1 шілде – елімізде жаңа Конституцияның күшіне енуіне орай және Ұлттық домбыра күні қарсаңында Түркістан қаласы әкімдігінің ұйымдастыруымен қазақтың көрнекті күйші-композиторы, Қазақстанның халық әртісі Дина Кенжеқызы Нұрпейісованың 165 жылдығына арналған «Тұран даласының күйлері» атты күйшілер байқауы өтті.
Ұлттық домбыра өнері мен күйшілік дәстүрді кеңінен насихаттап, ұлттық рухани құндылықтарды дәріптеу, жас күйшілердің шығармашылық әлеуетін дамыту және қазақтың күйшілік мектебінің сабақтастығын сақтау мақсатында ұйымдастырылған шараға қаламыздағы өнерлі 20 жас бақтарын сынады.
Байқаудың ашылу салтанатына арнайы Түркістан қаласы әкімінің орынбасары Әліпов Мадияр Бақтыбайұлы, облыстық мәслихат депутаты Жантөреева Қалыйма Жантөреқызы, Түркістан қалалық мәслихатының төрағасы Сәрсенбаев Ғаппар Амантайұлы қатысып, ұлттық өнердің ұлт болмысын сақтаудағы, рухани құндылықтарды кейінгі ұрпаққа жеткізудегі маңыздылығына тоқталды.
Сонымен қатар, бүгіннен бастап күшіне енген Қазақстан Республикасы Конституциясының жаңартылған нормаларының елдің құқықтық дамуы мен қоғамдық жаңғыруындағы тарихи маңызын атап өтіп, қатысушыларға сәттілік тіледі.
Байқауға 9–21 жас аралығындағы 20 жас күйші қатысып, орындаушылық шеберліктері тәжірибелі қазылар алқасының бағалауынан өтті.
Байқау нәтижесі бойынша:
Кіші топ (9–14 жас):
Бас жүлде – Әбдірахман Жомарт Абдусаламұлы («Ақжайық» музыка мектебі);
І орын – Серікбай Нұрболат Нұрланұлы (Түркістан балалар саз мектебі);
ІІ орын – Бәкір Бекнұр Өмірханұлы (Түркістан балалар саз мектебі), Байбосын Айзере («Ақжайық» музыка мектебі);
ІІІ орын – Әсілхан Айзере Мәдиқызы («Айнамкөз» өнер мектебі), Серікбай Мадияр Қанатұлы (Б.Саттарханов атындағы футбол академиясының «Домбыра» үйірмесі).
Ересек топ (15–21 жас):
Бас жүлде – Маханбет Дәурен Қайратұлы;
І орын – Асқарұлы Асылжан;
ІІ орын – Рамазан Саят Қанатұлы, Оспан Аманжол Алмасханұлы;
ІІІ орын – Абдыхаил Дильназ Русланқызы (Қожа Ахмет Ясауи атындағы ХҚТУ-дің 1-курс студенті), Шынтемір Нұрдәулет Қайратұлы (Түркістан балалар саз мектебі).
Арнайы номинациялар:
«Көрермен көзайымы» – Момиш Назерке (Қожа Ахмет Ясауи атындағы ХҚТУ-дің 1-курс студенті);
«Шебер орындаушы» – Шалқар Арайлым Алматқызы (Ататүрік атындағы №17 мектеп-гимназиясы);
«Сүгір Әліұлы атындағы» – Ахметхан Диас Марипханұлы (Ататүрік атындағы №17 мектеп-гимназиясы);
«Дина Нұрпейісова атындағы» – Ұзақбай Ералы Ерзақұлы (Түркістан балалар саз мектебі);
«Төлеген Момбеков атындағы» – Өтебек Балнұр Ілесбекқызы (М.Мәметова атындағы №6 жалпы білім беретін мектебі).
Байқау жеңімпаздары мен жүлдегерлері арнайы дипломдармен, алғыс хаттармен және бағалы сыйлықтармен марапатталды.
Елімізде 1 шілдеден бастап жаңа Конституцияның күшіне енуіне орай Түркістан қаласында дәстүрлі «Үкілі домбыра» республикалық байқауы өтті. Игі шараны облыстық қоғамдық даму басқармасына қарасты «Қоғамдық келісім» коммуналдық мемлекеттік мекемесі ұйымдастырып отыр.
Жыл сайын дәстүрлі түрде ұйымдастырылатын байқаудың басты мақсаты – этнос жастары арасында қазақ халқының ұлттық өнері мен мәдени мұрасын кеңінен насихаттау, қасиетті домбыраның қадір-қасиетін дәріптеу, ұлттық құндылықтарға деген құрметті арттыру, сондай-ақ дарынды жас орындаушыларды анықтап, олардың шығармашылық әлеуетін қолдау.
Ұлттық домбыра күніне орай биылғы байқауға Түркістан облысының аудан-қалаларымен қатар Ақмола, Алматы, Абай, Жамбыл, Қарағанды, Қостанай, Ұлытау облыстары және Шымкент қаласынан келген этнос өкілдері қатысты. Қатысушылар дәстүрлі ән, күй және терме орындау номинациялары бойынша бақ сынады.
Байқау барысында ұлттық өнердің түрлі жанрлары дәріптеліп, жас орындаушылардың шеберлігі кәсіби қазылар алқасының бағалауына ұсынылды. Қазылар алқасының құрамына мәдениет және өнер саласының танымал мамандары, дәстүрлі өнердің майталмандары мен жоғары оқу орындарының оқытушылары енген.
Іс-шараның салтанатты ашылу рәсіміне Түркістан облысы әкімінің орынбасары Ертай Алтаев қатысып, байқаудың ұлттық мәдениетті дәріптеудегі маңыздылығына тоқталып, қатысушыларға сәттілік тіледі. Өз сөзінде ол байқаудың 1 шілде күні өтуінің символдық мәніне назар аударып, дәл осы күннен бастап еліміздің жаңа Конституциясы заңды күшіне еніп, Әділетті Қазақстанды құру жолындағы жаңа кезең басталатынын атап өтті.
– Ел бірлігі мен қоғамдық келісім – мемлекетіміздің басты тірегі. Міне, бүгінгі іс-шара түрлі этнос өкілдерінің қазақтың қасиетті домбырасын қастерлеп, ұлттық өнерді бірге ұлықтауы – халқымыздың ынтымағы мен елдігіміздің жарқын көрінісі. Қазақстанның әр өңірінен келген жас өнерпаздардың Түркістан төрінде бас қосуы – мәдени байланыстарды нығайтудың, ұлттық құндылықтарды дәріптеудің жарқын көрінісі, – деді Ертай Кенжебекұлы.
Байқау қорытындысы бойынша әр номинация бойынша І, ІІ және ІІІ дәрежелі дипломдармен марапатталды. Сонымен қатар белсенді қатысушылар мен жетекшілерге арнайы алғыс хаттар табысталды.
Айта кетсек, Ұлттық домбыра күніне арналған «Үкілі домбыра» республикалық байқауы этнос жастары арасындағы мәдени байланысты нығайтып, қазақтың төл өнерін кеңінен насихаттауға, ұлттық бірегейлік пен қоғамдық келісімді нығайтуға бағытталған маңызды мәдени алаң ретінде өз жалғасын табады.
Қоғамның тұрақтылығы мен ел азаматтарының қауіпсіздігі ең алдымен заңның үстемдігіне, құқықтық тәртіптің сақталуына және әр адамның өз құқығы мен міндетін білуіне байланысты. Осы ретте Төлеби ауданында тұрғындардың, әсіресе жасөспірімдердің құқықтық сауаттылығын арттыруға, құқық бұзушылықтың алдын алуға және қауіпсіз орта қалыптастыруға бағытталған жүйелі жұмыстар жүргізілуде. Бұл бағыттағы шаралар Мемлекет басшысы айқындаған «Заң және тәртіп» қағидатын берік орнықтыруға, қоғамда заңға деген құрметті арттыруға және кез келген құқық бұзушылыққа «нөлдік төзімділік» қалыптастыруға бағытталған.
Осы мақсатта «Тұрмыс» жедел-профилактикалық іс-шарасы аясында «Алатау» балалар сауықтыру лагерінде профилактикалық семинар-тренинг ұйымдастырылды. Маңызды іс-шараға Төлеби аудандық полиция бөлімінің қызметкерлері, Төлеби ауданы прокуратурасының прокуроры, аудандық білім бөлімінің және Отбасын қолдау орталығының мамандары қатысты. Басқосудың негізгі мақсаты – балалар мен жасөспірімдер арасында құқық бұзушылықтардың алдын алу, тұрмыстық зорлық-зомбылыққа жол бермеу, буллинг пен кибербуллингтің қауіп-қатерін түсіндіру және жас ұрпақтың құқықтық сауаттылығын арттыру.Бүгінде қауіпсіз қоғам құру – тек құқық қорғау органдарының ғана емес, бүкіл қоғамның ортақ міндеті. Заң талаптарын сақтау мәдениеті баланың бойына отбасынан бастап сіңірілуі тиіс. Мектеп, ата-ана, құқық қорғау органдары, білім беру және әлеуметтік сала мамандары бірлесе жұмыс істеген жағдайда ғана жасөспірімдер арасында құқық бұзушылықтың алдын алуға және балалар үшін қауіпсіз орта қалыптастыруға мүмкіндік молаяды.
Семинар-тренинг барысында полиция қызметкерлері балаларға Қазақстан Республикасының заңнамалары бойынша түсіндіру жұмыстарын жүргізді. Жасөспірімдер өздерінің құқықтары мен міндеттері туралы ақпарат алып, қоғамдық орындарда өзін-өзі ұстау және қауіпсіздік ережелерін сақтау, құқық бұзушылық жасаған жағдайда туындайтын жауапкершілік мәселелері жөнінде жан-жақты мағлұматқа қанықты.Құқықтық сауаттылық – қауіпсіз қоғамның басты негіздерінің бірі. Өз құқығын білетін, заң талаптарын түсінетін және өз әрекетінің салдарын бағалай алатын жасөспірім теріс жолға түсуден бойын аулақ ұстайды. Сондықтан балаларға құқықтық білім беру – құқық бұзушылық орын алғаннан кейін шара қолданудан әлдеқайда тиімді алдын алу тетігі. Кездесу барысында жасөспірімдерге тұрмыстық зорлық-зомбылықтың алдын алу мәселесіне де ерекше назар аударылды. Отбасындағы зорлық-зомбылық – жеке адамның ғана емес, тұтас қоғамның қауіпсіздігіне әсер ететін күрделі мәселе. Оның алдын алу үшін зорлық-зомбылықтың кез келген түріне немқұрайлы қарамау, құқық бұзушылыққа «нөлдік төзімділік» қағидатын қалыптастыру аса маңызды.
Бұл ретте балаларға қиын жағдайға тап болған кезде жалғыз қалмай, көмек сұраудан қорықпау қажеттігі түсіндірілді. Сенім телефондары мен көмек көрсету қызметтеріне жүгіну тәртібі туралы ақпарат беріліп, құқықтық және әлеуметтік қолдау тетіктері таныстырылды. Мұндай түсіндіру жұмыстары балалардың қауіпсіздігін қамтамасыз етіп қана қоймай, олардың өз мәселесін ашық айтуына, тиісті мамандардан дер кезінде көмек алуына мүмкіндік береді. Семинар-тренингтің тағы бір маңызды бағыты – буллинг пен кибербуллингтің алдын алу. Қазіргі таңда балалардың өмірінде интернет пен әлеуметтік желілердің орны ерекше. Цифрлық кеңістіктің мүмкіндіктерімен қатар, оның қауіптері де бар. Әлеуметтік желілерде қорлау, мазақ ету, жалған ақпарат тарату, психологиялық қысым көрсету сияқты әрекеттер жасөспірімнің эмоционалдық жағдайына кері әсер етуі мүмкін. Сондықтан балаларға интернеттегі қауіпсіздік ережелерін сақтау, жеке мәліметтерді қорғау, күмәнді адамдармен байланыс орнатпау және кибербуллинг жағдайында міндетті түрде ата-анаға немесе сенімді ересек адамға хабарлау қажеттігі түсіндірілді. Іс-шара барысында қатысушылар өздерін қызықтырған сұрақтарын қойып, мамандардан нақты жауаптар алды. Балалар өз ой-пікірлерін ашық білдіріп, қауіпсіздік, достық қарым-қатынас, құқық пен міндет, заң талаптарын сақтау тақырыптарында пікір алмасты. Мұндай еркін форматтағы кездесулердің маңызы зор. Себебі жасөспірімдер өздерін алаңдатқан мәселелерді мамандарға тікелей айтып, дұрыс бағыт-бағдар ала алады.
Сонымен бірге балаларға құқықтық мәдениетті арттыруға бағытталған бейнероликтер көрсетілді. Көрнекі материалдар арқылы заң талаптарын сақтау, құқық бұзушылықтың салдары, буллингке жол бермеу және қауіпсіз мінез-құлық қағидалары түсіндірілді. Семинар-тренинг соңында қатысушыларға құқықтық тақырыптағы жадынамалар таратылып, заң талаптарын сақтау, қоғамдық тәртіпті құрметтеу және салауатты өмір салтын ұстану жөнінде ұсыныстар берілді. Мұндай іс-шаралар «Қауіпсіз қоғам» жобасының негізгі мақсаттарымен де сабақтас. Қауіпсіз қоғам – құқық қорғау органдары ғана күзететін орта емес. Ол – әрбір азамат заңды құрметтейтін, өзгенің құқығына нұқсан келтірмейтін, құқық бұзушылыққа немқұрайлы қарамайтын, қоғамдық тәртіпті сақтауға жауапкершілікпен қарайтын орта. Осы тұрғыдан алғанда, қоғамда құқық бұзушылыққа «нөлдік төзімділік» қағидатын қалыптастырудың маңызы ерекше. Кез келген заң бұзушылыққа көз жұма қарау немесе оны елемеу үлкен мәселелерге әкелуі мүмкін. Сондықтан ұсақ құқық бұзушылықтың өзіне дер кезінде назар аудару, қоғамдық тәртіпті сақтау және заң талаптарын орындау – қауіпсіздік мәдениетінің маңызды бөлігі.
Төлеби ауданында бұл бағыттағы жұмыстардың жүйелі жүргізілуі тұрғындардың құқық қорғау органдарына деген сенімін арттыруға да ықпал етеді. Полиция, прокуратура, білім беру саласы және әлеуметтік қызмет мамандарының бірлескен жұмысы азаматтарға құқықтық мәселелер бойынша қажетті ақпаратты тікелей алуға мүмкіндік береді. Ашық диалог пен түсіндіру жұмыстары құқық қорғау органдары мен қоғам арасындағы өзара байланысты нығайтады. Әсіресе жасөспірімдермен профилактикалық жұмыстарды тұрақты жүргізу – болашақта құқық бұзушылық деңгейін төмендетудің маңызды тетігі. Себебі жасөспірімдік кезеңде қалыптасқан құқықтық сана мен жауапкершілік сезімі адамның кейінгі өміріне тікелей әсер етеді. Бала заңды құрметтеуді, өз әрекетіне жауап беруді және өзгенің құқығын сыйлауды ерте жастан үйренсе, ол қоғамның белсенді әрі жауапты мүшесіне айналады. Бүгінде «Заң және тәртіп» қағидатының басты мәні – қоғамда заңға бағыну мәдениетін қалыптастыру. Заң бәріне ортақ және оның талаптары әрбір азамат үшін бірдей. Сондықтан құқықтық мемлекет құру жолында әр адам өзінен бастап тәртіпке мән беруі қажет. Қоғамдық орында тазалық сақтау, жол қозғалысы ережесін бұзбау, өзгенің ар-намысына тимеу, балалардың қауіпсіздігіне бейжай қарамау, отбасындағы зорлық-зомбылыққа жол бермеу – мұның барлығы заң мен тәртіпті нығайтуға қосылған нақты үлес.
Төлеби ауданында ұйымдастырылған профилактикалық семинар-тренинг осы міндеттердің өзара сабақтастығын тағы бір мәрте көрсетті. Іс-шара барысында балалардың құқықтық сауаттылығын арттыру, құқық бұзушылықтың алдын алу, тұрмыстық зорлық-зомбылыққа қарсы күрес, буллинг пен кибербуллингтен қорғау мәселелері бір арнаға тоғысты. Қауіпсіз қоғам қалыптастыру бір күнде жүзеге асатын жұмыс емес. Ол үздіксіз профилактиканы, тұрақты түсіндіруді және қоғамның барлық мүшесінің белсенді ұстанымын талап етеді. Бұл бағытта құқық қорғау органдарының, мемлекеттік мекемелердің, білім беру ұйымдарының, ата-аналардың және қоғамдық институттардың өзара іс-қимылы маңызды. Балалардың қауіпсіздігіне жасалған әрбір қадам – ел болашағына жасалған инвестиция. Ал жас ұрпақтың заңды құрметтеуі мен құқықтық сауаттылығы артқан сайын қоғамдағы тұрақтылық та нығая түседі. Сондықтан Төлеби ауданында «Тұрмыс» жедел-профилактикалық іс-шарасы аясында өткен семинар-тренинг секілді жұмыстар алдағы уақытта да жалғасын табуы тиіс.
Заң үстемдік құрған, әділеттілік орныққан, құқық бұзушылыққа «нөлдік төзімділік» қалыптасқан қоғам ғана шын мәнінде қауіпсіз қоғам бола алады. Ал мұндай қоғамды қалыптастыру – баршаға ортақ жауапкершілік. «Заң және тәртіп» қағидатын күнделікті өмір салтына айналдыру арқылы ғана азаматтардың құқық қорғау және арнайы органдарға деген сенімін арттырып, қоғамдық қауіпсіздікті қамтамасыз етуге және Төлеби ауданында бейбіт әрі берекелі ортаны одан әрі нығайтуға болады.
Адам өмірі мен адам денсаулығы – қашанда ең қымбат құндылықтардың қатарында. Ал осы баға жетпес байлықты қорғау, сырқаттың алдын алу, науқастың дертіне шипа тауып, өміріне араша түсу – медицина қызметкерлеріне жүктелген аса жауапты міндет. Дәрігер мен мейіргердің, фельдшер мен санитардың күнделікті еңбегі көп жағдайда көзге көріне бермегенімен, оның қоғам үшін маңызы орасан. Ақ халатты абзал жандардың кәсіби мерекесі – осы жауапты салада еңбек етіп жүрген барша маманға құрмет көрсетіп, олардың еселі еңбегін бағалайтын ерекше күн.
Осы айтулы мерекеге орай Төлеби аудандық Мәдениет үйінде медицина қызметкерлеріне арналған салтанатты жиын өтті. Кәсіби мерекеге арналған шарада денсаулық сақтау саласында ұзақ жылдар бойы абыройлы еңбек етіп келе жатқан мамандардың еңбегі дәріптеліп, халық денсаулығын сақтау жолындағы қажырлы қызметіне жоғары баға берілді. Салтанатты жиынға аудандық мәдениет және тілдерді дамыту, дене шынықтыру және спорт бөлімінің басшысы Әуесбек Әсілбек пен аудандық мәслихат депутаты Ерболат Жабаев қатысып, медицина саласының қызметкерлерін кәсіби мерекелерімен құттықтады.
Шара барысында сөз алған Әуесбек Әсілбек денсаулық сақтау саласының мемлекет үшін аса маңызды бағыттардың бірі екенін атап өтті. Бүгінде ел көлемінде медициналық қызметтің сапасын арттыруға, халыққа көрсетілетін көмектің қолжетімділігін қамтамасыз етуге, медицина ұйымдарының материалдық-техникалық базасын нығайтуға және сала мамандарының кәсіби біліктілігін арттыруға ерекше мән беріліп келеді. Бұл бағыттағы жұмыстардың нәтижелі жүзеге асуы, ең алдымен, өз ісіне адал, кәсіби білімі мен тәжірибесін ел игілігіне арнаған медицина қызметкерлерінің еңбегіне тікелей байланысты.
– Адам өмірі мен денсаулығын сақтауды басты мұрат еткен сіздердің еңбектеріңіз қашанда құрметке лайық. Кез келген уақытта халықтың саулығы үшін аянбай еңбек етіп, жауапты міндеттеріңізді абыроймен атқарып келесіздер. Кәсіби шеберліктеріңіз, адамгершілік қасиеттеріңіз бен жанашырлықтарыңыз талай жанға үміт сыйлап, өмірге деген сенімін нығайтып келеді, – деді Әуесбек Әсілбек.
Шын мәнінде, медицина қызметкерінің жұмысы тек кәсіби білім мен біліктілікті ғана емес, сонымен бірге үлкен төзімділікті, сабырлылықты, жауапкершілікті және адамға деген шынайы жанашырлықты талап етеді. Дәрігер үшін әрбір науқастың жағдайы – үлкен жауапкершілік. Себебі ақ халатты абзал жандардың қабылдаған шешімі мен көрсеткен көмегі адамның денсаулығына ғана емес, кей жағдайда оның өміріне тікелей әсер етеді.
Медицина саласында қызмет ететін мамандар тәулік уақытына, ауа райына немесе түрлі жағдайларға қарамастан өз міндеттерін атқарып келеді. Бірі таңғы қабылдаудан кешкі кезекшілікке дейін халыққа қызмет көрсетсе, енді бірі жедел жәрдем көлігімен шақыртуға шығып, науқасқа алғашқы медициналық көмек көрсетеді. Ауылдық жерлерде еңбек ететін медицина мамандары да тұрғындардың денсаулығын қорғауда ерекше рөл атқарады. Олар шалғай елді мекендердегі тұрғындардың медициналық көмекке уақытылы жүгінуіне ықпал етіп, профилактикалық шараларды жүргізіп, түрлі аурулардың алдын алуға атсалысады. Сондықтан медицина қызметкерлерінің кәсіби мерекесі – тек дәрігерлер мен мейіргерлердің ғана емес, денсаулық сақтау саласында еңбек етіп жүрген барша маманның еңбегін бағалайтын күн. Бұл күні сала ардагерлерінің өнегелі жолы еске алынып, жас мамандардың ізденісі мен талпынысына қолдау көрсетіледі. Себебі медицина саласының бүгінгі жетістігі – аға буын қалыптастырған мол тәжірибе мен кейінгі буынның жаңашыл ізденісінің сабақтастығының нәтижесі.
Төлеби ауданындағы денсаулық сақтау саласының дамуына үлес қосып жүрген медицина қызметкерлері де елдің алғысына бөленіп келеді. Олардың әрқайсысы өзіне жүктелген міндетті жауапкершілікпен орындап, тұрғындардың денсаулығын жақсартуға өз үлесін қосуда. Бірі емдеу ісімен айналысса, енді бірі аурудың алдын алу бағытында еңбек етеді. Ал мейіргерлер науқастардың жанынан табылып, ем-домның дұрыс жүргізілуін қамтамасыз етіп, дәрігерлердің сенімді көмекшісіне айналып отыр. Мерекелік жиын барысында медицина саласында жемісті еңбек етіп жүрген бірқатар қызметкердің еңбегі арнайы атап өтілді. Халық денсаулығын сақтау жолындағы кәсіби қызметі мен ауданның денсаулық сақтау саласының дамуына қосқан үлесі үшін бірқатар медицина қызметкерлері аудан әкімінің және аудандық мәслихаттың «Алғыс хаттарымен» марапатталды.
Марапат – еңбектің бағалануы ғана емес, сала мамандарына көрсетілген құрметтің белгісі. Ақ халатты абзал жандар үшін мұндай марапаттың орны ерекше. Өйткені олардың еңбегінің басты нәтижесі – науқастың сауығуы, ананың қуанышы, баланың күлкісі, адамның өмірге қайта оралуы. Кейде медицина қызметкерінің бір ауыз жылы сөзі мен дер кезінде жасаған көмегі науқасқа үлкен демеу болып, қиын сәтте үміт сыйлайды. Жиында медицина саласының ардагерлері мен қазіргі таңда ел игілігі үшін еңбек етіп жүрген мамандардың кәсіби жауапкершілігі, білімі мен тәжірибесі, адам өміріне деген жанашырлығы ерекше аталып өтті. Әсіресе, жас буын мамандарға аға әріптестердің өнегелі жолын жалғастырып, өз білімдерін үнемі жетілдіріп отырудың маңызы зор екені айтылды. Қазіргі медицина күн сайын жаңарып, жаңа технологиялар мен заманауи емдеу әдістері енгізіліп жатқан кезеңде мамандардың кәсіби ізденісі мен біліктілігін арттыруы – сапалы медициналық көмектің маңызды кепілі.
Төлеби ауданының медицина саласында еңбек етіп жүрген мамандар үшін де басты мақсат – тұрғындарға сапалы әрі қолжетімді медициналық қызмет көрсету. Бұл ретте аурудың алдын алу, халық арасында салауатты өмір салтын қалыптастыру, медициналық сауаттылықты арттыру, профилактикалық тексерулерден уақытылы өту қажеттігін түсіндіру жұмыстарының маңызы зор. Өйткені денсаулықты сақтау тек ауруды емдеумен шектелмейді. Оның негізінде дұрыс тамақтану, дене белсенділігі, зиянды әдеттерден аулақ болу және өз денсаулығына жауапкершілікпен қарау мәдениеті жатыр. Медицина қызметкерлерінің еңбегі – қоғамның тұрақты дамуына тікелей ықпал ететін маңызды факторлардың бірі. Денсаулығы мықты халық қана елдің экономикалық, әлеуметтік және мәдени дамуына белсенді үлес қоса алады. Сондықтан денсаулық сақтау саласында қызмет етіп жүрген әрбір маманның жұмысы үлкен қоғамдық маңызға ие.
Кәсіби мерекеге арналған салтанатты шараның соңы көтеріңкі көңіл күйге ұласты. Ақ халатты абзал жандарға құрмет көрсетіліп, аудан өнерпаздары арнайы концерттік бағдарлама ұсынып, мерекелік көңіл күй сыйлады. Әсем әндер шырқалып, сахна төрінде өнер көрсеткен шығармашылық ұжымдар медицина қызметкерлеріне жылы лебіздерін жеткізді. Салтанатты жиын барысында айтылған ізгі тілектер мен марапаттар медицина мамандарына деген ел құрметінің айқын көрінісіне айналды. Қоғам үшін ең маңызды мамандықтардың бірін таңдаған ақ халатты жандардың еңбегі қашанда жоғары бағалауға лайық. Себебі олардың күнделікті атқаратын қызметінің артында адам тағдыры, отбасының бақыты, ұлт денсаулығы тұр. Ақ халатты абзал жандардың еңбегі – ерлікке пара-пар. Олар адам өміріне араша түсіп, талай жанға үміт сыйлайды. Кейде ұзақ уақыт бойы көзге көрінбейтін, бірақ аса жауапты жұмысты атқарып жүрген медицина қызметкерлерінің еңбегі осындай мерекелік шараларда ерекше бағаланып, көпшілікке үлгі болады.
Төлеби ауданында өткен бұл салтанатты жиын да медицина қызметкерлеріне деген құрметтің жоғары екенін көрсетті. Еңбегі еленіп, мерейі үстем болған мамандар үшін бұл күн ерекше қуанышқа толы болса, жалпы қоғам үшін ақ халатты абзал жандардың адам өмірі мен денсаулығын қорғау жолындағы еңбегін тағы бір мәрте бағалауға мүмкіндік берді. Елдің амандығы мен халықтың денсаулығы жолында аянбай еңбек етіп жүрген медицина қызметкерлеріне қандай құрмет көрсетілсе де артық емес. Олардың кәсіби білімі мен біліктілігі, мейірімі мен жанашырлығы, сабыры мен жауапкершілігі – талай адамның өміріне оң әсерін тигізіп келеді. Сондықтан ақ халатты абзал жандардың еңбегі әрдайым ел алғысына, халық құрметіне лайық.
Түркістан облысында этнос жастарының басын біріктіріп, олардың өзара достығы мен ынтымақтастығын нығайтуға бағытталған «БІРЛІК ЛАГЕРІ – 2026» өз жұмысын жалғастыруда. Биылғы лагерь аясында жастардың бос уақытын тиімді ұйымдастырумен қатар, олардың шығармашылық қабілетін шыңдауына, зияткерлік әлеуетін арттыруына, ұлттық құндылықтарға деген қызығушылығын күшейтуіне және көшбасшылық қасиеттерін дамытуына ерекше мән берілді. Лагерь бағдарламасының маңызды бөлігінің бірі – ұлттық және зияткерлік спорт түрлерінен ұйымдастырылған жарыстардың қорытындысы бойынша жеңімпаздарды марапаттау рәсімі болды. Дәстүр мен заманауи білімді ұштастырған сайыстарға қатысқан жастар өздерінің шеберлігін, тапқырлығын, ептілігі мен ұйымшылдығын көрсетіп, үздіктер қатарынан көрінуге таласты.
Төлеби ауданындағы «Тау Самалы» демалыс аймағында өткен марапаттау рәсімінде садақ ату, асық ату, арқан тарту, шахмат және тоғызқұмалақ сынды ұлттық әрі зияткерлік спорт түрлерінен жоғары нәтиже көрсеткен қатысушыларға құрмет көрсетілді. Жарыстар барысында ерекше белсенділік танытып, жеңіске жеткен жастар арнайы дипломдармен және қаржылай сертификаттармен марапатталды. Жеңімпаздарды марапаттау – олардың жарыстағы жетістігін атап өтумен ғана шектелмей, жастардың еңбегін бағалау, ізденіске деген ынтасын арттыру және жаңа белестерге ұмтылуына серпін беру мақсатындағы маңызды қадам. Себебі кез келген жетістік – табандылық пен еңбектің нәтижесі. Ал жастар арасында осындай игі бастамалардың жүзеге асуы олардың бойында жауапкершілік пен бәсекеге қабілеттілік қасиеттерін қалыптастыруға ықпал етеді.
Ұлттық спорт түрлерінің лагерь бағдарламасына енгізілуінің де өзіндік мәні бар. Садақ ату мен асық ату секілді дәстүрлі ойындар – халқымыздың ұлттық мұрасы ғана емес, жас ұрпақтың тарихи-мәдени құндылықтарға деген құрметін арттыратын маңызды құрал. Ал арқан тарту сияқты командалық жарыстар жастарды ауызбіршілікке, ұйымшылдыққа және бірлесе әрекет етуге тәрбиелейді. Бұл спорт түрлерінің барлығы «БІРЛІК ЛАГЕРІ» атауының негізгі идеясы – татулық пен өзара түсіністікті нығайтумен сабақтасып жатыр. Зияткерлік сайыстар қатарында шахмат пен тоғызқұмалаққа да ерекше көңіл бөлінді. Ойлау қабілетін дамытып, стратегиялық шешім қабылдауға үйрететін бұл ойындар жастардың зердесін шыңдап қана қоймай, сабырлылық пен ұқыптылыққа баулиды. Әсіресе тоғызқұмалақтың жастар арасында кеңінен насихатталуы ұлттық зияткерлік ойынға деген қызығушылықтың артып келе жатқанын көрсетеді.
Марапаттау рәсімінде жеңімпаздармен қатар, жарыстарға белсенді қатысып, өз мүмкіндігін сынаған барлық жастардың еңбегі де ерекше бағаланды. Өйткені лагерьдегі әрбір сайыс жеңіс үшін ғана емес, жастардың бір-бірімен жақынырақ танысып, достық қарым-қатынас орнатуына, ортақ мақсат жолында бірлесіп әрекет етуіне мүмкіндік берді. Іс-шара барысында жастарға қолдау көрсетудің маңыздылығы да атап өтілді. Жастардың әрбір бастамасына қолдау білдіру, олардың қоғамдық белсенділігін арттыру және әлеуетін жүзеге асыруға мүмкіндік беру – қоғамның тұрақты дамуының маңызды шарттарының бірі. Осы тұрғыдан алғанда, «БІРЛІК ЛАГЕРІ – 2026» жас буынның бастамаларын қолдайтын, олардың пікірін тыңдайтын және өзара тәжірибе алмасуына жағдай жасайтын тиімді алаңға айналып отыр.
Лагерь аясында өткен марапаттау рәсімімен қатар, этнос жастарының қатысуымен мазмұнды кездесу де ұйымдастырылды. Түркістан облысы әкімінің орынбасары Ертай Алтаев жастармен еркін форматта жүздесіп, олардың ой-пікірлері мен ұсыныстарын тыңдады. Басқосуға «Ассамблея жастары» республикалық қоғамдық бірлестігінің төрағасы Тимур Жұмырбаев та қатысып, жастармен ашық пікір алмасты. Еркін форматтағы кездесуде жастар өздерін толғандырған мәселелерді ортаға салып, өңірдің қоғамдық өміріне, жастар саясатына және этносаралық келісімді одан әрі нығайтуға қатысты ұсыныстарын білдірді. Ашық пікір алмасу барысында жастардың азаматтық белсенділігі мен қоғамдағы өзгерістерге деген қызығушылығы айқын көрінді.
Мұндай кездесулердің басты ерекшелігі – жастардың өз ойын еркін жеткізуіне мүмкіндік берілуі. Жас буынның пікірін тыңдау арқылы олардың нақты қажеттіліктерін анықтап, жаңа бастамаларға жол ашуға болады. Сонымен бірге мұндай ашық диалог жастар мен мемлекеттік органдар, қоғамдық ұйымдар арасындағы өзара сенімді нығайтып, ортақ мақсаттарға бірге ұмтылуға ықпал етеді. Кездесу барысында жастарға жаңа мүмкіндіктерді тиімді пайдалану, өз қабілеттерін дамыту және қоғамдық бастамаларға белсенді араласу мәселелері жөнінде мазмұнды ойлар айтылды. Әсіресе этнос жастарының ел бірлігін нығайтудағы рөліне баса назар аударылды. Себебі Қазақстандағы қоғамдық келісім мен тұрақтылықты сақтауда жастардың орны ерекше.
Бүгінде елімізде түрлі этнос өкілдерінің өзара түсіністігі мен достығын нығайтуға бағытталған көптеген жобалар жүзеге асырылып келеді. Бұл ретте жастардың белсенділігі айрықша маңызға ие. Өйткені қазіргі жас буын – қоғамның ертеңгі келбетін қалыптастыратын негізгі күш. Олардың бойындағы отансүйгіштік, жауапкершілік, толеранттылық және өзара құрмет секілді қасиеттер қоғамдық тұрақтылықтың берік негізін қалыптастырады. «БІРЛІК ЛАГЕРІ – 2026» осы құндылықтарды жастар арасында кеңінен насихаттауға бағытталған маңызды бастамалардың бірі. Лагерьде әртүрлі этнос өкілдерінің жастары бір ортаға жиналып, жаңа достар тауып, тәжірибе алмасып, өзара түсіністікті арттыруда. Бірге өткізілген уақыт, ортақ жарыстар мен командалық ойындар жастар арасындағы достық байланысты одан әрі күшейте түседі.
Лагерь бағдарламасындағы спорттық және зияткерлік сайыстардың да тәрбиелік мәні зор. Себебі жарыс барысында жастар тек жеңіске жетуге талпынбайды. Олар қарсыласын құрметтеуді, командаласымен бірге әрекет етуді, жеңілісті сабырмен қабылдап, келесі жолы жақсы нәтиже көрсетуге ұмтылуды үйренеді. Бұл қасиеттер кейін олардың күнделікті өмірінде, білім алуында, еңбек жолында және қоғамдық қызметінде де қажет болады. Ал жеңімпаздарды марапаттау – осы еңбектің нақты нәтижесін көрсететін сәт. Дипломдар мен қаржылай сертификаттардың табысталуы жастардың жетістігін бағалаумен бірге, олардың жаңа мақсаттарға ұмтылуына мотивация береді. Бүгін жеңіс тұғырынан көрінген жас ертең басқа жастарға үлгі болып, жаңа бастамалардың көшбасшысына айналуы мүмкін. «БІРЛІК ЛАГЕРІ – 2026» – жастарды бір ортаға жинаған жай ғана демалыс алаңы емес. Бұл – достықты бекемдейтін, ұлттық құндылықтарды дәріптейтін, зияткерлік қабілетті арттыратын, көшбасшылық қасиеттерді қалыптастыратын және азаматтық белсенділікті күшейтетін маңызды жастар платформасы.
Төлеби жерінде өткен шара барысында марапатталған жастардың әрқайсысы өз жетістігімен ерекшеленді. Олардың жеңісі – жеке нәтиже ғана емес, лагерьдегі ортақ достық пен ынтымақтастықтың жарқын көрінісі. Ұлттық спорт пен зияткерлік ойындарда бақ сынаған қатысушылар өзара бәсекеге түссе де, басты құндылық – бір-біріне деген құрмет пен достықты сақтай білді. Осындай іс-шаралар арқылы жастардың бойына «бірлік бар жерде – тірлік бар» деген ұстаным сіңіріледі. Бір-бірінің мәдениеті мен салт-дәстүрін құрметтеген, ортақ мақсат жолында жұмыла білген ұрпақ қана елдің жарқын болашағын қалыптастыра алады.
Сондықтан «БІРЛІК ЛАГЕРІ – 2026» аясындағы әрбір бастаманың мәні зор. Мұнда жеңімпаздарды марапаттау арқылы жастардың еңбегі еленсе, еркін форматтағы кездесулер арқылы олардың пікірі тыңдалып, ұсыныстарына назар аударылды. Бұл – жастарға сенім білдірудің, олардың әлеуетін мойындаудың және қоғам өміріне белсенді араласуына жағдай жасаудың нақты көрінісі. Түркістан облысында ұйымдастырылып отырған «БІРЛІК ЛАГЕРІ – 2026» этнос жастарының басын қосып, олардың арасындағы достық пен өзара түсіністікті нығайта отырып, бірлік пен татулықтың құндылығын кеңінен насихаттауға қызмет етуде. Ал лагерь барысында жеңіс тұғырынан көрінген жастардың марапатталуы – олардың талпынысы мен еңбегіне көрсетілген құрметтің белгісі.
Бүгінгі жеңімпаздар – ертеңгі көшбасшылар. Олардың әрбір жетістігі жаңа бастамаларға жол ашып, басқа жастарға да жігер береді. Ең бастысы, осындай ортада тәрбиеленген жас ұрпақ елдің басты құндылығы – бейбітшілік пен тұрақтылықты, достық пен татулықты бағалай білетін азамат болып қалыптасады. Ал бұл – барша қоғам үшін ортақ әрі маңызды мақсат.
В туристическом комплексе «Керуен-Сарай» города Туркестан состоялась торжественная церемония открытия VIII Народных игр Республики Казахстан. Праздничное мероприятие, объединившее национальный колорит и современные технологии, подарило зрителям незабываемые впечатления.
В торжественном мероприятии приняли участие аким Туркестанской области Нуралхан Кушеров и заместитель председателя Комитета по делам спорта и физической культуры Министерства туризма и спорта Республики Казахстан Аманбай Нурмуханбетов, которые поздравили спортсменов и тренеров с открытием масштабных соревнований.
Аким области отметил важную роль Народных игр в развитии массового спорта в стране и рассказал о достижениях Туркестанской области в спортивной сфере.
– Добро пожаловать в священный Туркестан! От всей души поздравляю вас с торжественным открытием VIII Народных игр, проходящих на земле священного Туркестана – золотой колыбели тюркского мира! Сегодня мы становимся свидетелями большого спортивного праздника, который укрепляет национальный дух, пропагандирует здоровый образ жизни и повышает статус массового спорта. В народе говорят: «В здоровом теле – здоровый дух». Здоровье нации – главное богатство государства. Глава государства Касым-Жомарт Кемелулы Токаев уделяет особое внимание развитию массового спорта и формированию здорового образа жизни. В соответствии с поручением Президента во всех регионах страны строятся новые спортивные объекты, а число граждан, занимающихся спортом, ежегодно растет. Благодаря этой последовательной политике спорт активно развивается и в Туркестанской области. Сегодня более 89 тысяч спортсменов регулярно занимаются 62 видами спорта. В целом свыше 43 процентов населения систематически занимается физической культурой. Особое внимание уделяется детскому спорту: в 51 спортивной школе тренируются около 40 тысяч детей и подростков. За первые пять месяцев текущего года спортсмены области завоевали 657 медалей, а 788 спортсменов вошли в состав национальной сборной. Десять наших спортсменов получили лицензии на участие в Азиатских играх. Кроме того, в регионе ведется строительство 20 новых спортивных объектов. Благодаря таким масштабным проектам Туркестанская область имеет широкие возможности для проведения республиканских и международных соревнований. Сегодня в нашем городе собрались более 2300 лучших спортсменов и тренеров из 20 регионов страны. Это свидетельствует о том, что масштабы и престиж Народных игр из года в год возрастают. На протяжении веков Туркестан, расположенный на Великом шелковом пути, был священным центром, объединявшим народы и культуры. И сегодняшние Народные игры продолжают эту добрую традицию, объединяя все регионы страны вокруг общей цели и общих интересов. В этих престижных соревнованиях определятся сильнейшие спортсмены. Поэтому желаю каждому участнику честной борьбы, высокого спортивного мастерства и ярких побед. Пусть VIII Народные игры придадут новый импульс развитию массового спорта и станут знаменательным праздником, прославляющим национальные ценности! – сказал аким области.
Заместитель председателя Комитета по делам спорта и физической культуры Министерства туризма и спорта Республики Казахстан Аманбай Нурмуханбетов рассказал о работе, проводимой по развитию массового спорта в соответствии с поручениями Главы государства, и подчеркнул особую роль Народных игр в развитии спортивного движения страны.
Во время торжественной церемонии все команды были представлены в рамках уникального водного парада. Церемония открытия продолжилась театрализованными постановками, этно-фольклорными композициями и концертной программой известных артистов, подарив зрителям праздничное настроение.
Стоит отметить, что в Народных играх Республики Казахстан принимают участие команды из всех регионов страны. Спортсмены соревнуются в баскетболе 3х3, волейболе, шахматах, тогызкумалаке, қазақ күресі, настольном теннисе, футзале, асық ату, армрестлинге и гиревом спорте. По итогам соревнований, которые продлятся до 20 июня, будут определены лучшие спортсмены и команды.
Сайрам аудандық орталықтандырылған кітапханалар жүйесінің ұйымдастыруымен көрнекті мемлекет және қоғам қайраткері, тарихшы-этнограф, ұлттық мәдениет пен руханияттың жанашыры Өзбекәлі Жәнібектің туғанына 95 жыл толуына орай «Өнегелі өмір — өшпес мұра» атты аудандық байқау ұйымдастырылды. Тағылымды шараның негізгі мақсаты – халқымыздың тарихы мен мәдениетін зерделеп, ұлттық құндылықтарды дәріптеуге өлшеусіз үлес қосқан Өзбекәлі Жәнібектің өнегелі өмір жолын кейінгі ұрпаққа кеңінен насихаттау. Сонымен қатар, жастардың тарихи танымын тереңдету, зерттеушілік қабілетін дамыту, туған елдің рухани мұрасына деген құрметін арттыру көзделді.
Іс-шара Қазақстан Республикасының Мемлекеттік Әнұранымен басталды. Салтанатты жиын барысында «Мега жұлдыз» және «Жұлдызай» республикалық байқауларының Гран-при иегері, халықаралық фестивальдердің дипломанты Айбын Жұмабеков «Арқалықтың ақ таңы» әнін орындап, шараның мазмұнын аша түсті. Байқаудың ашылу салтанатында Сайрам ауданы әкімінің орынбасары Сержан Дүйсебаев сөз сөйлеп, қатысушыларға сәттілік тіледі. Ол мұндай мәдени-ағартушылық шаралардың жас ұрпақтың тарихи санасын қалыптастырудағы маңызын атап өтті.
Кеш қонақтарының қатарында Қазақстан Республикасының Білім беру ісінің үздігі, Ы.Алтынсарин төсбелгісінің иегері, Түркістан қаласының Құрметті азаматы, Өзбекәлі Жәнібектің қарындасы Айғаным Абанқызы да болды. Ол ағасының өмірі мен қызметіне қатысты естеліктерімен бөлісіп, оның елге, ұлтқа қызмет етудегі азаматтық ұстанымы жөнінде тағылымды әңгіме өрбітті. Жастарға ақыл-кеңесін айтып, тарихи тұлғаның өнегелі жолын үлгі етуге шақырды.
Аудандық байқау екі кезең бойынша өткізілді. Бірінші кезеңде қатысушылар «Өзбекәлі мен үшін кім?» тақырыбында бейнеролик ұсынып, көрнекті тұлғаның өмірі, қызметі және ұлттық мәдениетті дамытудағы еңбегі туралы өз ойларын білдірді. Бұл кезеңде үміткерлердің шығармашылық ізденісі, тақырыпты ашу шеберлігі мен тұлға мұрасын өзіндік көзқарас тұрғысынан жеткізе білу қабілеті бағаланды.
Екінші кезең «Өзбекәлі Жәнібек – ұлт руханиятының жанашыры» тақырыбына арналды. Қатысушылар ғылыми-зерттеу жұмыстарын әзірлеп, оны презентация арқылы қорғады. Зерттеу барысында Өзбекәлі Жәнібектің ұлттық өнерді, қолөнерді, тарихи-мәдени мұраны сақтауға қосқан үлесі, музей ісін дамытудағы қызметі және ел тарихындағы орны кеңінен қамтылды. Байқауға аудан кітапханаларының оқырмандары қатарынан 8 үміткер қатысып, өздерінің білім-білігін, шығармашылық қабілетін және зерттеушілік ізденісін көрсетті. Әр қатысушы тарихи тұлғаның өмір жолын өзінше зерделеп, оның елге сіңірген еңбегін кейінгі буынға танытуға ұмтылды.
Қазылар алқасының шешімімен Ханқорған ауыл кітапханасының оқырманы Сақтаған Жаңыл Бас жүлдені иеленіп, облыстық кезеңге жолдама алды. І орын аудандық орталық кітапхананың оқырманы Бостан Мөлдірге бұйырды. ІІ орынды М.Оразалиев ауыл кітапханасының оқырманы Батырхан Бақдәулет иеленді. Ал ІІІ орынға М.Оразалиев ауылдық кітапханасының оқырманы Анарбек Нұрислам және Ақсукент-2 ауылдық кітапханасының оқырманы Озода Эргашбекова лайық деп танылды.
Қалған қатысушылар Алғыс хаттармен және ынталандыру сыйлықтарымен марапатталды. Сондай-ақ байқауға қатысушыларды дайындап, олардың зерттеу жұмыстарына бағыт-бағдар берген жетекшілерге де Алғыс хаттар табысталды.
Өзбекәлі Жәнібек – ұлттың тарихи жадын жаңғыртуға, мәдени мұраны жүйелеуге және ұлттық өнерді ұлықтауға ғұмырын арнаған тұлға. Оның бастамасымен көптеген тарихи-мәдени құндылықтар қайта зерделеніп, ұлттық мұраны сақтауға бағытталған маңызды жұмыстар жүзеге асырылды. Сондықтан қайраткердің өмір жолы мен елге сіңірген еңбегін жас ұрпаққа таныстыру – тарихи сабақтастықты қамтамасыз етудің маңызды бағыттарының бірі. Осындай байқаулар арқылы кітапхана оқырмандары тек тарихи деректермен танысып қана қоймай, өздігінен ізденіп, ғылыми ақпаратты саралап, көпшілік алдында ойын еркін жеткізуге машықтанады. Бұл ретте кітапханалардың мәдени-ағартушылық орталық ретіндегі рөлі де айқындала түседі.
«Өнегелі өмір — өшпес мұра» байқауының мазмұны да осы мақсатпен сабақтасып, жастарды ел тарихын құрметтеуге, ұлттық мұраға жанашырлықпен қарауға және қоғамға пайдалы азамат болуға үндеді. Қатысушылардың белсенділігі мен ізденісі тарихи тұлғалардың тағылымды жолын насихаттау жұмыстарының маңызын тағы бір мәрте көрсетті. Өзбекәлі Жәнібектің 95 жылдығына арналған бұл тағылымды шара Сайрам ауданындағы мәдени-ағартушылық жұмыстардың мазмұнын байытып, өскелең ұрпақтың ұлттық тарих пен руханиятқа қызығушылығын арттыруға мүмкіндік берді. Ұлт үшін еңбек еткен тұлғаның өнегелі ғұмыры жас буынға бағыт-бағдар беретін құнды мұра ретінде дәріптеле бермек.
Түркістанда Мәдениет және өнер қызметкерлері күніне орай мерекелік іс-шара ұйымдастырылып, сала мамандары марапатталды. Салтанатты жиынға облыс әкімінің орынбасары Ертай Алтаев арнайы қатысып, кәсіби мерекемен құттықтады. Ол мәдениет пен өнердің еліміз үшін орны зор екенін айтып, өңірде осы бағытта атқаралып жатқан жұмыстарға тоқталды.
– Күні кеше ғана Түркі Мемлекеттері ұйымының бейресми саммитін абыроймен атқарып алдық. Елдің абыройын көтеретін осы игілікті істердің барлығы – сіздердің еңбектеріңіздің жемісі деп сеніммен айта аламын. Өңірде көптеген мәдениет ошақтары салынып, халыққа рухани қызмет көрсетіп келеді. Түркістан қаласынан бөлек, облыстың басқа аймақтарында да мәдениет саласында оң өзгерістер байқалады. Өткен жылдың өзінде аудан, қалаларда 6 мәдениет үйі пайдалануға берілсе, биыл 10 мәдениет ошағының құрылысы жүруде. Облыстық мәдениет мекемелері республикалық, халықаралық байқауларда өңір намысын қорғап, жүлдегерлер қатарынан көрінуде. Театрларымызда жаңа қойылымдар сахналанып, концерттік ұйымдар мазмұнды кештерді жұрт назарына ұсынып келеді. Өнер байқауларындағы жетістіктерден бөлек, алыс-жақын шет мемлекеттерге де гастролдік сапарлар ұйымдастырылуда. Биыл «Конгресс холл» кешенінің «Алқоңыр» ансамблі Европада өнер көрсетіп, ел даңқын асқақтатты. Ұрпақтар сабақтастығы арқылы бүгінгі дәуірге жеткен өнер мен мәдениет саласының дамуындағы үлестеріңіз үшін шынайы алғысымды білдіремін, – деді Ертай Кенжебекұлы.
Мерекелік шарада өңір мәдениетінің дамуына еңбегі сіңген сала мамандарына
«Ерен еңбегі үшін» медалі және «Мәдениет саласының үздігі» төсбелгісі тапсырылды. Сондай-ақ бірқатар мәдениет және өнер қызметкерлері Түркістан облысы әкімінің Құрмет грамотасымен және Алғыс хатымен марапатталды.
Салтанатты жиында «AMANAT» партиясы Түркістан облыстық филиалының атқарушы хатшысының орынбасары Қалыйма Жантөреева сала мамандарын кәсіби мерекемен құттықтап, Алғыс хаттар табыстады. Кәсіби мереке қарсаңында «Музейлер шеруі» байқауы ұйымдастырылған болатын. Бүгін облыстық мәдениет басқармасының басшысы Ғалымжан Ерназаров байқау жеңімпаздарын марапаттап, жүлдегерлерге автокөлік пен бағалы сыйлықтар табыстады.
Мерекелік кешке жиналған қауым ең алдымен «Мәдениеттің көрінбес қырлары» атты арнайы промо-роликті тамашалады. Ал «Алтын тамыр» би ансамблі «Өнер» хореографиялық қойылымын сахналап, кештің сәнін келтірді. Сондай-ақ елімізге танымал өнер жұлдыздары Маржан Арапбаева, Гүлнұр Оразымбетова ән шырқап, мерекелік көңіл-күй сыйлады.
Айта кетсек, бүгінде киелі шаһар облыс орталығы ретінде жаңару мен дамудың жаңа белесіне көтеріліп отыр. Мемлекет басшысы Қасым-Жомарт Тоқаевтың Жарлығымен Түркістанға өткен жылы ерекше мәртебе берілді. Ал биыл Түркістан облысының құрылғанына 8 жыл толып отыр. Өңірде облыс әкімі Нұралхан Көшеровтің бастамасымен мәдениет пен руханият саласын дамыту бағытындағы жұмыстар жүйелі түрде жалғасып келеді. Алдағы уақытта да Түркі әлемінің рухани бағдарына айналған шаһарда мәдениеттің өркендеуіне бағытталған шаралар өткізу жоспарлануда.
В Сарыагашском районе последовательно реализуются проекты, направленные на развитие социальной, культурной и спортивной инфраструктуры. Строительство новых объектов и капитальный ремонт действующих учреждений являются важной частью работы по повышению качества жизни населения, созданию комфортных условий для занятий спортом, организации досуга и развития духовной культуры жителей. Аким Сарыагашского района Арман Абдуллаев регулярно посещает строительные площадки и объекты, находящиеся на ремонте, лично контролируя качество выполняемых работ и соблюдение установленных сроков.
Одним из значимых объектов, где в настоящее время ведутся масштабные работы, является центральный стадион города Сарыагаш, находящийся на балансе районной детско-юношеской спортивной школы.Капитальный ремонт объекта осуществляет строительная компания ВИБО-Строй. В ходе рабочей поездки глава района ознакомился с текущим состоянием строительных работ и высказал подрядчику ряд замечаний, касающихся качества исполнения и необходимости использования надежных и долговечных строительных материалов.
На сегодняшний день уже завершён ремонт административного здания стадиона, а также полностью установлена новая кровля над зрительскими трибунами. После завершения всех этапов реконструкции центральный стадион станет современной спортивной площадкой, соответствующей требованиям для проведения тренировок, соревнований и массовых спортивных мероприятий.
В рамках рабочей поездки аким района также посетил многоквартирное общежитие №3, расположенное на бульваре Шамши. Здесь проводятся текущие ремонтные работы, включающие побелку и покраску фасада и прилегающей территории, а также благоустройство мест общего пользования. Реализация данных мероприятий направлена на улучшение условий проживания жителей и создание более комфортной и эстетически привлекательной среды. Особое внимание в районе уделяется развитию объектов культуры. В селе Жонарык Кабланбекского сельского округа продолжается строительство здания библиотеки и Дома культуры на 200 мест.
Во время осмотра объекта Арман Абдуллаев подчеркнул важность строгого соблюдения строительных норм и высокого качества выполняемых работ. Подрядной организации поручено завершить строительство в установленные сроки и обеспечить готовность объекта к вводу в эксплуатацию без отклонений от проекта. В настоящее время на строительной площадке трудятся 16 рабочих и задействованы 2 единицы специализированной техники. Выполняются внутренние штукатурные, сварочные и монтажные работы. Одновременно ведётся устройство кровли, внутренняя отделка помещений, бетонирование полов и монтаж сантехнических систем. После завершения строительства новый Дом культуры и библиотека станут важным центром общественной жизни, где будут проходить культурные мероприятия, творческие встречи, концерты и различные образовательные программы.
Ещё одним важным объектом культурной инфраструктуры является строительство Дома культуры и библиотеки на 75 мест в селе Шенгельды. Строительные работы выполняет компания Асар Строй Групп. В настоящее время специалисты занимаются монтажом фасада здания, прокладкой наружных инженерных сетей, устройством внутренних электрических систем и другими необходимыми работами. Во время посещения строительной площадки аким района поручил подрядчику уделить особое внимание качеству используемых материалов и обеспечить своевременную сдачу объекта.
Ожидается, что новый культурный центр станет местом притяжения для жителей всех возрастов. Здесь будут созданы условия для проведения концертов, встреч, кружков, творческих занятий и работы библиотеки. Особое значение объект будет иметь для молодежи, предоставляя возможности для полезного и содержательного досуга. Системная работа по строительству и модернизации социальных объектов в Сарыагашском районе является наглядным примером последовательной государственной политики, направленной на повышение уровня жизни населения.
Современные спортивные сооружения, комфортное жильё, новые дома культуры и библиотеки создают благоприятные условия для гармоничного развития общества, укрепления здоровья граждан, поддержки талантливой молодёжи и сохранения культурных ценностей. Реализация таких проектов свидетельствует о том, что Сарыагашский район уверенно движется вперёд, формируя современную инфраструктуру и создавая прочную основу для дальнейшего социально-экономического развития региона.
На гребном канале города Туркестана, соответствующем олимпийским стандартам, стартовал чемпионат Республики Казахстан по триатлону на дистанции “суперспринт”. Соревнования проходят в категории Elite, а также среди возрастных групп U23, U19, U17, U15 и U13.
Гребной канал, построенный по международным требованиям и не имеющий аналогов в Центральной Азии, считается одним из уникальных объектов спортивной инфраструктуры страны. Современный комплекс позволяет проводить соревнования республиканского и международного уровня на самом высоком уровне. В чемпионате страны принимает участие около 150 спортсменов из городов Астаны, Алматы, Шымкента, Атырауской, Акмолинской, Жамбылской, Костанайской и Туркестанской области. В этой престижной гонке лучшие триатлонисты страны определяют сильнейших.
В торжественной церемонии открытия приняли участие руководитель управления физической культуры и спорта Туркестанской области Галымжан Худияров и генеральный секретарь Казахстанской федерации триатлона Сергей Майер, которые пожелали спортсменам удачи.
В первый день чемпионата, запланированного на 9-10 мая, уже определились победители и призеры. Спортсмены Туркестанской области продемонстрировали высокие результаты, завоевав в копилку региона 5 медалей.
В категории Elite среди мужчин бронзовую награду завоевал Егор Крупяков, среди женщин бронза досталась Надежде Бегмаганбетовой. В возрастной категории U23 бронзовую медаль выиграла Даяна Карим. В категории U19 серебряным призером стал Матвей Шевнин. В категории U17 серебро завоевал Мурат Алхам.
Таким образом, по итогам первого дня соревнований туркестанские спортсмены завоевали 2 серебряные и 3 бронзовые медали. Победителей и призеров наградили медалями и благодарственными письмами Галымжан Худияров и Сергей Майер. Спортсмены, ставшие лучшими на этом чемпионате, получат путевки на чемпионат Азии, который пройдет в июне в Китае.
