Түркістан облысы бойынша жылыту маусымы штаттық режимде өтуде. Облыста 1 жылу энерго орталығы, 34 орталықтандырылған және 1 622 автономды қазандық бар. Өңірдегі 737 көпқабатты тұрғын үй мен 2 243 бюджеттік мекемеге жылу тұрақты берілуде. Бұл туралы Түркістан облысы әкімі Дархан Сатыбалдының төрағалығымен өткен аппарат мәжілісінде айтылды.
Облыс әкімі жауапты тұлғаларға жылыту маусымын тұрақты бақылауда ұстауды ескертті.
Түркістан облысына 2024-2025 жылдардағы жылыту маусымына жалпы қажеттілік көмір көлемі 684,2 мың тоннаны құрайды. Қазіргі уақытта жалпы қамтылу көрсеткіші 500 мың тонна немесе 73 пайызды құрап отыр. Қазіргі уақытта жылыжай иелері тарапынан көмірді сатып алу қарқыны артуда. Түркістан өңіріне көмір тасымалдаумен 23 өңірлік оператор айналысады. Көмір тұйықтарындағы көмір қоры 68 мың тоннаны құрап отыр. Жалпы жағдай тұрақты.
Облыстағы №5 жылу электр орталығында 6 қазандықтың қайта құру жұмыстары жүргізілді. Одан бөлек, 2 қазандық ағымдағы жөндеуден өткізіліп, резевте тұр. №6 турбогенератор қайта жөнделіп, іске қосылды. Жобалық қуаттылығы – 5 МВт және 4 МВт электр қуатын өндіруде.
Сондай-ақ 2023-2024 жылдары Кентау қаласындағы тозығы жеткен 6,6 шақырым магистралды жылу желілері ауыстырылды. 4 ескірген насостық станция қайта жаңартылып, жылу желілеріндегі гидаравликалық қысым реттелді. Одан бөлек, Арыс қаласындағы табиғи газбен жылытылатын орталық қазандықтар пайдалануға берілді. Төлеби ауданы, Ленгір қаласындағы көпқабатты тұрғын үйлерді қамтитын жарамсыз 150 метр жылу желілері толық ауыстырылып, резервтік қазандық орнатылды. Созақ ауданы бойынша Таукент кентінде 5 қазандықта, Қыземшек кентінде 4 қазандықта ағымдағы жөндеу жұмыстары жүргізіліп, жылу берілуде. Оған қоса, 2940 метр жылу желілері жаңартылды.
Түркістан облысында жылыту маусымының өту барысы аймақ басшысының бақылауында тұр.
Түркістан облысында әлеуметтік маңызы бар азық-түлік тауарлары бағалары жыл басынан 97,2%-ды құрап, облыс бағаны тұрақтандыру жұмыстары бойынша өңірлер арасында 1 орынға шықты. Әлеуметтік маңызы бар азық-түлік тауарлары бағаларын тұрақтандыру арқылы өңірдегі инфляция көрсеткіші төмен деңгейде сақталып келеді. 11 айдың қорытындысымен инфляция көрсеткіші 7,6%-ды құрап, бұл көрсеткіш бойынша да Түркістан облысы тиімді жұмыс жүргізіп, республикада 4 орынға тұрақтады.
Түркістан облысы әкімі аппаратының апталық отырысында өңір басшысы Дархан Сатыбалды жауаптыларға бұл бағыттағы жұмысты жандандыруды тапсырды.
«Түркістан» ӘКК өкілінің хабарлауынша, бағаны тұрақтандыру бойынша Делдалдық схемаларды тергеу жөніндегі комиссия белсенді жұмыс істеуде. Комиссияның негізгі қызметіне бағаны негізсіз өсірмеу, сауда үстемесін асырмау, өндірушіден сауда нүктесіне дейінгі баға тізбегін қарау функциялары кіреді. Жыл басынан комиссияның 96 отырысы өткізілді. Бағаны негізсіз өсіру, сауда үстемесін асыру, өнімсіз делдалдарды анықтау бойынша 281 факті қаралып, әкімшілік айыппұл салу үшін тиісті органдарға жолданды. Осы жұмыстардың нәтижесінде, баға тұрақты деңгейде сақталып келеді. Жалпы алғанда, айналым схемасы, форвардтық келісімшарттар, қоймадағы қорларды есептегенде тұрақтандыру қорында 32 мың тонна азық-түлік қоры бар.
Ауыл шаруашылығы басқармасының мәліметіне сүйенсек, азық-түлік қоры жеткілікті. Сыйымдылығы 4000 тоннаны құрайтын заманауи қойма толық пайдалануға берілді. Қоймада азық-түлік тауарлары талапқа сәйкес сақталып, сауда орындары мен әлеуметтік дүкендерге тұрақты жөнелтілуде.
2025 жылдың маусымаралық кезеңіне тұрақтандыру қорын көкөніс өнімдерімен қамтамасыз ету үшін 11 тауар өндірушімен 1,1 млрд. теңгеге жалпы 4 309 тонна картоп, 2 735 тонна сәбіз, 2 460 тонна пияз, 1 883 тонна қырыққабат өнімдеріне және күріштің 2 234 тоннасына, 1 санатты 13,5 млн. дана тауық жұмыртқасын сақтау мерзімімен форвардтық келісімшарттар жасалды. Халықты көкөніс өнімдерімен қамтамасыз ету мақсатында аудан, қала әкімдіктерімен бірлесіп, 2025 жылға егіс құрылымы бекітілді. Жоспарға сәйкес, ауыл шаруашылығы дақылдары 906 мың гектарға егіледі деп күтіліп отыр.
Түркістанда облыстық дене шынықтыру және спорт басқармасының ұйымдастыруымен «Конгресс холл» көпсалалы кешенінде 2024 жылдың қорытындысы бойынша үздіктерді марапаттау салтанаты өтті.
Спорт майталмандары бас қосқан шарада үздік спортшылар мен жаттықтырушылар, үздік аудан, үздік балалар мен жасөспірімдер спорт мектебі, үздік спорт мектебі, үздік ауыл спорт клубы және тағы басқа аталымдары бойынша кіл мықтыларға құрмет көрсетілді.
Салтанатты жиында сөз алған облыс әкімінің орынбасары Ертай Алтаев Жаңа жыл мерекесімен құттықтап, өңіріміздегі жалынды спорт саңлақтарының еселі еңбегін атап өтіп, ел мерейін үстем еткен спортшыларды марапаттады.
–Президентіміз Қасым-Жомарт Тоқаев халыққа арнаған барлық Жолдауларында үнемі дене шынықтыру және спорт саласын қолдап келеді. Өңірімізде спорттың дамуына барынша жағдай жасалынуда. Қазіргі уақытта 122 спорт нысандарының құрлысы жүргізілуде. Биыл облыста 2000-нан аса бұқаралық спорттық іс-шаралар өткізілді. Бұл іс-шаралар салауатты өмір салтын насихаттауға, спорттық дәстүр мен әдет-ғұрыптарды сақтауға өзіндік зор үлесін қосуда. Спортшыларымыз еліміздің мүддесін халықаралық аренада жоғары дәрежеде қорғай білді. Әрине, біз батырларымызды мақтан тұтамыз, – деді Ертай Кенжебекұлы.
Сонымен қорытынды бойынша боксшылар Сабырхан Төрехан, Сағындық Тоғамбай, сурдо шахматшы Мейрман Пернеев, жамбы атушы Батыр Бексауыт, академиялық есуші Владислав Яковлев, самбо күресінің шебері Нұрила Асанқызы, сурдо дзюдошылар Айдарбек Тоқтарбек пен Қуандық Шадияр, аударыспақ спортының шебері Дарын Өткелбай, теңге ілу шебері Рахат Қомбаров, қазақ күресінің оғланы Қайсар Шәмшидинов сынды өңіріміздің мақтаныштары жылдың үздік спортшылары атанды. Осындай дарынды спортшыларды дайындаған жаттықтырушылары да марапатталып, құрметке бөленді.
Сондай-ақ жылдың үздік балалар мен жасөспірімдер спорт мектебі номинациясына Сарыағаш ауданы, «Қажымұқан атындағы №1 балалар мен жасөспірімдер спорт мектебі» лайықты деп танылды. Инвестиция тарту арқылы 5 нысан салдырып, «Ауыл – Ел бесігі» бағдарламасы бойынша 3 спорт кешенін салдырған Ордабасы ауданы үздік аудан номинациясын иеленді. Сондай-ақ Қазығұрт аудандық спорт клубы жылдың үздік ауыл спорт клубы атанды.
Ал Қазақстан Республикасына еңбегі сіңірген жаттықтырушысы. Түрлі халықаралық жарыс жеңімпаздарын тәрбиелеп, баптаған Илияс Оралбеков пен ҚР еңбек сіңірген жатықтырушысы, ҚР 3 еңбек сіңірген спорт шебері, 8 халықаралық дәрежедегі спорт шеберін, 10 спорт шеберін дайындаған білікті бапкер Мырзағали Құланұылына «Үздік жаттықтырушы» номинациясы табысталды.
Осындай үздіктер номинациялар «Үздік ауыл жаттықтырушысы» Нұрсұлтан Арысбаев, «Үздік ауыл спорт клубы» Қазығұрт аудандық спорт клубы, «Үздік ауыл спортшысы» бокстан екі дүркін Азия чемпионатының жеңімпазы, екі дүркін ҚР чемпионатының жеңімпазы. 2024 жылғы жастар арасында Әлем кубогының жеңімпазы. Әлем чемпионатының қола жүлдегері, Азия чемпионы Шұғыла Нәлібай, «Үздік бұқаралық ақпарат құралы» Төребек Байтасов, «Үздік спорт қызметкері» Жандос Дәуіт, «Үздік спорт дәрігері» Ардақ Мелдехан, «Үздік кәсіпкер» Бауыржан Салимов, «Үздік мемлекеттік-жекешелік әріптес» «ССК Астана», «Үздік өнім беруші» Дара кәсіпкер «Пак Натальяның Кентау қаласындағы гимнастика орталығы», «Үздік ұйымдастырушы» Бауыржан Абдуллаевқа берілді.
Айта кетейік, 2024 жылғы 12 айдың қорытындысы бойынша жерлестеріміз Әлем чемпионаттарында 78 алтын, 54 күміс, 40 қола медальға қол жеткізсе, Азия чемпионатында 110 алтын, 69 күміс және 82 қола жүлдені облыс қоржынына салды. Ал Қазақстан Республикасының чемпионаттарында 502 алтын, 327 күміс, 360 қола медальді иеленіп, жалпы жыл бойында 1622 жүлдеге қол жеткізді. Биылғы жылы облыстан 616 спортшы ұлттық құрамаға еніп, өткен жылмен салыстырғанда едәуір жоғары көрсеткішке ие болды.
2024 жылғы 26 желтоқсандаҚазақстан Республикасының Мәдениет және ақпарат министрлігі жариялаған «Үкіметтік емес ұйымдарға арналған сыйлықақы»конкурсыныңжеңімпаздарын марапаттау рәсімі өтті.
Шараға Түркістан облысының қоғамдық даму басқарамасы басшысының орынбасары Жанәбіл Болат Серікұлы, жергілікті қоғамдық бірлестіктердің төрағалары қатысты.
Қазақстан Республикасының Мәдениет және ақпарат министрлігі жариялаған конкурс жеңімпаздары:
1. «Түркістан облысының Азаматтық Альянсы» заңды тұлғалардың қауымдастық нысанындағы бірлестігі(төрайымы – Намазбаева Инара Әбдіғаппарқызы)– «Азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу» номинациясы бойынша;
2. «Өгем» қоғамдық бірлестігі ( төрағасы – Әбдешов Әліхан Әбдешұлы) – «Қоршаған ортаны қорғау» номинациясы бойынша;
3. «Шапағат» мүгедектердің қайырымдылық қоры ( төрағасы – Шалтанов Еркінбай Керімбайұлы) – «Халықтың әлеуметтік осал топтарын қолдау»номинациясы бойынша;
4. «Ғылыми зерттеулер мен инновациялық технологиялар» қоғамдық қоры ( төрағасы – Голярко Владислав Михайлович) – «Қоршаған ортаны қорғау» номинациясы бойынша;
5. «Эра — KZ» қоғамдық бірлестігі ( төрайымы – Таштемирова Зарина Рамазановна) – «Өздерінің есебінде тұрған адамдарға әлеуметтік-құқықтық көмек көрсету кезінде пробация қызметіне жәрдемдесу»номинациясы бойынша атанды.
Аталған жеңімпаздарға Қазақстан Республикасының Мәдениет және ақпарат министрі А.Балаеваның атынан дипломдар табысталды.
Марапаттау рәсіміндесөз алған Болат Серікұлы: « Бүгінгі жеңімпаздар – әрбір азаматқа үлгі боларлық тұлғалар. Сіздер өз істеріңіз арқылы қоғамның сенімін ақтап, жақсылыққа бағытталған жаңа бастамаларға жол ашып келесіздер. Жеңіс пен табыс тек марапат емес, ол – алдағы күндерде сіздерге шабыт пен күш беретін рухани серпін.
Басқарма атынан баршаңызды бүгінгі жетістіктеріңізбен шын жүректен құттықтаймын! Сіздерге мықты денсаулық, сарқылмас шабыт, тың идеялар және алдағы жұмыстарыңызда жаңа белестерді бағындыруды тілеймін» деген ізгі тілегін білдірді.
Ордабасы ауданында БАҚ өкілдеріне арналған баспасөз туры өтті. Шара аясында журналистер алдымен Темірлан ауылында ашылған 250 орындық спорттық сауықтыру кешенін аралады. Аталған орталықта қазақ және грек-рим күресі, самбо, дзюдо және бокспен шұғылдануға барлық жағдай жасалған. Сонымен қатар, футбол, баскетбол, волейбол, гандбол секілді командалық спорт түрлері де бар. Аталған спорт кешенінде «Темірлан» спорт клубы мекемесі орналасқан.
БАҚ өкілдері кейін Темірлан ауылында жеке инвесторлардың есебінен құрылысы жүргізіліп жатқан тұрғын үйлерге барды. Темірлан ауылында тұрғындарды тұрғын үймен қамту мақсатында бір қабатты 26 және үш қабатты 3 арендалық тұрғын үйдің құрылысы жүргізілуде. Бүгінде үйлерге терезе салу, гранит төсеу және қабырғасын бояу жұмыстары атқарылып жатыр. Қазіргі таңда бір қабатты 40 пәтердің құрылыс жұмыстары толығымен аяқталған. Алдағы уақытта үй кезегінде тұрған аз қамтылған отбасылық санаттар бойынша 136 пәтер табысталады.
Ордабасы ауданында 2024 жылдың 11 айында жалпы өңірлік өнім көлемі 153,5 млрд теңгені құрап, өткен жылдың тиісті кезеңімен салыстырғанда 21,7 млрд теңгеге артқан. Бұл жайында Ордабасы ауданының әкімі Азат Оралбаев БАҚ өкілдерімен өткен брифингте мәлімдеді.
«Биыл Ордабасы ауданында ауыл шаруашылығы саласындағы жалпы өнім көлемі 66,8 млрд теңгеге жетті. Ал, егістік көлемі алдыңғы жылмен салыстырғанда 591 гектарға артып, 71 591 гектарға жеткен. Сонымен қатар, «Бір алқаптан жылына 2-3 өнім алу» жобасы бойынша 456 гектарға 162 жоба жүзеге асырылып, 19 560 тонна көкөніс және бақша өнімдері жиналды. Одан бөлек, ауданда 6 400 гектар жерге мақта дақылы егіліп, 21 120 тонна өнім алынды. Сонымен қатар, биыл ауданға жыл басынан бері 39,3 млрд теңге инвестиция тартылып, жылдық жоспар 93,1 пайызға орындалды. Алдағы 2025 жылы инвестиция көлемін 53 млрд теңгеге жеткізу жоспарланып отыр. Бұдан өзге, алдағы уақытта инвестициялық құны 122,1 млрд теңгені құрайтын 949 жұмыс орнымен 12 жоба жүзеге асатын болады»,- деді аудан әкімі.
Аудан басшысының айтуынша, аймақтағы «Бадам» индустриалды аймағында инвестициялық құны 21 млрд 234 млн теңгені құрайтын 6 кәсіпорын орналасқан. Оның ішінде, 2024 жылы «RZN» газоблок бұйымдарын өндіру жобасы іске асқан болатын. 2025 жылы аталған аймақта инвестициялық құны 6 млрд 800 млн теңгені құрайтын 5 жоба іске асырылмақ.
Айта кетейік, аудандағы 57 елді мекеннің 54-і сапалы ауыз сумен қамтылған. Келер жылы қалған 3 елді мекен республикалық бюджет есебінен сапалы ауыз сумен 100% қамтылмақ. Сонымен қатар, бүгінде 57 елді мекеннің 27-і табиғи газбен қамтылып, жыл соңына дейін қосымша 8 елді мекенді газға қосу жоспарлануда. Нәтижесінде елді мекендерді газбен қамту көрсеткіші 61,4%-ға жетпек.
Қазіргізаманғықоғамдаэкономикалыққылмыстар, оныңішіндесыбайласжемқорлық, алаяқтық, салықтыққылмыстар, мүліктікқылмыстар мен қаржылықалаяқтықтарэкономиканыңдамуындаелеулікедергілертуғызады. Бұлқылмыстар тек экономикағағанаемес, қоғамныңәлеуметтікқұрылымына, халықтыңөмірсапасына, мемлекеттікбасқаружүйесіне де терісәсеретеді. Заң мен тәртіптіңэкономикалыққылмыстардыалдыналусаласындағырөлізор. Құқықтықжүйеніңдұрысжұмысістеуі, заңдардыңорындалуы, құқыққорғауоргандарыныңтиімдіқызметіжәнеқоғамдағықұқықтықмәдениеттіңдеңгейіэкономикалыққылмыстардыңалдыналудашешушіфакторларболыптабылады.
Заңдар экономикалық қылмыстардың алдын алудың негізгі құралдарының бірі болып табылады. Жеке және заңды тұлғалардың құқықтарын қорғау, салықты дұрыс төлеу, қаржылық есептілікті сақтау, мемлекеттік қызметшілердің тәртібін реттейтін заңнамалар осы саладағы басты құралдар болып табылады. Қазақстанда «Қылмыстық кодекс», «Салық кодексі», «Құқық қорғау органдары туралы заң» және басқа да арнайы заңдар экономикалық қылмыстармен күресуге бағытталған.
Құқық қорғау органдары, оның ішінде экономикалық қылмыстармен күресетін арнайы бөлімдер (мысалы, қаржы полициясы, салық полициясы, құқық қорғау органдарының экономикалық қылмыстарға қарсы күрес бөлімі) экономикалық қылмыстардың алдын алу мен оларды болдырмауда маңызды рөл атқарады. Бұл органдардың қызметі:
Экономикалық қылмыстардың алдын алу үшін заңдар мен тәртіптен бөлек, қоғамдағы құқықтық мәдениеттің деңгейін арттыру да маңызды. Құқықтық білім беру, халықты заңдарды құрметтеуге тәрбиелеу, сондай-ақ кәсіпкерлер мен мемлекеттік қызметшілер арасында сыбайлас жемқорлыққа қарсы мәдениетті дамыту қажет.
Жаңа технологиялар мен цифрлық платформалар экономикалық қылмыстардың алдын алу мен оларға қарсы күресуде маңызды рөл атқарады. Мысалы, блокчейн технологиясы, жасанды интеллект және биг дата жүйелері салық төлеуден жалтаруды, қаржылық алаяқтықты және басқа да заңсыз әрекеттерді анықтауға көмектеседі.
Заң мен тәртіптіңэкономикалыққылмыстардыңалдыналусаласындағырөліөтемаңызды. Мемлекеттікоргандар мен құқыққорғаужүйесініңтиімдіжұмысістеуі, заңнамалықреттеудіңкүшеюі, құқықтықмәдениеттіңдеңгейінарттыружәнежаңатехнологиялардыңқолданылуыэкономикалыққылмыстардыболдырмауүшінтиімдіқұралболыптабылады. Соныменқатар, экономикалыққылмыстарменкүрес тек құқыққорғауоргандарыныңғанаемес, әрбіразаматтыңжауапкершілігіболуыкерек. Құқықтықсауаттылық, қоғамдағыадалдық пен әділеттілікпринциптерінсақтауэкономикалыққылмыстардыңалдыналуғаүлкенүлесқосады.
Түркістан облысы бойынша Экономикалық тергеп тексепру департаменті аға жедел уәкілі
Астана қаласындағы «Бейбітшілік және келісім» сарайында «Жақсы адам-2024» сыйлығының салтанатты марапаттау рәсімі өткен болатын. Биыл арнайы сыйлықпен Созақ ауданының тұрғыны, саналы ғұмырын ауыл медицинасына арнаған абзал жан Бүркіт Арынбеков марапатталды.
Көптің ыстық ықыласына бөленген дәрігер Созақ ауданы, Құмкент ауылының тумасы. Ол ғұмырының 58 жылын медицинаға арнап келеді. Осы аралықта жалпы саны 10 мыңнан аса ота жасаған хирург. Бүркіт Арынбеков дәрігерлік жолында шалғай ауылдағы бөлімшелік ауруханада күрделі ота жасап, науқасты аман алып қалған. Сондай-ақ, босану кезінде ана мен бала өміріне қауіп төніп, екеуінің де жанын ажалдан арашалаған. Бүгінде ол білгенін Созақ аудандық орталық ауруханасында жас мамандарға үйретіп, оталарға бірге кіріп, тәжірибесімен бөлісіп жүр.
Айта кетейік, ҚР Президентінің Телерадиокешені, «Jibek joly» телеарнасының ұйымдастыруымен өткен дәстүрлі шара биыл үшінші мәрте өткізіліп отыр.
2024 жылдың 18 желтоқсанында әділет органдарының қызметкерлері «Белизна» тауар белгісі иесі өкілінің өтініші негізінде тұрмыстық химия өндірісі бойынша заңсыз жерасты цехын анықтады. Аталған цех Түркістан облысы Келес ауданы Абай ауылының аумағында Өзбекстан Республикасымен шекарадан 50 км жерде жеке үйде орналасқан.
Жоспардан тыс тексеру барысында «К» жеке кәсіпкерінде «Белизна» тауар белгісін заңсыз пайдалану фактісі анықталды. Зияткерлік меншік құқықтарын өрескел бұза отырып дайындалған 1500 бірліктен астам жалған өнім (жуу және дезинфекциялау құралдары) тәркіленді. Құқық иесіне келтірілген залал 3 миллион теңгеден асты.
Айта кету керек, заңсыз жерасты бизнесі өкілдері көлемі 800 ш.м. асатын үй-жайда жаппай заңсыз өндіріс пен өнімді буып-түюді жүзеге асырып, оны Қазақстанның оңтүстік өңірлерінің көтерме сауда базарларына жеткізіп отырған. Заңсыз өнімдер бағаның төмендігіне байланысты тез сұранысқа ие болған. Бірақ бір ескертетін жайт оның жасырын қаупі мыңдаған азаматтардың денсаулығына қауіп төндіретінін айта кеткен жөн.
Жалған жуғыш заттар өнімі қауіпсіздік стандарттарына сәйкес келмейтін арзан және сапасыз компоненттерден жасалған. Мұндай өнімдерде терінің тітіркенуін, аллергиялық реакцияларды, тыныс алу жолдарының ауруларын және тіпті улануды тудыратын улы заттар мен аллергендер болуы мүмкін.
Қазіргі уақытта кінәліні жауапқа тарту мәселесі қарастырылуда. Іс материалдары Түркістан облысы Әділет департаментінің қарауында.
Әділет органдары Азаматтар мен заңды бизнестің мүддесі үшін зияткерлік меншік құқықтарының бұзылуын анықтау және қорғау жөніндегі жұмыстарын жалғастырады. Заңды бизнесті қолдау өндірушілердің құқықтарын қорғап қана қоймай, тұтынушыларға қауіпсіз және сапалы тауарларға кепілдік береді.
Түркістанда «Жайлы мектеп» жобасы аясында тағы бір мектеп ашылды. 2 мың оқушыға арналған білім ұясы «Жаңа қала» ықшамауданында бой көтерді. Мұнда балалардың сапалы білім алуына барлық жағдай жасалған.
Қасым-Жомарт Тоқаевтың тапсырмасымен салынған білім ұясының ашылу салтанатына Түркістан облысының әкімі Дархан Сатыбалды мен білім саласының ардагерлері қатысты.
– Еліміздің болашағы – білімді ұрпақтың қолында. Мемлекет басшысының бастамасымен бүгінгі таңда елімізде «Жайлы мектеп» ұлттық жобасы қабылданып, заманауи, озық үлгідегі білім ошақтары салынуда. Бұл бастама апатты және үш ауысымдық мектептер мәселесін шешіп, оқушы орындарының тапшылығын жояды. Сіздердің мектептеріңіз жай ғана жаңа ғимарат емес. Бұл – даму мен оқу үшін тамаша жағдайлар жасалған орын. Жаңа білім ордасының ашылуы құтты болсын! – деді Дархан Сатыбалды.
Аталған білім ордасы қаладағы 2 мектептегі жүктемені азайтуға мүмкіндік береді. Түркістан қаласының «Жаңа қала» аумағында салынған 4 қабатты білім ордасындағы физика, химия, биология және робототехника кабинеттері заманауи құралдармен жабдықталған. Білім алушылардың жан-жақты дамуы үшін мектепте спорт залдары, шеберлік залдары, зертханалар мен демалыс аймақтары ұйымдастырылған. Жоғары жылдамдықтағы интернетке қосылған. Бастауыш пен жоғары сынып оқушылары жекелеген блоктарда оқиды. Балалардың жас ерекшелігіне орай блоктардың әрқайсысы оқу сыныптарымен, санитарлық тораптармен, спорт залдарымен және жеке шкафтармен қамтылған.
Айта кетейік, елімізде «Жайлы мектептердің» басым бөлігі Түркістан облысында салынуда. Қазір өңірде 29 мектептің құрылысы жүргізіліп жатыр. Оның үшеуі ашылып үлгерді.
