Кентау қаласында соңғы үш жылда 200-ге жуық көпқабатты тұрғын үй жөндеуден өтті. Нәтижесінде шаһардағы үйлер 85 пайызға жаңғыртылды. Сондай-ақ, өткен жылы 5 қабатты 60 пәтерлі әлеуметтік несиелік тұрғын үйдің құрылыс жұмыстары жүргізіліп, жеке мердігердің есебінен 3 қабатты 30 пәтерлі 2 тұрғын үй құрылысы аяқталды. Бұл туралы брифингте Кентау қаласының әкімі Жандос Тасов брифингте мәлімдеді.

«Кентау қаласында қазіргі таңда 234,6 млрд теңгеге 15 инвестициялық жоба жүзеге асырылып жатыр. Өндіріс орындары іске қосылған кезде 1 768 жұмыс орны ашылмақ. Сондай-ақ, өңірдің индустриализация әлеуетін дамыту мақсатында қала аумағында Арнайы экономикалық және Индустриалды аймақ жұмыс істейді. Қазіргі таңда Арнайы экономикалық аймақта жалпы құны 5,1 млрд теңгеге 3 жоба іске қосылып, 310 жұмыс орны құрылған. Биыл 8 млрд теңгеге 4 жоба жүзеге асырылып, 430 жаңа жұмыс орнын ашу жоспарланған. Ал, Индустриалды аймақта өткен жылы 2,7 млрд теңгеге 7 жоба іске асырылып, 184 жұмыс орны ашылған. Бүгінгі таңда 3,3 млрд теңгеге 3 жобаның құрылысы жүргізілуде. Нәтижесінде 150 жұмыс орны құрылатын болады», – деді қала әкімі.

Атап айтқанда, Арнайы экономикалық аймақта интернет желісі үшін қажетті оптикалық кабель өндіретін «КENTAU CABLE INDUSTRIES» ЖШС-ң зауыты бой көтеруде. Жоба құны – 1 млрд теңге, онда 100 адамға жаңа жұмыс орны ашылмақ. Сондай-ақ, құрал-жабдықтарға арналған металл шкафтарын құрастыратын «ELECTROCORE» ЖШС-ң өндіріс орны бар. Құны 1 млрд теңгеге бағаланып отырған зауытта 60 азамат тұрақты жұмыспен қамтылмақ. Сонымен қатар, жалпы құны 5,5 млрд теңгеге бағаланып отырған «TURAN SHENHUA» ЖШС-ң тоңазытқыш шығаратын зауыт жобасы да жүзеге асырылуда. Онда 250 адамға жұмыс орнын ұсынуға мүмкіндік бар. Ал, индустриалды аймақта темір торлар мен құрылыс блоктарын және асфальт-бетон қоспаларын өндіру зауыттары секілді ауқымды жобалар жүзеге асады.

«Кентау қаласының әлеуметтік-экономикалық дамуы бағытында 2025 жылы атқарылған жұмыстарының нәтижесінде жалпы өнім көлемі 101,6 млрд теңгеге жетті. Бұл көрсеткіш 2024 жылмен салыстырғанда 117,5%-ға артып отыр. Ал, негізгі капиталға тартылған инвестиция көлемі 33,8 млрд теңгеге жетсе, өнеркәсіп өнімінің көлемі 59 млрд теңгені құрады. Туризм саласында бірнеше инвестициялық жоба жүзеге асырылмақ. Атап айтқанда, қала аумағында 2 қонақ үй кешені және Хантағы ауылында жеңіл конструкциялы «Khantau» глэмпинг демалыс аймағын салу көзделген. Сондай-ақ, биыл «Қаратау» қорығы аймағында құны 150 млн теңгеге туристерге қызмет көрсететін «Визит орталығы» жобасы жүзеге асады. Инфрақұрылыммен қамту бойынша шаһар тұрғындарының 94%-ы табиғи газға қосылса, тозығы жеткен жылу қазандықтары 87%-дан 25%-ға төмендеді. Өңір тұрғындары 100% ауызсумен қамтамасыз етілсе, 78,1%-ы орталықтандырылған кәріз жүйесіне қосылған. Сондай-ақ, қала көшелерін жарықтандыру көрсеткіші 100%-ды құрап отыр. Кентау қаласы және оған қарасты ауылдарды қоса алғанда жалпы 365 шақырымды құрайтын 416 көше бар. Өткен жылы 16,5 шақырым автомобиль жолдарына орташа жөндеу жұмыстары жүргізіліп, нәтижесінде жолдардың қанағаттанарлық жағдайы 90,5%-ға жеткен.», – деді шаһар басшысы.

Айта кетерлігі, былтыр қалада тұрақты және уақытша жұмысқа – 6 327 азамат, субсидияланатын жұмыс орындарына – 1 570 тұрғын жолданған. Ал, жаңа бизнес жобаларды іске асыру үшін 89 азаматқа мемлекеттік грант берілген.

Ауданда былтыр 14,6 млрд теңгенің құрылыс жұмыстары жүргізіліп, 35,1 мың шаршы метр тұрғын үй пайдалануға берілді. Осы арқылы 80 отбасы тұрғын үймен қамтамасыз етілді. Биыл осы бағытта 100 пәтерді пайдалануға беру көзделуде. Аудандағы елді мекендер 100 пайыз ауыз сумен қамтылған. Аймақта электр желісімен қамту көрсеткіші – 98,4 пайыз. Қазіргі уақытта аудандағы 61 елді мекеннің 55-і көгілдір отынмен қамтылып, көрсеткіш 90,1%-ды құрап отыр. 2027 жылға қарай аудан аумағы 100 пайыз орталықтандырылған газ жүйесімен қамтылатын болады. Бұл туралы БАҚ өкілдерімен өткен баспасөз жиынында Қазығұрт ауданының әкімі Азизхан Исмаилов мәлімдеді.

«Ауыл-ел бесігі» бағдарламасы аясында 2025 жылы 21 ішкі көшеге орташа жөндеу жұмыстары жүргізіліп, пайдалануға берілді. Сондай-ақ, аудандық бюджет есебінен 12 елді мекенде 22 көшеге орташа жөндеу жұмыстары жүргізілді. 2025 жылы аудан бойынша 4 медициналық нысанның құрылысы аяқталды. Осы жылы ауданда 4 медициналық мекеменің құрылысы басталмақ. 2025 жылы мемлекеттік бюджет есебінен Шарбұлақ ауылынан 300 орындық, жеке инвесторлар тарапынан Сарапхана ауылынан 500 орындық және Қазығұрт ауылынан 600 орындық мектептердің құрылыс жұмыстары басталды. Сонымен қатар, ауданда былтыр 15 мектепке ағымдағы жөндеу жұмыстары жүргізілсе, биыл 35 мектепке жөндеу жұмыстарын жүргізу үшін салалық басқармаға ұсыныс енгізілген» – деді аудан басшысы.

2025 жылы жалпы өңірлік өнім көлемі 162,8 млрд теңгені құраған. Ауданда ауыл шаруашылығы мен өнеркәсіптің өнім көлемін арттыру мақсатында Тұрбат ауылында 60 гектар жерге «ТҰРБАТ» агроиндустриалды аймағы құрылған. Нысанды жыл соңына дейін толық инфрақұрылыммен қамтамасыз ету жоспарлануда. Аталған аймақта 416 адам жұмыспен қамтылатын болады. 2025 жылы негізгі капиталға 47,9 млрд теңге инвестиция тартылса, биыл бұл көрсеткішті 56 млрд теңгеге дейін жеткізу көзделуде. 2025 жылы ауданда 83,1 млрд теңгенің ауыл шаруашылығы өнімі өндірілген. Аталған салаға 25,2 млрд теңге инвестиция тартылған. Қазіргі таңда ауданда 510 гектар аумаққа тамшылатып суару әдісі енгізілсе, биыл 600 гектарға жеткізілмек. 2025 жылы ауданда «Ауыл аманаты» бағдарламасы аясында 534,6 млн теңгеге 65 жоба қаржыландырылса, осы жылы 1,2 млрд теңгеге 98 жобаны қаржыландыру көзделіп отыр, 2025 жылы 78,6 шақырым канал механикалық тазалаудан өткен. Биыл 85,5 шақырым каналда тазалау жұмыстарын жүргізу жоспарлануда.
«Сонымен қатар, 2026-2027 жылдары 15 инвестициялық жобаны жүзеге асыру көзделген. Оның ішінде, «Қарқын 2030» ЖШС-ң «Заманауи америкалық әдіспен 5 000 басқа мал бордақылау алаңының» құрылысы, «Agro-irrigation» серіктестігі тарыпынан «Гофрленген ауыз су мен кәріз құбырларын жасап шығару» зауыты, «Ай-Зере» серіктестігі тарапынан «Заманауи қыш өндірісі» зауытының құрылысы басталады», – деді аудан әкімі.

Түркістан облысы прокуратурасының ғимаратында облыс прокурорының өкімімен Сайрам ауданында және Түркістан қаласында құрылған «Айқын нәтиже» пилоттық жобасын іске асыру жөніндегі ведомствоаралық жұмыс топтарының отырысы өтті.
Аталған жиында Қазақстан Республикасы Бас Прокурорының тапсырмасын орындау, Мемлекет басшысы бастамашылық еткен «Заң мен тәртіп» тұжырымдамасын іске асыру шеңберінде қылмыстық салада заңдылықты нығайтудың жаңа тәсілдерін апробациялау, құқық бұзушылықтардың алдын алуды жетілдіру және азаматтардың құқық қорғау жүйесіне деген сенімін арттыру мақсатында қабылданып жатқан шаралардың аралық нәтижелері талқыланды.
Өткен жылы өңірімізде қылмыстылық деңгейі 7,9%-ға төмендегенмен, алаяқтық 16,8%, оның ішінде интернет-алаяқтық қылмыстары 40% өскен болатын.
Дегенмен облыс прокуратурасымен криминогендік жағдайды жақсарту мақсатында қылмыстық және өзге де құқық бұзушылықтардың алдын-алу, сондай-ақ профилактика субъектілерін үйлестіру жұмыстарын өңірдегі қадағалау қызметінің басым бағыттарының бірі ретінде белгілеп, қадағалау аумағында профилактика субъектілерінің жұмысын үйлестіру бағытында бірқатар шаралар қабылданды.
Нәтижесінде ағымдағы жылдың қаңтар айында қоғам дертіне айналған алаяқтық 17,9%, оның ішінде интернет-алаяқтық 15,6%қылмыстары төмендеді.
Сонымен қатар, басқада кісі өлтіру, денсаулыққа қасақана ауыр зиян келтіру, бұзақылық, ұрлық, тонау, кәмелетке толмағандарға қарсы және олармен жасалатын қылмыстардың, сондай-ақ жол көлік оқиғаларының алдын алу бағытында біршама іс-шаралар жоспарлануда.
Мәжіліс қорытындысы бойынша ведомствоаралық жұмыс топтарымен нақты проблемаларды жасырмай анықтауға, тергеп-тексеру мен қадағалау сапасын арттыруға, халықпен кері байланысты күшейтуге, мемлекеттік органдардың ашықтығын қамтамасыз етуге бағытталған тапсырмалар берілді.
Облыс прокурорының орынбасары А.Саттар жұмыс топтарын нәтижеге бағдарланған тиімді жұмыс жүргізуге шақырды.

Аким Туркестанской области Нуралхан Кушеров с рабочим визитом посетил Созакский район, где принял участие в торжественной церемонии запуска сетей газоснабжения в сельском округе Шолаккорган. Глава региона поздравил жителей района с историческим событием, отметив его особую значимость: впервые в истории в Созакский район подан природный газ.

– Сегодня мы встречаемся с вами в предгорьях седого Каратау в исторический момент. Мы называем его историческим, потому что в селе Шолаккорган впервые подается природный газ, и мечта местных жителей сбывается. Глава государства Касым-Жомарт Кемелевич Токаев на расширенном заседании Правительства 10 февраля поручил повысить качество жизни населения и обеспечивать сельские населенные пункты социально-инженерной инфраструктурой. В этом направлении в Туркестанской области проводится масштабная работа. В 2025 году в области было начато строительство 87 объектов газоснабжения. Из них завершены 45 проектов, что позволило обеспечить газом 41 населенный пункт с населением 70 тысяч человек. По итогам прошлого года газифицировано 606 населенных пунктов, голубым топливом пользуется более 1,9 миллиона жителей. Запущенный сегодня проект – это конкретный результат проделанной работы. Магистральный газопровод с автоматизированной газораспределительной станцией в Созаке имеет особое значение. Ранее газоснабжением были охвачены все районы и города нашей области, и только в Созакском районе этот вопрос оставался нерешенным. Теперь же благое начинание нашло свое продолжение и здесь. Жители Созака смогут ощутить все преимущества природного газа, что значительно повысит качество их жизни. Вместе с тем, это открывает путь к улучшению экологии, привлечению инвестиций и развитию предпринимательства, – сказал глава региона.

Основной причиной длительной реализации проекта газификации в Созакский район стали его сложные технические и инфраструктурные условия. Район расположен в предгорьях Каратау, где ранее полностью отсутствовала газовая инфраструктура. Поэтому потребовалось строительство магистрального газопровода и автоматизированной газораспределительной станции с нуля.

В ходе торжественного мероприятия в сельском округе Шолаккорган состоялась церемония зажжения газа в одном из жилых домов.

Общая стоимость проекта составляет 4,1 млрд тенге. Срок строительства охватил период с 2019 по 2026 годы. Мощность проекта – 30 000 кубометров в час.

При полной реализации данного проекта природным газом будут обеспечены 4 600 жилых домов в сельском округе Шолаккорган. Это позволит повысить качество жизни населения, улучшить экологическую обстановку и окажет положительное влияние на развитие социальной инфраструктуры. Через данную АГРС будут газифицированы и остальные населенные пункты района.

Түркістан облысының әкімі Нұралхан Көшеров жұмыс сапарымен Созақ ауданы барып, Шолаққорған ауылдық округінде табиғи газбен жабдықтау желілерін іске қосу салтанатына қатысты. Облыс басшысы аудан тұрғындарын тарихи оқиғамен құттықтап, бұл күннің айрықша маңызға ие екенін атап өтті. Өйткені, тарихта тұңғыш рет Созақ ауданына табиғи газ беріліп отыр.

– Бүгін Сіздермен қарт Қаратаудың баурайындағы Созақ ауданында тарихи сәтте жолығып тұрмыз. Тарихи дейтін себебіміз – Шолаққорған ауылында табиғи газбен жабдықтау желілері іске қосылып, осындағы елдің арманы орындалып отыр. Мемлекет басшысы Қасым-Жомарт Кемелұлы Тоқаев 10 ақпанда өткен Үкіметтің кеңейтілген отырысында халықтың өмір сүру сапасын арттырып, ауылдық елді мекендерді әлеуметтік-инженерлік инфрақұрылыммен қамтамасыз етуді тапсырған болатын. Бұл бағытта Түркістан облысында ауқымды жұмыс атқарылып келеді. Газбен қамту бойынша 2025 жылы облысымызда 87 нысанның құрылысы қолға алынды. Соның ішінде 45 жобаның құрылысы аяқталып, 70 мың халқы бар 41 елді табиғи газбен қамтылды. Өткен жыл қорытындысымен 606 елді мекен газбен қамтылып, 1,9 миллионнан астам тұрғын «көгілдір отынның» игілігін көрді. Бүгін іске қосылған жоба – сол жұмыстардың нақты нәтижесі. Созақтағы АГТС-ы бар магистральды газ құбырының маңызы айрықша. Себебі бұған дейін облысымыздың барлық аудан, қаласы газбен қамтылса, тек Созақта ғана бұл мәселе шешілмеген еді. Мінеки, игілікті іс осында да жалғасты. Енді Созақ тұрғындары да газдың игілігін көріп, тұрмыс сапасын жақсартады. Сонымен бірге экологияны жақсартуға, инвестиция тартып, кәсіпкерлікті дамытуға жол ашылады, – деді Нұралхан Көшеров.
Созақтықтар игі бастамаға мұрындық болып, жүзеге асырған облыс, аудан әкімдеріне, «QazaqGaz» АҚ-на ризашылықтарын білдірді.

Салтанатты шара барысында Шолаққорған ауылдық округіндегі табиғи газ желілері ресми түрде іске қосылып, тұрғын үйде газ жағу рәсімі өткізілді. Жобаның жалпы құны 4,1 млрд теңгені құрайды. Құрылыс мерзімі 2019 жылы басталып, 2025 жылдың желтоқсан айында аяқталды. Жобаның қуаттылығы – 30 000 м³/сағат. Аталған жоба толық іске қосылған жағдайда Шолаққорған ауылдық округіндегі 4600 тұрғын үй табиғи газбен қамтылады.

Бұл халықтың тұрмыс сапасын арттырып, экологиялық жағдайды жақсартуға және әлеуметтік инфрақұрылымның дамуына оң әсерін тигізеді. Аталған АГТС арқылы ауданның қалған елді мекендері де газбен қамтылады.

2025 жылы облыс тұрғындарын жұмыс орындарымен қамту және жұмыссыздық деңгейін төмендету мақсатында «Өңірлік жұмыспен қамту картасы» бекітілген болатын. Нәтижесінде былтыр 147 719 азамат жұмыспен қамтылды. Оның ішінде 100 046 тұрғын тұрақты жұмысқа орналасса , ал 47 673 азамат уақытша жұмыспен қамтылды. Бұл туралы брифингте Түркістан облысының жұмыспен қамтуды үйлестіру және әлеуметтік бағдарламалар басқармасының басшысы Мекенхан Қозыханұлы мәлімдеді.

«Қазіргі таңда облыста 822 014 азамат жұмыспен қамтылған. Олардың ішінде жалдамалы қызметкерлер саны – 442 211, өздігінше жұмыспен қамтылғандардың саны – 379 803. Өңірдегі 40 мыңға жуық тұрғын жұмыссыз ретінде тіркелген. Аймақтағы жұмыссыздық деңгейі – 4,6%, жастар арасындағы жұмыссыздық деңгейі – 1,8%, ал әйелдер арасында – 5,4%. Сондай-ақ, 31 мыңнан астам азамат мемлекет тарапынан субсидияланатын жұмыс орындарына жолданды. Ұлттық жобалар аясында 357 жоба жүзеге асырылып, 4 333 жұмыс орны ашылды. Мемлекет басшысының «10 мың тұрғынға 100 жаңа жұмыс орындарын құру» тапсырмасына сәйкес өңірде 35 917 жұмыс орны ашылды. Жаңа бизнес жобаларды дамыту үшін 400 айлық есептік көрсеткіште 1 792 адамға 2,8 млрд теңгеге грант берілді. Биыл «Өңірлік жұмыспен қамту картасы» аясында 74 516 адамды жұмыспен қамту жоспарлануда. 2026 жылы облыста 77 инвестициялық жоба жүзеге асырылып, 1 136 жұмыс орнын ашу жоспарлануда. Бұдан өзге, пробация қызметінің есебінде тұрған адамдар үшін 2025 жылы бекітілген 177 квота орындары толығымен орындалып, 2026 жылға 119 мекемеге 180 квота орындары бекітілді. Былтыр облыста 62 244 адамға 6,1 млрд теңгеге атаулы әлеуметтік көмек төленді. 2026 жылы кедейлікті төмендету мақсатында 59,1 мың адамды АӘК-пен қамтамасыз ету жоспарланып, бұл мақсатқа 6,5 млрд теңге бөлінді» – деп баяндады басқарама басшысы.

Мемлекет басшысының тапсырмасымен аудан-қалаларда 17 Отбасын қолдау орталығы ашылды. Онда 6 667 азаматқа қызмет көрсетілген. Өңірде 102 401 адам мүгедектігі бойынша есепте тұр. 2025 жылы мүгедектігі бар адамдардың құқықтарын қорғауға жалпы көлемі 19,6 млрд теңге бөлінді. Сонымен қатар, биыл 65 994 мүгедектігі бар адамды әлеуметтік оңалту шараларымен қамтамасыз ету үшін республикалық және облыстық бюджеттерден 13,5 млрд тенге қаржы бөлінді. Сондай-ақ, 2025 жылы облысқа 990 этникалық қазақ қоныс аударып, оларға «Қандас» мәртебесі берілді. ҚР Еңбек және халықты әлеуметтік қорғау министрінің бұйрығымен Түркістан облысы бойынша 2025 жылға шетелдік жұмыс күшін тартуға 1 107 бірлік квота бекітілді. Бөлінген квота негізінде 1 137 шетел азаматына рұқсат берілді.

Түркістан облысында өткен жылы кезекте тұрған азаматтарға 2 317 пәтер (176 жалдамалы, 2 138 несиелік) пайдалануға берілеген. Сонымен қатар, кезекте тұрған азаматтарды баспанамен қамту мақсатында 580 жалдамалы және 842 несиелік пәтер мемлекет меншігіне алынған. Бұл жайында Түркістан облыстық құрылыс басқармасының басшысы Абай Тұрханов БАҚ брифингте мәлімдеді.

«2026 жылы өңір тұрғындарын баспанамен қамту жұмыстары жалғасын табады. Жоспарға сәйкес, биыл 810 пәтерлі 8 тұрғын үйдің құрылысы жалғасын таппақ. Қазіргі таңда қаржы бөлу жұмыстары атқарылуда. Жалпы, 2025 жылы құрылыс басқармасы бойынша 183 нысанның құрылысына бюджеттен 118,2 млрд теңге қаржы бөлініп, толық игерілген. Оның ішінде, 106 нысан пайдалануға беріліп, қалған 77 нысанның құрылысы 2026-2027 жылдары аяқталады деп жаспарлануда. Ал, 2026 жылы облыс көлемінде 89 нысанның құрылысына 55,9 млрд теңге қаржы қаралған»- деді басқарма басшысы.

Сонымен қатар, былтыр білім беру саласында 4 нысан ел игілігіне берілсе, «Келешек мектептері» жобасы аясында 9 900 оқушыға арналған 16 мектеп ашылды. Ал, денсаулық сақтау саласында Жетісай ауданы Бәйтерек елді мекенінде 25 орынға арналған дәрігерлік амбулатория пайдалануға берілсе, жеке инвесторлар есебінен Түркістан қаласында оңалту орталығы ел игіліне ұсынылды. Сондай-ақ, 2026 жылы Мемлекет басшысының тапсырмасына сәйкес, Сарыағаш және Ордабасы аудандарында 2 перинаталдық орталықтың құрылысы басталған. 2025 жылы 2 әкімшілік ғиамараттың құрылысы аяқталса, биыл Сауран ауданы әкімдігінде акт залын пайдалануға тапсыру жоспарлануда. Сондай-ақ, мәдениет саласында 6 нысанның құрылысы аяқталса, биыл 13 нысанды ел игіліне беру көзделген. Ал, спорт саласында өткен жылы 18 нысан ел игіліне тапсырылып, биылғы жылы тағы 9 нысанның құрылыс жұмыстары басталмақ.

Өткен жылы қоқыс полигондарының өртенуіне қатысты 17 дерек тіркеліп, әкімшілік шаралар қабылданды. Сондай-ақ, 250 заңсыз қоқыс үйіндісі анықталып, толықтай тазартылды. Жүргізілген рейдтік іс-шаралар нәтижесінде жеке және заңды тұлғаларға жалпы сомасы 9,3 млн теңге айыппұл салынды. Жалпы облыс аумағында 13 кәріздік тазалау қондырғысы бар. Бұл туралы БАҚ өкілдерімен өткен баспасөз жиынында Түркістан облысының Экология департаментінің басшысы Қадірхан Бейсенбаев баяндады.

«2025 жылы қоршаған ортаны қорғау саласында 80-нен астам бақылау шаралары ұйымдастырылды. Атқарылған жұмыстар нәтижесінде 177 экологиялық заңнама талаптарын бұзу дерегі анықталып, кемшіліктерді жою үшін 173 нұсқама берілді. Анықталған заң бұзушылықтар бойынша әкімшілік құқық бұзушылық жөнінде істер қозғалып, 740 жеке және заңды тұлғалардан 79,3 млн теңге көлемінде әкімшілік айыппұл өндірілді. Облыста пайдалы қазбаларды заңсыз өндірудің 423 дерегі анықталып, 325 жеке тұлғаға қатысты 7,7 млн теңге көлемінде айыппұл салынды. 2025 жылы Түркістан облысында 249 рұқсатсыз қалдық орындары анықталып, толықтай тазалау жұмыстары жүргізілді. Су көздерінің ластануын бақылау бойынша облыстағы кіші өзендер және трансшекаралық Сырдария өзенінен жалпы 55 сынама алынып, нәтижесінде ластану жағдайлары анықталмады. «Таза Қазақстан» экологиялық акциясы аясында ұйымдастырылған шараларға 1 млн-нан аса адам қатысып, 7 мыңға жуық техника жұмылдырылды. Нәтижесінде 16 мың тоннадан астам қоқыс қалдықтары шығарылды. Бүгінгі күнге дейін 1 млн дана ағаш көшеттері отырғызылды. Бұдан бөлек, тұрғындармен кері байланысты күшейту мақсатында енгізілген «TazaQazBot» ақпараттық жүйесіне 3 474 өтінім түсіп, олардың барлығы тиісті деңгейде қаралып, толық орындалды»-деді спикер.