Архив рубрики: Қоғам

"AMANAT", Ақпарат, Қоғам

МӘСЛИХАТ ТӨРАҒАЛАРЫ АТҚАРҒАН ЖҰМЫСТАРЫН БАЯНДАДЫ

Оставить комментарий

«AMANAT» партиясының Түркістан облыстық филиалының алаңында Созақ аудандық мәслихатының төрағасы Ордабек Жамиевтің, Бәйдібек аудандық мәслихатының төрағасы Асқар Кенеханның және Арыс қалалық мәслихатының төрағасы Қайрат Ахметовтың қатысуымен кезекті брифинг өтті. Брифинг мінберінен спикерлер өздері мандат иеленген аймақтарда партияның сайлауалды бағдарламасы бойынша жүзеге асқан жұмыстарды баяндап, аймақтардағы депутаттық корпустың ықпалымен шешімін тапқан мәселелерді тізбектеді.

 

 

Бұқаралық ақпарат құралдары өкілдерінің алдында сөз алған Созақ аудандық мәслихатының төрағасы Ордабек Мырзабекұлы биылғы жылы аудандық мәслихаттың жеті сессиясы өтіп, олардың қорытындысымен 51 шешім қабылданғанын жеткізді. Аудандық мәслихат депутаттары аудан бюджетін нақтылау мәселесін екі сессияда қарап, нәтижесінде жергілікті бюджеттің кіріс бөлігі 10,9 млрд. Теңгеге жуықтап жоспар 108,2 пайызға орындалған. Бюджет өзіндік кірістер есебінен артығымен орындалған.

 

Есепті мерзімде аудандық мәслихат депутаттары жергілікті атқарушы органдарға тұрғын-үй, коммуналдық шаруашылық, білім, денсаулық және әлеуметтік салалар бойынша 15 депутаттық сауал жолдаған. Халық қалаулылары көтерген 13 мәселе шешімін тапса, 2 мәселе бойынша тиісті жұмыстар қолға алынған.

Бәйдібек аудандық мәслихатының төрағасы Асқар Оразханұлы өз хабарламасында аудандық мәслихат құрамындағы 13 депутаттың 10-ы «AMANAT» партиясының өкілдері екенін айта отырып, олар мәслихат құрамындағы бюджет және экономикалық даму, әлеуметтік-мәдени даму және депутаттық этика, кәсіпкерлікті қолдау, ауыл шаруашылығы мен жер қатынастары және табиғатты пайдалану мәселелері жөніндегі тұрақты комиссиялардың мүшелері болып табылатынын атап өтті.
Бәйдібектік депутаттар есепті мерзімде аудандық мәслихаттың алты сессиясының жұмысын жүргізіп, сессия мен тұрақты комиссия отырыстарында облыстық тексеру комиссияның, Мыңбұлақ ауылдық округ әкімінің, аудандық мәдениет, тілдерді дамыту, дене шынықтыру және спорт бөлімі мен мекеме басшыларының есептерін тыңдаған. Есеп беруден бұрын депутаттар арасынан уақытша комиссия құрылып, күн тәртібіндегі мәселелер бойынша елді мекендерде жан-жақты зерттеу-талдау жұмыстары жүргізілген. Комиссия жұмысының қорытындысы бойынша сессияда мәселелер көтерілген.

 

 

Мәслихат сессияларының қорытындысымен аудандық өкілді органның отыз шешімі қабылданған. Оның ішінде 6 нормативтік құқықтық акт мемлекеттік тіркеуден өткізілген. Жыл ағымында қажеттіліктерге байланысты «2022-2023 жылдарға арналған аудан бюджеті туралы» шешіміне 2 мәрте өзгерістер енгізілсе, «2022-2023 жылдарға арналған ауылдық округтердің бюджеттері туралы» шешіміне тиісті өзгерістер бір мәрте енгізілген.

 

Депутаттар тарапынан аудан әкімдігінің тиісті бөлімдері мен мекемелерге 26 депутаттық сауал жолданған. Аудандық мәслихат пен Қоғамдық кеңестің бірлескен көпшілік тыңдауында коммуналдық қызметтер мәселелері талқыланған. Бекітілген кестеге сәйкес, депутаттар партияның аудандық филиалының қоғамдық қабылдау бөлмесінде айына 2 мәрте азаматтарды жеке мәселелері бойынша қабылдау жүргізіп, тұрғындар көтерген мәселелердің оң шешім табуына ықпал еткен.

 

Арыс қалалық мәслихатының төрағасы Қайрат Төрегелдіұлы қалалық мәслихат депутаттарының қалалық мәні бар бағдарламалар мен жоспарлардың, шешімдердің қабылдануы мен орындалуына қосып отырған үлестерін нақты атап көрсетіп, тұрғындардың денсаулығын сақтау, олардың әлеуметтік тұрғыда қорғалуын қамтамасыз ету, жергілікті жердегі әлеуметтік маңызы бар мәселелердің шешім табуы сынды өзекті мәселелер бойынша атқарылып жатқан жұмыстарды баяндады.

Спикер Арыс қалалық мәслихатының құрамына кіретін 13 депутаттың 76,9 пайызы, яғни 10 депутаты «АMANAT» партиясының өкілдері болып табылатынын атап өтті. Партия өкілдері қалалық мәслихат құрамындағы бюджет және экономикалық даму, әлеуметтік мәселелер жөніндегі тұрақты комиссияларға мүше болып табылатынын айтып, халық қалаулылары есепті мерзімде қала бюджетіне байланысты – 3, ауыл бюджетіне байланысты – 2 өзгерістер енгізгенін жеткізді. Қалалық мәслихаттың әлеуметтік мәселелер жөніндегі тұрақты комиссиясының 47 отырысы өтіп, әлеуметтік маңызы бар мәселелер бойынша тиісті шешімдер қабылданғанын атап өтті.

 

Мәслихаттың осы шақырылымдағы депутаттары барлығы сегіз сессия жұмысында өзекті деген 54 мәселені қарастырып, олардың оңтайлы шешім табуына үлестерін қосқан. Биылғы жылы қалалық мәслихаттың біріккен тұрақты комиссияларының отырыстарында сала басшыларының атқарған жұмыстары таразыланған.
Жергілікті өкілді органда қала әкiмiнiң өзiнiң функциялары мен мiндеттерiн орындау жөнiндегi есебi, 2023-2024 жылғы қысқы мауысымға дайындық жұмыстары бойынша қала әкiмдiгiнiң есебi, Арыс қаласында мемлекеттік жастар саясатының іске асырылу барысы сынды мәселелер тыңдалған.

Баспасөз өкілдерімен өткен мәжілісте мәслихат төрағалары аумақтардағы өзекті мәселелер жөнінде журналистер қойған сауалдарға жауап беріп, партия ұстанымы болып айқындалған құндылықтарға кеңінен тоқталды

 

Ақпарат, Кәсіпкерлік, Қоғам

Түлкібас ауданында 4020 азаматқа әлеуметтік қолдау көрсету жоспарланған

Оставить комментарий

«Халықтың кірісін арттырудың 2025 жылға дейінгі бағдарламасы» ел азаматтарын әлеуметтік қамтамасыз етуге, еңбексүйгіштікке баулуға, «еңбек адамын» қалыптастыруға мол мүмкіндіктер беріп отыр. Мемлекет басшысы Қасым Жомарт Кемелұлы Тоқаев өзінің Қазақстан халқына арнаған Жолдауларының бірінде еліміздегі еңбек ресурстарының балансын есепке алудың тиімді әдістемесін әзірлеуді, сондай-ақ еңбек ресурстарының тапшылығы бар өңірлерде Үкіметке көші-қон үдерісін басқару үшін пәрменді шаралар қабылдауды тапсырған болатын. Атап айтқанда, еңбек нарығын цифрландыру, жұмыспен қамту орталығының жұмысын реформалау, нәтижелі жұмыспен қамту және жаппай кәсіпкерлікті дамыту және тұрғындарды жұмыспен қамтуды арттыру үшін басқа да ауқымды іс шаралар қарастырылған. Бұл бағытта әр өңірлердегі «Мансап» орталықтары маңызды роль атқарады. Яғни,  «2021-2025 жылдарға арналған кәсіпкерлікті дамыту жөніндегі ұлттық жобасы» аясында ауқымды шараларды атқаратын орталық халыққа әлеуметтік қолдау көрсетіп, мемлекеттік бағдарламаларды жүзеге асырып,  жұмыссыздыққа тіркелген азаматтарды еңбекпен қамтиды.

Осыған орай, Түлкібас ауданында қандай жұмыстар атқарылып жатыр? Еңбек нарығында елеулі жаңалықтар бар ма? Аудандағы тұрғындарды жұмыспен қамту көрсеткіші және жалпы тыныс-тіршілігін білу мақсатында, сондай-ақ  басқа да өзекті сауалдармен Түлкібас аудандық Мансап оралығының басшысы Байбатчаев Ерсұлтан Жаңабайұлымен хабарласып, арнайы сұхбат жүргіздік. Маңызды ақпарат, мол деректер айтылған сұхбатты назарларыңызға ұсынып отырмыз.

 

 

— Ерсұлтан Жаңабайұлы, ең бірінші кезекте «2021-2025 жылдарға арналған кәсіпкерлікті дамыту жөніндегі ұлттық жобасы» аясында жыл басынан бері атқарылған жұмыспен қамту шаралары жөнінде мәліметпен бөліссеңіз. Ауданда бұл бағытта қандай жұмыстар атқарылып жатыр?
— 2023 жылы «Ұлттық жоба» негізінде жұмыспен қамту шараларына қолдау көрсету жоспары бойынша биыл 4020 азаматқа әлеуметтік қолдау көрсету жоспарланған болатын. Оның ішінде тұрақты жұмысқа 2107 азамат, субсидиялынатын жұмысқа 1825 азаматты жолдау көзделген және бұл бағытта тиісті жұмыстар атқарылып жатыр.
Бірінші жоба — Кәсіпкерлердің қажеттіліктеріне қарай дағдыларды дамыту:
Бұл бағыттағы шараларға тоқталатын болсақ, жұмыс берушілердің өтініміне сәйкес оқу орнында жұмыссыздарды оқытуға жолданған 60 азаматқа 12,411 млн теңге жергілікті бюджеттен бөлініп, 60 азамат оқуға жолдау жоспарланып, жүзеге асуда.
Сондай-ақ, екінші жоба — Жұмыс орындарын субсидиялауды ұйымдастыру арқылы кәсіпкерлерді қолдау:
Аталған жоба бойынша әлеуметтік жұмыс орындарына 200 азаматқа республикалық бюджеттен 69,300 млн теңгеге қаржы бөлінген. 2023 жылдың 01 қазанында аудан көлеміндегі 34 жұмыс беруші мекемелермен келісім-шарт түзіліп, аталған мекемелерге 203 азамат жұмысқа жолданып отыр.
Оқу ордасын жаңадан бітірген түлектерді жұмысқа орналастыру және оларды еңбекке тарту арқылы, өз мамандығының жемісін көруге мүмкіндік беретін бағдарлама, ол — Жастар практикасы екенін бәріңіз білесіздер. Міне, бұл бағытта Жастар практикасына 625 азаматқа республикалық бюджеттен 776,250 млн теңгеге қаржы бөлінген. 2023 жылдың 01 қазанында аудан көлеміндегі 150 жұмыс беруші мекемелермен келісім-шарт түзіліп, 241 азамат жолданды.
Ал, ​ «Алғашқы жұмыс орны» жобасына 60 азаматқа республикалық бюджеттен 74,520 млн теңге қаржы бөлінген. 2023 жылдың 01 қазанда аудан көлеміндегі 21 жұмыс беруші мекемелермен келісім-шарт түзіліп 46 азамат жолданып отыр.
Келесі кезекте,  «Күміс жас» жобасы бойынша айтатын болсақ биылға 90 азамат жоспарланған, Ұлттық қордан 57753 млн теңге қаржы қарастырылған, 2023 жылдың 01 қазанда аудан көлеміндегі 46 жұмыс беруші мекемелермен келісім-шарт түзіліп, бүгінгі таңда 75 азамат еңбек орындарына жолданды. Зейнет жасына дейінгі азаматтар аталған мекмелерде абыроймен қызмет жасап жүр. Бұл аудан халықының «қос қолға күрек ұстап» , үйінде құр жатпайтынын аңғартады, бұлда бола қуанышты жаңалықтардың бірі.
Енді үшінші жобаға тоқталайын.  Ол- жұмыс орындарын субсидиялауды ұйымдастыру арқылы кәсіпкерлерді қолдау бағыты.
Түлкібас ауданында мемлекеттік грант беру бойынша 90 азаматқа Ұлттық қордан 124200 млн теңгеге қаржы бөлінген, ағымдағы жылдың қазан айында аталған 90 азаматқа қайтарымсыз грант берілді. Бүгінде мемлекеттік грант иелері өздерінің жаңа бизнес идеяларын жүзеге асырып, табыстарын еселеп отыр.
Сондай-ақ, ақылы қоғамдық жұмысқа республикалық бюджеттен 700 азаматқа 579600 млн теңге бөлінген, ағымдағы жылдың  қазан айында аудан көлеміндегі 78 жұмыс беруші мекемелермен келісім-шарт түзіліп 881 азамат жұмысқа жолданды.
Жалпы, тұрақты жұмыспен 2107 азаматты орналастыру жоспарланған болатын, казіргі таңда 1466 азамат жұмысқа жолданды.
​​​​Ұлттық жобалар негізінде ашылатын жаңа жұмыс орнының жоспары 237 құраса, Мансап орталығы арқылы 26 мекемеге жолдау жоспарланған. Казіргі таңда 16 мекемеге 144 адам жолданып отыр. Тағы бір айта кететін бағыттың бірі ​​Мемлекет басшысының «10 мың тұрғынға 100 тұрақты жұмыс орындарын ашу» бойынша, аудан көлемінде 1322 жаңа жұмыс орнын ашу жоспарланған. Қазіргі таңда 1023 жаңа жұмыспен қамтылды. Жалпы, Түлкібас ауданында  «Ұлттық жоба» аясындағы атқарылып жатқан жұмыстар ауқымды деп айта аламын.
— Мемлекет басшысының тапсырмасына сәйкес, жұмыспен қамту орталықтарының атауы өзгеріп, жаңашылдықтар орын алды.  Осы тұрғысында не айтасыз? Орталықтың негізгі міндеттері мен қызметтері қандай? 

-Жалпы алғанда, орталықтың негізгі мақсаты «Ұлттық жоба» арқылы халықты нәтижелі жұмыспен қамтуға жәрдемдесу және азаматтарды кәсіпкерлікке тарту болып табылады. Бұл орталық жұмыссыз азаматтарды есепке тіркейді, жұмысынан айырылған жағдайда әлеуметтік төлем тағайындау үшін қажетті құжаттарды қабылдайды. Жұмыссыздарды тұрақты жұмыс орындарына жұмысқа орналасуға жәрдем береді, кейбіріне уақытша жұмыс орындарын ұсынады. Еңбек нарығында сұранысқа ие мамандықтар бойынша қысқа кәсіптік оқытуды ұйымдастырады. Сонымен қатар, әлеуметтік кәсіптік бағдар беру жұмыстарын да қоса атқарады. Азаматтардың барлық санаттарына арналған бос орындар жәрмеңкесін және халық арасында ақпараттық түсіндіру жұмыстарын жүргізеді. Ағымдағы жылдың 1 шілдесінен бастап облыс орталықтары мен ірі қалаларда еңбек мобильділігін қамтамасыз ететін 20 орталық құрылды. Ал, бұған дейін жұмыс істеп тұрған халықты жұмыспен қамту орталықтары енді «Мансап» орталықтары болып қайта құрылды. Демек, бізде де «Халықты жұмыспен қамту орталығы» мекемесі таратылып, орнына «Түлкібас аудандық Мансап орталығы» құрылды. Қазіргі таңда мекеме «Ұлттық жоба» аясында ұйымдастырылатын жұмыстарды жүзеге асырып келеді. Жалпы, жаңадан құрылған еңбек мобильділігі орталықтарының негізгі қызметі Еңбек және халықты әлеуметтік қорғау министрлігінің мәліметінде төмендегідей болып бекітілді.

Жұмыс күшіне сұраныс пен ұсынысты талдау, болжау негізінде өңірдің еңбек ресурстарының теңгерімдерін қамтамасыз ету; өңірлік жұмыспен қамту карталарын әзірлеу және оларды жергілікті жерлерде іске асыруды үйлестіру; жұмыспен қамтудың барлық мемлекеттік бағдарламалар мен жеке бастамалар шеңберінде ашылатын жұмыс орындарының құрылуына мониторинг жасау; жұмыспен қамтамасыз ету мақсатында азаматтардың ерікті көші-қонына жәрдемдесу және азаматтарды көшіру бағдарламаларын өңірлік деңгейде үйлестіру; жұмыс іздеуші ретінде жүгінген және жұмыссыз азаматтарды тіркеу; халықты, жергілікті атқарушы органдарды және уәкілеттік мемлекеттік органдарды өңірлік еңбек нарығының жай-күйі туралы хабардар ету.
-Қазіргі таңда, еліміздің азаматтары үшін, оның ішінде жұмыссыз адамдарға көбірек пайдасы бар деп есептелінетін электронды еңбек биржасының арнайы ақпараттық порталы, яғни сайты бар. Жалпы, сол сайттың халыққа көмегі қандай?
— Порталдың басты жұмысы- жұмыс іздеу және персоналды іріктеуге жәрдемдесу үшін мүмкіндіктерді қамтамасыз ететін жұмысқа орналастыру бойынша бірыңғай цифрлық алаң болып табылады. Енді, жұмыс беруші өзінің бос жұмыс орны туралы ақпаратты электронды еңбек биржасында жеке кабинеті арқылы беріп, бұл бар бос жұмыс орындар бойынша мәліметтерді ұсыну туралы міндетті заңнама қағидаттарының іске асырылуын жеңілдетеді. Жалпы, Enbek.kz электрондық еңбек биржасы арқылы Ұлттық жобалардың бірыңғай платформасында жұмыс орнын табуға көмектеседі. Сондай-ақ, жұмыс іздеушілер жұмыспен қамтудың белсенді шараларына қатысуға өтінім бере алады.
— Мемлекет басшысы халықтың арасында «масылдық» түсінігін жоюды, қолынан іс келетін азаматтардың еңбек етіп, мемлекеттің тиімді жобалары арқылы кәсібін бастауды атап өткен болатын. Жалпы жұмыссыз азаматтардың қалауы көбіне қандай болып жатады? Орталыққа келгендердің сұранысы қандай?
-Жасырын емес, біздің орталыққа немесе жұмыс берушіге жүгінген азаматтардың басым бөлігі мамандығы бойынша еңбек жалақысы жоғары, тұрақты жұмыспен қамтылуды қалайды. Ал, ауылдық жерде қыруар қаржы алып, жалақының жоғары болуы екіталай. Ондай мамандықтар бірен-саран. Сол себепті «маған жалақысы жоғары жұмыс қажет» деу орынсыз. Барға қанағат етіп, жұмысыңды жасап, қосымша кәсіп ашып, оны да талапқа сай жүргізіп отырсаң, соның өзі бақыт деп білемін. Түлкібас ауданы қай тараптан болмасын дамып, жыл сайын өркендеп жатыр . Табиғатының өзі бір бөлек. Осы кереметті көру үшін ауданға туристерде көптеп келіп жатады. Сондықтан,  мемлекет қолдау білдіріп жатқан кезеңде,  жастардың өсуіне көмек көрсетіп тұрғанда, қолдан келгеннің бәрін жасауға міндеттіміз. Ал, Мансап орталығының ұжымы,  бұл бағытта өте белсенді жұмыс жасап жатыр деп айта аламын.
— Ерсұлтан Жаңабайұлы, ауданның жұмыспен қамту көрсеткіштері мен атқарылып жатқан жұмыстарды баяндап бергеніңіз үшін алғысымызды білдіреміз. Түлкібастың әрбір тұрғыны алдағы уақытта да ауданның дамуына өз үлестерін қосады деген сенеміз.

 

 

 

Ақпарат, Жаңа жоба, Қоғам

Түлкібаста жаңа бизнес идеялары бар үміткерлердің өтініштері қаралды

Оставить комментарий
Түлкібас ауданында мемлекеттік қайтарымсыз грантты алуға үміткерлердің өтініштері қаралды. Кезекті комиссия отырысы Азаттық ауылы, Навои көшесі нөмері 103 үйде орналасқан «Мәдениет үйі» ғимаратында өтті. Ағымдағы жылдың қыркүйек айының 26 — 27 — 28 күндері сағат 10:00 ден 19:00 аралығында өткен іс-шараның ашықтығын қамтамасыз ету мақсатында тікелей көрсетілім ұйымдастырылып, аудандық «Мансап» орталығының әлеуметтік желісінде жарияланды.
Жалпы мемлекеттік грантқа Түлкібас ауданы бойынша  260 үміткер өтініш білдірген, әр үміткердің https://business.enbek.kz/ ақпараттық порталының жеке кабинетінде нақты уақыты туралы хабарлама жолданған.
«2021-2025 жылдарға арналған кәсіпкерлікті дамыту жөніндегі ұлттық жобасы» аясында жаңа бизнес идеяларды іске асырғысы келетін азаматтар комиссияға алдын-ала хабарландыру бойынша  тиісті құжаттарын, яғни жеке куәлік және бизнес жоспарын, мүгедектігі бар азаматтар жұмысқа жарамдылығы туралы анықтамасын да тапсырды. Сондай-ақ әр үміткер бағдарлама бойынша өз мақсаттары мен жүзеге асырғысы келетін жобаларын баяндап берді.
Айта кетейік өткен жылы Түлкібас ауданында жалпы жұмысқа қамту шараларына 4638 жұмыссыз азамат қатысып, соның ішінде «Еңбек» бағыты бойынша 3569 азамат жұмыспен (тұрақты жұмыспен 1700; уақытша жұмыспен 1869) қамтылған. Бұдан бөлек ұлттық жобалар аясында ашылған жұмыс орындарына 434 азамат, Мемлекет басшысы Қ.К.Тоқаевтың әр бір «10 мың тұрғынға 100 жаңа жұмыс орны» тапсырмасы аясында 635 тұрғын жаңа жұмыс орнына жолданған.
Ал, биылғы жылы  «2021-2025 жылдарға арналған кәсіпкерлікті дамыту жөніндегі ұлттық жобасы» аясындағы барлық бағыттары бойынша 5588 адамды кешенді жоспарға сәйкес жұмыспен қамту жоспарланған. Бұл бағыттағы міндеттемелерді жүзеге асыру үшін ауданда жүйелі жұмыстар атқарылуда. Жыл басынан бері кешенді жоспардың аясында жұмыссыздыққа тіркелгендерді еңбекпен қамту шаралары ұйымдастырылып, Мансап орталығына жүгінген азаматтарды сұранымы бойынша «Әлеуметтік жұмыс» орындарына,  «Жастар практикасына», «Алғашқы жұмыс орны» жобасына қатыстыру, одан бөлек зейнет жасына дейінгі тұрғындарды «Күміс жас» жобасына  жолдау іске асырылған. 800 ден аса адам «Ақылы қоғамдық» жұмысқа жолданса , 750 ге тарта адам тұрақты жұмыспен қамтылған. Ал 60 қа жуық тұрғын  «Жаңа жұмыс» орнына орналасыпты.
Мемлекет басшысының «10 мың тұрғынға 100 тұрақты жұмыс орындарын ашу» бойынша 7 айдың көрсеткішімен ауданда  608 азамат жұмысқа орналасса, бұған дейін  жаңа бизнес-идеяларын іске асыруға ниетті 44 азаматқа мемлекеттік қайтарымсыз грант берілген болатын.  Бұдан бөлек,  мүгедектігі бар еңбекке қабілетті адамдарға әлеуметтік қолдау көрсетіліп,  оның ішінде әлеуметтік жұмыс орнындарына,  жастар практикасына, күміс жас жобасына,  алғашқы жұмыс пен қоғамдық жұмысқа орналастырылған.
Ақпарат, Қоғам

ТӨЛЕБИЛІК ҚАРИЯЛАРҒА ҚҰРМЕТ КӨРСЕТІЛДІ

Оставить комментарий
Төлеби ауданында Қарттар күні мерекесі қарсаңында қазыналы қарияларға құрмет көрсетілді. Шараға қатысқан аудан әкімі Төлеген Телғараев сөз алып, жылы лебізін білдірді.
— Мемлекетіміздің қалыптасу жолында еселі еңбегімен танылған аға буын өкілеріне алғыс айтамыз. Сіздердің ауданымыздың әлеуметтік-экономикалық дамуына, бейбітшілікті, қоғамдағы ұлтаралық және конфессияаралық келісімді нығайтуға қосқан үлестеріңіз ерек. Өскелең ұрпақ үшін сіздер борышқа адалдықтың, Отанға деген сүйіспеншіліктің, жеңіске деген өшпес ерік-жігердің үлгісі болып келесіздер. Бүгінгі мерекелеріңіз құтты болсын,- деді аудан әкімі.    
Жиында демеушілер тарапынан ақ дастарқан жайылып, бабалар рухына құран бағышталды. Одан соң аудан ақсақалдары өскелең ұрпаққа ақыл-кеңестерін айтты. Елдегі ұлтаралық татулық пен саяси тұрақтылықтың маңыздылығына тоқталды. Кездесу соңында ауданның дамуы жолында еңбек етіп жүрген ардагерлерге аудан әкімінің Алғыс хаты табысталды. Шара аудандық Мәдениет үйінің қызметкерлері дайындаған концерттік бағдарламамен жалғасты.
Ақпарат, Ауыл шаруашылығы, Жаңа жоба, Қоғам

Н.ӘБІШОВ: Шардара ауданында құны 30 млрд теңге болатын зауыт салынуда

Оставить комментарий

Түркістан облысының әкімі Дархан Амангелдіұлының ықпал етуімен Шардара ауданында құны 30 млрд және қуаттылығы 150 тонна болатын зауыт салынуда. Бұл туралы, Түркістан облысы мәслихатының төрағасы Н.Әбішов Шардара ауданындағы Достық , Ақалтын ауылында өткен мақта мәселесі бойынша шаруалармен кездесуінде айтты.

Жиынға Шардара ауданының әкімі Қайрат Жолдыбай, құқық қорғау саласының қызметкерлері, ауыл әкімі және тиісті мекеме басшылары қатысты. Басқосуда мақта жиын-теріміне қатысты мақташылардың мәселесі айтылды.
Аудан басшысынан бастап тиісті басқарма, мекеме басшылары ауылшаруашылық саласы бойынша түсіндірме жұмыстарын өткізді. Шаруаларға мемлекеттік қолдау бағдарламалары туралы ақпарат берілді.

 

 

Мақташылардың мәселесі бойынша алдарыңызға арнайы келіп отырмыз. Қазіргі уақытта, Шардара ауданынан жүгері зауыт салынуда. Алдағы уақытта өңірде жеңіл өнеркәсіп дамып, ауыспалы егіс жүйесі қолға алынатын болады. Жұмысшы топтың мақсаты, биылғы мақта терімі бойынша өздеріңізбен жүздесіп, қандай да бір мәселелеріңіз болса тыңдауға дайынбыз,- деді облыстық мәслихат төрағасы.

 

Жалпы Достық ауылында екі мақта қабылдау пункт бар. Шаруа қожалықтарының саны — 305. Ауылда егістік жер көлемі- 5406 гектарды болса, оның ішінде 576 гектар жерге мақта егілген. Ал, Ақалтын ауылында шаруа егістік жер көлемі 7мың гектардан аса, оның 1000 гектарына ғана мақта егілген. Айта кетейік, аудан бойынша мақта қабылдау пунктеріндегі 38 таразы 19 лаборатория тексеруден толықтай өтті.

 

 

Жиынға қатысқан шаруалар облыстық штаб мүшелеріне өз ойларын айтып, мақта жөнінде сұрақтарын қойды. Мәселен, мақта қабылдау кезінде пунктеріндегі таразы мен лабораторияны жіті бақылауға алу керектігін айтты. Мақта бағасы мен жеңілдетілген несие, субсидия мәселесі де сөз болды.

 

 

 

Барлық сұрақтарға Нұралы Әлмаханұлы тиісті жауаптарын беріп, мақта жиын-терімі аяқталғанша шаруалардың мәселесін бақылауға алатынын айтты. Кездесуден кейін, облыстық мәслихат төрағасы Н.Әбішов тұрғындарды жеке мәселелері бойынша қабылдау өткізді. Ауыл халқы жылдар бойы шешімін таппаған жер, канал мәселесі туралы шағым білдірді. Барлық ұсыныс-тілектер назарға алынып, орындалуы бойынша тиісті мерзім бекітілді

Ақпарат, Білім, Қоғам

Төлеби ауданында оқушыларымен профилактикалық жұмыстар жүргізілді

Оставить комментарий
Түркістан облысы Төлеби аудандық білім бөліміне қарасты «Оңтүстік» негізгі орта мектебі КММ-сінде кәмелетке толмағандар арасында құқық бұзушылықтың, дін саласындағы тұрақтылықты қамтамасыз ету, діни экстремизм мен терроризмнің және кереғар діни ағымдардың алдын алу мақсатында «Мектептегі бала құқығы мен міндеті» тақырыбында жоғарғы сынып оқушыларымен профилактикалық жұмыстар жүргізілді.
Шара барысында, Төлеби ауданы, Тасарық ауылдық округының әкімі, аудандық полиция бөлімі ювеналдық полиция тобының инспекторлары, аудандық ішкі саясат бөлімінің » Жастар ресурстық орталығы» КММ — нің қызметкерлері мен теолог маманы және психологы қатысуымен ақпараттық түсіндіру жұмыстары жүргізіліп, кездесу соңында оқушылар тарапынан қойылған сұрақтарға жауап берді.
Ақпарат, Білім, Қоғам

Түлкібас: Жастар жұмыссыз қалмайды

Оставить комментарий
2023 жылдың наурыз айынан бастап,  “Алғашқы жұмыс орны” бағдарламасымен жұмыссыз тіркеліп тұрған Тастұмсық ауылының тұрғындары Эрметова Севара мен Алена Байназарова Түлкібас ауданындағы “Нұр бала” бөбекжайы — бала бақшасына жолданған болатын.
Қазіргі таңда, жас мамандар тиісті жұмыстарын абыроймен атқарып келеді. Олар, балабақша тәрбиешілерінің көмекшісі атанып, кішкентай балғындарды тамақтандыруға және уақытында демалуына көмектеседі.
Қос маманда, Мансап орталығының қолдауымен алғашқы жұмыс орынына орналасқандарына қуанышты. Олардың алға қойған мақсаттары да аз емес. Бастысы, ерінбей еңбек еткен адам өзінің өмір сүру сапасын жақсартып, мол тәжірбие жинауына мүмкіндік алады, дейді Севара мен Алена.
Айта кетейік,  халықтың табысын арттыруға арналған бағдарлама 2025 жылға дейін жүзеге асырылуы керек болатын, алайда биыл мемлекет үшін маңызды жоба 2029 жылға дейін ұзартылды. Яғни, үкімет мерзімін ұзартқан бағдарлама қазақстандықтардың, оның ішінде ауыл тұрғындарының әл-ауқатын, өмір сүру сапасын жақсартуға, табысын арттыруға бағытталған.

Мемлекет басшысы Қасым Жомарт Тоқаев: «Халықтың табысын арттыру бағ­дар­ламасын әзірлеу қажет. Жұмыс нақ­ты және мақсатты болуы керек. Әрбір бас­қару деңгейінде кедейлікті азай­ту­дың нақты көрсеткіштері белгіленуі тиіс. Жұмысқа мұқтаж азаматтардың нақ­ты санын анықтау қажет» – деген болатын.

Перзиденттің дәл осы тапсырмасы негізінде жүзеге асып жатқан бағдарлама 5 бағытты қам­тиды. Олар: өңірлік жұмыспен қам­ту карталары шеңберінде эконо­ми­ка­ның нақты секторында жұмыс орнын құ­ру, «Ауыл аманаты» жобасын іске асы­ру шеңберінде ауыл тұрғындарының кі­рісін арттыру, табыс деңгейін арт­ты­ру­ды қамтамасыз ету жөніндегі жүйелі шаралар және мемлекеттік қолдау ша­ралары, бюджет қаражаты есебінен жа­­­лақыны көтеру бойынша мін­дет­те­мелер, халықты мемлекеттік әлеуметтік қолдау.

Бүгінде статистикаға сүйенсек, елімізде жоғарғы оқу орындарын бітірген түлектердің шамамен 35 пайызы өз мамандығы бойынша жұмыс істе­мей­ді екен.  Ал 40 пайызға жуығы оқу бітіргеннен кейін бір жыл көлемінде екі қолға бір күрек тап­пай жүріп қалады. Осы орайда жастар ара­сын­да­ғы жұмыссыздықты жоюды көздеген бағдарламаны жүзеге асыру нәтижесінде 2029 жылға қарай 3,3 миллионнан ас­там адамды, оның ішінде 2,3 миллион жас­ты жұмыспен қамту жоспарланған. Жас­тар­ды жұмыспен қамтуға арналған  «Алғашқы жұмыс орны», «Жастар прак­тикасы», «Дипломмен ауылға» сын­ды бағдарламалар бар. Аталған бағ­дарламалар жастарды жұмысқа ор­на­лас­тырудың тетігін іске асыруды қам­ти­ды. ЖОО бітірген жас маманға бірден жұ­мыс табылуы қиын. Қолында дип­ло­мы болғанымен, тәжірибесі жоқ ма­ман­ды көп мекеме жұмысқа алғысы кел­мей­ді. Осы орайда мемлекет жастарға ты­­­­ғырықтан шығудың тиімді жолын ұсынады. Ол – «Жастар практикасы» бағдарламасы мен “Алғашқы жұмыс орны” бағдарламасы. Биыл да өз жалғасын тапқан  мемлекеттік жобаға жұмыс беру­ші­лер­дің өзі аса қызығушылық танытып келеді.

 

 

Айта кетейік, “Алғашқы жұмыс орнына“ — еңбек өтілімі болмаған, 35 жасқа дейінгі жұмыссыз жастар қатыса алады. Аталған бағдарлама бойынша жұмысқа орналасуға ниетті  Түлкібас ауданының жастары мен оқу орынын бітірген түлектер Мансап орталығына жүгіне алады.

Ақпарат, Қоғам

ТҮЛКІБАС АУДАНЫНДА БОС ЖҰМЫС ОРЫНДАРЫ ЖӘРМЕҢКЕСІ ӨТТІ

Оставить комментарий
Аудандық мәдениет үйінде «Еңбек күні» мерекесі қарсаңында аудандық Мансап орталығының ұйымдастыруымен бос жұмыс орындары жәрмеңкесі өтті. Жәрмеңкеге 46 жұмыс беруші мекемеден 140 бос жұмыс орыны ұсынылды. Бос жұмыс орындарының ішінде білім саласы мен аудан аумағында орналасқан кәсіпорындарға қатысты сұраныс көп болды. Атап айтқанда, қазақ тілі және әдебиеті, ағылшын тілі, математика және химия пәндерінің мұғалімдеріне бос жұмыс орындары бар.
 
200-ге жуық азамат жәрмеңкеге келіп, әр түрлі сала бойынша жұмысқа орналасуға ниет білдірді. Жұмыс беруші мекемелердің басшылары мен өкілдері келген тұрғындарға жұмысқа орналасудың шарттарын түсіндіріп, Мансап орталығының қызметкерлері жәрмеңкеге қатысушы азаматтарға мемлекеттен қарастырылған қолдау түрлері туралы ақпарат берді.
Айта кетейік, Түлкібас ауданында Мемлекет басшысының «10 мың тұрғынға 100 тұрақты жұмыс орындарын ашу» бойынша тапсырмасы да жүйелі түрде іске асып келеді. Биыл, бұл бағытта 7 айдың көрсеткішімен ауданда 600 ден аса азамат жұмысқа орналасқан болатын. Сонымен қатар, «Еңбек күні» мерекесі қарсаңында өткізілген жәрмеңкеде «2021-2025 жылдарға арналған кәсіпкерлікті дамыту жөніндегі ұлттық жоба» аясында субсидияланатын уақытша жұмыс орындары және мемлекеттік бағдарламалардың тиімділігі туралы да айтылды. Жұмыс іздеп жүрген азаматтарға «Электрондық еңбек биржасы» ақпараттық порталы (enbek.kz) арқылы бос жұмыс орындарын іздеу мүмкіндіктері туралы түсіндірме жұмыстары жүргізіліп, «2021-2025 жылдарға арналған кәсіпкерлікті дамыту жөніндегі ұлттық жоба» аясында ұйымдастырылатын жұмыс орындарына қатысу тәртібі түсіндіріліп, бағдарламаға қатысуға шақырылды.
Жалпы, Түлкібас ауданында «2021-2025 жылдарға арналған кәсіпкерлікті дамыту жөніндегі ұлттық жобасы» аясындағы барлық бағыттар бойынша 5588 адамды кешенді жоспарға сәйкес жұмыспен қамту жоспарланған. Бүгінде Ұлттық жоба шеңберіндегі  жұмыстар өз деңгейінде орындалып келеді. Бұл бағытта 3 мыңға жуық азамат жұмыспен қамтылғандар қатарына қосылған. Оның ішінде «Әлеуметтік жұмыс» орындарына, «Жастар практикасына», «Алғашқы жұмыс орны» жобасы мен «Күміс жас» жобасына,  «Ақылы қоғамдық» жұмысқа жолданған тұрғындар өз қызметтерін аброймен атқарып жүр. Ал, тұрақты жұмысқа  750 ге тарта азамат жолданып, еңбек етуде. Ауданда жаңа бизнес-идеяларды іске асыруға арналған мемлекеттік қайтарымсыз грантты алып, өз кәсібін бастаған тұрғындар да аз емес. Ол азаматтар өзінің табысын арттырумен қатар, аудандағы бірқатар тұрғындары да жұмыспен қамтуда. Олардың қатарында наубайхана, тігін шеберханасы, медициналық мекеме, әсемдік орталықтары мен шаштараз ашып, бизнесін өркендетіп отырған кәсіпкерлер де бар. Сондай-ақ ауыл шаруашылығы бағытында бірқатар азаматтар таңқурай, құлпынай, қияр өсіріп өнімдерін еселесе, ал мал шаруашлығында ірі қара және жылқы басын көбейтіп жүрген шаруа иелері де кездеседі.
Бұдан бөлек, Түлкібас ауданында мүгедектігі бар еңбекке қабілетті 300 ге жуық  адамға әлеуметтік қолдау көрсетілуде. Оның ішінде  8 азамат әлеуметтік жұмыс орнына, 2 азамат жастар практикасына, 2 азамат күміс жас жобасына, 1 азамат алғашқы жұмыс орнына, 45 азамат ақылы қоғамдық жұмысқа, 190 азамат «Бастау Бизнес» кәсіпкерлік негіздерін оқыту курсына, 15 тен аса азамат жаңа бизнес-идеяларды іске асыруға арналған мемлекеттік қайтарымсыз грант алған және 20 азамат деректер қорындағы бос жұмыс орнына жолданыпты.
Ақпарат, Қоғам

Төлеби аудандық Ақсақалдар кеңесінің көшпелі отырысы өтті

Оставить комментарий
Ағымдағы жылдың қыркүйек айының 13-і күні Қазақстан халқы Ассамблеясы жанындағы Төлеби аудандық Ақсақалдар кеңесінің ІІІ тоқсандағы көшпелі отырысы өтті.
Аталған кеңес отырысына Қазақстан халқы Ассамблеясы жанындағы Төлеби аудандық Ақсақалдар кеңесінің төрағасы С.Бекмұрзаев және кеңес мүшелері, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиал басшысы Е.Айтжанов, Аудандық қоғамдық кеңестің төрағасы Б.Оралбеков, Тасарық ауылдық округі әкімі Б.Алтынбеков, аудандық ішкі саясат бөлімінің маманы Б.Смайлхан, Төлеби аудандық білім бөлімінің бас маманы Б.Жакипов, Төлеби аудандық кәсіпкерлерлік және ауыл шаруашылық бөлімінің бас маманы А.Жарынбетова, аудандық этномәдени бірлестіктерінің төрағалары мен мүшелері және аудан тұрғындары қатысты.
Күн тәртібінде «Тасарық ауылдық округі тұрғындарының әлеуметтік-экономикалық жағдайымен танысу» және «Кәсіпкерлерге мемлекет тарапынан көрсетілетін қолдау» тақырыптары қаралды.
Тасарық ауылдық округі әкімі Б.Алтынбеков 2023 жылы округ бойынша атқарылып жатқан жұмыстарға қысқаша тоқталды. Нақты айтар болсақ, ауыл шаруашылық, денсаулық, білім және спорт, кәсіпкерлік және әлеуметтік салалары бойынша, сонымен қатар ауыз су және ағын су, газ, электр жарығы бойынша атқарылып жатқан жұмыстары жөнінде және алдағы уақытта жоспарланып, атқарылатын жұмыстары жөнінде айтып өтті.
Төлеби аудандық кәсіпкерлерлік және ауыл шаруашылық бөлімінің бас маманы А.Жарынбетова, кәсіпкерлерге мемлекет тарапынан көрсетілетін көмек түрлерін және ауданда ауыл шаруашылық саласында атқарылып жатқан жұмыстарының барысы туралы айтып өтті.
Жиын соңында Тасарық ауылдық округіне қарасты кәсібінен өз нәсібін тауып жүрген бірнеше кәсіпкерлермен кездесті.
Шонов Қалмахан 2018 жылдан бері үй іргелік жерге тамшылатып суғару әдісімен құлпынай егеді. Жидекті өсімдіктердің қатарына жататын құлпынайда адамға қажетті витаминдер, микроэлементтер, минералды тұздар, органикалық қышқылдар және басқа да пайдалы заттар бар, сондықтан оларды алдын алу-емдеу өнімдеріне жатқызады. Жидектер-консерві өнеркәсібі үшін құнды шикізат.
Лебиев Салман 2019 жылдан бері бал арасын асыраумен айналысады. Бал – көп ауруға шипа. Сол сияқты араның шаққаны – ревматизм сияқты ауруларға таптырмайтын ем. Ол гүлдерді тозаңдандырады, ондағы шаң-тозаңды тазалап кетеді, сондықтан да араны «қанатты агротехник» дейді мамандар.
Ақпарат, Қоғам

ТӨЛЕБИ: ДІНИ ТҰРАҚТЫЛЫҚТЫ ҚАМТАМАСЫЗ ЕТУ МАҢЫЗДЫ

Оставить комментарий
Төлеби ауданында діни тұрақтылықты қамтамасыз ету мақсатында ақпараттық-түсіндіру жұмыстары жүргізілуде. Осындай маңызды жиынның бірі Төлеби аудандық ішкі саясат бөлімінің мемлекеттік әлеуметтік тапсырысы аясында «Бала Бүргем» қоғамдық бірлестігінің ұйымдастыруымен өтті.
 
Аудан аумағында діни тұрақтылықты қамтамасыз ету және кереағар діни ағымдардың алдын алу мақсатында Тасарық ауылдық округі Т.Тоғысбаев, Оңтүстік ЖОМ-нің жоғарғы сынып оқушылары арасында арнайы дінтанушы теолог маманның қатысуымен ақпараттық-түсіндіру жұмыстары жүргізіліп, кездесу соңында қойылған сұрақтарға жауап берілді.