2023 жылдың 3 айында есірткінің заңсыз айналымына қатысты 158 дерек тіркелген. Бұл 2022 жылмен салыстырғанда 42 дерекке өскен, — деп хабарлайды ТАQ.KZ тілшісі.

Бұл туралы өңір көлемінде нашақорлыққа және есірткі бизнесіне қарсы іс-қимылға бағытталған қызметін үйлестіру жөніндегі ведомствоаралық штабының кезекті отырысында айтылды. Есірткі қылмысына қарсы іс-қимыл басқармасының бастығы А.Әмірбековтің айтуынша Түркістан облысында есірткі контрабандасы 7-ден 58 фактіге артқан. Заңсыз айналым барысында 105 кг 647 гр есірткі тәркіленіпті.  Ал, 2022-2023 жылдарына арналған бірлескен профилактикалық іс-шаралар жоспарына сәйкес, мектеп оқушылары мен студент жастар арасында 22 мыңнан астам қатысқан 44 нашақорлыққа және есірткіге қарсы шара өтізілген.

Айта кетейік, аталған штабқа Түркістан облысы әкімінің орынбасары Бейсен Тәжібаев төрағалық етеді.

Төлеби ауланы Леңгір қаласының тұрғынын белгісіз біреулер пышақпен қорқытып, күш қолданып, 5 миллион теңге бопсалаған, — деп хабарлайды ТАQ.KZ тілшісі Түркістан облыстық полиция департаментінің баспасөз қызметіне сілтеме жасап.

Жәбірленуші Түркістан облысы Полиция департаментіне арызданған. Полицейлер аталған жайтты ҚР ҚК-нің 194-бабы 3-бөлігі «Қорқытып алу» бойынша тіркеп, күдіктілерді анықтауға кіріседі. Ақпарат бойынша қылмысты ашуға, күдіктілерді ұстауға бірден Түркістан облысы ПД Ұйымдасқан қылмысқа қарсы күрес басқармасының тәжірибелі қызметкерлері мен жедел-тергеу тобы жұмылдырылған.

Төлеби ауданының аумағында жедел-іздестіру іс-шараларын жүргізген полицейлер, нәтижесінде 5 миллион теңге көлеміндегі ақшаны алып тұрған жерінен 2 жігітті ұстады. Олардың біреуі бұрын сотты болған, Төлеби ауданының тұрғыны.

Жедел уәкілдер тінту кезінде күдіктілерден жәбірленушінің қаражатын тәркіледі. Сондай-ақ күдіктілердің бірінің үйін тінту кезінде 6 дана оқ табылды. Тиісті сараптама тағайындалды.

Қазіргі уақытта сотқа дейінгі тергеу амалдары жүргізілуде. Болған оқиғаның толық мән-жайы мен күдіктілердің басқа да қылмыстарға байланысы бар-жоғы анықталуда.

Түркістан облысы Төлеби ауданынан сайланған депутат халыққа берген уәдесін орындады. Ол ауданға қарасты Үңгіртас көшесіне өз қаражаты есебінен арнайы техника жалдап, жолдарды тегістеп, жөндеу жұмыстарын жүргізіп жатыр. Халық қалаулысы Ерболат Жабаев бұған дейін тұрғындармен кездесуде айтылған ұсыныс-тілектерін назарға алып, нақты іске кіріскен.

Мемлекет басшысы Қасым-Жомарт Тоқаев VIII шакырылымдағы Қазақстан Республикасы Парлам енті Мәжілісінің бірінші сессиясында сөйлеген сөзінде сайлау алдындағы уәделер мен бағдарламаларды орындаудың маңыздылығына тоқталған болатын. Сайлау алдындағы бағдарламалар және уәделер ретімен орындалу керек. Сонда азаматтардың билікке және шынайы өзгеріске деген сенімі артады, — деді Президент.

Қасым-Жомарт Кемелұлының идеясын қолдау, сайлау алды бағдарламада көрсеткен уәделерін орындау мақсатында Төлеби аудандық мәслихат депутаты Ерболат Жабаев аудандағы жол мәселесін ретке келтіруде.
Бүгінде ауыл тұрғындары көптен көрген жол азабынан құтылып, сертіне берік депутатқа алғыстарын жеткізді.

«Оператор РОП» компаниясындағы қаржы жымқыру ісіне байланысты сот отырысында айыпталушылардың бірі, компанияның экс-қаржы директоры Рүстем Темірбек Әлия Назарбаеваны сотқа шақыруды талап етті деп хабарлайды Stan.kz ақпарат агенттігіне сілтеме жасап ТАQ.KZ тілшісі.

Әлия Назарбаева «Оператор РОП» компаниясының құрылтайшысы болған. Темірбековтің сөзінше, Назарбаеваның ақша алғанын дәлелдейтін құжаттар бар.

Сот отырысында Рүстем Темірбек Әлия Назарбаеваның Recycling Company арқылы 5,8 миллиард теңге, өзге де компаниялар арқылы тағы 5 миллиард теңге алғанын мәлімдеді.

«Егер тергеу Назарбаева Әлияның ақшаны бір қалтасынан екінші қалтасына салуын ұрлық деп есептесе, неге оны тым болмағанда куәгер ретінде тергемейді. Әрине, Елбасының қызын тергеуге шақыру Антикордың қолынан келмейді», – деді Темірбек.

Сондай-ақ айыпталушылардың бірі украиналық Светлана Коротенконың адвокаты экс-президенттің кіші қызы құрылтайшы ретінде ақшаның жұмсалуына қатысты шешімдер қабылдағанын айтады.

«Осы іс бойынша тыйым салынған зауыт Назарбаеваға тиесілі. Зауыт заңсыз ақшаға салынғандықтан, тәркіленуі ғажап емес. Ол іске мүлдем араласып жатқан жоқ. Дегенмен бұған дейін бірнеше рет Әлия Назарбаевадан жауап алуды талап еткенбіз», – дейді Коротенконың қорғаушысы.

Бұл туралы табиғат жанашыры Ғани Назарбек өзінің фейсбук әлеуметтік желісінде жариялады. Оның айтуынша, аталған видео материалдарды Рабиға Сәрсембиева деген азаматша жолдаған.

«Түркістан Облысының Полиция Департаменті Шымкент-Түркістан тас жолы бойы Темірлан ауылы маңында ҚР Қызыл Кітабына енген Грейг қызғалдақтарын жұлу орын алуда. Бұл жағдай қазіргі кезде облыс аумағында жаппай орын алып жатқан болуы мүмкін. Құрметті Мұрат Кабденов мырза табиғи байлығымызды сақтап қалу үшін қызғалдақтардың тығыз шоғырланған аумақтарда арнайы түсіндірме жұмыстарын жүргізсек.» — деп жазба қалдырды Ғани Назарбек. 

Премьер-министр Әлихан Смайылов бензин мен дизель отыны бағасының өсуі бойынша мәлімдеме жасады деп хабарлайды Stan.kz ақпарат агенттігіне сілтеме жасап ТАQ.KZ тілшісі.

Премьер-министр бағаның мәжбүрлі түрде көтеріліп жатқанын атап өтіп, оны «қиын шешім»деп атады.

“Өздеріңіз білетіндей, кеше энергетика министрлігі бензин мен дизель отыны бағаларының көтерілуі бойынша тиісті шешім жобасын жариялады. Бұл оңай шешім емес, бұл шешімді қабылдауға біз мәжбүр болып отырмыз. Егер қазір мұнай өнімдерінің бағаларын қайта қарамасақ жақын арада біз отын тапшылығына тап боламыз. Жалпы Қазақстанда дизельдің тұтыну деңгейі өте жоғары. Жылына бір адамға алып қарасақ, 370 литрден келеді. Ал Ресейде бұл көрсеткіш 225 литр ғана. Қырғызстанда 98 литр, Өзбекстанда 44 литр, бізден 8 есе төмен”, – деді премьер-министр.

Оның айтуынша, бізде тұтыну деңгейі қарқынды өсіп келеді.

«Бұл жанар-жағармайды көрші елдерге транзиттік көлікпен және «сұр» экспорт түрінде әкету көлемінің өсуіне байланысты. Алайда экономиканың негізгі салаларында жанармай тұтыну деңгейі айтарлықтай өзгерген жоқ. Мемлекет жанармай өндірісін ұлғайту бойынша тиісті шараларды қабылдауда. Соңғы бес жылдың ішінде бензин өндірісі 70%-ке, дизель отынының өндірісі 33%-ке өсті. Былтыр дизельдің өндіріс көлемі 5,2 млн тоннаны құрады. Бұл рекордтық деңгей», — дейді премьер.

Ол мұнай өңдеу зауыттары өз мүмкіндіктерінің ең жоғары шегінде жұмыс істеп тұрғанын атап өтті. Дегенмен жанармай нарығында тапшылықтың қаупі азаяр емес.

«Сол жанармайдың көрші елдерге шығарылуы және тапшылықтың негізгі себебі ол – Қазақстандағы жанармай бағасының төмендігі», — дейді Смайылов.

Оның айтуынша, мұнай компаниялары жоғары қарқынмен жұмыс істеп жатыр.

«Дегенмен жанар-жағармай нарығында тапшылық мәселесі азаяр емес. Қазақстандық арзан жанар-жағармай әртүрлі жолмен көрші елдерге кетіп жатыр. Осылайша отандық арзан жанар-жағармай өзіміздің мүддесіне емес, көрші мемлекеттердің экономикасына жұмыс істеп отыр», — дейді прьемер-министр.

Айта кетсек, энергетика министрлігі мұнай өнімдерінің шекті бағасын көтеру туралы бұйрықтың жобасын қоғамдық талқылауға шығарды.

Құжатқа сәйкес, бағаларды мемлекеттік реттеуге жататын стационарлық автожанармай құю станциялары үшін мұнай өнімдерін бөлшек саудада өткізуге шекті бағаларды белгілеу туралы бұрынғы бұйрыққа өзгеріс енгізіледі.

Олар:

АИ-80 маркалы бензин – 1 литр үшін 89 теңге;

АИ-92 және Аи-93 маркалы бензин – 1 литр үшін 205 теңге;

дизель отыны (жазғы, маусымаралық) – 1 литр үшін 450 теңге;

Қазақстанда берілген жүргізуші куәлігін көрсеткен кезде тәулігіне 100 литрге дейін дизель отының құйып алуға болады. Сол кезде 1 литр үшін 295 теңге белгіленіп отыр. Ал жүк, арнайы, мамандандырылған автомобильдер мен автобустар үшін Қазақстан Республикасында берілген жүргізуші куәлігін және көлік құралын тіркеу туралы куәлікті көрсеткен жағдайда тәулігіне 300 литрді 295 теңгеге құйып алуға болады.

Бұйрықтың жобасы «Ашық НҚА» сайтында сәуірде жариянды. Қоғамдық талқылау 7 сәуірде аяқталады.

Шымкент қаласында 6 жасар баланы көлік қағып кетті. Жасөспірім оқиға орнында көз жұмды, деп хабарлайды ТАQ.KZ тілшісі. Бейнебақылау камерасынан белгілі болғандай, баланың қоғамдық көліктен түсіп, жолдың қарсы бетіне жүгіргенін көруге болады. Ал,кенеттен жүгіріп шыққан жасөспірімді автокөлік жүргізушілері байқамай қалған. 6 жасар бала бір көліктің соққысынан екінші көлікке қарай құлап, өкінішке орай оқиға орнында қаза тапты.

Ордабасы ауданы Қараспан елдімекенінде жалпы ұзындығы 24,3 шақырымды құрайтын «Қараспан» магистральды каналы күрделі жөндеуден өткізіліп жатыр. Жобаға тапсырыс беруші Түркістан облысы ауыл шаруашылығы басқармасы. Ал, мердігер мекеме «Мелиоратор» ЖШС-і. Жобаның жалпы құны – 3 млрд 344 млн 721 мың 906 теңгені құрайды.

Қазіргі таңда оның 5 шақырымы толық аяқталып отыр. Мердігер мекеме «Мелиоратор» ЖШС-ң өкілі Самат Ергешбаевтың айтуынша, каналды жөндеу жұмыстары 2022 жылдың қараша айында басталған. 2024 жылдың соңында канал пайдалануға берілетін болады. Айта кетерлігі канал толық аяқталған уақытта аудандағы Ермоловка, Мамаевка, Обручевка, Пахташи, Бірлік, Джамбул елді мекендерін сумен қамтамасыз ететін болады.