“Түркістан облысы Сайрам ауданы аумағында эпидемиологиялық жағдайға талдау жүргізу қажет. Аудан аумағында көптеген бойнялар бар. Ол жерлерде күнделікті мыңдаған бас мал сойылып жатыр. Ал олардан шыққан қалдықтарды өңдеу, залалсыздандыру орындары жоқ. Қалдықтарды (тері,бас-сирақ,қан,ішкі органдар) рұқсат етілмеген жерлерге тастап жатыр. Ондай орындар күн сайын көбейіп жатыр.Мыңдаған тонна қан жер асты суларына қосылуда, басқа қалдықтар ашық далада сасып жатыр”- дейді табиғат жанашырлары. Видео әлеуметтік желіден алынды
`AMANAT` партиясы Ордабасы аудандық филиалында облыстық мәслихат депутатының қатысумен қоғамдық қабылдау өтті. «Өңірдегі өзекті мәселелер — шешілуімен құнды», – деген депутат Дулат Әбіш жергілікті азаматтардың мәселесін тыңдады.
Мәселен қабылдауға келген тұрғын Бибарыс Рыскұлбек, Бөген ауылындағы шаруа қожалықтарының егістік науқанында тиісті деңгейде ағын сумен қамтамасыз етілу мәселесін көтерді.
Ал, Садуардин Исақ ақсақал — Аққойлы, Жусансай, Сарытоғай ауылдарында 2019 жылы құрылысы басталып, сол жылы бітуі тиіс ФАП құрылысының мәселесін айтты. Төрт жылдан бері жырға айналған проблема облыстық қоғамдық денсаулық сақтау басқармасына айтылған.
— «Оңтүстік қыш» ЖШС-нің қызметкері Айбек Бекбаев кәсіпорынға электр қуатын алу бойынша заңды көмек сұрады. Халыфқ қалаулысы аталған мәселе бойынша жергілікті билік пен «ОңтүстікЖарықТранзит» ЖШС-нен сұрап, тиісті шара көретінін айтты.
-Темірлан ауылының тұрғыны, білім ұясының алғашқы әскери дайындық пәнінің мұғалімі өскелең ұрпаққа патриоттық тәрбие беру бойынша ауқымды шаралар ұйымдастыруды сұрады.
-Ерғали Әліпбайұлы Аққойлы ауылындағы тозығы жеткен электр бағаналарын жаңарту бойынша тұрғындар атынан өтініш білдірді.
Қабылдауға келген өзге де азаматтар түрлі әлеуметтік мәселені алға тартты. Ол жағдайды депутат қабылдау барысында нақтылап, инфрақұрылым мен медицина саласы бойынша жауапты мамандарға жолдады.
“AMANAT” саяси партияға арыз-шағыммен келген сегіз азаматтың мәселесі — әлеуметтік көмек, денсаулық, білім саласы, инфрақұрылым, өскелең ұрпаққа патриоттық тәрбие беру жайында болды. Облыстық мәслихаттың депутаты Дулат Әбіш айтылған проблемаларды назарға алып, кейбірі бойынша жауапты орындарға хабарласып анықтады. Нәтижесінде қабылдау барысында бірқатар азаматтардың мәселесі оң шешімін тапты.
Сонымен қатар, депутат кездесуде көтерілген мәселелерді толық зерттеп, депутаттық сауал жолдайтынын да жеткізді.
ҚР Энергетика министрі А.Сатқалиевтің «Бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаларды белгілеу туралы» бұйрығына сәйкес, бүгіннен бастап еліміздегі барлық жанармай құю бекеттерінде сұйық отын бағасы өсті.
Мәселен, Аи-80 маркалы бензин 1 литр үшін – 89 теңге, Аи-92 және Аи-93 маркалы бензин 1 литр үшін – 205 теңге, дизель отыны (жазғы, маусымаралық) – 1 литр үшін 450 теңге.
Айта кетерлігі, дизель отыны қазақстандықтар жеңілдетілген бағамен сатылады. Отандастарымыз жүргізуші куәлігін көрсеткен кезде 1 тәулігіне 100 литрге дейінгі көлемде 1 литр үшін –295 теңгеге сатып ала алады. Ал жүк, арнайы, мамандандырылған автомобильдер мен автобустарға Қазақстан Республикасында берілген жүргізуші куәлігін және көлік құралын тіркеу туралы куәлікті көрсеткен кезде 1 тәулігіне 300 литрге дейін көлемде литріне – 295 теңгеге алады.
«AMANAT» партиясы Түркістан облыстық филиалында партия бағдарламасында көрсетілген «Ауыл аманаты» жобасының жүзеге асырылу барысы туралы отырысы өтті. Аталмыш жиынға «AMANAT» партиясы Түркістан облыстық филиалының төрағасы Алтынсары Дүйсенбекұлы төрағалық етіп жүргізді. Басқосуға басқарма басшылары мен «Ауыл аманаты» партиялық жобасын жүзеге асыру бойынша мониторингтік топтың мүшелері қатысты. Жобада халықты тұрақты жұмыспен қамтамасыз ету, ауыл әлеуетін тиімді пайдалану арқылы ауыл экономикасын және халықтың өмір сүру деңгейін көтеруге үлкен мүмкіндіктер беретіні айтылған.
Жиында алғаш болып Түркістан облыстық ауыл шаруашылығы басқармасының басшысы Тұрғанбек Оспанов баяндама жасады.
– Бағдарламаны жүзеге асыруға ағымдағы жылы Республикалық бюджеттен бағдарламаға жыл басында 11,0 млрд. теңге, қосымша 8,7 млрд. теңге қаржы бөлінді. Жалпы бөлінген 19 772 410 мың теңге қаржыға 4 000 бірлікке жуық жобаға қолдау көрсетіледі. Жобаны іске асыруда бірінші кезекте жеке қосалқы шаруашылықтарды кооперативтер негізінде дамытуға басымдылық берілуде – деді өз баяндамасында Т.Оспанов.
Сонымен қатар, «Ырыс» МҚҰ басқарма төрағасы Мыңбаев Мұхит Мамытұлы жобаның жүзеге асырылу барысына кеңінен тоқталды. Айтуынша, Түркістан облысы халқының саны 2 млн. 115 мың адамды құраса, олардың 75,5 пайызы немесе 1 млн 596 мың адам ауылда тұрады. Олардың ішінде:
– атаулы әлеуметтік көмек алушылар (аз қамтылғандары) 181,3 мың адам;
– аз қамтылған отбасылар саны 30,9 мың отбасы;
– жұмыспен қамтуды қажет ететін адам саны 93,5 мың адамды құрап отыр.
Осы орайда, ауылды жердегі халықты жұмыспен қамтамасыз етіп, ауыл тұрғындарының әл-ауқатын көтерудің бір жолы – ол қосалқы шаруашылыққа қолдау көрсетіп, дамыту екендігін айтты.
Жиынға қатысушылар «Ауыл-Аманаты» жобасы халықты тұрақты жұмыспен қамтамасыз ету, ауыл әлеуетін тиімді пайдалану арқылы ауыл экономикасын және халықтың өмір сүру деңгейін көтеруге үлкен мүмкіндіктер беретін жоба екендігін алға тартты. Біршамасы жобаның іске асырылуы кезінде тап болатын проблемаларды да назарға алды. «Ауыл аманаты» партиялық жобасын жүзеге асыру бойынша мониторингтік топтың мүшесі Жандос Әзімбай аталған бағдарламалық жобаның халыққа қолжетімділігі дұрыс болуына бақылау қажет деді. Яғни, төмен пайызбен несие аламын деген азаматтарға мүмкіндік толық жасалу қажеттігін жеткізді. Жиында орта жолдан қосылып халықты алдау мен арбауға салынатын құйтырқы әрекеттерден сақ болу керектігі де айтылды.
Жиынның қорытындысы бойынша «Ауыл аманаты» партиялық жобасының орындалуына талдау жасау үшін ағымдағы жылдың мамыр айында облыстық партия филиалына қайта жиналуға шешім қабылдады
Бұған дейін қазақ тілінде сөйлей алмай ұятқа қалған энергетика министрі алты айда тілді меңгеруге уәде берді,-деп хабарлайды Stan.kz ақпарат агенттігіне сілтеме жасап ТАQ.KZ тілшісі
Үкімет отырысынан кейін журналистердің сұрағына жауап берген энергетика министрі Алмасадам Сатқалиев қазақ тілін меңгеру үшін алты ай уақыт беруді сұрады
“Ана тілімді білемін, бірақ тілді білу деңгейімді көтеру керек. Маған жарты жыл беріңіз, мен қазақша барлық сұраққа жауап беремін. Жарты жыл уақыт берші. Сапалы болғанша, мен орысша жауап беремін”, – деп мәлімдеді.
Еске салайық, бұған дейін Алмасадам Сатқалиев депутаттардың сауалына қазақ тілінде жауап бере алмай, сынға ұшыраған болатын. Қазақша сөйлеуге келгенде іркіліп, әбден қысылған министрге депутат Бақытжан Базарбек мемлекеттік тілде сөйлеуі керектігі жөнінде ескертпе айтқан.
2023 жылдың 3 айында есірткінің заңсыз айналымына қатысты 158 дерек тіркелген. Бұл 2022 жылмен салыстырғанда 42 дерекке өскен, – деп хабарлайды ТАQ.KZ тілшісі.
Бұл туралы өңір көлемінде нашақорлыққа және есірткі бизнесіне қарсы іс-қимылға бағытталған қызметін үйлестіру жөніндегі ведомствоаралық штабының кезекті отырысында айтылды. Есірткі қылмысына қарсы іс-қимыл басқармасының бастығы А.Әмірбековтің айтуынша Түркістан облысында есірткі контрабандасы 7-ден 58 фактіге артқан. Заңсыз айналым барысында 105 кг 647 гр есірткі тәркіленіпті. Ал, 2022-2023 жылдарына арналған бірлескен профилактикалық іс-шаралар жоспарына сәйкес, мектеп оқушылары мен студент жастар арасында 22 мыңнан астам қатысқан 44 нашақорлыққа және есірткіге қарсы шара өтізілген.
Айта кетейік, аталған штабқа Түркістан облысы әкімінің орынбасары Бейсен Тәжібаев төрағалық етеді.
Түркістан облысы Төлеби ауданынан сайланған депутат халыққа берген уәдесін орындады. Ол ауданға қарасты Үңгіртас көшесіне өз қаражаты есебінен арнайы техника жалдап, жолдарды тегістеп, жөндеу жұмыстарын жүргізіп жатыр. Халық қалаулысы Ерболат Жабаев бұған дейін тұрғындармен кездесуде айтылған ұсыныс-тілектерін назарға алып, нақты іске кіріскен.
Мемлекет басшысы Қасым-Жомарт Тоқаев VIII шакырылымдағы Қазақстан Республикасы Парлам енті Мәжілісінің бірінші сессиясында сөйлеген сөзінде сайлау алдындағы уәделер мен бағдарламаларды орындаудың маңыздылығына тоқталған болатын. Сайлау алдындағы бағдарламалар және уәделер ретімен орындалу керек. Сонда азаматтардың билікке және шынайы өзгеріске деген сенімі артады, – деді Президент.
Қасым-Жомарт Кемелұлының идеясын қолдау, сайлау алды бағдарламада көрсеткен уәделерін орындау мақсатында Төлеби аудандық мәслихат депутаты Ерболат Жабаев аудандағы жол мәселесін ретке келтіруде.
Бүгінде ауыл тұрғындары көптен көрген жол азабынан құтылып, сертіне берік депутатқа алғыстарын жеткізді.
Бұл туралы табиғат жанашыры Ғани Назарбек өзінің фейсбук әлеуметтік желісінде жариялады. Оның айтуынша, аталған видео материалдарды Рабиға Сәрсембиева деген азаматша жолдаған.
“Түркістан Облысының Полиция Департаменті Шымкент-Түркістан тас жолы бойы Темірлан ауылы маңында ҚР Қызыл Кітабына енген Грейг қызғалдақтарын жұлу орын алуда. Бұл жағдай қазіргі кезде облыс аумағында жаппай орын алып жатқан болуы мүмкін. Құрметті Мұрат Кабденов мырза табиғи байлығымызды сақтап қалу үшін қызғалдақтардың тығыз шоғырланған аумақтарда арнайы түсіндірме жұмыстарын жүргізсек.” – деп жазба қалдырды Ғани Назарбек.
Түркістан облысы Полиция департаментінің нұсқауына сәйкес 27-29 наурыз аралығында Кентау қалалық полиция бөлімінің қызметкерлері “Түнгі қаладағы балалар” жедел-профилактикалық іс-шарасын өткізуде.
Негізгі мақсат – кәмелетке толмағандар арасындағы құқық бұзушылықтардың алдын алу және жолын кесу, кешкі және түнгі уақытта ойын-сауық орындарында және үйден тыс жерлерде болған жасөспірімдерді анықтау.
Қазіргі уақытта Кентау қаласының аумағында полицейлер рейдтік іс-шараларды ойын-сауық орындары, саябақтарда жүргізіп, басқа да жастар көп жиналатын орындарға назар аударуда.
Өз кезегінде тәртіп сақшылары кәмелетке толмаған балалардың түнгі уақытта үйден тыс жерде болуына жол бермеуге және балаларды қараусыз қалдырмауға шақырады.
Түркістандағы «Оқушылар сарайы» – ЮНЕСКО клубы ІІІ Республикалық «JAS TALANT» онлайн байқауын өткізеді. Режиссерлік және актерлік қабілеттері бар дарынды жастарды анықтауға арналған бұл байқау мектеп бітіруші оқушылар мен колледж бітіруші студенттердің шығармашылық қабілеттерін арттыруға, өскелең ұрпақты көркем шығармашылық жанрға баулуға және еліміздегі жасөспірімдер туризмін дамытуға бағытталған.
Бұл байқау Қожа Ахмет Ясауи атындағы Халықаралық қазақ-түрік университеті, Халықаралық туризм және меймандостық университеті, М.Ауезов атындағы Оңтүстік Қазақстан университеттерімен өзара ынтымақтастық меморандум аясында өткізіледі.
Конкурс жеңімпаздарын анықтау «Өнерлі жас», «Бармақтар», «Өлкетану», «Хареография», «Жас дарын», «Мәдени-тынығу жұмысы», «Бейнелеу өнері», «Сән, интерьер дизайны және өнеркәсіптік дизайн» номинациялары бойынша жүзеге асырылады. Әр номинация бойынша үш жүлделі орын болады. Сайыс жеңімпаздары аталған ЖОО-лардың грантына ие болады.
Байқауға Республика көлеміндегі ережеге сай келетін кез-келген өнерпаз қатыса алады. Олар орта мектептер мен мектеп-лицейлердің 11 сынып оқитын оқушылары немесе бітіруші колледж студенттері болуы қажет. Конкурс қатысушыларының қолөнер туындылары мен бұйымдары «Оқушылар сарайы» ғимаратына табысталады. Байқау материалдары сұраныс кестесімен бірге 2023 жылдың 10 мамырына дейін jastalant2022@gmail.com электрондық почтасына жолдануы қажет.
Мекен-жайы: Түркістан қаласы, 162 квартал, 387 телім. Қосымша ақпарат алу үшін +7 747 937 17 54 (Дощан Асел Бауыржанқызы) нөміріне хабарласуға болады.
