«AMANAT» партиясы Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында айқындалған міндеттер шеңберінде «Daryn Ustaz» орталығымен бірлесіп, «Ustazga AI»: жасанды интеллект педагог көмекшісі ретінде» жобасын бастады.

Бұл бастама Қазақстан Республикасы Парламенті Мәжілісінің және «AMANAT» партиясының Төрағасы Ерлан Қошановтың «Mұғалім Talks» кейс-платформасының екінші отырысында берген тапсырмасының негізінде жүзеге асып, мұғалімдерге арналған тегін онлайн курсты ұйымдастыру, білім беру саласында жасанды интеллект құралдарын тиімді пайдалану жолдарын көрсету, сондай-ақ педагогтердің цифрлық құзыреттілігін арттыру мәселелерін көздейді.

Мұғалімдерді жасанды интеллект технологияларын тиімді және жауапты қолдануға үйрету, олардың жұмыс жүктемесін азайтып, оқыту сапасын арттыруға арналған «Ustazga AI»: жасанды интеллект педагог көмекшісі ретінде» жобасын таныстыруға арналған кездесу жиыны Түркістан қаласындағы «Конгресс холл» көпсалалы кешенінде өтті. Кездесуге «AMANAT» партиясының хатшысы Шолпан Каринова, «Daryn.online» компаниясының бас директоры Айбек Қуатбаев, «Daryn Ustaz» компаниясының мемлекетпен байланыс бөлімінің басшысы Ерлан Абдиманапов, Түркістан облысы әкімінің орынбасары Ертай Алтаев, «AMANAT» партиясы Түркістан облыстық филиалының төрағасы Алтынсары Үмбеталиев, облыстық білім басқармасы басшысының орынбасары Айгүл Қасымбекова қатысты.

Ұстаздар үшін жаңа мүмкіндіктер ашып берген жиынға облыстық білім басқармасына қарасты барлық ұйымдардың жауапты мамандары, әдістемелік орталықтардың жетекшілері, аудандық, қалалық білім бөлімдерінің басшылары, мектептер мен колледждердің директорлары қатысып, жасанды интеллект технологияларын білім беру процесіне кіріктірудің маңыздылығымен танысты.

Жиынды «AMANAT» партиясы Түркістан облыстық филиалы атқарушы хатшысының орынбасары, облыстық «Әйелдер қанатының» жетекшісі Қалыйма Жантөреева ашып, жүргізді. Өңір ұстаздармен өтіп жатқан кездесудің маңыздылығына тоқталған Қалыйма Жантөреқызы, қазіргі технологиялық дәуірде білім беру саласының даму қарқыны жаңа талаптарды алға тартатынын айтты. Жасанды интеллект – ұлттық даму стратегиясының тірегі екеніне баса мән беріп, бұл бастама Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауынының мазмұны болғанын жеткізді. Осы орайда, «AMANAT» партиясы «Mұғалім Talks» кейс-платформасының отырысында жасанды интеллектіні білім беру үдерісінде кеңінен қолдануды қолдайтынын айқындағанын атап өтті. Бұл үдеріс елдің интеллектуалды әлеуетін арттыруға бағытталған маңызды қадам болып отырғанын және партиямыздың бұл бағыттағы жаңа бастамаларын білім беру саласының қызметкерлеріне жеткізуде «AMANAT» партиясының хатшысы, Әйелдер қанатының жетекшісі Шолпан Таңатқызы, «Daryn.online», «Daryn Ustaz» жаңа буын компанияларының өкілдері Түркістан облысына арнайы келгенін атап өтті.

Кездесудің ашылуында сөз алған Түркістан облысы әкімінің орынбасары Ертай Алтаев білім беру жүйесін заман ағымына сай дамытуда жаңа буын мамандарды даярлауға арналған бастаманы таныстыруға арналған кездесу қонақтарын Түркістан қаласының төрінде көргеніне қуанышты екенін білдіріп, бұл бағыттағы ынтымақтастықты арттыруға олыс әкімдігі әрқашан дайын екенін жеткізді.

«- Білім саласына жасанды интеллект технологияларын енгізу, білім сапасын арттыру мәселелерін талқылау үшін жиналып отырмыз. Мемлекет басшысы Қасым-Жомарт Кемелұлы Тоқаев Қазақстан халқына арнаған Жолдауында ел дамуының бағыттарын айқындай отырып, цифрландыру мен жасанды интеллект салаларын басым бағыт ретінде атап өтті. Бұл Жолдау еліміздің білім беру жүйесіне үлкен жауапкершілік пен тың мүмкіндіктер ашып берді. Түркістан облысы Мемлекет басшысының бастамасын толық қолдай отырып, білім беру саласының цифрлы трансформациясын жеделдетуді, жасанды интеллекті саласы арқылы ерте жастан білім беруді қалыптастыруды және педагогтардың цифрлық сауаттылығын арттыру бағыттарында нақты шаралар қабылданып жатыр. Бүгінгі таңда облысымызда информатика, робототехника және STEM кабинеттерін жабдықтау жұмыстары белсенді түрде жүргізіліп отыр», – деді Ертай Кенжебекұлы.

Қоғамның цифрлық дағдыларын қалыптастыруда «AMANAT» партиясы биылдан бастап «Цифрлы қоғам» жобасын іске қосқанын партия хатшысы Шолпан Қаринова атап өтті. Бұл жоба бірнеше бағытты қамтитынын, соның ішінде ең ауқымдысы – педагогтарды қолдау бағыты екенін айтты.

«- «AMANAT» партиясының 30 пайыздан астам мүшесі – педагог мамандар болып табылады, сондықтан, партиямыз мұғалімдерді қолдауда бірнеше маңызды тармақтар бойынша кешенді жұмыстар жүргізіп келеді. Оның бір бағыты ретінде республикалық және өңірлік деңгейде кеңестерді атап өтуге болады, осы кеңестерде білім беру саласындағы өзекті мәселелер талқыланады, шешімдер қабылданады. Партиялық бақылау комитеті білім объектілерінің құрылысына қатысты мемлекеттік органдармен бірлесе жүйелі жұмыстар жүргізіп келеді. Екінші жыл қатарынан «Mұғалім Talks» кейс-платформасын өткізді. Бұл жоба мұғалімді тек кәсіби маман ретінде ғана емес, оны жоғары құндылық иесі ретінде көрсетуге басымдық берілді. Осы жобаның алаңында белсенді мұғалімдер «Ұстаз – ұлт айнасы» наградасымен марапатталады. Жаһандық цифрландыру кезеңінде отандық педагог кадрлардың кәсіби құзіреттілігін кеңейтуде «Ustazga AI» педагогтерге жасанды интеллектті оқу процесіне тиімді енгізу жобасын қолдадық. Бұл жоба мұғалімдерге оқу жоспарын түзуге, күнделікті жұмыс бағыттарын белгілеуге, оқушылардың білімін бағалауға, сараланған тапсырмаларды белгілеуге, талдау жүргізуге, күрделі шешімдер қабылдауға жәрдемші болады», – деді Шолпан Таңатқызы.

Платформа мен курстар арқылы жасанды интеллектіні педагогтың көмекшісі ретінде пайдалануға үйрету мәселесіне қатысты «Daryn.online» компаниясының бас директоры Айбек Қуатбаев пен «Daryn Ustaz» компаниясының бөлім басшысы Ерлан Абдиманапов қызықты мағлұматтармен бөлісіп, «Ustazga AI» платформасының артықшылықтарын таныстырды.

Айта кету керек, бұл жоба цифрландыру және білім берудегі тең мүмкіндіктерді қамтамасыз ету бағытындағы нақты қадам болып табылады. Жоба үш негізгі кезеңді қамтиды. Оның ішінде бірінші кезең бойынша – онлайн курстар басталып, барлық өңірдегі мұғалімдер «Ustazga AI»: жасанды интеллект педагог көмекшісі ретінде» жобас теы бойынша тегін онлайн курстан өтетін болады. Екінші кезеңде – педагогикалық хакатон ұйымдастырылады. Оған онлайн оқуды аяқтаған мұғалімдер арасынан үздік 400 педагог арнайы іріктеуден өтіп, «Мұғалім AMANAT» педагогикалық хакатонына шақырылады. Бұл кезеңде ұстаздар «Мектепке арналған жасанды интеллект шешімі» тақырыбында өз жобаларын қорғайды. Ең үздік деп танылған 20 мұғалім халықаралық тағылымдамаға жолдама алады. Ал үшінші кезең – Халықаралық тағылымда деп аталады. Бұл кезеңде хакатон жеңімпаздары келесі жылдың маусым айында Оңтүстік Кореяда өтетін 7 күндік тағылымдамаға қатысады. Мақсат – білім беру саласында жасанды интеллект технологияларын енгізудің үздік халықаралық тәжірибесін зерделеп, оны қазақстандық мектептерге бейімдеу болып табылады.

Облыс мектептері мен колледждеріндегі білім беру процесіне жасанды интелектіні енгізу мәселелері бойынша Түркістан облыстық білім басқармасы басшысының орынбасары Айгүл Қасымбекова хабарлама жасап, цифрлы дағдыны қалыптастыруда мұғалімдерге арналған біліктілікті арттыру курстары, цифрлық платформалар жайлы ақпарат берді.

Жиынды қорытындылаған «AMANAT» партиясы Түркістан облыстық филиалының төрағасы Алтынсары Үмбеталиев жасанды интеллектіні білім беру саласына енгізу – уақыт талабы екенін айтты.

«- Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында айтылған цифрландыру мәселесі жаңа ұлттық идеяға айналды. Жасанды интеллект пен жаңа технологиялар Қазақстан үшін жаңа мүмкіндіктерге жол ашады. Оған дәлел ретінде «AMANAT» партиясының Төрағасы Ерлан Жақанұлы Қошановтың бастамасымен қолға алынған «Ustazga AI» платформасының іске қосылғанын айтуға болады. Бұл платформа арқылы еліміздің мыңдаған ұстаздары, жаңа мүмкіндіктерге қол жеткізеді. Әрине, жасанды интеллект – мұғалімді алмастыратын құрал емес, керісінше оның кәсіби мүмкіндіктерін кеңейтетін, уақытын үнемдейтін, оқыту сапасын арттыратын сенімді серіктес. Біз АІ технологияларын дұрыс, жауапкершілікпен және педагогикалық мақсатқа сай қолдануымыз қажет. Ең бастысы – мұғалімнің рөлі өзгермейді. Мұғалім әрқашан білім берудің жүрегі, рухани жетекшісі және бағыт көрсетушісі болып қала береді. Ал жасанды интеллект – сол жолдағы көмекші құрал міндетін атқаратын болады», – деді облыстық партия филиалының төрағасы.

Алтынсары Дүйсенбекұлы бүгінгі кездесу жаңа идеяларға, жаңа ізденістерге жол ашқандығына тоқталып, жаңа дәуір ұстаздарын қалыптастыруға септігі тиетін алаңның ашылуына ұйытқы болған «AMANAT» партиясының хатшысы Шолпан Таңатқызына, «Daryn.online» компаниясының бас директоры Айбек Нұрланұлына, «Daryn Ustaz» компаниясының өкілі Ерлан Әуелбекұлына алғысын айтты. Дамуға бастайтын сенімді ықпалдастығымыз одан әрі нығая беретініне сенім білдірді.

«AMANAT» партиясының бастамасымен еліміздің білім беру саласын цифрландыру және педагогтердің жасанды интеллект (ЖИ) құралдарын меңгеруін арттыру бағытында жүйелі жұмыстар жүргізіліп келеді. Осы мақсатта партияның Шымкент қалалық филиалы мен «Daryn Ustaz» орталығы бірлесіп «Ustazga AI: жасанды интеллект педагог көмекшісі ретінде» атты арнайы курсты таныстыру және түсіндіру кездесуі ұйымдастырылды.

Жобаның негізгі мақсаты – мұғалімдерге арналған тегін онлайн курсты ұйымдастыру, білім беру саласында жасанды интеллект құралдарын тиімді пайдалану жолдарын көрсету, сондай-ақ педагогтердің цифрлық құзыреттілігін арттыру.

Іс-шараға «AMANAT» партиясының Хатшысы Шолпан Каринова, партияның Шымкент қалалық филиалының төрағасы Мұрат Жолдыхожаев, «Daryn.Online» компаниясының бас директоры Айбек Қуатбаев, «Daryn Ustaz» педагогтердің кәсіби біліктілігін арттыру орталығының директоры Ерлан Абдиманапов, Білім басқармасының басшысы Қуаныш Ысқақов, сондай-ақ қала мектептері мен колледждерінің директорлары қатысты.

Партия Хатшысы Шолпан Каринова жасанды интеллекттің заманауи білім беру үдерісіндегі маңызын атап өтті.

«Әлемнің барлық саласында жасанды интеллект белсенді түрде енгізіліп жатыр. Әсіресе, білім саласы бұл өзгерістерден тыс қалмауы тиіс. ЖИ мұғалімдердің уақытын үнемдеп қана қоймай, олардың шығармашылық әлеуетін ашуға жағдай жасайды. Бүгінде ұстаздарға арналған қолжетімді платформалар әзірленді. Соларды игеру – бәсекеге қабілетті маман болудың алғышарты», – деді ол.

Курс нәтижесі бойынша 80 академиялық сағаттық ресми сертификат беріледі. Сертификат аттестацияда жарамды, сондай-ақ «ҰСТАЗ» Педагогтің үздіксіз кәсіби дамуының ұлттық платформасына енгізіледі.

Астана қаласынан келген сарапшылар жасанды интеллекттің мұғалім жұмысына қосатын тиімділігі туралы жан-жақты ақпарат берді. Олардың айтуынша, курсқа қатысушылар:

– Сабақ жоспарларын, тестілерді, талдауларды, БЖБ/ТЖБ сияқты құжаттарды жасанды интеллект көмегімен автоматтандыруды үйренеді;

– икемді оқу уақыты нәтижесінде жұмыспен қатар білім алуға мүмкіндікке ие болады;

– конкурсқа жоба жіберу арқылы үздік 400 педагог қатарынан таңдалып, Астанада өтетін ПедХакатонға жолдама алады;

– сондай-ақ Хакатон жеңімпазы атанған 20 педагог Оңтүстік Корея мемлекетінде өтетін тегін тағылымдамаға жолдама алады.

Спикерлердің айтуынша, жасанды интеллектті дұрыс қолдана білген мұғалім бір күндік жұмысты бірнеше есе жылдам орындай алады. Бұл педагогтердің өзінің кәсіби дамуына, шығармашылық ізденісіне және оқушымен жұмыс сапасын жақсартуға мол мүмкіндік береді.

Мемлекет басшысы Қасым-Жомарт Тоқаев 2025 жылғы 8 қыркүйектегі «Қазақстан жасанды интеллект дәуірінде: цифрлық трансформация арқылы өзекті міндеттер және оларды шешу» атты Жолдауында жасанды интеллектті білім беру, денсаулық сақтау және мемлекеттік басқару саласына кеңінен енгізу қажеттігін атап өткен еді. Президент үш жыл ішінде Қазақстанды толыққанды цифрлық мемлекетке айналдыруды стратегиялық мақсат ретінде белгіледі.

Осы тапсырмаға сәйкес «AMANAT» партиясы еліміздің барлық өңірлерінде педагогтерге арналған «Daryn.ai» платформасында оқыту курстарын іске қосты. Бұл – мұғалімдердің цифрлық сауаттылығын арттыруға бағытталған маңызды бастама.

Кездесуде партияның Шымкент қалалық филиалының төрағасы Мұрат Жолдыхожаев білім саласындағы цифрландыру процесіне партия тарапынан ерекше көңіл бөлінетінін атап өтті.

«Жасанды интеллект – жаңа дәуірдің талабы. Мұғалімнің бұл технологияны меңгеруі білім сапасын арттырады, оқыту үдерісін жеңілдетеді. Біз педагогтердің кәсіби дамуына әрдайым қолдау көрсетеміз. Өткізіліп жатқан курстар – ұстаздардың бәсекеге қабілетті болуына арналған нақты қадам», – деді Мұрат Жолдыхожаев.

Жиын соңында қатысушылар курс мазмұны, ЖИ құралдарын мектептер мен колледждер жұмысына енгізу тәсілдері туралы сауалдарын қойып, өзара пікір алмасты. Педагогтер кездесудің практикалық тұрғыда өте пайдалы болғанын атап өтті.

«AMANAT» партиясы алдағы уақытта да ұстаздардың кәсіби өсуіне және цифрлық сауаттылығын арттыруға бағытталған жобаларды жалғастырады.

Бүгін Егемендік декларациясын қабылдаған күнге 35 толып отыр. Алматыда Жоғарғы Кеңесте алғаш рет қазақ үшін тарихта болмаған Егемендік декларациясын қабылдау үшін 360 депутаттың 281 -і қолдап , 18-і қарсы, 2-уі қалыс қалып көпшілік дауыспен осылайша егемендікті, елдің дербестігін білдіретін декларация қабылданды. Саяси құжатты қабылдау оңай жұмыс болмады. 1990жылдың 15 қазанында Жоғарғы Кеңестің екінші сессиясында Асанбаевтың төрағалығымен Егемендік декларациясының жобасы ұсынылып, қоғам болып талқылау үшін 17 қазанда республикалық Социалистік Қазақстан газетінде декларацияның жобасы жарияланды.

Декларацияны бүге шүгесіне дейін талдап құрастырушылар белгілі ғалым-заңгерлер Салық Зиманов, Сұлтан Сартаев, қоғам қайраткерлері Шерхан Мұртаза, Әбіш Кекілбаев сияқты текті тұлғалар тер төкті. Салық Зиманов мінберде 6 сағат тапжылмай тұрып декларацияны таныстырып, кейбір қыршаңқы сұрақтарға қасқайып жауап берді. Декларация 17 тармақтан тұрса, кіріспесіндегі қазақ халқының тағдыры үшін жауапты деген сөз кеңестік дәуірдің наны қатты ұнаған кейбір азаматтарға бұл тұс аса ұнай қоймады да қазақ ұлтының деген сөзді жалпылама сөзге қоғам, азаматтық қоғамға алмастыру қажет дегенді айтқандар депутаттардың арасынан табылды. Дәл осыған дәйекті жауап азулы қайраткерлер Шерзан Мұртаза мен Әбіш Кекілбаевтың қызу қанды пікірлері Салық Зимановтың түсініктемелеріне тұздық болды. Елдің бюджетін қалыптастыру деген тармаққа да күмәнмен қараушылар табылып жатты.

Сыртқы саясатта дербестікті, ішкі саясатта мемлекетшілдікті білдіретін заң жобасының комиссия төрағасы Салық Зиманов сессия біткен соң депутаттармен бірге ғимараттың алдына шығып жиналып тұрған халыққа Егемендік декларациясын таныстырғанда Алматының Алатауы ажарланып кешкі қоңыр күз нұрланып сала берді. Декларацияны қабылдау сағат 18-55 те бітсе, сыртта жиналып тұрғандарға сүйіншілеу ары қарай жалғасты. Қара күздің суығына қарамай ымырт үйірілсе де тапжылмай күткен елшіл азаматтардың жан дүниесінің тербеліп, теңіздей толқуын рухтың көтерілгенінен қуанышынан мерекелік көріністі айтпай -ақ түсінер деп ойлаймын менің оқырманым.

1991 жылы 16 желтоқсанда Тәуелсіздік туралы заңның негізі осы Егемендік декларациясы болды. Ұлытауда өткен Құрылтайда Мемлекет басшысының 25 қазанды Республика күні етіп белгілеуді ортаға салып, оның атаулы мереке етіп бекітілуі егемендіктің мәртебесін асқақтата түсті. Мереке құтты барша жұртым!

Рухымыз мықты, жасампаз елдігіміз әлемге үлгі болсын!

Қалыйма Жантөреева,
“AMANAT” партиясы филиалы атқарушы хатшысының орынбасары, облыстық әйелдер қанатының жетекшісі, облыстық мәслихат депутаты

Бүгін «AMANAT» партиясының Түркістан облыстық филиалы жанындағы Партиялық бақылау комиссиясының кезекті жұмыс жиыны өтті. Облыстық партия филиалының төрағасы Алтынсары Үмбетәлиевтің жетекшілігімен өткен мәжіліске облыстық партиялық бақылау комиссиясы төрағасының орынбасары Еркебұлан Хандиллаев, комиссия мүшелері, облыстық мәдениет басқармасының басшысы Әзімхан Қойлыбаев, облыстық құрылыс басқармасы басшысының орынбасары Еркін Забиров, Кентау қаласы және Сауран, Төлеби, Түлкібас аудандары әкімдерінің орынбасарлары, жергілікті әкімдіктердің құрылыс бөлімдерінің басшылары, мердігер, авторлық және техникалық қадағалаушы мекемелердің өкілдері қатысты.

Мәжілісте сөз алған Алтынсары Дүйсенбекұлы мәдениет саласын дамыту көрсеткіштері партияның Сайлауалды бағдарламасының маңызды тармақтары болып енгенін айтты.

«- 2025 жылғы 2 қазанда «AMANAT» партиясы жанындағы Азаматтық қоғам мен мәдениетті дамыту жөніндегі «MIRAS» республикалық кеңесінің отырысында еліміздегі мәдениет объектілерін салу, жөндеу жұмыстары және Мемлекет басшысы Қасым-Жомарт Тоқаевтың биылғы халыққа Жолдауында көтерген жасанды интеллекті дәуіріндегі мәдениет пен өнерді дамыту жолдары талқыланды. Кеңес отырысында біздің облыста салынып жатқан мәдениет нысандарына қатысты мәселе көтерілді. Салынып жатқан мәдениет нысандарына мониторинг жүргізу, партиялық бақылау комиссиясының жұмыс жиынын өткізу және қорытындысы бойынша нақты ақпарат беру тапсырылды. Осыған байланысты, бүгінгі жиында Сайлауалды бағдарламаның орындалуы мен «Ауыл – Ел бесігі» бағдарламасы аясында құрылыстары жүргізіліп жатқан мәдениет нысандарындағы өзекті мәселелер мен оларды шешу жолдарын талқылайтын боламыз», – деді.

Күн тәртібінде қаралған мәселе бойынша партияның Түркістан облыстық филиалының партиялық бақылау жөніндегі инспекторы Асқар Еркінбеков хабарлама жасады. Хабарламада облыстық, аудандық партиялық бақылау комиссиялары жүргізген мониторинг жұмыстарының қорытындысы жарияланды.

«- Жалпы, бізге берілген мәліметке сәйкес, 2023-2025 жылдары 20 мәдениет нысандарының құрылысы жоспарланған. Оның ішінде, 2023 жылы 4 мәдениет нысанының құрылысы басталып, 2024 жылға өтпелі болған, 2024 жылы барлығының құрылыс жұмыстары толығымен аяқталып, пайдалануға берілген. Сонымен қатар, 2024 жылы 7 мәдениет нысанының құрылысы басталып, 2025 жылға өтпелі болған. Биыл осы объектілердің ішінде Бәйдібек ауданында 1 нысан, Мақтаарал ауданында 2 нысан пайдалануға берілген. Қалған 4 нысанның: Кентау қаласындағы, Сауран, Төлеби, Түлкібас аудандарындағы нысандардың құрылыстары жыл соңына дейін аяқталады деп жоспарланғанымен, бірқатар өзекті мәселелер бар екені анықталып отыр», – деді Асқар Еркінбеков.

Жиын барысында Түлкібас ауданы, Келтемашат ауылдық округі, Даубаба ауылындағы 100 орындық клубтың, Сауран ауданы, Бабайқорған ауылдық округіндегі 120 орындық мәдениет үйінің, Кентау қаласына қарасты Қарнақ ауылындағы 300 орындық мәдениет үйінің және Төлеби ауданы, Киелітас ауылдық округі, Киелітас ауылындағы 140 орындық мәдениет үйінің құрылыстарына қатысты өзекті мәселелелер көтерілді. Нысандардың құрылыстарына жауапты салалық басқармалар мен аудан әкімдері орынбасарларының жауаптары тыңдалды.

Түлкібас ауданындағы клуб құрылысы 90 пайызға аяқталғаны, құрылыс жұмыстарын толық көлемде атқару үшін 143,0 млн. теңге көлеміндегі қаржы мәселесін шұғыл шешу керектігі хабарланды. Сауран ауданындағы мәдениет үйінің құрылысы 70 пайызға орындалғаны, әрлеу және абаттандыру жұмыстарының сапасын қатаң қадағалауда ұстау керектігі айтылды. Кентау қаласына қарасты Қарнақ ауылындағы мәдениет үйінің құрылыс көлемі де 70 пайызға аяқталған, нысанды толық іске қосу үшін 377,0 млн. теңге керек екені жеткізілді.

Ал Төлеби ауданындағы мәдениет үйінің құрылысы 2023 жылдан бері созылып келе жатқаны, мердігер ұйым мен авторлық қадағалаушы ұйым арасында техникалық келіспеушіліктер туындап, құрылыс процессі едәуір қиындықтарға тап болғаны мәлімделді. 2023 жылы жобаны жүзеге асыруға 305,9 миллион теңге бөлініп, оның 87,9 миллион теңгесі ғана игерілген. Құрылыс жұмыстары кеш басталуына байланысты уақтылы игерілмей қалған 217,9 миллион теңге республикалық бюджетке кері қайтарылған. 2024 жылы нысан құрылысын жалғастыруға облыстық бюджеттен 31,7 миллион теңге бөлініп, толық игерілген. Ал 2025 жылы облыстық бюджеттен 97,9 миллион теңге қарастырылып, бүгінгі күнге дейін оның 30 миллион теңгесі ғана игерілген. Жобаны толық аяқтау үшін қосымша 100 миллион теңге қаржы қажет екені айтылды.

Сондай-ақ партиялық бақылау инспекторының хабарламасында 2025 жылы жаңадан 9 мәдениет нысанының құрылысы басталғаны хабарланып, олардың барлығы да 2026 жылға өтпелі екені айтылды. Аталған нысандар Сарыағаш ауданының – Жылға, Жонарық Мәдениет, Келетің – Карл Маркс ауылында, Жетісайдың – Жылы су, Ордабасының – Бадам, Түлкібастың – Ынтымақ, Т.Рысқұлов, Сауранның – Шорнақ елді мекендерінде салынып жатқаны мәлімделіп, олардың құрылыстарына қатаң қадағалау жүргізу тапсырылды.

Жиында қаралған мәселе бойынша Түркістан облыстық мәдениет басқармасының басшысы Әзімхан Қойлыбаев «Ауыл – Ел бесігі» бағдарламасы аясында және жергілікті бюджеттен құрылыс жұмыстары жүріп жатқан мәдениет нысандары туралы есеп берді.

«- Биыл облыс көлемінде 16 мәдениет нысанының құрылысы жүріп жатыр. Соның ішінде 6 құрылыс жұмыстары жыл соңына дейін аяқталып, пайдалануға беріледі. Қалған 10-ы 2026 жылға өтпелі. Бүгінге дейін Бәйдібек ауданы, Амансай елді мекенінде 150 орындық мәдениет үйі, Мақтаарал ауданы, Ж.Қалшораев елді мекенінде 200 орындық мәдениет үйі мен кітапханасы және Түркістан қалалық мәдениет үйі пайдалануға берілді. Құрылысы жүріп жатқан 3 нысанның қатарында Мақтаарал ауданы, Ынталы елді мекенінде 200 орындық мәдениет үйі мен кітапханасы, Түлкібас ауданы, Дәубаба ауылында 100 орындық мәдениет үйі, Сауран ауданы, Бабайқорған ауылында 120 орындық мәдениет үйі бар», – деді Әзімхан Серікұлы.

Жиында мәдениет нысандарының сапалы әрі уақтылы салынуына қатысты мәселелер көтеріліп, тиісті мекемелерге және аудан әкімдіктеріне нақты тапсырмалар берілді, құрылыс барысын жеделдету және сапаны арттыру бойынша ұсыныстар айтылды. Партия бұл бағыттағы жұмыстарды жүйелі қадағалап, әрбір ауылдағы мәдениет нысандарының тұрғындарға қолжетімді болуын басты назарда ұстайтын болады.

«AMANAT» партиясы Түркістан облыстық филиалының кезекті мобильді көшпелі қоғамдық қабылдауы ауданға қарасты Жарты төбе ауылдық округінде және Сарыағаш қаласында өтті.

Аудан тұрғындарының базынасын тыңдауға, реті келсе олардың оң шешімдерінің табуына жәрдем көрсетуге партияның өңірлік филиалының төрағасы, Түркістан облыстық мәслихатындағы партиялық фракцияның жетекшісі Алтынсары Үмбетәлиев, облыстық мәслихат депутаты А.Салимов, Ж.Сүлейменов, Сарыағаш ауданының әкімі Арман Абдуллаев арнайы қатысты.

Қабылдауға облыстық деңгейдегі құқық қорғау органдарының жауапты өкілдері, облыс әкімдігіне қарасты басқармалардың қызметкерлері, халықпен жұмыс жүргізуге жауапты орталық мемлекеттік органдардың аумақтық департаменттерінің лауазымды азаматтары, халыққа қызмет көрсетуші ұйымдардың қызметкерлері, облыстық және аудандық мәслихаттардың депутаттары, аудандық прокуратура, аудандық полиция басқармасы мен аудан әкімдігінің дербес бөлім басшылары келген тұрғындардың мәселелерін тыңдап, олардың заң талаптары шеңберінде шешім табу тетіктерін қарастырды, құқықтық тұрғыдағы кеңестерін берді.

Тұрғындардың сұраныстарын қабылдау өткізген барлық мемлекеттік органдардың өкілдері тиісті тәртіппен тіркеуге алды және айтылған әрбір өтініш-шағымдар бойынша ресми түрде жауап берілетін болады.

Бүгін Түркістан облыстық мәслихатының Шымкент қаласындағы өкілдігінде Түркістан облыстық мәслихатының әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссия төрағасы Алмас Салимов, азаматтарға жеке қабылдау өткізді.

Қабылдауға жазылған Әлімбетов Асылхан Әбілұлы Бәйдібек ауданының тумасы. Ол, жеке шағын шаруашылықпен айналысатын тұлғаларға қаржы мәселесі жағынан мемлекет тарапынан көмек көрсету туралы ұсынысын білдірді. Қабылдауда өтініш иесіне келген мәселесі бойынша мемлекет тарапынан қандай көмектер берілетіні туралы түсіндірілді. Жалымбетова Нұргүл Жақсыбайқызы Кентау қаласы, Балабүрген ауылының тұрғыны, көп балалы ана. Көп балалы аналарға берілетін жәрдем ақы туралы сұрағын қойды. Аталған мәселесі бойынша қолданыстағы заңнамаларға сәйкес нақты түсіндірілді. Айтен Нұржан Сайрам ауданы, Тассай ауылының тұрғыны. Жер учаскесіне кезекке тұру мәселесі туралы көкейде жүрген сауалын айтып келді. Қолданыстағы заңнамаларға сәйкес тұрғынға ақпарат түсіндірілді.

«AMANAT» партиясы Түркістан облыстық филиалы жанындағы кеңестердің жұмыс жиындары жалғасуда. Бүгін партиялық алаңда, Түркістан облыстық мәслихат депутаты, кәсіпкерлік және экономика аграрлық сектор мәселелері жөніндегі кеңестің жетекшісі Ғани Райымбеков кеңес отырысын өткізді. Кеңесте партияның Сайлауалды бағдарламасын орындау шеңберінде агроөнеркәсіптік кешенде инвестициялық жобаларды іске асыру, ауыл шаруашылығын дамыту, кәсіпкерлікті қолдау бағыттарында Сауран және Ордабасы аудандарында атқарылып жатқан жұмыстары тыңдалды.

– Ауыл – қазақтың жаны, рухани тірегі екенін айтты, ауыл шаруашылығын дамыту тек экономикалық мәселе ғана емес, ол азаматтардың тұрмыс сапасын көтерумен ұштасып жатқан ұлттық мәселе. Түркістан облысы үшін ауыл шаруашылығы экономиканың басқа салаларына серпін беретін негізгі сала екеніне тоқталып, елімізді сапалы азық-түлікпен қамтамасыз етуші аймақ, нарыққа экологиялық таза өнім шығаратын берекелі өлке,-деді Ғани Ахылбекұлы.

Кеңес отырысында сөз алған «AMANAT» партиясы Түркістан облыстық филиалы атқарушы хатшысының орынбасары Қалыйма Жантөреева Мемлекет басшысы Қасым-Жомарт Тоқаевтың биылғы 8 қыркүйекте жариялаған «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына арнаған Жолдауында ауыл шаруашылығын жаңа деңгейге көтеру бағытында нақты міндеттер қойылғанын атап өтті.

Жиынға жетекшілік еткен кеңес төрағасы, Түркістан облыстық мәслихатының депутаты Ғани Райымбеков ауыл – қазақтың жаны, рухани тірегі екенін айтты, ауыл шаруашылығын дамыту тек экономикалық мәселе ғана емес, ол азаматтардың тұрмыс сапасын көтерумен ұштасып жатқан ұлттық мәселе екеніне назар аударды. Түркістан облысы үшін ауыл шаруашылығы экономиканың басқа салаларына серпін беретін негізгі сала екеніне тоқталып, елімізді сапалы азық-түлікпен қамтамасыз етуші аймақ, нарыққа экологиялық таза өнім шағаратын берекелі өлке екенін жеткізді. «AMANAT» партиясының Сайлауалды бағдарламасында осы мәселелер нақты белгіленгенін айта отырып, партияның кешенді бағдарламасын іске асыруда аудан әкімдіктерінің жұмысы бүгінгі кеңес отырысында сараланатынын мәлімдеді.

Сауран ауданы әкімінің орынбасары Серік Садибаев партияның Сайлауалды бағдарламасы аясында Сауран ауданында биыл 49 индикаторға қол жеткізу жоспарланғанын атап өтті. Межеленген жұмыстардың ішінде 24 тармақ толығымен орындалғанын, қалған тармақтары жыл соңына дейін атқарылатынын мәлімдеді.

Ауыл шаруашылығын дамытуда 9 индикатор белгіленіп, айналымға тартылған ауылшаруашылық жерлерінің үлесін арттыру жоспары биылға 60 гектар болса, нақты 91,8 гектар жер қайта айналымға қосылып, жоспар артығымен орындалғаны белгілі болды. Ауыспалы егістіктің көлемін арттыру жоспары да артығымен орындалып, нақты 15 100 гектарға жеткен. Агроөнеркәсіптік кешенге ылғал үнемдеу технологиясын 814,5 гектарға енгізу жоспарланған болса, нақты 3 150 гектарға енгізілген. Жылыжай алаңын кеңейту жоспары 96,6 гектарға орындалған. Ауылшаруашылық тракторлары мен техника паркін жаңарту бойынша 97 жаңа техника алынған, жоспар жыл соңына дейін толық орындалатыны айтылды.

Салада атқарылған жұмыстар бойынша хабарлама жасаған Ордабасы ауданы әкімінің орынбасары Олжас Болатхан партияның Сайлауалды бағдарламасы шеңберінде жалпы 58 іс-шара жоспарланса, соның 48 іс-шарасын атқару 2025 жылы көзделгенін жеткізді. Бүгінге дейін кешенді жоспардың 20 тармағы толықтай іске асқанын, қалған тармақтарының орындалуы жыл соңына дейін жалғасатынын айтты.

«AMANAT» партиясы Созақ аудандық филиалының қоғамдық қабылдау бөлмесінде облыс мәслихатының депутаты Мағауия Тұрысбеков аудан тұрғындарына жеке мәселелері бойынша қабылдау өткізді.

Қабылдау барысында аудан көлеміндегі жергілікті мекемелер, сондай-ақ білім беру және денсаулық сақтау ұйымдары мен орталықтандырылған жылу жүйесі бар ауылдық округтер мен кенттердің алдағы жылу маусымына дайындығы мәселелері бойынша аудан басшылығымен талқылау жұмыстары жүргізілді.

Сонымен қатар, Созақ–Шу ауыл аралық жолдарының қазіргі техникалық жағдайына байланысты тұрғындар алаңдаушылық білдіріп, шұңқырлы (ямалық) жөндеу жұмыстарының әлі толық аяқталмағанын айтты. Осыған байланысты, аталмыш жол учаскесіндегі жөндеу жұмыстарын толық аяқтау үшін қажетті қаржыны қарастыру және құрылыс жұмыстарын жүргізуге ықпал ету сұралып, тұрғынға жауапты басқарма басшылығымен байланыс жасалып, құрылыс жұмыстарының алдағы тоқсанда ұйымдастырылатыны жөнінде ақпарат берілді.

Халық қалаулысы қабылдау барысында әлеуметтік жағдайына байланысты өтініш білдірген көпбалалы анаға көмек берді.

Сонымен қатар, Созақ ауылындағы №1 колледж жатақханасының құрылыс жұмыстарының тоқтап қалуына байланысты колледждің шаруашылық жөніндегі орынбасары қабылдауға келді. Мағауия Тұрысбеков бұл мәселе бойынша құрылыс нысанына барып, қазіргі жай-күйімен танысты. Тапсырыс беруші – Түркістан облыстық құрылыс басқармасына тиісті ұсыныс хат жолданады.

Арыс қалалық мәдениет үйінде Қазақстан Республикасының Президенті Қасым-Жомарт Кемелұлы Тоқаевтың 2025 жылғы                         8 қыркүйекте жасаған «Жасанды интеллект дәуіріндегі Қазақстан: өзекті мәселелер жәнеоны түбегейлі цифрлық өзгерістер арқылышешу» атты Жолдауын насихаттау мақсатындатұрғындармен кездесу өтті.

Жиынға Түркістан облыстық мәслихатының төрағасы Нұралы Әбішов, облыстық мәслихат депутаты Ержан Қосмамбетов, М.Әуезов атындағы Оңтүстік Қазақстан мемлекеттік университетінің «Халықаралық қатынастар және халықаралыққұқық» кафедрасының доценті, PhD доктор Ермек Бекбосынов, сондай-ақ Арыс қалалықмәслихат депутаттары, қала тұрғындары мен БАҚ өкілдері қатысты.

Іс-шараны «AMANAT» партиясы Арысқалалық филиалының төрағасы Бақтығали Ділдәбеков ашып, жүргізіп отырды. Кездесу барысында қатысушылар Мемлекет басшысының Жолдауындағы негізгі идеялармен басымдықтарды талқылап, өз пікірлерінортаға салды.
Алғашқы сөзді Ермек Бекбосынов алып, Жолдаудың маңыздылығы мен оның қоғамөміріне әсері туралы жан-жақты баяндады. Одан кейін Арыс қалалық ардагерлер кеңесінің төрағасы Әбдісаттар Жүніс және Арыс қалалық татар-башқұрт этно-мәдени бірлестігінің төрағасы Расиль Байков ойларын білдіріп, өз ұсыныстарын жеткізді.

Кездесу соңында Түркістан облыстық мәслихатының төрағасы Нұралы Әбішов сөз сөйлеп, Президент Жолдауының еліміздің даму бағытын айқындайтын стратегиялық құжат екендігін атап өтті.
Сонымен қатар, мәслихат төрағасы Президент айқындаған жаңаша тәсілде жұмыс жасаудың  маңызды 7 міндетіне тоқталды.Нұралы Әбішов инвестиция тарту, өңдеу өнеркәсібін дамыту, ауыл шаруашылығын жаңа деңгейге көтеру, көлік-логистиканы және туризмді жаңаша дамыту, тұрғын үй-коммуналдық шаруашылығы мен су инфрақұрылымын жаңғырту, кәсіпкерлікті цифрлық дамыту, адам капиталын дамыту мәселелеріне кеңінен тоқталып, облыста және қалада атқарылып жатқан жұмыстарды тарқата айтты.

Сондай-ақ, Жолдаудағы әрбір тапсырманың ел болашағы үшін маңызды екенін айтып, азаматтарды оны жүзеге асыруға белсенді атсалысуға шақырды.
Жиын қорытындысында қатысушылар Жолдауда көтерілген бастамалардың өзектілігін атап өтіп, оны іске асыруда бірлесе еңбек етуге дайын екендіктерін білдірді.

Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің Конституция күні құтты болсын!
Еліміз өркендеп, даму жолында жарқырап келе жатқаны баршаға аян. Игіліктің ізгі жолында ел азаматтары айтулы істер атқарып келеді. Соның бірі – Түркістан облыстық мәслихатының депутаты Мырзахан Манапов. Халық қалаулысы барша қазақ елін мерекемен құттықтады.

– Құрметті отандастар!
Сіздерді Ата Заңымыз қабылданған күн – Конституция мерекесімен шын жүректен құттықтаймын!
Конституция – халқымыздың тәуелсіздігінің айғағы, елдігіміздің берік тұғыры. Ол – әрбір азаматтың құқығы мен бостандығының кепілі, ынтымағымыздың тірегі. Осындай салтанатты күні баршаңызға амандық, ырыс-береке, табыс тілеймін. Егемен еліміздің дамуы жолындағы еңбектеріміз жемісті, бастамаларымыз сәтті болсын! – деді депутат М.Манапов!

Қазақ елі алмағайып өтпелі кезеңдердің барлық қиындығын еңсеріп, биікке көтеріліп келеді. “Ұрпақтарымыздың ырысы ортаймасын, намысы тапталмасын!” – деген халық қалаулысы ел болашағы үшін игі істердің қолдаушысы болып келеді. Өз сайлаушыларына қайырымдылық жасап, жастар мәселесінде белсенділік танытып жүрген депутат ұлттық құндылықтарды дәріптеу жолында еңбек етіп жүр.

Ұлттық бірлігіміздің негізін қалаған 30 тамыз – Конституция күні баршаңызға құтты болсын!