«AMANAT» партиясы Келес аудандық филиалының қоғамдық қабылдау бөлмесінде облыстық мәслихат депутаты Бахыт Басымбек тұрғындарға жеке қабылдау өткізді. Кестеге сәйкес өткен қабылдауға келген тұрғындар “Сабыр” каналының уақытылы тазаланбауына байланысты шағымын жеткізді. Аталған жайт бойынша халық қалаулысы облыстық «Қазсушар» мекемесіне депутаттық сауал жолдайтынын айтты. Каналдың қашан тазаланатыны жөнінде ресми жауап алынатын болады. Сонымен бірге алдағы уақытта канал бойынша электр бағаналарын орнату мәселесі «Оңтүстік жарық» мекемесімен бірлесе шешілмек.
Қабылдауға келген тұрғындар құрылыс жұмыстарының жүргізілуіне байланысты жолдың жабылуына қатысты мәселе де көтерді.
– Бұл туралы заңсыз қоршау қойған азаматтарға жер инспекциясы тарапынан әкімшілік шаралар қабылданған. Алдағы күндері инспекция басшылығымен қосымша кездесіп, ауыл тұрғындарына толық әрі нақты ақпарат беріледі. Бұл мәселе – менің жеке бақылауымда,-деді Бахыт Мүсірәліұлы.
Тұрғындармен тікелей жүздесу – нақты мәселелердің шешімін жылдамдатуға мүмкіндік беретін маңызды алаң. Әрбір көтерілген өтініш бойынша тиісті мемлекеттік органдармен бірлескен жұмыстар жалғасатын болады.
М.Қабденов: Түркістан облысында жол қауіпсіздігін күшейту мақсатында 52000-нан астам құқық бұзушылықтың жолы кесілді
Қазақстан Республикасының Ішкі істер министрі Ержан Саденов жариялаған «Профилактика жылы» аясында және “Заң мен тәртіп” қағидатына сәйкес Түркістан облысында жол қозғалысы қауіпсіздігін қамтамасыз ету бағытындағы кешенді шаралар қарқынды жүргізілуде.
Түркістан облысының бас полицейі Мұрат Қабденов жол апаты жиі орын алатын қауіпті учаскелерге және көрші облыстардың жолын жалғап тұрған полицияның шеп бекеттеріне барып, жүргізушілермен арнайы түсіндіру жұмыстарын жүргізді.
Жыл басынан бері полицейлер 32 апатты учаскені қоса алғанда жол қозғалысына тікелей әсер ететін 52 мыңнан астам құқық бұзушылықты анықтады.
Атап айтқанда 50 548 жаяу жүргіншіге жолдан өту ережесін бұзғаны үшін әкімшілік шара қолданылды, 762 жүргізуші қарсы бағытқа шыққаны үшін сот шешімімен көлік жүргізу құқығынан айырылды, 866 мас жүргізуші анықталып, олар да көлік жүргізу құқығынан шеттетілді.
Арнайы дрон аппаратының көмегімен 1300-ге жуық құқық бұзушылық тіркелді.
Қазіргі уақытта облыста және жалпы республика бойынша 18–23 қараша аралығында «Қауіпсіз жол» жедел-профилактикалық іс-шарасы өтіп жатыр.
Акцияның мақсаты — жол-көлік оқиғаларының алдын алу, тәртіп деңгейін арттыру және жолдағы қауіпсіздікті нығайту.
Әрбір жол-көлік оқиғасы және олардың туындау себептері бойынша егжей-тегжейлі талдаулар жүргізілуде. Қауіпті жол учаскелерінде жол жағдайын бақылауды күшейту мақсатында патрульдік экипаждар мен бейнебақылау жүйелерін қайта бөлу жүзеге асырылып жатыр.
Мәселен бүгінгі таңда жолға қатысты қабылданған шаралардың нәтижесінде Республикалық автожолдарда жол-көлік оқиғаларының саны 4,5%-ға, қаза тапқандар 5,3%-ға, жарақат алғандар 18,4%-ға азайды.
Елді мекендер аумағында ЖКО салдарынан қаза болу деректері 27,2%-ға кеміді.
Осылайша облыстың республикалық маңызы бар автожолдарында жол-көлік оқиғалары деңгейін төмендетуге қол жеткізілді.
Бұдан бөлек жол қауіпсіздігін қамтамасыз етуге, жол-көлік оқиғаларының алдын алуға және авариялық жағдайларды азайтуға бағытталған профилактикалық және ұйымдастырушылық шаралар кешенін іске асыру жалғасуда.
Полиция қызметкерлері тұрғындарды жол қозғалысы ережелерін қатаң сақтауға шақырады.
«Жолдағы қауіпсіздік – бәрімізге ортақ жауапкершілік», — дейді тәртіп сақшылары.
Түркістан облыстық мәслихатының төрағасы Нұралы Әбішов жоспарға сәйкес облыстық басқарма басшыларының есептерін қарап, алдағы жоспарларды талқылауда.
Кестеге сәйкес, мәслихат төрағасы облыстық цифрландыру, мемлекеттік қызметтер көрсету және архивтер басқармасы басшысының міндетін атқарушы Айтнұр Мырзагелдінің есебін тыңдады.
Басқарманың мәліметінше, 2025 жылдың 9 ай қорытындысы бойынша«Ақпарат және байланыс» саласында көрсетілген қызметтер, «Мемлекеттік қызмет көрсету мерзімдерін сақтау» индикаторы және «Ауылдық елді мекендерді сапалы мобильді интернетпен қамту» аумағы 95,2% пайызға, «Тұрғын үйлерді жоғары жылдамдықты интернет желісімен қамту» аумағы 39,8% пайызға жеткізу жоспарланған.
«Ақпарат және байланыс» саласында Түркістан облысында 2025 жылдың қаңтар-қыркүйек аралығындағы «Ақпарат және байланыс» саласында көрсетілген қызметтер көлемі 8,8 млрд.теңгені құрады, өткен жылдың сәйкес кезеңімен салыстырғанда өсім 111,7 %-ды құрады.
Қазіргі таңда, облыс аумағында индикаторлардың мобильді интернетпен қамту аумағы 95,7% пайызды және үй жағдайындағы интернетпен қамту аумағы 42,7% пайызды құрайды.
Түркістан облысы аумағындағы жалпы 801 елді мекеннің 333 АЕМ 4G және 408 АЕМ 3G технологиялық ұялы байланыс интернет желісімен, 28 АЕМ 2G байланыс желісімен және 421 АЕМ-де талшықты оптикалық байланыс желісімен (бұдан әрі – ТОБЖ) қамтылған.
Қалған 32 АЕМ-де халық санының 250 тұрғыннан аз болуына және табиғи-географиялық күрделі жағдайларға байланысты байланыс және интернет желісімен қамтуға ұялы байланыс операторларының техникалық мүмкіндігі жоқ.
Ағымдағы жылдың соңына дейін ұялы байланыс желісі жоқ 8 АЕМ ұялы байланыс операторларының жаңа базалық станциясын орнату жоспарына енгізіліп, жыл соңына дейін сапалы байланыс және интернет желісімен қамтылатын болады деп күтілуде.
Осы ретте, облыс аумағында 38 АЕМ халық саны 250-ден төмен болғандықтан министрліктің бекіткен критериіне сәйкес келмегендіктен ұялы байланыс операторларының міндеттемелеріне енбей қалған болса, халық саны 250-ден жоғары тағы 14 АЕМ сапалы мобильді интернет желісімен қамтуды қажет етеді.
Бұдан бөлек, ағымдағы жылы облыс аумағында 79 елді мекенде ұялы байланыс және мобильді интернет желісінің сапасы артты. Атап айтқанда, 64 елді мекенде жаңа базалық станция іске қосылып, 15 елді мекеннің қолданыстағы базалық станциясына (2G немесе 3G) модернизация жасау жұмыстары жүргізілді.
Одан бөлек, қолжетімділігі қиын ауылдық елді мекендерде «Қолжетімді интернет» ұлттық жобасын іске асыру жөніндегі іс-қимыл жоспарының №6 «КЖҚ қызметтерін ұсыну үшін ғарыш байланыс жүйесінің ресурстарын пайдалана отырып, аз қоныстанған ауылдық пункттерге дейін спутниктік арналарды ұйымдастыру» іс-шарасы шеңберінде облыс аумағындағы 8 ауылдық елді мекендерінде (Арыс қаласының Бұлақ, Ақтас, Дарбаза және Қазығұрт ауданының Өгем, Келес ауданының Тартоғай, Түлкібас ауданының Иірсу, Шардара ауданының Құйған, Отырар ауданының Қостерек ауылдық елді мекендері) «Jusan Mobile» АҚ тарапынан заманауи OneWeb спутниктік жүйесінің станциясы орнатылып, қоғамдық Wi-Fi интернеті жергілікті тұрғындардың қолдануына берілді.
Жалпы, басқарма тарапынан тиісті жұмыстар жүргізілген. Алдағы уақытта бұдан қарқынды түрде жұмыстарды жалғастыру ұсынылды.
Сонымен қатар, мәслихат төрағасы НұралыӘбішов Түркістан облысының энергетика және тұрғын үй-коммуналдық шаруашылық басқармасының басшысыТоқтар Усубалиевтың есебін қарап, алдағы жұмыстарды талқылады.
Басқарма басшысының айтуынша облыс бойынша коммуналдық салада жалпы ағымдағы жылы 220 нысан құрылысы іске асырылуда.
Осы нысандардың ішінде 121 нысанқұрылысы ағымдағы жылы аяқталады деп күтілуде. Атап айтқанда, басқарма тарапынан 1 нысан, аудан, қала әкімдіктері тарапынан 120 нысан тапсырылатын болады.
2025 жылы ауыз су саласы бойынша жалпы 66 нысанның құрылысына бюджеттен 45,8 млрд. теңге бөлінді. Соның ішінде, ағымдағы жылы 38 нысанды аяқтап, пайдалануға берілсе, қалған 28 нысан 2026 жылға өтпелі.
Жалпы ауыз су саласындағы құрылыс жұмыстарының барысы тұрақты бақылауда, облыс әкімінің бірінші орынбасарының төрағалығымен тұрақты штаб отырысында қаралуда.
Облыс көлемінде кәріз жүйелерімен қамту саласында 16 жобаның құрылысына 7,4 млрд. теңге бөлінген.
Соның ішінде 14 жоба қалаларда іске асырылып жатса, 2 жоба ауылдық елді мекендерде іске асырылуда.
Газдандыру саласында 2025 жылы 80 нысанның құрылысына20,0 млрд.теңге бөлінді. Соның ішінде ағымдағы жылы 46 жоба (43 елді мекен, 73 мың халық) құрылысы аяқталған. 34 жоба 2026 жылға өтпелі.
Нәтижесінде, газдандыру деңгейі облыста 88,9% құрайтын болады.
Электр қуатымен қамту саласында 2025 жылы жалпы саны47 нысанның құрылысына 6,9 млрд теңге бөлінді (53 елді мекен, жалпы саны 110,4 мың халық).
Оның ішінде 25 нысанның құрылыс ағымдағы жылы аяқталса,22 нысанның құрылысы 2026 жылға өтпелі.
Бүгінгі күнге, 19 нысанның құрылысы аяқталып, 16 елді мекенде тұратын 35,0 мың халық тұрақты әрі сапалы электр энергиясымен қамтамасыз етілді. Қалған 6 нысан құрылысы ағымдағы жылдың қараша, желтоқсан айларында аяқталмақ.
Жалпы бұл салада атқарылған жұмыстар айтарлықтай. Дегенмен, өзекті мәселелер де бар. Мәслихат төрағасы осы мәселерді шешу бойынша тиісті жұмыстарды үйлестіруді ұсынды.
Сондай-ақ, Нұралы Әбішов Түркістан облысының жолаушылар көлігі және автомобиль жолдары басқармасы басшысы Қуатжан Жұматаевты қабылдады.
Жалпы, Түркістан облысы бойынша автомобиль жолдарының жалпы ұзындығы – 17 692 шақырымды құрайды.
Басқарманың мәліметінше 2025 жылы облыс аумағындағы автомобиль жолдары саласын дамытуға бюджеттен 51,7 млрд.теңге бөлініп, құрылыс-жөндеу жұмыстарымен жалпы 288 нысан н/е 1241,5 шқ. жолдар мен көшелер қамтылуда. Жыл қорытындысымен 233 нысан н/е 951,4 шқ. пайдалануғаберіледі деп көзделуде.
Ағымдағы жылдың қорытындысыменжергілікті маңызы бар жолдардың жақсы және қанағатты жағдайдағы үлесін 94,7%-ге жеткізу жоспарлануда.
Есепті кезеңде басқарма, аудан, қала әкімдіктері мен «Ұлттық жол активтері сапасы орталығы» РМК ТОФ-ның арасында 123,4 млн.теңгеге келісімшарт түзіліп, филиал тарапынан жалпы 1063 дана сынама алынып, 376 сынама сәйкес келмеді.
Жол құрылыс сапасын арттыру мақсатында облыс тарапынан жол құрылысының нормативтік талаптарға сәйкес келмейтін сынамалары бойынша жауапты мердігер мекемелерге 40-қа жуық ескерту беріліп, жалпы 18,4 млн.теңге айыппұл салынып, мердігер мекемелер есебінен 52 920 м2 (10 шқ) немесе 421,4 млн.теңгенің асфальт жабындысы бұзылып, қайта салынды.
Алдыңғы жылдарға қарағанда жол құрылысының нормативтік талаптарға сәйкес келмейтін сынамалар саны 30%-ға азайып отыр.
Жалпы, мәслихат төрағасы қауіпсіз көлік қозғалысын ұйымдастыру үшін тиісті жұмыстарды жалғастыруды және қысқа дайындықты ұйымдастыруды ұсынды.
Бұдан бөлек, мәслихат төрағасы Түркістан облысының өнеркәсіп және индустриалды-инновациялық даму бақармасы басшысының міндетін атқарушы Қанат Шонбасовтың есебін тыңдады.
Басқарма басшының айтуынша, 2025 жылдың қаңтар-қазан айлары қорытындысы бойынша 1 256,8 млрд. теңге өнім өндіріліп, негізгі көлем индексі – 113,4% құрады. Аталған салада 350 ден аса кәсіпорын жұмыс жасап, 36,2 мың адам жұмыспен қамтылған.
Тау-кен өндіру өнеркәсібі және карьерлерлерді қазуда 2025 жылы қаңтар – қазанда 574,6 млрд. теңгеге өнім өндіріліп, 2024 жылдың қаңтар – қыркүйекімен салыстырғанда нақты негізгі көлем индексі – 115,1% құрады. Жыл қорытындысымен жоспарға қол жеткізу күтілуде.
Жалпы өнеркәсіп өнімінің 47,2% үлесі өңдеу өнеркәсібіне тиесілі. Салада 15,6 мың адам жұмыспен қамтылған.
Ағымдағы жылға өңдеу өнеркәсібі саласында жалпы құны 58,7 млрд.тг 1 426 жұмыс орнын қамтумен 18 инвестициялық жоба іске асырылуда.
Ағымдағы жылдың 10 ай қорытындысымен жалпы құны 38,1 млрд. теңгеге 1002 жұмыс орнымен 9 жоба іске қосылды.
Шағын өндірістік парктер құрылысы да жүзеге асырылуда. «Өндірістік парк» құрылысы екі кезеңмен жүзеге асырылуда. Бірінші кезеңде 30 гектар жер телімі бөлініп, тиісті инфрақұрылыммен және коммуникация желілерімен қамтамасыз етілді. Атап айтқанда электр энергия – 4,9 МВт, газ – 882 м3/сағ, су мен кәріз жүйесі, көгалдандыру және асфальт жолдары жүргізілген.
Одан бөлек, индустриялық аймақтарда жалпы құны 152,3 млрд теңге болатын, 6 017 жұмыс орнын құруды көздейтін 96 жоба орналасса, қазіргі таңда жалпы құны 39,5 млрд теңге болатын 50 жоба іске қосылып, 2 609 адам жұмыспен қамтылған.
Жалпы, барлық басқармаларда көптеген жұмыстар атқарылған. Өз кезегінде, мәслихат төрағасы осы жұмыстарды ары қарай жандандыруды ұсынды.
Түркістан облыстық мәслихатының төрағасы Нұралы Әбішов басқармалар тарапынан атқарылған жұмыстармен танысып, алдағы жоспарларды талқылады.
Басты мақсат, басқармалармен байланысты одан әрі нығайтып, ортақ мақсаттарға қол жеткізу болып табылады.Осы орайда, мәслихат төрағасы бүгін бірнеше басқарма басшыларын қабылдады.
Атап айтқанда, Нұралы Әбішов облыстық сәулет және қала құрылысы басқармасы басшысының уақытша міндетін атқарушы Қуаныш Асановтың атқарылған жұмыстартуралы ақпаратымен танысып, алдағы жоспарларды талқылады. Кездесу барысында Түркістан облысы аумағындағы қала мен аудан орталықтарының сәулеттік келбетін жақсарту, заңсыз салынған құрылыс нысандары бойынша жүргізілген түсіндіру жұмыстары туралы сөз болды.
Басқармасы басшысының уақытша міндетін атқарушы Қуаныш Асанов аудан, қала әкімдіктері тарапынан берілген мәліметтерге мониторинг жүргізіліп, 604 заңсыз құрылыс анықталғанын баяндады. Түркістан облысының қала, аудан әкімдіктерінің құрылыс, сәулет және қала құрылысы бөлімдері өз бетінше салынған құрылыстарды болдырмау мақсатында ауыл, елді мекен тұрғындарына түсіндірме жұмыстарына мониторинг жүргізіліп, заң талаптарын сақтамай салған құрылыстарды облыстық мемлекеттік сәулет-құрылыс бақылауы басқармасына шара қабылдау үшін тұрақты жолдауда.
Түркістан облысының әкімі Нұралхан Көшеровтың төрағалығымен өткізілетін «Сәулеттік жобалар бойынша» мәжіліс 9 айдың қорытындысы бойынша 8 рет ұйымдастырылып, 87 эскиздік жоба қаралған. Оның ішінде, 15 жоба Түркістан қаласының әкімдігі тарапынан, 46 жоба сәулет және қала құрылысы басқармасы тарапынан, құрылыс басқармасы мен жобалаушы мекеме тарапынан 3 жоба және «Тұран» арнайы экономикалық аймағы» тарапынан 23 жоба қаралды.
Жалпы облыс бойынша жалпы 801 елді мекен бар болса, соның ішінде, 794 елді мекен бас жоспармен қамтылған. Қалған 7 елді мекеннің бас жоспарларын жылдың соңына дейінәзірлеу жоспарланған. Атап айтқанда, Бәйдібек ауданы (Байжансай, Үсіктасе/м), Сарыағаш ауданы (Тыңтөбе, Бағыс, Дастане/м),Арыс қаласы (Бұлақ, Дарбаза е/м) бас жоспарларын әзірлеу жұмыстары аудан, қала әкімдіктері тарапынан жүргізілуде.
Сондай-ақ, Түркістан облысында қала мен аудан орталықтарының сәулеттік келбетін жақсарту мақсатында сәулеттік келбеттің дизайнын (дизайн код) әзірлеу бойынша кешенді жұмыстар жүргізілуде.
Бұл жұмыстар, әсіресе, облыс орталығы Түркістан қаласын түркі әлемінің рухани және мәдени орталығы ретінде дамытуға бағытталған.
Сонымен қатар, Нұралы Әлмаханұлы облыстық мемлекеттік сатып алу басқармасының есебін тыңдады.Басқосуда басқарма басшысының орынбасары Нұрлан Жаңабергенов атқарылып жатқан жұмыс барысын айтып өтті.Түркістан облысында жыл басынан бері мемлекеттік сатып алу рәсімдері аяқталғаны жалпы сомасы 293,8 млрд.теңгені құраған.
Басқарма облыс көлеміндегі тапсырыс берушілердің мемлекеттік сатып алу жылдық жоспарына талдау жұмыстарын күнделікті жүргізуде. Талдау жұмыстарының нәтижесінде, облыс көлеміндегі мемлекеттік сатып алудың бір көзден сатып алу тәсілі арқылы жыл басынан Заң талаптарына сәйкес келмейтін жалпы соммасы 8,2 млрд. теңгені құрайтын негізсіз түзілген 263 келісімшарт анықталған.
Жүйелі жұмыс атқарылуы үшін Түркістан облысы әкімінің жыл басында берген тапсырмасына сәйкес, Түркістан облысының мемлекеттік сатып алу басқармасы ұйымдастыруымен облыс көлеміндегі тапсырыс берушілерге ай сайын мемлекеттік сатып алу заңнамасын түсіндіру үшін онлайн және офлайн түрде оқыту семинарлар тұрақты түрде өткізілуде.
Бұдан бөлек, басқарма және Түркістан облысы бойынша Ішкі мемлекеттік аудит департаменті, Электрондық коммерция орталығы ЖШС-і ұйымдастыруымен «Ұлы дала елі» орталығында ағымдағы жылдың мамыр айында аудан, қала әкімдіктері мен облыстық басқармалардың мемлекеттік сатып алуға жауапты қызметкерлеріне мемлекеттік сатып алу саласында заң бұзушылықтың алдын алу мақсатында 250 маманға семинар өткізілген.
Одан бөлек, облыстық мәслихаттөрағасына облыстық мемлекеттік сәулет-құрылыс бақылау басқармасы басшысының орынбасары Дәулетқұл Тайшманөңіраумағындағы құрылыс нысандарын қадағалау бойынша атқарылған жұмыс қорытындысы туралы есеп берді.
Басқарманың мәліметінше, есепті кезеңде құрылыс саласында лицензия алуға, қайта тіркеуге, аттестат алуға қатысты барлығы 613 өтініш қабылданып, 291-і қанағаттандырылды, 219-ы дәлелді бас тартылған. Оның ішінде, лицензия алуға қатысты 151 өтініш тіркеліп, 42 өтініш бойынша дәлелді бас тартылса, 109өтініш қанағаттандырылған.
Облыс бойынша ағымдағы жылғы 10 айда 1282 нысанның құрылыс-монтаждау жұмыстары басталып, бақылауғаалынған.
Оның 212-сі бюджеттік, 216-сы инвестициялық жоба, 854-і жеке кәсіпкерлік нысан. Құрылысы аяқталып, заң талаптарына сай пайдалануға қабылданған нысандар саны – 958. Оның 279-сі бюджеттік, 679-ы жеке және инвестиция жоба.
Басқарма тарапынан өз бетінше салынған 30 заңсыз жеке кәсіпкерлік нысандарды мәжбүрлеп бұздыру туралы талап-арыздар сотқа жолданып, 5нысанды бұзуға сот шешімі шықққан. 25 іс сотта қаралуда.
Жалпы басқарма басшылары атқарылған жұмыстарды хабарлай отырып, алдағы жоспарлары мен ұсыныстарымен бөлісті.
Өз кезегінде мәслихаттөрағасы Нұралы Әбішов басқарма басшыларының атқарған жұмыстарды атап өтіп, алдағы жұмыстарды тиімді жоспарлауды ұсынды.
Түркістан облыстық мәслихатының алдағы өтетін кезекті сессиясында Түркістан облысы полиция департаментінің өңірде қоғамдық қауіпсіздікті және құқықтық тәртібін қамтамасыз ету бойынша атқарған жұмыстары туралы есебі тыңдалады. Осыған орай аталған мәселені зерттеу және дайындау бойынша уақытша депутаттық комиссия құрылды. Коммисия төрағасы – облыстық мәслихат депутаты Алмас Салимов.
Түркістан облысы мәслихатының депутаттары ішкі істер саласындағы материалдық-техникалық базаның жағдайымен танысу мақсатында іссапармен Шымкент қаласы мен Сарыағаш ауданына барды.
Іссапар барысында халық қалаулылары алдымен Шымкент қаласында орналасқан Түркістан облысы полиция департаментінің жылдам қимылдайтын арнайы жасақ ғимаратында болды. Депутаттарға департаменттің құрылымдық бөлімшелері мен қызметтік нысандары таныстырылды. Шымкент қаласында орналасқан ғимарат 1982 жылы салынған. Нысан биыл ағымдағы жөндеуден өткізілген.
Сапар одан әрі Сарыағаш ауданының Жібек жолы елді мекенінде жалғасып, мұнда халыққа қызмет көрсететін жаңа полиция бөлімшесінің жұмысы таныстырылды.
Сондай-ақ, депутаттар Сарыағаш аудандық полиция басқармасына қарасты Жедел басқару орталығының жұмысымен де танысты.
“RESPUBLICA” партиясының Түркістан облыстық филиалында облыстық партия филиалының төрағасы Айткулов Бекжан Бақтыбекұлының төрағалығымен Өңірлік кеңес пен ReWomen Іскер әйелдер қауымдастығының бірлескен отырысы өтті.
Шараға Өңірлік кеңес мүшелері, облыстық, аудандық және қалалық мәслихат депутаттары, бастауыш партия ұйымдарының төрағалары, кәсіпкерлер мен белсенді партия мүшелері қатысты.
Жиында Республика күні қарсаңында партия мүшелерінің бірлігі мен ел дамуына қосқан үлесі атап өтілді.
Партияның белсенді мүшелеріне “RESPUBLICA” партиясының төрағасы Айдарбек Асанұлының атынан Алғыс хаттар табыс етіліп, ел мерекесіне орай шын жүректен құттықтаулар айтылды.
Өз сөзінде Бекжан Бақтыбекұлы партия алдында тұрған маңызды мақсат-міндеттерге тоқталып, алдағы кезеңде:
? Партияның сандық және сапалық құрамын арттыру,
? Партиялық кадрлық резервті қалыптастыру,
? Әрбір мүшенің қоғамдық белсенділігін арттыру,
? Жергілікті бастамаларды қолдау бағытында нақты тапсырмалар берді.
Сонымен қатар қараша айында Түркістан қаласында өтетін Республикалық іскер әйелдер форумына дайындық барысы талқыланып, ұйымдастыру бағыттары пысықталды.
Жиын соңында қатысушылар Республика күнімен бір-бірін құттықтап, ортақ пікір алмасып, ел игілігі жолында жұмыла еңбек етудің маңызын атап өтті.
RESPUBLICA партиясы – ЖАҢАРҒАН ҚАЗАҚСТАННЫҢ ЖАҢА СИМВОЛЫ!
Бірге – әділетті қоғам, ашық мемлекет және берекелі болашақ үшін!
Бұл тарихи құжаттың мәні мен маңызы орасан. Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын айшықты мереке. Біз халық сенімін арқалаған депутат ретінде, жыл сайын осы маңызды шараның куәсі болып, өскелең ұрпаққа кеңінен насихаттап, құрметтеуге атсалысамыз. Еліміздің даму жолында, елдігімізді айшықтайтын мағыналы мерекеде оның қадір-қасиетін барынша насихаттауға жұмыла жұмыс жасаймыз.
Өйткені біздің ел, Әділетті Қазақстанды құруға кірісті. Барша қазақстандықтар белсене атсалысқанда ғана осы игі мақсатқа қол жеткізе аламыз. Себебі мемлекеттің тірегі де, басты байлығы да – азаматтар! Көк туымыз – егемендік, азаттық, бірлік, бейбітшілік сынды ізгі құндылықтарды ұштастыратын қастерлі рәміз.
Біз – байрағын биік ұстаған бабалардың ұрпағымыз. Сондықтан ту көтеру рәсімі ұлттық мерекенің маңызын арттырады.
Құрметті қауым!
Республика күні мерекесі құтты болсын! Әр шаңыраққа бақ дарып, ырыс ұяласын! Елімізге тыныштық, халқымызға береке-бірлік, еңбектеріңізге табыс, игілікті ғұмыр тілеймін! Еліміздің егемендігі баянды болсын! Көк туымыз көкте самғасын.
Құрметпен, Сауран аудандық мәслихат депутаты, Нұржол Данаханұлы!
Бүгін «AMANAT» партиясының Түркістан облыстық филиалы жанындағы Партиялық бақылау комиссиясының кезекті жұмыс жиыны өтті. Облыстық партия филиалының төрағасы Алтынсары Үмбетәлиевтің жетекшілігімен өткен мәжіліске облыстық партиялық бақылау комиссиясы төрағасының орынбасары Еркебұлан Хандиллаев, комиссия мүшелері, облыстық мәдениет басқармасының басшысы Әзімхан Қойлыбаев, облыстық құрылыс басқармасы басшысының орынбасары Еркін Забиров, Кентау қаласы және Сауран, Төлеби, Түлкібас аудандары әкімдерінің орынбасарлары, жергілікті әкімдіктердің құрылыс бөлімдерінің басшылары, мердігер, авторлық және техникалық қадағалаушы мекемелердің өкілдері қатысты.
Мәжілісте сөз алған Алтынсары Дүйсенбекұлы мәдениет саласын дамыту көрсеткіштері партияның Сайлауалды бағдарламасының маңызды тармақтары болып енгенін айтты.
«- 2025 жылғы 2 қазанда «AMANAT» партиясы жанындағы Азаматтық қоғам мен мәдениетті дамыту жөніндегі «MIRAS» республикалық кеңесінің отырысында еліміздегі мәдениет объектілерін салу, жөндеу жұмыстары және Мемлекет басшысы Қасым-Жомарт Тоқаевтың биылғы халыққа Жолдауында көтерген жасанды интеллекті дәуіріндегі мәдениет пен өнерді дамыту жолдары талқыланды. Кеңес отырысында біздің облыста салынып жатқан мәдениет нысандарына қатысты мәселе көтерілді. Салынып жатқан мәдениет нысандарына мониторинг жүргізу, партиялық бақылау комиссиясының жұмыс жиынын өткізу және қорытындысы бойынша нақты ақпарат беру тапсырылды. Осыған байланысты, бүгінгі жиында Сайлауалды бағдарламаның орындалуы мен «Ауыл – Ел бесігі» бағдарламасы аясында құрылыстары жүргізіліп жатқан мәдениет нысандарындағы өзекті мәселелер мен оларды шешу жолдарын талқылайтын боламыз», – деді.
Күн тәртібінде қаралған мәселе бойынша партияның Түркістан облыстық филиалының партиялық бақылау жөніндегі инспекторы Асқар Еркінбеков хабарлама жасады. Хабарламада облыстық, аудандық партиялық бақылау комиссиялары жүргізген мониторинг жұмыстарының қорытындысы жарияланды.
«- Жалпы, бізге берілген мәліметке сәйкес, 2023-2025 жылдары 20 мәдениет нысандарының құрылысы жоспарланған. Оның ішінде, 2023 жылы 4 мәдениет нысанының құрылысы басталып, 2024 жылға өтпелі болған, 2024 жылы барлығының құрылыс жұмыстары толығымен аяқталып, пайдалануға берілген. Сонымен қатар, 2024 жылы 7 мәдениет нысанының құрылысы басталып, 2025 жылға өтпелі болған. Биыл осы объектілердің ішінде Бәйдібек ауданында 1 нысан, Мақтаарал ауданында 2 нысан пайдалануға берілген. Қалған 4 нысанның: Кентау қаласындағы, Сауран, Төлеби, Түлкібас аудандарындағы нысандардың құрылыстары жыл соңына дейін аяқталады деп жоспарланғанымен, бірқатар өзекті мәселелер бар екені анықталып отыр», – деді Асқар Еркінбеков.
Жиын барысында Түлкібас ауданы, Келтемашат ауылдық округі, Даубаба ауылындағы 100 орындық клубтың, Сауран ауданы, Бабайқорған ауылдық округіндегі 120 орындық мәдениет үйінің, Кентау қаласына қарасты Қарнақ ауылындағы 300 орындық мәдениет үйінің және Төлеби ауданы, Киелітас ауылдық округі, Киелітас ауылындағы 140 орындық мәдениет үйінің құрылыстарына қатысты өзекті мәселелелер көтерілді. Нысандардың құрылыстарына жауапты салалық басқармалар мен аудан әкімдері орынбасарларының жауаптары тыңдалды.
Түлкібас ауданындағы клуб құрылысы 90 пайызға аяқталғаны, құрылыс жұмыстарын толық көлемде атқару үшін 143,0 млн. теңге көлеміндегі қаржы мәселесін шұғыл шешу керектігі хабарланды. Сауран ауданындағы мәдениет үйінің құрылысы 70 пайызға орындалғаны, әрлеу және абаттандыру жұмыстарының сапасын қатаң қадағалауда ұстау керектігі айтылды. Кентау қаласына қарасты Қарнақ ауылындағы мәдениет үйінің құрылыс көлемі де 70 пайызға аяқталған, нысанды толық іске қосу үшін 377,0 млн. теңге керек екені жеткізілді.
Ал Төлеби ауданындағы мәдениет үйінің құрылысы 2023 жылдан бері созылып келе жатқаны, мердігер ұйым мен авторлық қадағалаушы ұйым арасында техникалық келіспеушіліктер туындап, құрылыс процессі едәуір қиындықтарға тап болғаны мәлімделді. 2023 жылы жобаны жүзеге асыруға 305,9 миллион теңге бөлініп, оның 87,9 миллион теңгесі ғана игерілген. Құрылыс жұмыстары кеш басталуына байланысты уақтылы игерілмей қалған 217,9 миллион теңге республикалық бюджетке кері қайтарылған. 2024 жылы нысан құрылысын жалғастыруға облыстық бюджеттен 31,7 миллион теңге бөлініп, толық игерілген. Ал 2025 жылы облыстық бюджеттен 97,9 миллион теңге қарастырылып, бүгінгі күнге дейін оның 30 миллион теңгесі ғана игерілген. Жобаны толық аяқтау үшін қосымша 100 миллион теңге қаржы қажет екені айтылды.
Сондай-ақ партиялық бақылау инспекторының хабарламасында 2025 жылы жаңадан 9 мәдениет нысанының құрылысы басталғаны хабарланып, олардың барлығы да 2026 жылға өтпелі екені айтылды. Аталған нысандар Сарыағаш ауданының – Жылға, Жонарық Мәдениет, Келетің – Карл Маркс ауылында, Жетісайдың – Жылы су, Ордабасының – Бадам, Түлкібастың – Ынтымақ, Т.Рысқұлов, Сауранның – Шорнақ елді мекендерінде салынып жатқаны мәлімделіп, олардың құрылыстарына қатаң қадағалау жүргізу тапсырылды.
Жиында қаралған мәселе бойынша Түркістан облыстық мәдениет басқармасының басшысы Әзімхан Қойлыбаев «Ауыл – Ел бесігі» бағдарламасы аясында және жергілікті бюджеттен құрылыс жұмыстары жүріп жатқан мәдениет нысандары туралы есеп берді.
«- Биыл облыс көлемінде 16 мәдениет нысанының құрылысы жүріп жатыр. Соның ішінде 6 құрылыс жұмыстары жыл соңына дейін аяқталып, пайдалануға беріледі. Қалған 10-ы 2026 жылға өтпелі. Бүгінге дейін Бәйдібек ауданы, Амансай елді мекенінде 150 орындық мәдениет үйі, Мақтаарал ауданы, Ж.Қалшораев елді мекенінде 200 орындық мәдениет үйі мен кітапханасы және Түркістан қалалық мәдениет үйі пайдалануға берілді. Құрылысы жүріп жатқан 3 нысанның қатарында Мақтаарал ауданы, Ынталы елді мекенінде 200 орындық мәдениет үйі мен кітапханасы, Түлкібас ауданы, Дәубаба ауылында 100 орындық мәдениет үйі, Сауран ауданы, Бабайқорған ауылында 120 орындық мәдениет үйі бар», – деді Әзімхан Серікұлы.
Жиында мәдениет нысандарының сапалы әрі уақтылы салынуына қатысты мәселелер көтеріліп, тиісті мекемелерге және аудан әкімдіктеріне нақты тапсырмалар берілді, құрылыс барысын жеделдету және сапаны арттыру бойынша ұсыныстар айтылды. Партия бұл бағыттағы жұмыстарды жүйелі қадағалап, әрбір ауылдағы мәдениет нысандарының тұрғындарға қолжетімді болуын басты назарда ұстайтын болады.
