Түлкібас ауданы, Састөбе ауылының тұрғыны Гүлнәр Жақсыбаева бизнес бастау жобасы аясында мемлекеттік грант иегері атанып, өзі иелік ететін наубайхананың қуаттылығын кеңейтіп, кент тұрғындарын ыстық нанмен қамтып отыр. Бұған дейін өз қаражатымен жүргізіп келген кәсібін мемлекеттік бағдарламаның қолдауымен қайта дамытып, қажетті жабдықтарды алған жеке кәсіпкер күніне 600-700 дана нан пісіріледі. Мейрамханалардан тапсырыс түскен жағдайда күніне 1000 данаға дейін нан жабылады. Алдағы уақытта нысанды кеңейтуді де жоспарлап қойған.
“ – Қазір біз кент ішіндегі 15 дүкенің әр қайсысына күніне 40-60 данадан нан өткіземіз. Кейде тапсырыс көп беріп жатады. Оған үлгермейміз. Кейін үлкейтіп, ауылдық округтерге тасысам деген жоспар бар” – деді Гүлнәр Жақсыбаева.
Айта кетейік, жеке кәсіпкер Гүлнәр Жақсыбаева мемлекеттік бағдарламаның шеңберінде 2023 жылдың сәуір айында 1 380 000 теңге қайтарымсыз қаражат алған. Аталған наубайханада қазір 2 адам тұрақты жұмыс атқарып келеді. Алдағы уақытта наубайхана көлемі ұлғайып, сұраныс артып жатса тағы бірнеше азамат жұмыспен қамтылады деп жоспарлануда. Сондай-ақ нан өнімін шығаратын орын жергілікті тұрғындарға да тиімді болып отыр. Яғни, жылдар бойы ас атасын аудан орталығынан тасыған тұрғындардың мәселесі шешімін тауып отыр.
Жалпы нан пісіру саласы тамақ өнімдерінің ішіндегі көшбасшылардың бірі болып саналады. Оның өнімі ең керекті және оған деген сұраныс әрдайым жоғары болып табылады. Кішігірім нан пісіретін наубайханалар стандартты ақ нан мен қара нан өндірісі бойынша үлкен зауыттармен бәсекелесе алмауы мүмкін, бірақ мұндай наубайханалар диеталық, ұлттық, эксклюзивті нан пісіру бойынша нарықтан орын алып, жақсы табыс табуға мүмкіндік береді.
Жеке кәсіпкер Гүлнара Жақсыбаева кішігірім наубайханасына конвекционды пеш, шкаф, дайын өнімдерді қоятын жылы сөрелер мен тот баспайтын болат противиньдер, мұздатқыш ларь секілді құрал-жабдықтарды да орнатқан. Бүгінде, өнім бағасы да сатып алушыларға қолжетімді болып отыр. Келешекте жеке кәсіпкер, тұтынушылардың санын көбейту үшін және бизнесті кеңейту үшін пісірілген өнімді үйге немесе жұмыс орнына жеткізіп беру іспетті қосымша қызмет көрсетулерді ұсынуы да мүмкін.
«AMANAT» партиясы Түркістан облыстық филиалының қолдауымен, Түркістан қаласы әкімдігі және облыстық “Жастар Рухы” жастар қанатының бастамасымен ұйымдастырылған үстел тенисінен ашық турнир өз мәресіне жетті. Түркістан облысының құрылғанына 5 жыл толуына орай ұйымдастырылған жарыста қатысушылар үш күн бойы бақтарын сынады. “AMANAT CUP” жеңімпаздарын «AMANAT» партиясы Түркістан облыстық филиалының төрағасы Алтынсары Үмбетәлиев салтанатты түрде құттықтады.
— Спорттың денсаулық кепілі екені баршамызға аян. Демек, біздің мақсатымыз – тәні мен жаны сау ұрпақ тәрбиелеу; жастардың спортқа деген қызығушылығын арттыру, ойлау қабілетін дамыту, көрген-білгені мен алған білімін тереңдету, салауатты өмір салтын дамыту болып табылады. Турнирге қатысқан барлық теннисшілерді шын жүректн құттықтаймын! Барлықтарыңыз да бүгінгі жарыста табандылық, жоғары спорттық шеберлік және қажымас қайраттылық таныттыңыздар деп білемін. Турнирдің сәтті өтуіне үлес қосқан төрешілер мен бапкерлерге және қатысушыларға, сондай-ақ қолдаушыларға өз алғысымды білдіремін — деді партия төрағасы.
Жалпы 200- ге жуық жасөспірім бақ сынаған ашық турнирде, қыздар арасындағы жеңімпаздар:
Шодина Камилжанова 1-орын
Шохина Мирходирова 2-орын
Назерке Болатбек 3-орын
Сонымен қатар, 2010-2012 жылдар аралығындағы жасөспірімдер арасында
1-орын Мафтуни Ханиязова
2-орын Шахруза Шавкатова Сайрам ауданы.
3-орынмен Шымкент қаласынан қатысқан Томирис Косир марапатталды.
Ал, 2005-2009 жылдар араығындағы жасөспірімдер бойынша
1-орынды Шахзода Ахмадилиева, 2-орын Нойла Ханиязова және 3-орын Ұлдана Байболат жеңіп алды. Ал 2013 жылғы және одан төмен жасөспірімдердің ұлдар арасында
1-орын Абай Жұмағұл Түркістан қ, 2-орын Абылайхан Ермаханұлы Түркістан қ және 3-орын Болатбек Шахмардан Жетісай қ.
2010-2012 жылдар арасында 1-орын Марлен Жұмағұл Түркістан қ, 2-орын Абылайхан Ермаханұлы Түркістан қ, 3-орын Орынбасар Есімхан Жетісай қ.
2005-2009 жылдар аралғындағы теннисшілер бойынша 1-орын Самат Төлебаев Түркістан қ, 2-орын Атханбек Моминжанов Шымкент қ, 3-орын Дастанбек Төребеков Шымкент қ.
18-40 жас аралығындағы қатысушылар:
1-орын Әкімәлі Бақдәулет — Шымкент қаласы
2-орын Артухметов Рысбек — Шымкент қаласы
3-орын Бесбай Жасұлан — Шымкент қаласы
41-59 жас аралығындағы ересектер
1-орын Бакуов Болат — Қызылорда облысы
2-орын Абишев Марат — Жетісай ауданы
3-орын Шарипов Сейілбек — Қызылорда облысы
Ал, 60 жастан асқан ардагерлер арасында
1-орын Ким Николай
2-орын Қамысбаев Біржан
3-орын Қасымбеков Қалдыбай
Еске сала кетейік, жарыс 7 санатты қамтыған болатын. 136 ұл мен 64 қыз іріктелген турнирге Түркістан облысына қарасты аудан, қалалардан бөлек Шымкент қаласы, Жамбыл облысы, Қызылорда облысы және Қырғыстан мемлекетінен теннисшілер қатысты.
Айта кетейік, ашық турнирге «Иассы» копсорциум және Farabi shcool мекемелері тарапынан қаржылай қолдау көрсетілді.
«AMANAT» партиясы Түркістан облыстық филиалының баспасөз қызметі
Жаз – балалар асыға күтетін, түрлі қызыққа толы жыл мезгілі. Сондай-ақ, бұл демалыс маусымын бүлдіршіндер су қызықтарынсыз елестете алмайды. Осы орайда, бүгін «Оқушылар сарайы» — ЮНЕСКО клубында «Аквачеллендж» су эстафета сайысы өтті. Мекеме директорының орынбасары Асылзат Ибраеваның сөзіне сүйенсек, бұл сайыстың балаларға берері мол.
– Бүгін сарайымыздағы үйірмелерге қатысатын балалар өзара сайысып жатыр. Бұл іс-шараның басты мақсаты – оқушыларымыздың, жалпы жасөспірімдердің спорттық ойындарға деген қызығушылығын, жылдамдығы, дәлдігі мен ептілігін арттыру. Балаларды ұжымдық жұмысқа, бірге әрекет етуге үйретіп, бәсекеге қабілетті ұрпақ тәрбиелеу. Осы жарысқа қатысқан және көрермен болған барша бүлдіршіндер бүгін бір сергіп, серпіліп қалды деп ойлаймыз. Тағы бір айта кетерлігі – «Оқушылар сарайындағы» 60-тан астам үйірме жаз бойы балалардың бос уақытын тиімді өткізу үшін қызмет етеді, — деді ол.
Атап өтер болсақ, жарысқа түрлі үйірме оқушыларынан құралған «Достық», «Бірлік», «Пантера», «Алаш», «Beeline» және «Болашақ», жалпы 6 топ қатысты. Ең белсенді 30 оқушы 6 кезең бойынша сайысып, өзара мықтыны анықтады. Нәтижесінде, «Пантера», «Алаш» және «Болашақ» топтары үшінші орынды місе тұтса, «Достық» және «Beeline» топтары екінші орынға ие болып, жас таекводошылардан құралған «Бірлік» командасы жеңімпаз атанды.
Тиісінше, жүлдегерлерге арнайы диплом мен медаль берілсе, бас бәйгені қажығалаған командаға кубок тапсырылды. Айта кетсек, мұндай көңілді сайыстар мен түрлі іс-шаралар жаз бойы жалғасатын болады
Түркістандағы «Оқушылар сарайы» — ЮНЕСКО клубының директоры Индира Икапова М.Х.Дулати атындағы Тараз өңірлік университетінің проректоры Шолпан Есимовамен бірге Түркиядағы Sakarya Teknokent университетіне барып, іргелі оқу ордасының жұмысымен танысты. Іссапар барысында «Оқушылар сарайының» басшысы Индира Сарқытқызы Sakarya Teknokent университетінің директоры Ярук Көсеоғлымен кездесіп, мекеме қызметкерлерінің тәжірибе алмасуына мүмкіндік жасау жайын талқылады.
Нәтижесінде, алдағы уақытта арнайы жоба түзіліп, мекеме қызметкерлері әріптестік аясында білім-білігін арттыратын болып шешілді. Осылайша, қос тарап білім сапасын жақсартуға өзіндік үлестерін қоспақ. Атап өтсек, бұл университеттің басты мақсаты – технологиялық өнімдер шығаруға қабілетті жаңа компанияларды құру және қолданыстағы шағын компаниялардың өсуіне ықпал жасау. Яғни, көптеген компаниялардың өркендеп, дамуына жағдай жасау. Қазіргі таңда Сакария Технокентінде барлығы 130 компания жұмыс істеп жатса, осы уақытқа дейін 273-тен астам жоба сәтті аяқталған.
Айта кетейік, бүгінде Түркістандағы «Оқушылар сарайы» — ЮНЕСКО клубы балалар, студенттер мен ересек азаматтарға 60-қа жуық үйірме және тың жобалар арқылы қосымша білім беріп, бос уақытты тиімді пайдалану үрдісін іске асырып келе жатыр.
Түлкібас ауданы Т.Рысқұлов ауылындағы Б.Момышұлы көшесінде тұратын Сағынбек Элмира таңқурай шаруашылығын дамытып жатыр. 22 жастағы жас кәсіпкер жаңа бизнес-идеясын ұсынып, бастау бизнес жобасы аясында мемлекеттік грант иегері атанған. Мемлекеттік қолдаудың арқасында 2023 жылдың сәуір айында, 1 380 000 теңге көлемінде қайтарымсыз қаражат алған ол, бүгінде раушангүлдер тұқымдасына жататын, жартылай бұталы көпжылдық өсімдіктің жемісін көруде.
Жалпы, Түркістан облысында таңқурай өсіру кәсібімен шұғылданатындардың қатары көп емес. Ал, бұл бастамасын Сағынбек Элмира болашақта одан әрі жандандырып, адам денсаулығына пайдалы, ағзаға қажетті дәрумендерге бай жемістің көлемін ұлғайтуды мақсат етеді. Айта кетейік, таңқурайдың құрамында қант, пентон, органикалық қышқылдар мен түрлі дәрумендер, калий, мырыш, фосфор, кальций, йод, цинк, хром және хош иісті заттар бар. Халықтық медицинада оны ежелден бері ем-дом үшін пайдаланады. Жапырағы да, гүлдері де, жидегі де емдік қасиеттерге өте бай. Оның құрамындағы химиялық элементтері, қатерлі ісік және жүрек қан-тамырлары, асқазан, тұмау ауруларымен жақсы күреседі. Ұмытшақтыққа да, қан аздыққа да, көз көру қызметіне де аса пайдалы дейді мамандар.
Жалпы таңқурайдың пісу кезеңі шілде, тамыз айлары болса, Түлкібас ауданындағы жас кәсіпкер Сағынбек Элмираның бақшасындағы жеміске бүгінде сұраныста арта түскен. Таңқурайды құрамындағы қанттың көптігіне қарамастан, диеталық тағамдардың қатарына қосуға болады. Бір стақан жидекте 64 калория бар екен. Ал,одан жасалған қайнатпаны дене қызуын түсіруге, бүйрек тасын шығаруға, іш ауруына, қант диабетіне, өт айдауға пайдаланады. Оны табиғи қалпында немесе кептірілген күйінде қайнатып, сусын жасап, қыста тұмау кезінде қолдануға да болады. Әсіресе, тибет медицинасында таңқурайдың жапырағы, жемісі және сабағы да қолданылады. Жапырақтарын бұқтырып шайдың орнына ішеді. Сонымен қатар таңқурайдан тосап, сусын, шырын, джем жасайды. Кондитерлік тағамдарға қосады.
«AMANAT» партиясы Түркістан облыстық филиалының қолдауымен, Түркістан қаласы әкімдігі және облыстық “Жастар Рухы” жастар қанатының бастамасымен Түркістан облысының құрылғанына 5 жыл толуына орай ұйымдастырылып отырған үстел теннисінен «AMANAT CUP» облыстық ашық турнирі өтуде. Турнирдің ашылуына «AMANAT» партиясы Түркістан облыстық филиалының атқарушы хатшысының орынбасары Қалыйма Жантөреқызы, Түркістан облысы Дене шынықтыру және спорт басқармасының бөлім басшысы Мырзабаев Арман және “Жастар Рухы” жастар қанатының облыстық филиалының төрағасы Жұман Жансерік қатысты.
Ашық біріншілік 2023 жылдың шілде айының 17-19 жұлдызына жоспарланған. Алғашқы күні дене қыздыру, жаттығу күніне арналған. Жарысқа Түркістан облысына қарасты аудан, қалалардан бөлек Шымкент қаласы, Жамбыл облысы, Қызылорда облысы және Қырғыстан мемлекетінен теннисшілер келді. Бүгін, 18 шілде жасөспірімдер арасында турнир басталды. 200- ге жуық жасөспірім турнирде бақ сынауда. 136 ұл, 64 қыз тіркелді.
Жалпы 7 санатты қамтыған жарысты ертең 19 шілде күні ересектер қорытындылайды. Жеңімпаздар арнайы алғыс хаттар мен жүлделі орындармен марапатталатын болады.
Бүгін Түркістан облысы Қазығұрт ауданына ҚР Парламенті Мәжілісінің депутаты Ерлан Абдиев арнайы барды. Халық қалаулысы Қ.Абдалиев ауылдық округіне қарасты Аманкелді елді мекеніндегі, «Амангелді» жалпы орта білім беретін 150 орынға арналған қосымша мектептің құрылыс барысымен танысып, құрылыстың қалай жүргізіліп жатқандығына бақылау жасады. Кездесу барысында мердігермен және тапсырыс берушімен объектілерді салу процесінде туындайтын проблемалық мәселелерді талқылады.
Аталған нысан 2022 жылдың мамыр айында басталған, қаржының жетіспеушілігіне байланысты құрылыс тоқтап, биылғы жылдың наурыз айында қаржысы бөлініп, қазіргі таңда құрылыс жұмыстары қарқынды жүргізілуде. Сонымен қатар, депутат құрылысы жүріп жатқан Сарапхана ауыл округі, Майлыошақ елді мекенінен 200 орындық «А.Байтұрсынов» атындағы жалпы орта мектебіне де барды. Аталмыш білім ошағының құрылысын “ӨМІРЗАҚ» ЖШС жүргізуде. Құрылыс 2021 жылы басталған. Ағымдағы жылдың желтоқсан айына дейін аяқталуы тиіс.
Мәжіліс депутаты қос нысанды аралау барысында құрылыстың бірқатар атқарылуы тиіс жұмыстарын атап өтті.
— Мектеп құрылысын осы жылдан кешіктірмеу керек жоспар бойынша. Бұл нысан партия тарапынан қазір толық бақылауда. Біздің сайлауалды бағдарламамызда дәл осы нысандарды енгізіп қойған. Біздің қазір осында келу мақсатымыз жұмыстарды өз көзімізбен көріп, бақылауға алу, — деді ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ПАРТИЯСЫ ФРАКЦИЯСЫНЫҢ ДЕПУТАТЫ.
Сондай — ақ, Ерлан Абдиев құрылыстың қарқыны жаман емес, алайда сапасына да баса мән беру керектігін айтып, облыстық құрылыс басқармасына жұмыстарды қадағалауға алуды қатаң түрде тапсырды.
Айта кетейік, құрылысы жүріп жатқан қос нысан да “AMANAT” партиясының бақылауында.
“AMANAT” партиясы Түркістан облыстық филиалының баспасөз қызметі
Түркістан облысы, 10 шілде. Мәжіліс спикері, «АМАNАТ» партиясының төрағасы Ерлан Қошанов Түркістан облысында болды. Онда өңірдегі әлеуметтік нысандарды, кәсіпорындарды аралап, тұрғындармен партиялық жобалардың іске асырылу барысын талқылады.
Палата спикері сапарын Сайрам ауданындағы сүт өнімдерін өндіретін кәсіпорын «AYKAN» жауапкершілігі шектеулі серіктестігін аралаудан бастады. Мұнда «Ауыл аманаты» партиялық жобасына атсалысқан шаруа қожалықтары басшыларының қатысуымен бағдарламаның іске асырылу барысы талқыланды. Аталған жоба ауыл-аймақта кәсіпкерлікті қолдауға бағытталған.
– «Ауыл аманаты» жобасы – ауыл азаматтары үшін табысын арттыруға зор мүмкіндік. Бұл, әсіресе, тұрғындарының көбі ауылда тұратын Түркістан облысы сияқты халқы тығыз өңір үшін өзекті. Биыл осы бағдарлама бойынша бөлінетін барлық қаражаттың бестен бір бөлігі дәл осында бағытталады. Бұл – шамамен 20 миллиард теңге. 3,5 мыңға жуық адамға жаңа жұмыс орындары ашылады, – деді Ерлан Қошанов.
Облыста «Ауыл аманаты» жобасын іске асыру қорытындысы бойынша оған қатысушылардың орташа айлық табысын 1,5 есе, сүт өнімдерін өндіруді 40,6 пайызға, етті 63,2 пайызға, жылыжай өнімдерін 30 пайызға ұлғайту жоспарланған. Жалпы биыл жоба аясында еліміз бойынша 17 мың адамды қамту көзделіп отыр.
Сондай-ақ Ерлан Қошанов «Қарызсыз қоғам» жобасына қатысушылармен кездесті. Жоба қаржылық сауаттылықты арттырып, қаржыны дұрыс жұмсауға үйретеді. Жобаны өңір тұрғындары жоғары бағалап отыр. Мәжіліс төрағасының айтуынша, қазір елімізде 7,5 млн адамның, яғни халықтың үштен бір бөлігінің банкте қарызы бар. Шамамен 1,5 миллион азамат несиесін 90 немесе одан да көп күнге кешіктіріп төлеуде және банкроттық күй кешуде. Бүгінде бұл мәселе мемлекет деңгейінде көтерілді.
– Ондай адамдар қайда барып, кімнен көмек сұрайтынын да білмейді. Айналып келгенде, барлығы қаржылық сауатсыздыққа келіп тіреледі. Сондықтан «AMANAT» партиясы «Қарызсыз қоғам» жобасын қолға алып отыр. Екі айда еліміздің бірқатар өңірінде 20 мыңнан астам адам оқытылды. Жыл соңына дейін бұл көрсеткіш бүкіл ел бойынша 80 мыңға жеткізіледі. Тренерлер халыққа қаржыны дұрыс игеруді, отбасылық бюджетті жоспарлауды, несиені дұрыс алуды үйретеді,– деді Мәжіліс төрағасы.
Жалпы Палата спикері Президенттің саясаты мен «AMANAT» партиясының жобалары арқасында бүгінде ауылдағы белсенді азаматтар үшін жаңа әрі үлкен мүмкіндіктерге жол ашылғанын атап өтті.
– Партияның жобалары халыққа заң шеңберінде қарыздан құтылуға, қаржылық сауаттылықты үйренуге, өз ісін жүргізу үшін мемлекеттен тиімді несие алуға көмектеседі. Сонымен қатар біраз ауыл шаруашылығы жерлері мемлекетке қайтарылып жатыр. Олар да халықтың игілігіне беріледі. Ендігі кезекте ең бастысы – белсенділік танытып, осы мүмкіндіктерді пайдалану. Біздің міндетіміз – халыққа балық емес, қармақ беру. Адамдардың өзін-өзі дамытуына мүмкіндіктер жасасақ, сонда жұмыс істеп, өздерін лайықты түрде қамтамасыз ете алады, – деді Мәжіліс төрағасы.
Қазығұрт ауданы, Шарбұлақ ауылындағы Данияр Қаратаевтың шаруашылығы – осының айқын дәлелі. Ерлан Қошанов бұл шаруашылыққа да ат басын бұрды. Қарызы көп, тұрақты жұмыс орны жоқ ауыл тұрғыны «Қарызсыз қоғам» жобасы бойынша оқып, кейін «Ауыл аманаты» жобасымен 4 млн теңге несие алған. 8 сауын сиыр сатып алып, сүт өндірісін жолға қойып отыр. Қазір Данияр Қаратаевтың тұрақты табысы бар.
Сонымен қатар Мәжіліс спикері Сайрам ауданы Ақсукент ауылындағы 1200 оқушыға арналған «Әл-Фараби» атындағы мектепке барды. Бұл білім ордасын 2022 жылы өңірге белгілі меценат, партия ардагері Низамхан Сулайманов жеке қаражатына салып берді. Меценат өз ауданында осындай 7 мектеп салдырған.
– Түркістанда өткен соңғы Құрылтайда Президентіміз жауапты азаматсыз Әділетті Қазақстанды құру мүмкін емес екенін айтты. Бұл адам ел игілігі жолында адал еңбек етіп, туған жердің дамуы үшін барын салып жүр. Ол өзінің нағыз патриот екенін сөзімен емес, ісімен дәделдеді. Сайрам өңірінің кәсіпкерлері – осы жауапты азаматтың жарқын үлгісі, – деді Мәжіліс Төрағасы.
Ерлан Қошанов Құтарыс ауылындағы толықтай жеке қаражатқа салынған жаңа спорт кешенінде де болды. Ол партия мүшелеріне бизнестің әлеуметтік жауапкершілігінің осындай үлгілерін республика деңгейінде көбірек насихаттауды тапсырды.
Сондай-ақ өңірде Мәжіліс спикері «Жер аманаты» және «Құқықтық көмек» партиялық жобаларының жүзеге асырылу барысымен танысып, халықтың ұсыныстарын тыңдады. «Қарызсыз қоғам» жобасының бірқатар қатысушысы «АМАNАТ» партиясының қатарына қосылды. Жаңа мүшелердің айтуынша, олардың келуіне партияның қарапайым халыққа сөзбен емес, нақты іс жүзінде көмектесетіні себеп болған
Түркістан облыстық мәслихатының кезекті төртінші сессиясында Түркістан облыстық жолаушылар көлігі және автомобиль жолдары басқармасының басшысы Ролан Ибрагимов 2022 жылы атқарылған жұмыстардың есебін баяндады. Айта кетейік, бұған дейін депутаттардан құрылған тексеру комиссиясы өңірдегі жолдардың сапасын бақылау, танысу мақсатында арнайы сапарларға шыққан болатын. Тиісінше,комиссия мүшелері өңірдегі жол саласындағы жұмыстармен танысып, сессия отырысында оң бағаларын берді.
Түркістан облысында автомобиль жолдары мен елді мекен көшелерінің ұзындығы 17 503,9 шақырымды құрайды.
2022 жылы облыс аумағында құрылыс-жөндеу жұмыстарымен жалпы 794 нысан н/е 2 094,9 шқ. жолдар мен көшелер қамтылып, жыл қорытындысымен 645 нысан н/е 1 247,5 шқ. жол мен көше пайдалануға берілген.
Соған сәйкес, облыстық және аудандық маңызы бар автомобиль жолдарының жақсы және қанағатты жағдайдағы үлесі 2022 жылы атқарылған жұмыстардың нәтижесінде 87%-дан 92%-ға өсті.
Оның ішінде бақарманың тапсырысымен 2022 жылы облыстық маңызы бар автомобиль жолдарды жөндеуде негізгі басымдық – облыс орталығы мен үлкен елді мекендерді «БЕ-БҚ» дәлізімен қосатын және туристік бағыттағы жолдарға берілді. Атап өтсек:
Төлеби ауданындағы Қасқасу және Біркөлік елді мекендеріндегі туристтік нысандарға баратын 18 шақырым жолдар толық жөндеуден өтіп, пайдалануға берілді.
Отырар ауданындағы Қазақстанның жалпыұлттық киелі орындар тізіміне енген Отырар ескі қалашығына баратын 16,9 шақырым жол жөндеуден өтіп, халық игілігіне берілді.
Сауран ауданы тұрғындарын облыс орталығы Түркістан қаласымен қосатын Шорнақ, Бабайқорған, Қарашық және Жүйнек елді мекендерінен өтетін 52,6 шақырым облыстық маңызы бар жолдар жөндеу жұмыстарымен қамтылып, 2022 жылдың қорытындысымен толық пайдалануға берілді.
Түлкібас ауданының Келтемашат, Даубаба және Састөбе бағытындағы 37,6 шақырымды құрайтын жолдарға күрделі және орташа жөндеу жұмыстары атқарылды.
Қазығұрт ауданындағы Тұрбат, Қақпақ, Қаржан, Жаңабазар елді мекендерін «БЕ-БҚ» көлік дәлізіне қосатын 56,7 шақырымдық күре жолдар орташа жөндеуден өткізілді.
Ордабасы ауданындағы Бадам, Шұбар, Қайнар, Ұялыжар, Теспе елді мекендерін «БЕ-БҚ» көлік дәлізімен жалғайтын 53,4 шақырым жолдарда асфальт жабындылары жаңартылды.
Бәйдібек ауданы аумағындағы Шаян-Жамбыл, Мыңбұлақ-Нұра, Шалдар-Сарқырама-Бірлік бағыттарындағы 71,4 шақырым жолдар жөнделіп, халық игілігіне берілді.
Жетісай ауданының Сұлубұлақ, Үтіртөбе, Көктөбе елді мекендерін қосатын 11,5 шақырым жол күрделі жөндеуден өтіп, толық пайдалануға берілді.
Келес ауданындағы Жаңадәуір, Ынтымақ, 28 гвардияшылар, Диқан, Қазақстан ауылдарын қосатын 15 шақырым жол орташа жөндеуден өткізілді.
Сайрам ауданының Көлкент, Ақсуабад, Әйтекеби және Сайрам, Абдуллабад елді мекендерін жалғайтын 38,2 шақырым жолдарға күрделі және ортташа жөндеу жұмыстары жүргізілді.
Сонымен қатар, 1 көпір күрделі жөндеу және 4 көпір ағымдағы жөндеу жұмыстарымен қамтылып, пайдалануға берілді.
Сондай-ақ, 2023 жылы автомобиль жолдарының құрылыс-жөндеу жұмыстарымен жалпы 660 нысан н/е 1594,2 шқ. жолдар мен көшелер қамтылып жұмыстар жүргізілуде. Жыл қорытындысымен 604 нысан н/е 1238,3 шқ. пайдалануға беріледі деп жоспарлануда.
Биыл, алғаш рет ел астанасында «AMANAT» партиясынан барлық деңгейдегі мәслихат депутаттарының республикалық форумы өтті. 3 мыңға жуық адам қатысқан маңызды шараға Түркістан қаласынан да бір топ депутаттар барып қайтты. Өзім де аталмыш форумның қатысушы ретінде зор әсер алғанымды айтқым келеді. Ел аманатын арқалаған әріптестерім жауапкершіліктің жүгін сезінді. Халық қалаулылары өздеріне ортақ міндеттерді талқылап, министрлерге сұрақ қойып, өзара пікір алмасты. Форумда сөз алған «AMANAT» партиясының төрағасы Ерлан Қошанов Президент Қасым-Жомарт Тоқаевтың Ұлттық құрылтайда ұсынған «Әділетті Қазақстан мен Адал азамат» концепциясына ерекше назар аударды.
Әділет пен адалдық – ажырамас ұғымдар. Ал осы ұғымдардың салтанат құруы үшін қоғамдық сана мен әлеуметтік құндылықтар өзгеруі керек. Сонда ғана көздеген мақсатымызға жетеміз. Бұл бізге де қатысты. Осы жолда «AMANAT» партиясы барлық игі істердің алғы шебінде жүруі тиіс. Халықтың сенімі бізге күш береді. Сол сенімнің арқасында, өткен сайлауда Мәжілісте де, мәслихаттарда да басым дауысқа ие болдық. Премьер-министрдің кандидатурасын ұсындық. Министрлерді тағайындадық. Мәслихаттағы фракцияларымыз облыстар мен мегаполистердің әкімдерін тағайындады. Бір сөзбен айтқанда, партия зор абырой мен орасан жауапкершілік дегенді білдіреді, – деді ол. Сондай-ақ форумда аманаттық депутаттардың сайлауалды уәделерді орындауға тиіс екендері, ол мақсатқа жету жолында жергілікті әкімдіктерге тығыз қарым-қатынаста жұмыс жасау керектігі де айтылды. Бұл ретте, мәслихат депутаттарының өкілеттілік аясы кең, өңірдің дамуына ықпал ете алады, сондықтан әр халық қалаулысы елдікті басты нысана етіп, туған жерді түлету, халықтың әл-ауқатын көтеру, өмір сүру сапасын жақсарту жолында аянбай еңбек етуі қажет.
Форумға арнайы қатысқан Премьер-министр Әлихан Смайылов Мемлекет басшысының Сайлауалды тұғырнамасын және «AMANAT» партиясының бағдарламасын іске асыру Үкімет жұмысының негізі екенін атап өтіп, алдымыздағы мақсаттарға қол жеткізу үшін қажетті ресурстардың барлығы бар. Қойылған міндеттерге қол жеткізу мәслихаттардың да белсенді қатысуын талап етеді, – деді ол. Сондай-ақ Үкімет басшысы ауыл тұрғындарының табысын арттыруға арналған «Ауыл аманаты» жобасын жүзеге асыруға биыл 100 млрд теңге бөлінетініне тоқталды. Бұл дегеніміз қазақ халқының өзегі болған ауыл үшін мол мүмкіндіктерге жол ашылады деген сөз. Бір жағынан бұл іс-шараның басты мақсаты — аймақтардағы депутаттардың қарым-қатынасын нығайту екені де ескерілді. Форум барысында пленарлық отырыс өтті. Панельдік сессиялар болды. Өз ой-пікірлерімізбен бөлістік. Халықтың мұң мұқтажын Үкіметке жеткізуде – форумның берері көп. Бұл бұқара жүгін арқалаған халық қалаулыларына Үкімет басындағылармен өзара ашық диалог құруға, ел аманатын орындауға берілген мүмкіндік болды.
