Новая Конституция Республики Казахстан закрепила в качестве одного из ключевых государственных приоритетов защиту персональных данных граждан. Теперь право каждого человека на неприкосновенность частной жизни и безопасность личной информации от незаконного сбора, обработки, использования или хранения гарантировано статьей 21 Конституции. Это нововведение формирует прочную правовую основу для безопасного развития Казахстана как прогрессивного цифрового государства.

Стратегическую значимость принятых изменений подчеркнул заместитель Премьер-министра – министр искусственного интеллекта и цифрового развития Жаслан Мадиев, отметив, что «в эпоху искусственного интеллекта защита цифровых прав граждан является фундаментальным условием доверия к цифровому государству. По его словам, закрепление этих норм на конституционном уровне поднимает защиту прав казахстанцев на качественно новый уровень и открывает путь к созданию безопасного и справедливого общества, где обновленная Конституция выступает гарантом того, что технологии будут служить исключительно во благо человека, а закон станет надежным щитом для каждого гражданина в цифровом мире».

Комплексная реализация новых конституционных принципов найдет свое отражение в нормах Цифрового кодекса, Закона о персональных данных и Закона об искусственном интеллекте. В частности, предусматривается законодательное уточнение самого понятия персональных данных за счет включения в него идентификаторов. Вместе с этим предусматривается введение строгих требований к автоматизированной обработке информации, а также предоставление гражданам возможности в любой момент отозвать свое согласие на обработку данных через мобильное приложение eGov Mobile.

Для кардинального повышения безопасности государственных и частных платформ внедрена обязательная биометрическая аутентификация для операторов, которые осуществляют обработку более 100 тысяч записей персональных данных ограниченного доступа. За гражданами официально закреплены права на удаление, анонимизацию и ограничение обработки личной информации, а также установлены жесткие требования к срокам ее хранения после того, как цели обработки были достигнуты.

Дальнейшее развитие законодательства предусматривает внедрение самых современных технологических средств защиты персональных данных, включая инструменты маскирования и хэширования. Государство намерено ограничить прямую выгрузку массивов информации из государственных баз данных, сделав главный приоритет на безопасную интеграцию между информационными системами.

Кроме того, в стране вводится четкая классификация и формируется реестр крупных операторов персональных данных. Сами операторы теперь обязаны заблаговременно информировать государство о начале процессов обработки данных, а также незамедлительно уведомлять уполномоченный орган и граждан обо всех фактах инцидентов и утечек безопасности.

2026 жылғы 15 наурыздағы республикалық референдумда қабылданған Қазақстан Республикасының Конституциясы 1 шілдеден бастап күшіне енді.

Негізгі жаңашылдықтардың қатарында мемлекеттiң ең жоғары құндылықтары болып табылатын адамды, оның өмiрiн, құқықтары мен бостандықтарын қорғау мәселесін ерекше атап өткен жөн.

«Адамды басты құндылық ретінде тану және адам құқықтарының басымдығы идеялары бүкіл Конституцияның мазмұны арқылы көрініс табады. Олар негізгі қоғамдық институттардың барлығына енгізіліп, мемлекет пен азаматтар үшін басты бағдарларды айқындайды. Негізгі заң терең конституциялық жаңғырудың негіздерін бейнелейді және мемлекеттің одан әрі дамуының берік іргетасы болып табылады», – деп Адам құқықтары жөніндегі уәкіл Артур Ластаев атап өтті.

Тәуелсіз Қазақстан тарихында алғаш рет Конституцияның Кіріспесінде адам мен азаматтың құқықтары мен бостандықтарын бұлжытпай сақтау қағидаты жарияланды. Сонымен қатар II бөлімнің атауы да «Негізгі құқықтар, бостандықтар және міндеттер» болып өзгертіліп, адам құқықтарының басым рөлін тағы бір мәрте айқындады.

Негізгі заңда адамның өмір сүру құқығы барынша абсолютті түрде бекітілген. Дәл осы құқық әр адамға туғаннан тиесілі болғандықтан, ажырамас әрі айырылмайтын құқық ретінде танылады.

Бұл – барлық құқықтардың негізі, өмір сүру құқығынсыз өзге де бостандықтар мен құқықтардың болуы мүмкін емес. Мемлекет тарапынан өмір сүру құқығына берілетін кепілдік – ешкімнің адамды өз бетінше өмірінен айыра алмайтындығында.

Адам өмірін ең жоғары құндылық ретінде жариялаған Қазақстан осыдан 5 жыл бұрын халықаралық міндеттемелерді өз мойнына алып, кейін 2022 жылы өлім жазасын жойды. Бұл қағидат жаңа Конституцияда нақты бекітілген.

Негізгі құқықтар бөлімінде кінәсіздік презумпциясына айрықша мән берілген. Сот оның кінәсін дәлелдегенге дейін адам қоғам алдында әуел бастан кінәсіз деп танылуға тиіс.

Бұл – өркениетті ұстаным. Осы арқылы адам мерзімінен бұрын қоғамдық айыптаудан қорғалып, оның абырой-беделі сақталады.

Конституцияның осы бөлімінде әділдік пен жазаның сәйкестігіне қатысты халықаралық қағидаттарға кепілдік беріледі. Мұндағы негізгі қағидаттардың бірі – бір құқық бұзушылық үшін адамды қайтадан жауапкершілікке тартуға жол бермеу.

Конституцияда адамның негізгі бостандықтарының бірі ретінде өзіне, жақын туыстарына қарсы айғақ бермеу және өзінің кінәсіздігін дәлелдеуге міндетті болмау құқығы нақты көрсетілген.

Дәл осындай қағида діни қызметкерлерге де қатысты. Олар тәубе ету кезінде өзіне сеніп айтылған мәліметтерді жария етуге міндетті емес.

Негізгі заңда іргелі құқықтармен тікелей байланыстырылған бұл норма, өзін-өзі айыптауға жол бермейтін конституциялық тосқауыл ретінде қызмет етеді әрі адамды озбырлықтан қорғайды.

Сондай-ақ, Конституцияда жеке басына қол сұғылмаушылыққа, әділ сотқа қатысты кепілдіктер күшейтіліп, сөз бостандығына қатысты ережелер нақтыланған.

Сонымен қатар сот шешімінсіз адамды тұрғын үйінен айыруға ғана емес, оны тұрғын үйден шығаруға да жол берілмейтіні жеке бекітілген.

«Осы жаңашылдықтардың барлығы Қазақстан азаматтарына жаңа Конституцияда бекітілген іргелі құқықтар мен бостандықтарға кепілдік берілетінін көрсетеді. Алайда оларды пайдалану үлкен жауапкершілікті талап етеді. Бұл азаматтық жауапкершіліктің жоғары деңгейін, заңға, қоғам мүддесіне және өзге адамдардың құқықтарына құрметпен қарауды білдіреді. Еркіндік пен жауапкершілік арасындағы осы тепе-теңдік сақталған жағдайда ғана әділетті, құқықтық әрі өркендеген мемлекет құру мүмкін болады. Сондықтан әрбір азамат өз құқықтарын біліп, оларды қорғап қана қоймай, заңдылықты нығайту мен елдің дамуына қосатын өз үлесін де терең сезінуі маңызды», – деп Артур Ластаев атап өтті.

1 июля вступила в силу Конституция Республики Казахстан, принятая на республиканском референдуме 15 марта 2026 года.

Среди ключевых новелл необходимо выделить защиту высших ценностей государства, которыми являются человек, его жизнь, права и свободы.

«Идеи человекоцентричности и приоритета прав человека проходят через всю Конституцию. Они встраиваются во все основные общественные институты, определяют ориентиры для государства и граждан. Основной закон отражает основы глубокой конституционной модернизации и является фундаментальным базисом дальнейшего развития государства», – подчеркнул Уполномоченный по правам человека Артур Ластаев.

Впервые в истории независимого Казахстана в Преамбуле Конституции декларируется неукоснительное соблюдение прав и свобод человека и гражданина. Переименован также и сам раздел II «Основные права, свободы и обязанности», что в очередной раз подчеркивает первостепенную роль прав человека.

В Основном законе право человека на жизнь максимально абсолютизировано. И именно оно признается неотъемлемым и неотчуждаемым, так как принадлежит каждому от рождения.

Это основа основ всех прав, без него другие свободы просто бы не существовали. Гарантия права на жизнь государством заключается в том, что никто не может произвольно ее лишиться.

Казахстан, провозгласивший жизнь человека наивысшим приоритетом, 5 лет назад взял на себя международные обязательства, а затем, в 2022 году, отменил смертную казнь. И этот постулат четко прописан в новой Конституции.

В разделе основных прав во главе угла стоит презумпция невиновности. Человек в глазах общества по умолчанию должен считаться невиновным, пока суд не признает его вину.

Это цивилизованный подход. Тем самым человек защищен от преждевременного общественного осуждения, а его репутация сохранена.

В этом же разделе Конституции гарантируются международные принципы справедливости и соразмерности наказания. И краеугольным камнем здесь является недопустимость повторного наказания за одно и то же деяние.

Среди основных свобод человека в Конституции черным по белому высечено право не давать показания против себя, своих близких и не доказывать свою невиновность.

То же самое касается и священнослужителей в отношении доверившихся им на исповеди.

Эта норма, будучи прямо связанной в Основном законе с фундаментальными правами, служит конституционным заслоном от самообвинения, защищая от произвола.

В Конституции также усилены гарантии личной неприкосновенности, на справедливый суд, детализированы положения по свободе слова.

Отдельно закреплена недопустимость без решения суда не только лишения жилища, но и выселения из него.

«Все эти новеллы свидетельствуют о том, что гражданам Казахстана гарантированы фундаментальные права и свободы, закрепленные в новой Конституции. Но пользование ими – большая ответственность. Это предполагает высокую степень гражданской ответственности, уважение к закону, интересам общества и правам других людей. Только при соблюдении этого баланса между свободой и ответственностью возможно построение справедливого, правового и процветающего государства. Поэтому каждому гражданину важно не только знать и защищать свои права, но и осознавать свою роль в укреплении законности и развития страны», – подчеркнул Артур Ластаев.

Бүгін жаңа Конституциямыз күшіне еніп, ел дамуының жаңа белесін бастайды.

Ата Заң – елдігіміздің айғағы, тәуелсіздігіміздің тұғыры, халқымыздың бірлігі мен татулығының, азаматтарымыздың құқығы мен бостандығының басты кепілі.
Ата Заңда айқындалған асыл қағидалар өмірде өз көрінісін тауып, Әділетті, қуатты әрі өркендеген Қазақстанды бірге құруға жол ашсын!
*****
Сегодня 1 июля 2026 года – исторический день для Казахстана.
Новая Конституция вступает в силу, открывая новую страницу в развитии государства.
Основной закон – это фундамент доверия между государством и обществом, гарантия прав граждан и ориентир для будущих поколений.
Пусть принципы, закрепленные в Основном законе, станут реальной основой для сильного, справедливого и успешного Казахстана.

P.S.: Сурет AI көмегімен жасалған.
Изображение сгенерировано с помощью AI.

«Әділет» партиясының Іскерлік кеңесі алаңында Партия Төрағасы Айбек Дәдебай тау-кен металлургия кешені кәсіпорындарының басшыларымен, мемлекеттік органдардың және салалық қауымдастықтардың өкілдерімен кездесті. Кездесу барысында саланы дамыту, отандық кәсіпорындарға қолдау көрсету, жаңа өндіріс орындарын ашу, шикізатты терең өңдеу, инженерлік кадрлар даярлау сынды өзекті мәселелер талқыланды.

Кездесуді ашқан Айбек Дәдебай Қазақстанның минералды шикізат қоры аса бай екенін атап өтті. Саланың әлеуеті ең алдымен ел экономикасын дамыту жолында қызмет етуге тиіс.

«Бұл – тек экономикалық мәселе емес. Бұл – әділдік мәселесі. Жер байлығы халықтың әл-ауқатына айналуға тиіс. Сондықтан «Әділет» партиясы терең өңдеу ісін дамытуға, жаңа өндіріс орындарын ашуға және жоғары деңгейде өңделген өнім көлемін ұлғайтуға бағытталған Президенттің стратегиялық бағдарын толық қолдайды», – деді Партия Төрағасы.

Оның айтуынша, табиғи ресурстарды пайдалану тәсілін өзгерту қажет. Мемлекет шикізатты экспорттап, сол шикізаттан өндірілген дайын өнімді сатып алып отырған кезде негізгі табыс, жаңа өндірістер мен жұмыс орындары Қазақстаннан тыс жерде қалыптасады. Сондықтан шикізатты терең өңдеу ісін дамыту қадамы өнеркәсіп саясатының негізгі басымдықтарының біріне айналуға тиіс.

«Тау-Кен Самұрық» ҰТК» АҚ-ның мәліметінше, өткен жылғы қорытынды бойынша тау-кен металлургия кешені мемлекеттің жалпы ішкі өнімінің шамамен 8%-ын қамтамасыз етті. Өндірілген өнім көлемі 14 трлн теңгеден асып, экспорт көлемі 21,4 млрд АҚШ долларын құрады. «Тау-Кен Самұрық» ҰТК» АҚ басқарма төрағасы Нариман Абсаметовтің айтуынша, бүгінде тау-кен металлургия кешені мемлекет үшін стратегиялық маңызға ие болып отыр.

«Сирек кездесетін минералдарға қолжетімділік мемлекеттің жаһандық бәсекеге қабілеттілігін айқындайтын маңызды факторлардың біріне айналуда. Қазақстан бірегей минералды шикізат базасына ие және оны тиімді игеру қадамы еліміздің әлемдік нарықтағы позициясын нығайтуға мүмкіндік береді», – деді Нариман Абсаметов.

Талқылау барысында сала өкілдері бірқатар жүйелі мәселені көтерді. Атап айтқанда, Тау-кен өндіруші және тау-кен металлургиялық кәсіпорындардың республикалық қауымдастығының атқарушы директоры Николай Радостовец теміржол тасымалы сала үшін стратегиялық маңызға ие екенін атап өтіп, транзиттік тасымалдан түсетін кірістерді бөлудің неғұрлым теңгерімді тәсілін қарастыруды ұсынды.

«Қазақмыс корпорациясы» ЖШС басқарма төрағасы Руслан Өскенәлі саланы одан әрі дамыту мәселесі мемлекет, бизнес және қоғам арасындағы тұрақты өзара іс-қимылды талап ететінін атап өтті.

«Әділет» партиясының Іскерлік кеңесі отандық өнеркәсіпті дамытуға және Қазақстан экономикасын нығайтуға бағытталған бастамаларды әзірлейтін тиімді алаңға айналатынына сенімдімін», – деді Руслан Өскенәлі.

Қатысушылар кәсіпорындарды жаңғырту, инвестиция тарту және білікті кадрлар даярлау мәселелеріне де ерекше назар аударды. Кездесуге қатысушылар табиғи ресурстар жаңа өндірістерді іске қосуға, заманауи технологияларды енгізуге және жаңа жұмыс орындарын ашуға негіз болуға тиіс екенін атап өтті.

«Qarmet» АҚ басшысы Вадим Басин кәсіпорында жүргізіліп жатқан ауқымды жаңғырту жұмысы туралы айтып, қауіпсіздікке, еңбек жағдайына және кәсіби кадрларға инвестиция салмайынша өндірісті дамыту мүмкін емес екенін жеткізді.

«Өнеркәсіп секторы үшін әділдік – адамның еңбегін құрметтеу деген сөз. Кәсіпорын қауіпсіздік есебінен емес, өз алдына дамуға тиіс. Инвестиция тек жабдықтарға ғана емес, адамдарға да бағытталуы керек», – деді Вадим Басин.

Кездесуді қорытындылай келе Айбек Дәдебай бүгінде саланы дамыту мәселесін талқылап қана қоймай, оның жүзеге асырылуын қамтамасыз ету аса маңызды екенін атап өтті. Ол Іскерлік кеңес отырысының қорытындысы бойынша «Әділет» партиясы тау-кен металлургия саласын дамытуға арналған бірыңғай бастамалар топтамасын әзірлейтінін мәлімдеді. Оның негізіне бизнес өкілдерінің, салалық қауымдастықтардың және сарапшылар қоғамдастығының ұсыныстары енгізіледі.

«Бүгін нақты әрі шын мәнінде аса маңызды өте көп ұсыныс айтылды. Олардың әрқайсысы жан-жақты қаралып, жүйеленіп, Іскерлік кеңестің алдағы жұмысының бір бөлігіне айналады. Біздің міндетіміз – бизнес пен мемлекет арасындағы диалогтың күн сайын жалғасуын қамтамасыз ету», – деп түйіндеді Айбек Дәдебай.

Кездесу соңында «Әділет» партиясының жаңа мүшелеріне партиялық билеттер табысталды.

Қоғамның тұрақтылығы мен елдің тыныштығы, ең алдымен, әр отбасының берекесі мен адамдар арасындағы өзара сыйластықтан басталады. Адам баласы үшін отбасы – тәрбиенің алтын бесігі, ал отбасыдан басталған тәрбие тұтас қоғамның келбетіне әсер етеді. Сондықтан бүгінгі таңда ұрпақ тәрбиесі, отбасылық құндылықтарды сақтау, жастардың санасына дұрыс бағыт-бағдар беру және қоғамдағы келеңсіз құбылыстардың алдын алу мәселелері аса маңызды болып отыр.

Осы тұрғыдан алғанда, Түркістан облыстық Қазақстан халқы Ассамблеясы жанындағы Аналар кеңесінің «Салауатты сана» жобасы аясында ұйымдастырылған көшпелі кездесудің Созақ ауданында бастау алғаны – біз үшін үлкен маңызға ие. Бұл басқосу тек тәжірибе алмасып, атқарылған жұмыстарды саралайтын жиын ғана емес, сонымен қатар қоғамның өзекті мәселелерін бірге талқылап, олардың алдын алу жолдарын қарастыратын маңызды алаң болды. Бүгінгі таңда қоғамда орын алып отырған нашақорлық, лудомания, тұрмыстық зорлық-зомбылық, ысырапшылдық сияқты келеңсіз құбылыстардың әрқайсысы үлкен алаңдаушылық туғызады. Мұндай мәселелердің алдын алу тек бір мекеменің немесе белгілі бір ұйымның міндеті емес. Бұл – бүкіл қоғам болып атсалысуды қажет ететін ортақ мәселе. Әсіресе бала тәрбиесі мен жастардың болашағына келгенде әр ата-ана, әр отбасы, әр азамат жауапкершілікті сезінуі тиіс. «Салауатты сана» жобасының негізгі мақсаты да осындай маңызды мәселелердің алдын алып, қоғам мүшелерінің жауапкершілігін арттыруға, жастардың санасына дұрыс құндылықтарды сіңіруге бағытталған. Жоба аясында көтеріліп отырған мәселелердің барлығы бір-бірімен тығыз байланысты. Себебі адамның санасы мен тәрбиесі дұрыс қалыптасса, ол қоғамдағы түрлі зиянды әдеттерден бойын аулақ ұстап, өз өміріне, отбасына және қоршаған ортасына жауапкершілікпен қарайды.

Біз, аналар, ең алдымен, отбасының берекесін ойлаймыз. Өйткені шаңырақтағы тыныштық пен татулық – қоғамдағы тұрақтылықтың негізі. Отбасында мейірім мен сыйластық орнаған жерде бала да дұрыс тәрбие алады. Ал тәрбиелі, білімді, саналы жас – елдің болашағы. Сондықтан бала тәрбиесіне немқұрайлы қарауға болмайды. Жастарымыздың бос уақытын тиімді өткізуіне жағдай жасау, оларды спортқа, білімге, өнерге, еңбекке баулу – баршамыздың ортақ міндетіміз. Жасөспірімнің ортасы қандай болса, оның көзқарасы мен өмірлік ұстанымы да соған қарай қалыптасатынын жақсы білеміз. Сол себепті жастарды жаман әдеттерден қорғаудың ең тиімді жолы – оларға дұрыс бағыт көрсету, сенім арту, қолдау білдіру және олардың қоғамдағы белсенділігін арттыру. Созақ ауданында бұл бағыттағы жұмыстар жүйелі түрде жүргізіліп келеді. Ауданымыздың ауылдық округтерінде жұмыс істейтін Аналар кеңестерінің мүшелері ел ішіндегі өзекті мәселелерге бейжай қарамай, түрлі кездесулер мен түсіндіру жұмыстарын ұйымдастырып келеді. Әр ауылдағы аналар қауымы отбасы құндылықтарын дәріптеп, жастар тәрбиесіне үлес қосып, қоғамдағы татулық пен тұрақтылықты нығайтуға өздерінің лайықты үлесін қосуда.

Созақ – тарихы терең, елдік пен ерліктің өнегесін бойына сіңірген қасиетті мекен. Бұл өңірде атадан балаға жалғасқан салт-дәстүр, үлкенді сыйлау, кішіге қамқор болу, көршімен тату болу секілді ұлттық құндылықтар берік сақталған. Біз осы дәстүрді қазіргі заман талабымен сабақтастыра отырып, жас ұрпақтың тәрбиесіне пайдалануымыз керек деп ойлаймын. Қазақ халқы ежелден «Бірлік болмай, тірлік болмас» деп бекер айтпаған. Адамдар бір-бірін түсініп, бір-біріне құрметпен қараған жерде кез келген қиындықты еңсеруге болады. Біздің ауданымыздағы ең үлкен құндылықтардың бірі де – осы ауызбіршілік пен ынтымақ. Әртүрлі этнос өкілдері бір шаңырақтың астында тату-тәтті өмір сүріп, туған жердің дамуына бірге атсалысып келеді. Бұл – елдегі қоғамдық келісім мен жалпыұлттық бірліктің нақты көрінісі.

Қоғамдық келісім дегеніміз – тек тыныштықта өмір сүру ғана емес. Ол – бір-бірінің пікірін құрметтеу, өзара түсіністік таныту, ортақ мақсат жолында бірігу. Біз Созақ ауданында осы құндылықтарды жоғары бағалаймыз. Өйткені ауызбіршілік бар жерде береке болады. Бірлігі бекем елдің болашағы да баянды. Ауданымызда өткен кездесуде Түркістан облыстық Қазақстан халқы Ассамблеясы жанындағы Аналар кеңесінің төрайымы Гүлсара Төлебекқызы Тоққұлова «Салауатты сана» және «Мәдениетті ана – мәдениетті ұлт» жобаларының аудан, қалаларда жүзеге асырылуы бойынша баяндама жасап, атқарылған жұмыстарға тоқталған болатын. Бұл жобалардың қоғам үшін маңызы өте зор деп есептеймін. Әсіресе «Мәдениетті ана – мәдениетті ұлт» жобасының мәні ерекше. Себебі ана – отбасының ұйытқысы, бала тәрбиесінің негізгі тұлғасы. Ана бойындағы мәдениет, парасат, сабыр мен мейірім отбасындағы тәрбиеге тікелей әсер етеді. Ал отбасындағы тәрбие – ұлттың тәрбиесі. Сондықтан мәдениетті, саналы, білімді ана тәрбиелеген ұрпақ та елге қызмет ететін азамат болып қалыптасады. Біз бүгінгі аналарға ғана емес, ертеңгі аналарға да үлкен жауапкершілік жүктелетінін түсінуіміз қажет. Қазіргі қыз бала – болашақ ана. Сондықтан олардың бойына ұлттық тәрбие мен адамгершілік қасиеттерді сіңіру маңызды. Қыз тәрбиесі – ел тәрбиесі. Ұл тәрбиесі де – ел болашағы. Осы екі бағытта да ата-ана мен қоғам бірлесе жұмыс істеуі қажет.

Бүгінгі таңда нашақорлық пен тұрмыстық зорлық-зомбылықтың алдын алу мәселелері де ерекше назар аударуды қажет етеді. Бұл бағытта тек ақпараттық түсіндіру жұмыстарымен шектелмей, әр отбасының жағдайына, әр баланың тәрбиесіне, әр жастың ортасына көңіл бөлу керек. Қоғамдық ұйымдар, ата-аналар, ұстаздар, құқық қорғау органдары және жастармен жұмыс істейтін мамандар өзара тығыз байланыста болғанда ғана нақты нәтижеге қол жеткізуге болады. Сонымен қатар, ол жиында Халықтық Конституцияның маңыздылығы мен оны кеңінен насихаттау бағытындағы жұмыстар да сөз болды. Конституция – елдің құқықтық негізі ғана емес, азаматтардың құқықтары мен міндеттерін айқындайтын маңызды құжат. Оны құрметтеу, заң талаптарын сақтау, өз құқығыңды білу және өзгенің құқығына құрметпен қарау – өркениетті қоғамның басты белгілерінің бірі.

Біздің қоғамымызда үлкенге құрмет, кішіге ізет, көршіге сыйластық, ағайынға жанашырлық сияқты асыл қасиеттер бар. Осы құндылықтарды жоғалтпай, оларды жастарға жеткізу – біздің басты міндетіміз. Себебі ұлттық құндылықтар мен заманауи тәрбие бір-біріне қайшы емес. Керісінше, екеуін сабақтастыра білсек, саналы әрі бәсекеге қабілетті ұрпақ тәрбиелей аламыз. Аналар кеңесінің жұмысы да осы мақсатқа бағытталған. Біз ел ішіндегі мәселелерді сырттай бақылап қана қоймай, халықпен бірге жұмыс істеуге тиіспіз. Әрбір ауылдағы ананың сөзі, әрбір отбасының мәселесі біз үшін маңызды. Кейде бір ауыз ақылдың өзі адамға үлкен ой салып, дұрыс шешім қабылдауына ықпал етуі мүмкін. Сондықтан аналардың қоғамдағы тәрбиелік және рухани рөлі әрқашан жоғары болуы керек.

Менің ойымша, біздің әрбір кездесуіміздің басты нәтижесі – ортақ мәселелерді бірге талқылап, тәжірибе алмасуымызда. Облыстық деңгейдегі Аналар кеңесі мен аудандық, ауылдық округтердегі кеңестердің өзара байланысы нығайған сайын, атқарылатын жұмыстардың да нәтижесі арта түседі. Біз бір-бірімізден тәжірибе алып, жақсы бастамаларды аудан көлемінде кеңінен насихаттауымыз қажет. Созақ ауданындағы Аналар кеңесі алдағы уақытта да «Салауатты сана» жобасы аясындағы жұмыстарды жүйелі түрде жалғастыра береді. Біз үшін ең маңыздысы – қоғамдағы тұрақтылықты сақтау, жастарды теріс әрекеттерден қорғау, отбасының қадірін арттыру және ел ішіндегі бірлік пен ауызбіршілікті нығайту. Біз аналар ретінде әрбір баланың болашағына алаңдаймыз. Әрбір жастың жақсы білім алып, дұрыс жолды таңдап, елге пайдалы азамат болғанын қалаймыз. Әр шаңырақта күлкі мен қуаныш болғанын, әр отбасында сыйластық пен түсіністік орнағанын тілейміз. Себебі бақытты отбасы – бақытты қоғамның негізі.

Бүгінгі таңда елімізге ең керегі – татулық пен тұрақтылық. Ал оны сақтау үшін әрқайсымыз өз орнымызда жауапкершілікпен еңбек етуіміз керек. Бірлік – тек сөзбен айтылатын ұғым емес, ол күнделікті өмірдегі өзара сыйластықтан, түсіністіктен және ортақ іске жұмыла білуден көрінеді. Созақ жұртының ынтымағы мен ауызбіршілігі – біздің мақтанышымыз. Ел ішінде береке болса, алынбайтын асу жоқ. Сондықтан біз осы татулықты көздің қарашығындай сақтап, кейінгі ұрпаққа аманат етуіміз қажет. «Салауатты сана» жобасы аясындағы осындай кездесулер қоғамдағы маңызды мәселелерді ашық талқылауға, олардың алдын алуға және ортақ шешімдер іздеуге мүмкіндік береді. Бұл жұмыстардың барлығы түптеп келгенде елдің ертеңі үшін жасалып жатыр.

Біздің мақсатымыз біреу – саналы ұрпақ, берекелі отбасы, бейбіт қоғам қалыптастыру. Ал мұндай мақсатқа жетудің ең сенімді жолы – бірлік пен ауызбіршілік. Бірлігі бекем, ынтымағы жарасқан елдің ғана болашағы жарқын болады. Сондықтан барша аналарды, ата-аналарды, ұстаздарды және қоғам белсенділерін бала тәрбиесіне бейжай қарамауға, жастарымыздың болашағына бірге жауапкершілікпен қарауға шақырамын. Әр отбасындағы жақсы тәрбие – елдің ертеңіне қосылған үлкен үлес.

Бірлігіміз бекем, ынтымағымыз ырысты болсын! Әр шаңырақта тыныштық орнап, әр отбасында береке мен бақыт салтанат құрсын! Ең бастысы, ұрпағымыздың санасы салауатты, жүрегі мейірімді, болашағы жарқын болғай!

Рысты ТӘБЕТҚЫЗЫ,

Созақ аудандық Қазақстан халқы Ассамблеясы жанындағы

Аналар кеңесінің төрайымы

Сайлау – азаматтардың ел мен қоғамның болашағына қатысты өз ұстанымын білдіретін маңызды қоғамдық-саяси үдеріс. Әсіресе ауылдық округ әкімдерін тікелей сайлау жергілікті жердегі халықтың өзіне тікелей қатысты мәселелерді шешуге қатысу мүмкіндігін кеңейтіп, ауыл басқаруындағы жауапкершілік деңгейін арттыра түсті. Бұл үдерістің мәні тек дауыс берумен шектелмейді. Оның ар жағында тұрғындардың таңдауы, үміті және жаңа басшыдан күтер нәтижесі жатыр. Сайрам ауданындағы Қайнарбұлақ ауылдық округінде өткен кезектен тыс әкім сайлауы да осы тұрғыдан маңызды оқиғалардың бірі болды. Тұрғындар өз таңдауын жасап, округтің алдағы кезеңдегі жұмысына жауапты тұлғаны анықтады. Сайлау қорытындысында Құралбеков Нұрсұлтан Рүстемұлы басым дауысқа ие болып, Қайнарбұлақ ауылдық округінің әкімі болып сайланды. Ресми мәліметке сәйкес, ол сайлаушылардың 71,3 пайызының қолдауына ие болған.

Жаңа әкімнің қызметке кірісуі Қайнарбұлақ ауылдық округінің өміріндегі жаңа кезеңнің басталуымен сабақтас. Ендігі уақытта округ тұрғындарын толғандыратын мәселелерді жүйелі түрде зерделеу, елді мекендердің әлеуметтік жағдайын жақсарту, инфрақұрылымға қатысты түйткілдерді кезең-кезеңімен шешу және халықпен тиімді байланыс орнату маңызды бағыттардың қатарында болмақ. Осыған байланысты аудан әкімінің орынбасары Сержан Дауылбайұлы Қайнарбұлақ ауылдық округіне арнайы барып, жаңадан сайланған әкімді қызметімен құттықтады. Кездесу барысында жергілікті атқарушы органның алдағы жұмыс бағдарлары талқыланып, жаңа әкімге бірқатар нақты міндеттер жүктелді.

Жиында ең алдымен ауылдық округтің әлеуметтік-экономикалық ахуалын жақсарту мәселесіне басымдық берілді. Қай ауылдың да тұрақты дамуы тұрғындардың күнделікті тұрмысымен тікелей байланысты. Сондықтан жергілікті жерде атқарылатын жұмыстың негізгі өлшемі қағаздағы жоспар емес, оның халықтың өміріне әкелген нақты нәтижесі болуы тиіс.

Қайнарбұлақ ауылдық округінің алдағы дамуында инфрақұрылымдық мәселелер де маңызды орын алады. Елді мекендердегі жолдардың жағдайы, көшелерді жарықтандыру, абаттандыру, тазалықты сақтау, әлеуметтік нысандардың қалыпты жұмыс істеуі секілді бағыттар тұрғындардың тұрмыс сапасына тікелей әсер етеді. Мұндай мәселелерді шешу үшін жергілікті әкімдікке жүйелі жоспарлау мен тиісті мекемелермен бірлескен жұмысты жолға қою қажет. Бүгінде мемлекеттік басқарудың маңызды қағидаларының бірі – ашықтық пен есептілік. Бұл талап жергілікті деңгейге де тікелей қатысты. Тұрғын өз мәселесінің қай кезеңде тұрғанын, қандай шешім қабылданғанын және нәтижесі қашан болатынын білуі керек. Мұндай ашық қарым-қатынас халықтың мемлекеттік органдарға деген сенімін нығайтады.

Қайнарбұлақ ауылдық округінің жаңа әкімі үшін бұл бағыттың маңызы ерекше. Өйткені ол бұған дейін де осы аумақта қызмет атқарып, жергілікті мәселелермен таныс болған. Құралбеков Нұрсұлтан Рүстемұлының мемлекеттік қызметтегі еңбек жолы 2019 жылдан басталады. Ол Сайрам ауданы Көлкент ауылдық округі әкімдігі аппаратында бас маман-заңгер қызметін атқарған. Құқық саласындағы кәсіби білімі де мемлекеттік қызметте жұмыс істеуіне негіз болды. Нұрсұлтан Құралбеков 1990 жылғы 6 ақпанда Шымкент қаласында дүниеге келген. 2012 жылы Шымкент қаласындағы Халықаралық гуманитарлық-техникалық университетін «Заңгер» мамандығы бойынша тәмамдаған.

Мемлекеттік қызметтің жергілікті деңгейінде тәжірибе жинақтаған ол 2023 жылы Қайнарбұлақ ауылдық округі әкімінің орынбасары қызметіне тағайындалды. Осы кезеңде ауылдық округтің тыныс-тіршілігімен жақынырақ танысып, әлеуметтік-экономикалық даму мәселелеріне, жергілікті өзін-өзі басқару жұмыстарына және тұрғындардың өтініштерімен жұмыс жүргізу бағыттарына қатысты тәжірибе жинады. Нұрсұлтан Құралбековтің еңбек жолындағы келесі кезең Сайрам ауданы әкімдігінің ұйымдастыру-инспекторлық жұмыс және аумақтық даму бөлімшесімен байланысты. 2025 жылғы 30 қыркүйектен бастап ол аталған бөлімшеде бас маман қызметін атқарды. Осылайша жаңа әкімнің еңбек тәжірибесінде құқықтық қызмет, ауылдық округ әкімдігі аппараты, жергілікті атқарушы орган жұмысы және аумақтық даму бағыттары қамтылған. Бұл тәжірибе Қайнарбұлақ ауылдық округін басқару кезінде қажет болатын ұйымдастырушылық және құқықтық мәселелерді шешуге мүмкіндік береді.

Сондықтан жаңа әкімнің алдында бірнеше бағытта жүйелі жұмыс жүргізу міндеті тұр. Біріншіден, ауылдық округтің проблемалық мәселелерін нақты анықтап, олардың маңыздылығына қарай басымдық беру қажет. Екіншіден, шешімін қажет ететін мәселелер бойынша тиісті мемлекеттік органдармен бірлескен жұмысты күшейткен жөн. Үшіншіден, тұрғындарға атқарылған жұмыстар туралы тұрақты ақпарат беріп отыру маңызды.

Ауылдың экономикалық мүмкіндігін арттыру да назардан тыс қалмауы керек. Жергілікті кәсіпкерлікті дамытуға жағдай жасау, ауыл шаруашылығы саласындағы бастамаларды қолдау, шағын және орта бизнестің белсенділігін арттыру – елді мекеннің экономикалық әлеуетін көтеретін негізгі тетіктердің бірі. Жаңа жұмыс орындарының ашылуы мен халық табысының өсуі де жергілікті экономиканың жандануына әсер етеді. Әлеуметтік салада да атқарылар жұмыс аз емес. Білім беру, денсаулық сақтау, мәдениет, спорт, жастар саясаты секілді бағыттар ауыл тұрғындарының өмір сапасына әсер ететін маңызды салалар. Әкімдік осы салалардағы мәселелерді тиісті мекемелермен бірлесіп шешуге ықпал етуі қажет.

Қайнарбұлақ ауылдық округінің болашағы тек әкімдікке ғана емес, тұрғындардың өз белсенділігіне де байланысты. Қоғамдық мәселелерді шешуде халықтың ұсынысы мен бастамасы маңызды рөл атқарады. Осы ретте жаңа әкім мен тұрғындар арасындағы өзара түсіністік пен серіктестік ауылдың дамуына оң әсер етпек. Тікелей сайлаудың ерекшелігі де осында. Тұрғындар өз таңдауын жасап қана қоймай, сол таңдаған басшысының қызметіне баға беруге мүмкіндік алады. Әкімнің халық алдындағы есептілігі осылайша арта түседі. Ал әкім үшін бұл – тұрғындардың сенімін күнделікті еңбегі арқылы дәлелдеудің қажеттігін білдіреді.

Мемлекет басшысы жүктеген міндеттерді жергілікті жерде сапалы жүзеге асыру да жаңа әкімнің жұмысындағы негізгі бағыттардың бірі болмақ. Мемлекеттік саясаттың нәтижесі ең алдымен өңірлерде, ауылдар мен елді мекендерде көрінеді. Сондықтан республикалық және облыстық деңгейде белгіленген міндеттердің жергілікті жерде нақты іске айналуы маңызды.

Қазақстанда экологиялық мәдениетті қалыптастыру, қоршаған ортаны қорғау және елді мекендердің тазалығын қамтамасыз ету мемлекеттік саясаттың басым бағыттарының біріне айналды. Мемлекет басшысы Қасым-Жомарт Тоқаев әрдайым табиғатты қорғау мәселесі тек мемлекеттік органдардың ғана емес, бүкіл қоғамның ортақ міндеті екенін атап келеді. Президент өз Жолдауларында және түрлі деңгейдегі кеңестерде экологиялық ахуалды жақсарту, елді мекендерді абаттандыру, тұрғындардың экологиялық жауапкершілігін арттыру, қалдықтарды тиімді басқару және азаматтарды табиғатты қорғау жұмыстарына кеңінен тарту мәселелеріне ерекше назар аударып келеді.

Мемлекет басшысы: «Таза Қазақстан – бір күндік науқан емес. Бұл – әр азаматтың күнделікті өмір салтына айналуы тиіс» деп атап көрсеткен болатын. Осы міндеттерді жүзеге асыру мақсатында елімізде «Таза Қазақстан» республикалық экологиялық акциясы қолға алынып, республика көлемінде ауқымды жұмыстар жүргізілуде. Аталған бастама бүгінде халықтың кең қолдауына ие болып, елдің барлық өңірлерінде жүйелі түрде жүзеге асырылып келеді.

Президент тапсырмасына сәйкес қоршаған ортаны қорғау тек сенбіліктер өткізумен шектелмей, елді мекендерді кешенді абаттандыру, қоғамдық орындарды күтіп ұстау, жасыл желекті көбейту, өзен-көлдердің жағалауын тазалау, экологиялық мәдениетті қалыптастыру сияқты ұзақ мерзімді міндеттерді қамтиды. Бұл жұмыстар халықтың өмір сүру сапасын арттырумен қатар, өңірлердің инвестициялық және туристік әлеуетін көтеруге де ықпал етеді. Осы мемлекеттік бастаманы жүзеге асыру бағытында Түркістан облысында да жүйелі жұмыстар атқарылып келеді. Өңірдің барлық аудан-қалаларында санитарлық тазалық пен абаттандыру шаралары тұрақты түрде ұйымдастырылып, қоғамдық орындардың көркі жақсарып келеді. Бұл бағыттағы жұмыстар Сайрам ауданында да жоғары деңгейде ұйымдастырылуда.

Сайрам ауданында «Таза Қазақстан» республикалық экологиялық акциясы аясында кезекті сенбілік ұйымдастырылды. Ауқымды тазалық жұмыстары Қайнарбұлақ ауылдық округіне қарасты Қасымбек датқа ауылындағы саябақ аумағында өтті. Бұл шара Мемлекет басшысының экологиялық мәдениетті қалыптастыру жөніндегі тапсырмаларын орындауға бағытталған нақты жұмыстардың бірі болды.

Сенбілікке аудан әкімі Мадияр Мұхтарұлының бастамасымен 230 тұрғын белсенді түрде қатысты. Сонымен қатар жұмыстарды сапалы әрі қысқа мерзімде орындау үшін 4 арнайы техника жұмылдырылды. Мұндай жұмыстардың басты мақсаты – тұрғындардың жайлы өмір сүруіне қолайлы орта қалыптастыру, қоғамдық орындардың тазалығын сақтау және ауылдардың көркін арттыру. Тазалық жұмыстары барысында саябақтағы жарық шамдары мен орындықтар сырланып, қайта қалпына келтірілді. Сонымен қатар саябақ аумағындағы 0,6 гектар жердегі арамшөптер орылып, аумақ толықтай ретке келтірілді. Нәтижесінде 1,3 тонна тұрмыстық қатты қалдық арнайы полигонға шығарылды. Бұл жұмыстар саябақтың санитарлық жағдайын жақсартып қана қоймай, тұрғындардың демалуына қолайлы әрі қауіпсіз орта қалыптастыруға мүмкіндік берді.

Президент Қасым-Жомарт Тоқаев экологиялық мәдениетті қалыптастыруда мемлекет пен қоғамның, кәсіпкерлер мен еріктілердің өзара ынтымақтастығы ерекше маңызға ие екенін бірнеше рет атап өткен болатын. Осы бағыттағы жұмыстарға Сайрам ауданындағы кәсіпкерлік субъектілері де белсенді үлес қосуда. Солардың бірі – «BAVI» мекемесі. Кәсіпорын сенбілікке демеушілік жасап, тазалық акциясына қатысушыларға өз өнімдерін ұсынып, әлеуметтік жауапкершіліктің жарқын үлгісін көрсетті. Бизнестің мұндай бастамаларға қолдау көрсетуі Президент көтеріп отырған «жауапты қоғам» қағидатының нақты көрінісі болып табылады.

Экологиялық акция тек Қасымбек датқа ауылымен ғана шектелген жоқ. Сайрам ауданының барлық ауылдық округтерінде де санитарлық тазалық жұмыстары қатар жүргізілді. Жалпы аудан бойынша сенбілікке 2 754 тұрғын қатысып, 23 арнайы техника жұмылдырылды. Атқарылған жұмыстардың нәтижесінде аудан көлемінде 134 шақырым көше тазартылып, 23,4 шақырым жаяу жүргіншілер жолы ретке келтірілді. Сонымен қатар 8,6 шақырым өзен-көлдер мен канал жағалауы тазартылып, табиғи аумақтардың санитарлық жағдайы жақсартылды. Бұдан бөлек 9 саябақ пен сквердің аумағы абаттандырылып, 18 балалар және спорт алаңшасы ретке келтірілді. Сенбілік қорытындысында жалпы көлемі 35,6 тонна тұрмыстық қалдық арнайы полигонға шығарылды. Бұл көрсеткіштер Сайрам ауданында экологиялық жұмыстардың бір реттік акция ретінде емес, жүйелі түрде ұйымдастырылып жатқанын көрсетеді. Мұндай жұмыстар ауданның санитарлық тазалығын қамтамасыз етумен қатар тұрғындардың табиғатқа деген жанашырлығын арттыруға да үлкен әсер етеді.

Мемлекет басшысы өз сөздерінде экологиялық мәдениет бала кезден қалыптасуы тиіс екенін ерекше атап келеді. Сондықтан «Таза Қазақстан» бастамасы аясындағы сенбіліктер жастардың, еріктілердің, білім беру ұйымдарының, қоғамдық ұйымдардың және кәсіпкерлердің белсенді қатысуымен ұйымдастырылуы үлкен маңызға ие. Бұл – өскелең ұрпақтың табиғатты қорғауға деген жауапкершілігін күшейтіп, ортақ іске жұмыла білу мәдениетін қалыптастырады.

Президент тапсырмасында ерекше айтылған тағы бір мәселе – әрбір тұрғынның өз ауласы мен көшесінің тазалығына жауапкершілікпен қарауы. Өйткені экологиялық мәдениет тек мемлекеттік бағдарламалармен емес, әр азаматтың күнделікті іс-әрекетімен қалыптасады. Ауладағы тазалық, көшені ластамау, ағаш отырғызу, тұрмыстық қалдықтарды белгіленген орындарға шығару – мұның барлығы экологиялық жауапкершіліктің маңызды көрсеткіштері. Бүгінде «Таза Қазақстан» акциясы қоғамда жаңа экологиялық мәдениетті қалыптастырып келеді. Тұрғындардың сенбіліктерге белсенді қатысуы, кәсіпкерлердің қолдау көрсетуі, мемлекеттік мекемелердің үйлесімді жұмысы Президент бастамасының халық арасында кең қолдау тапқанын айқын аңғартады.

Сайрам ауданында ұйымдастырылып жатқан мұндай игі шаралар елді мекендердің көркеюіне, тұрғындардың өмір сүру сапасының артуына және қоршаған ортаның жақсаруына нақты үлес қосуда. Бұл жұмыстар алдағы уақытта да Мемлекет басшысының тапсырмасына сәйкес тұрақты түрде жалғасып, ауданның әрбір елді мекенінде тазалық пен тәртіпті сақтауға бағытталған жаңа бастамалармен толықтырыла бермек.

Таза табиғат – ұлт денсаулығының кепілі, ал таза елді мекен – өркениетті қоғамның айқын белгісі. Сондықтан «Таза Қазақстан» бастамасы әрбір азаматтың ортақ ісіне айналып, экологиялық жауапкершілік қоғам өмірінің ажырамас бөлігі болуы тиіс. Осындай жүйелі жұмыстардың нәтижесінде ғана келешек ұрпаққа таза табиғат, көрікті ауылдар мен жайлы өмір сүру ортасын қалдыруға болады.

Түркістан облысында Мемлекет басшысының бастамасымен қолға алынған «Таза Қазақстан» экологиялық шарасы аясында Қарашық өзенінің бойында 50 гектар аумақты қамтитын «Түркістан» экобағы ашылды. Жаңа демалыс аймағының ашылу салтанатына орай «Жаңа Конституция – халықтың құқықтық мәдениеті» атты ауқымды іс-шара өтті. Салтанатты жиынға қатысқан Түркістан облысының әкімі Нұралхан Көшеров қала тұрғындарын жаңа нысанның ашылуымен құттықтады.

– Санаулы күндерден кейін бүкіл ел болып қолдап, дауыс берген Жаңа Конституция күшіне енеді. Осы Ата Заңымызды қолдау мақсатында халықтың ұсынысымен барлық аудан, қалада түрлі іс-шаралар өткізілді. Соның қорытындысы ретінде бүгін барлығымыз ауқымды акцияға жиналып отырмыз. Түркістан жұртшылығы референдумға қатысу бойынша елімізде көшбасшылар қатарында болып, бірлік пен отаншылдықтың үлгісін көрсетті. Осы орайда, Мемлекет басшысы референдумға қолдау білдірген Түркістан халқына шынайы ризашылығын жеткізді. Президентіміз күні кеше ел болып қабылдаған жаңа Конституция туралы «Жалпыұлттық референдум кезінде халқымыз мемлекеттің келешегін айқындайтын тарихи таңдауын жасады. Конституция еліміздің саяси және идеологиялық арқауы ретінде ұзақ жыл бойы халық игілігіне қызмет етеріне сенемін» деген болатын. «Заң мен тәртіп» тұжырымдамасы Жаңа Конституцияның негізгі қағидаттарының бірі болып орнықты. Бұл тарихи қадамды еліміздің саналы қоғамы мен білімді жастары зор ықыласпен қолдауда. Мемлекет басшысының тапсырмасымен ашылған жаңа экопарк жай ғана демалыс орны емес, бүкіл Түркістан жұртшылығы мен қонақтары бас қосып, спортпен шұғылданып, бос уақытын тиімді өткізетін заманауи демалыс орны. Жаңа Конституция – біздің болашағымыздың берік іргетасы. Ата Заңымыз еліміздің айбынын асырып, Қазақстанымыз мәңгілік жасай берсін! – деді Нұралхан Көшеров.

Түркістан облысының құрылғанына 8 жыл толды. Осы кезеңде Мемлекет басшысы мен Үкіметтің қолдауымен өңір қарқынды дамыды. 1991–2017 жылдары 8,7 млн ш.м тұрғын үй, 616 мектеп, 386 денсаулық, 21 мәдениет және 23 спорт нысаны салынса, соңғы 8 жылда оның елеулі бөлігі жүзеге асты: тұрғын үйдің 77%-ы (6,7 млн ш.м), мектептердің 35%-ы (214), денсаулық нысандарының 57%-ы (219) бой көтерді. Сонымен қатар 801 елді мекен 100% ауыз сумен қамтылып, халықтың 90%-ы газға қосылды. Өңірлік өнім көлемі 8 жылда 3 есеге артты.

Салтанатты шараға Түркістан облысы бойынша Экономикалық тергеп-тексеру департаментінің басшысы Сабырғали Балғалиев және жастарға қолдау көрсетіп жүрген қоғам белсендісі Ерболат Балғабаев сөз сөйлеп, жастарды заңды құрметтеуге, қоғамдық тәртіпті сақтауға және ел дамуына үлес қосуға шақырды.

Жалпы, экобақ аумағында жергілікті климатқа бейімделген тұранғы, үйеңкі, акация, терек және өрік ағаштары егілген. Бұдан бөлек экобақта 4 көпір, күн панельдерімен жұмыс істейтін 170 шам, 3 волейбол алаңы, 1 футбол алаңы, 4 мың ш.м. балалар ойын алаңы, балық аулайтын арнайы 3 жағажай, 11 от жағу алаңы, орындықтар, барбекю аймақтары, сондай-ақ тас пен ағаштан жасалған мүсіндер орнатылған. Құрылысқа экологияға зиян келтірмейтін материалдар пайдаланылды.

Мерекелік кеште қазақ эстрадасының танымал жұлдыздары өнер көрсетті. Сахна төрінде Айдана Меденова, Ұшқын Жамалбек және Alem және тағы басқа өзге де өнер жұлдыздары әннен шашу шашып, жұртшылыққа көтеріңкі көңіл күй сыйлады.