Түркістан облысында инвестициялық жобаларды арттыру мақсатында Өндірістік парктің құрылысы жүргізіліп жатыр. Жалпы аумағы 100 гектарды қамтитын парк аумағында 152 ғимарат салу жоспарланған. Жалпы тартылатын инвестиция көлемі – 308 млрд теңге. Өндірістік парк толығымен іске қосылған соң 6 040 жаңа жұмыс орны құрылады. Аталған нысанның тыныс-тіршілігімен танысу мақсатында БАҚ өкілдеріне арнайы баспасөз туры ұйымдастырылды.
Жалпы Өндірістік парк құрылысы 2 кезеңмен жүзеге асырылуда. Бірінші кезеңде 3 қатардан тұратын 40 ғимарат салынған. Бүгінде оның 32-сі іске қосылған. Тартылған инвестиция көлемі – 30,7 млрд. теңге, ашылған жұмыс орын саны – 700. Бүгінде жұмыс істеп тұрған өндіріс орындарының қатарында жаңбырлатып және тамшылатып суару жүйелерін шығаратын, ауыл шаруашылығына қажетті тракторларды және сэндвич панелдерді өндіретін «BNK Group» ЖШС, сондай-ақ мектепке арналған және медициналық, кеңселік жиһаздарды өндіретін «Ақниет Holding» ЖШС, өнеркәсіптік тоңазытқыштарды өндіретін украиндық «JASYL SUYQ QAZAQSTAN» ЖШС, тамшылатып суару жүйелерін шығаратын «Тұран су» ЖШС, медициналық жабдықтар өндіретін «Отар құрылыс» ЖШС, кеңсе және медициналық жиһаздарын, газ қазандықтарын өндіретін «Ақниет Holding» ЖШС, бейнекамералар өндіретін «BIR BELDEU BIR ZHOL TECHNOLOGY» ЖШС сынды кәсіпорындар бар. Сондай-ақ, пластикалық пакеттер мен қоқыс қаптарын өндіретін «Tur-Sapa» ЖШС, дрон құрылғысын дайындайтын «Avatar Agricultural» ЖШС, кептірілген жемістер өндіретін «Талифа» ЖШС, дәмдеуіштер шығаратын «Onelee Food Technology Co» ЖШС жұмыс істеп тұр. Ал екінші кезеңде 2025-2026 жылдары 70 гектар аумақта 112 ғимарат соғу жоспарлануда.
БАҚ өкілдері баспасөз туры барысынды бірнеше өндіріс орындарының жұмысымен танысты. Соның бірі – өнеркәсіптік тоңазытқыштарды өндіретін украиндық «JASYL SUYQ QAZAQSTAN» ЖШС. Жобаның жалпы құны – 20 млн евро. Жоба 2 кезең бойынша жүзеге асады. Қазіргі таңда бірінші жобасы аяқталып, 350 жұмысшы айына 4 мың тоңазытқыш құрастырып отыр. Екінші кезеңде 1 мың жұмыс орны құрылып, айына 10 мың тоңазытқыш дайындалмақ.
В сельском округе Караконыр Отырарского района введен в эксплуатацию современный хлопкоперерабатывающий завод товарищества с ограниченной ответственностью «Туркестанский хлопковый агропромышленный комплекс». В церемонии открытия принял участие аким Туркестанской области Нуралхан Кушеров, который поздравил производственный коллектив и жителей района с запуском нового объекта.
Глава региона отметил, что данный проект является важным шагом, который повысит агропромышленный потенциал региона и выведет сельскохозяйственную отрасль на новый уровень.
– Для Туркестанской области сельское хозяйство и его глубокая переработка – одно из главных направлений развития экономики. Запущенный сегодня хлопковый агропромышленный комплекс – крупный и важный проект в этом направлении. Предприятие выведет хлопководство на новый уровень, используя современные технологии. Партнерство с помощью китайских инвесторов достигло высокой урожайности, посеяв хлопок методом капельного орошения на площади около 30 тыс. га. Эти водосберегающие технологии наиболее актуальны в условиях климатических изменений. В рамках проекта строятся два одинаковых хлопкоперерабатывающих завода. Эти производства общей стоимостью 21,1 миллиарда тенге позволят перерабатывать 180 тысяч тонн хлопка-сырца в год. На сегодняшний день собрано 120 тысяч тонн хлопка-сырца, из которых 30 тысяч тонн переработано в чистый хлопок. Это реальный результат, направленный на повышение благосостояния населения района. Наша основная цель – формирование полноценного хлопкового кластера в Отырарском районе, глубокая переработка сырья и производство продукции с высокой добавленной стоимостью. Уверен, что подобные проекты будут развивать производственную инфраструктуру региона и укреплять экономический потенциал Туркестанской области, – сказал Нуралхан Кушеров.
Руководитель ТОО “Туркестанский хлопковый агропромышленный комплекс” Суй Дже поблагодарил акимат области за поддержку и доверие и выразил надежду на дальнейшую активизацию работы.
Напомним, Глава государства Касым-Жомарт Токаев в своем Послании поставил задачу модернизации экономики через массовую цифровизацию и максимальное внедрение технологий искусственного интеллекта. Во исполнение поручения Президента в области проводятся масштабные мероприятия. В данный проект внедрена система искусственного интеллекта. В центре управления осуществляется работа по управлению, контролю, регулированию с помощью искусственного интеллекта. Через один центр контролируется около 30 тысяч гектаров земли, а система орошения управляется одним пультом дистанционного управления.
Отметим, “Туркестанский хлопковый агропромышленный комплекс” внедряет новые технологии в сельскохозяйственную отрасль и вносит значительный вклад в развитие экономики региона. Товарищество в 2025 году на территории Отрарского района посеяло хлопчатник капельным орошением на площади около 30 тыс. га, получая урожай в среднем 50-60 центнеров с гектара. Одним из самых масштабных направлений в рамках проекта является строительство двух одинаковых хлопкоперерабатывающих заводов и формирование их производственных мощностей. Общая годовая мощность заводов позволит перерабатывать 180 тыс. тонн хлопка-сырца. В настоящее время объем собранного сырья составил 120 тыс. тонн хлопка-сырца, в том числе чистого хлопка-сырца-30 тыс. тонн.
С запуском завода на постоянной основе трудоустроено 279 человек. Это способствует улучшению социального положения населения региона и созданию новых рабочих мест.
Түркістан облысы Отырар ауданына қарасты Қарақоңыр ауылдық округінде орналасқан «Түркістан мақта агроөнеркәсіптік кешені» жауапкершілігі шектеулі серіктестігінің заманауи мақта өңдеу зауыты пайдалануға берілді.
Ашылу салтанатына Түркістан облысының әкімі Нұралхан Көшеров қатысып, өндіріс ұжымын және аудан тұрғындарын жаңа нысанның іске қосылуымен құттықтады. Аймақ басшысы бұл жоба өңірдің агроөнеркәсіптік әлеуетін арттырып, ауыл шаруашылығы саласын жаңа деңгейге көтеретін маңызды қадам екенін атап өтті.
📌– Түркістан облысы үшін ауыл шаруашылығы мен оны терең өңдеу – экономиканы дамытудың басты бағыттарының бірі. Бүгін іске қосылып отырған «Түркістан мақта агроөнеркәсіптік кешені» – осы бағыттағы ірі әрі маңызды жоба. Бұл кәсіпорын заманауи технологияларды пайдалана отырып, мақта шаруашылығын жаңа деңгейге көтеріп отыр. Серіктестік қытайлық инвесторлар көмегімен 32 мың гектар алқапқа тамшылатып суару әдісімен мақта егіп, жоғары өнімділікке қол жеткізді. Су үнемдейтін бұл технологиялар – климаттық өзгерістер жағдайында аса өзекті. Жоба аясында екі бірдей мақта өңдеу зауыты салынуда. Жалпы құны 21,1 млрд теңгені құрайтын бұл өндірістер жылына 180 мың тонна шитті мақтаны өңдеуге мүмкіндік береді. Бүгінгі таңда 120 мың тонна шитті мақта жиналып, оның 30 мың тоннасы таза мақта ретінде өңделді. Бұл – аудан халқының әл-ауқатын арттыруға бағытталған нақты нәтиже. Біздің негізгі мақсатымыз – Отырар ауданында толыққанды мақта кластерін қалыптастыру, шикізатты терең өңдеп, қосымша құны жоғары өнім шығару. Осындай жобалар өңірдің өндірістік инфрақұрылымын дамытып, Түркістан облысының экономикалық әлеуетін нығайта түсетініне сенімдімін, – деді Нұралхан Көшеров.
«Түркістан мақта агроөнеркәсіптік кешені» жауапкершілігі шектеулі серіктестігінің басшысы Суй Дже облыс әкімдігінің қолдауы мен сеніміне алғысын білдіріп, жұмысты одан әрі жандандыра түсетінін жеткізді.
Мемлекет басшысы Қасым-Жомарт Тоқаев Жолдауында жаппай цифрландыру және жасанды интеллект технологиясын барынша енгізу арқылы экономиканы жаңғырту міндетін қойды. Президент тапсырмасын орындау мақсатында облыста ауқымды шаралар атқарылуда. Аталған жобаға жасанды интеллект жүйесі енгізілген. Басқару орталығында жасанды интеллект арқылы басқару, бақылау, реттеу жұмыстары жүзеге асады. Бір орталық арқылы 32 мың гектар жер бақыланып, суару жүйесі бір пультпен басқарылады.
Айта кетейік, «Түркістан мақта агроөнеркәсіптік кешені» ЖШС ауыл шаруашылығы саласына жаңа технологияларды енгізіп, өңір экономикасының дамуына елеулі үлес қосып келеді. Серіктестік 2025 жылы Отырар ауданы аумағында 23 мың гектар жерге тамшылатып суару әдісімен мақта дақылын егіп, әр гектардан орта есеппен 50-60 центнерден өнім алды. Жоба аясындағы ең ауқымды бағыттардың бірі – екі бірдей мақта өңдеу зауытының құрылысын жүргізу және олардың өндірістік қуатын қалыптастыру. Зауыттардың жылдық жалпы қуаттылығы 180 мың тонна шитті мақтаны өңдеуге мүмкіндік береді. Қазіргі таңда жиналған шикізат көлемі 120 мың тонна шитті мақта болса, оның ішінде алынған таза мақта көлемі 30 мың тоннаны құрады.
Зауыттың іске қосылуымен 279 адам тұрақты жұмыспен қамтылды. Бұл өңір тұрғындарының әлеуметтік жағдайын жақсартуға және жаңа жұмыс орындарын ашуға оң ықпал етіп отыр.
Түркістан облысы әкімінің баспасөз қызметі
В Туркестане началась новая эра текстильной промышленности. В специальной экономической зоне «Turan» запущен хлопковый агропромышленный комплекс по производству текстильных изделий полного цикла. Свою работу начал крупный производственный комплекс ТОО «Түркістан тоқыма» (Kazakhstan Lihua), специализирующийся на прядении нитей и производстве тканей. Это событие знаменует собой важный этап в развитии легкой промышленности не только региона, но и всей страны.
В торжественной церемонии принял участие аким Туркестанской области Нуралхан Кушеров. Он подчеркнул, что запуск предприятия полностью соответствует стратегическим задачам по развитию обрабатывающей промышленности, поставленным Главой государства Касым-Жомартом Токаевым в Послании народу Казахстана. Аким области региона отметил, что развитие хлопкового кластера является приоритетом. Туркестан должен формироваться не только как духовно-культурный центр, но и как современный экономический хаб с развитым производством и инновациями.
– Глава государства в своем Послании четко обозначил необходимость ухода от сырьевой зависимости и перехода к выпуску готовой продукции. В Туркестанской области мы начали активное развитие хлопкового кластера. Это позволит нам не зависеть от экспортных цен на хлопок-сырец и создать тысячи рабочих мест. В ближайшие пять лет мы создадим предприятия полного цикла: от выращивания хлопка до пошива одежды. «Түркістан Текстиль» – это первый и важнейший шаг в этом направлении. Наша цель – не просто экспортировать сырье, а выпускать продукцию с высокой добавленной стоимостью. Туркестанская область превратится из дотационного региона в самодостаточный индустриальный край через привлечение инвестиций, – отметил Нуралхан Кушеров.
Общая инвестиционная стоимость производственного комплекса, под который на территории специальной экономической зоны «Turan» выделено 42 гектара земли, составляет 86,2 млрд тенге. Строительные работы начались в 2024 году, и в текущем году был запущен первый этап. На начальном этапе реализации проекта постоянными рабочими местами обеспечены 430 человек. До декабря 2026 года планируется полное завершение следующих трех этапов завода, что позволит дополнительно трудоустроить еще около 2000 человек. Это является крайне важным социально-экономическим показателем для Туркестанской области. Новые рабочие места поспособствуют повышению благосостояния населения, снижению внутренней миграции и сохранению профессиональных кадров в регионе».
После полного выхода предприятия на проектную мощность планируется ежегодно производить 11,4 тыс. тонн пряжи, 47,3 млн квадратных метров ткани, 2 млн комплектов постельного белья и 4 млн одеял. Эти показатели позволят снизить импортозависимость отечественной легкой промышленности и обеспечат внутренний рынок качественной казахстанской продукцией. Кроме того, значительная часть продукции предприятия будет ориентирована на экспорт.
По мнению экспертов, данный проект даст мощный импульс системному развитию легкой промышленности в Туркестанском регионе, повышению эффективности хлопковой отрасли и укреплению экспортного потенциала. Кроме этого, использование возможностей специальной экономической зоны позволит сформировать привлекательную производственную площадку как для иностранных, так и для отечественных инвесторов. Запуск «Түркістан текстиль» – это конкретный и важный шаг на пути диверсификации региональной экономики, формирования новых индустриальных направлений и превращения Туркестана в новый экономический центр.
Данный проект станет ярким доказательством того, что Туркестан продолжит свое развитие не только как город с глубокой историей и высокой духовностью, но и как регион с процветающим производством и уверенным будущим.
В Туркестанской области в настоящее время реализуются 20 импортозамещающих проектов, что позволит заместить импортную продукцию на сумму около 53 млрд тенге. На территории индустриальных зон осуществляется 99 инвестиционных проектов общей стоимостью 152 млрд тенге, в рамках которых будет создано 6 361 рабочее место. На сегодняшний день уже введены в эксплуатацию 50 проектов на сумму 39 млрд тенге, обеспечившие 2 609 человек постоянной занятостью.
В специальной экономической зоне «Turan» реализуются 28 крупных проектов общей стоимостью 211,8 млрд тенге.
Бәйдібек ауданы инвестиция тарту үшін тартымды аймақ болып табылады. Ауыл шаруашылығының жоғары көрсеткіштері, өндіріс орындарының өсуі, инфрақұрылымның дамуы, стратегиялық жоспарланған жобалар – инвесторлар үшін нақты мүмкіндік.
Осы бағытта аудан әкімі аппаратының басшысы Фазылбек Әуеннің төрағалығымен инвестор тарту мәселелері бойынша жиын өтті. Жиынға ауылдық округ әкімдері, кәсіпкерлер және тиісті сала мамандары қатысты. Кездесу барысында ауданның инвестициялық әлеуетін арттыру, кәсіпкерлікті дамыту, сондай-ақ экономиканың басым бағыттары бойынша инвестициялық жобаларды іске асыру мәселелері қаралды. Атап айтқанда, ауыл шаруашылығы, қайта өңдеу өнеркәсібі және шағын және орта бизнесті дамыту бағыттарында атқарылатын жұмыстар талқыланды.
Жиында инвесторлар үшін қолайлы жағдай қалыптастыру, инфрақұрылымдық мүмкіндіктерді тиімді пайдалану және мемлекеттік қолдау шараларын кеңінен қолданудың маңыздылығына айтылды. Сонымен қатар, ауылдық округ әкімдеріне өз аумақтарындағы инвестициялық жобаларды нақтылап, әлеуетті инвесторлармен жүйелі жұмыс жүргізу жөнінде тапсырмалар берілді.Аталған жиын аудан экономикасының тұрақты дамуына, жаңа жұмыс орындарын ашуға және инвестициялық белсенділікті арттыруға бағытталған.
« – Бәйдібек ауданына инвестор тарту – өңір дамуының маңызды тетігі. Ауданның кең байтақ жері, табиғи байлығы, ауыл шаруашылығына қолайлы климаты бар және туризмге әлеуеті зор өңірлердің бірі. Аталған аймақты өркендетудің, жаңа жұмыс орындарын ашудың және әлеуметтік-экономикалық жағдайды жақсартудың ең тиімді жолдарының бірі – инвестор тарту. Инвестиция – тек қаржы құю емес, жаңа технология, заманауи басқару тәжірибесі, инновациялық идеялардың келуі. Аудан жері мал және егін шаруашылығын дамытуға өте қолайлы. Сондықтан мал бордақылау алаңдары,ет және сүт өнімдерін өңдейтін кәсіпорындар,жем-шөп өндіру кешендері инвесторлар үшін тиімді бағыт бола алады. Сондай-ақ, Бәйдібек ауданы табиғатымен, тарихымен, киелі орындарымен танымал өңір. Туристік маршруттар, демалыс аймақтары, қонақ үйлер мен этноауылдар салуға үлкен мүмкіндік бар. Бұл бағыт тек табыс көзі емес, аудан беделін арттыратын маңызды жоба.Бізде табиғи ресурстар мен шикізат қоры жеткілікті. Тиімді ұйымдастырылған жағдайда кірпіш, құрылыс материалдары өндірісі, шағын өнеркәсіп нысандары іс жүзінде табысты жобаға айнала алады. Бұл бағытта ауданның мүмкіндіктерін нақты көрсететін, жобалар тізімі, бос жер телімдері, инфрақұрылым жағдайы енгізілген ақпараттық база дайын болуы керек. Жол, су, газ, электр, интернет – инвестор үшін шешуші факторлар. Инфрақұрылымы дайын аймаққа инвестиция тез келеді. Ауданның инвестициялық мүмкіндігін таныстыратын форумдар, кездесулер, бизнес-брифингтер ұйымдастыру да маңызды. Сонымен қатар әлеуметтік желі және ақпараттық алаңдарды тиімді пайдалану керек. Инвестор үшін білікті жұмыс күші керек. Сондықтан аудан жастарын кәсіптік білімге баулу да маңызды қадам. Инвестициялық жобалардың арқасында экономика өседі, бюджет күшейеді, инфрақұрылым дамиды. Халыққа жаңа жұмыс орындары ашылады, табыс артады, әлеуметтік жағдай жақсарады. Бәйдібек ауданы – мүмкіндігі мол, болашағы зор өңір деп айта аламын. Оны дамыту үшін жоспарлы жұмыс, дұрыс саясат және белсенді бастамалар қажет. Инвестор тарту – ауданның экономикалық қуатын арттырып, халықтың тұрмысын жақсартатын маңызды бағыт. Сондықтан бұл істі жүйелі түрде ұйымдастырып, нақты жобалар арқылы жүзеге асыру – басты міндет.» – деді аудан әкімі аппаратының басшысы Фазылбек Әуен.
Бәйдібек ауданында биылғы 10 айдың қорытындысы бойынша экономиканың негізгі салаларында оң серпін байқалады. Әсіресе аудандағы егін шаруашылығының әлеуеті өте жоғары: облыс бойынша егілген 282 мың гектар масақты дақылдардың 23 пайызы немесе 65 мың гектары дәл осы Бәйдібек ауданына тиесілі. Биылғы жылы шаруаларды қолдау мақсатында 6 547 тонна жеңілдетілген жанар-жағармай бөлінді. 10,6 мың тонна минералды тыңайтқыш жеткізілді. 40 жоба жеңілдетілген несие арқылы қаржыландырылды.
Су үнемдеу – заман талабы. Аудан аумағындағы 105 мың гектар егістік жердің өнімділігін арттыру үшін су үнемдеу технологияларына басымдық берілуде. Су үнемдеу технологиясы енгізілген алқап биыл 2 459 гектарға жетті. Тағы бір жақсы жаңалықтың бірі – құрылысы жүріп жатқан «Бәйдібек ата» су қоймасынан тартылатын 21 шақырымдық канал 1261 гектар суармалы жердің жағдайын жақсартады. Сондай-ақ, 618 гектар жайылымдық жерді суармалы алқапқа айналдыру бағытында тиісті жұмыстар атқарылуда.
Ауданда жайылым мәселесі де назардан тыс қалған жоқ. 2025 жылға жоспарланған 13 000 гектар жердің орнына, қазірдің өзінде 14 508 гектар жайылым жер мемлекетке қайтарылып отыр. Сонымен қатар аудан экономикасын дамыту мақсатында 2025–2027 жылдарға жоспарланған 16 инвестициялық жоба жүзеге асырылуда. Бұл жобалар арқылы 481 жаңа жұмыс орны ашылуы күтілуде. Бәйдібек ауданы бүгінде тек аграрлық аймақ емес, өндірісі мен жаңартылған энергия көздері қатар дамыған, инвестициялық тартымдылығы жоғары өңірге айналып келеді.
Түркістан облысында «Таза Қазақстан» бағдарламасының орындалуы тұрақты бақылауда. Бұл туралы облыс әкімі Нұралхан Көшеровтің төрағалығымен өткен аппараттың апталық мәжілісінде айтылды. Облыс әкімінің бірінші орынбасары Зұлпыхар Жолдасов осы бағыттағы жұмыстарды баяндады.
Биыл Түркістан облысында «Таза Қазақстан» бағдарламасы аясында 7263 тазалық іс-шарасын өткізу жоспары бекітіліп, толық орындалды. Жыл басынан бері іс-шаралар мен сенбіліктерге 1 миллионнан астам тұрғын қатысып, 6998 арнайы техника жұмылдырылып, көшелерде, қоғамдық орындарда, аулалар мен саябақтарда тазалау жұмыстары жүргізілді. Нәтижесінде 1 миллионнан астам көшет отырғызылып, 16 624 тонна қоқыс шығарылды.
Бүгінгі күнге дейін «TazaQazBot» ақпараттық жүйесіне 3 456 өтініш түсіп, барлық өтініштер орындалды. Тәртіпті сақтау мақсатында биыл қоғамдық орындарда санитарлық талаптарды сақтамаған тұлғаларға 27 946 хаттама толтырылған. Жалпы 556,5 млн теңге айыппұл салынған.
Ауыл округ әкімдері өздеріне берілген өкілеттіктеріне сәйкес заң талаптарын бұзған тұлғаларға ескерту және айыппұл салу хаттамаларын толтыруды тұрақты жүргізіп жатыр. Осыған байланысты ауыл округі әкімдіктері тарапынан 2025 жылдың басынан бүгінгі күнге дейін 505-бап бойынша 5 016 хаттама толтырылып, нәтижесінде 42,5 млн теңге айыппұл салынған.
Облыс әкімі басты мәселе – тұрғындар арасында экологиялық сауаттылықты көтеру, қоршаған ортаны таза ұстау мәдениетін қалыптастыру екенін айтты. Осы бағыттағы жұмыстарды жүйелі түрде жүргізуді тапсырды.
Мәжілісте жылыту маусымының өту барысы да баяндалды. Өңірде қазандықтар температуралық кестеге сәйкес штаттық режимде жұмыс істеп тұр. Облыс бойынша жалпы 580,4 мың тонна көмір қажет болса, 549 мың тонна көмір жеткізіліп, 95% қамтылған. Бюджеттік мекемелер көмірмен 100 пайыз қамтылып, жылыту маусымы тұрақты өтуде.
Сондай-ақ, Түркістан облысы әкімі аппаратының апталық мәжілісінде 2025 жылдың 11 айындағы облыстың әлеуметтік-экономикалық даму көрсеткіштерінің орындалуы және бюджеттің игерілуі мәселелері талқыланды. Өңір басшысы Нұралхан Көшеров экономикалық көрсеткіштер мен индикаторларды сапалы орындау – басты міндет екенін жеткізді.
– Аудан, қала әкімдері мен басқарма басшылары көрсеткіштерге қол жеткізу мақсатында статистика департаментіне тиісті ақпараттардың толық енгізілуін қамтамасыз етсін. 2025 жылға бекітілген индикаторлардың толық орындауды тапсырамын. Жыл қорытындысымен бекітілген индикаторларға қол жеткізбеген аудан әкімдерінің, және салалық басқарма басшыларының тәртіптік жауапкершілі тікелей қаралатынын ескертемін. Бағытымыз – белгілі, ол – өндіріс орындарын ашу, ішкі кірісті ұлғайту, – деді Нұралхан Көшеров.
Облыстық экономика және бюджеттік жоспарлау басқармасының басшысы Қанат Қайыпбектің айтуынша, биылғы қаңтар-қараша айларының қорытындысымен облыста әлеуметтік-экономикалық дамудың оң динамикасы сақталды. Қысқа мерзімді экономикалық өсім 114,4%-ды құрап, өңір республика бойынша 3 орынды иеленді. Өнеркәсіп өнім көлемі 1,4 трлн теңгеге жетіп, өткен жылдың тиісті кезеңімен салыстырғанда 12,5%-ға артқан.
Мәжілісте облыс бюджетінің игерілуі барысы да сараланды. Бұл туралы Облыстық қаржы және мемлекеттік активтер басқармасының басшысы Гульфари Әжіметова баяндады.
Қазіргі таңда рекреациялық аймақтарда демалыс нысандарын көбейту, экотуризмді дамыту мақсатында инфрақұрылым жүргізіліп, жол салынуы қажеттігі күн тәртібіндегі мәселелер қатарында. Бұл бағыттағы жұмыстар жалғасын табуда.
« – Төлеби ауданы — экотуризмді дамытуға зор әлеуеті бар өңір. Табиғи ресурстар, өсіп келе жатқан туристік көрсеткіштер, инфрақұрылымды жақсарту жұмыстары мен әлеуметтік-экономикалық пайда бұл бағыттың болашағы жарқын екендігін көрсетеді. Аудандағы экотуризм экожүйені сақтай отырып, жергілікті қоғам үшін табыс пен даму мүмкіндігін арттыра алады. Бұл аймақ экологиялық туризмді дамытуға аса қолайлы ғана емес, Қазақстандағы экотуризм орталықтарының біріне айналу мүмкіндігі жоғары аумақ ретінде бағалануда. Соңғы жылдары ауданда табиғатты қорғау мен туризмді үйлестіре отырып дамыту бағытында нақты жұмыстар атқарылып келеді. Соңғы жылдары Төлеби ауданына келетін туристер саны тұрақты түрде өсіп келеді. Әсіресе, таулы және экологиялық бағыттағы демалысқа қызығушылық жоғары. Ауданда туризм саласынан түсетін табыс аймақ экономикасына оң ықпал етіп, жаңа жұмыс орындарының ашылуына мүмкіндік беруде.» – дейді, Төлеби ауданының әкімі Еркеғали Әлімқұлов.
Соңғы жылдар аралығында Төлеби ауданына шамамен 50 мыңға жуық турист келіп, оларға 662,4 млн теңгеге қызмет көрсетілгені белгілі. Бұл көрсеткіш туризм саласының экономикаға белсенді әсер етіп жатқанын көрсетеді. Облыс әкімдігінің деректері бойынша туризм саласында инвестициялар да артып келеді: демалыс орындары мен туристік инфрақұрылымдар саны ұлғайып, ауданға келушілер саны өсуде. Өңірдегі таулы, қыратты алқаптар, өзен-көлдер мен тау бөктеріндегі иірімді жолдар, түрлі биіктікте орналасқан табиғи ландшафттар аудандағы табиғатты зерттеуге, серуендеуге және фотосессияларға таптырмас орындар қатарында. Бұл табиғи ресурстар экологиялық экскурсиялар мен жаяу серуен маршрутарын ұйымдастыруға өте қолайлы.
Қазіргі таңда экотуризмді дамыту үшін Төлеби ауданының әкімдігі мен туризм ұйымдары бірқатар маңызды қадамдар жасап жатыр. Атап айтар болсақ, жергілікті билік пен «Kazakh Tourism» ұлттық компаниясы ауылдық қауымдастықтарға негізделген экотуризмді дамыту бойынша бірқатар жобаларды жүзеге асырмақ. Жоспарланған жобада табиғи парк аумақтарында туристік бағыттар мен рекреациялық аймақтарды кеңейту, жол салу және инфрақұрылымды жақсарту сынды бағыттар көрсетілген. Одан бөлек ауданның басқа да ауылдық жерлерінде жолдардың жөнделуі, орналастыру орындарының санының артуы сияқты жұмыстар жүзеге асырылуда. Бұл шаралар келушілерді тартуға және қызмет көрсету деңгейін жақсартуға бағытталған. Мысалы, 2025 жылға дейінгі жоспарда туризм саласында құны 4,5 млрд теңге болатын 10 жоба іске қосылып, туристер санын 55 000-ға жеткізу көзделген. Бұл экономикалық көрсеткіштің одан әрі өсуіне мүмкіндік береді.
«-Экотуризм – тек саяхат емес, табиғатты сақтау мәдениетін қалыптастыратын, қоршаған ортаға жауапкершілікпен қарауға үйрететін маңызды бағыт. Төлеби ауданы аумағында орналасқан «Сайрам–Өгем» мемлекеттік ұлттық табиғи паркі, таулы аймақтар, таза өзен-көлдер, ерекше флора мен фауна – экотуризмнің негізгі базасы болып табылады. Ұлттық парктің бір бөлігі рекреациялық және туристік мақсатта пайдалануға берілген. Туристер үшін арнайы соқпақтар, демалыс алаңдары, табиғатты бақылауға арналған алаңшалар жұмыс істейді. Бұл табиғатты бүлдірмей тамашалауға жағдай жасайды. Төлеби ауданының табиғи келбеті – оның ең үлкен артықшылығы. Мұнда тау шатқалдары мен жасыл алқаптар, мөлдір бұлақтар мен өзендер, сирек кездесетін өсімдіктер мен жануарлар әлемі орналасқан. Бұл ресурстар тек туристерді тартумен шектелмей, ғылыми-зерттеу жұмыстары мен экологиялық білім беруге де зор мүмкіндік береді. Экотуристік бағыттарда табиғатты тану экскурсиялары, жаяу серуендеу, тау туризмі, фото-туризм, балалар мен жастарға арналған экологиялық білім беру жобаларын дамытуға болады.» – дейді, Сайрам-Өгем мемлекеттік ұлттық табиғи паркінің өкілдері.
Экотуризмді дамыту тек табиғи ресурспен шектелмейді, оған қолайлы жағдай жасау да маңызды. Осы мақсатта ауданда туристік бағыттарды белгілеу және қауіпсіздік жүйесін жетілдіру, демалыс орындарын, қонақ үйлерді, эко-лагерьлерді көбейту мен жолдарды жақсарту, бағыттаушы ақпараттық тақталар орнату, сонымен қатар экологиялық талаптарды күшейту және табиғатты қорғауды тиімді ұйымдастыру жұмыстары жүргізілуде. Сонымен бірге, жергілікті тұрғындарды туризм саласына тарту, ауыл шаруашылығымен қатар сервистік қызмет түрлерін дамытуға жағдай жасалуда. Бұл ауылдардың да экономикасына қосымша табыс көзі болып саналады.
Қорыта айтқанда, Түркістан облысы экотуризмді дамытуда айтарлықтай әлеуетке ие. Табиғи байлықтар мен қорық аймақтары, өсіп отырған туристік көрсеткіштер және өңірлік билік тарапынан қолдау экотуризмнің дами түсуіне мүмкіндік береді. Ал, Төлеби ауданы экотуризмді дамытуға барлық табиғи, географиялық және әлеуметтік мүмкіндігі бар өңір. Табиғатты сақтай отырып, туризмді дамыту – аймақтың болашағына салынған инвестиция. Экотуризмнің дамуы өңір экономикасын нығайтып қана қоймай, табиғи байлықты қорғауға, жас ұрпаққа экологиялық жауапкершілік қалыптастыруға зор үлес қосады.
Бүгінгі жаһандану дәуірінде ел экономикасын дамыту үшін шетелден инвестиция тарту аса маңызды. Ал сол инвестицияны тиімді пайдалану, нақты жобаға айналдыру үшін шетелдік инвесторлар мен жергілікті кәсіпкерлердің тікелей кездесіп, бетпе-бет келіссөздер жүргізуі үлкен рөл атқарады. Мұндай байланыс тек бизнес үшін ғана емес, бүкіл өңір мен елдің дамуына әсер етеді. Тікелей келіссөздер арқылы екі тарапта да сенім қалыптасады. Жеке кездесіп сөйлескен кезде екі жақ бір-бірінің мүмкіндігін, ниетін, жоспарын нақты көреді. Тікелей сөйлесу арқылы сенім артады, ұзақ мерзімді әріптестікке жол ашылады. Сонымен қатар, жобаны түсіну жеңілдейді. Жергілікті кәсіпкер өңірдің жағдайын, жергілікті нарықты, халықтың сұранысын жақсы біледі. Ал шетелдік инвестор қаржы, технология және тәжірибе әкеледі. Сол арқылы екі жақ бір-бірін толықтырып, ортақ тиімді шешім қабылдайды.
Осындай маңызды кездесулердің бірі Сауран ауданында ұйымдастырылды. Бұл күні қытайлық инвесторлар өздерінің өндірістік және технологиялық ұсыныстарын кеңінен таныстырып, саурандық кәсіпкерлермен тікелей B2B форматындағы келіссөздер жүргізді. Жиынға Қытайдың өнеркәсіптік жабдықтар, тамақ өнімдерін өңдеу, қаптау, сүт және ұн өнімдері, мұздатылған тағамдар өндірісі саласындағы компания өкілдері қатысты. Олар Қазақстан нарығына жол ашуға, бірлескен өндіріс құруға және «Zhongzhi Mayson» өнеркәсіптік қоры арқылы қаржы қолдау тетіктерін пайдалануға дайын екенін жеткізді.
Келіссөздер барысында әр компания өз жабдықтарының артықшылықтарын, өндіріс желілерін енгізу мүмкіндіктерін, ауыл шаруашылығы өнімдерін терең өңдеу бойынша кооперация бағыттарын ұсынды. Жергілікті кәсіпкерлер Сауран ауданындағы дайын инфрақұрылым, өндіріс алаңдары, агроөнімдер қоры және логистикалық мүмкіндіктер туралы ақпарат берді.
Кездесуде арнайы бейнебаяндар көрсетіліп, өңірдің нақты инвестициялық жобалары таныстырылды. Қытайлық кәсіпкерлер Сауранда азық-түлік өнеркәсібі, агропереработка, құрылыс материалдары және экология салаларындағы жобаларды бірлесіп жүзеге асыруға қызығушылық білдірді. Келіссөздер нәтижесінде тараптар бірқатар жобалар бойынша техникалық-экономикалық негіздеме әзірлеуді бастауға уағдаласты. Инвесторлар алдағы уақытта Сауран ауданына қосымша сапарлар ұйымдастырып, нақты жоба алаңдарын көруге дайын екенін мәлімдеді.
« – Айта кетейік, шетелдік инвесторлар мен жергілікті кәсіпкерлердің тікелей кездесуі арқасында уақыт үнемделеді. Қосымша делдалсыз, артық құжат пен ресмилікті созбай, мәселелерді тікелей талқылау арқылы келісімге жылдамырақ келуге болады. Экономикаға да пайда әкеледі. Яғни, жаңа жұмыс орындары ашылады,заманауи технологиялар енгізіледі және өндіріс, ауыл шаруашылығы, туризм, қызмет көрсету салалары дамиды. Оған қоса салық түсімі артып, өңір бюджеті толығады, тиісінше экспорттың мүмкіндігі кеңейеді. Бұл тек бизнес иелеріне ғана емес, қарапайым халыққа да пайда. Жергілікті кәсіпкерлер үшін мүмкіндік. Тікелей келіссөз жергілікті кәсіпкерлерге өз мүмкіндігін көрсетуге, жаңа серіктестер табуға, бизнесін кеңейтуге жол ашады. Әсіресе халықаралық стандарттарды үйреніп, тәжірибе алмасу – үлкен мектеп. Мұндай форматтағы басқосулар инвесторлар үшін де тиімді болады. Шетелдік инвестор жергілікті жағдайды нақты түсініп, тәуекел деңгейін бағалайды, сенімді серіктес табады. Бұл олардың да қауіпсіз әрі тиімді инвестиция салуына мүмкіндік береді. Шетелдік инвесторлар мен жергілікті кәсіпкерлердің тікелей келіссөз жүргізуі – экономиканы дамытудың маңызды тетігі. Ол сенімді күшейтіп, нақты жобалардың жүзеге асуына, жаңа мүмкіндіктердің ашылуына жол береді. Мұндай қарым-қатынас өңірдің дамуына, халықтың әл-ауқатының жақсаруына және елдің халықаралық беделінің артуына оң әсер етеді.» – деді Сауран ауданының әкімі Мақсат Таңғатаров.
Осылайша, Сауран ауданында Қытай Халық Республикасының өнеркәсіптік жабдықтар мен тамақ өнімдерін өңдеу саласында жұмыс істейтін жетекші 9 компаниясының басшылары ресми қабылдауда болды. Делегация құрамында металл құю жабдықтары, бөтелке қалыптау машиналары, қуыру желілері, макарон өндірісі, сүт өңдеу, мұздатылған тағамдар, орау машиналары салаларында қызмет ететін компаниялардың жетекшілері де болды. Сонымен бірге «Zhongzhi Mayson Technology Co., Ltd.» компаниясы Орталық Азиядағы өнеркәсіптік әріптестік мүмкіндіктері жөніндегі толық таныстырылымын ұсынды. Жалпы Сауран ауданының кәсіпкерлері шетелдік инвесторлармен бірге ауыл шаруашылығы, өңдеу өнеркәсібі, құрылыс материалдары, тоқыма өндірісі және жер қойнауын пайдалану бағыттарында бірлескен жобалар құруға дайын екендерін жеткізді. Табиғи шикізаттың молдығы, инфрақұрылымның қолжетімділігі, өндірістік алаңдардың болуы және инвесторларға әкімшілік қолдау өңірдің басты артықшылықтарының бірі болып табылады.
Кездесу барысында жергілікті кәсіпкерлерге Шаньдун «Zhongzhi Mayson» технологиялар компаниясы құрған халықаралық платформаның жұмыстары да кеңінен таныстырылды. Платформа құрамында 1600-ден астам қытайлық өнеркәсіптік кәсіпорын бар екені, сондай-ақ Қытайдың мемлекеттік және ірі жеке компанияларымен бірлесіп 4 млрд АҚШ долларын құрайтын өнеркәсіптік қор құрылғаны айтылды. Бұл қор Орталық Азиядағы жобаларды қаржыландыру, бөліп төлеу және несиелеу арқылы қолдауға бағытталған.
Инвесторлар өнеркәсіптік жабдықтарды 15 жылға дейін бөліп төлеу, Қазақстан аумағында зауыт салу, технология трансферін іске асыру, ауыл шаруашылығы және азық-түлік өнеркәсібі бойынша толық өндірістік тізбекті енгізу сияқты ұсыныстарын ортаға салды. Қызанақ, ет, жарма, нан, фри, шырын, балық, құс өнімдері, консерві желілері және санитарлық-экологиялық жабдықтар бойынша жобалар таныстырылды. Кездесу қорытындысында тараптар өзара ынтымақтастықты жалғастыруға ниетті екенін білдірді.
Бүгін «Жастарды қолдау» жөніндегі кеңестің кезекті отырысы өтті. Жиынды «AMANAT» партиясы Түркістан облыстық филиалы атқарушы хатшысының орынбасары Қалыйма Жантөреева ашып, жастардың қоғам өміріндегі белсенді рөлін атап өтті. Сонымен қатар, тұрғындар арасында экологиялық мәдениетті қалыптастыру мәселесінің өзектілігіне ерекше тоқталды.
Кеңес отырысын «AMANAT» партиясы Түркістан облыстық филиалы жанындағы «Жастар рухы» жастар қанатының төрағасы, кеңес төрағасының орынбасары Еркебұлан Мадиярұлы жүргізді. Күн тәртібінде Түркістан облысы бойынша сайлауалды бағдарламасын іске асыру жөніндегі Жол картасы аясында Табиғи ресурстар және табиғат пайдалануды реттеу басқармасына қатысты индикаторлардың орындалу барысы қаралды. Сондай-ақ, «Жастарды қолдау» жөніндегі кеңестің келесі жылға арналған жылдық жоспарын бекіту мәселесі талқыланды.
Жиында Түркістан облысының Табиғи ресурстар және табиғат пайдалануды реттеу басқармасы басшысы орынбасарының міндетін атқарушы Айдынбек Махашов баяндама жасап, Жол картасында басқармаға бекітілген 7 тармақтың орындалу барысы туралы ақпарат берді. Ол Түркістан қаласының айналасындағы жасыл белдеуді дамыту, көгалдандыру аумағын 5 400 гектарға дейін ұлғайту бағытында атқарылып жатқан жұмыстарды атап өтті.
Сонымен қатар, 2021–2025 жылдар аралығында облыстың мемлекеттік орман қоры жерлерінде 110 мың гектар аумаққа 170 миллион көшет отырғызу бойынша кешенді жоспар бекітілгені айтылды. Бұл жоспар Түркістан облысы бойынша 2023–2027 жылдарға арналған сайлауалды бағдарламасын орындау жөніндегі Жол картасымен үйлестіріліп, кезең-кезеңімен жүзеге асырылып келеді.
Жиын барысында экологиялық мәдениетті нығайту бағытындағы жұмыстар да кеңінен талқыланды. 2024–2029 жылдарға арналған «Таза Қазақстан» экологиялық мәдениетті дамыту тұжырымдамасын іске асыру жөніндегі облыстық жоспар қабылданып, жүйелі түрде орындалып жатқаны айтылды. Осы тұста қоршаған ортаны қорғау, экологиялық білім беру, түрлі экологиялық акциялар мен іс-шаралар ұйымдастырылуда. Білім басқармасының бастамасымен «Табиғатты аяла» атты жас өлкетанушылар, экологтар мен табиғат зерттеушілерінің форумы өткізіліп, еріктілердің қатысуымен бірқатар экологиялық акциялар ұйымдастырылған.
Бүгінгі таңда экология мәселесі тек мамандардың ғана емес, әрбір адамның өміріне тікелей қатысты тақырыпқа айналды. Ауа ластануы, судың азаюы, табиғаттың тозуы – мұның бәрі біздің денсаулығымызға, өмір сапамызға және болашақ ұрпақтың тағдырына әсер етеді. Сондықтан экологиялық мәдениетті дамыту – заман талабы. Экологиялық мәдениет – бұл адамның табиғатқа жауапкершілікпен қарауы, қоршаған ортаны қорғауға саналы түрде үлес қосуы. Яғни қоқысты тастамау, суды үнемдеу, жасыл алаңды қорғау, ағаш отырғызу,табиғатқа зиян келтірмеу сияқты қарапайым әрекеттерден басталады.
« – Неліктен экологиялық мәдениет маңызды? Біріншіден – денсаулық үшін. Таза ауа, таза су, жасыл табиғат – адамның ең басты қажеттілігі. Егер табиғат ластанса, адамдарда тыныс жолы аурулары, аллергия, түрлі созылмалы дерттер көбейеді. Ал экологиялық мәдениеті жоғары қоғамда мұндай проблемалар азаяды. Сонымен қатар болашақ ұрпақ үшін маңызды. Бүгін біз табиғатты қалай сақтасақ, ертең балаларымыз соны көреді. Табиғатты аялау – болашаққа қалдырған ең үлкен аманат. Табиғаты таза өңірге турист көп келеді, ауыл шаруашылығы дамиды, өмір сүру сапасы артады. Экологиясы нашар жерлерде керісінше шығын көбейеді. Қоршаған ортаға ұқыпты қарау – азаматтық жауапкершіліктің белгісі. Экологиялық мәдениетті қоғам – тәртіпті, саналы, өркениетті қоғам. Экологиялық мәдениет – тек табиғатты қорғау емес, ол адамның өзіне, өз денсаулығына, өз еліне деген құрметі. Табиғат – біздің ортақ байлығымыз, ортақ үйіміз. Сондықтан әрбіріміз табиғатқа жанашыр болсақ, таза әрі жайлы өмір сүруге мүмкіндік жасаймыз. Экологиялық мәдениетті дамыту – бүгінгі күннің ғана емес, келешектің де кепілі.» – деді Қалыйма Жантөреқызы.
Ал, Айдынбек Үсенұлының айтуынша, облыс аумағында «Таза Қазақстан» бағдарламасы аясында жоспарланған 7 263 тазалық іс-шарасы толық жүзеге асырылған. Жыл басынан бері бұл іс-шараларға 1 миллионнан астам тұрғын қатысып, 6 998 арнайы техника жұмылдырылған. Нәтижесінде көшелерде, қоғамдық орындарда, аулалар мен саябақтарда ауқымды тазалау жұмыстары жүргізіліп, тұрғындар арасында экологиялық мәдениетті қалыптастыруға оң әсерін тигізуде.
Кеңес мүшелері баяндамашыға бірқатар сауалдар қойып, ұсыныстарын білдірді. Атап айтқанда, «Таза Қазақстан» акциясы аясындағы тазалық жұмыстарының форматын жетілдіру, бұл бастаманы тек аумақты тазалау емес, экологиялық сананы қалыптастыруға бағытталған тұрақты дағдыға айналдыру қажеттігі айтылды. Сонымен қатар, экологиялық бағыттағы жұмыстардың уақтылы әрі сапалы орындалуы ескертіліп, алдағы кезеңге арналған нақты ұсыныстар енгізілді.
Кеңес отырысында көтерілген мәселелер мен ұсыныстар «AMANAT» партиясының Түркістан облыстық филиалының тұрақты бақылауында болады. Жол картасында көзделген міндеттердің сапалы әрі уақтылы орындалуы, сондай-ақ экологиялық мәдениетті қоғамның күнделікті өміріне енгізу бағытындағы жұмыстар партия тарапынан жүйелі түрде қадағаланып, алдағы уақытта да нақты нәтижелерге қол жеткізуге басымдық берілмек.
Түркістан облысында менталды бұзылыстары бар балаларды қолдауға бағытталған маңызды әлеуметтік нысан – «Қамқорлық» арнаулы қызметтер көрсету орталығы өз жұмысын бастады. Орталықтың ашылу рәсіміне Түркістан облысының әкімі Нұралхан Көшеров қатысып, тұрғындарды құттықтады.
– Бүгін біз үшін ерекше қуанышты күн. Түркі әлемінің астанасы тарихи Түркістан қаласы тағы бір әлеуметтік нысанмен толығып отыр. Мемлекет басшысы Қасым-Жомарт Кемелұлы Тоқаев өз Жолдауында балаларға қолжетімді болуы үшін шағын және орташа оңалту орталықтарының желісін кеңейтіп, ерекше қажеттіліктері бар адамдар үшін бірдей мүмкіндік жасауды тапсырған болатын. Міне, осы бағыттағы жұмыстардың нәтижесінде «Қамқорлық» жаңа арнаулы әлеуметтік орталығы ашылып отыр. «Қамқорлық» – атауының өзі айтып тұрғандай, балаларымыздың өміріне жарық, жүрегіне үміт сыйлайтын орталық болатынына кәміл сенемін. Мұнда бір уақытта 18 жасқа дейінгі 125 балаға 8 бағыт бойынша жартылай стационарлық жағдайда сапалы әлеуметтік қызметтер көрсетіледі. Орталықта 90-ға жуық жұмыс орны құрылып, іргелес жатқан 4 аудан, қаланың тұрғындары тұрақты жұмыспен қамтылады. Жаңа орталық заманауи құралдармен жабдықталып, балалар үшін барлық жағдай жасалған. Осы ретте, орталықтың қажеттіліктерін қамтамасыз етіп, демеушілік жасаған «Samruk-Kazyna Trust», «Қазақстан халқына» және «Қамқорлық» қорларына шынайы алғыс білдіремін. Құрметті ата-аналар! Сіздердің шыдамдылық пен мейірімдеріңіз – біздің балаларымыз үшін ең үлкен демеу. «Қамқорлық» орталығы сіздерге серік, сенімді тірек болады деп санаймын. Баршаңызды жаңа орталықтың ашылуымен шын жүректен құттықтаймын! Балаларымыздың жүрегіне шаттық пен шабыт сыйласын! Орталықтың жұмысына сәттілік тілеймін, – деді Нұралхан Көшеров.
«Самұрық-Қазына» АҚ-ның басқарушы директоры Ғибрат Ауғанов та орталықтың маңызына тоқталды.
– Жоба бірыңғай стандарттар негізінде жүзеге асырылып, тұрақты әлеуметтік нәтижеге бағытталған. Бұл – елде инклюзивті ортаны дамытуға бағытталған «Самұрық-Қазына» қорының жүйелі жұмысының бір бөлігі. Атап айтқанда, ертең Түркістан облысының Сарыағаш қаласында және Тұрар Рысқұлов ауылында «Ainala» оңалту орталықтары өз жұмысын бастайды. Ал жыл соңына дейін қордың қолдауымен ашылған осындай орталықтардың саны 55-ке жетеді, – деді ол.
Сонымен бірге «Қазақстан халқына» қоғамдық қоры басқарма төрағасының орынбасары София Айсағалиева, «Қамқорлық» қоры корпоративтік қорының директоры Арайлым Еркінқызы да құттықтау сөз сөйлеп, мұндай игі бастамалар жалғасатынын жеткізді.
Аталған орталық Түркістан облысы жұмыспен қамтуды үйлестіру және әлеуметтік бағдарламалар басқармасына тиесілі және жартылай стационарлық үлгісінде жұмыс істейді. Бір мезетте 3 жастан 18 жасқа дейінгі 125 баланы қабылдай алады. Мұнда балаларға тұрмыстық, әлеуметтік-медициналық, әлеуметтік-психологиялық, педагогикалық, әлеуметтік-мәдени, әлеуметтік-құқықтық және әлеуметтік-экономикалық қызметтер көрсетіледі.
Заманауи талапқа сай орталықтың материалдық-техникалық базасын нығайтуға «Қазақстан халқына» қоғамдық қоры, «Қамқорлық» корпоративтік қоры мен «Samruk-Kazyna Trust» корпоративтік қоры бірлесіп, 350 млн теңге, ал қызметкерлерді оқытуға 40 млн теңге қаражат бөлді.
Орталықта балалардың қосымша білім алуына және психологиялық жағдайын жақсартуға бағытталған проекциялық, интерактивті, сенсорлық және сенсорлық-интеграция бөлмелері, робототехника және LEGO сыныптары, музыка және арт-терапия кабинеттері, сондай-ақ тігін және қыш шеберханалары толықтай жабдықталды. Жаңа орталық өңірде аутизм және басқа да менталды бұзылыстары бар балалардың мінез-құлқын түзетуге, олардың қоғамға бейімделуіне және толыққанды әлеуметтенуіне оң ықпал ететін маңызды әлеуметтік нысандардың бірі болмақ.
Айта кетейік, мемлекетіміздің әлеуметтік саясатының басым бағыттарының бірі – мүгедектігі бар азаматтарды әлеуметтік қорғау және олардың қоғам өміріне белсенді араласуына жағдай жасау. Бүгінгі таңда, Түркістан облысында мүгедектігі бар адамдардың жалпы саны 102 мың болса, оның ішінде 15 457-сі – балалар. Ал 2025 жылғы 1 желтоқсандағы мәліметке сәйкес облыс аумағында аутистік спектрінің бұзылуы (АСБ) диагнозы қойылған 398 бала тіркелген.
Соңғы бес жылда «Samruk-Kazyna Trust» қоры Түркістан облысында 20-дан астам қайырымдылық жобаны іске асырды. Олардың қатарында «Ainala» оңалту орталықтары, 3 және 18 жасқа дейінгі балаларға арналған оңалту орталықтары, аутизмі бар балаларға арналған орталықтар, Б.Саттарханов атындағы спорт кешені, ауылдық елді мекендердегі спорт алаңдары сынды жобалар бар. Бұл жобалардың барлығы өңірдің әлеуметтік әлеуетін көтеруге бағытталған нақты жұмыстар.
