Архив рубрики: Ақпарат

"AMANAT", Ақпарат, Білім

«AMANAT»: БІЛІМ САЛАСЫНА ҚАТЫСТЫ ПАРТИЯЛЫҚ ТЫҢДАУ ӨТТІ

Оставить комментарий

«AMANAT» партиясы Түркістан облыстық филиалы өңірдің білім саласындағы өзекті мәселелері бойынша партиялық тыңдау өткізді. Жиынды облыстық партия филиалының төрағасы Үмбеталиев Алтынсары Дүйсенбекұлы ашып, жүргізді.
Партиялық тыңдауға «AMANAT» партиясы Орталық апараты Партиялық бақылау департаментінің инспекторы В.Б.Есілбаева арнайы келіп қатысты.

 

Сонымен қатар, облыстық партиялық бақылау комиссиясы және облыстық сыбайлас жемқорлыққа қарсы іс-қимыл жөніндегі кеңестің төрағаларымен, мүшелері, облыстық басқарма басшылары мен құқық қорғау органдарының өкілдері, партияның аудандық, қалалық филиалдарының төрағалары, партиялық бақылау комиссияларының төрағалары, техникалық байқаушылары мен БАҚ өкілдері қатысты.

Жиында облыстың білім саласында атқарылып жатқан жұмыстары туралы облыстық білім басқармасы басшысының орынбасары А.Садықова, облыстық білім саласында сапаны қамтамасыз ету департаментінің басшысы Ғ.Алматов және облыстық партия филиалының партиялық бақылау инспекторы А.Еркінбеков пен облыстық құрылыс басқармасының басшысы Т.Үсіпәлиев баяндама жасады.

 

Облысымызда Жол картасы аясында құрылысы жүргізіліп отырған 33 білім нысандарына мемлекет қаржысының тиімді әрі мақсатты жұмсалуына ықпал ету мақсатында партиялық бақылау бекеттері қойылып, әр нысан құрылысының сапалы жүруіне мониторинг жүргізу бойынша сол ауылдық округтен сайланған депутаттар мен партияның белсенді мүшелері жауапты етіп бекітілген. Нәтижесінде 33 нысанның құрылыс жұмыстарына мониторинг жүргізілді.
Аталған жұмыстардың өз дәрежесінде орындалуын бақылау үшін, облыстық партия филиалы жанынан 9 кеңес құрылып, олардың құрамына облыстық мәслихаттың депутаттары, қоғам белсенділері және зиялы қауым өкілдері мен сарапшылар енгізіліп, олардың отырыстары өткізілуде.

 

Жиынға қатысушылар күн тәртібіндегі мәселеге орай, аймақтың білім, құрылыс саласындағы қордаланған проблемаларын ортаға салып, өз ойларымен бөлісті. Нақтырақ айтсақ, халық қалаулылары облыс бойынша білім саласының жұмысы төмен екендігін жеткізді. Жалған әрі жаттанды ақпаратты тыңдауды доғару тиіс деді. Партиялық бақылау аясында депутаттар Төлеби,Сарыағаш,Келес,Қазығұрт сияқты бірнеше аудандардағы білім ошақтарын аралап, бүгінгі жәй-күйімен танысқан болатын. Аралау барысында, Құрылысы жүріп жатқан мектептерді ешкім бақылап, оның сапалы жүргізілуін қадағаламайтындарына көз жеткізген. Одан өзге аймақтардағы мектептерде сапалы интернет мәселесіде өзекті. Мәселен, бір ғана Төлеби ауданында инетернет желісі 30 пайызға жуық қамтылғандығы сөз болды. Осыған ұқсақ бірқатар өзге де мәселелерді облыстық партиялық бақылау комиссиясының төрағасы Алмас Салимов басқарма басшыларынан сұрады.

Басқосу соңында, партия төрағасы Алтынсары Үмбетәлиев, «AMANAT» партиясының Түркістан облысы бойынша сайлауалды бағдарламасының «Сапалы білім беру үшін жағдай жасау» бөлімінде 5 жылға жоспарланған индикаторлардың сапалы және толық орындалуын тұрақты қатаң бақылауға алып, 18 күрделі жөндеуден өтіп жатқан және 738 ағымдағы жөндеуден өтіп жатқан мектептің құрылыс сапасына, бөлінген қаржылардың мақсатты жұмсалуына бақылауды күшейту қажеттігін ұсынды.

 

 

Жалпы, қорыта келгенде 2023-2027 жылдарға арналған Жол Картасы аясында 20 нысанның ішінде құрылысы биыл яғни 2023 жылға тапсырылатын 12 мектепте тиісті жұмыстар жүргізілгенімен, қалған 8 мектеп құрылысының 2023 жылға тапсырылуы бойынша мәселелер орын алып отыр. Оның ішінде тіптен 1-інің Төлеби ауданы, Бірінші Мамыр ауылдық округі, Тағайна елді мекеніндегі 200 орындық жалпы орта мектеп құрылысын 2024 жылға өтпелі етіп ауыстырып жіберген. 2023 жылы бітуі тиіс бұл нысанның 2024 жылға өтпелі болуы қазірдің өзінде Жол Картасының 1 тармағының орындалмайтындығын көрсетіп отыр.
Одан бөлек, жоғарыда айтып өткендей егер алдын алмаса Жол Картасы бойынша құрылысы 2024 жылға өтпелі 13 мектептің 8-інде бірқатар мәселелер орын алып, Жол Картасы бойынша орындалмау қаупі бар тармақтардың саны артуына әкеліп соғуы мүмкін.
Осыған байланысты, облыстық құрылыс басқармасына баяндамада көрсетілген барлық кемшіліктер мен ескертулерді қатаң назарға алып, бұл бағыттағы жұмыстарды жандандыруға ұсыныс берілді.

Ақпарат, Жаңа жоба, Қоғам

«Мансап» орталықтарының қызметкерлеріне оқыту семинарлары ұйымдастырылмақ

Оставить комментарий
2023 жылдың 1 шілдесінен бастап ҚР «Әлеуметтік Кодекс» өз күшіне енді. Елімізде “Еңбек мобильділігі орталықтары” құрылып, халықты жұмыспен қамту орталықтары «Мансап орталықтары» филиал ретінде қайта қызметін бастады. Осы орайда облыс әкімі Дархан Сатыбалдының төрағалығымен жұмыспен қамту орталықтарын трансформациялау бойынша мәжіліс өтті. Жиында сала бойынша атқарылып жатқан жұмыстар мен өзекті мәселелер талқыланды.
 
Түркістан облысы әкімдігінің қаулысымен облыстық «Еңбек мобильділігі орталығы» құрылып, Әділет департаментінде тіркелді. Сонымен бірге облыстың барлық аудан, қалаларында «Мансап орталықтары» құрылды. Аталған орталықтардың қызметкерлерінің құқықтық сауаттылығы мен біліктілігін арттыру үшін арнайы оқыту семинарларын ұйымдастырып, халыққа қызмет ететін мемлекеттік мекемелерді заман талабына сай жабдықтау жоспарлануда.
Түркістан облысының әкімі Дархан Сатыбалды аудан және қала әкімдеріне тұрғындардың әлеуметтік жағдайын жақсарту, тұрақты жұмыспен қамту бағытындағы жұмыстарды күшейтуді және көрсетілетін қызметтерді толық цифрландыру бойынша жұмыстарды сапалы атқаруды міндеттеді.
– Әрбір аудан, қала әкімдері, осы саланы қайта жіті қарап шығыңыздар. Жұмысты жүйелеу керек. Жаңа жұмыс орындарын ашуға басымдық берілсін. Сонда ғана экономика көтеріледі. Жауапты басқарма жұмыспен қамту бойынша жаңа өзгерістерді сапалы жүзеге асырсын, – деді Түркістан облысының әкімі Дархан Сатыбалды
Жиында Түркістан облыстық жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаева жаңа жұмыс орындарын құру бойынша атқарылып жатқан жұмыстар мен іске асырылатын жоспарларды баяндады. Басқарма басшысының айтуынша, биыл «Еңбек» бағыты бойынша 84 056 адамды жұмыспен қамту шараларына жолдау, оның ішінде 44 729 адамды бос жұмыс орындарына орналастыру жоспарланды. 1 шілдеге 60 072 адам жұмыспен қамту шараларына, оның ішінде әлеуметтік және қоғамдық жұмыс орындарына, «Жастар практикасы», «Алғашқы жұмыс орны» және «Күміс жас» жобалары аясында 16 416 адам тұрақты, 28 414 адам уақытша жұмыс орындарына жолданды.
«Қазақстан Республикасы Президентінің бастамасымен биыл жастарға жеңілдетілген 2,5 пайызбен 5 млн. теңгеге дейін 594 адамға шағын несие беру жоспарланды. Бүгінгі таңда конкурстық комиссияда 249 үміткердің бизнес-жобалары қаралып, 110 азаматқа шағын несие беру шешімі шығарылды. Бұдан бөлек, 2023 жылы әлеуметтік осал топтарға жататын азамттар үшін жаңа бизнес идеясын дамытуға 1 380,0 мың теңге көлемінде гранттар беру көзделген. Бүгінгі таңда грант берудің 1 және 2 легі өткізіліп, 927 адамға гранттар берілді. Үшінші және төртінші лектер бойынша гранттар беруді қыркүйек айында өткізу жоспарлануда», — деді Түркістан облыстық жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаева.
Айта кетейік, биыл Ұлттық жобалар шеңберінде іске асырылатын инфрақұрылымдық жобаларда 5000 жаңа жұмыс орнын ашу жоспарланды. 2023 жылдың 1 шілдесіне 184 жоба бойынша жарияланған 1727 бос жұмыс орынына 1384 адам жұмысқа орналасқан. Ал «10 мың тұрғынға 100 тұрақты жұмыс орын құру» бағдарламасының жеке бастамалар шеңберінде облыс бойынша 22 595 жұмыс орындарын ашу көзделіп, нақты 13 628 жаңа тұрақты жұмыс орындары құрылды.
Бұл бағытта, Түлкібас ауданында да ауқымды жұмыстар атқарылып, нақты шаралар жүзеге асырылып жатыр.  Ағымдағы жылдың 7 айында аудан бойынша «2021-2025 жылдарға арналған кәсіпкерлікті дамыту жөніндегі ұлттық жобасы» аясында 5588 адамды кешенді жоспарға сәйкес жұмыспен қамту жоспарланған. Жалпы жұмыспен қамтылғандар саны 2755 адамды құрап отыр. Оның ішінде «Әлеуметтік жұмыс» орындарына 203 азамат жолданды. «Жастар практикасына»115 азамат жолданды.«Алғашқы жұмыс орны» жобасына 43 азамат жолданды. «Күміс жас» жобасына 71 азамат жолданды.«Ақылы қоғамдық» жұмысқа 821 азамат жолданды. Тұрақты жұмыспен 741 азамат жұмысқа жолданды. «Жаңа жұмыс» орнына 56 адам жолданды. Мемлекет басшысының «10 мың тұрғынға 100 тұрақты жұмыс орындарын ашу» бойынша 608 азамат жұмысқа орналасты. Жаңа бизнес-идеяларды іске асыруға арналған мемлекеттік қайтарымсыз грант 44 азаматқа берілді.
Бұдан бөлек, Түлкібас ауданында мүгедектігі бар еңбекке қабілетті 283 адамға әлеуметтік қолдау көрсетілуде. Оның ішінде 8 азамат әлеуметтік жұмыс орнына, 2 азамат жастар практикасына, 2 азамат күміс жас жобасына, 1 азамат алғашқы жұмыс орнына, 45 азамат ақылы қоғамдық жұмысқа, 190 азамат «Бастау Бизнес» кәсіпкерлік негіздерін оқыту курсына, 15 азамат жаңа бизнес-идеяларды іске асыруға арналған мемлекеттік қайтарымсыз грант алған және 20 азамат деректер қорындағы бос жұмыс орнына жолданды.
"AMANAT", Ақпарат

УАҚЫТША ДЕПУТАТТЫҚ КОМИССИЯ МАҚТААРАЛ МЕН ЖЕТІСАЙ АУДАНДАРЫНДА БОЛДЫ

Оставить комментарий

Түркістан облыстық мәслихатының бюджет, экономика және ауыл шаруашылығы мәселелері жөніндегі комиссияның төрағасы Мағауия Тұрысбеков бастаған комиссия Мақтаарал мен Жетісай аудандарында болды . Аталған комиссия құрамында 15 облыстық мәслихатының депутаттары қамтылған. Бүгінде «Түркістан облысының ауыл шаруашылығы басқармасы басшысының басқармаға жүктелген міндеттермен функциялардың атқарылуы жөніндегі есебі» туралы мәселені зерттеу және дайындау бойынша арнайы депутаттық комиссия өз жұмысын қарқынды атқаруда. Комиссияның негізгі жұмыстары бойынша өңірдегі аудандарды аралау жұмыстарын жалғастырып келеді. Мақсат, Түркістан облыстық мәслихатының жұмыс жоспарына сәйкес ағымдағы жылғы қыркүйек айында өтетін кезекті сессияда, «Түркістан облысының ауыл шаруашылығы басқармасы басшысының басқармаға жүктелген міндеттермен функциялардың атқарылуы жөніндегі есебі» туралы мәселені зерттеу және дайындау болатын.

 

Сапар барысында, уақытша депутаттық топ алдымен Мақтаарал ауданы, Мақтаарал ауыл округінде орналасқан жалпы жер көлемі 10 832 гектарды қамтитын ұзындығы 27,18 шақырымды құрайтын К-20 каналының жобасымен танысты. Аталған каналдың 5 шақырымдық бөлігі бетон қаптамасыз топырақты канал. К-20 каналы республикалық маңызы бар . Бүгінгі таңда К-20 каналының жалпы ұзындығы 208,76 шақырымды құрайтын 91 дана ішкі тармақтарына ИДЖЖ -2 жобасы аясында күрделі жөндеу жұмыстары жүргізілуде. Алайда каналдың 27,18 шақырымдық негізігі бөлігі жеке тұлғаның меншігінде болуына байланысты аталған бағдарламаға енгізілмей қалған.

 

 

Бүгінде каналдың бағалау құны жасалған, сатып алу жұмыстары жүргізілуде. Алдағы уақытта толық күрделі жөндеу жұмыстарын жүргізу үшін, су ресурстар комитетінің меншігіне өткізуге қажетті жұмыстар атқарылатын болады. Айта кетейін, облыстық бюджеттен жобалық сметалық құжаттарын дайындау үшін 52 млн теңге қаржы қаралып, конкурсқа жіберілмек.
Сонымен қатар, Жетісайда орналасқан «Cotton мақта 2» ЖШС мақта зауытының құрылыс жұмыстарымен де танысты. Жобаның жалпы құны 60 000 тонна. Зауыттың құрылысы 01.05.2023 жылы басталып, ағымдағы жылдың қараша айында аяқталады. Мақта зауытының құрылысы аяқталса мекеме 300 адамды жұмыспен қамту мүмкіндігіне ие болады.

"AMANAT", Ақпарат

КІТАП СЫЙЛА АКЦИЯСЫ ӨТТІ

Оставить комментарий

10 тамыз – ұлт руханиятының темірқазығы, Абай Құнанбайұлының туған күні. Қазақстан Республикасының Үкіметінің қаулысымен дәл осы күн Абай күні деп бекітілген.
”AMANAT” партиясы жанындағы “Жастар Рухы” жастар қанаты Түркістан облыстық филиалы Абай күніне орай “Кітап сыйла” акциясын ұйымдастырды.

 

Қала тұрғындар мен қонақтары арасында тұлғаға қатысты сұрақтар қойып, дұрыс жауап берген жандарға “Абайдың қара сөздері” жыйнағы тарту етілді.

#AMANAT #ЖастарРухы #Abaibol

"AMANAT", Ақпарат

ЖАТАҚХАНАЛАРҒА МОНИТОРИНГ ЖҮРГІЗІЛДІ

Оставить комментарий

2023-2024 жылғы оқу маусымының қарсаңында студенттік жатақханалардың даяырлығын тексеру мақсатында Түркістан облысы «AMANAT» партиясы жанындағы «Жастар Рухы» жастар қанатының ұйымдастыруымен, Түркістан облыстық «Жастар ресурстық орталығы» КММ бірлесе отырып мониторинг жұмыстарын жүргізді. Қожа Ахмет Ясауи атындағы Халықаралық қазақ-түрік университетінде бүгінде 10 мыңнан астам студент білім алуда. Қазіргі уақытта Түркістан қаласында орналасқан 7 жатақханада 3042 орын бар, қосымша 2 ОАОО 570 орын жалға алынса, 109 орын жергілікті хостелдермен келісім негізінде студенттерге берілетін болады.

 

 

 

Мониторингтік топ құрамында «Жастар Рухы» жастар қанаты төраға міндетін атқарушы Еркебұлан Мадиярұлы, ТО «Жастар ресурстық орталығы» КММ басшы орынбасары, Төлеби аудандық мәслихат депутаты Есқұлов Пердебек, Түркістан облыстық Студенттер Альянсының төрайымы Тургунбекова Айсанам және ерікті жастар болды. Жауапты маман ретінде университетің «Жастар ісі жөніндегі департамент» басшысы Дәркенбай Аружан қатысты.

 

 

Мониторинг барысында жатақханалардың техникалық жабдықталуы, су-жылу жүйелері, ас орындары мен оқу залдары, қауіпсіздік құралдарының қаамтамасыз етілуі назарға алынды. Студенттер үйінде жүріп жатқан ішкі әрлеу жұмыстары ағымдағы жылдың 25 тамызына дейін аяқталады деп мәлімдеді. Жатақхана жұмысы бойынша жұмысты жетілдіруге бағытталған ұсыныстар университет басшылығына жолданды.

"AMANAT", Ақпарат

️АМАНАТТЫҚТАРДЫҢ АРАЛАСУЫМЕН ЭЛЕКТР БАҒАНАЛАРЫ АУЫСТЫРЫЛДЫ

Оставить комментарий

Түркістан облысында сайлау науқаны кезінде айтылған уәделі жұмыстар, бүгінде оң шешімін тауып келеді. Өздеріңізге белгілі сайлау науқаны кезінде, депутаттыққа үміткер азаматтар ауыл-ауылдарды аралап елдің ұсыныс-тілектерін тыңдап, қоғамдық қабылдаулар өткізген болатын. Сайлау науқаны қарсаңында «AMANAT» партиясы Түркістан облысы Қазығұрт аудандық партия филиалының қоғамдық қабылдау бөлмесінде аудандық мәслихат хатшысы Т.Қалымбетов депутаттыққа үмітер ретінде халықтың ұсыныс-пікірлерін тыңдаған. Қабылдауға келген Қазығұрт ауылы, Табыс көшесінің тұрғыны Табыс Қазына көшелерінің электр желілерінің тозығы жетіп, жарамсыз күйде екендігін айтып шағымын білдірген еді. Депутаттан аталған көшенің электр желілерін ауыстырып беруіне ықпал жасауды сұраған.

 

Бүгінде күрмеулі проблема өз шешімін тауып, тұрғынның мәселесі орындалды. Қазығұрт елді мекенінің тұрғыны Б.Сарсенбаеваның қоғамдық қабылдау барысында көтерген ұсынысы зерделеніп, қолдау тапты. Аталған көшенің желілері толық ауыстырылды.
Айта кетейік, мәслихат сайлауында аудандық филиалдың қоғамдық қабылдау бөлмесіне 154- тен аса ұсыныстар келіп түскен. Оның басым бөлігі әлеуметтік көмек пен инфрақұрылымға қатысты өзекті проблемалар.

Ақпарат, Жаңа жоба, Қоғам, Саясат

Түлкібас ауданының тұрғындарына «Қуатты өңірлер — ел дамуының драйвері» ұлттық жобасы насихатталды

Оставить комментарий
«Қуатты өңірлер — ел дамуының драйвері» ұлттық жобасы аясында Ұлытау облысының ақпараттық-түсіндірме жұмыс тобы Түлкібас ауданы тұрғындарымен кездесу өткізді.
2023 жылдың 9 тамызында Түлкібас ауданына Ұлытау облысынан келген жұмыспен қамту саласына жауапты басшылары мен әкімдік өкілдері «Қуатты өңірлер — ел дамуының драйвері» ұлттық жобасы аясында халқы тығыз орналасқан Оңтүстік өңірінің халқын Ұлытау облысына көшіруді насихаттау бағытында, аудан тұрғындарымен Түлкібас кент әкімі аппаратының мәжіліс залында кездесу өткізіп, мүмкіндіктер мен еңбек нарығының басым бағыттарын атап өтті.
Кездесудің мақсаты – «Қуатты өңірлер — ел дамуының драйвері» ұлттық жобасы аясында еңбек күшінің ұтқырлығын арттыру мақсатында, қабылдау өңірі Ұлытау облысындағы өңірлік квотаның орындалуы, бос орындар жәрмеңкелерімен таныстыру, еңбек нарығындағы жағдай, жұмыс күшіне сұраныс пен ұсыныс, қоныс аударудағы мемлекеттік қолдау шаралары туралы ақпарат ұсыну.
Аталған жиынды Түлкібас ауданы әкімінің орынбасары Орманов Ербол Керімбекұлы төрағалық етіп, жұмыс тобымен таныстырып өтті.
Насихаттық топ құрамына:
«Ұлытау облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің басшысы
Орынбаев Нуржан Серикович; тел: 8-777-262-92-24;
«Ұлытау облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің бөлім басшысы
Амангельдина Ляззат Жандарбековна; тел: 8-705-582-38-72;
«Ұлытау облысының жұмыспен қамтуды үйлестіру және әлеуметтік бағдарламалар басқармасының Еңбек мобильділігі орталығы» коммуналдық мемлекеттік мекемесінің директоры
Койшыбаев Айдар Саятович; тел: 8-747-990-99-90;
«Ұлытау облысының жұмыспен қамтуды үйлестіру және әлеуметтік бағдарламалар басқармасының Еңбек мобильділігі орталығы» коммуналдық мемлекеттік мекемесінің бөлім басшысы
Даниярова Гулим Сапаровна; тел: 8-702-622-65-41;
«Жезқазған қаласының жұмыспен қамту және әлеуметтік бағдарламалар бөлімі» мемлекеттік мекемесінің басшысы
Әбен Берік Абдыкамалұлы; тел: 8-701-800-03-16;
«Жезқазған қаласының жұмыспен қамту және әлеуметтік бағдарламалар бөлімі» мемлекеттік мекемесінің сектор меңгерушісі
Бекішев Абай Данаұлы; тел: 8-777-486-49-41;
Ұлытау аудандық «Мансап орталығы» филиалының директоры
Аманжолов Баянқұл Курмангалиевич; тел: 8-705-579-30-30;
Жаңаарқа аудандық «Мансап орталығы» филиалының маманы
Сыздыкова Диана Бериковна; тел: 8-708-757-45-02;
Жаңаарқа ауданы Айнабұлақ ауылдық округінің әкімі
Адикамов Жанғазы Мұратұлы; тел: 8-700-145-77-95;
Жаңаарқа ауданы Жұмажанов ауылдық округінің әкімі
Букербаев Думан Зейнуллахабдинұлы; тел: 8-775-990-42-60;
Ұлытау аудандық «Мансап орталығы» филиалының маманы
Мұңайтпас Аян Ноянұлы
Ұлытау облысы, Жаңаарқа ауданына қарасты Айнабұлақ ауылдық округі, М.Жұмажанов ауылдық округтерінен арнайы келген әкімдер қоныс аударуға ниет білдіріп жатқан аудан тұрғындарына өз тараптарынан, ауылдық шаруа қожалықтар тарапынан көрсетілетін көмек түрлерін жеткізіп, барынша қолдау көрсетілетінін атап айтты.
Сондай-ақ, кездесуге аудан тұрғындарының ішінде көпбалалы отбасылар, жастар, алқалы билері қатысты.
Жалпы саны 60 адам қатысып, олардың ішінде аталған өңірге қоныс аударуға қызығушылық білдірді.
Кездесу барысында насихаттық топ мүшелеріне жиналысқа қатысушылардан түрлі сұрақтар қойылып, тиісті жауаптар берілді. Кездесу соңында жиналысқа келген тұрғындарға брошюралар таратылып, Түлкібас ауданы әкімінің орынбасары Орманов Ербол Керімбекұлы үгіт-насихат жұмысымен келген жұмысшы тобына аудан тұрғындары атынан алғысын айтып, елбасымыздың ұстанып отырған саясатын іске асыру жолында жасалып жатқан еңбектерінің нәтижелі болуына тілектестігін білдіре отырып, ауданымыздың жұмыссыз, аз қамтылған, баспана мәселесінің шешімін таба алмай жүрген азаматтарды Ұлытау облысына қоныс аударуға және де кәсіпкерлердің осы облыс аумағында кәсіпкерлікпен шұғылдануына кеңес беріп жиынды қорытындылады.
"AMANAT", Ақпарат

«AMANAT»: Түркістан облысы мәслихатының депутаттары атқарған жұмыстары туралы баяндады

Оставить комментарий

«AMANAT» партиясы Түркістан облыстық филиалы ғимаратында, партия филиалының ұйымдастыруымен бекітілген кестеге сәйкес барлық деңгейдегі мәслихат депуттарының, БАҚ бірге өтетін баспасөз мәслихаты өз жұмысын жалғастыруда.
Кезекті брифинг, облыстық мәслихат депутаты Ағабеков Жаңабай Молдабайұлы мен Басымбек Бахыт Мүсірәліұлының қатысуымен өтті.

 

Халық қалаулылары БАҚ өкілдерінің алдында 4 айда атқарған жұмыстары туралы баяндады. Жалпы қос депутат бүгінге дейін бекітілген кестеге сәйкес қоғамдық қабылдауларды тұрақты өткізіп, сайлаушылармен кездесу жұмыстарының өткендігін, жол картасы туралы атқарылған жұмыстарына кеңінен тоқталды.

— Әр бір тұрғынның мәселесін жіті назарға алып, оның оң шешімді болуы үшін барынша қызмет жасаймыз. Депутаттық сауалдар жолдап, мәселенің шешілуін бақылауға аламыз. Аудандарда су, газ мәселесі үнемі күрделі проблема екендігі рас. Жер мәселесінің де басты назарда тұрғанын атап өткім келеді, — деді депутат Ж.Ағабеков.

 

Мұнан өзге де депутат Жаңабай Молдабайұлынан журналистер қауымы солтүстікке қоныс аудару мәселесі бойынша сұрақтар қойып тиісті ақпараттар алды.

Ал, депутат Бахыт Мүсірәліұлы, есепті кезеңде тұрғындарды толғандыратын мәселелер бойынша облыстық құрылыс басқармасының 2023-2025 жылдарға арналған облыстық бюджетті нақтылау барысында Келес ауданы бойынша мектеп, мәдениет, әкімшілік ғимаратының құрылысына қаржы қарастыру бойынша депутаттық сауал жолдап, ол бүгінде өз шешімін қанағаттандырғанын айтты.

 

— Сессияда қабылданған әрбір шешім алдын-ала мәслихаттың тиісті тұрақты комиссияларында егжей-тегжейлі пысықталып, талқыланды. Мәселен өзіме қатысты комиссияның жұмысында,
— әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссияның ағымдағы жылдың 4 айында, 4 отырысы өткізіліп, 36 мәселе қарадық. Нақтырақ айтқанда, тұрақты комиссиялардың отырыстарында облыстық бюджетті нақтылау, мемлекеттік-жекешелік әріптестік жобалары бойынша мемлекеттік міндеттемелерді қабылдау, облыс әкімдігі жанындағы ведомствоаралық комиссиялардың дербес құрамына өзгерістер енгізу, облыстық әкімшілік аумақтық құрылысы және атқарушы органдардың есептерін тыңдау туралы болады, — деді Б.Басымбек өз сөзінде.

 

Жалпы баспасөз мәжілісі аясында екі мәслихат депутаты журналистердің барлық толғандырған сұрақтарына жауап беріп, алдағы жұмыс жоспарларымен толыққанды бөлісті.
Айта кетейік, алдағы уақытта да барлық деңгейдегі мәслихат депутаттарының баспасөз мәжілісі, кестеге сәйкес жалғасын табатын болады.

"AMANAT", Ақпарат

ЖАСТАР АРАСЫНДА ТОЛАҒАЙ СПОРТТЫҚ ЭСТАФЕТАЛЫҚ САЙЫСЫ ӨТТІ

Оставить комментарий

12 тамыз — Халықаралық жастар күніне орай, “AMANAT” партиясы Түркістан облыстық филиалының жанындағы “Жастар Рухы”жастар қанатың ұйымдастыруымен “ТОЛАҒАЙ” спорттық эстафеталық ойыны өтті. Ойынға 7 аудан, қаладан жыйналған жастар қатысты. Іс-шара барысында “Есірткіге жол жоқ” акциясы бойынша жастарға салауатты өмір салтын ұстану бойынша түсіндірме жүргізілді.

Түрлі бағыттағы спорттық ойындардың қорытындысы төмендегідей:
І орын — “Краш” командасы
ІІ орын — “ Джентльмен” командасы
ІІІ орын — “Көк бөрі” командасы

"AMANAT", Ақпарат

“ЕСІРТКІГЕ ЖОЛ ЖОҚ” АКЦИЯСЫ ӨТТІ

Оставить комментарий

Түркістан облысы ”AMANAT” партиясы жанындағы “Жастар Рухы” жастар қанаты ұйымдастыруымен Төлеби ауданы “Қуаныш” жазға сауықтыру лагерінде “Есірткіге жол жоқ” акциясы өтті. Мақсаты: өскелең ұрпаққа салауатты өмір салтын насихаттау, патриоттық сезімді қалыптастыру, дұрыс бәсекелестікке жол ашу. Акция аясында жасөспірімдер арасында нашақорлыққа қарсы сурет салудан байқау өтті. Іс-шараның жалғасы командалар арасында патриоттық әндер жарысымен жалғасты.

#AMANAT #ЖастарРухы