Все записи автора Admin

"AMANAT", Ақпарат, Қоғам

САЙЛАУАЛДЫ БАҒДАРЛАМАНЫҢ 4 БАҒЫТЫ БОЙЫНША 136 ІС-ШАРА ЖОСПАРЛАНДЫ

Оставить комментарий

«AMANAT» партиясы Түркістан облыстық филиалының ғимаратында, облыстық партия филиалының сайлауалды бағдарламасын орындау жөніндегі Жол картасының таныстырылымы туралы баспасөз мәжілісі өтті.
Брифингте облыстық партия филиалының төрағасы Алтынсары Үмбетәлиев, партиялық Жол картасының негізгі бағыттарын БАҚ өкілдерінің алдында баяндады.

 

 

Жол картада сайлауалды бағдарламаның 4 бағыты бойынша 136 іс-шара жоспарланған.
БІРІНШІ бағыт «Табысты арттыру» деп аталады.
Қазірдің өзінде, «Ауыл аманаты» бойынша облысқа, Республикалық бюджеттен 19,8 миллиард теңге бөлініп отыр. Бұл қаржыға 64 ауылдық округтегі 4 000-ға жуық жобаны қолдау көзделуде. Сонымен қатар, 75 кооператив таңдалып, несие алушылардың тізімі жасақталуда.
Бүгінгі күнге, ауыл тұрғындарнан 847 өтінім қабылданды, оның ішінде 248 өтінім несие комитетімен мақұлданды, 459 өтінімнің құжаттары қаралу сатысында. Жоба құнына қарай 11 адамның есепшотына 59 млн.тг аударылды.
«Жер аманаты» бойынша өткен жылы, облыста 1 миллион гектардан астам жер, ортақ жайылымға қайтарылған болатын. Жол картаға сәйкес, 5 жылда 490 мың гектар жерді қайтару қарастырылса, оның 330 мыңы биылға жоспарланған. Бүгінгі күнге, 51,1 мың га жер қайтарылды.
ЕКІНШІ бағыт «Өмір сапасын арттыру» деп аталады.
2027 жылға дейін, облыста жаңадан 96 мектеп салуға, тозығы жеткен 10 мектепке күрделі жөндеужүргізуге ықпал етпекпіз.
Медицина саласында 28 жаңа денсаулық сақтау нысанын салуға және ауылдық елді мекендерді медицина саласының мамандарымен қамтуға күш саламыз.
ҮШІНШІ бағыт «Өмір сүру жағдайларын жақсарту» деп аталады.
2027 жылға дейін барлық қаржыландыру көздерінен 4,4 млн. шаршы метр тұрғын үй салуға күш саламыз. Тозығы жеткен 271 тұрғын үйді күрделі жөндеуден өткізуге бюджеттен қаржы бөлінетін болады.
Сонымен қатар, биылғы жылы жөндеу жұмыстары басталған Кентау қаласындағы «Жылу электро-орталығындағы» жұмыстар партиялық бақылауға алынды.
Қазірдің өзінде, Энерго орталықтың 8 қазандығын қайта құруға сметалық құжаттама жасалып, жоба құны 13,7 млрд. теңгені құрап отыр. Биыл, 4 қазандықты қайта құру жоспарланған. Бүгінгі таңға облыстық бюджеттен 1 миллиард теңге бөлініп, конкурстық шаралар жүргізілуде. Алдағы уақытта Республикалық бюджеттен 6,7 миллиард теңге бөлінеді деп күтілуде. Қалған 4 қазандықты қайта құру 2024 жылға жоспарланған. Оған қажетті сомма 6,0 миллиард теңге.
Облыста 185 мыңға жуық зейнет жасындағы азаматтар тұрады. «Ардагерлерді ардақтайық!» жобасы аясында, алдағы 5 жылда 400-ден астам ардагерге түрлі деңгейдегі көмектер көрсетілмек.

 

 

Сонымен қатар, «Кедергісіз келешек!» жобасы бойынша, алдағы 5 жылда 6,7 мыңға жуық мүмкіндігі шектеулі азаматты жұмыспен қамтуды көздеп отырмыз. Одан бөлек, Сауран ауданына қарасты Оранғай ауылында 200 орындық мүмкіндігі шектеулі ересек азаматтарға арналған, 50 орындық мүмкіндігі шектеулі балаларға арналған оңалту орталықтарын пайдалануға беретін боламыз.
Төртінші бағыт «Экологиялық жағдайды жақсарту жөніндегі шараларды күшейту» деп аталады.
Бұл жерде Газ отынымен жұмыс істейтін қоғамдық көліктер санын ұлғайту, Түркістан қаласы аумағындағы жасыл белдеуді дамыту, қатты тұрмыстық қалдықтар полигондарын санитарлық талаптарға сәйкестендіру Кентау қаласына қарасты елді мекендерді экологиялық аймаққа кіргізу секілді жұмыстар жүргізілетін болады.
Сайлауалды бағдарламаны орындау жөніндегі әрбір көрсеткішке жауапты мәслихат депутаттары бекітіліп, орындалуы партиялық бақылау фракциясы арқылы күшейтетілмек. Қазірдің өзінде құрылысы жүріп жатқан 33 мектепте партиялық бақылау бекеттері ашылды.
«AMANAT» партиясы Түркістан облыстық филиалының баспасөз қызметі

Ақпарат, Жаңа жоба, Қоғам

ТҮРКІСТАНДА МҰСТАФА КЕМАЛ АТАТҮРІКТІҢ ЕСКЕРТКІШІ ОРНАТЫЛАДЫ

Оставить комментарий
Түркістанда Түркия Республикасының 100 жылдығына орай, Осман империясынан кейінгі кәсіби Республиканың негізін қалаған танымал мемлекет қайраткері, саясаткер және реформатор Мұстафа Кемал Ататүріктің ескерткіші орнатылмақ.
Бұл келісімге Түркістан қаласы әкімдігі мен Стамбұл қаласы Малтепе провинциясы арасындағы меморандум негізінде қол жеткізілмек.
Ескерткішті орнату жұмыстарын Түркия Республикасы толық қаржыландыратын болады. Қазіргі таңда ескерткіш бой көтеретін орынжай белгіленіп жатыр. Екі ел арасындағы достық қатынасты нығайту мақсатында Малтепе аймағының мэрі Али Кылыч бастаған бір топ түркиялық делегат Түркістанға келіп, қала әкімдігінің басшылығымен, сондай-ақ жергілікті зиялы қауым және БАҚ өкілдерімен кездесті.
Басқосуда Анадолы мен атажұрттың рухани-мәдени байланысын нығайту жайы сөз болды. Рухани мазмұны мол шарада түркі бірлігін ұлықтаған әндер орындалды.
Еске сала кетсек, Түркияның бірінші президенті Мұстафа Кемал Ататүрік 1881 жылы дүниеге келген. Ол Түркияны зайырлы, индустриялды ел етіп өзгерткен тұлғалардың бірі болды. Әлемдік деңгейдегі танымал тұлға 1938 жылы өмірден озған.
Түркістан облысының Өңірлік коммуникациялар қызметі
Ақпарат, Қоғам

Қонаев қаласындағы казинолар жабылмайды

Оставить комментарий

Бұл туралы орталық коммуникациялар қызметінде өткен брифингте Алматы облысының әкімі Марат Сұлтанғазиев мәлімдеді, — деп хабарлайды Taq.kz тілшісі.

Әкімнің айтуынша ойынқұмарлық, тек Қазақстанда емес әлемде бар. Ал, Қоневтағы казиноларды көшіру емес, қосымша тағы ойын-сауық секілді абаттандыру, кинотеатр, аквопарк және сауда орталықтарын ашу бойынша талаптар қойылыпты.

«Ойын субъектілері Қонаев және Ақмола облысындағы Щучинск қаласында орналасқан. Казинолар бүгінде жұмыс істеп тұр, оларды көшіру жоспарда жоқ. Ойынқұмарлық деп жатырсыз, ол тек Қазақстанда емес әлемде бар. Біз жұмыс істеп жатқан казиноларға талап қойып жатырмыз. Тек казино ретінде ғана емес жалпы ойын-сауық орындары секілді абаттандыру. Шетелде белгіленген казино бір бөлек, кинотеатры, аквопаркі, басқа да ойын-сауық немесе сауда орталықтарына айналдыруға да болады» , дейді облыс әкімі.

Өңір басшысының айтуынша, Қонаевтағы казиноларды көшіру жоспарда жоқ. Себебі, ойын бизнесі облыс қазынасына қыруар қаражат түсіреді екен. Яғни, казинолардың салығы 95 млрд теңгеге жуықтайды.

“Бүгінгі таңда оларды ауыстыру жоспарымызда жоқ. Осы ойын бизнесінде 3500-нан астам жұмыс істеп жатыр. Оның төңірегінде жүрген 3000-ға жуық басқа да адамдар бар. Жалпы 7 мыңға жуық адам істейді. Бізде 61 мың халық тұратын болса, оннан бірі осында жұмыс істейді деуге болады. Жыл сайын 80 миллиард пен 95 миллиардтың арасында салық түседі. Бұл – біздің жергілікті бюджетке түсетін үлкен қаражат”, – деді Марат Сұлтанғазиев.

Айта кетейік, осыған дейін Алматы облысының прокуратурасы 305 мемлекеттік қызметкердің құмар ойынға 507 млн теңге жұмсағанын хабарлаған еді. Оның ішінде жергілікті атқарушы органдардың 36 қызметкері бар. Ал, Алматы облысының әкімі Марат Сұлтанғазиев журналистердің казиноға қатысты қойған сауалына «жабылмайды» деп жауап берді.

"AMANAT", Ақпарат, Қоғам

ҚҰҚЫҚТЫҚ КӨМЕК ЖОБАСЫ АЯСЫНДА ҚАБЫЛДАУ ӨТТІ

Оставить комментарий

«AMANAT» партиясы Созақ аудандық филиалы қоғамдық қабылдау бөлмесінде «Құқықтық көмек» партиясы жобасы аясында азаматтардың құқықтық сауаттылығын арттыру, тұрғындарға құқықтық, заңгерлік кеңес беру мақсатында және азаматтардың арыз-өтініштері бойынша халыққа тегін құқықтық көмек және түсіндірме жұмыстарын жүргізу үшін Түркістан облыстық нотариаттық палата мүшесі Абилпаттаев Бауыржан Бақытжанұлы, Түркістан облыстық жеке сот орындаушылар өңірлік палатасының жеке сот орындаушысы Ағабеков Бейбітбек аудандық филиал ғимаратының қоғамдық қабылдау бөлмесінде жеке қабылдау өткізді.
Заңгерлік кеңес беруге арналған қабылдауда аудан тұрғындары тарапынан онлайн несие мәселесі, алимент өндіру және мұрагерлік жайында туындаған қиындықтар бойынша сұрақтар болды.
Тұрғындар тарапынан айтылған талап-тілектер бойынша қолданыстағы заңнамаларға сәйкес құқықтық кеңестер берілді.

"AMANAT", Ақпарат, Қоғам

Cайлаудың алдында халыққа берген уәделердің орындалуына мониторинг басталды

Оставить комментарий

«AMANAT» партиясы Түркістан облыстық филиалы сайлауалдында халыққа берген уәделерінің орындалуына мониторингті бастады

«AMANAT» партиясы Түркістан облыстық филиалы жанындағы «Отбасы және әлеуметтік қорғау мәселелері» жөніндегі кеңес отырысы өтті. Кеңес отырысын «AMANAT» партиясы Түркістан облыстық филиалы жанындағы «Отбасы және әлеуметтік қорғау мәселелері» жөніндегі кеңес төрағасы Қосмамбетов Ержан Төлебекұлы ашып, жүргізіп отырды. Жиынға кеңес мүшелері, депутаттар, облыстық бақарма басшылары мен қоғамдық бірлестік өкілдері және БАҚ өкілдері қатысты.
«AMANAT» партиясы Түркістан облыстық фииалы жанындағы жанындағы «Отбасы және халықты әлеуметтік қорғау мәселелері» жөніндегі аймақтық кеңес облыстық партия филиалы жанындағы консультативтік-кеңес органы болып табылады. Кеңестің негізгі мақсаты партияның Түркістан облысы бойынша 2023 — 2027 жылдарға «Халықпен бірге!» Сайлауалды бағдарламасының «Ерекше қажеттіліктері бар адамдарды қолдау», «Азаматтардың қауіпсіздігін қамтамасыз ету» және «Қолжетімді сапалы медицина» бағыттары бойынша іске асырылуын бақылау және қадағалау, сондай-ақ отбасының, әйелдер мен балалардың құқықтары мен заңды мүдделерінің кепілдіктерін қамтамасыз ету, мемлекеттік және қоғамдық институттармен өзара әрекет етіп, олардың бұзылған құқықтары мен бостандықтарын қалпына келтіру болып табылады.

Күн тәртібінде 2 мәселе қаралды:

1) «AMANAT» партиясы Түркістан облыстық филиалы жанындағы «Отбасы және әлеуметтік қорғау мәселелері» жөніндегі кеңестің 2023 жылға арналған жұмыс жоспарын талқылап, бекіту туралы және «AMANAT» партиясының Түркістан облысы бойынша Сайлауалды бағдарламасын орындау жөніндегі Жол картасының «Қолжетімді сапалы медицина» және «Ерекше қажеттілігі бар адамдарды қолдау» бағытында айқындалған міндеттердің орындалуы туралы.
Жиын барысында кеңес мүшелері тарапынан облыстық жұмыспен қамтуды үйлестіру және әлеуметтік бағдарламалар басқармасы мен облыстық денсаулық сақтау басқармасына сайлауалды берген уәделердің орындалуы және медицина саласындағы құрылысы жүріп жатқан нысандардың сапасына мін беруді ұсынды. Айта кетсек, Түркістан облысында 95229 мүгедектігі бар адамдар есепте тұр. Республика бойынша бұл көрсеткіш 14 пайызды құрайды. Оның 83 173 ересектер болса, 12 056 мүгедектігі бар балалар.
Бүгінгі күні, облыс бойынша аудан, қалаларда қоқанда жалпы 43 инватакси мен 50 әлеуметтік таксилер қызмет көрсетуде. Облыс бойынша 2023 жылға әлеуметтік инфрақұрылым бойынша 776 нысанды бейімдеу бойынша жұмыстар жүргізу жоспарланған. Бүгінгі таңға соның 581 нысаны бейімдеу шараларымен қамтылды. Сонымен қатар, жалпы сайлауалды бағдарламада 2027 жылға дейін 28 жаңа денсаулық сақтау нысанын пайдалануға беру жоспарланса, оның 10 нысаны 2024 берілмек.

 

Сонымен қатар, балалардың жазғы демалыс уақытысын жазғы сауықтыру лагерлерінде сапалы әрі тиісті дәрежеде демалуына қатаң бақылау қажеттілігі туралы облыстық адами әлеуетті дамыту басқармасына ұсынылды. Жиын барысында аталған мәселелер толық талқыланып, біршама қатысушылар ойларын ортаға салды, пікірлерін айтты. Барлық тақырыптардың өзектілігі ашылып, жан-жақты талқыланды. Жиналыс барысында айтылған ұсыныс-тілектердің барлығы хаттамаға енгізіліп, алдағы уақытта кеңес мүшелері тарапынан қосымша жолданатын болады.

Ақпарат, Ауыл шаруашылығы, Кәсіпкерлік, Қоғам

ТҮЛКІБАСТЫҚ КӘСІПКЕР 100 МЫҢ ТОННА БАЛЫҚ ӨНДІРУДІ КӨЗДЕП ОТЫР

Оставить комментарий
Түркістан облысы тауарлы балық өндіру бойынша соңғы үш жылда республикада көш бастап келеді. Үкіметтің балық шаруашылығын дамытудың 2021-2030 жылдарға арналған өңірлік бағдарламасына сәйкес, 10 жылда облыста тауарлы балық өндірудің көлемін 20 мың тоннаға жеткізу мақсатында жұмыс істеліп жатыр.
Балық шаруашылығы – қазіргі ауыл шаруашылығының маңызды саласы. Балық өсірудің көптеген аспектілері бар, олардан пайда табуға болады. Мысалы:
шабақтарды өсіру,
уылдырық алу,
балықты сату, балықты тұздау және тағы басқалары.      
  
Түлкібас ауданында өткен жылы жұмысын бастаған «Нұрсәуле фрудс» ЖШС балық шаруашылығын дамытуға бел буып, жылына 100 тонна сазан, ақ амур, дөнмандай, фарель балықтарын өндіруді көздеп отыр.
Бүгінгі таңда жоғарыда көрсетілген балық уылдырықтарының 3 млн. 200 мың данасын Құлан су қоймасы мен жанынан бой көтерген жасанды бассейндерге жіберген. Кәсіпкерлік нысанда 14 адамға жаңа жұмыс орны ашылып отыр.
Аталған серіктестікке аудан әкімі Нұржан Ізтілеуов жауапты мамандармен арнайы барып, жұмысымен танысты.
Әкімдік тарапынан қолдау сұраған кәсіпкерге аудан басшысы заң талаптарына сай барлық көмектер көрсетілетіндігін айтып, жауапты бөлім басшысымен бірге тиісті құжаттарын дайындап, ұсыну керектігін жеткізді.
Айта кетейік, аудан көлемінде соңғы 3-4 жылда балық шаруашылығымен айналысуға ниет білдірушілердің саны артып келеді.
Осыдан 10 жылдай бұрын Арыс ауылдық округіне қарасты бірден-бір балық шаруашылығын дамытушы «First Fish Company» ЖШС-гі ғана жұмыс жасап келсе, бүгінгі таңда аудан көлемінде 12 шаруашылық өзінің жеріндегі өзен, көлдер мен жасанды тоғандарына балық шабақтарын жіберіп, балық өсірумен айналысып жатыр. Осы күнге дейін 28,5 га жер теліміндегі тоғандарға 3,5 млн. дана шабақтар жіберілген.
"AMANAT", Ақпарат, Ауыл шаруашылығы, Бизнес, Жаңа жоба, Кәсіпкерлік, Қоғам

МАҢЫЗДЫ МӘСЕЛЕЛЕР ҚАРАЛҒАН МӘЖІЛІС

Оставить комментарий

«AMANAT» партиясы Түркістан облыстық филиалы жанындағы Экономика, кәсіпкерлік және аграрлық сектор мәселелері және Өңірлік даму жөніндегі кеңестердің бірлескен мәжілісі өтті. Кеңестердің бірлескен мәжілісін Өңірлік даму жөніндегі кеңестің төрағасы Серманизов Бахытжан Қыпшақбайұлы төрағалық етіп, жүргізді.
Мәжіліске облыстық партия филиалы төрағасының орынбасары Тұрсынбаев Полат Мұратұлы, облыстық Экономика, кәсіпкерлік және аграрлық сектор мәселелері жөніндегі кеңестің төрағасы Райымбеков Ғани Ақылбекұлы, Түркістан облыстық кәсіпкерлік және өнеркәсіп басқармасының басшысы Мырзахметов Нұржігіт Назарбекұлы, Түркістан облыстық энергетика және тұрғын үй-коммуналдық шаруашылық басқармасы басшысының орынбасары Полатбеков Бақытжан Әнуарбекұлы, Түркістан облыстық Ауыл шаруашылығы басқармасының өкілі және кеңес мүшелері мен партия қызметкерлері қатысты.

Күн тәртібінде 4 мәселе қаралды:

1. Түркістан облысының экономикасындағы шағын және орта бизнестің үлесін көбейту туралы;
2. Түркістан облысында минералды тыңайтқыштардың көлемін арттыру туралы;
3. Түркістан облысындағы 100 елді мекенді газдандыру туралы;
4. Түркістан қаласында темір жол вокзалын күрделі жөндеуден өткізу туралы.

Облыстық кәсіпкерлік және өнеркәсіп басқармасының басшысы Н.Мырзахметов күн тәртібіндегі мәселе бойынша «AMANAT» партиясы Түркістан облысының
2023-2027 жылдарға арналған сайлауалды бағдарламасын орындалуы жөніндегі жол картасындағы көрсеткіштерге тоқталды. Өңір экономикасында шағын және орта бизнестің үлесі 2023 жылы 22,5% — ға, ал 2027 жылға дейін 25,5% — ға жеткізу көзделгенін атап өтті. 2022 жылдың 12 айының қорытындысы бойынша жалпы өңірлік өнімдегі шағын және орта бизнестің үлесі 25,4%-ды құраған. Ағымдағы жылдың 1 мамырына Ұлттық жоба шеңберінде несиенің пайыздық мөлшерлемесінің бір бөлігін субсидиялау құралы бойынша 126 жоба 9,7 млрд. теңгеге қолдау алған болса, ішінара кепілдендіру құралы бойынша 54 кәсіпкерлік субъектісі 1,2 млрд. теңгеге кепілдендірілген. Сонымен қатар, ағымдағы жылдың екінші жартысында ұлттық жоба шеңберінде мемлекеттік гранттар ұсыну құралы бойынша 148 млн. теңгеге қайтарымсыз гранттар ұсыну жоспарланған. «Ауыл аманаты» жобасын іске асыру мақсатында ағымдағы жылы Түркістан облысына 19,8 млрд. теңге бөлінгенін, аталған жоба шеңберінде халықты 2,5 % жеңілдетілген несиелермен қамтамасыз ету мақсатында 6 бағыт таңдалған. Атап айтқанда;
— — өсімдік шаруашылығын дамыту;
— — мал шаруашылығын дамыту;
— — құс шаруашылығын дамыту;
— — балық шаруашылығын дамыту;
— — ауыл шаруашылығы кооперативтерді жабдықтау;
— — тұрғындардың өз кәсібін ашу бағыты.
— Бүгінгі таңда, «Ауыл аманаты» жобасының алтыншы бағыты (тұрғындардың өз кәсібін ашу бағыты) бойынша 50 шағын өндірістік жобалар іріктеліп, 2,5% — дық жеңілдетілген несиелермен қамтамасыз ету бойынша тиісті жұмыстар атқарылуда.
Сонымен қатар, «Оңтүстік» Аймақтық инвестициялық орталығы арқылы 2023 жылдың 5 ай қорытындысымен
6,9 млрд. теңгеге 822 жоба, «Ырыс» микроқаржы ұйымы арқылы
3 079 млрд. теңгеге 584 жоба (2023 жылға 13 бағдарлама бойынша қаржыландыру жоспарланған) қаржыландырды.

Кеңес отырысының күн тәртібінде қаралған мәселелер бойынша қатысушылар баяндамашыларға сұрақ қойып, тиісті жауаптарын алды. Қордаланған мәселелерге байланысты алдағы уақытта кеңес құрамы бекітіліп аудандарды аралап жұмыс барысымен танысатын болады.

"AMANAT", Ақпарат

ҚОҒАМДЫҚ КЕҢЕС ТӨРАҒАЛАРЫ МЕН МҮШЕЛЕРІ МАРАПАТТАЛДЫ

Оставить комментарий

«AMANAT» партиясының Төрағасы Ерлан Жақанұлы Қошанов бұрынғы кеңестердің құрамында белсенді жұмыс істеген кеңес төрағалары мен мүшелерін марапаттау туралы шешім қабылдаған болатын. Осыған орай бүгін “AMANAT” партиясы Түркістан облыстық филиалының төрағасы А.Үмбетәлиев қоғамдық кеңестердің жұмысында белсенділік танытқан кеңес төрағалары мен мүшелерін арнайы алғыс хатпен марапаттады.


Партия төрағасы өз сөзінде,
— партияның бағдарламалық міндеттері мен шешімдерін жүзеге асыруда белсінділік таныттыңыздар. Қоғамдық кеңес жұмыстарында халықтың сапалы өмір сүруін қалыптастыру мен Сайлауалды бағдарламаларды іске асыруға елеулі үлес қостыңыздар. Көпшілігіңіз кеңестің құрамынан шықсаңыздарда азаматтық белсенділіктеріңізді жоғалтпай «Әділетті Қазақстанды» құру жолында қажырлы еңбек етуді жалғастыра береді деп сенемін,-деді А.Үмбетәлиев.

Айта кетейік, 2021-2025 жылдарға арналған «Өзгерістер жол: Әр азаматқа лайықты өмір!» атты сайлауалды бағдарламасы қабылданып, оның өз дәрежесінде жүзеге асырылуын бақылау үшін облыстық, аудандық, қалалық деңгейлерде қоғамдық кеңестер құрылған болатын. Аталған кеңестер белсенді жұмыс жасап, 2 жылдың ішінде 855 отырыс өткізіп, 1500-ге жуық өзекті мәселелер қарады. Мемлекеттік органдарға 1700-ден астам ұсыныстар жолдап, олардың басым бөлігі орындалды.

«AMANAT» партиясы Түркістан облыстық филиалының баспасөз қызметі

Ақпарат, Қоғам, Құрылыс

ПОЛИЦИЯ ДЕПАРТАМЕНТІНІҢ ЖАҢА ҒИМАРАТЫ АШЫЛДЫ

Оставить комментарий
Түркістан Облысының Полиция Департаментінің жаңа ғимараты ашылды. Әкімшілік-іскерлік орталықта орналасқан Полиция департаментінің жаңа ғимаратының ашылу рәсіміне Ішкі істер министрі Марат Ахметжанов, Түркістан облысының әкімі Дархан Сатыбалды, мемлекеттік және құқық қорғау органдарының басшылары қатысты. Қаланың сәулеттік стиліне үйлесімді көпқабатты нысанның лентасын қиып, аралап шықты. Жаңа ғимаратта тәртіп сақшылары алаңсыз жұмыс істеуі үшін қажетті құрал-жабдықтармен қамтамасыз етіліп, барлық жағдай жасалған.
      
Одан бөлек Полиция департаментіне тиесілі соңғы заманауи үлгідегі көліктер (Кибер-шериф пен Кордон Про-М, Автоураган) мобильді кешендер және қару-жарақтарымен таныстырылды.
Сондай-ақ департаменттің арнайы алаңында Мемлекеттік ту көтеріліп, жеке құрамның салтанатты саптық шеруі өткізілді. Министр әріптестерін заманауи талаптарға сай жасақталған жұмыс орнымен құттықтап, қызметтеріне сәттілік тіледі. Жаңа ғимараттың ашылу рәсімінде облыс әкімі елдің тыныштығы мен қауіпсіздігі жолында аянбай қызмет етіп жүрген полицейлердің  еңбегін атап өтті.
– Мемлекет басшысы Қасым-Жомарт Тоқаевтың «Әділетті Қазақстан» құру туралы идеясының негізгі мақсаты – елдің тұрақтылығы мен қауіпсіздігін қамтамасыз ету. Қоғамның мүддесі мен талап-тілегін ескере отырып, осы мақсатта жұмыла әрекет етуіміз қажет. Бұл жауапты іс тікелей құқық қорғау саласы қызметкерлерінің адал еңбегі арқылы жүзеге асады. Сондықтан, полицияның кедергісіз қызмет етуіне әкімдік тарапынан барлық қолдау көрсетілуде. Былтыр ғана полиция қызметкерлеріне 252 жаңа көлік табысталса, биыл тағы да 30 автокөлік алынды.Бүгінгі таңда, облыс аумағында жалпы 12 стационарлық полиция бекеттері орнатылды. Тиісінше, облыстағы ішкі істер саласының басшылығы мен қызметкерлері қырағылықпен қызмет етіп, нәтижелі жұмыс көрсетуде. Ел Президентінің полицияны сервистік моделге көшіру туралы тапсырмасына сәйкес, 2021 жылдан бастап облыста ведомствоаралық топтар құрылып, жұмыстарын атқаруда.
Бұл – халықтың қауіпсіздігін арттыруға бағытталған қарқынды қадам деп білемін.
Елдің амандығы мен құқықтарының сақталуы ішкі істер саласының қызметкерлеріне ғана емес, қоғамның алдындағы міндет. Бұл жұмыстарды бәріміз бірлесе атқаруымыз қажет, – деді Түркістан облысының әкімі Дархан Сатыбалды.
Айта кетсек, облыстық Полиция департаменті ғимараты толық заманауи техникамен жабдықталып, жиһаздары орнатылып, пайдалануға берілді. 4 қабатты ғимараттың ауданы – 15 365 м2.
470 адамға арналған Полиция департаменті ғимаратының жалпы жер ауданы – 4000 м2. Ғимарат бірнеше блоктан тұрады. Мәжіліс залы, спорт залы, тир, арнайы автотұрақ, автокөлік жуу орнымен қамтылған.
Түркістан облысының әкімі Дархан Сатыбалды арнайы жаттығу тирінде нысана көздеп, мергендігін сынап көрді. Он оқтың тоғызын дәл тигізіп, шеберлігін көрсетті.
Жаңа ғимараттың жанында еліміздегі ең ірі кешеннің бірі, соңғы үлгідегі 126 монитор орнатылған Жедел басқару орталығы орналасқан. Бұл орталық арқылы облыстағы көшелер мен жолдар, барлық білім ұялары тәулік бойы қадағалауда. Полиция жұмысының қайнар көзі саналатын орталықта «102» желісіне соғылатын қоңыраулар қабылданады. Әрбір қоңыраудың артында үлкен командалық қызмет атқарылады. Ғимараттың жалпы ауданы – 3 га.
ІІМ басшысы Марат Ахметжанов киелі өңірдегі іссапарын облыс орталығы — Түркістан қаласындағы туристік полиция қызметімен танысудан бастады. Еліміздің бас полицейі туристік аймақта тұрғындар қауіпсіздігін сақтайтын полицейлерді тексерді. Одан әрі «Конгресс-холл» салтанат сарайында Түркістан облысы тұрғындарымен кездесу өткізді. Аталған шара Ішкі істер министрлігінің әлеуметтік желідегі парақшаларында тікелей эфирде көрсетілді. Жиын барысында аймаққа тән проблемалар қаралып, өзекті тақырыптар көтерілді.
Марат Ахметжанов еліміздегі қылмыс деңгейі жыл басынан бері 19%-ға төмендегенін, ал Түркістан облысы республика бойынша қылмысы ең аз облыстар қатарынан түспей келе жатқанын жеткізді. Сондай-ақ тұрғындар тарапынан қойылған сұрақтарға жауап беріп, өзекті мәселелері бар арызданушыларды жеке қабылдады. Оған қоса жергілікті БАҚ өкілдерімен брифинг ұйымдастырылды.
"AMANAT", Ақпарат, Қоғам

БАСТАУЫШ ПАРТИЯ ҰЙЫМДАРЫНЫҢ ЖҰМЫСЫН ЖАНДАНДЫРУ ҚАЖЕТ

Оставить комментарий

«AMANAT» партиясы Түркістан облыстық филиалында, Түркістан қалалық филиалына қарасты бастауыш партия ұйымдарының төрағаларымен мәжіліс отырысы өтті. Отырысты облыстық партия төрағасы Алтынсары Үмбеталиев жүргізді. Жиында облыстық партия филиалының төрағасы 7548 партия мүшелері бар Түркістан қалалық БПҰ төрағаларының есебін тыңдады.
Жалпы «AMANAT» партиясында 20 қала-облыстық филиалы бойынша республика көлемінде 800 мыңға жуық партия мүшесі болса, Түркістан қалалық филиалында 16 бастауыш партия ұйымымен біріктірілген 7548 партия мүшелері тіркелген.


Мәжіліс отырысында БПҰ төрағалары Облыстық Партия төрағасына атқарған жұмыстарын баяндады. Баяндамаларды тыңдаған Алтынсары Дүйсенбекұлы, партияға мүшелікке қабылдау жұмыстарын талқылады. Сонымен қатар, партиялық «Ардагерді ардақтайық», «Құқықтық көмек», «Кедергісіз келешек» сынды жобалардың халыққа түсіндіру жұмыстары кеңінен жүргізілмей отырғандығын сынға алды.


Жиында атқарылған жұмыстардың нәтижесі көңіл көншітпей тұрғанын айтқан партия төрағасы,
— Бастауыш партия ұйымдары — жергілікті жерлерде партия саясаты мен оның стратегиялық міндеттерін жүзеге асырып, халықпен және әрбір аманаттықпен етене жұмыс істейтін құрылым екенін атап өтті. Сондықтан, халықпен етене жақын болып нәтижелі жұмыс атқару керек, — деді.
Айта кетейік алдағы уақытта БПҰ төрағаларымен кездесу жалғасатын болады.

«AMANAT» партиясы Түркістан облыстық филиалының баспасөз қызметі