкерлік бағытта тренинг пен дөңгелек үстелдер ұйымдастыру жоспарланып отыр.
Биыл санаторлы курортты емделумен 856 мүгедекке қаржы қарастырылып, шипажаймен қамтамасыз етілу жоспарлануда. Санаторлы курортты емделуге мүгедектер өздерінің электронды цифрлы қолтанбасы (ЭЦҚ) арқылы әлемуеттік қызметтер порталынан шипажай түрін таңдап, бара алады.
Ақпарат, Денсаулық

ДӘРІГЕРЛЕРГЕ 15 ЖЕДЕЛ ЖӘРДЕМ АВТОКӨЛІГІ ТАПСЫРЫЛДЫ

Оставить комментарий
Түркістан облыстық жедел медициналық жәрдем станциясына 15 жедел жәрдем автокөлігі тапсырылды. Айта кетейік, осыдан үш жыл бұрын аталған мекемеге 122 автокөлік беріліп, жедел жәрдем автокөлік паркі жаңартылған болатын. Енді жаңа автокөліктер Түркістан облысының аудан, қалаларына жіберіледі. Ауыл тұрғындарының денсаулығын жақсартуға, жедел емдеу шараларын көрсетуге үлес қосады.
Жалпы Түркістан облысы бойынша жедел медициналық жәрдем станциясының 5 бекеті және 17 бөлімшесі, жалпы 22 нысаны бар.
Жедел медициналық жәрдем станциясы 2 миллионнан астам тұрғынға қызмет етеді. Жаңа ғимарат заманауи технологиямен жабдықталған. Қызмет көрсету радиусы 100 км шақырымды құрайды, рациямен толық қамтамасыз етілген.
Санитарлы автокөліктердің барлығы GPS навигациясымен 100% қамтылған. Түркістан облысы бойынша ЖМЖС-да 140 жедел жәрдем бригадасы бар, оның 34-і дәрігерлік болса, 106 фельдшерлік бригада елге қызмет етіп жатыр.
Ақпарат, Қылмыс

ШАРДАРАДА ЕСІРТКІ САТУШЫ ҰСТАЛДЫ

Оставить комментарий
Шардара аудандық прокуратурасы мен полиция бөлімінің бірлескен іс-қимылының арқасында 2023 жылы қаңтар айының 23-нен 24-не қараған түні Шардара қаласында «Р.М.»-деген тұрғынның үйін тінту қорытындысымен: өткізуге әзірленіп, дайындалған 12-бөлшекке бөлінген есірткі затына ұқсас заттар тәркіленіп алынған. Сот-сараптамасына сәйкес, тәркіленіп алынған заттың есірткі зат екені бекітілді. Осы дерек бойынша Қазақстан Республикасы Қылмыстық кодексінің 297-бабы 3-бөлігі 2-тармағымен (есірткі заттарды өткізу мақсатында заңсыз сақтау және бірнеше рет өткізу) тергеу амалдары басталды.
«Р.М.» есімді азаматша 24.01.2023ж. Қазақстан Республикасы Қылмыстық-процестік кодексінің 128-бабына сәйкес уақытша ұстау изоляторына күзетпен ұсталып, тергеу судьясының санкциясымен 2 айға, яғни 24.03.2023 жылға дейін қамауға алынды.
«Есірткі затын өткізу мақсатында сақтау ауыр және аса ауыр қылмыстар санатына жатады, бұл қылмыстық құқық бұзушылықтар бойынша ең ауыр жаза ретінде 20 жылға бас бостандығынан айыру жазасы көзделген»-деп хабарлайды Шардара ауданының прокуратурасы.
Ақпарат, Білім

18 ЖАСҚА ТОЛМАҒАН БАЛАЛАР МЕН ЖАСӨСПІРІМДЕР АВТОБУСТА ТЕГІН ЖҮРЕ АЛАДЫ

Оставить комментарий

Қарағандыда 18 жасқа дейінгі балалар мен жасөспірімдер үшін қалалық көлікте жол жүру тегін болады. Ақпаратты облыстық әкімдіктің баспасөз қызметі хабарлады. Қарағанды облысының әкімі Ермағанбет Бөлекпаев бұл мәселені пысықтауды тапсырды. Бұл шара бірқатар жанұяларға, әсіресе көп балалы отбасыларға үлкен қолдау болып табылады.

– Қарағандыда 7 жастан 18 жасқа дейінгі 110 мыңға жуық тұрғын бар. Автобустарды жаңарту мен электронды билеттердің енгізілуіне байланысты мен оқушылар үшін Қарағанды бойынша тегін жол жүруді қамтамасыз етуді тапсырдым, – деді Ермағанбет Бөлекпаев. Өңір басшысы өзінің шешімі туралы № 44 апатты мектептің педагогикалық ұжымымен және оқушыларының ата-аналарымен кездесу барысында хабарлады.

1948 жылғы ғимарат қалпына келтіруге келмейді. Оның орнына жаңа оқу орнын салу жоспарлануда. Оқушылар мен мұғалімдер № 64 мектепке ауыстырылды. Ол 600 адамға арналған, сондықтан орын тапшылығы жоқ.

Ақпарат

МЕДРЕСЕ-КОЛЛЕДЖДЕРДЕ «АЛАШТАНУ» ЖӘНЕ «ТҰЛҒАТАНУ» ПӘНІ ОҚЫТЫЛАДЫ

Оставить комментарий
Бұл туралы Қазақстан мұсылмандары діни басқармасының 2023 жылға арналған кеңейтілген Төралқа мәжілісінде Бас мүфти Наурызбай қажы Тағанұлы мәлімдеді.
«Халықты оятқың келсе, оның тарихын оят» деген сөздің мәні тереңде. Медресе-колледждердің оқу бағдарламасына факультатив дәріс ретінде «Алаштану», «Тұлғатану» пәнін енгізу туралы шешім қабылдадым. Мақсатымыз – болашақ дін мамандарын ұлтжандылық пен отансүйгіштікке баулу», — деді ҚМДБ Төрағасы дін қызметкерлеріне жолдаған бағдарлық баяндамасында.