Архив рубрики: Қоғам

"AMANAT", Ақпарат, Қоғам

РЕСПУБЛИКАЛЫҚ КЕҢЕСТІҢ КӨШПЕЛІ ОТЫРЫСЫ ТҮРКІСТАНДА ӨТТІ

Оставить комментарий
Түркістан қаласындағы «Конгресс Холл» көпсалалы кешенінде «AMANAT» партиясы жанындағы Сыбайлас жемқорлыққа қарсы іс-қимыл жөніндегі республикалық кеңестің көшпелі отырысы болып өтті.
Кеңес төрағасы, Қазақстан Республикасы Парламенті Мәжілісінің депутаты Ерлан Саировтың жетекшілігімен өткен жиынға Түркістан облысына жұмыс сапарымен келген Кеңес мүшелері Парламент Мәжілісінің депутаттары Абзал Құспан, Мұқаш Ескендіров, Нұрлан Әуесбаев, Қайрат Балабиев, «Генералдар кеңесі» РҚБ Астана қаласы бойынша филиалының төрағасы Өміртай Бітімов, партияның Орталық аппараты Партиялық бақылау департаментінің директоры Дәурен Бижуманов және осы департаменттің инспекторы Венера Есілбаева қатысты.
Кеңестің жұмыс жиынына Түркістан облысы әкімінің бірінші орынбасары Зұлпыхар Жолдасов, Түркістан облысының прокуроры Мұрат Тілеубердиев, Түркістан облысы полиция департаментінің бастығы Мұрат Қабденов, ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша департаментінің бастығы Мұрат Төлеубаев, Қаржылық мониторинг агенттігінің Түркістан облысы бойынша Экономикалық тергеп-тексеру департаментінің бастығы Ерболат Балғабаев, Түркістан облысы бойынша тексеру комиссиясының төрағасы Ғалымжан Тапеев, Түркістан облысы бойынша ішкі мемлекеттік аудит департаментінің басшысы Берік Меңдыбаев, «AMANAT» партиясы Түркістан облыстық филиалының төрағасы Алтынсары Үмбетәлиев, партия филиалы жанындағы Сыбайлас жемқорлыққа қарсы іс-қимыл жөніндегі облыстық кеңес мүшелері, облыстық басқарма басшылары, аудан, қала әкімдері, партия филиалының жауапты қызметкерлері қатысып, күн тәртібінде талқыланған мәселелер жөніндегі деректермен танысты.
Күн тәртібінде қаралған мәселе бойынша хабарлама жасаған Кеңес мүшесі, Парламент Мәжілісінің депутаты Нұрлан Әуесбаев Түркістан облысында сыбайлас жемқорлық мәселелері бойынша құқыбұзушылықтар мен қозғалған қылмыстық істердің 2022 және 2023 жылдардағы динамикасын айтты. Партияның Сайлауалды бағдарламасын іске асыру жөніндегі Жол картасының орындаушылық деңгейін саралап көрсетті. Жергілікті атқарушы органдарда, оның ішінде аудан әкімдіктері мен облыстық басқармалар кесіндісінде сыбайлас жемқорлық тәуекелділігін төмендету, оның профилактикасын жүргізу, ведомстоаралық комиссияның хаттамалық шешімдерінің орындалуы, білім беру, әлеуметтік қолдау, денсаулық сақтау, ауыл шаруашылығы, құрылыс, жер қатынастары салалары бойынша сыбайлас жемқорлықпен байланысты құқықбұзушылықтардың алдын алу бағытындағы жұмыстарының тиімділік деңгейін бағалау нәтижесімен таныстырды.
Өзге де қоғам белсенділері өз ұсыныстары мен пікірлерін айтты.
Көтерілген мәселе бойынша Түркістан облысы әкімінің бірінші орынбасары Зұлпыхар Жолдасов жауап беріп, жергілікті атқарушы органдарда сыбайлас жемқорлық құқықбұзушылықтарының алдын алу және жою жұмыстары барысын баяндады. Тұрғындарға ұсынылатын мемлекеттік қызметтердің жекелеген салаларында тәуекелдерді анықтау, олар бойынша орнықты қоғамдық бақылау жүйесін түзу арқылы ашықтық пен жариялықты қамтамасыз ету, мемлекеттік органдар қабылдайтын шешімде адами факторды мейлінше төмендетуде қызметтерді автоматтандыру бағытында кешенді жұмыстар қолға алынғанын мәлімдеді. Түркістан облысының әкімі бұл бағытта орнықты ұстаным білдіріп отырғанына тоқталып, өңірдің білім беру жүйесін жемқорлықтан тазартуда ауқымды жұмыс қолға алынғанын жеткізді.
Түркістан облысының прокуроры Мұрат Тілеубердиев сыбайлас жемқорлықпен күрес қоғамда өте өзекті мәселе екенін айта отырып, Түркістан облысының көлемінде бұл келеңсіздікті жою бағытындағы қол жеткізілген кешенді жұмыс көрсеткіштері жөнінде ақпар берді. Нәтижесінде соңғы үш жылда жемқорлық деректері бойынша тіркелген қылмыстық істер төмендеп жатқанына назар аударды. Білім беру жүйесіндегі бюджет қаражатының талан-таражға түсуінің жолын кесу, заңсыз берілген жерлерді мемлекетке қайтару, табиғи ресурстарды қорғау, жер қойнауын заңсыз пайдалану деректерін анықтау мәселелерінде нәтижелі жұмыс атқарылып жатқанын мәлімдеп, олар қоғам тарапынан жылы қабылданып жатқанын, оң қоғамдық пікір қалыптасып отырғанын жеткізді.
Кеңес төрағасы Ерлан Саиров алқалы жиынның мақсаты – жазаға тарту емес, жемқорлық сынды келеңсіздікті жоюға үлес қосу екенін назарға алды. Қоғамдағы өзекті мәселелерді анықтап, шешуде азаматтық белсенділермен жұмыс жүргізіп, саяси салмағы бар «AMANAT» партиясының қызметіне, ол қабылдаған шешімдерге тиянақты қарауға шақырды.
Ақпарат, Қоғам, Мәдениет, Өнер

БЕЙЖІҢДЕ ТҮРКІСТАН ОБЛЫСЫНЫҢ ДЕЛЕГАЦИЯСЫ «NAURYZFEST» ӨТКІЗДІ

Оставить комментарий
Бейжің қаласында Қытайдағы Қазақстан туризмі жылы аясында Түркістан облысының әкімдігі «NAURYZFEST» мерекелік іс-шарасын ұйымдастырды. ҚР Туризм және спорт вице-министрі Ержан Еркінбаев қатысып, сәттілік тіледі. Концерт алаңына жиналған қауымға ұлттық тағамдар ұсынылып, өңірдің туристік әлеуеті қамтылған үнпарақтар таратылды.
Облыстың шығармашылық ұжымдары қазақ халқының таңдаулы ән-күйі мен биін көрермендерге паш етіп, қошеметке бөленді. Атап айтқанда, «Сүгір» атындағы қазақ-ұлт аспаптар оркестрі, «Яссы» би ансамблі, «Таңба» этноквартеті және әншілер Бейжің халқы мен Қытай қазақтарына рухани серпіліс сыйлады. «Шашу», «Гәкку», «Түркістан», «Сарыарқа», «Сүгірдің термесі», «Махамбет», «Отан» және тағы басқа үздік туындылар орындалып, театрландырылған қойылым сахналанды.
ҚР Қытайдағы Елшілігі мен Түркістан облыстық мәдениет және туризм басқармасының бірлесіп үйлестіруімен өткізілген «NAURYZFEST» іс-шарасына өңірдің өнерпаздары, туризм және мәдениет саласының өкілдері атсалысты.
Айта кетейік, биыл Қазақстан-Қытай арасындағы мәдени-рухани және туризм бағыттары бойынша қарым-қатынас одан әрі нығаяды. 2024 жыл – Қытайдағы Қазақстан туризм жылы болып бекітілген. 28 наурыз күні Бейжің қаласында Қытайдағы Қазақстанның ресми ашылуы басталған болатын. Халықаралық туристік көрмеге Түркістан облысы белсене қатысып, өз өңірінің туристік өнімдерін жоғары деңгейде танытқаны үшін 2-орынды иемденді.
Ақпарат, Қоғам, Мәдениет

НАУРЫЗ МЕЙРАМЫНДА КЕНТАУЛЫҚ ҚАРИЯЛАРҒА ҚҰРМЕТ КӨРСЕТІЛДІ

Оставить комментарий
Ұлыстың ұлы күні әз-Наурыз мерекесіне орай Кентау қаласының әкімі Жандос Тасов қазыналы қариялардың шаңырағында болып, мерекемен құттықтады.
  
«Біз қашанда үлкенді құрметтеген, қариясын сыйлаған халықтың ұрпағымыз. Сіздер бүгінде зейнет жасында болсаңыздар да қоғамдық жұмыстарға белсене араласып, қариялық болмыстарыңызбен жас ұрпаққа бағыт-бағдар, кеңес беріп, қоғамның алға дамуына зор үлес қосып келесіздер. Өнегелі істеріңіз үшін шексіз алғысымды айтамын»,- деді қала әкімі.
Ардагер қариялар шуақты мерекеде қала әкіміне құрметі үшін ризашылықтарын жеткізді. Барша халыққа баталарын беріп, бейбіт те берекелі өмір тіледі.
Ақпарат, Қоғам, Мәдениет, Өнер

ПРЕЗИДЕНТ ҚАЗАҚСТАН ХАЛҚЫН НАУРЫЗ МЕЙРАМЫМЕН ҚҰТТЫҚТАДЫ

Оставить комментарий
Алматы қаласына жұмыс сапарымен барған Қасым-Жомарт Тоқаев «Астана» алаңында өтіп жатқан мерекелік іс-шарада Қазақстан халқын Ұлыстың ұлы күнімен құттықтады.
Мемлекет басшысы өз сөзінде төл жаңа жылымыз Наурыз мейрамын ата дәстүрімізге сәйкес барша жұртымыздың бір ел, бір халық болып қарсы алатыны жөнінде айтты.
– Бабаларымыз ежелгі заманнан бері Ұлыс күнін жыл басы ретінде атап өткен. Қазір Әз Наурыз күллі халыққа ортақ жалпыұлттық мерекеге айналды. Оны ұлтына, дініне қарамастан барша жұртымыз ерекше күтеді, бірге атап өтеді. Дана халқымыз «Жақсы сөз – жарым ырыс» деп бекер айтпаған. Жаңа жылды жақсы ниетпен, пайдалы іспен бастау – талайдан қалыптасқан дәстүр. Бұл күні қонақжай жұртымыз ақ дастарқан жайып, бір-біріне ақжарма тілектерін айтады. Бұлақтың көзін ашып, тал егеді, тазалыққа баса мән береді. Наурыз мерекесінде халқымыздың асыл қасиеттері мен құндылықтары түгел көрініс тапқан. Биыл Ұлыстың ұлы күні Рамазан айымен тұспа-тұс келіп отыр. Қазақ жеріндегі дін мен дәстүрдің үйлесімі дәл осы кезде айқын көрінеді, – деді Қасым-Жомарт Тоқаев.
Президент биылдан бастап Наурыз мейрамы 10 күн бойы аталып өтіп жатқанына тоқталды. Наурызнамаға сәйкес, бүгін елімізде «Ынтымақ» күні.
– Бірлік пен ынтымақ – еліміздің басты құндылықтарының бірі. Біз жанашырлық, тілеулестік сияқты асыл қасиеттерді дәріптеуіміз қажет. Еліміздің бірлігі мен татулығы әрдайым бекем болса, елдігіміздің тұғыры мәңгі болады. Мен бұған кәміл сенемін, – деді Мемлекет басшысы.
Нравится
Комментировать
Поделиться
"AMANAT", Ақпарат, Ауыл шаруашылығы, Депутат, Қоғам

Түркістан: Төрт аудан басшыларының есебі тыңдалды

Оставить комментарий
Түркістан облыстық мәслихатындағы «AMANAT» партиясы фракциясының көшпелі мәжілісі Сарыағаш ауданында өтті. «AMANAT» партиясы Түркістан облыстық филиалының төрағасы Алтынсары Үмбетәлиевтің жетекшілігімен өтіп, оған Түркістан облыстық мәслихатының төрағасы Нұралы Әбішов бастаған аманаттық мәслихат депутаттары қатысты.
Көшпелі мәжілістің күн тәртібінде өңірдің оңтүстік аудандарында көктемгі жауын-шашын кезеңіндегі ықтимал су тасқындарының алдын алу жұмыстарының атқарылу барысы және «Қарызсыз қоғам» ұлттық жобасының орындалу көрсеткіштері бойынша Мақтаарал, Жетісай, Келес, Сарыағаш аудандары басшыларының есебі тыңдалды.
Жиында Мақтаарал ауданы әкімінің орынбасары Бейсенбай Төребеков, осы аумақтағы негізгі нәр көзі болып табылатын Орталық бетпақдала коллекторының, «Достық» магистралды каналының бүгінгі ахуалы жөнінде баяндап, ауыл шаруашылығы мақсатындағы каналдардың механикалық тазалаудан өткізілуі жөнінде мағлұмат берді.
Ал, Келес ауданы әкімінің орынбасары Сүлеймен Жылқыбаев «Ошақты», «Бес-Абдал», «Оймауыт» гидротехникалық нысандарының дайындығы жөнінде хабарлады. Сонымен қатар, Жетісай ауданы әкімінің орынбасары Марат Айнабеков су тасқынының алдын алу мақсатында тиісті қаржы бөлініп, арық-атыздарды механикалық тазалаудан өткізу, қашыртқылар қазу, бетон лотоктарын орнату, су сорғылар қою жұмыстары атқарылғанын мәлім етті.
Депутаттық корпустың көшпелі мәжілісіне қатысқан Сарыағаш ауданының әкімі Арман Абдуллаев аудан аумағынан Келес өзені мен барлығы 88 канал ағып өтетінін, өткен жылы 20 канал механикалық тазалаудан өтіп, биылғы жылы «Тұран су» МКК арқылы алынған 3 бірлік жаңа техникамен аймақтағы 68 су нысандары тазалықтан өткенін жеткізді.
Жиын соңында, фракцияның көшпелі мәжілісінің қорытындысымен тиісті қаулы қабылданып, Мақтаарал, Жетісай, Келес, Сарыағаш аудандарында су тасқынының алдын-алу бойынша кешенді жұмыстар жүргізу міндеттелді. «Қарызсыз қоғам» ұлттық жобасы аясындағы оқу курстарына шалғай елді-мекендер тұрғындарын белсене тарту қажетті ұсынылды.
Ақпарат, Қоғам

ТҮРКІСТАНДА НОТАРИАТТЫҚ ПАЛАТА МЕН АДВОКАТТАР АЛҚАСЫ ҒИМАРАТЫНЫҢ АШЫЛУ РӘСІМІ ӨТТІ

Оставить комментарий
Түркістанда облыстық нотариаттық палата мен адвокаттар алқасы ғимаратының салтанатты ашылу рәсімі өтті. Аталған шараға Қазақстан Республикасының Әділет министрі Азамат Есқараев және Түркістан облысының әкімі Дархан Сатыбалды арнайы қатысып, жаңа ғимараттың лентасын қиды.
Түркістан облысының адвокаттар алқасы ғимаратының жалпы аумағы – 800 шаршы метр, ал облыстық нотариаттық палата ғимаратының жалпы аумағы 711,11 шаршы метрді құрайды.
Бұдан бөлек, ҚР Әділет министрі Азамат Есқараев Түркістан облысының Әділет департаментінің ғимаратын аралап, қызметкерлермен кездесті. Сондай-ақ Түркістан облысы бойынша Сот сараптамалары институтының материалдық – техникалық жағдайымен танысты.
Айта кету керек, Түркістан облысы аумағында жалпы саны 179 адвокат және 196 нотариус бар.
Ақпарат, Бизнес, Қоғам

Түркиялық компания Түркістанға инвистиция салуға ниетті

Оставить комментарий
Түркиялық «EAE Elektrik» өнімдерін 120 елге экспорт жасайтын компаниялардың бірі. Түркия және Ресей мемлекеттерін қосқанда Дубай қаласында да фабрика жұмысын тұрақты жүргізіп отырған ұйым енді Қазақстанмен іскерлік байланыс орнатуға ниетті.
Әлем нарығында 50 жылға жуық уақыттан бері электр жабдықтарын өндірумен айналысатын тәжірибелі кәсіпорын Түркістаннан зауыт ашуды жоспарлап отыр. Осы мақсатта компанияның Халықаралық жобалар және сату жөніндегі директоры Ердоған Димерел Түркістан облысы кәсіпкерлер палатасының директоры Асылан Ибадуллаевпен жүздесті. Кездесу барысында кәсіпкерлер палатасы тарапынан қолдау білдіру жайы сөз болды.
«Кәсіпкерлер палатасы отандық кәсіпкерлерге қолдау білдіріп отырған кәсіпкерлердің қарашаңырағы. Жобаларды сүйемелдеу мен кәсіпкерлердің құқығын қорғау басты бағытымыз. Сіздің ұсынып отырған жобаңыз өте ауқымды. Әрине шетелдік инвесторлармен де бірлесіп жұмыс істеуге әзірміз», – деді Асылан Сейілбекұлы.
Инвисторлар энергетика саласындағы біліктілігін пайдалана отырып жобаны іске асыруға күш салмақ. Түркістан облысы әкімінің баспасөз қызметінің хабарлауынша, бүгінге күнге дейін оңтүстік өңірде түрік инвестицияларының қатысуымен 50-ден астам инвестициялық жоба жүзеге асқан.
Ақпарат, Бизнес, Қоғам

КӘСІПКЕРЛЕР КӨТЕРГЕН МӘСЕЛЕ БАСТЫ НАЗАРДА

Оставить комментарий
Кәсіпкерлердің құқығын қорғау және сыбайлас жемқорлыққа қарсы іс-қимыл кеңесінің кезекті отырысы өтті. Басқосуға кеңес төрағасы Орынбасар Кабиштаев, Мемлекеттік кірістер басқармасы, қалалық жер қатынастары бөлімінің мамандар және кәсіпкерлер қатысты.
Күн тәртібінде алғашқы болып «Belqoitas» ЖШС-нің жер қойнауын пайдалану саласындағы инвестициялық жобаны іске асыру және жер қойнауын барлауға рұқсат алу кезіндегі Ордабасы ауданы әкімдігі тарапынан орын алған әкімшілік кедергілер туралы мәселесі қаралды. Аудандық кәсіпкерлік бөлімі өз құзыреті шегінде жеке кәсіпкер Жандос Амантайдың мәселесін зерделеу үшін жауапты мамандарға тапсырма берілгендігін мәлімдеді.
Кеңес отырысында Түркістан қаласындағы «Бірлік» секторының қала аумағына өткен ауыл шаруашылығы мақсатындағы жер учаскелеріне салынатын салық жүктемесіне наразы шаруалардың да мәселесі талқыланды. Кәсіпкер Шукрулла Ботаев Түркістан қаласы әкімдігінің жер қатынастары саласындағы қызметтік міндеттерін уақытылы орындамаудың саладарынан кәсіпкерлерге 3 жыл бойы салық төленбегені үшін жеке есепшоттары бұғатталғанын атап өтті.
Жиынды қорытындылаған Орынбасар Әбдікәрімұлы кәсіпкерлердің өзекті мәселесі назардан тыс қалмайтындығына тоқталды. Тиісінше облыстық кәсіпкерлер палатасының қызметкерлері қордаланған түйіткілді мәселе бойынша құзырлы органдарға хат жолдап, оңтайлы шешілу жолдары қарастырылатын болады.
Ақпарат, Бизнес, Қоғам

ТҮРКІСТАН: ӨҢІРЛІК КӘСІПКЕРЛЕР КЕҢЕСІНІҢ КЕЗЕКТІ ОТЫРЫСЫ ӨТТІ

Оставить комментарий
Түркістан облысы кәсіпкерлер палатасының алаңында Өңірлік кәсіпкерлер кеңесінің кезекті отырысы өтті. Келелі жиынды кеңес төрағасы Нұралы Әбішов ашып, жүргізіп отырды. Күн тәртібінде өңірлік кеңес құрамына қабылданған жаңа мүшелер мен палатаның жаңа ұйымдық құрылымы таныстырылды.
Жаңа құрылымға сәйкес директор орынбасарларының қызметтерін ауыстыру бойынша шешімдер қабылданған болатын. Атап айтқанда, бұрынғы агроөнеркәсіптік кешен бойынша директор орынбасары Нұрбол Рысбеков директордың экономикалық мәселелері бойынша орынбасары қызметіне тағайындалса, ал шағын кәсіпкерлікті дамыту бойынша директор орынбасары қызметіне Ербол Әуелбеков тағайындалды.
Жиында облыстық кәсіпкерлер палатасының директоры Асылан Ибадуллаев және директор орынбасарлары атқарылған жұмыстар ретін баяндады. Өңірлік кәсіпкерлер кеңесінің мүшелері лайықты бағасын беріп, бірқатар ұсыныстарын айтып өтті.
«Кәсіпкерлер палатасы жеке кәсіпкерлер мен билік арасында алтын көпір болу тиіс. Елімізде бизнес жақсы дамыса қосымша салық көбейді деген сөз. Бұл халқымыздың әл-ауқатын арттыру мәселесінде маңызды. Яғни мектеп, балабақша, аурухана сынды әлеуметтік нысандар салуға септігі мол. Өңір басшысы Дархан Сатыбалды өндіріс орындарын ашу арқылы кәсіпкерлікті дамытуды басты назарға алып отыр. Әрине барлығымыз бірлесіп кәсіпкерлерге қолдау білдіріп, бизнестің өркендеуіне ат салысуымыз қажет»,- деді Нұралы Алмаханұлы.
Басқосу соңында баяндаманы мұқият тыңдаған кеңес мүшелері палата ұжымына жұмысты ширатуды тапсырды. Өз кезегінде Асылан Сейілбекұлы ұжымның алға қойған жоспарларын алға тартып, жұмыс барысын жандандыруды қолға алатындығын атап өтті.
Ақпарат, Депутат, Қоғам

МӘСЛИХАТ ТӨРАҒАСЫ АҚ ЖАУЛЫҚТЫ АНАЛАРҒА ҚҰРМЕТ КӨРСЕТТІ

Оставить комментарий

Түркістан облысы мәслихатының төрағасы Нұралы Әбішов ақ жаулықты әжелер мен алтын құрсақты аналарды үйіне барып құттықтады.

Бүгінде, Түркістан қаласында тұратын ардақты әжелер мен аяулы аналар – Бибісара Тойғараеваның, Зәуре Момбекованың, Жанар Альчинбаева мен Қаламқас Арыстанова өз әулеттің берекесі мен ұйытқысына айналып отыр.

Мәслихат төрағасы кездесуде қазақ халқы ежелден әйел қауымын ерекше құрметтегенін айта отырып, өзінің жылы лебізін білдірді. Сондай-ақ, осындай батыр апаларымыз бен аналарымыздың көп болып, жас қыз-келіншектердің үлгі алу қажеттігін айтып өтті.

Салт-дәстүріміз бен тілімізді, мәдениетімізді ұл-қыздарымыздың бойына сіңіріп, ұрпақ тәрбиелеудегі ерен еңбектеріне, шексіз мейірімділіктеріне алғысын білдірген Нұралы Әбішов көпбалалы аналарға мерекелік сыйлығын да табыс етті.

Өз кезегінде, ардақты әжелеріміз бен көп балалы аналар мәслихат төрағасының арнайы құттықтап келгеніне ризашылықтарын білдіріп, Түркістанды өркендету бағытындағы жұмыстарына сәттілік тіледі.

Айта кетерлігі, Бибісара Тойғараева – тыл еңбегінің ардагері, 98 жаста. Түркістан қаласының тұрғыны. 10 баланың анасы.
Зәуре Момбекованың жасы 96-да. 7 баланың анасы, 25 немере, 80 шөбере, 32 шөпшек тәрбиелеп отыр.

Қаламқас Арыстанова жас көпбалалы ана. Жолдасымен 9 баланы тәрбиелеп отыр. Аспазшы. Жанар Альчинбаева да 9 баланың анасы. Бүгінде мейірбике болып жұмыс жасайды.