Все записи автора Admin

Қоғам, Қылмыс

ӨРТЕНГЕН ХОСТЕЛДІҢ БАСШЫСЫ ҰСТАЛДЫ

Оставить комментарий

Алматыда өртенген хостелдің басшысы ұсталды, деп хабарлайды Тaq.kz тілшісі  Stan.kz ақпарат агенттігіне сілтеме жасап.

Бүгінде прокуратура Алматыдағы хостелдегі өртке қатысты қылмыстық іс қозғаған. 30 қарашада өртке қатысты Қылмыстық кодекстің 292-бабының 3-бөлігі «Абайсызда екі немесе одан да көп адамның өліміне әкеп соққан өрт қауіпсіздігі талаптарын бұзу» бойынша сотқа дейінгі тергеу басталды.

«Бас прокурордың тапсырмасы бойынша қылмыстық іс арнайы прокурордың қарауына алынды.Тәжірибелі құқық қорғау органдарының қызметкерлерінен ведомствоаралық жедел-тергеу тобы құрылды. Сол күні осы қылмысты жасады деген күдікпен прокурорлар хостелді жалға алушы А.Мұхамедьяровты ұстады және уақытша ұстау изоляторына қамады.Тергеу шаралары аясында жатақхана жұмысына қатысы бар барлық тұлғалардың әрекеті анықталатын болады», – деп хабарлады бас прокуратура.

Еске салсақ, бұған дейін Алматыдағы Шәріпов көшесінде орналасқан хостелде өрт шығып, 13 адамның қаза тапқаны туралы жазған болатынбыз. Қаза тапқандардың ішінде 4 шетел азаматы да бар. Кейіннен президент Тоқаев қаза тапқандардың жақындарына көңіл айтты, ал Алматы әкімдігі өрттен қаза тапқан қазақстандықтардың отбасыларына 1 миллион теңгеден берілетінін мәлімдеді.

Қайырымдылық, Қоғам

АРЫСТЫҚ ЖАСТАР МҰҚТАЖ ОТБАСЫҒА БАСПАНА СЫЙЛАДЫ

Оставить комментарий
Арыс қаласына қарасты Ақдала ауылының жастары мұқтаж отбасыға жаңа баспана салып берді. Сондай-ақ, игі іске ауыл азаматтары да атсалысқан. Қажетті жер телімін жергілікті әкімдік рәсімдеп берген. Осылайша жиһазымен бірге төрт бөлмелі баспана мұқтаж отбасының қуанышына айналды.
 
Жаңа үйдің иесі – Өткелбаевтар отбасы. Отағасы денсаулығына байланысты ауыр жұмыстарға жарамайды. Бұған дейін жалдамалы пәтерлерде тұрып келген. Жаңа баспана иесі барша көмек қолын созған жандарға алғысын білдірді. Ізгі істің бастамашысы болған ауыл тұрғыны Данияр Жақсылықұлының айтуынша, бастамаға көмек берген ауыл жастарының бір легі үйдің іргетасын құйса, келесісі кірпішін қалаған. Ауыл тұрғындары тағы бір мұқтаж отбасыға баспана салып беруді жоспарлап отыр. Еске сала кетейік, бұл арыстықтардың жерлестеріне сыйлаған бесінші баспанасы.
Ақпарат, Қоғам

Хазіретәлі Тұрсын: Журналистер қауымы тарихшылардың бақшасына тас атады

Оставить комментарий

Бұл туралы белгілі ғалым репрессия жылдарына арналған Республикалық конференцияда айтты, — деп хабарлайды Taq.kz сайтының тілшісі.

Тарихы ғылымдарының докторы Хазіретәлі Тұрсынның айтуынша қуғын сүргін зардаптарын зерттеуде құпия құжаттармен жұмыс жасау оңай шаруа емес. Бұл бағытта нақты деректерді жарыққа шығару үлкен мәселе. Ал, журналистер қауымының құлағына бір дерек ілінсе, оның анық-қанығын тексеріп жатпай бірден баспасөзге жариялап жібереді. Сосын, сол арқылы үлкен ажиотаж туғызғысы келеді. Міне осылайша тарихи шындық көркемдік шындықпен алмастырылып, тарихи таным жаңылысады.

-«1989 жылы КНБ-ның архивтерінде тікелей жұмыс істеуге мүмкіндік алған ғалымдарымыз болды. Солардың қатарында жазушыларымыз да болды. Сол жазушылардың біреуі Дүкенбай Досжан деген жерлесіміз. Дүкенбай Досжан «Абақты» деген көлемді еңбек жазды. Сол көлемді еңбекте Алаш қайраткерлерінің ісін қарап отырып, дәлелденбеген фактілерді алға салып жіберіп отырды. Бұл енді ұпай жунауға байланысты айтылатын нәрсе. Шын мәнісінде, бұл біз айтып отырған тарихы бұрмалау болып табылады. Міне осындай мәселелер көп», — дейді Хазіретәлі Тұрсын

Айта кетейік, Қ.А. Ясауи атындағы ХҚТУ-да «1920-1950 жылдардағы Сталиндік репрессия зардаптары» атты Республикалық ғылыми-практикалық конференция өткен болатын. Жиынға профессорлар Хазретәлі Тұрсын, Досай Кенжетай, Зәбираш Әділбекова, тарихшы-доценттер Ләззат Динашева, Ақмарал Сандыбаева, Түркістан облыстық қоғамдық-саяси тарихи мемлекеттік архивінің басшысы Гүлнар Шардарбекова, «Түркістан облысының мемлекеттік архиві» КММ басшысы Айдын Исатаева және қуғын-сүргін мәселесімен айналысып жүрген облыстық комиссия мен жұмыс тобы, докторанттар мен магистранттар қатысқан.
Конференцияның мақсаты – 1920-1950 жылдары сталиндік саяси қуғын-сүргін құрбандарын толық ақтау бағытында атқарылып жатқан ғылыми-іздестіру жұмыстарын қорытындылау.
Басқосуда ғалымдар “Сталиндік биліктің дінге қатысты саясатының салдары”, “Қазақстандағы ұжымдастыру саясатының зардаптары”, “Қазақстандағы ашаршылықтың салдары”, “Күштеп жер аудару және депортация мәселелері”, “Алаш қозғалысына қатысты архив құжаттары”, “Архивтердегі құпия қорларды құпиясыздандыру және саяси қуғын-сүргін құрбандарын толық құқықтық ақтауға ұсыну мәселелері”, “Саяси қуғын-сүргін тарихын музейлендіру және есте қалдыру” тақырыптарында баяндама жасаған.

 

 

 

"AMANAT", Ақпарат, Жаңа жоба, Қоғам, Саясат

Түркістан облысында тағы бір аудан құрылуы мүмкін

Оставить комментарий
Түркістан облысы халқы тығыз орналасқан өңірдің бірі. Оның ішінде Мақтаарал мен Жетісай аудандарында халық саны 300 мыңнан асады. Халық саны көп аймақта, тиісінше мәселелер де көп болатыны анық. Бұл, Мырзашөл өңіріндегі кейбір елді мекендердің, яғни шалғайдағы ауылдардың әлеуметтік-экономикалық ахуалын жақсартуға, олардың мәселесін дер кезінде шешуге келгенде қиындықтар туғызып отыр.Аталған мәселені Жетісай ауданының мәслихат депутаттары көтеріп,  ҚР Президенті Қасым-Жомарт Кемелұына арнайы өтініштерін де жолдаған.
Өтініш хатта, депутаттар 1997 жылы бір ауданға біріктірілген Мақтаарал, Жетісай, Асықата аудандарын қайта тарихи қалпына келтіруді ұсынған. Халық қалаулыларының айтуынша, Асықата ауданының құрамына 93 мыңнан астам халықты қамтитын 1 кент, 7 ауылдық округ және 83 елді мекенді енгізу қажет. Сондай-ақ оның жер көлемі 64 435 гектарды құрайтын болады. Аталған ұсыныстың Мемлекет басшысына жолданғанын «AMANAT» партиясы Түркістан облыстық филиалының алаңында өткен брифингте Жетісай аудандық мәслихатының төрағасы Медет  Қасымов та растады. Сондай-ақ бұл бастаманы жергілікті депутаттармен қатар, тұрғындарда қолдап отырғанын жеткізді. Себебі, мұндай шешім қабылданса Мырзашөлдегі өзекті мәселелерді жеделдетіп шешуге мүмкіндік болады, дейді Медет Алмасбекұлы.
Жалпы, журналистермен өткен кездесуде Жетісай аудандық мәслихатының төрағасы  халықтың сеніміне ие болған аймақтарда партияның сайлауалды бағдарламасының орындалуы бойынша есеп берді. Медет Қасымов ауданның депутаттық корпусы 22 азаматтан жасақталғанын, оның 19 адамы — «AMANAT» партиясының фракциясы құрайтынын айтты.
«Сегізінші шақырылымда аудандық мәслихаттың 9 сессиясы өткізіліп, 58 мәселе қаралды. Сессияларда аудандық бюджетті қалыптастыру және оның орындалуы, дербес бөлім басшыларының және кент, ауылдық округ әкімдерінің атқарған жұмыстарының есебі, аудандағы қылмыстың алдын алу, денсаулық сақтау, білім беру салаларындағы жұмыс барысы, ауданның әлеуметтік-экономикалық дамуы жөніндегі аудан әкімінің есебі туралы мәселелер қаралып,  тиісті шешімдер қабылданды. Ал, ауданның депутаттары аймақтың өзекті мәселелеріне қатысты 101 депутаттық сауал жолдап, олардың орындалуын мәслихат басты назарға алды», — деді Жетісай аудандық мәслихатының төрағасы Медет  Қасымов
Сондай-ақ, брифингте сөз тізгінін алған Мақтарал аудандық мәслихат төрағасы Қадір Сәрсекбаев 130 мың адамға жуық халық тұратын ауданның мәслихат депутаттары ауыл-аймақтардағы қордаланған мәселелерді шешуге белсене кіріскенін жеткізді. Халықтың сенім мандатына ие болған депутаттар мәслихат құрылымындағы 3 тұрақты комиссияның құрамына еніп, әр сала бойынша айқындалған өзекті мәселелердің оңтайлы шешілуін назарға алған.
«Жыл басынан бері 6 сессия өткізіп,  маңызды мәселелерді реттейтін 52 шешім қабылдадық. Маңызды мәселенің бірі – аудан бюджетіне өзгерістер мен толықтырулар енгізу болды.  Депутаттардың сүзгісінен өткен аудан бюджеті 14 млрд 759 млн.теңге көлемінде бекітіліп, оның 34,2% — әлеуметтік салаға, 23% — тұрғын-үй коммуналдық шаруашылық, энергетика саласына, 10,2% — көлік және коммуникация саласына, 32,6% — басқа да салаларға бағытталды. Депутаттық корпус тарапынан жергілікті атқарушы органдарға 41 депутаттық сауал жолданып, оның 36-сы орындалған, кейбір өзекті тақырыптар бойынша түсініктеме берілген. Депутаттар жолдаған сауалдардың 44 пайызы ағын су, жол, абаттандыру, газ, электр энергиясы мәселелеріне арналса, 29 пайызы – жер қатынастары саласына, 12 пайызы – құқық қорғау саласына қатысты болды. Байланыс сапасын арттыру және құрылыс саласына қатысты барлығы 6 депутаттық сауал жолданып, орындалуы мәслихат бақылауына алынды»,- деді Мақтарал аудандық мәслихат төрағасы Қадір Сәрсекбаев.
Ақпарат

Төлеби аудандық Ақсақалдар кеңесінің ІV тоқсандағы көшпелі отырысы өтті

Оставить комментарий
Қазақстан халқы Ассамблеясы жанындағы Төлеби аудандық Ақсақалдар кеңесінің ІV тоқсандағы көшпелі отырысы өтті.
Аталған кеңес отырысына Қазақстан халқы Ассамблеясы жанындағы Төлеби аудандық Ақсақалдар кеңесінің төрағасы С.Бекмұрзаев және кеңес мүшелері, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиал басшысы Е.Айтжанов, Қаратөбе ауылдық округі әкімі Е.Ералиев, Төлеби аудандық білім бөлімінің бас маманы Қ.Смайылова, аудандық кәсіпкерлерлік және ауыл шаруашылық бөлімінің бас маманы О.Бектай, Төлеби ауданының қорғаныс істері жөніндегі біріктірілген бөлімінің инспекторы Б.Сейсенбеков, аудандық этномәдени бірлестіктерінің төрағалары мен мүшелері және ауыл тұрғындары қатысты.
Күн тәртібінде:
1. Қаратөбе ауылдық округі тұрғындарының әлеуметтік-экономикалық жағдайымен танысу;
2. Кәсіпкерлерге мемлекет тарапынан көрсетілетін қолдау;
3. Жастар әскери борышын өтеуге неге құлықсыз тақырыптары қаралды.
Қаратөбе ауылдық округі әкімі Ерік Ералиев округ бойынша 2023 жылдың 9 айында округтің әлеуметтік — экономикалық дамуы үшін атқарған жұмыстары және алдағы уақытта атқаратын жұмыстары туралы қысқаша айтып өтті.
Округте 5 елдімекен, 927 үй, 1 181 отбасы, 5 305 халық тұрады.
2023 жылдың 9 айында Қаратөбе ауылдық округі аппаратында Қазақстан Республикасының «Жеке және Заңды тұлғалардың өтініштерін қарау тәртібі туралы» Заңына сәйкес, жеке тұлға бойынша 80 арыз, заңды тұлға бойынша 5 арыз, жеке қабылдауға 5 азамат тіркеліп, олардың барлығы қанағаттандырылды. Өтініш иелеріне уақтылы, дер кезінде жауаптар беріліп, қабылданған шешімге шағым жасау құқықтары түсіндірілді.
Ауылдық округ аумағындағы халыққа қызмет көрсету нысандары -22.
Ондағы кәсіпкерлік нысандар: 16 дүкен, 2 кіші ағаш цехы, 1 токарлық цехы,
2 азамат өз техникаларымен халыққа қызмет көрсетуде. Қаратөбе ауылдық округі Балдыберек өзенінің жағасынан «Балдыберек» демалыс аймағы ұйымдастырылып, онда 6 адам жұмыс істеуде.
Қаратөбе ауылдық округінің жер көлемі — 13952 га, оның ішінде жайылымдық жері 7 062 га, егістік жер 5 890,0 га (оның ішінде суармалы жер 591 га), бау — көлемі 245,0 га. Ауылдық округ бойынша 3 — ӨК, 17 — ЖШС, 1- толық серіктестік, 270 — жеке шаруа қожалықтары бар.
Төлеби ауданының қорғаныс істері жөніндегі біріктірілген бөлімінің инспекторы Б.Сейсенбеков, Отанды сүю, қорғау жай ғана сөзбен көрініс табатын дүние емес. Әрбір азаматтың еңбегі мен бар күш-жігері Отан үшін жұмсалғанда ғана патриотизм жайлы айтуға болады. Бұл жастарға да қатысты мәселе. Қазіргі уақытта әскерге ынталы буынның азаюы тұтас елді алаңдатып отыр. Қазір жастардың әскерге баруға ынтасы жоқ десек те, қазақ баласының қай-қайсысы да елді қорғауда аянып қалмасы белгілі. Дегенмен әскерге барудың жөні бір бөлек. Бұл – ата-ананың, қоғамның бірлесіп атқаратын жұмысы.
Жиын соңында Қаратөбе ауылдық округіне қарасты Майбұлақ ауылының бірнеше кәсіпкерлерімен кездесті.
Амирқұлов Пердебек «Ауыл аманаты» бағдарламасымен 2.5 пайызбен 8 млн теңге несие алып, қазіргі таңда 37 жылқы малын бордақылаумен айналысуда.
Елеусізова Аягөз мемлекеттен 1 млн 380 мың теңге қайтарымсыз грант жеңіп алып, қазіргі таңда өз үйінде қыз жасауын тігумен айналысады.
Ақпарат

Болашақ дәрігерлерге ақпараттық-түсіндіру жұмыстары жүргізілді

Оставить комментарий

Төлеби аудандық ішкі саясат бөлімінің ұйымдастыруымен «Мейір-Бейс» жоғары колледжі студенттердің қатысумен Республика көлемінде дін саласындағы тұрақтылықты қамтамасыз ету, діни экстремизм мен терроризмнің алдын алу және дәстүрлі дінді дәріптеу мақсатында жиын өтті.

Атаулы жиынға Өзбекәлі Жәнібеков атындағы Оңтүстік Қазақстан педогогикалық университеті Әлем тарихы және дінтану кафедрасының аға оқытушысы Республикалық ақпараттық түсіндіру тобының мүшесі, дінтанушы М.Бесбаев, Түркістан облысы дін істері басқармасы «Дін мәселелерін зерттеу орталығының» бөлім басшысы Қ.Салықбаев және Төлеби аудандық ішкі саясат бөлімінің маманы А.Құрманалиев арнайы қатысып, жиналған жұртшылыққа жан-жақты түсіндіру жұмыстарын жүргізді.

Ақпарат

Студенттерге діни экстремизмнің алдын алу бойынша түсіндірме жұмыстары жүргізілді

Оставить комментарий

Төлеби аудандық ішкі саясат бөлімінің ұйымдастыруымен Леңгір қаласындағы №8 кәсіптік колледж студенттерімен Республика көлемінде дін саласындағы тұрақтылықты қамтамасыз ету, діни экстремизм мен терроризмнің алдын алу және дәстүрлі дінді дәріптеу мақсатында жиын өтті.

Атаулы жиынға Өзбекәлі Жәнібеков атындағы Оңтүстік Қазақстан педогогикалық университеті Әлем тарихы және дінтану кафедрасының аға оқытушысы Республикалық ақпараттық түсіндіру тобының мүшесі, дінтанушы М.Бесбаев, Түркістан облысы дін істері басқармасы «Дін мәселелерін зерттеу орталығының» бөлім басшысы Қ.Салықбаев және Төлеби аудандық ішкі саясат бөлімінің маманы А.Құрманалиев арнайы қатысып, жиналған жұртшылыққа жан-жақты түсіндіру жұмыстарын жүргізді. Теріс ағымның жетегінде кету, арам пиғылды адамдардың сөзіне сену жастардың болашағына балта шабады. Сондықтан, әрбір қадамға абай болған абзал.

Ақпарат

Мұғалімдерге дәстүрлі дінді дәріптеу мақсатында жиын өтті

Оставить комментарий

Төлеби аудандық ішкі саясат бөлімінің ұйымдастыруымен Төлеби ауданының білім бөлімінің жалпы орта мектептерінің «Зайырлылық және дінтану негіздері» пән мұғалімдерінің қатысумен Республика көлемінде дін саласындағы тұрақтылықты қамтамасыз ету, діни экстремизм мен терроризмнің алдын алу және дәстүрлі дінді дәріптеу мақсатында жиын өтті. Атаулы жиынға Өзбекәлі Жәнібеков атындағы Оңтүстік Қазақстан педогогикалық университеті Әлем тарихы және дінтану кафедрасының аға оқытушысы Республикалық ақпараттық түсіндіру тобының мүшесі, дінтанушы М.Бесбаев, Түркістан облысы дін істері басқармасы «Дін мәселелерін зерттеу орталығының» бөлім басшысы Қ.Салықбаев және Төлеби аудандық ішкі саясат бөлімінің маманы А.Құрманалиев арнайы қатысып, жиналған жұртшылыққа жан-жақты түсіндіру жұмыстарын жүргізді.

Ақпарат

МЕДИАЦИЯНЫҢ АШЫҚ ЕСІК КҮНІ БОЛЫП ӨТТІ

Оставить комментарий
Қазақстан халқы Ассамблеясы «Медиация кабинетінің ашық есік күні» республ икалық акциясы болып өтті.
Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалының ұйымдастыруымен аудандық Ақсақалдар кеңесінің төрағасы, медиатор Бекмұрзаев Сеит Даутбекұлы жергілікті тұрғындардың даулы мәселелерін сотқа жеткізбей медиация тәртібімен қарау туралы жөнінде ашық есік күнін өткізді.
Шара барысында С.Бекмұрзаев, медиация соттардың жұмысын жеңілдетумен қоса, арыз беруші мен жауапкерлердің уақытын үнемдеуге өз септігін тигізіп келеді. Жалпы медиация қазақ халқының тарихында болған. Ол латын тілінен аударғанда «мәмілеге келу» дегенді білдіреді.
Жиын соңында медиатор С.Бекмұрзаев тұрғындарды күнделікті өмірде туындайтын даулар мен келіспеушіліктерді сотқа жеткізбей медиация көмегімен шешуге шақырды.
Ақпарат, Жастар саясаты, Қоғам

ДІНИ ТҰРАҚТЫЛЫҚТЫ ҚАМТАМАСЫЗ ЕТІП ЖҮРГЕН АЗАМАТТАР МАРАПАТТАЛДЫ

Оставить комментарий
Төлеби ауданында Рухани келісім күніне орай «Мәуліт Төлебиден басталады» тақырыбымен мерекелік жиын өтті.
Алланың елшісі Мұхаммед пайғамбардың туған мезгіліне орай мәуліт мерекесі бүкіл Қазақстанда 1 ай бойы аталып өтіледі. Мереке құрметіне орай, түрлі діни іс-шаралар ұйымдастырылып, халықтың дінге құрметі, пайғамбармызға деген сүйіспеншілігі арта түседі.
Мерекелік жиында ислам діні бойынша, бұл мерекенің маңызы Мұхаммед пайғамбардың өмірі насихатталып, жастарды имандылыққа, адамгершілікке және жақсылыққа тәрбиелеуге арналған әңгімелер айтылды.
Ислам дінінің асыл құндылықтарын дәріптеуге бағытталған жиында аудан әкімінің орынбасары Сержан Дүйсебаев, аудандық мәслихат төрағасы Нұрлан Қойбағаров, Түркістан облысы бойынша өкіл имамы Ержан Төлепов жастарды имандылыққа тәрбиелеп, олардың бойына бауырмалдық, адамгершілік, ата-ананы құрметтеу қасиеттерін сіңіру және оларды түрлі теріс қылықтардан бойларын аулақ ұстауға және ұлттық құндылықтарды насихаттауға шақырды.
Сондай-ақ бұл күні Төлеби ауданының татулығы мен тұрақтылығы жолында еңбек етіп жүрген бірқатар азаматтарға аудан әкімінің Алғыс хаты мен аудандық мәслихаттың Грамотасын тапсырылды.
Рухани келісім, ұлттар мен дәстүрлі діндер арасындағы бірлік – баға жетпес байлық, ал тұрақтылық – елдің тұғыры екені анық. Бұл мерейлі күн жыл сайын облыс, аудан көлемінде жоғары деңгейде атап өтіліп келеді. Сол дәстүр биыл Төлеби ауданда да жалғасын тауып, мерекелік жиында аудан аумағындағы діни тұрақтылықты қамтамасыз ету саласында іскерлік қабілетін жоғары деңгейде көрсете білгендер марапатқа ие болып, оларға құрмет көрсетілді.