Қиындықты тек қиындық көрген түсінеді. Иә, бүгінде тағдыр тауқыметін тартып, әйтсе де, әрбір атқан таңына шүкіршілік етіп өмір сүріп жатқан отбасылар көп. Әр ата-ана баласы ауру болып туады деп күтпейді, әр мүмкіндігі шектеулігі бар бала өзінің жарық дүние есігін кемтар болып ашуын қалаған емес, мүмкіндігі шектеулі болып дүниеге келгені үшін кінәлі емес. Олар да ел қатарлы өмір сүріп, білімнен нәр алып, дені сау азамат болуды қалады. Бірақ әр сәбидің маңдайына жазылған өз тағдыры бар. Олар біздің аяушылығымызға тіптен зәру емес. Баланың аты – бала. Тағдыры қиын болғанымен, балалық бақыттың дәмін сезініп өсуге, ел қатарлы, тең дәрежеде білім алып, ешкімнен кем болмай өмір сүруіне әр бала лайықты.

Осы ретте, ерекше қажеттілігі бар балалардың жағдайын тереңінен түсінген партиямыздың белсендісі, Қазығұрт аудандық қоғамдық кеңес мүшесі Биржан Махсутов қоғамдық қабылдау бөлмесіне, халық қалаулысы Қырықбаев Темір Базарбайұлына балаларға көңілдерін көтеруге Шымкент қаласына ойын-сауық орталығына алып баруға демеушілік көрсетуді сұранды.

Нәтижесінде: ҚР Парламенті Мәжілісінің депутаты Темір Базарбайұлының демеушілгімен, мүмкіндігі шектеулі ерекше жандардың көңілін көтеру мақсатында Шымкент қаласына 35 отбасының балаларын сергіту мақсатында демалыс ұйымдастырылды.

Айта кетейк, мүмкіндігі  шектеулі баланың  ата-анасы  мен  мектеп  мұғалімдері  өзара  келісіп, баланы  түрлі жарыстарға, хайуанаттар  саябағына, саябақтарға т.б. апарып, адамдармен қарым-қатынасын  арттыру  баланың  өзіне  деген  сенімін, елдің  ерекше балаларға деген  көзқарасын  тұрақтандыру  психологиясын  қалыптастырады.

Туған жер табиғатына ұқыпты қарауды насихаттау, экологиялық мәдениетті дамыту және құқықбұзушылықтың алдын-алу мақсатын көздеген жыл сайын дәстүрлі түрде «Парктер шеруі» экологиялық акциясы өткізіліп тұрады. Аталған акция барысында Сырдария-Түркістан мемлекеттік өңірлік табиғи паркі аумағында су айдындарын тазалау, тораңғы ағашын, қызғалдақ гүлін, жабайы аңдарды қорғау секілді шаралар өткізіледі. Екі айға созылатын экологиялық акцияның ашылуы Сауран ауданы, Құсшы ата елді мекені «Балауса» балалар сауықтыру лагерінде өтті. Өскелен ұрпаққа экологиялық тәрбие беру мақсатында мектеп оқушыларының сайысы форматында өткізілген додаға саурандық және кентаулық жас экологтар қатысты.

Балалар өз топтарын таныстырып, қоршаған ортаны қорғауға насихаттайтын сахналық көріністермен қазылар алқасының көңілінен шықса, табиғат туралы нақыл сөздер, мақал-мәтелдер айтумен жарысып, күмбірлеген күйлер ойнады. Жарыс барысында жеткіншектер өздері жасаған қолөнер бұйымдарымен көпшілікті таныстырды. Салтанатты іс-шара қатысушыларына табиғи парк әкімшілігі сияпаттар мен алғыс хаттар табыстады. Экоакцияның ашылуына орай Құсшы ата елді мекеніндегі екі мектептің аумағына орманшылар ағаш отырғызып берді.

Құрылғанына 10 жыл толып отырған табиғат қорғау мекемесі елімізне бұқар бұғыларының питомнигімен әйгілі. Парк аумағын басып жатқан торанғы орманы елімізде Сырдария мен Іле өзендері жағалауында ғана кездеседі. Ал Бәйдібек ауданында орналасқан Тұттыбұлақ сарқырамасы соңғы үш жылда парктің ең танымал демалыс орнына айналған. Бұл акция аясында табиғи парк қызметкерлері экологиялық полиция өкілдерімен қызғалдақты жұлудың алын-алу рейдтеріне шықпақ. Қазіргі таңда лалагүлдерді сақтап қалу басты міндеттердің бірі дейді Сырдария-Түркістан МӨТП бас директорының орынбасары Мұрат Айтимбетов.

«Ғалымдардың айтуынша Қазақстан қызғалдақтардың отаны болып табылады. Бұл керемет гүлдер Ұлы Жібек жолы арқылы Түркияға, сосын Голландияға жеткен. Ғылымдар гүл атауын парсы toliban (шығыс халқының бас киімі) сөзінен шыққан деп пайымдайды. Қазіргі таңда Қазақстан аумағында қызғалдақтың 34-тен астам түрі өссе, оның 18 түрі Қазақстанның Қызыл Кітабына енген. Бұлардың ішінен Грейг, Борщов, Берікқара (Кауфман), Түркістан, Леман, Бузе, т.с.с. танымал. Эндемиктер қатарына Колпаковский, Зинаида, Борщов, Островский, Регель, жалған қосгүлді, Альберт, Кеш қызғалдақ болып есептеледі» – деп түсіндірді М.Айтимбетов.

Естеріңізге сала кетейік, Қазақстан Республикасының Қылмыстық кодексінің 339 бабында Қызыл кітапқа, сирек, құрып бара жатқан өсімдік жануарларды жою үш мың АЕК (10 350 000 теңге) айыппұл немесе қоғамдық, түзету жұмыстарына тарту, тіпті бостандықтан айыруға әкеледі.

Жапанова Жанар: «Сатып жібердік, үйді босатыңыз, деп шығарып жіберетін»
Қасиетті Рамазан айында Түркістандық бір отбасы баспаналы болды. Күні кеше Оразаның соңғы күні 3 баласы мен 4 немересін бағып отырған жалғыз басты Жанар Жапановаға жаңа үйдің кілті табыс етілді. Мұндай қуанышты әрі сауапты іске Түркістан қаласының Шауғар секторының тұрғындары ұйытқы болды. Қалада ескіден «РМЗ» деп аталып кеткен мөлтек ауданның азаматтары мен бір топ жастары оразада игі іс жасауды жоспарлап, жағдайы төмен отбасы қатарынан сол аумақта тұратын Жанар есімді жерлестеріне ауыл азаматтарының дауысқа салуымен, жер үй салып беруге бел буған.

– Мұндай жағдайды теледидардан ғана көретінмін. Шын мәнінде қамқор ауыл азаматтарының арқасында мүлдем армандамаған баспананың иесі атанамын деп ешуақытта ойыма келмепті. Жолдасым 2 жыл бұрын бақиылық болды. Өзім тойханада еден жуамын. Сол жерден қалған азын-аулақ тамақтар болса уйге бала-шағама әкеліп күн көріп отырмыз ,- деп көзіне жас алды.
Алдымен 10 соттық жер сатып алып, оны екіге бөліп жалпы 12 млн 500 мың теңге қаржы жинаған. Бөлінген 5 соттық жерге жаңа баспана көтеріп, ыдыс-аяқ, үйге қажетті құрал-жабдықтармен толық қамтамасыз еткен.

– Қасиетті айда маған көмек берген жерлестеріме шексіз ризамын. Үй жаңа. Сапалы, өте әдемі! Қажетті заттардың барлығы бар екен. Алладан қайтсын! Жерлесіміз, жақында депутат болып сайланған Самат Рысбековке және Дүкенбай Бақытжан, Ақиқат, Нұрбек, Қазыбек есімді азаматтарға, осы РМЗ тұратын жастардың барлығына рахмет айтамын. Сіздердей азаматтарымыздың арқасында мен сияқты мұқтаж отбасылардың барлығы баспаналы болсын, деп тілеймін деді Жанар.
Айта кетейік, ауызбіршілікі мығым ауылдың азаматтары, қалған 5 соттық жерге баспанаға мұқтаж, жағдайы төмен отбасыға екінші үй салып беруді қолға алуда.

«AMANAT» партиясы Түркістан облыстық мәслихатындағы фракция мәжілісінің отырысы өтті. Партия фракциясының мәжілісін облыстық партия филиалының төрағасы, фракция жетекшісі Үмбеталиев Алтынсары Дүйсенбекұлы ашып, жүргізді. Жиынға облыстық мәслихаттың төрағасы Нұралы Әбіш пен облыстық мәслихатының депутаттары, облыстық прокуратураның өкілі және аудан әкімдері мен бірқатар басқарма басшылары қатысты.

Күн тәртібінде негізгі 4 мәселе: Сарыағаш ауданы, Жібек жолы елді мекенінде орналасқан автоматтандырылған газ тарату станциясын (АГРС) іске қосу мәселесі, 2023 жылға каналдардың, егістіктерді ағын сумен қамтамасыз ету. Сонымен қатар, 2023 жылға мемлекеттен жеңілдікпен бөлінген жанар-жағармай және минералды тыңайтқыштармен шаруа қожалықтарын қамтамасыз ету және Түркістан облыстық мәслихатындағы «AMANAT» партиясы депутаттық фракциясының 2023 жылға арналған жұмыс жоспарын бекіту туралы мәселелер қаралды.

«Жібек жолы» Автоматтандырылған Газ Тарату Станциясын (АГРС) іске қосу жұмыстары 2012 жылдан бері шешімін таппай келе жатқан үлкен проблемалардың бірі. Сондықтан да, халық қалаулылары бұл мәселені облыстық «AMANAT» партиясы фракциясында қарауды жоспарлаған болатын. АГТС құрылысы Сарыағаш ауданы Жібек Жолы ауылының тұрғындарының тұрмыс жағдайы мен тұрмысын жақсартуға бағытталған. Жоба бойынша өткізу каблеттілігі 20,0 мың.м³/сағ болатын АГТС және де жеткізуші газ құбыры құрылысы жүргізілуі қажет. Жиында нысанның газ беруге дайын болмауы себебінен бір қатар елді мекендер толықтай газбен қамтамасыз етілмей отырғандығы сөз болды. Депутаттар бұл мәселені талқыға салып халықтың тиімді әрі қолжетімді бағамен пайдалануына тоқталды. Күн тәртібіндегі мәселелер бойынша облыстық энергетика және тұрғын-үй коммуналдық шаруашылығы басқармасының басшысы Далиев Сакен Шалабайұлының, «Қазтрансгаз» ААҚ Түркістан өндірістік филиалының директоры Түймебаев Нұржан Бақытжанұлының, «Интергаз Орталық Азия» АҚ Түркістан облыстық филиалы директоры Исмайлов Сакен Сұлтанұлының есептері тыңдалды. Облыстық партия филиалының төрағасы, фракция жетекшісі Үмбеталиев Алтынсары Дүйсенбекұлы тарапынан бұл мәселе бойынша нақты тапсырмалар беріліп, орындауға жауапты мекемелерге мерзімдері белгіленіп,қаулы қабылданды.

Күн тәртібіндегі мәселенің бірі 2023 жылға каналдардың, егістіктерді ағын сумен қамтамасыз ету мәселесі бойынша “Казсушар” РМК Түркістан облысы бойынша мекеме басшысы Қазбек Бедебаевтың есебі де тыңдалды. Мекеме басшысының баяндамасын тыңдаған отырысқа қатысушылар көкейдегі өз сауалдарын қойды. Олар қаржының дұрыс игерілуі мен жұмыстың жүйелендіру мәселесін алға тартты. Облыстық мәслихаттың депутаттары Жетісай ауданындағы К-28,К-30, Достық магистральдік каналдардағы құрылыс жұмыстарына байланысты нақты шешім қабылдауды тапсырды. Сонымен қатар, Сарыағаш ауданындағы Зах, Ханым, Үлкен Келес, Қазығұрт ауданындағы Үлкен Келес каналдары мен гидранттардың мәселелері, Мақтаарал ауданындағы К-19 каналдың жағдайы қызу талқыланды. Бедебаев Қазбек депутаттарға айтылған проблемалар бойынша жұмыстың жасалатындығын жеткізді. Күн тәртібіндегі негізгі тақырыптар бойынша ортаға өз ойларын салған халық қалаулылары мәселенің заң аясында шешілуін талап етіп, Парламент Мәжілісіне ұсыныс ретінде жолдау қажеттілігін де айтып өтті. Бүгінгі фракция отырысында қаралған барлық мәселелер фракция мүшелері тарапынан бақылауға алынып, фракцияның жергілікті жерлердегі көшпелі жиынында қаралатын болып шешілді.

«AMANAT» партиясы Түркістан облыстық филиалының баспасөз қызмет

Сайрам аудандық Дендросаябақта Ұлы Отан соғысында ерен Ерліктің үлгісін көрсетіп, кеудесін оққа тосып қаза тапқан Претов Ергаш атамыздың топырағы елге жеткізіліп, ауданымыздағы туыстарына табыстау іс-шарасы өтті. Бұл айтулы іс-шараға «AMANAT» партиясы Түркістан облыстық филиалының төрағасы Алтынсары Үмбеталиев, облыстық Қорғаныс істері жөніндегі департаментінің бастығы, полковник Нұрмахан Дюсебаев, Сайрам ауданы әкімінің орынбасары Мадияр Оразалиев, «AMANAT» партиясы Сайрам аудандық филиалының төрағасы Алмас Әбдіқадыров арнайы қатысты. Претов Ергаш Түркістан облысы, Сайрам ауданы, Қарамұрт елді-мекенінің тумасы. Ардагердің немересі Абдуғани Претов атасының жерленген жерін көп іздеген. Нәтижесінде Ресей Федерациясы, Новгородский облысы, Парфинский ауданынан тауып, сол жердегі аудан басшысымен бірге, майдангер атамыз жатқан «Бауырластар» мазарына барып тағзым жасап, топырағын туған жеріне алып келді. Елдің қайсар перзенті 1906 жылы дүниеге келіп, сұрапыл соғыс майданына аттанып, ажалмен бетпе-бет арпалысты. 1943 жылы ерлікпен қаза тауып, сол маңда жерленген болатын.

«AMANAT» партиясының«Ардагерлерді ардақтайық» партиялық жобасы аясында өткізілген шарада сөз алған Алтынсары Дүйсенбекұлы сол бір соғыстың салқыны бүкіл елдің жүрегін мұздатып, ананы баладан, баланы әкеден айырып қан жылатқанын көкейге салды. Ештен кеш жақсы,- деп бұл іс-шара өскелең ұрпаққа зор үлгі екенін түсіндірді.
Сондай-ақ маңызы орасан іс-шарада Отан үшін от кешіп, жанын қиған боздақтарға арнап құран бағыштап, осы істі жасаған Абдуғани Претов ағамыздың ісі бүкіл Сайрам ауданы халқына мақтаныш екенін атап өтті.
Өз аяғымен елге жете алмаған ҰОС ардагелерін осылай елге жеткізуіміз үлкен үрдісіке айналды. Былтырғы жылы ҰОС ардагері Жундуров Елемес атамызды Беларус жерінен жеткізсек биылда тағы бір іс шараның куәгері болдық.

«AMANAT» партиясы Түркістан облыстық филиалының баспасөз қызметі

БАҚ беттерінде экс-президент Нұрсұлтан Назарбаевтың жұбайы Сара Алпысқызы өз тегін алғаны туралы ақпарат тарады деп хабарлайды Stan.kz ақпарат агенттігіне сілтеме жасап ТАQ.KZ сайты

Shishkin_like Telegram-арнасының мәліметіне сәйкес Сара Алпысқызының  атына “Назарбаева Сара Алпысқызы” жеке кәсіпкерлігі тіркелген. Алайда оның басшысы ретінде Қонақай Сара Алпысқызы көрсетіліпті. Нұрсұлтан Назарбаевпен 1962 жылы отау құрғанға дейін оның тегі “Қонақай” болған екен.

Ресми құжаттарға сүйенсек экс-президенттің жұбайы тегін 2005-2012 жылдар аралығында ауыстыруы мүмкін. Себебі ол 2012 жылдың 4 ақпанында жарияланған “Халық-Life” Халық банктің өмірді сақтандыру бойынша еншілес компаниясы” АҚ-да үлестес тұлғалар тізімінде Қонақай тегімен көрсетіліпті.

Ал 2005 жылдың 19 қыркүйегінде Тимур Құлыбаевтың иелігіндегі “Алмэкс” Холдинг тобы” АҚ-ның үлестес тұлғасы ретінде Сара Алпысқызы “Назарбаева” деген текпен тіркелген.

Әйткенмен Нұрсұлтан Назарбаев пен Сара Назарбаеваның ресми ажырасқаны туралы ақпарат жоқ. Ал “Бөбек” қайырымдылық қорының Instagram-парақшасында деректер 2018 жылдың 15 сәуірінен бері жаңартылмаған, мұнда оның тегі Назарбаева деп көрсетілген.

Еске салайық, бұған дейін Сара Назарбаева енгізген “Өзін-өзі тану” міндетті пәндер тізімінен шығарылған еді.