Ордабасы ауданындағы Бадам ауылдық округі аумағында жаңа өндірістік жобаларды жүзеге асыру бағытында жүйелі жұмыстар атқарылуда. Осы орайда аудан әкімі Азат Оралбаев Бадам ауылындағы «Оңтүстік ЖБИ» кірпіш зауытының жұмысымен танысты. Аталған өндіріс орны 2012 жылдан бері құрылыс саласына сапалы өнім ұсынып келеді.
Қазіргі таңда кәсіпорын иесі Бегалы Мұхамедовтың бастамасымен зауытты толық жаңғырту жұмыстары жүргізілуде. Жоба аясында өндіріс орны заманауи технологиялармен жабдықталып, автоматтандырылған әрі роботтандырылған жүйеге көшіріледі.
Жаңғырту жобасының жалпы құны 1,5 млрд теңгені құрайды. Жоспар бойынша жаңартылған зауыт биылғы жылдың тамыз айында пайдалануға беріледі. Кәсіпорынның өндірістік қуаттылығы тәулігіне 200 мың дана кірпіш шығаруға жетеді. Сонымен қатар, жоба аясында 20 жаңа тұрақты жұмыс орны ашылады. Зауытқа қажетті жоғары технологиялық құрал-жабдықтар Қытай Халық Республикасынан жеткізілуде.
Аталған инвестициялық жоба өңірдің индустриялық әлеуетін арттырып, құрылыс саласының дамуына тың серпін береді. Сондай-ақ, отандық өндірісті қолдауға және жергілікті экономиканы нығайтуға елеулі үлес қосады деп күтілуде.
Түркістан қаласында «Қарашық» өзенінің аумағында «Мөлдір бұлақ» жалпыұлттық экологиялық акциясы аясында сенбілік өтті. Іс шара –қоршаған ортаны қорғауға, су көздерінің тазалығын сақтау және тұрғындар арасында экологиялық мәдениетті қалыптастыруға бағытталған.
Акцияға Түркістан қаласы әкімінің орынбасары Мадияр Әліпов, Түркістан қалалық мәслихатының төрағасы Ғаппар Сәрсенбаев пен Түркістан қаласының прокуроры Кәукен Нәрікбаев және қалалық ардагерлер кеңесінің төрағасы Қыдырәлі Рысбеков арнайы қатысты. Сонымен қатар, игі шараға жалпы саны 300-ге жуық адам жұмылдырылып, тазалық шарасы ұйымдастырылды.
Акция аясында өзен жағалауын тазарту, тұрмыстық қалдықтарды жинау, қоқыстарды арнайы орындарға шығару және аумақты абаттандыру жұмыстары жүргізілді. Сондай-ақ, жасыл желектерді күтіп-баптау, аумақты ретке келтіру жұмыстары атқарылды. Сенбілікке белсенді қатысқан азаматтарға алғыс білдіріліп, арнайы сый-сыяпаттар табысталды.
В рамках республиканского экологического проекта “Таза Қазақстан” в Сарыагашском районе проведены работы по посадке саженцев деревьев в рамках инициативы “Жасыл Аймақ”. Цель мероприятия – озеленение территории региона, улучшение экологической обстановки и формирование природоохранной культуры среди населения и молодежи.
В мероприятии приняли участие около 100 волонтеров и активных жителей, которые посадили около 200 саженцев деревьев и в благоустройстве территории.
“Эта мера является одной из важнейших инициатив, направленных на охрану окружающей среды и увеличение зеленых насаждений региона. Кроме того, такие меры способствуют вовлечению молодежи в общественные работы и формированию экологической культуры.
Работы по озеленению и уборке в рамках республиканского экологического проекта “Таза Қазақстан” будут продолжены и в дальнейшем. Эту инициативу единогласно поддерживает активная молодежь области”, – сказал руководитель областного Молодежного ресурсного центра Ернар Бектаев.
2 сәуірде футболдан бірінші лига клубтары арасындағы Қазақстан чемпионаты басталды. «Түркістан Арена» стадионында «Тұран» клубы «Оңтүстік Академия» командасын қабылдады. Стадионда жанкүйерлер қатары қалың болды. Кездесуге Түркістан облысының әкімі Нұралхан Көшеров арнайы қатысып, жанкүйерлерді құттықтады.
– Баршаңызды Түркістан төрінде «Тұран» футбол клубының кезекті ойынында көргеніме қуаныштымын! Мемлекет басшысы Қасым-Жомарт Кемелұлы Тоқаев Ұлттық құрылтай отырысында жергілікті футбол клубтарын жекешелендіру және оларды бәсекелестік ортаға беру жөнінде нақты тапсырмалар берді. Осы маңызды бастаманы қолдап, өңіріміздің басты командасын одан әрі дамытуды қолға алып отырған «Ordabasy Group» компаниясына және Дінмұхаммед Аппазұлына шынайы алғысымды білдіремін! Біздің басты мақсатымыз – өңір намысын абыроймен қорғайтын, халықаралық деңгейде өнер көрсететін және бәсекеге қабілетті команданы қалыптастыру. «Тұран» клубы – өңір намысын қорғап қана қоймай, болашақ футбол жұлдыздарын тәрбиелейтін үлкен клуб болады деп сенім білдіремін, – деді облыс әкімі.
Клубтың жаңа инвесторы Дінмұхаммед Ыдырысов өңір басшысына «Тұран» футбол клубының оныншы нөмірлі жейдесін табыстады.
– Біздің мақсатымыз – тұрақты әрі бәсекеге қабілетті команда қалыптастыру. Негізгі басымдықтарымыз – команданы премьер-лигаға қайтару, балалар мен жасөспірімдер футболын дамыту, әйелдер футболын қолдау және клуб инфрақұрылымын жаңғырту, – деді Дінмұхаммед Ыдырысов.
Ойын өте тартысты өтті. Екі команда да алаңда барын салып, жиі шабуыл ұйымдастырып, жанкүйерлерге әсерлі сәттер сыйлады. Қақпа маңындағы қауіпті сәттер кездесудің соңына дейін интриганы сақтап тұрды. Алаң иелері ойын тізгінін қолға алып, шабуылдаумен болды. Бірнеше мүмкіндікті мүлт жіберді. Есесіне, қарымта шабуылда өткірлік танытқан қонақтар 2:1 есебімен жеңіп кетті.
Матч барысында арнайы ойын-сауық бағдарламасы ұйымдастырылып, жанкүйерлер үшін интерактивті аймақтар жұмыс істеді. Көрермендер арасында PlayStation және iPhone секілді бағалы сыйлықтар ойнатылды. Жанкүйерлер стадионды мерекеге бөлеп, футболшыларға қолдау білдірді.
Қазіргі таңда «Тұран» футбол клубы құрамында елеулі өзгерістер орын алған. Команда сапалы әрі тәжірибелі футболшылармен толықтырылып, бәсекеге қабілетті ұжым жасақталуда.
Команданың бас бапкері қызметіне тәжірибелі маман Виктор Кумыков тағайындалды. Оның қазақстандық футболдағы тәжірибесі клубтың турнирлік мақсаттарына жетуінде маңызды рөл атқарады деп күтіліп отыр.
Айта кету керек, клуб жаңа инвестор — Ordabasy Group холдингінің басқаруына өтті. Жаңа инвестор ұзақ мерзімді даму моделіне басымдық беріп, инфрақұрылымды жаңғырту мен жастар футболын дамытуға ерекше назар аударуда. Сарапшылардың пікірінше, жеке инвестициялардың тартылуы клубтың қаржылық тұрақтылығын арттырып, басқару тиімділігін күшейтуге мүмкіндік береді.
Келесі матч 8 сәуірде Түркістанда өтеді. «Тұран» футбол клубы ел кубогы бәсекесінде өз алаңында «Елімай» командасын қабылдайды.
Қазығұрт ауданында “Ұлттық спорт” күніне орай көкпардан ересектер арасында аудандық чемпионат басталды. Аталған дода ұлттық құндылықтарды дәріптеп, көкпар спортының дамуына серпін беруге бағытталған. Спорттық сайысқа ауданның әр ауылдық округінен жиналған 8 команда қатысып, өзара тартысты ойын көрсетіп жатыр. Жарыс барысында шабандоздар өздерінің ептілігі мен батылдығын көрсетуде. Сондай-ақ, көкпар додасы көрермендерге ерекше әсер сыйлап, ұлттық спортқа деген қызығушылықты арттыруда. Чемпионаттың финалдық кезең ойындары Қазығұрт тауы баурайында өтеді деп жоспарланған. Финалда үздік шыққан командалар анықталып, жеңімпаздар арнайы марапаттарға ие болады. Мұндай ауқымды спорттық іс-шаралар жас ұрпақты салт-дәстүрді құрметтеуге тәрбиелеп, салауатты өмір салтын насихаттауға зор үлес қосады.
Қазақ халқының ғасырлар бойы қалыптасқан салт-дәстүрі мен ұлттық мәдениетінде ат спортының орны айрықша. Соның ішінде көкпар халқымыздың батылдығын, ептілігін, шапшаңдығын және намысшылдығын танытатын ұлттық ойындардың бірі. Көкпарды жай ғана ат үстіндегі сайыс деп қабылдау жеткіліксіз. Оның астарында қазақтың көшпелі өмір салты, жылқыға деген ерекше құрметі, жігіттің азаматтық қасиетін шыңдау дәстүрі жатыр. Көкпардың тарихы тым тереңде жатыр. Қазақ даласында жылқы көлік қана емес, тұрмыс-тіршіліктің, еркіндіктің, ел қорғаудың және азаматтық мәртебенің символы болған. Ат үстінде еркін шауып, қиындыққа төтеп беру, найза ұстап, жауға қарсы тұру сияқты қасиеттер көшпелі өмір салтында маңызды орын алған. Осы ортада атқа міну мәдениетімен бірге түрлі ат ойындары да қалыптасты. Көкпар осындай дәстүрлі ат спортының ең танымал әрі күрделі түрлерінің біріне айналды. «Көкпар» сөзінің шығу төркіні туралы түрлі пікір бар. Халық арасында оның «көк бөрі» сөзінен шыққаны туралы түсінік кең тараған. Ежелгі көшпелі ортада қасқырды аулап, ат үстінде тартысудың болғаны туралы деректер мен аңыздар кездеседі. Кейін бұл дәстүр өзгеріп, арнайы ойын түріне айналған деген пікір бар.
Уақыт өте келе көкпардың ережелері қалыптасып, ойынның өзіндік тәртібі мен талаптары орнықты. Көкпардың басты ерекшелігі ат пен адамның бір-біріне деген үйлесімділігінде. Көкпаршы тек мықты шабандоз болып қана қоймай, атын шебер басқара білуі керек. Өйткені сайыс барысында көкпаршыға жоғары жылдамдықпен қозғалу, қарсыластың әрекетін бақылау, көкпарды іліп алу, оны қорғау және белгіленген жерге жеткізу қажет. Мұның барлығы үлкен күшті, төзімділікті, ептілікті және тәжірибені талап етеді. Ер қанаты ат» деген халқымыздың қанатты сөзі осының дәлелі. Атқа міну мәдениеті ұлттың тұрмысымен біте қайнасқан. Көкпар кезінде шабандоз бен тұлпардың біртұтас әрекет етуі осы дәстүрдің жалғасы іспетті. Жүйрік әрі төзімді ат көкпаршының басты серігі болса, тәжірибелі шабандоз оның мүмкіндігін дұрыс пайдалана біледі. Көкпардың тәрбиелік мәні де ерекше. Көкпар жастарды батылдыққа, ептілікке, шыдамдылыққа тәрбиелейді.
Түркістан облысы аумағында республикалық маңызы бар автомобиль жолдарының жалпы ұзындығы 678 шақырымды құрайды. Сондай-ақ, жолдардың бойында 107 көпір және 625 су өткізгіш құбыр бар.
Республикалық жолдарда Шымкент-Қызылорда бағытында тәулігіне 22 250 көлік, Шымкент-Тараз бағытында тәулігіне 14 622 көлік, Шымкент-Ташкент бағытында тәулігіне 24 668 көлік, ал Жібек жолы-Жетісай бағытында тәулігіне 16 758 көлік қатынайды.
«ҚазАвтоЖол» Ұлттық компаниясы» АҚ Түркістан облыстық филиалының «ҚАЖсервис» ЖШС мердігер мекемесі тарапынан қазіргі уақытта көктем-жазғы кезеңде автомобиль жолдарын күтіп ұстау жұмыстары жүріп жатыр.
Атап айтқанда, жол жамылғысындағы ақауларды жою, тосқауыл қоршауларын түзету, жол бойындағы жабдықтарды әктеу және бояу, санитарлық-гигиеналық тораптарды күнделікті тазалау, мұзға қарсы материалдардың қалдықтарынан тазарту, тосқауыл қоршауларын жуу, жолдың жүру бөлігін және жол жиегін қоқыстан тазалау, жасанды құрылыстарды алу, жол белгілерін орнату және ауыстыру, жол бетіндегі таңбалау жұмыстары.
Жолдарды күтіп ұстау бойынша жоспарланған барлық жұмыстарды орындауға 58 бірлік техника және 184 адам жұмылдырылған. Бұдан бөлек, су тасқынына қарсы іс-шараларға дайындық бойынша 13 000 қап, 800 текше метр құм, 150 текше метр бут тас және 1 400 текше метр қиыршық тас қоспасы дайындалған.
Жалпы көктем-жазғы кезеңде 5 485 шаршы метр шұңқырларды жөндеу, 428 дана жол белгілері мен көрсеткіштерін орнату, 3704 метр доңғалаққа қарсы қоршау брусын түзету, 10 дана жол буферлерін орнату, 2638 шақырым жолды таңбалау, 30 дана жасанды кедергілер орнату, 8 шақырым жол жарықтарын бітеу жұмыстары жүретін болады.
Мемлекет басшысы 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты жолдауында республика көлімінде 2 млрд ағаш отырғызуды тапсырған. Аталған тапсырмаға сәйкес, облыстың орман қоры жерлеріне 2021-2027 жылдары 110 мың гектарға 170 млн көшет егу жұмыстары бойынша арнайы кешенді жоспар бекітілген. Бүгінде 2021-2025 жылдары аралығында 96 мың гектар жерге 146 млн түп көшет егілді. Жоспар 116 пайызға артығымен орындалды. Бұл туралы Түркістан облысының әкімі Нұралхан Көшеровтің төрағалығымен өткен аппарат мәжілісінде айтылды.
Облыс басшысы жауапты басқарма басшысы мен аудан, қала әкімдеріне көктемгі ағаш егу жұмыстарын жүйелі ұйымдастырып, бекітілген жоспардың толық әрі сапалы орындалуын қамтамасыз етуді тапсырды. Сонымен қатар кейбір аудандарда суару жүйелері мен қоршау жұмыстарының төмен деңгейде жүргізіліп жатқанын сынға алып, көшет отырғызу сапасын күшейтуді жеткізді.
Жиында көктемгі ағаш егу жұмыстарына дайындық барысы туралы облыстық табиғи ресурстар және табиғат пайдалануды реттеу басқармасының басшысы Ғалымжан Төлепов баяндама жасап, алдағы жоспарларын атап өтті. Оның айтуынша, 2026-2027 жылдары аралығында қалған 14 мың гектар жерге, 24 млн түп көшет егу жұмыстары толығымен атқарылады. Биылғы наурыз айында 13 600 гектар жер жырту жұмыстары жүргізіледі деп жоспарланған.
2025 жылы облыстағы орман шаруашылығы мекемелеріне қарасты 22 тұқымбақта 30 миллионға жуық көшет өсіріліп, ормандарды толықтыруға 10 миллионнан астам көшет егілді.
Мемлекет басшысының Жолдауына сәйкес, елді мекендерді көгалдандыру аясында облысқа 1,1 млн көшет отырғызу тапсырылған. Өткен жылы 1 065 139 түп көшет егілді. Ал 2026 жылға 1 млн көшет отырғызу жоспарланып отыр. Қазіргі таңда 312 мың көшет аудан-қалаларға таратылған. Көктемгі маусымға дайындық аясында 374 гектар жер қамтылып, суару жүйелері 80 пайызға, қоршау жұмыстары 84 пайызға қамтылған.
Облыс әкімінің тапсырмасына сәйкес 13 аудан, қала әкімдіктерінде жер бөлініп, тұқымбақтар ашылды.
Биыл Наурызнама аясында 23 наурыз – Тазару күніне орай жаппай ағаш отырғызу және тазалық акциялары өткізілді. Нәтижесінде 46 гектар жерге 32 256 түп көшет отырғызылып, 821 гектар аумақ тазартылып, 1032 тонна қоқыс шығарылды.
Сондай-ақ Түркістан қаласы маңында 30 мың гектар аумақта «Жасыл белдеу» қалыптастыру жобасы жүзеге асуда. Қазіргі таңда оның 29 544 гектары мемлекеттік орман қоры санатына енгізілген. 2026 жылғы жоспарға сәйкес, көктемде 100 гектарға 294,1 мың түп сексеуіл, ал күзде 9 415 гектар аумаққа 776 мың түп жапырақты ағаш көшеттері отырғызылады.
Жасыл белдеуде отырғызылған көшеттерді суғаруға арналған 390 дана су ұңғымалары жұмыс істейді. Биыл олардың 60-ының насосын жөндеу жоспарланған.
Оған қоса, әуежай жолы бойындағы су жүйелері қысқы маусымда толық тазаланып, вегетациялық кезеңдерге дайындық жұмыстары атқарылды.
Отырғызылған ағаштарды жазғы ыстық ауа-райында бірыңғай суғаруды қамтамасыз ету мақсатында тамшылатып суғару жүйелерін жаңарту және қосымша 4 дана бассейнге қуаттылығы сағатына 80-120 м3 болатын су айдағыш құрылғыларын орнату жоспарлануда.
Алдағы уақытта, Түркістан қаласы айналасы мен облыс көлеміндегі көгалдандыру жұмыстары тұрақты жалғасады.
В Туркестане состоялось историческое событие — стадион «Туркестан Арена» впервые принял официальный матч под эгидой УЕФА. В рамках отборочного турнира чемпионата Европы среди молодёжных сборных (U-21) на поле встретились команды Казахстана и Словакии.
Матч вызвал большой интерес у местных жителей: трибуны были заполнены до отказа. По официальным данным, игру посетили около семи тысяч болельщиков. С первых минут встречи зрители активно поддерживали казахстанскую команду, создавая атмосферу настоящего футбольного праздника.
Несмотря на мощную поддержку трибун, победа досталась гостям. Сборная Словакии продемонстрировала организованную игру в обороне и эффективно использовала свои моменты, завершив встречу со счётом 3:1.
Проведение матчей такого уровня в Туркестане свидетельствует о поступательном развитии спортивной инфраструктуры региона. Эксперты отмечают, что подобные события способствуют популяризации футбола среди молодёжи и формированию нового поколения спортсменов.
«Туркестан Арена» соответствует международным стандартам и требованиям УЕФА. Уже 31 марта здесь состоится следующий матч: молодёжная сборная Казахстана примет команду Ирландии. Начало встречи — в 20:00, вход для зрителей свободный.
Сайрам ауданында орналасқан «TAYIBA» сүт өңдеу зауыты бастапқыда үй жанындағы шағын цех ретінде ашылып, сүттен 5 түрлі ғана өнім шығарып бастаған. Кейіннен кәсіпорын кеңейтіліп, жаңа құрал-жабдықтармен қамтылды. 50 адамды жұмыспен қамтып отырған бұл кәсіпорын бұрын күніне 10 тоннаға дейін сүт өнімдерін шығарған. Бүгінде өнімдер саны да көлемі де артқан. Сұраныс болса, тәулігіне 100 тоннаға дейін сүт өңдей алады.
Қазіргі таңда мұнда сүт өнімдерінің 10-12 түрін шығарылуда. Айран мен қаймақ, құрт, сары май, ірімшік және өзге де өнім түрлері қосылған. Шикізат жергілікті тұрғындар және фермерлерден жиналып алынады. Дайын өнімді ішкі нарыққа өткізеді. Өндірістің барлық кезеңдері автоматтандырылған жүйелер мен заманауи жабдықтардың көмегімен бақыланады. Өндірісте сүтті қайнатып, өңдейтін вакуумдық цифрландырылған құрылғы қойылған. Өнімдер мұздатқыш камераларда сақталады. Өндірістегі құрылғылар Ресей, Қытай және Түркия мемлекетінен жеткізілген.
