Түркістан облысы халқы тығыз орналасқан өңірдің бірі. Оның ішінде Мақтаарал мен Жетісай аудандарында халық саны 300 мыңнан асады. Халық саны көп аймақта, тиісінше мәселелер де көп болатыны анық. Бұл, Мырзашөл өңіріндегі кейбір елді мекендердің, яғни шалғайдағы ауылдардың әлеуметтік-экономикалық ахуалын жақсартуға, олардың мәселесін дер кезінде шешуге келгенде қиындықтар туғызып отыр.Аталған мәселені Жетісай ауданының мәслихат депутаттары көтеріп, ҚР Президенті Қасым-Жомарт Кемелұына арнайы өтініштерін де жолдаған.
Өтініш хатта, депутаттар 1997 жылы бір ауданға біріктірілген Мақтаарал, Жетісай, Асықата аудандарын қайта тарихи қалпына келтіруді ұсынған. Халық қалаулыларының айтуынша, Асықата ауданының құрамына 93 мыңнан астам халықты қамтитын 1 кент, 7 ауылдық округ және 83 елді мекенді енгізу қажет. Сондай-ақ оның жер көлемі 64 435 гектарды құрайтын болады. Аталған ұсыныстың Мемлекет басшысына жолданғанын «AMANAT» партиясы Түркістан облыстық филиалының алаңында өткен брифингте Жетісай аудандық мәслихатының төрағасы Медет Қасымов та растады. Сондай-ақ бұл бастаманы жергілікті депутаттармен қатар, тұрғындарда қолдап отырғанын жеткізді. Себебі, мұндай шешім қабылданса Мырзашөлдегі өзекті мәселелерді жеделдетіп шешуге мүмкіндік болады, дейді Медет Алмасбекұлы.
Жалпы, журналистермен өткен кездесуде Жетісай аудандық мәслихатының төрағасы халықтың сеніміне ие болған аймақтарда партияның сайлауалды бағдарламасының орындалуы бойынша есеп берді. Медет Қасымов ауданның депутаттық корпусы 22 азаматтан жасақталғанын, оның 19 адамы — «AMANAT» партиясының фракциясы құрайтынын айтты.
«Сегізінші шақырылымда аудандық мәслихаттың 9 сессиясы өткізіліп, 58 мәселе қаралды. Сессияларда аудандық бюджетті қалыптастыру және оның орындалуы, дербес бөлім басшыларының және кент, ауылдық округ әкімдерінің атқарған жұмыстарының есебі, аудандағы қылмыстың алдын алу, денсаулық сақтау, білім беру салаларындағы жұмыс барысы, ауданның әлеуметтік-экономикалық дамуы жөніндегі аудан әкімінің есебі туралы мәселелер қаралып, тиісті шешімдер қабылданды. Ал, ауданның депутаттары аймақтың өзекті мәселелеріне қатысты 101 депутаттық сауал жолдап, олардың орындалуын мәслихат басты назарға алды», — деді Жетісай аудандық мәслихатының төрағасы Медет Қасымов
Сондай-ақ, брифингте сөз тізгінін алған Мақтарал аудандық мәслихат төрағасы Қадір Сәрсекбаев 130 мың адамға жуық халық тұратын ауданның мәслихат депутаттары ауыл-аймақтардағы қордаланған мәселелерді шешуге белсене кіріскенін жеткізді. Халықтың сенім мандатына ие болған депутаттар мәслихат құрылымындағы 3 тұрақты комиссияның құрамына еніп, әр сала бойынша айқындалған өзекті мәселелердің оңтайлы шешілуін назарға алған.
«Жыл басынан бері 6 сессия өткізіп, маңызды мәселелерді реттейтін 52 шешім қабылдадық. Маңызды мәселенің бірі – аудан бюджетіне өзгерістер мен толықтырулар енгізу болды. Депутаттардың сүзгісінен өткен аудан бюджеті 14 млрд 759 млн.теңге көлемінде бекітіліп, оның 34,2% — әлеуметтік салаға, 23% — тұрғын-үй коммуналдық шаруашылық, энергетика саласына, 10,2% — көлік және коммуникация саласына, 32,6% — басқа да салаларға бағытталды. Депутаттық корпус тарапынан жергілікті атқарушы органдарға 41 депутаттық сауал жолданып, оның 36-сы орындалған, кейбір өзекті тақырыптар бойынша түсініктеме берілген. Депутаттар жолдаған сауалдардың 44 пайызы ағын су, жол, абаттандыру, газ, электр энергиясы мәселелеріне арналса, 29 пайызы – жер қатынастары саласына, 12 пайызы – құқық қорғау саласына қатысты болды. Байланыс сапасын арттыру және құрылыс саласына қатысты барлығы 6 депутаттық сауал жолданып, орындалуы мәслихат бақылауына алынды»,- деді Мақтарал аудандық мәслихат төрағасы Қадір Сәрсекбаев.
Ұлтаралық татулық — еліміздегі тұрақтылықтың кепілі. Мемлекет басшысы татулық пен келісім тек мемлекеттік саясатта емес, қоғамда, үйде, ұжымда, жалпы, барлық жерде дәріптелуі қажет екенін айтқан болатын. Расында, елдің тәуелсіздігі мен аумақтық тұтастығы бәрінен қымбат.
«Бұл жалаң ұран емес, әр азаматтың күнделікті ұстанымы болуы керек. Халқымыз бірліктің және тыныштықтың қадірін біледі. Бұл – небір қиын-қыстау заманды өткерген, қазақ жерінен пана тапқан барша этностар үшін де қымбат құндылықтар. Осы құндылықтарды бағалай білгеннің арқасында жұртымыз бейбіт өмір сүріп жатыр. Бұл – теңдессіз жетістік», – деді Қазақстан президенті ҚХА отырысында.
Сонымен қатар, Президент Қасым-Жомарт Тоқаев ұлттық бірегейлікті сақтаудың маңызды рөліне тоқталып, осыған орай этносаясат мәселесіне байыппен қарау керек екенін атап өткен болатын.
– Татулық пен бірлік – табысты мемлекет болудың басты кепілі. Этносаясатта жаһандық және аймақтық үдерістер ескерілуге тиіс екені айтылды. Бұл – өте орынды ұсыныс. Яғни, этносаралық қатынас мәселесін заман талабына сай реттеу керек. Бұл жұмыс ауқымды реформалармен үндес болуға тиіс. Бұған немқұрайлы қарауға болмайды, этносаралық саясат айрықша назар аударып, ұдайы жетілдіріп отыруды қажет етеді. Шын мәнінде, азаматтардың бірлігін, жалпыұлттық бірегейлікті және еліміздің этноәлеуметтік тұтастығын нығайту жөніндегі іргелі, тіпті қасиетті деп айтуға болатын міндеттерді жүзеге асырмайынша, мемлекеттің бірде-бір стратегиялық міндетінің орындалуы мүмкін емес екенін естен шығармаған жөн, – деді Мемлекет басшысы.
Осылайша, Мемлекет басшысы Қазақстан халқы Ассамблеясының қызметіндегі бірқатар басымдықты айқындап берді. Атап айтқанда бірлік пен татулыққа қарсы әркеттерге, арандатушылық әрекетке батыл түрде тосқауыл қою, этноәлеуметтік шиеленістің шығу себептерін жою үшін нақты шаралар қабылдау қажет екенін айтты. Сонымен қатар көпмәдениетті ортаны дамытып, барлық азаматтың мемлекеттік тілді меңгеруі үшін жүйелі қадамдар жасау керектігіне тоқталды.
Бұл бағытта, Түркістан облысындағы түрлі этнос өкілдері көп шоғырланған аймақтың бірі болып саналатын Төлеби ауданында қандай іс-шаралар атқарылып жатыр? Діни тұрақтылық пен ұлтаралық татулықты нығайту, этносаралық қатынастар саласындағы мемлекеттік саясатты іске асырумен айналысатын Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиал басшысы Есімхан Айтжановпен хабарласып, сұқбат жүргіздік. Маңызды ақпараттар мен мол деректер айтылған сұхбатты назарларыңызға ұсынамыз.
— Алғашқы сауалды «Қоғамдық келісім» КММ-нің міндеттерімен таныстырып өтуден бастасақ? Коммуналдық мемлекеттік мекеме қызметінің мәні мен мақсаттары қандай?
— «Қоғамдық келісім» коммуналдық мемлекеттік мекемесінің негізгі мақсаты қоғамдық келісім мен жалпыұлттық бірлікті нығайту бойынша этномәдени бірлестіктермен және өзге де қоғамдық ұйымдармен өзара іс-қимылды және ынтымақтастықты жүзеге асыру, облыстық Қазақстан халқы Ассамблеясының қызметін қамтамасыз ету және оның іс — шараларын өткізу, сондай-ақ этносаралық қатынастар саласындағы мемлекеттік стратегиялық және бағдарламалық құжаттарды түсіндіру мен ілгерілету бойынша ақпараттық іс-шараларды ұйымдастыру және жүзеге асыру болып табылады. Мемлекет басшысы айтқандай экономикалық дамумен қатар, елдің мызғымас бірлігі, ұлттар арасындағы ауызбіршілік пен татулық ең басты құндылық болып табылады. Сондықтан, қоғамдық келісімді қалыптастыру бағытында мекеме маңызды рөлі атқарады.
— Еліміздің болашағы жастар екені бәрімізге белгілі. Саналы, білімді ұрпақ қашанда жаңашылдыққа, өркендеуге ұмытылады. Сондықтан оларды жат, теріс ағымдардан аулақ болуға шақыру өте маңызды шаралардың бірі. Бұл бағытта Төлеби ауданында қандай іс-шаралар жүзеге асуда?
— Ия, расында бұл мәселе өте өзекті. Себебі, тұрақтылықты қамтамасыз ету мәселесіне келгенде ел ішіне іріткі салатын, теріс пиғылды ұстанымдардан аулақ болғанымыз абзал. Бұл бағытта Төлеби ауданында ауқымды жұмыстар атқарылып жатыр. Білікті мамандар, теологтар, имамдар да оқушылармен, студенттер және түрлі мекеме ұжымдарымен де кездесулерулер өткізілуде. Атап айтсақ, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалы және аудандық ішкі саясат бөлімінің ұйымдастыруымен аудан аумағында діни тұрақтылықты қамтамасыз ету, діни экстремизм мен терроризмнің және кереағар діни ағымдардың алдын алу мақсатында, Төлеби аудандық Қазақстан Халқы Ассамблеясы жанындағы Аналар кеңесі мүшелерінің қатысуымен облыстық дін істері басқармасына қарасты «Дін мәселелерін зерттеу орталығының» дінтанушы, теолог маманы Б.Өтеген семинар-тренинг өткізіп, қойылған сұрақтарға жауап берді. Ұл мен қыздың тәрбиесінде ата-ананың маңызды рөл атқаратынын ескерсек, ақжаулықты аналармен болған жиында ақпараттық-түсіндіру тобы келешек ұрпақты отбасыдан бастап дұрыс жолға бағыттау маңызды екенін жеткізді.
Сондай-ақ, Төлеби аудандық ішкі саясат бөлімі, Адами әлеуетті дамыту бөлімі, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалының ұйымдастыруымен, Алатау жалпы орта мектебі, Біркөлік негізгі орта мектеп, Екпінді , Нысанбек ЖОМ, Қайнар ЖОМ, Бірінші мамыр ауылдық округі Бірінші мамыр ЖОМ, Ынтымақ елді мекені Ынтымақ ЖОМ, Қамшақ елді мекені Әл-Фараби жалпы орта мектептерінің 9-11 сынып оқушыларымен «Шетелдік күмәнді теологиялық оқу орындарында білім алудың қауыптілігі туралы» және білім беру мекемелерінде этнос жастарымен арасындағы достықты, түсіністікпен келісімді нығайту мақсатында кездесу ұйымдастырылып, ақпараттық-түсіндірме жұмыстары жүргізілді.
Дәл осындай маңызды кездесу Ленгір қаласы №1, №2, №4, №5 оқу орындарында , Ленгір қаласы №1 мектеп-лицейі, Аққұм елді мекені Қ.Тыныбеков, Жаңаұйым елді мекені Жаңа-ұйым жалпы орта мектебі, Момынай елді мекені Момынай жалпы орта мектептерінің 9-11 сынып оқушыларымен өтті. Жиында оқу ордасындағы этносаралық татулық, достық мәселесі, басқа елдердегі теологиялық күмәнді білім беретін орталықтардың қауіпті ұстанымдары туралы дәрістер айтылды. Айта кетейік, ақпараттық-түсіндірме жұмыстары Төлеби ауданы әкімінің өкімімен, ауданға қарасты білім беру мекемелері арасында ұдайы өз жалғасын тауып келеді.
Яғни, аталған тақырыпта тағы да Алабас елді мекені Алғабас ЖОМ, Бейнеткеш елді мекені Ы.Алтынсарин ЖОМ, Жаңажол елді мекені Жаңажол ЖОМ, Киелітас елді мекені №16 Ш.Уалиханов ЖОМ, Жыланбұзған ЖОМ, Ақайдар елді мекені М.Әуезов ЖОМ, Тағайна елді мекені Тағайна жалпы орта мектебі, Әңгірата елді мекені, Әңгірата ЖОМ, Ақбастау елді мекені, Ақбастау ЖОМ, Абай елді мекені, Қазығұрт ЖОМ, Көксәйек №9 колледжі, Көксәйек ауылдық округі, М.Х.Дулати ЖОМ, Көксәйек ауылдық округі, Төлеби ЖОМ, Көксәйек ауылдық округі, Жеңіс ЖОМ, Қазақстан елді мекені, Қазақстан жалпы орта мектеп, Кенесарық елді мекені, Б.Байболатұлы ЖОМ, Керегесі елді мекені, Керегесі ЖОМ, Мәдени елді мекені, Мәдени ЖОМ, Сарқырама елді мекені, Сарқырама жалпы орта мектептерінің жоғарғы сынып оқушыларымен кездесу ұйымдастырылып, оқушыларды толғандырған бірқатар сауалдарға жауап берілді. Ақпараттық — түсіндірме тобында ішкі саясат, білім және теолог мамандар бар. Бүгінгі таңда, діни ұстанымдар бойынша жасөспірімдерді түрлі мәселелер қызықтырады. Осындай шақта, оларға тура жол сілтеуде маңызды.
Ал, Төлеби ауданына қарасты этнос өкілдері тығыз шоғырланған Леңгір қаласы және Бірінші Мамыр елдімекенінің тұрғындары арасында «Азаматтық жауапкершілік пен міндеттілік», «Идеологиялық ваккум түсінігі және оны толтырудың маңыздылығы» және «Толеранттылық дегенді қалай түсінеміз» атты тақырыптарда кездесу өтті. Жиынға Түркістан облысының қоғамдық даму басқармасы «Қоғамдық келісім» КММ-нің этносаралық қатынастар саласының мониторингі бөлім басшысы Х.Исақов, сарапшы маман Ә.Палман, «Қоғамдық келісім» КММ-нің Төлеби аудандық филиал ұжымы, Ардагерлер және Аналар кеңесінің мүшелері, этнос өкілдері, ауыл билері мен зиялы қауым өкілдері қатысты. Кездесу барысында тұрғындар аталған тақырыптар бойынша өз ойларымен бөлісіп, ұсыныс-пікірлерін ортаға салды.
Сонымен қатар аудандық қоғамдық келісім мен қоғамдық кеңес мүшелері және зиялы қауым өкілдерінің қатысуымен ауданымызда этносаралық татулықпен достық қарым-қатынасты нығайту мақсатында ауқымды отырыс өтті. Аталған отырыста «Қоғамдық келісім» КММ-нің Төлеби аудандық филиалының басшысы ретінде этносаралық келісімді насихаттау бойынша атқарылған жұмыстары жөнінде баяндама жасадым. Бұл кездесуде қатысушылардың ұсыныс-пікірлері ортаға салынып, жан-жақты талқыланды.
«Этносаралық шиеленістердің шығу себептері және оның алдын алу шаралары» мен «Аудан аумағындағы этнос өкілдері арасында ынтымақтастық пен достық қарым-қатынасты нығайту» тақырыптары Қазақстан халқы Ассамблеясы жанындағы Төлеби аудандық Ақсақалдар кеңесінің І тоқсандық отырысында да талқыға түсті. Аталған кеңес отырысына Төлеби аудандық Ақсақалдар кеңесінің төрағасы С.Бекмұрзаев және кеңес мүшелері, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалы, аудандық мәслихат депутаты Д.Омаров, аудандық этномәдени бірлестіктерінің төрағалары мен мүшелері және аудан тұрғындары қатысты.
Одан бөлек, Қазақстан халқы Ассамблеясы жанындағы Төлеби аудандық Ақсақалдар кеңесінің төрағасы С.Бекмұрзаевтың бастауымен этностар тығыз шоғырланған Киелітас ауылдық округіне қарасты Жыланбұзған елдімекенінің тұрғындары арасында ұлтаралық татулық пен достықты, түсіністік пен келісімді, бірлік пен ынтымақтастықты нығайту мақсатында насихаттық түсіндірме жұмыстары жүргізілді.Кездесу барысында аудандық Ақсақалдар кеңесінің төрағасы С.Бекмұрзаев татулық пен бірлікті сақтай отырып ұлтаралық қақтығыстарың алдын алуға және жастар тәрбиесіне де аса мән беру керек екендігін айтып өтті.
Ал, Түркістан облыстық қоғамдық даму басқармасы «Қоғамдық келісім» КММ-нің өңір тұрғындары арасындағы кездесулері мен фокус-топтық зерттеу жұмыстары Төлеби ауданының Көксәйек, Тасарық ауылдарында жалғасты. Аталған жиында «Ұлт болып ұйысуда мемлекетшілдік ұғымының орны», «Әскери міндет саласындағы заңнамаларды орындау қажеттілігі» тақырыптарында тұрғындармен кездесулер өтсе, «Қоғамдағы этносаяси ахуал бойынша тұрғындардың көңіл күйі» тақырыбында фокус-топтық зерттеу жұмыстары ұйымдастырылды.
Түрлі этнос өкілдерінің өз арасында да татулықты нығайтуға негізделген кездесулер өтуде. Мысалы Қазақстан халқы Ассамблеясы жанындағы Төлеби аудандық өзбек этномәдени бірлестігінің белсенді мүшесі Жамол Кадировтың бастауымен аудан аумағындағы этнос арасындағы ынтымақтастық пен достық қарым-қатынасты нығайту мақсатында, этностар тығыз шоғырланған Бірінші Мамыр ауылдық округіне қарасты Зағамбар елдімекенінің тұрғындары арасында татулық пен достықты, түсіністік пен келісімді, бірлік пен ынтымақтастықты нығайту мақсатында насихаттық түсіндірме жұмыстары жүргізілді.
-Ұлттық тәрбие, салт-дәстүр, отбасы құндылықтарын дәріптеу, ата-бабаларымыздың өмір жолы, Сондай-ақ Мемлекет басшысы атап өткендей мемлекеттік тілдің мәртебесін көтеру де күн тәртібіндегі мәселе. Себебі, ол да елдегі тұрақтылығының бір бөлігі саналады. Осы бағыттағы іс-шараларды атап өтсеңіз? Ауданда қандай жұмыстар атқарылды?
— Расында да, ең құнды тәрбие – ұлттық тұрғыдан берілген тәрбие деп білемін. Сан ғасырлар бойы сараланған асыл құндылықтарымыз шынайы ізеттілікке жетелейді. Сол себептен ұлттық тәрбиенің негіздерін бір арнаға тоғыстыра отырып, ұрпақ тәрбиесі мәселесінде тиімді пайдалана білуіміз керек. Бұл бағытта Төлеби аудандық әкімдігінің қолдауымен және «Жастар ресурстық орталығы» КММ-нің ұйымдастыруымен облыстық «Көшпенділер» сайысы өтті. Аталмыш іс-шараға Қазақстан халқы Ассамблеясы жанындағы Төлеби аудандық Аналар кеңесі де атсалысып, өз үлестерін қосты. Сайыстың мақсаты жастар арасында қазақ халқының ұлттық ойынын салт – дәстүрін, әдет – ғұрпын дәріптеу, туған елге, жерге, өз Отанына деген сүйіспеншілік сезімдерін арттыру болды. Ұлттық ойындардың мәнін, мақсатын теориялық және іс жүзінде ұғындыру, ұлттық ойын түрлерімен таныстыру, қызығушылықтарын арттыру мәселесінде аудан халқының ұйымшылдығы ерекше болды. Көшпенділер сайысының келешек ұрпақ үшін берері мол. Мұндай шаралар Төлеби ауданында алдағы уақытта да жалғасын табады деген сенімдемін.
Сондай-ақ, Қазақстан халқы Ассамблеясы жанындағы Төлеби аудандық Аналар кеңесі мен Зертас елді мекеніне қарасты, Қ.Мамытов атындағы жалпы орта мектебінің бірлесіп ұйымдастыруымен, жылдық жоспардан тыс оқушылар арасында «Салт- дәстүрім- таусылмайтын байлығым» атты тәрбие сағаты болып өтті. Шараға Төлеби аудандық Аналар кеңесі мүшелері мен мектеп оқушылары және оқытушылары қатысты. Бұл шараның да өзіндік мақсаты айқын. Яғни, оқушыларға қазақ халқының салт — дәстүрлері мен әдет-ғұрпының тәрбиелік мәнін ұғындыру, баланың бойына адамгершілік қасиеттерін қалыптастыру, халық өнегесін үйрету. Шара барысында жастарға үлгі өнеге көрсетерлік ғибратты сөздер айтылып, аталған тақырыптар бойынша пікірлер ортаға салынды.
Дәстүрді дәріптеу білім ордалары мен аудандағы кітапханаларда да жиі ұйымдастырылып тұрады. Солардың бірі «Салтым –асыл қазынам» атты тақырыптағы іс-шара орталықтандырылған №1 Қалалық кітапханасында ұйымдастырылды. Аталған кездесуге Қазақстан халқы Ассамблеясы жанындағы Төлеби аудандық Аналар кеңесінің төрайымы А.Рахишова және кеңес мүшелері, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалының маманы А.Саудебаева, Аудандық музейінің қор сақтаушы жастары, Төлеби аудандық жұмыспен қамту және әлеуметтік бағдарламалар бөлімінің «Әлеуметтік-психологиялық сүйемелдеу қызметі» секторының меңгерушісі Қ.Омаров және мамандары қатысты.
Ал, мемлекеттік тілді насихаттау, оның қолданыс аясын кеңейту мақсатында Төлеби аудандық Аналар кеңесі мен «Тілдерді оқыту және дамыту орталығы» бірлесе ұйымдастыруымен, «Елімізде этникалық, діни, нәсілдік, тілдік және гендерлік кемсітуге жол жоқ» тақырыбында дөнгелек үстел өткізілді. Аталған кездесуге Аналар кеңесінің мүшелері, «Қоғамдық келісім» КММ-нің Төлеби аудандық филиалының маманы А.Саудебаева, Төлеби аудандық мешітінің наиб имамы Жандарбек Жаппаров және Төлеби аудандық мәслихат депутаты Д.Омаров және аудан тұрғындары қатысты. Кездесудің негізгі мақсаты — Мемлекеттік тілдің қолданылу аясын кеңейту, тіл мәдениетін көтеру, көркем әдебиетті насихаттау, ел ішінен талапты, талантты, азаматтарды іздеп табу болды. Сонымен қатар ақын, ағартушы Сұлтанмахмұт Торайғыров пен Мағжан Жұмабаевтардың қалдырған мол мұралары насихаттаталды.
Жастар арасында да мемлекттік тілдің мәртебесін көтеретін игі шаралар ұйымдастырылып тұрады. Осындай шараның бірі Төлеби ауданы Леңгір қаласына қарасты, «Lenger Polytechnic» колледжінде өтті. Қазақстан халқының тілдері мерекесіне орай «Тіл – ең асыл қазына» тақырыбында өткен іс-шараны «Қоғамдық келісім» мекемесі ұйымдастырды.Жиын үш тілде өрбіді. Жастар өте белсенді болды деп айта аламын. «Өзге тілдің бәрін біл, өз тіліңді құрметте»- деп, қазақтың біртуар ақыны Қадыр Мырзалиев айтып кеткендей бұл кездесудің мақсаты да жас ұрпақты ана тілінің қадір-қасиетін түсіне білуге шақыру болды. Ана тілін сүюге, ана тілін ардақтай білуге тәрбиелеу ең басты міндеттердің бірі деп санаймыз.
Сондай-ақ, дәл осы оқу ордасында Қазақстан халқының тілдері мерекесіне орай мемлекеттік тілде жалпы қазақстандық ашық диктант жазу шарасы өтті. Студенттер жыр пырағы — Мағжан Жұмабаев туралы деректерді оқып, шығармалары арқылы түсініктерін кеңейту және білімдерін одан әрі қалыптастыруға мүмкіндік алды. Бұл шара жастардың ойлау жылдамдығын, есте сақтау қабілетін дамытуға мол септігін тигізді деп есептеймін. Және осы арқылы оларды елін, жерін сүюге тәрбиелеу басты мақсат болды. Сонымен қатар, Төлеби аудандық Аналар кеңесі мен Сұлтан-рабат жалпы орта мектебінің ұйымдастыруымен қолөнер бұйымдарының көрмесі және бата беру дәстүрі өткізілді. Аталған шараға мектеп қызметкелері және этнос өкілдері ат салысты.
Отбасы құндылықтарын дәріптеу мәселесіне келер болсақ, Төлеби аудандық Аналар кеңесі мен Ленгір қаласы №8 кәсіптік-техникалық колледжінің бірлесе ұйымдастыруымен, жылдық жоспарға сәйкес студенттер арасында «Отбасы-аялы алақан мекені» атты тәрбие сағаты болып өтті.Шараға колледждің студент жастары мен оқытушылары қатысты. Шарада отбасы құндылықтарын, дәстүрлерін жаңарту, ата-ана мен бала арасындағы және отбасы мүшелерінің бір-біріне жақсы қарым-қатынастарын орнату, қамқоршыларға құрмет әрі қолдау көрсету,адамгершілік қасиеттер қалыптастыру мәселелері айтылды. Ақжаулықты аналар мен ел ағалары жастарды өз ұлтының әдеп-ғұрыптарын,салт-дәстүрлерін қастерлейтін өз ойын ашық жеткізетін, өзіндік пікірін білдіре алатын, ата-ананы,отбасын,өмір құндылықтарын құрметтейтін тұлға қалыптасуға шақырып, қатысушылармен осы тақырыптар аясында өзара пікір алмасты.
Сонымен қатар, ауданға қарасты Сұлтан рабат жалпы орта білім беретін мектебінде оқушылар арасында «Отбасы – бақыт мекені!» тақырыбында іс-шара өткізілді. Бұл іс-шараның өтуіне де ақжаулықты аналарымыздың қосқан үлесі орасан. Олар ата-аналар қауымына өсиеттерін айтып, үлгілі отбасы болудың сырларымен бөлісті. Түрлі этнос өкілдері де қатысқан ізгілікке толы кездесуде бала тәрбиесіндегі ата-ананың алатын орны ерекше екендігі түсіндірілді. Расында, қазіргі таңда бала тәрбиесінің алғашқы алтын қазығы туған ұясы, өз отбасындағы ата — ана тәрбиесі, өнегесі және ата — ана баланың бас ұстазы екенін түсіндіру маңызды. Ең бірінші отбасы мүшелерінің арсындағы бауырмалдық, қайырымдылық, достық қарым- қатынасты нығайса, отанымыздың да бірлігі бекем болмақ. Отан — отбасыдан басталады деп ата-бабаларымыз бекер айтпаса керек. Сондықтан мұндай шаралар елдің ынтымағы мен тұрақтылығына оң әсерін беріп жатады.
Жанұяның жарасымды, ауызбіршілікте болуы сол шаңырақтың шаттығын еселей түседі. Себебі, ата-ананың игі амалдарын көріп өскен балалары да қайырымды істерге жақын болады. Төлеби ауданында дәл осындай мақсаттағы жиындар, кездесулер көптеп ұйымдастырылады. Солардың бірі «Қоғамдық келісім» мекемесінің ұйымдастыруымен, Киелітас ауылдық округ әкімдігінің мәжіліс залында Отбасы күні мен Еңбек күнінің қарсаңында «Ұяда не көрсең-ұшқанда соны ілерсің» атты дөңгелек үстел болып өтті. Шараға Аналар кеңесінің төрайымы А.Рахишова және кеңес мүшелері мен Төлеби аудандық ауруханасының психо-профилактика бөлімінің маманы З.Құлжанова мен АПБ әйелдерді зорлық-зомбылықтан қорғау бөлімшесінің аға инспекторы, полиция аға лейтенанты А.Боташева қатысты. Қатысушыларға спикерлер тарапынан отбасы құндылықтары бойынша түсіндірме жұмыстары жүргізіліп, адам құқықтары, ұлтаралық қарым-қатынас, көршімен тату болу, отбасыдағы әкенің орны, оны құрметтей білу, ұл мен қызға жанұяда дұрыс тәлім-тәрбие беру туралы айтылды.
Ағымдағы жылдың қыркүйек айында өткен Қазақстан халқы Ассамблеясы жанындағы Төлеби аудандық Аналар кеңесінің ІІІ тоқсандағы отырысында да дәл осы отбасы құндылығы кеңінен талқыланды. Этномәдени орталықтардың мүшелері мен жұмыспен қамту және әлеуметтік бағдарламалар бөлімінің «Әлеуметтік-психологиялық сүйемелдеу қызметі» бөлімшесінің мамандары мен ішкі саясат бөлімінің бас маманы Ж.Рысбаева және ауданымызға қарасты № 16 мектеп ұстаздары және аудандық аналар кеңесінің мүшелері, қоғамдық келісім мекемесінің ұжымы да қатысқан кездесуде «Қыз инабаттылығымен әдемі, әдептілігімен сәнді» және «Отбасылық жағдайда орын алатын зорлық-зомбылықты жанжалдарды болдырмау және отбасыдағы ынтымақ пен қарым-қатынасты нығайту түрлері мен қауіп қатері» тақырыптарында кеңінен түсіндірілді. Жиын соңында қатысушылар өз пікірлерін ортаға салып, өз көкейінде жүрген сұрақтарға жауап алды.
Ұлылардың ұлт болашағы үшін жасаған ерліктері ешқашанда ұмыт қалған емес және ұмытылмайды. Олар еліміздің егемендігін қалыптастыру жолында өз өмірлерін қатерге тікті. Тіпті өз отаны үшін құрбан болды. Міне осындай алаш азаматтарын насихаттау бағытында жылдық жоспарға сәйкес, 31 мамыр — саяси қуғын-сүргін құрбандарын еске алу күніне арналған «Алаш туы астында, Күн сөнгенше сөнбейміз» тақырыбында іс-шара ұйымдастырдық. Төлеби ауданына қарасты, Алшалы елді-мекенінде орналасқан Ә. Молдағұлова атындағы шағын жинақты негізгі орта мектебінде өткен шарада аға буын өкілдері, ұстаздар қауымы, Аналар кеңесінің мүшелері мен мектеп оқушылары саяси қуғын-сүргін құрбандарын бір минут үнсіздікпен еске алып, олардың өімір жолы мен өнегесі насихатталды.
Ал, 4 маусым–Қазақстан Республикасының мемлекеттік рәміздер күні мерекесіне орай, «Мемлекеттік рәміздер–қасиетті құндылығымыз!» атты тақырыппен Аналар кеңесінің жылдық жоспарына сәйкес, түрлі этнос жастары арасында дөңгелек үстел мәжілісі болып, еліміздің рәміздерін құрметтеу,жастардың бойына патриоттық рухтағы тәрбиелені сіңіру, отанымызға деген сүйіспеншілікті арттыру туралы маңыналы әңгімелер айтылды. Шараға Аналар кеңесінің мүшелері мен колледж ұстаздары және студенттер қатысты.
Сондай-ақ, Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалы және ауданға қарасты Сұлтан рабат жалпы орта білім беретін мектеп пен Бірінші мамыр ауылдық округіне қарасты Тағайна елдімекенде орналасқан Тағайна мектебінің ұйымдастыруымен, өзбек этномәдени бірлестігі оқушылары арасында «Еркін ел ұрпағы» атты жалпы ұлттықпатриоттық диктант жазу шарасы өтті. Ал, «1 наурыз – Алғыс айту күні» мерекесіне орай бекітілген кестеге сәйкес, 1 мамыр елді мекенінде орналасқан Ынтымақ жалпы орта мектебінде сурет салу байқауын өткіздік. Өздеріңіз білетіндей, «Алғыс айту күні» 2016 жылдан бері жалпыұлттық деңгейде аталып өтілуде. Алғыс айту күні — бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған бейбітшілік пен келісім күні. Байқауға қатысушылар өз шеберліктерін көрсетіп, қазақ еліне деген сүйіспеншілігі мен ыстық ықыластарын сурет салу арқылы көрсетті.
Сонымен қатар, аталған білім ордасында мемлекеттік тілді меңгерген этнос жастары арасында «Алғыс айту — игілік сыйлау» байқауы өткізілді. Байқаудың мақсаты Қазақстан Республикасында тіл саясатын іске асырудың 2020-2025 жылдарға арналған мемлекеттік бағдарламасын жүзеге асыру, мемлекеттік тілдің қолданыс аясын кеңейту, қазақ тілінің этносаралық қарым-қатынас тілі ретіндегі қызметін нығайту, мемлекеттік тілді меңгерген белсенді өзге ұлт жастарын ынталандыруға бағытталған. Әрбір қазақстандықтың отаны бір және туған жерге деген құрмет еліміздегі әрбір азаматтың бойынан табылуы тиіс. Міне, Төлеби ауданында өтіп жатқан шаралардың барлығы дерлік бір мақсатқа тоғыстырған маңызды істер деп айта аламын.
Тағы бір айта кететін жайт, ауданымызда ұлттық мерекелерді атап өтумен қатар, қайырымды істерді де қолға алып клеміз. Біздің бастамамызға күрді этномәдени бірлестігінің төрағасы Сулхадин Темуров қолдау білдіріп, Бірінші Мамыр ауылдық округіне қарасты «Төлеби отбасы үлгісіндегі балалар ауылы» КММ-нің тәрбиеленушілері Адырбековтер отбасына Ұлыстың ұлы күні — наурыз мерекесіне орай «Наурыз кәде» сыйлықтарын тарту еттік. Балдай тәтті балғындарымыз қуанышқа кенелді.
Ауданымызда жастарды спортқа баулып, дені сау ұрпақ тәрбиелеу жолында аянбай қызмет атқарған азаматтың бірі — кәріс этномәдени бірлестігінің төрағасы қызметін атқарған Кан Лев Петрович болатын. Биыл біздің мекеме ұжымы мен футболдан Қазақстан Республикасының еңбек сіңірген жаттықтырушысы Базарбаев Болат Абдуллаұлының ұйымдастыруымен Леңгір қаласының орталық «Жастық» стадионында, Төлеби ауданының құрметті азаматы және бірнеше жылдар ауданымыздың Кәріс этномәдени бірлестігінің төрағасы қызметін атқарған Кан Лев Петровичті еске алуға арналған, кіші футболдан 2010-2013 жылғы жасөспірімдер арасындағы аудандық ашық турнир өтті. Жарысқа Сайрамнан «Қарабұлақ» командасы, Төлебиден «Леңгір-1» және «Леңгір» командалары, «Бірінші мамыр» командасы қатысты. Турнирге демеушілік жасаған аудандық өзбек этномәдени бірлестігінің төрағасы О.Қадіров және Кан Лев Петровичтің достары болады. Жеңімпаздарға арнайы марапаттар үлестірілді.
— Төлеби ауданында ақсақалдар мен аналарымыз өте белсенді екен. Игі істерге ұдайы атсалысып жүргендерін аңғардық. Қариясы бар елдің қазынасы бар деген қазақпыз ғой. Оларға құрмет көрсету, мәртебесін көтеруде қандай шаралар атқарылып келеді?
-Расында, қарияларымыз — тәрбиенің тал бесігі, біздің сарқылмас дариялармыз. Олай деуге негіз бар. Өзіңіз айтқандай Төлебилік ақсақалдар мен ақжаулықты аналарымыз елдің тыныштығы мен татулығына мол үлес қосып жүр. Осы бағытта өткізілген шаралардың барлығынан табылады. Тіпті, кейбір кездесулер мен мерекелік кештердің өтуіне өздері ұйытқы болып жатады. Жастарға үлгі боларлық әрекеттеріне көпшілік сүйсіне қарайды. Ұлттық тәрбие де, жас отбасыларға ақыл — кеңес те, түрлі этнос өкілдері арасындағы қарым-қатынасты бекемдеуге де біздің қазыналы қарияларымыздың қосып жатқан үлесі орасан. Оларға қандай құрмет көрсетсекте жарасады. Мысалы, ауданымызда Алғыс айту күні қарсаңында Қоғамдық келісім мекемесі мен аудандық мәдениет үйі және этномәдени бірлестіктердің ұйымдастыруымен мәдениет үйінде арнайы мерекелік кеш өтіп, оған Төлеби ауданының әкімі Төлеген Телғараев арнайы қатысты. Сол кеште аудан басшысы қарияларымызға ерекше көңіл бөліп, алғысын жеткізді. Іс-шарада ауданның қоғамдық саяси өміріне белсене қатысып, өңіріміздің әлеуметтік – экономикалық дамуы жолындағы қажырлы еңбегі үшін Төлеби аудандық Аналар кеңесінің төрайымы А.Рахишова және түрік этномәдени бірлестігінің мүшесі К.Рустемов алғыс хаттармен марапатталды. Сонымен қатар ауданымыздың белсенді этнос жастары халық әнін шырқап, концерттік қойылымдарын көрсетті.
Сонымен қатар, 8 наурыз — Халықаралық әйелдер күні мерекесіне орай, Ассамблея жанынан құрылған Төлеби аудандық Аналар кеңесінің мүшелерін, ауданымыздың әлеуметтік-экономикалық дамуына елеулі үлес қосып, этносаясатты жүзеге асыру бағытында беделді жұмыс атқарып жүрген бірқатар азаматшаларды атаулы мерекесімен құттықтап, сыйлықтарын табыс еттік.
Ал, аудан ақсақалдары елдімекендердегі өзекті мәселелер мен тұрғындардың тыныс-тіршілігіне байланысты келелі басқосулар өткізіп, проблемалардың оң шешімін табуына ықпал жасап жүреді. Мысалы, Қазақстан халқы Ассамблеясы жанындағы Төлеби аудандық Ақсақалдар кеңесінің ІІ тоқсандық отырысының күн тәртібінде «Көксәйек ауылдық округі тұрғындарының тыныс тіршілігімен танысу» және «Кәсіпкерлерге мемлекет тарапынан көрсетілетін қолдау» тақырыптары қаралды. Кеңес мүшелері өз ақыл-кеңестерімен бөлісіп, ауыл жастарын адал еңбек етуге, берекелі істер атқаруға шақырды. Жиыннан соң Көксәйек ауылдық округіне қарасты кәсібінен өз нәсібін тауып отырған, ауыл тұрғындарын жұмыспен қамтып жүрген бірнеше кәсіпкерлермен кездесті, олардың жай-күймен танысты.
Сонымен қатар ағымдағы жылдың қыркүйек айының 13-і күні Ақсақалдар кеңесінің ІІІ тоқсандағы көшпелі отырысы өтті. Аталған кеңес отырысына Қазақстан халқы Ассамблеясы жанындағы Төлеби аудандық Ақсақалдар кеңесінің төрағасы С.Бекмұрзаев және кеңес мүшелері, аудандық қоғамдық кеңестің төрағасы Б.Оралбеков, Тасарық ауылдық округі әкімі Б.Алтынбеков, Аудандық ішкі саясат бөлімінің маманы Б.Смайлхан, Төлеби аудандық білім бөлімінің бас маманы Б.Жакипов, Төлеби аудандық кәсіпкерлерлік және ауыл шаруашылық бөлімінің бас маманы А.Жарынбетова, аудандық этномәдени бірлестіктерінің төрағалары мен мүшелері және аудан тұрғындары қатысты. Бұл басқосуда Тасарық ауылдық округі тұрғындарының тыныс-тіршілігі және кәсіп бастағысы келетін азаматтарға мемлекеттен көрсетілетін қолдаулар туралы талқыланды.
-Міне, біз осындай қазыналы қарияларымызды мақтан тұтамыз. Олар Төлебидің дамуына, өркендеуіне атсалысып, өркениетті ұрпақ өсіруде өнегелі істерімен өнеге болып жүр.
-Татулықты ту еткен Төлеби ауданының тыныштығы ешқашан бұзылмасын. Берекесі мен бейбітшілігі арта берсін дегіміз келеді. Аудандағы атқарылып жатқан осындай игі істер өзгелерге үлгі болсын. Ал, сізге толық ақпараттармен бөлісіп, ауданның бүгінгі тыныс-тіршілігін жеткізгеніңізге алғыс білдіреміз.
Төлеби ауданында елдің ынтымағы мен бірлігіне, тұрақтылығына бағытталған маңызды іс-шаралар көптеп ұйымдастырылады. Осындай игі істердің жоғарғы деңгейде өтуіне Қазақстан халқы Ассамблеясы жанындағы Төлеби аудандық Аналар кеңесінің мүшелері де атсалысып жүр. Ақ жаулықты аналар әрқашанда аудан аумағындағы түрлі этнос өкілдері арасындағы ынтымақтастық пен достық қарым-қатынасты нығайтуға септігін тигізуде. Бұл бағытта Төлеби аудандық аналар кеңесі қандай маңызды міндеттерді атқарады? Олардың бүгінгі тыныс-тіршілігі қандай? Жыл басынан бері асыл аналардың қатысуымен қанша іс-шара өткізілді? Осы және өзге де өзекті сауалдармен Төлеби аудандық Аналар кеңесінің төрайымы Айдаркүл Рахишоваға хабарласып, арнайы сұхбат жүргіздік. Маңызды ақпарат, мол деректер айтылған сұхбатты назарларыңызға ұсынып отырмыз.
— Айдаркүл Айтбайқызы біздің ұсынысымызды қабылдап, қажетті ақпараттармен бөлісуге келісім бергеніңіз үшін алғыс білдіреміз. Сұхбаттың алғашқы сұрағын Аналар кеңесінің негізгі міндеттерімен таныстырып өтуден бастасақ?
-«Жалпы Қазақстан халқы Ассамблеясының Аналар кеңесі – Ассамблеяның заңды құрылымдарының бірі болып табылады. Олар өз қызметін еліміздің үлкен қалаларынан бастап, әрбір шағын елді мекендерінде де жүзеге асырады. Кеңестердің құрамында көп балалы аналар, үкіметтік емес ұйымдардың қызметкерлері, психологиялық-медициналық мекемелер, дағдарыс орталықтарының мамандары, этномәдени бірлестіктердің, ғылыми және шығармашылық зиялы қауымның өкілдері, әйелдердің қоғамдық ұйымдарының белсенділері, медиаторлар да бар. Бүгінде еліміздегі Аналар кеңестері біздің ұлттық құндылықтарымызды жаңғыртып, жас ұрпаққа тәрбие беретін өзіндік мектепке айналды деуге болады. Сондықтан аналар кеңесінің мүшелері Қазақстан халқы Ассамблеясының жас ұрпаққа біздің ұлттық құндылықтарымыздың, әдемі де тәрбиелік мәні зор дәстүрлеріміздің мәні түсіндірілетін жобаларына қуана қатысып келеді. Мүшелікке кіргісі келетін аналардың да саны артып отыр. Қазақстан халқы Ассамблеясы Аналар кеңесінің басты мақсаттарының бірі – отбасында толеранттылықты тәрбиелеу. Бұл – қазіргі уақыттың ең өзекті мәселелерінің бірі және көпэтносты мемлекетте өмір сүріп жатқанымызды ескеретін болсақ, үлкен маңызға ие. Келешек ұрпақты басқа мәдениеттерге, басқа тілдерге құрметпен қарауға, өркениетті елдің талаптарын орындайтын азамат ретінде тәрбиелеуге тиіспіз. Әрбір азаматтың бойына басқа ұлт өкілдеріне деген достық пейілдің, мәдениетті қарым-қатынастың негіздерін қалай отырып, біз толерантты тұлғаны қалыптастыруға ықпал етеміз. Сондықтан Ассамблея жанынан құрылған әр түрлі деңгейдегі аналар кеңесі жұмысының негізгі бағыты – елімізде жүргізіліп жатқан отбасылық-демографиялық саясатқа қолдау көрсете отырып, отбасы институтын сақтау мен нығайтуға ықпал ету, өскелең ұрпақты тәрбиелеуге, жасөспірімдер арасындағы құқық бұзушылықтың алдын алуға үлес қосу. Аналар кеңесі әйелдердің құқықтық сауаттылығын арттыруға, ата-анасының қамқорлығынсыз қалған балалардың мәселелерін шешуге, ұлттық құндылықтарды, дәстүрлерді жаңғыртуға қатысады, әр түрлі іс-шаралар арқылы берекелі, тірлігі мықты әрі тату отбасыларды насихаттайды. Елімізде жүргізіліп жатқан әлеуметтік-экономикалық реформаларды түсіндіру бойынша жұмыстар өз алдына бір төбе деп айтуға болады.»
-Енді, Төлеби ауданы бойынша айтып өтсеңіз. Аналар кеңесі биылғы қызметін неден бастады? Негізі бағыт пен жоспарларды бекіту мәселесі қалай болды?
«Төлеби ауданында Аналар кеңесі әлеуметтік мекемелермен, оқу орындарымен, балалар мекемелерімен, бастамашыл орталықтармен тығыз және жемісті ынтымақтастық жасап отыр. Біз жыл басында, 2023 жылғы жұмыс жоспарын талқылау, бекіту бойынша дөңгелек үстел өткіздік. Ол отырыстың мақсаты былтырғы жылғы атқарылған жұмыстарды саралап, биылғы жылдың жұмыс жоспарын нақтылап, алдағы мақсат – міндеттерді айқындау болды. Отырыстың күн тәртібінде жылдық жоспарды талқылап және мүшелерін жаңарту мәселелерін қарадық, сонымен қатар жиынға қатысушылардың ұсыныс – пікірлерін де тыңдадық. Осылайша жаңа бастамалар мен алдағы атқарылатын жұмыстарды нақтылап алдық.
— «Ел болам десең, бесігіңді түзе» демекші, ең алдымен аналардың келешек үшін, саналы ұрпақ қалыптастыру жолында атқарған қызметтеріне тоқталуды жөн деп отырмыз?
— Өте дұрыс айтасыз, Отанды сүю отбасыдан. Бұл тұста бірінші ата-ананың, екінші саналы ұрпақ болып қалыптасу үшін білім ордалары мен оқу орындарының беретін тәрбиесі маңызды. Аудандық аналар кеңесінің мүшелері де негізгі басымдылықты осындай мекемелермен тығыз байланыс орнатуға арнап келеді. Мысалы, жыл басында Қазақстан халқы Ассамблеясы жанындағы Төлеби аудандық Аналар кеңесі және Көксәйек елді мекеніне қарасты Төлеби жалпы орта мектебінің ұйымдастыруымен, жастар мен жасөспірімдер тарапынан жасалған қылмыспен, құқық бұзушылықтың алдын алу бойынша жоғарғы сынып оқушыларымен түсіндірме жұмыстары жүргізілді. Кездесудің негізгі мақсаты — жастарды теріс діни ағымдардан, зорлық –зомбылықтың, ерте жүктіліктен, нашақорлық пен ішімдіктен және де қылмыс пен құқықбұзушылықтан бойларын аулақ ұстауға, сондай-ақ жастарды имандылыққа тәрбиелеу болды.
Сондай-ақ, Қазақстан халқы Ассамблеясы жанындағы Төлеби аудандық Аналар кеңесі мен аудандық «Жастар ресурстық орталығы» КММ-нің ұйымдастыруымен, Ленгір қаласы №8 кәсіптік-техникалық колледжінің студенттерімен «Тәрбие тал бесіктен басталады» атты семинар-тренинг өтті. Іс-шараға Төлеби АПБ ЖПҚБ әйелдерді зорлық зомбылықтан қорғау тобының аға инспекторы полиция капитаны А.Боташева, Ленгір қаласы емханасының психолог маманы З.Кульжанова және А.Шертаева, аудандық «Жастар ресурстық орталығы» КММ-нің қызыметкерлері қатысты. Іс-шара барысында мамандар студент қыздарымыздың болашақ ана болу, тәлім тәрбиелік ұғым, адамгершілік, сыпайлық, зиянды әрекеттерден аулақ болу жайында толыққанды айтып өтіп, көңіл сергітетін ойындар ойнатты.
Одан бөлек Аналар кеңесі мен Ленгір қаласы №8 кәсіптік-техникалық колледжінің бірлесе ұйымдастыруымен, жылдық жоспарға сәйкес студенттер арасында «Отбасы-аялы алақан мекені» атты тәрбие сағаты болып өтті. Шараға Төлеби аудандық Аналар кеңесінің мүшелері мен колледж студент жастары, оқытушылары қатысты. Ондағы басты мақсат отбасы құндылықтарын, дәстүрлерін жаңарту ата-ана мен бала арасындағы және отбасы мүшелерінің бір-біріне жақсы қарым-қатынастарын орнату, қамқоршыларға құрмет әрі қолдау көрсету,адамгершілік қасиеттер қалыптастыру болды. Бұл тәрбие сағаты жастарды өз ұлтының әдеп-ғұрыптарын,салт-дәстүрлерін қастерлейтін, өз ойын ашық жеткізетін, өзіндік пікірін білдіре алатын, ата-ананы,отбасын,өмір құндылықтарын құрметтейтін тұлға болуға үндеді.
Дәл осы бағытта Ленгір қаласындағы №9 Түркістан көпсалалы техникалық колледжінің бірлесіп ұйымдастыруымен, жылдық жопарға сәйкес студенттер арасында «Мейірімділік-анадан, әдептілік-данадан » атты тәрбие сағатты да болып өтті. Тиісінше, шараның мақсаты — тәрбиеленушілерді адамгершілікке, қарапайымдылыққа әдептілікке,кішіпейілділікке, жаман әдеттерден аулақ болуға тәрбиелеу. Адам бойындағы ұнамды, ұнамсыз қылықтарды ажырата отырып, әдептілік әліппесін бойына дарыту. Тіл байлығын дамыту, таным белсенділігін арттыру болды. Тәрбие сағатында жастарға үлгі өнеге көрсетерлік ғибратты сөздер айтылып, аталған тақырыптар бойынша пікірлер ортаға салынды.
Қазақ халқы қашанда қыз тәрбиесіне аса мән беріп келген. Оған, «Қызға қырық үйден тыйым салу» мәтелінің түсінігі дәлел. Міне осыны ескере отырып, Қазақстан халқы Ассамблеясы жанындағы Төлеби аудандық Аналар кеңесі мен Тасарық ауылдық округі, «Т.Тоғызбаев» атындағы жалпы орта мектебінің бірлесіп ұйымдастыруымен, жылдық жоспардан тыс оқушылар арасында «Қыздың ары – ұлттың ары» атты тәрбие сағатын өткіздік. Тәрбие сағатында қазақ халқының ұлттық болмысын сақтай отырып, қыздарға жат қылықтарды ажырата білуге, олардың денсаулығына, ұлт болашағына, рухани байлығына, тәрбиесіне келтіретін зияны туралы түсінік берілді. Сонымен қатар, қыздарды ішкі және сыртқы жан дүниесімен әдемі де, арлы болуына шақырдық.
Бүгінгі таңда, жастар мен жасөспірімдердің санасына ұлттық салт-дәстүрді сіңіре білуде өте маңызды істердің бірі. Бұл бағытта біз жылдық жоспардан тыс Зертас елді мекеніне қарасты, Қ.Мамытов атындағы жалпы орта мектебімен бірлесе, оқушылар арасында «Салт- дәстүрім- таусылмайтын байлығым» атты тәрбие сағатын ұйымдастырдық. Шараға Төлеби аудандық Аналар кеңесі мүшелері мен мектеп оқушылары және оқытушылары қатысты. Ақ жаулықты аналарымыз оқушыларға қазақ халқының салт — дәстүрлері мен әдет-ғұрпының тәрбиелік мәнін ұғындыру, баланың бойына адамгершілік қасиеттерін қалыптастыру, халық өнегесін үлгі етуді насихаттады.
Өздеріңіз білетіндей Төлеби ауданында түрлі этнос өкілдері тұрады. Десекте, олардың қазақ халқына деген құрметі, сыйластығы ерекше. Тиісінше әр ұлттың дәстүріне, тұрмыс-тіршілігіне біз де құрметпен қараймыз. Осындай мақсатта Қазақстан халқы Ассамблеясы жанындағы Төлеби аудандық Аналар кеңесі және Көксәйек елді мекеніне қарасты Төлеби жалпы орта мектебінің бірлесе ұйымдастыруымен, бекітілген кестеге сәйкес оқушылар арасында сынып аралық «Достық күні» атты ұлттардың салт дәстүрін дәріптеу мақсатында іс – шара өткіздік. Халқымыз достық, ынтымақтастыққа әрқашан ерекше мән берген ғой. «Қырғыз, қазақ-бір туған», «Өзбек-өз ағам», «Түбі бірге түрікмен» деп қырғыз, өзбек, түрікмен және өзге де ұлттарды ынтымақтастыққа үндедік. Бірлік – халық салты. Халқымыздың бірлік салты отбасынан басталып, бүкіл елдің, барлық адам баласының бірлігімен ұласады деген ұғымы осы шарада кеңінен айтылды.
Сөзімнің басында атап өткенімдей, Отанға деген сүйіспеншілік отбасыдан басталады. Жанұяда берген тәрбиенің орны бөлек. Сондықтан оны ұғындыра білу де маңызды екенін айттым. Мысалы, Сұлтан рабат жалпы орта білім беретін мектебінде оқушылар арасында «Отбасы – бақыт мекені!» тақырыбында іс-шара өткіздік. Іс-шараның негізгі мақсаты: бала тәрбиесіндегі ата-ананың алатын орнының ерекше екендігін түсіндіру; бала тәрбиесінің алғашқы алтын қазығы туған ұясы, өз отбасындағы ата — ана тәрбиесі, өнегесі және ата — ана баланың бас ұстазы екенін түсіндіру. Отбасы мүшелерінің арсындағы бауырмалдық, қайырымдылық, достық қарым- қатынасты қалыптастыру болды.
Сондай-ақ 4 маусым–Қазақстан Республикасының мемлекеттік рәміздер күні мерекесіне орай, «Мемлекеттік рәміздер–қасиетті құндылығымыз!» атты тақырыппен Аналар кеңесінің жылдық жоспарына сәйкес, түрлі этнос жастары арасында дөңгелек үстел мәжілісі болып өтті. Шараға ақ жаулықты аналарымыз, колледж ұстаздары және студенттер қатысты. Жастарды Қазақстан Республикасының Рәміздерін құрметтеуге, патриоттық рухта тәрбие сіңіруге, отанымызға сүйіспеншілікпен қарауға шақырдық. Бұл да еліміздің ынтымағы мен бірлігінің бекем болуына мол септігін тигізетін шаралардың бірі болды деуге болады.
Осындай патриоттыққа тәрбиелейтін іс-шараның тағы бірі Төлеби ауданы Леңгір қаласына қарасты, «Lenger Polytechnic» колледжі және Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалының ұйымдастыруымен өтті. Қазақстан халқының тілдері мерекесіне орай «Тіл – ең асыл қазына» тақырыбында іс-шара болып, жас ұрпақты ана тілінің қадір-қасиетін түсіне білуге үндедік. Бұл кездесудің де мақсаты азаматтарға ана тілін сүюге, ана тілін ардақтай білуге тәрбиелеу болатын.
— Ұлттың ұлы тұлғаларын дәріптеу, олардың өмір жолы мен еңбегін насихаттау бойынша да аналар кеңесі бірқатар шараларды ұйымдастырыпты. Жас өрендерге өнеге болған шараларды атап өтсеңіз?
— Жыл басында Қазақстан халқы Ассамблеясы жанындағы Аналар кеңесінің ұйымдастыруымен бастау алған шаралардың бірі, ол — Ленгір қаласына қарасты №2 Ш.Уалиханов жалпы орта білім беретін мектепте өткен «Классика жауһарлары» тақырыбында керемет кездесу болды. Жоғарғы сынып оқушылары қатысқан іс-шарада Мұхтар Әуезовтың өмір жолымен жазушылық қызметінен, шығармашылығынан мағлұмат берілді. Жазушының әлемдік мәдениетке қосқан үлесі туралы оқушылардың білімдерін жүйелеу. Оқушылардың өзіндік ізденіс жұмыстарына баулу, ой-өрісін, рухани жан дүниесін байыту. Ойын ашық білдіру, еркін сөйлеу дағдыларын жетілдіру сынды маңызды тәсілдер осы кездесуде жүзеге асты. Оқушылар Мұхтар Әуезовтың шағармашылығымен жақынырақ танысты.
Сондай-ақ, Орталықтандырылған №1 Қалалық кітапханасымен бірге «Бір ел –бір кітап 2023» акциясы аясында, «Жазушы Төлен Әбдіктің кітаптарын оқимыз» атты тақырыпта кездесу болып өтті. Аталған кездесуге Қазақстан халқы Ассамблеясы жанындағы Төлеби аудандық Аналар кеңесінің мүшелері және №2 Ш.Уалиханов атындағы жалпы орта мектебінің 9 сынып оқушылыры мен оқытушылары қатысты. Кездесудің мақсаты ұлттық әдебиетіміздегі ең үздік туындыларды оқу және насихаттау, рухани мұрамызды сақтау, сондай — ақ жастарға рухани — адамгершілік және патриоттық тәрбие беруге бағытталды.
Төлеби ауданына қарасты, Алшалы елді-мекенінде орналасқан Ә. Молдағұлова атындағы шағын жинақты негізгі орта мектебінде, биылғы бекітілген жылдық жоспарға сәйкес, 31 мамыр — саяси қуғын-сүргін құрбандарын еске алу күніне арналған «Алаш туы астында, Күн сөнгенше сөнбейміз» тақырыбындағы іс-шара ұйымдастырдық. Жиынға «Қоғамдық келісім» КММ-нің Төлеби аудандық филиал басшысы Е. Айтжанов, Аналар кеңесінің мүшелері, мектеп оқушылары мен ұстаздары қатысып, саяси қуғын-сүргін құрбандарын бір минут үнсіздікпен еске алды. Олардың ерлігін қазіргі жастардың санасына сіңіру, егемендікті қадірлеуге шақыру сынды жақсы пікірлер айтылды жиында. Өткеннен сабақ алу, арыстармыздың өмірі мен жасаған ерен істерін білу әрбір азаматтың борышы деп білемін. Одан бөлек, Леңгір қаласына қарасты, «Lenger Polytechnic» колледжінің ұйымдастыруымен, Қазақстан халқының тілдері мерекесіне орай мемлекеттік тілде жалпы қазақстандық ашық диктант жазу шарасы өтті. Шараның мақсаты жыр пырағы — Мағжан Жұмабаев туралы деректерді оқу, шығармалары арқылы түсініктерін кеңейту және білімдерін одан әрі қалыптастыру. Зейінін, ойлау жылдамдығын, есте сақтау қабілетін дамыту. Елін, жерін сүюге тәрбиелеу болды.
— Қашанда қайырымды істердің ортасынан табылатын ақжаулықты аналамыздың қамқорлығына Төлебиліктердің алғысы қандай?
— «Ана деген бір қолымен бесікті, бір қолымен әлемді тербейді» деген нақыл сөз бекер айтылмаса керек. Расында ақжаулықты, жүректері мейірімге толы жандар, яғни аналарымыз әрқашан демеуді қажет ететін адамдарға,оның ішінде қыз-келіншектерімізге қамқорлығын аяған емес. Кез келген уақытта оларға қолдау білдіріп, түрлі іс-шараларда, мерекелерде құрметтеп, игілікті тірліктеріне қолдау білдіріп жүреміз. Мысалы біздің кеңестің жылдық жоспарына сәйкес, кәсіпкер аналардың қатысуымен «Әйел — ана, әйел — кәсіпкер, әйел — басшы» үй шаруасындағы әйелдер тақырыбында семинар-тренинг өткіздік.
Семинарға ауданымызға танымал жас кәсіпкер Есеналиева Жанеркені шақырдық. Ол көпшілікке өз кәсібі туралы айтып берді.Тәжірбиесімен бөлісті. Отбасының ұйытқысы және табысты әйел бола білуде бақыт қой. Аналар кеңесінің төрайымы ретінде кәсіпкер ананың жұмысымен танысып, ақ батамды бердім.
Ал, еліміздегі өте маңызды мерекелердің бірі, алғыс айту күніне орай, ардақты аналарымыз, яғни кеңес мүшелерімен бірге Киелітас ауылдық округіне қарасты Достық елді мекенінің тұрғындарына, жалғыз басты зейнеткер кісілерге күнделікті тұрмысқа қажетті азық — түлік заттарын алып бердік. Зейнеткер апаларымыздың иығына орамал жауып тәттілер ұсындық. Апаларымыз ақ батасын беріп, шексіз алғысын білдірді.
Сондай-ақ, дәл осы Алғыс айту күні мерекесінде Қазақстан халқы Ассамблеясы жанындағы Төлеби аудандық Аналар кеңесінің ұйымдастыруымен Киелітас ауылдық округі, Достық елдімекеніне қарасты «Рауан» балабақшасында «Туған жерге мың алғыс» тақырыбында мерекелік іс-шара өтті. Аталған іс-шара барысында басты құндылығымыз ел тыныштығы мен қазақстандықтардың ауызбіршілігі сақталуына еңбек етіп жүрген азаматтар мен барша округ тұрғындарына алғысымызды жеткіздік. Оларда құрмет көрсетіп, осындай бейбіт елде өмір сүріп жатқандарына шексіз алғыстарын білдірді. «Рауан» балабақшасының бүлдіршіндері өз өнерлерін көрсетті. Сонымен қатар, ауданымыздың белсенді этнос өкілдері халық арасында ән шырқап, аудан тұрғындарына тәттілер ұсынды. Міне, бұлда біздегі ауызбіршіліктің нағыз үлгісін көрсетеді.
Менің де бұл күні қуанышқа кенелген сәтім болды. Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалы мен аудандық мәдениет үйі және этномәдени бірлестіктердің ұйымдастыруымен «1 наурыз — Алғыс айту күні» мерекесіне орай аудандық мәдениет үйінде арнайы мерекелік іс-шара өтті. Ауданның қоғамдық саяси өміріне белсене қатысып, өңіріміздің әлеуметтік – экономикалық дамуы жолындағы қажырлы еңбегімді бағалап, Аналар кеңесінің төрайымы ретінде мені және түрік этномәдени бірлестігінің мүшесі К.Рустемовті алғыс хатпен марапаттады. Сонымен қатар мерекеде ауданымыздың белсенді этнос жастары халық әнін шырқап, концерттік қойылымдарын көрсетті.
Ал, 8 наурыз — Халықаралық әйелдер күні мерекесінде Түркістан облысының қоғамдық даму басқармасы «Қоғамдық келісім» КММ-нің Төлеби аудандық филиалының ұжымы аудандық Аналар кеңесінің мүшелерін, ауданымыздың әлеуметтік-экономикалық дамуына елеулі үлес қосып, этносаясатты жүзеге асыру бағытында беделді жұмыс атқарып жүрген бірқатар азаматшаларды атаулы мерекесімен құттықтап, сыйлықтарын табыс етті. Бәріміз керемет қуанышқа кенелдік.
Ұлыстың ұлы күнінде Киелітас ауылдық округі, Жыланбұзған елді мекенінде Төлеби аудандық өзбек және күрді этномәдени бірлестіктерінің ұйымдастыруымен, ауқымды мерекелік іс-шара өткізілді. Аталған іс-шараға Төлеби ауданының белсенді, беделді азаматтары мен ақсақалдары және Жыланбұзған елді мекенінің тұрғындары қатысты. Өзбек және күрді драма театрының өнерпаздары бұл күні әннен шашу шашып, көпшілікті билетіп, көтеріңкі көңіл күй сыйлады. Көптен бері осындай тартымды шараға шөліркеп қалған тұрғындар серпіліп, жақсы көңіл күймен тарқасты. Сондай-ақ, бізде наурыз мерекесін «ETNO – AYYL» саябағында кең көлемде, жоғары деңгейде атап өттік. Келген қонақтарға ақ батамызды бердік. Ұлыстың ұлы күнінде аналарымыз әсем әуен орындап,барша қонақтарға мерекелік көңіл күй сыйлады.
Қазақстан Республикасы мемлекеттік әлеуметтік саясатының басым бағыты неке және отбасы деп тани отырып, оның құқықтары мен мүдделерін қорғауды қамтамасыз етеді. Неке — ерлі-зайыптылар арасындағы мүліктік және мүліктік емес жеке қатынастарды туғызатын, отбасын құру мақсатымен заңдарда белгіленген тәртіппен тараптардың ерікті және толық келісімі жағдайында жасалған еркек пен әйелдің арасындағы тең құқықты одақ. Жаңадан отау құрған отбасыларға Отанның бір бөлшегі екендігін ұғындыра білу, және де отбасы құндылықтары мен ұлттық салт-дәстүрлерді дәріптеу мақсатында Адами әлеуетті дамыту бөлімінің «Әлеуметтік психологиялық сүйемелдеу қызметті» секторымен бірге «Отбасындағы зорлық – зомбылықсыз Қазақстан» тақырыбында жас отбасылармен кездесу өткізіліп, жаңа өмірге қол ұстасып қадам басқан 5 жұпқа салтанатты түрде неке қию туралы куәліктері табыстадық. Бұл қайырымды шара, жаңа өмірге қадам басқан жас отбасылар үшін үлгі, өнеге болды. Жақсы пікірлер айттық. Оларда ризашылықтарын білдірді.
Төлеби аудандық «Қоғамдық келісім» мекемесімен бірге, Бірінші Мамыр ауылдық округіне қарасты «Төлеби отбасы үлгісіндегі балалар ауылы» мекемесінің тәрбиеленушілеріне тәттілер мен балмұздақ үйлестіріп, қайырымдылық іс-шарасын өткіздік. Аталған іс-шара барысында Аналар кеңесінің мүшелері өздерінің ыстық ықыластары мен алғыстарын білдіріп бата берді. Сонымен қатар, «1 маусым — балаларды қорғау күні» мерекесіне орай, Ленгір қаласына қарасты «Алина» бөбекжайында «Бар мейіріміміз балада» тақырыбында мерекелік іс-шара өтті. Аталған іс-шараға «Қоғамдық келісім» КММ-нің Төлеби аудандық филиалының маманы А.Саудебаева және Аналар кеңесі мен ата-аналар қатысты. Іс-шарада «Алина» бөбекжайының бүлдіршіндері өз өнерлерін ортаға салып, мерекелік қойылымдарын көрсетті.
Сондай-ақ, Төлеби ауданының орталық «Нұр» мешіті және Қазақстан халқы Ассамблеясы жанындағы Төлеби аудандық Аналар кеңесі «Мектепке жол» Республикалық қайырымдылық акциясы аясында аз қамтылған және көп балалы, қиын жағдайға тап болған отбасыларында тәрбиеленіп отырған 60 оқушыны мектепке қажетті оқу құрал жабдықтарымен қамтамасыз етті. Акцияның мақсаты–аз қамтылған және көп балалы отбасылардан шыққан, жетім балалар мен ата-анасының қамқорлығынсыз қалған оқушыларға жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу үшін материалдық және басқа да көмек көрсету болды. Достық елді мекеніне қарасты, №16 Ш.Уалиханов атындағы жалпы орта мектебімен бірге, дәл осы бағыттағы «Жақсылық жаса» қайырымдылық акциясы аясында аз қамтылған және көп балалы 11 отбасыны мектепке қажетті оқу құрал жабдықтарымен қамтамасыз еттік.
Қарияларымыз біздің қазынамыз ғой. Оларға қандай құрмет көрсетсекте жарасады. 1 қазан — Халықаралық қарттар күніне орай, қарттарды ұлықтау мақсатында үлкенді сыйлау, оларға құрмет көрсету ата — бабамыздан келе жатқан салтымыз бағытында «Қоғамдық келісім» мекемесінің Төлеби аудандық филиалының маманы А.Саудебаевамен, кеңес мүшесі Сыздық Сәуле апамызбен бірге ұйымдастырып, Қалалық әжелер алқасының төрайымы Есенова Гүлбазар апамызға және қала аумағындағы бірқатар қарияларға барып, сый сияпатын көрсетіп мерекемен құттықтадық. Асыл аналарымызға көңіл бөлсек, одан асқан бақыт жоқ. Ауданның азаматтары да ақжаулықты аналарды бағалай біледі. Әрқашанда елеп ескеріп, құрметтейді. Мен аналар кеңесінің атынан бірлігі жарасқан Төлебиліктерге алғыс айтамын.
— Қазақстан халқы Ассамблеясы жанындағы Төлеби аудандық Аналар кеңесі қоғамдық тұрақтылықты сақтауда жергілікті атқарушы органдармен тығыз байланыс орнатып, өскелең ұрпақты тәрбиелеуге, жасөспірімдер арасындағы құқық бұзушылық пен ерлі — зайыптылардың ажырасуының алдын – алу және отбасылық құндылықтарды сақтау, аудандағы түрлі этностардың бейбіт өмір сүруі бағытында нәтижелі жұмыстар жүргізіп келеді екен. Бұл бізді де өте қуантады. Асыл, ақжаулықты аналарымыздың осындай игі істері елдің ынтымағы мен берекесін арттырып отыр. Оған өзіңіз айтқан осындай ауқымды шаралар дәлел. Сондықтан, аналар кеңесінің барлық мүшесіне тек алғыстан басқа айтарымыз жоқ. Төлебидің төрінде ауызбіршіліктің символы болып, аман-есен жүре беріңіздердер деп тілейміз.
Төлеби ауданында теолог мамандары жасөспірімдер мен жастар арасында теріс ағымдар ықпалының алдын- алу бағытында ақпараттық-түсіндіру жұмыстары жүргізіліп келеді. Мамандар тура жолдан түңілмей, түрлі теріс ағымдардан алшақ болу — елдің бірлігі мен ынтымағын қамтамасыз етуге, келешек ұрпақтың өркендеуіне, саналы ұрпақтың қалыптасуына мол мүмкіндіктер беретінін айтып, жастардың санасына сіңіруде.
Айта кетейік аталған іс-шаралар ағымдағы жылы Түркістан облысы әкімінің орынбасары Бейсенбай Тәжібаевпен бекітілген дін саласындағы ақпараттық-түсіндіру тобының 2023 жылға арналған жұмыс жоспарына сәйкес жүзеге асуда. Яғни, «Дін мәселелерін зерттеу орталығы» КММ-нің теолог маманы А.Тағай және Төлеби ауданы ішкі саясат бөлімі «Жастар ресурстық орталығы» КММ-нің теолог маманы Д.Турта білім ордалары мен оқу орындарында арнайы кездесулер өткізіп, түсіндірме жұмыстарын жүргізіп жатыр. Кезекті жиын Төлеби ауданына қарасты, Көксәйек ауылдық округі Туркістан көпсалалы техникалық колледжінің студентерімен өтті. Жалпы жиынға 200 ге жуық оқу ордасының шәкірттері қатысып, қазіргі дүниежүзінде орын алып жатқан келеңсіз оқиғалар мен теріс ағымдардың қоғамға жасап жатқан зардаптары, ел ішіне бүлік салып, тұрақтылықты және тыныштықты бұзу жағдайлары, сондай-ақ олардың түрлі әдіс-тәсілдермен тура жолдан адастыратыны бойынша баяндамаларды тыңдады.
Қазіргі таңда, тәуелсіз мемлекетіміздің дамуына және дамыған елдердің қатырында болуына елдегі діни ахуалдың тұрақты болуы тікелей әсер етеді. Сондықтан, дәстүрлі дінімізбен мүлдем үйлеспейтін кейбір сан алуан пікірлер мен ұстанымдардан аулақ болу қажет. Сондықтан, Төлеби ауданында өткен кездеуде мамандар еліміздің жарқын болашағын қалаушы – жас ұрпақтың санасын улап жатқан жат ағымдардың мән-мағынасын, әсер ету жолдары мен тигізер зияндарын ашып көрсетіп, олардың негізгі мақсаттарын атап өтті.
«Дәстүрлі дінге қайшы ағымдарды қоғамда деструктивті немесе теріс пиғылды діни ағымдар деп атайды. Яғни, «деструктивті» деген сөз латын тілінен «құлату», «қалыптасқан жүйені бұзу» деген мағынаны білдіреді. Жалпы айтсақ, діннің атын жамылған жат ағымдардың, топтардың мүшелері діни сауаты төмен, әлеуметтік тұрмысы нашар жастарымызды өз қармақтарына түсіру үшін өздерін ақиқат жолындағы шынайы діндарлар етіп көрсетіп, Отанына, отбасына және ата-бабамыз ғасырлар бойы дәріптеген дәстүрлі дінімізге, қалыптасқан салт-дәстүрімізге күдік келтіріп, қарсы қояды. Тіпті, өздерінің істеген істерін және сөйлеген насихат сөздерін дәлелдеу мақсатында Қасиетті Құран мен хадистерден мысал келтіріп, жастардың санасын улап, жат идеологиясын таратады. Бүгінде, асыл дінімізбен мүлдем жанаспайтын жат ағымдар жетегінде кеткен қаншама қандастарымыз өз жақындарынан, достарынан теріс айналып жатқаны баршаға мәлім. Мұндай түрлі жат ағымдардың жетегіне ерген жас азаматтарымыз балаларына тиісті медициналық екпе ектіруден бас тартып, мектептегі сабақтарын тастап, мектеп жасындағы ұл-қыздардың музыка тыңдауына – қарсылық білдіріп, мемлекеттік әнұранды тыңдауды және туға құрмет көрсетуді харам дейтіндер де бар. Осындай бір ағымдардың теріс пиғылды уағыздарының салдарынан еліміздегі кейбір ұл-қыздарымыз отбасы мүшелерінен, үй-меншіктерінен айырылып, түрлі психикалық ауруларға шалдығып, өз-өзіне қол салып, әр түрлі жағымсыз жағдайларға тап болып жатқандарын да жоққа шығаруға болмайды», — дейді теолог мамандар.
Айта кетейік, Мемлекет басшысы Түркістанда өткен Ұлттық құрылтайда нақты мақсатқа жету үшін саяси-экономикалық реформа жасау жеткіліксіз екенін айтқан болатын. Яғни, ең бастысы әр азаматтың сана-сезімін жаңғырту маңызды. Бұл тұрғыда халықтың дүниетанымы және өмірлік ұстанымдары өзгеруге тиіс. Президент айтқандай пиғыл өзгермесе, ештеңе де өзгермейді.
«Біз қазір халықаралық ахуалдың бұрын-соңды болмаған деңгейде шиеленіскеніне куә болып отырмыз. Кейбір ірі елдер өзіне қажетті күн тәртібін басқаларға таңуға, оларды өз талабына икемдеуге тырысуда. Бір-біріне мүлдем қайшы келетін түрлі идеялар мен ұстанымдар қақтығысы белең алды. Бұл қақтығыс геосаясатта немесе экономикада ғана болып жатқан жоқ. Тіпті, мәдениет пен руханиятты, құндылықтар жүйесін, басқаша айтқанда, идеология саласын да шарпуда. Мұның бәрі тұтас мемлекеттердің және халықтардың қауіпсіздігіне кесірін тигізуі мүмкін. Халықаралық ахуалдың беталысы көңіл көншітпейді. Сондықтан Қазақстан Республикасы бұрын-соңды болмаған деңгейде біртұтас болуы керек. Бүгінгі таңда елді дамытуға кедергі келтіретін нәрсенің бәрінен арылып, құндылықтарымызды нығайта түсуіміз қажет. Сонда ғана ұлттың жаңа сапасын қалыптастырамыз, сан ғасырлық мемлекеттілігіміздің тұғырын бекемдейміз. Олай болмаса, даму көшінің соңында қалып, ақырында құрдымға кетеміз. Өміршең, келешегі зор идеологиялар мемлекет пен қоғамның ортақ ізденісінің арқасында ғана пайда болады. Біз дәстүрлі құндылықтарымызды қазіргі мәдени үрдістермен үйлестіруіміз керек.», — деді Президент.
Сондай-ақ, Мемлекет басшысы Әділетті Қазақстанды адал азаматтар құратынын айтқан болатын. Яғни, елімізде жаңа қоғамдық этика қалыптасуы керек. Онда елдің бірлігі және тұрақтылығы, азаматтардың өзара тілектестігі, әділдік, заң мен тәртіп, сенім және жауапкершілік сияқты құндылықтар үстемдік құруы қажет екенін мәлімдеген. Төлеби ауданында өткен кездесуде де мамандар жастарға осы бағытқа бейімделіп, өмірдің жарқын жолынан адастыратын деструктивті ағымдардан аулақ болуға шақырды.
Қазіргі таңда, елімізде уәкілетті мемлекеттік органдардың деструктивті ағымдарға қарсы белсенді күрестері мен алдын алу шаралары нәтижесінде көптеген радикалды сайттарға тосқауыл қойылып жатыр, сондай-ақ еліміздің түрлі оқу орындарында жасөспірімдердің діни сауатын арттыратын арнайы ақпараттық-насихаттау жұмыстары мен оқу-ағартушылық сабақтары да өткізілуде. Әр қилы деструктивтік ағымдардың салт-дәстүрімізге, дінімізге және бейбітшілігімізге тигізетін зардаптары жайлы тиісті органдар мен дін өкілдерінің қатысуымен республикалық және аймақтық деңгейдегі іс-шараларда қолға алынған.
Ақпараттық-түсіндіру тобының мақсаты да жастардың бойына ізгілік, имандылық, отансүйгіштік, қайырымдылық, кішіпейілділік, адалдық секілді қасиеттерді сіңіру. Сондай-ақ саналы ұрпақ тәрбиелеуде отбасы маңызды рөл атқарады дейді мамандар. Демек, «Ұяда не көрсең, ұшқанда соны ілерсің» дегендей, баланы балабақшадан бастап тұлға ретінде қалыптастыруға, мектеп қабырғасында тілімізді, мәдениетімізді қастерлеуге, жоғарғы оқу орындарында ұлттық құндылықтарымызды дәріптеуге үйрету маңызды. Елдің ынтымағы мен бірлігін сақтап, бейбіт өмір сүру — ең үлкен бақыт деген теолог мамандары кездесу соңында жастар тарапынан қойылған сұрақтарға да жауап берді.
45 аудан мен облыстық маңызы бар қалалардың әкімдерін сайлау 5 қарашада өтеді. Бұл туралы Орталық сайлау комиссиясының төрағасы Нұрлан Әбдіров айтты.
«Биыл аудандар мен облыстық маңызы бар қалалардың әкімдерін сайлауы алғаш рет пилоттық режимде өтеді. Заңнамаға сәйкес, пилоттық өңірлердің тізбесін және аудандар мен облыстық маңызы бар қалалардың әкімдерін сайлауды өткізу күнін белгілеу жөніндегі өкілеттіктер мәслихаттарға бекітілген. Сонымен 17 облыстың мәслихаттары пилоттық режимде сайлау өткізу үшін 45 аудан мен облыстық маңызы бар қалалардың тізбесін бекітті. Оның ішінде — 3 қала және 42 аудан. Сондай-ақ сайлау өткізу күнін белгілеп шықты. Мәслихаттар қабылдаған шешімдер негізінде аудандар мен облыстық маңызы бар қалалар әкімдерін сайлау қараша айының бірінші жексенбісінде, яғни 5 қарашада өтеді», — деді Нұрлан Әбдіров комиссия отырысында.
Оның атап өтуінше, «Сайлау туралы» Конституциялық заңның нормаларына сәйкес, аудандар мен облыстық маңызы бар қалалардың әкімдерін сайлауды тиісті аумақтық сайлау комиссиялары мәслихаттың шешімімен белгіленген сайлауды өткізетін күнге дейін кемінде 50 күн бұрын, яғни, 15 қыркүйектен кешіктірмей тағайындауы керек.
«Қуатты өңірлер — ел дамуының драйвері» ұлттық жобасы аясында Ұлытау облысының ақпараттық-түсіндірме жұмыс тобы Түлкібас ауданы тұрғындарымен кездесу өткізді.
2023 жылдың 9 тамызында Түлкібас ауданына Ұлытау облысынан келген жұмыспен қамту саласына жауапты басшылары мен әкімдік өкілдері «Қуатты өңірлер — ел дамуының драйвері» ұлттық жобасы аясында халқы тығыз орналасқан Оңтүстік өңірінің халқын Ұлытау облысына көшіруді насихаттау бағытында, аудан тұрғындарымен Түлкібас кент әкімі аппаратының мәжіліс залында кездесу өткізіп, мүмкіндіктер мен еңбек нарығының басым бағыттарын атап өтті.
Кездесудің мақсаты – «Қуатты өңірлер — ел дамуының драйвері» ұлттық жобасы аясында еңбек күшінің ұтқырлығын арттыру мақсатында, қабылдау өңірі Ұлытау облысындағы өңірлік квотаның орындалуы, бос орындар жәрмеңкелерімен таныстыру, еңбек нарығындағы жағдай, жұмыс күшіне сұраныс пен ұсыныс, қоныс аударудағы мемлекеттік қолдау шаралары туралы ақпарат ұсыну.
Аталған жиынды Түлкібас ауданы әкімінің орынбасары Орманов Ербол Керімбекұлы төрағалық етіп, жұмыс тобымен таныстырып өтті.
Насихаттық топ құрамына:
«Ұлытау облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің басшысы
Орынбаев Нуржан Серикович; тел: 8-777-262-92-24;
«Ұлытау облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің бөлім басшысы
«Ұлытау облысының жұмыспен қамтуды үйлестіру және әлеуметтік бағдарламалар басқармасының Еңбек мобильділігі орталығы» коммуналдық мемлекеттік мекемесінің директоры
Койшыбаев Айдар Саятович; тел: 8-747-990-99-90;
«Ұлытау облысының жұмыспен қамтуды үйлестіру және әлеуметтік бағдарламалар басқармасының Еңбек мобильділігі орталығы» коммуналдық мемлекеттік мекемесінің бөлім басшысы
Даниярова Гулим Сапаровна; тел: 8-702-622-65-41;
«Жезқазған қаласының жұмыспен қамту және әлеуметтік бағдарламалар бөлімі» мемлекеттік мекемесінің басшысы
Әбен Берік Абдыкамалұлы; тел: 8-701-800-03-16;
«Жезқазған қаласының жұмыспен қамту және әлеуметтік бағдарламалар бөлімі» мемлекеттік мекемесінің сектор меңгерушісі
Бекішев Абай Данаұлы; тел: 8-777-486-49-41;
Ұлытау аудандық «Мансап орталығы» филиалының директоры
Ұлытау аудандық «Мансап орталығы» филиалының маманы
Мұңайтпас Аян Ноянұлы
Ұлытау облысы, Жаңаарқа ауданына қарасты Айнабұлақ ауылдық округі, М.Жұмажанов ауылдық округтерінен арнайы келген әкімдер қоныс аударуға ниет білдіріп жатқан аудан тұрғындарына өз тараптарынан, ауылдық шаруа қожалықтар тарапынан көрсетілетін көмек түрлерін жеткізіп, барынша қолдау көрсетілетінін атап айтты.
Сондай-ақ, кездесуге аудан тұрғындарының ішінде көпбалалы отбасылар, жастар, алқалы билері қатысты.
Жалпы саны 60 адам қатысып, олардың ішінде аталған өңірге қоныс аударуға қызығушылық білдірді.
Кездесу барысында насихаттық топ мүшелеріне жиналысқа қатысушылардан түрлі сұрақтар қойылып, тиісті жауаптар берілді. Кездесу соңында жиналысқа келген тұрғындарға брошюралар таратылып, Түлкібас ауданы әкімінің орынбасары Орманов Ербол Керімбекұлы үгіт-насихат жұмысымен келген жұмысшы тобына аудан тұрғындары атынан алғысын айтып, елбасымыздың ұстанып отырған саясатын іске асыру жолында жасалып жатқан еңбектерінің нәтижелі болуына тілектестігін білдіре отырып, ауданымыздың жұмыссыз, аз қамтылған, баспана мәселесінің шешімін таба алмай жүрген азаматтарды Ұлытау облысына қоныс аударуға және де кәсіпкерлердің осы облыс аумағында кәсіпкерлікпен шұғылдануына кеңес беріп жиынды қорытындылады.
Қазақстан Республикасының президентінің 2023 жылғы 19 қаңтардағы «барлық деңгейдегі мәслихаттардың өкілеттіліктерін мерзімінен бұрын тоқтату туралы» №105 жарлығына сәйкес, осы жылдың 19 наурыз күні сайлау өтті. Сол сайлаудың нәтижесінде сегізінші шақырылымдағы Түркістан қалалық мәслихатына 18 депутат сайланып, 30 наурыз күні бірінші сессиясы өтіп, сол сессияда Түркістан қалалық мәслихаты құрылды. Мәслихат төрағасы сайланды және мәслихаттың тұрақты комиссиялары құрылып, депутаттық фракция тіркелді. Сегізінші шақырылымдағы Түркістан қалалық мәслихатына барлығы 18 депутат сайланса, оның 17 депутаты «Amanat» партиясынан. Айта кетерлігі, Түркістан қалалық мәслихатында бір ғана әйел депутат бар. Ол — Сүлейменова Жәмила Төреханқызы. Бүгінде, «Бюджет, экономикалық және әлеуметтік даму, өнеркәсіп, кәсіпкерлік мәселелері жөніндегі» тұрақты комиссиясының төрайымы қызметін де атқарады.
«AMANAT» партиясының бастамасымен барлық деңгейдегі депутаттар халықпен кездесуден бөлек, БАҚ өкілдеріне атқарылған және атқарылатын жұмыстар жөнінде баспасөз мәжілісін өткізуде. Кезекті брифингке Түркістан қалалық мәслихатының депутаттары Сүлейменова Жәмила мен Данияр Аюпов қатысып, БАҚ өкілдеріне нақты іс-шараларды баяндап берді.
— «Түркістан қалалық мәслихатының депутаттары қаламыздың экономикасының өркендеуіне, қала халқының тұрмыс-тіршілігінің жақсаруына қала әкімдігімен бірлесіп бірқатар жұмыстар атқарылуына ықпал етуде. Қаламыздың тыныс тіршілігінің жақсаруы мақсатында қаланы аббаттандыру, көгалдандыру, көшелерді асфальттау, жарықтандыру, халықты таза ауыз сумен қамтамасыз ету, газдандыру тағы да басқа да өзекті мәселелерді қаржыландыру бойынша тұрақты комиссиялардың отырысында жан-жақты талқыланып, олардың шешілуі жөнінде нақты ұсыныстар айтылып, сессияларда шешімдер қабылданды және сол шешімдердің орындалу барысы үнемі басты назарда болып келеді», дейді Жәмила Төреханқызы
Депутаттардың айтуынша, жыл басынан бері Түркістан қалалық мәслихатында 4 сессия өткізілген. Сондай-ақ өзекті мәселелерді талқылап, тиісті шешім қабылдау мақсатында 8 тұрақты комиссия отырысы болған. Жалпы 24 мәселе қаралып, барлығына нақты шешімдер қабылданған. Ал, бюджетке қатысты қабылданған шешімдер саны — 2.
Түркістан қаласының 2022 жылғы жергілікті бюджет түсімдерінің орындалуы 132 миллиард 37 миллион 418 мың теңге болса, ал шығысының атқарылуы 131 миллиард 929 миллион 618 мың теңге болып бекітіліпті. Сондай-ақ, назарларыңызға Түркістан қаласының 2023 жылға арналған бюджеті туралы мәліметті ұсынамыз.
Мазмұны
Бекітілген бюджет
Нақтыланған бюджет
Айырмасы
%
Жалпы кірістер
73 983 568,00
106 411 891,00
32 428 323,00
143,8
Өзіндік кірістер
32 889 427,00
45 736 858,00
12 847 431,00
139,1
Жалпы шығыстар
73 983 568,00
106 411 891,00
32 428 323,00
143,8
Қазақстан Республикасының қолданыстағы заңына сәйкес, депутаттық өкілеттілігіне байланысты, тұрғындардың өтініштері негізінде және қоғамдық қабылдаудың нәтижесі бойынша атқарушы орган өкілдеріне депутаттық сауалдар мен жолданым хаттар жолданған. Оның ішінде депутат Сүлейменова Жәмила Төреханқызы төмендегі мәселелерді көтерген:
— М.Әбенова мектебі аумағындағы келеңсіздіктер туралы;
— Балалар ойын алаңшаларының қоршауының жарамсыздығы;
— Егілген көшеттердің қурап кету жағдайы;
— Аумақтың санитарлық жағдайының төмендігі;
— Иригациялық суландыру жүйесінің сапасы туралы;
— Гауһар ана көшесіндегі сарқынды су жүйесінің сапасы туралы;
— Мәдениет. Ш.Қалдаяқов көшелеріне тас төсеу жұмыстарын жүргізу;
— Көше қиылыстарына көше атаулары жазылған маңдайшалар орнату;
— Қ.Рысқұлбеков көшесіндегі асфальт төселмей қалған 500 метрге жуық жерге асфальт төсеу;
— Қ.Рысқұлбеков көшесімен Гауһар ана бұрылыс көшесі аумағындағы кәріз жүйесі жүргізілмей қалған 15 үйге кәріз жүйесін жүргізу;
— Жаңа қала аумағына тікелей қоғамдық көлік бағытын ашу;
— Дулыға көшесіне кәріз құдықтарын орнату;
— Сүйіліш батыр көшесіндегі электр бағандарының сапасы;
— Өсиет және Сыбаға көшелеріне ауыз су жүйесін жүргізу;
— Меркі және 23 көшелерге тас төсеу жұмыстарының сапасы туралы;
Мұнымен қоса, Жәмила Төреханқызы тұрғындармен кездесу барысында айтылған өтініштерінің негізінде, халықпен жұмысты оңтайландыру және тиімділігін арттыру мақсатында Отырар тұрғындар алабын екіге бөліп, жаңадан тұрғындар алабын ашу мәселесін көтерген.
— «2023 жылы, яғни жыл басынан бері 8 қоғамдық қабылдау өткіздім. Жеке қабылдауға келгендердің саны 37 азаматты құрап отыр. Тұрғындардың басым көпшілігі жол, қоғамдық көлік, ауыз су, жалпы әлеуметтік мәселелерді жеткізеді. Кейде, жеке отбасылық жағдайын айтатындары да бар. Бірақ, кез-келген өтініш пен ұсыныс айтушының сөзіне бей-жай қарамаймыз. Мен, бұған дейін де бірнеше шақырылымның депутаты болғанмын. Сондықтан, Түркістандағы өзекті мәселелерді де білемін. Мәслихаттың депутаттары да өте белсенді жұмыс жасап жатыр. Алдағы уақытта атқарылатын жұмыстар да аз емес. Оның барлығы кезең кезеңімен шешімін тауып жатыр,» дейді «Бюджет, экономикалық және әлеуметтік даму, өнеркәсіп, кәсіпкерлік мәселелері жөніндегі» тұрақты комиссиясының төрайымы Жәмила Сүлейменова.
«AMANAT» партиясының Түркістан қаласы бойынша 2023 жылға арналған жол картасының бүгінгі күнге дейінгі орындалуы бойынша барлығы 35 индикатор болса, оның ішінде 9 индикатор орындалыпты. Ал 26 индикатор орындалу барысында дейді Түркістан қалалық мәслихатының депутаттары.
Түлкібас ауданында жаңа өндіріс орындары іске қосылып, 3 мың 635 жаңа жұмыс орны ашылады. Жыл соңына дейін ауыл шаруашылығы өнімінің көлемін 60 млрд. теңгеден асыру жоспарланған. Алдағы үш жылда жалпы құны 10 млрд. теңгеден асатын 9 инвестициялық жоба іске асырылмақ. Нәтижесінде 200 жаңа жұмыс орны ашылып, ауыл шаруашылығы өнімінің көлемін 2025 жылы 77 млрд. теңгеге жеткізу жоспарланған. Бұл туралы Түлкібас ауданының тұрғындарымен кездесуінде Түркістан облысының әкімі Дархан Сатыбалды мәлімдеді.
— Тарихы терең, табиғаты тамаша, ел арасында «Кіші Швейцария» атанып кеткен Түлкібас ауданында өздеріңізбен жүздесіп, маңызды мәселелерді бірге талқылау үшін арнайы келіп отырмын. Ауданда 447 млрд. теңгеге 11 ірі инвестициялық жобаны іске асыру пысықталуда. Атап айтқанда, «Састөбе» инновациялық кешені жылына 100 тонна каустикалық сода, 1 млн. тонна цемент өндірісін қолға алуды жоспарлап отыр. Ауыз су және алкогольсіз сусындардың өндірісі іске қосылады. Жылына 2 мың тонна күркетауық етін өндіру және өңдеу жоспарлауда. Нәтижесінде 3 мың 635 жаңа жұмыс орындары құрылып, өнеркәсіп өнімінің көлемі 128 млрд. теңгеге, салық түсімдерін 13,5 млрд. теңгеге арттыру көзделуде. Былтыр ауданда 408 жаңа жұмыс орны ашылды. «Еңбек» бағыты бойынша 2 мыңнан астам адам жұмыспен қамтылды. Мемлекет басшысының «10 мың тұрғынға 100 тұрақты жұмыс орындарын ашу» жөніндегі тапсырмасының аясында 806 жұмыс орны ашылды,-деді Түркістан облысының әкімі Дархан Сатыбалды.
Ауданның жалпы өңірлік өнім көлемі былтыр 89 млрд. теңгені құраса, биыл 6 айда 36,5 млрд. теңгенің өнімі өндірілген. Бюджеттің өзіндік кіріс көлемі артты. Өнеркәсіп өнімі былтыр 16 млрд. теңгеге жетсе, Биыл 6 айда 7,7 млрд. теңгені құрады. Жыл соңына дейін негізгі капиталға тартылған инвестиция көлемін 20,5 млрд. теңгеге жеткізу жоспарлануда.
Түлкібас ауданының брендіне айналған 3 мың гектар алма баулары бар. Оның ішінде 664 гектар — қарқынды бау. Қарқынды бауды дамыту нәтижесінде былтыр 32 мың тонна өнім жиналса, биыл оның көлемі 33 мың тоннадан асады. Жыл соңына дейін шағын және орта бизнестің өнім көлемін 51 млрд. теңгеге жеткізу жоспарланған. Алдағы үш жылда жалпы құны 2,3 млрд. теңгені құрайтын 24 жобаны іске асыру көзделіп, 200-ге жуық жаңа жұмыс орындары ашылады. «Ауыл аманаты» бағдарламасы бойынша 188 млн. теңгеге 31 жоба қаржыландырылды.
Былтыр ауданда 2 жаңа мектеп салынды. 300 орындық мектептің құрылыс жұмыстары жүргізілуде. Бірнеше білім ұяларында жөнделіп жатыр. «Жайлы мектеп» ұлттық жобасы бойынша Рысқұлов, Састөбе кентінде 2 мектеп салынбақ. 4 елді мекенде фельдшерлік-акушерлік пунктердің құрылысы жүргізілуде. Түлкібас ауданы инфрақұрылымы толық дамыған аудандар қатарында. Жаңа тұрғын үйлердің құрылысына инфрақұрылым тарту жұмыстары биыл қолға алынды. Аудан тұрғындарының 99,8%-ы ауыз сумен қамтамасыз етілген. Тозығы жеткен ауыз су құбырларына қайта құру жұмыстары жүргізілуде.
Облыс әкімінің осыған дейінгі түлкібастықтармен кездесуі кезінде көтерілген мәселелердің бірқатары шешімін тапты. Атап айтқанда, Машат ауылында облыстық маңызы бар автомобиль жолын жөндеу үшін 595 млн. теңге қарастырылып, құрылыс толығымен аяқталды. Су құбырлары ауыстырылып, тасжолдар төселді. Ауыз су жүргізу жұмыстары жүргізіліп, ішкі көшелер жөнделуде. Түлкібас кентіндегі мектепті жөндеуден өткізуге қаржы қаралды. Спорт кешені мен интернаттың сәулет-жоспарлау құжаттары дайындалуда.
Кездесуде облыс әкіміне Түлкібас ауданының тұрғындары түрлі ұсыныстары мен пікірлерін айтты, өз өтініштерін жеткізді. Түлкібастықтар өңір басшысынан мемлекеттік бағдарламалар арқылы қолдау алудың жолдарын сұрады. Мектеп, балабақша, спорт алаңын салып беру, ішкі жолдарды жөндеу, жайылым және жарықтандыру мәселелерін көтерді. Жеңілдетілген жанар-жағармай мен тыңайтқыш тапшылығы туралы айтты. Сонымен бірге тұрғындар қоқыс полигонынан зардап шегіп жатқанын жеткізді.
Облыс әкімі халықтың мүдделері мен қажеттіліктерін ескере отырып, аса қажетті деген салалардың ең бірінші кезекте қаржыландырылатынын атап өтті. Аудан әкіміне жекеменшік мектеп, спорт нысандарын салуда жергілікті кәсіпкерлерді тартуды тапсырды. Барлық жұмыстар кешенді жоспар аясында жүзеге асатынын айтып, айтылған әр ұсыныс-талап бойынша жауапты сала басшыларына тапсырма берді.
Сондай-ақ облыс әкімі жеке қабылдауға келген азаматтардың сұрақтарына жауап беріп, барлық мәселенің заң аясында шешілетінін жеткізді. Дархан Сатыбалдының халықпен кездесулері басқа аудан, қалаларда жалғасын табады.
Түлкібас ауданында «2021-2025 жылдарға арналған кәсіпкерлікті дамыту жөніндегі ұлттық жобасы» аясында, кешенді жоспардың барлық бағыттары бойынша 5588 адамды жұмыспен қамту жоспарланған. Жалпы жұмыспен қамтылғандар саны 7 айдың көрсеткіші бойынша 2755 адамды құрап отыр. Бұл туралы Түлкібас аудандық Мансап оралығының басшысы Байбатшаев Ерсұлтан Жаңабайұлы мәлімдеді.
Орталық басшысының айтуынша, жалпы жұмыспен қамтылғандардың ішінде «Әлеуметтік жұмыс» орындарына 203 азамат жолданса, «Жастар практикасына»115 азамат жолданған. Ал, «Алғашқы жұмыс орны» жобасына 43 азамат жолданып, олар өз қызметіне кірісіпті. Сондай-ақ, «Күміс жас» жобасына 71 азамат жолданса, «Ақылы қоғамдық» жұмысқа 821 азамат орналасқан.
— «Бүгінде ауданда 7 айда 741 азамат тұрақты жұмыспен қамтылып отыр. «Жаңа жұмыс» орнына 56 адам жолданды. Мемлекет басшысының «10 мың тұрғынға 100 тұрақты жұмыс орындарын ашу» бойынша 608 азамат жұмысқа орналасты. Жаңа бизнес-идеяларды іске асыруға арналған мемлекеттік қайтарымсыз грант 44 азаматқа берілді. Бұдан бөлек, ауданымыздағы мүгедектігі бар еңбекке қабілетті 283 адамға әлеуметтік қолдау көрсетілуде. Оның ішінде 8 азамат әлеуметтік жұмыс орнына, 2 азамат жастар практикасына, 2 азамат күміс жас жобасына, 1 азамат алғашқы жұмыс орнына, 45 азамат ақылы қоғамдық жұмысқа, 190 азамат «Бастау Бизнес» кәсіпкерлік негіздерін оқыту курсына, 15 азамат жаңа бизнес-идеяларды іске асыруға арналған мемлекеттік қайтарымсыз грант алған және 20 азамат деректер қорындағы бос жұмыс орнына жолданды», деді Түлкібас аудандық Мансап оралығының басшысы Ерсұлтан Жаңабайұлы.
Мемлекет басшысы Қасым Жомарт Кемелұлы Тоқаев өзінің Қазақстан халқына арнаған Жолдауларында еңбек нарығын цифрландыру, жұмыспен қамту орталықтарының жұмысын реформалау, нәтижелі жұмыспен қамту және жаппай кәсіпкерлікті дамыту және тұрғындарды жұмыспен қамтуды арттыру үшін басқа да ауқымды іс шаралар қарастыру бойынша нақты міндеттерді айқындап берді. Яғни, еліміздегі еңбек ресурстарының балансын есепке алудың тиімді әдістемесін әзірлеуді, сондай-ақ еңбек ресурстарының тапшылығы бар өңірлерде Үкіметке көші-қон үдерісін басқару үшін пәрменді шаралар қабылдауды тапсырған болатын. Дәл осы бағытта, 2023 жылдың 1-шілдесінен бастап, Түркістан облысының аудан, қалаларында еңбек мобильділігін қамтамасыз ететін 20 орталық құрылды. Бұған дейін жұмыс істеп тұрған халықты жұмыспен қамту орталықтары, енді мансап орталықтары болып қайта құрылып отыр. Қазіргі таңда, аталған мекемелер «Ұлттық жоба» аясында ұйымдастырылатын жұмыстарды жүзеге асыруда. ҚР Еңбек және халықты әлеуметтік қорғау министрлігі жаңадан құрылған еңбек мобильділігі орталықтарының негізгі қызметін де бекітті. Олар:
— Жұмыс күшіне сұраныс пен ұсынысты талдау, болжау негізінде өңірдің еңбек ресурстарының теңгерімдерін қамтамасыз ету; өңірлік жұмыспен қамту карталарын әзірлеу және оларды жергілікті жерлерде іске асыруды үйлестіру; жұмыспен қамтудың барлық мемлекеттік бағдарламалар мен жеке бастамалар шеңберінде ашылатын жұмыс орындарының құрылуына мониторинг жасау; жұмыспен қамтамасыз ету мақсатында азаматтардың ерікті көші-қонына жәрдемдесу және азаматтарды көшіру бағдарламаларын өңірлік деңгейде үйлестіру; жұмыс іздеуші ретінде жүгінген және жұмыссыз азаматтарды тіркеу; халықты, жергілікті атқарушы органдарды және уәкілеттік мемлекеттік органдарды өңірлік еңбек нарығының жай-күйі туралы хабардар ету.
Қазіргі таңда, Түлкібас ауданында Мемлекет басшысының тапсырмасын жүзеге асыру бағытында нақты іс-шаралар жоспары нақтыланып, тиісті жұмыстар атқарылып келеді. Жергілікті халықты тұрақты жұмыспен қамту үшін жаңа өндіріс орындарын ашу, «Халықтың кірісін арттырудың 2025 жылға дейін бағдарламасын» іске асыру, ауданға инвестициялық жобаларды тарту, шағын және орта бизнесті дамыту бағыты да басты назарда. Түлкібас ауданының туристік әлеуеті де өте жоғары. Аудандық Мансап орталығының басшысы мемлекет осындай қолдауларды жасап жатқанда, азаматтар еңбек етуге ұмтылуы керек екенін айтады.
— «Біздің ауданда еңбек етемін деген тұрғындарға, яғни қос қолға бір күрек табылады. Шағын кәсіп, ауылшаруашлығымен айналысу, туризм бағытында қызмет көрсету бойынша да ауданның әлеуеті жоғары. Сондықтан, мемлекет қолдап тұрғанда, жастардың өсуіне көмек көрсетіп тұрғанда, қолдан келгеннің бәрін жасауға міндеттіміз. Біз, барынша көмектесуге, жол көрсетуге дайынбыз. Орталықтың негізгі мақсаты «Ұлттық жоба» арқылы халықты нәтижелі жұмыспен қамтуға жәрдемдесу және азаматтарды кәсіпкерлікке тарту болып табылады. Бұл орталық жұмыссыз азаматтарды есепке тіркейді, жұмысынан айырылған жағдайда әлеуметтік төлем тағайындау үшін қажетті құжаттарды қабылдайды. Жұмыссыздарды тұрақты жұмыс орындарына жұмысқа орналасуға жәрдем береді, кейбіріне уақытша жұмыс орындарын ұсынады. Еңбек нарығында сұранысқа ие мамандықтар бойынша қысқа кәсіптік оқытуды ұйымдастырады. Сонымен қатар, әлеуметтік кәсіптік бағдар беру жұмыстарын да қоса атқарады. Азаматтардың барлық санаттарына арналған бос орындар жәрмеңкесін және халық арасында ақпараттық түсіндіру жұмыстарын жүргізеді. Негізі, халықтың басым бөлігі мамандығы бойынша еңбек жалақысы жоғары тұрақты жұмыспен қамтылуды қалайды. Ал, ауылдық жерде қыруар қаржы алып, жалақының жоғары болуы екіталай. Ондай мамандықтар бірен-саран. Сол себепті «маған жалақысы жоғары жұмыс қажет» деу орынсыз. Барға қанағат етіп, жұмысыңды жасап, қосымша кәсіп ашып, оны да талапқа сай жүргізіп отырсаң, соның өзі бақыт деп білемін», — дейді Ерсұлтан Байбатшаев.
Айта кетейік, бүгінде электронды еңбек биржасының арнайы сайты бар. Порталдың басты жұмысы- жұмыс іздеу және персоналды іріктеуге жәрдемдесу үшін мүмкіндіктерді қамтамасыз ететін жұмысқа орналастыру бойынша бірыңғай цифрлық алаң болып табылады. Енді, жұмыс беруші өзінің бос жұмыс орны туралы ақпаратты электронды еңбек биржасында жеке кабинеті арқылы беріп, бос жұмыс орындар бойынша мәліметтерді ұсыну туралы міндетті заңнама қағидаттарының іске асырылуын жеңілдетеді. Жалпы, Enbek.kz электрондық еңбек биржасы арқылы Ұлттық жобалардың бірыңғай платформасында жұмыс орнын табуға көмектеседі. Сондай-ақ, жұмыс іздеушілер жұмыспен қамтудың белсенді шараларына қатысуға өтінім бере алады.
«Дипломмен — ауылға!» бағдарламасы тек жастарға, жоғары оқу орнының түлектеріне арналған жоба емес. Бағдарламаға қатысу үшін жап-жас болу, университет немесе институт бітіру міндет емес. Маманның жас ерекшелігінде шектеу жоқ. Маманның оқуды қашан аяқтағаны да маңызды емес. Ең бастысы, ауылды көркейтуге үлес қосуды мақсат етіп, ауыл үшін қызмет жасағысы келетін әлеуметтік саланың маманы болуы тиіс. Нақтырақ айтқанда, денсаулық сақтау, білім беру, әлеуметтік қамсыздандыру, мәдениет, спорт саласының және мал дәрігері маманы бағдарламаға қатыса алады. Бүгінде, «Дипломмен — ауылға!» бағдарламасы аясында мамандар үшін мемлекет тарапынан көп мүмкіндік, үлкен қолдау, көмек беріліп жатыр. Түркістан облысы Түлкібас ауданында да дәл осы мемлекеттік бағдарламаның жемісін көріп жатқан азаматтар бар. Солардың бірі — Исмайлов Тоқтар Тәжітайұлы. Ол Түлкібас ауданы №1 балалар мен жасөспірімдер мектебінде белбеу күресі бойынша жаттықтырушы болып жұмыс атқаруда. 2014 жылы «Халықтар достығы» университетінің «Дене шынықтыру және спорт» мамандығы бойынша диплом алған. Дипломмен ауылға бағдарламасы арқылы өз мамандығы бойынша жұмыс жасауда.
Сондай-ақ, Түлкібас ауданы «Түлкібас агробизнес және саяхат» колледжінде жұмыс атқарып жатқан Дәурен Досанұлы, бүгінде ұжымда беделді, үздік қызметкерлердің бірі және бөлімше меңгерушісі . Ол, Алматы қаласы Қ.Сәтбаев атындағы»Қазақ ұлттық техникалық зерттеу университетінде «Радиотехника электроника және телекоммуникациялар » мамандығы бойынша диплом алған.
“Дипломмен ауылға” бағдарламасы аясында, биыл Түлкібас ауданы Азаттық ауылы “Азаттық” дәрігерлік амбулаториясына жұмысқа қабылданған Мейрбек Жанерке Қанатбекқызы, 2021 жылы Астана медицина университетінің “Интернатура” факультатетін тәмәмдаған. Енді туған жерге келіп, дипломмен ауылға бағдарламасы арқылы жалпы тәжірибелі дәрігер болып жұмысқа орналасты.
Дипломмен-ауылға бағдарламасына қатысушылардың тағы бірі, Балтабай Ердаулет Махамбетқалиұлы. 2011-2018 жылдары «Астана медицина университетінде», «жалпы медицина» мамандығы бойынша білім алған. Қазіргі уақытта «Түлкібас ауданы орталық ауруханасында» «Жансақтау» бөлімінде, реаниматолог — анестезиолог дәрігері болып, өз мамандығы бойынша жұмыс жасауда.
Ал, Нағашбек Меруерт Бахытқызы Түлкібас аудандық орталық ауруханасының терапия бөлімінің меңгерушісі. 1989 жылы дүниеге келген. 2016 жылы Халықаралық қазақ-түрік университетінің медицина факультетін тәмамдап, Түлкібас аудандық орталық ауруханасына жұмысқа орналасқан. Дипломмен ауылға бағдарламасы бойынша бірреттік жәрдемақы алып, сонымен қатар баспаналы болған.
Усербай Асхат Әбделіұлы. 2011 жылы «Қарағанды медицина университетіне » түсіп, 2018 жылы «Қазақ медициналық үздіксіз білім беру университетін» тәмамдап, «анестезиология және реанимация» мамандығы бойынша диплом алған. 2020 жылы «Дипломмен ауылға бағдарламасы» бойынша «Түлкібас аудандық орталық ауруханасында» Анестезиолог-реаниматолог дәрігері болып, өз мамандығы бойынша жұмыс жасауда.
Жалпы, жоғарғы оқу орнын аяқтап, мамандық иесі атанған азаматтардың басым бөлігі дәл осы бағдарламаның жемісін көріп келеді. Дипломмен ауылға келген мамандарға мемлекет тарапынан қашанда қолдау бар. Сондай-ақ, жұмысқа қабылданған қызметкерлерде еңбек адамы болып қалыптасып, туған жерін түлетуге өз септігін тигізіп жатыр.
